1051_Cov.jpg
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1051
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
စစ်ကိုကြိုက်၍ တိုက်သူများ

စစ်ဆိုသည်မှာ အဆိုးတရားများ အနိဋ္ဌာရုံများဖြင့် ပြည့်နှက်လျက်ရှိကြောင်း အထူးဆိုဖွယ်ရာမရှိ။  စစ်ကြောင့် ကလေးသူငယ်များပါမကျန် အပြစ်မဲ့ပြည်သူများ သေကျေပျက်စီး အိုးမဲ့အိမ်မဲ့နှင့်အတိ ဒုက္ခရောက်ကြရသည်။

စစ်ကြောင့် နိုင်ငံတစ်နိုင်ငံ၏ စီးပွားရေး၊ ကျန်းမာရေး၊ ပညာရေး စသည့်အရေးကြီးသည့် ကဏ္ဍများ ယိုယွင်းချည့်နဲ့သွားကြရသည်။

နောက်ဆုံးတော့ စစ်ကြောင့်ပင် ထိုစစ်ဖြစ်ရာဒေသရှိ လူထုတစ်ခုလုံး၏ စိတ်ဓာတ်ရေးရာများ အနည်းနှင့် အများ ပျက်ပြားကာ အခြားဖွံ့ဖြိုးတိုးတက်ပြီး စစ်ကင်းမဲ့သည့် တိုင်း ပြည်များနှင့်ယှဉ်လျှင် စစ်ဖြစ်နေသော တိုင်းပြည်မှ လူများမှာ လူစဉ်မမှီရုံတင်မက စိတ်စဉ်မမှီဖြစ်လာ တတ်ကြသည်ဟုပင် ဆိုရမလို ဖြစ် နေသည်။

ထို့ကြောင့် စစ်ပွဲတစ်ခုဖြစ်လာ လျှင်အမြန်ဆုံး အဆုံးသတ်နိုင်အောင် ဝိုင်းဝန်းကြိုးပမ်းလေ့ရှိကြ သည်။

ထိုသို့ စစ်ပွဲတစ်ခု အဆုံးသတ်အောင် ကြိုးပမ်းကြရာတွင် စေ့စပ်ဆွေးနွေးခြင်း၊ အပစ်အခတ်ရပ်စဲကာ နားလည်မှု တည်ဆောက်ခြင်း၊ ကမ္ဘာ့ကုလသမဂ္ဂ စသည့် ကြားနေအဖွဲ့အစည်းများက ကြားဝင် ဖျန်ဖြေခြင်းစသည့် နည်းလမ်းပေါင်းများစွာဖြင့်  ငြိမ်းချမ်းရေးကို ပြန်လည်တည် ဆောက်ရန် ကြိုးပမ်းလေ့ရှိကြသည်။ ထိုသို့ စစ်ကိုရပ်စဲရန် ကြိုးပမ်းမှုများတွင်  အရှုံးအနိုင် အပြတ်တိုက်ပြီး စစ်ကို အဆုံးသတ်မည်ဟူသော အယူအဆတစ်ခုလည်း အပါအဝင်ဖြစ်သည်။

ထိုနည်းလမ်းသည် စစ်တစ်ခုပြီးဆုံးရန် အားထုတ်သည့် နည်းလမ်းများထဲမှ တစ်ခုဖြစ်သည်မှာ မှန်သော်လည်း အသေအကျေ အပျက်အစီး အများဆုံးနှင့် ပြည်တွင်းစစ်ကဲ့သို့ ဒေသခံပြည်သူများ အနည်းနှင့်အများ ပါဝင်ပတ်သက်နေသော စစ်ပွဲများတွင် စစ်နှင့်တိုက်ရိုက်မသက်ဆိုင်သည့် ပြည်သူလူထု ဒုက္ခအရောက်ဆုံး နည်းလမ်းတစ်ခုဟု ဆိုရမည်ဖြစ်သည်။       

ထို့အပြင် နှစ်ပေါင်းဆယ်စုနှစ်များစွာတိုင်အောင် ကိုယ့်ရှေ့မှ   စစ်ခေါင်းဆောင် အသီးသီးတို့  အရှုံး အနိုင် မဆုံးဖြတ်နိုင်ပဲ နှစ်ပေါင်းများစွာ တိုက်ခဲ့ကြရသောကြောင့် ဆင်းရဲတွင်းနက်သထက်မက နက် နေချိန်မျိုးတွင် အနိုင်တိုက်၍ စစ်ကိုအဆုံးသတ်မည်ဆိုသော အယူအဆမှာ မေးခွန်းထုတ်စရာရှိသော အယူ အဆတစ်ရပ်ဖြစ်သည်။

ထိုအယူအဆကို အခြေခံသလားတော့ မပြောတတ်။ စစ်ကိုမုန်း၍ တိုက်ခဲ့သည်ဆိုသည့် ရုပ်ရှင်အမည် တစ်ခုကိုတွေ့မိသည်။ ထိုရုပ်ရှင်ကို မကြည့်ဘဲ အကောင်းအဆိုးမဝေဖန်လို။

အမုန်းတရားကြောင့်ဖြစ်တည်လာသော စစ်ကို အမုန်းတရားထပ်တိုးကာ တိုက်မည်ဆိုပါလျှင် ငြိမ်း ချမ်းနိုင်ခြေ၊ စစ်ပွဲတစ်ခု အဆုံးသတ် နိုင်ခြေ နည်းပါးသည်ဟုသာ မြင်မိပါသည်။

စစ်ပွဲတစ်ခုကို အဆုံးသတ်ရန် ကြိုးပမ်းရာ၌ ထိုစစ်၏ဖြစ်ရခြင်း အကြောင်းအရင်းကိုလည်း နားလည် ရန်လိုအပ်သည်။ စစ်ပွဲတိုင်းတွင် ဖြစ်ရခြင်းအကြောင်းအရင်း တစ်ခုထက်မနည်း ရှိတတ်သည်။ နယ်မြေ၊ နယ်နိမိတ် ပဋိပက္ခကြောင့်လား၊ စီးပွားရေး အခွင့်အလမ်းကြောင့်လား၊ မိမိတို့ လူမျိုးစု လွတ်လပ်လိုမှုများကြောင့်လား၊ အငြင်းပွားဖွယ် အကြောင်းကိစ္စတစ်ခုခုကြောင့်လား၊ လက်ရှိပြဿနာတစ်ခုကို ထွက်ပေါက်ရှာလိုမှုကြောင့်လား စသည်ဖြင့် အမျိုးမျိုးရှိနိုင်သည်။

မည်သည့်အကြောင်းကြောင့် ပင်ဖြစ်စေ၊ စစ်ဖြစ်နေသော ဒေသရှိပြည်သူများ စစ်ကိုတကယ်တိုက်နေ ကြရသော နှစ်ဖက်စစ်သည်များအဖို့ ထိုစစ်ကို ပြီးဆုံးသွားစေချင်သော ဆန္ဒရှိမည်မှာ ယုံမှားသံသယူရှိစရာမလို။ ထို့ကြောင့်လည်း ဘာကြောင့် ဖြစ်သည့် စစ်ဖြစ်ဖြစ် အမြန်ဆုံးပြီး အောင် နည်းလမ်းမျိုးစုံဖြင့် ကြိုးပမ်းအားထုတ်ကြလေ့ရှိခြင်းပင်ဖြစ်သည်။                ထိုသို့ အားထုတ်သည့်အ လျောက်လည်း  ကမ္ဘာမှာ ယခုအချိန်တွင် စစ်ပွဲများ အရင်ထက်စာလျှင် နည်းသထက် နည်းလာခဲ့သည်ကို တွေ့ရသည်။      

သို့သော် အဆုံးသတ်ရန် အလွန်ခက်ခဲသော စစ်တစ်မျိုးတော့ ရှိသည်။ ထိုစစ်မှာ 'စစ်ကို ကြိုက်လို့ တိုက်သောစစ်'ဖြစ်သည်။ စစ်ဖြစ်လျှင် အများစု အကျိုးမဲ့သော်လည်း ထိုလူတစ်စုတို့ စီးပွားရေး အမြတ်ထွက်မှု၊ နိုင်ငံရေးသြဇာလွှမ်းမိုးထား လိုမှု၊ မိမိတို့ကျူးလွန်ခဲ့သည့် နိုင်ငံရေး ရာဇဝတ်မှုများကို ဖုံးကွယ်လိုမှု အစရှိသည့် အကြောင်းများကြောင့် စစ်ကိုကြိုက်၍  တိုက်စေချင်သူများလည်း ရှိကြောင်း သတိချပ်ကြရမည် ဖြစ်သည်။      

ကျွန်တော်တို့ နိုင်ငံသည်လည်း ကမ္ဘာတွင် Longest internal conflict ဆိုပြီး ကမ္ဘာ့ အရှည်ကြာဆုံး နိုင်ငံတွင်းစစ်ပွဲရှိရာ နိုင်ငံဟူ၍ နာမည်ဆိုးနှင့် ကျော်ကြားနေခြင်းမှာ ရှည်ကြာစွာ တိုင်းရင်းသားအချင်းချင်း တိုက်ခိုက်နေကြသောကြောင့်ဖြစ်ပြီး တိုင်းပြည် ဖွံ့ဖြိုးတိုးတက်မှုတွင်လည်း အခြားနိုင်ငံများ၏ နောက်တွင် အဆပေါင်းများစွာ ပြတ်ကျန်ခဲ့ပြီဖြစ်သည်။ စစ်ပွဲများကြောင့် ဘယ်ဘက်ကသေသေ ကိုယ့်တိုင်းရင်းသားများသာ ဆုံးရှုံးကြသည်။ စစ်ပွဲကြောင့် ဘယ်ဘက်ကကုန်ကုန် စစ်ကြောင့် ကုန်ကျသော အသုံးစရိတ်များမှာ နိုင်ငံ၏သယံဇာတများ၊ နိုင်ငံဖွံ့ဖြိုးရေးလုပ်ငန်းများတွင် အသုံးပြုရမည့် နိုင်ငံ့ဘဏ္ဍာများပင်ဖြစ်သည်။

အခြားတိုးတက်နေသော နိုင်ငံတွေကို ဘယ်နှနှစ်အတွင်း ကျော်အောင်လုပ်မည်ဟု ကြွေးကြော်လိုပါလျှင် ထိုနိုင်ငံများက မင်းတို့စစ်ဖြစ်နေတာကိုပဲ ပြီးအောင်လုပ်ပါဦးကွာဟု ပြန်ပြောပေလိမ့်မည်။ အဘယ်ကြောင့်ဆိုသော် စစ်သည် နိုင်ငံတစ်နိုင်ငံကို စီးပွားရေးအရ ခြွတ်ခြုံကျ စေသည်။ စစ်သည် နိုင်ငံသားတို့၏ စိတ်ဓာတ်နှင့် ပညာရေးတို့ကို အောက်တန်းကျစေသည်။ စစ်သည် ကျန်းမာရေးချည့်နဲ့ကာ အားအင်မဖွံ့ဖြိုးသောနိုင်ငံသားတို့ကို မွေးထုတ်ပေးသည်။ စစ်သည်နိုင်ငံခြားငွေဖြည့် တင်းပေးမည့် ကမ္ဘာလှည့်ခရီးသည် တို့ကိုခြောက်လှန့်မောင်းထုတ်လေ့ရှိ သည်။  ထိုအရာများနှင့် ကျွန်တော်တို့ မည်ကဲ့သို့ ကမ္ဘာနှင့် ရင်ပေါင်တန်းနိုင်ပါမည်နည်း။

လက်ရှိ ဒေါ်အောင်ဆန်းစုကြည် ဦးဆောင်သော အစိုးရသည် ဤ အချက်တို့ကို ကောင်းစွာနားလည် သဘောပေါက်ပုံပေါ်ပါသည်။ ထို့ကြောင့်လည်း တစ်နိုင်ငံလုံးဆိုင်ရာ အပစ်အခတ်ရပ်စဲရေးကို အားထည့် ကာလုပ်ဆောင်နေသည်ကို တွေ့ရသည်။

စစ်ဖြစ်ခြင်းကိုရပ်အောင် လုပ်ရာတွင်စစ်မရှိလျှင် မည်သည့်အရာတွေ တိုးတက်ဖွံ့ဖြိုးသာယာနိုင်သည်ကို မြင်တတ်အောင် တွေးတော ပုံဖော်ကြည့်နိုင်စွမ်းရှိဖို့လည်း လိုပါ သည်။ ထိုအတွေးအပေါ် ယုံကြည်မှုအပြည့်အဝရှိရန်လည်းလိုမည်။ ငြိမ်းချမ်းရေးကို အထောက်အကူဖြစ်စေမည့် မည်သည့်အလုပ်မဆို နိုင်ငံ သားတိုင်းက ကိုယ်တတ်နိုင်သည့်ဘက်က ပါဝင်တည်ဆောက်ကြဖို့လည်း လိုမည်ဖြစ်သည်။

ကျွန်တော်တို့ နိုင်ငံအတွက် စစ်ပွဲများ အဆုံးသတ်ရန် နောက်ထပ် အရေးအကြီးဆုံးသော အရာတစ်ခု မှာ ''စစ်ကို ကြိုက်၍ တိုက်သူများ'' ပပျောက်ဖို့လည်းလိုမည်ဖြစ်သည်။

ဇင်မြင့်

ဇင်မြင့်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.