1051_Cov.jpg
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1051
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
ကျေးဇူးတင်ထိုက်သူများ

မြန်မာတွေ စည်းကမ်းဖောက်လို့   

ဒီဆောင်းပါးဟာ ကျေးဇူးတင်ထိုက်သူများကို သတိတရရေးတာပါ။ ကျွန်တော်ရေးသားတဲ့အခါ အစွန်းရောက်သွားတာ ရှိရင်လည်း ခွင့်လွှတ်ပါ။

ကျေးဇူးတင်တာကောင်းပါတယ်။ တစ်ခါတစ်ခါ ကျေးဇူးရှိတယ်ဆိုပြီး ပါးလျက်နားလျက်လုပ်တာ မကောင်းပါ။

အချုပ်တန်းဆရာဖေတောင် မြန်မာတွေ စည်းကမ်းဖောက်လို့ဆိုတဲ့ တေးထပ်ထဲမှာ

''ကုလားမြင် သူ့အမေရိုးတော့မလိုပ

ခုမြေရှိုး ပုန်းရှောင်

        မိုက်မနော် ပြုမဟေးတို့က

        သူ့ပထွေးတော့ ခွေးသို့မဟောင်၊

        ပြောရော့ဟဲ့ ရာဇဝင်ပြောင်အောင်

        ဆာသင်တောင် ဒူးချလို့

        ပလူးရ ပြေးကျို့ကာ ခွေးသို့ပမာ

        တွေးမိတိုင်း အရိုးနာသည်အမျိုးပါ ဆဲချင်တော့လေး'' လို့ ရေးထားတာကို ကြားဖူးပါတယ်။

        မိမိအတွက် အကျိုးပြုတာကို ကျေးဇူးတင်တာတော့တင်ပါ။

        သို့သော် သတိထားပါ။

 

ကောက်ရိုးစားမလား မြက်စားမလား

အင်္ဂလိပ် ကိုလိုနီလက်အောက် ကျရောက်စဉ်က အားလုံးဒုက္ခရောက်သည်မှာ အသေအချာပါ။

သို့သော် ကောက်ရိုးတစ်မျှင် မြက်တစ်ပင်မျှကိုဆွဲပြီး အသက်ရှင်ရေးကို ဆောင်ရွက်ရတာပါ။

ဒီမြက်တွေ၊ ကောက်ရိုးတွေကို ကျေးဇူးတင်ပါတယ်။

သို့သော်  လူဟာ နွားတော့မဟုတ်ပါဘူး။

ကောက်ရိုးမြက်စားပြီး သခင်ကို ကျေးဇူးသိနေတယ်ဆိုတာ တော့ မဟုတ်သေးပါဘူး။

ကျွန်တော့် သူငယ်ချင်းတစ်ယောက်ရဲ့ဖခင်ဟာ နိုင်ငံခြားရေးဝန်ကြီးရုံး MOFA မှာ အလုပ်လုပ်တယ်။

ထိုရုံးက သူ့အဖေအား ပါမစ်တစ်စောင်ပေးလိုက်တယ်။

ကားဝယ်ခွင့်ပေါ့။  သူတို့ မိသားစုကားကို ထက်ဝက်ဈေးလောက်နဲ့ ဝယ်ခွင့်ရတယ်။ ကျေးဇူးတင်စရာကောင်းလိုက်တာ။

သူတို့ မိသားစု နိုင်ငံခြားရေးဝန်ကြီးရုံး MOFA ရောက်ရင် အဆောက်အအုံ အုတ်ရောင်နီနီကြီးကို လက်အုပ်ချီ ကန်တော့လေ့ရှိတယ်။

 (ခုဟိုတယ်ဖြစ်သွားတဲ့အခါ သူတို့ ဘာလုပ်မလဲမသိပါ။)

တကယ်တော့ ဒီလိုကားအဟောင်းဟာ နိုင်ငံခြားမှာ အမှိုက်ပုံထဲပစ်တယ်။ လေးငါးသိန်းနဲ့ ရောင်းနေတာပဲ။

မြန်မာပြည်သားမို့လို့သာ မစီးရတာပါ။

တကယ်တော့အားလုံး ကိုယ်ပိုင်ကားစီးရတယ်ဆိုရင် အဆင်ပြေပါ့မလား။

ခုလက်တွေ့ပဲ မဟုတ်လား။ ကားတွေများတော့ ခရီးမတွင်ဘူးမဟုတ်လား။

ရန်ကုန်လိုမြို့တွေမှာတော့ ပြည်သူအတွက် သယ်ယူပို့ဆောင်ရေး (Public Transport) က အရေးကြီးလှတယ်။

မင်းတုန်းမင်းကြီး လက်ထက်ကတည်းက နယူးယောက်မှာ မြေအောက်ရထားစနစ် တည်ဆောက်ပြီး စီးခဲ့ပြီဖြစ်တယ်။

အင်္ဂလန်တို့ ဥရောပတို့မှာ မြေအောက်ရထားစနစ်တွေရှိနေတာကြာပြီပဲ။

ကျွန်တော်တို့ကတော့ ကောက်ရိုးတစ်ပင်မြက်တစ်ပင်ရတော့ ဘာလုပ်ချင်လဲ။ ကျေးဇူးတင်စွာ စားချင်သေးတာကိုး။

 

မြေအောက်ရထားစနစ်

မြေအောက်ရထားကို ပေ ၈ဝဝ အောက် ပိုက် Tube နဲ့ လုပ်ရင် အဆင်ပြေပါတယ်။

အင်္ဂလန်မှာလည်းရှိတယ်။ အမေရိကန်တို့၊ ဂျပန်တို့မှာလည်းရှိတယ်။

ထိုင်းမှာလည်းရှိတယ်။ စင်ကာပူမှာလည်းရှိတာပဲ။

မြေအောက်ရထားစနစ် ဘယ်လောက်ကောင်းထားလဲ။

တောင်ဥက္ကလာကနေ ရန်ကုန်ကို လာမယ်ဆိုပါတော့။ ဘူတာကြီးရောက်မယ်။ ဆက်သွားရင် သိမ်ကြီးဈေးသွားလို့ရမယ်။      

ဗိုလ်ချုပ်ဈေးသွားလို့ရမယ်။ ဒါမှမဟုတ် ညောင်ပင်လေးဈေးသွားလို့ရမယ်။

ဒီလိုသွားတဲ့အခါ ဈေးအောက်ကို ရထားရောက်သွားမယ်။ စက်လှေကားနဲ့ တက်သွားရင် ဈေးထဲကို ဒက် ထိပဲပေါ့။

ဒီအတိုင်းပဲ ဒဂုံ(၁)ကျောင်းကို သွားချင်လား။ အာရှပလာဇာကိုပဲ သွားချင်လား။ အောက်ထဲရောက် အောင် ရထားကပို့ပေးတာပဲ။

ရထားတွေက သုံးမိနစ်တစ်စီး ထွက်နေတယ်။ ရန်ကုန်လေဆိပ်ကို  သွားချင်လား၊ လှိုင်သာယာအဝေးပြေး ဂိတ်ကို သွားချင်လား။

အောင်မင်္ဂလာအဝေးပြေးဂိတ်တွေကိုသွားဖို့ မြေအောက်နဲ့ မြေပေါ်တွဲလျက်ရထားတွေ ပေါမှပေါ။

ဒလမြို့ကို မြစ်ကူးတံတားပြီးနေတဲ့အချိန်မှာ မြစ်အောက်က ဒလကိုသွားလို့ရသလို သန်လျင်ကိုလည်း မြေအောက်က သွားလို့ရမယ်လေ။

လှိုင်သာယာ၊ ဘုရင့်နောင်ဈေး၊ ယနေ့ကားတွေ ကျပ်တဲ့နေရာတွေကို ကားစီးသွားစရာ မလိုတော့ဘူး။

ဒါဟာ ပြည်သူ့သယ်ယူပို့ဆောင်ရေးစနစ် (Public Transport) ပါပဲ။ YBS စီးချင်သူလည်းစီးပေါ့။ အဆင် ပြေပါတယ်။

(စိတ်ကူးယဉ်တာကို ပြောတာပါ)

 

အစိုးရက ရှုံးရမလား

ပုဂ္ဂလိကတွေကို ပေးလိုက်ပေါ့။  သူတိုရှုံးရင် အစိုးရကစိုက်ပြီး ကူညီပေါ့။

အမေရိကန် ပြည်ထောင်စု အိုင်အိုဝါမြို့မှာ ပြည်သူတွေ ဘတ်စ်ကားအခမဲ့စီးခွင့်ရတယ်။

မလေးရှားမှာလည်း ကွာလာလာမ်ပူမှာ အခမဲ့ Public Transport တွေရှိတယ်။ ထိုင်းနိုင်ငံ ဘန်ကောက်မြို့မှာလည်း ရေကြောင်းနဲ့ ကောင်းကင်ရထားတွေကို အခမဲ့စနစ်ပြုလုပ် ဖူးပါတယ်။

ဂျပန်နိုင်ငံကို တိုကျိုက မြေအောက်ရထားစနစ်ကလည်း အင်မတန် အဆင်ပြေတယ်။ ဒီလိုစနစ်မျိုး စင်ကာပူမှာရှိတယ်။

အခမဲ့တော့ မစီးရဘူး။ ဒါပေမယ့် ခရီးတွင်တယ်။

သူတို့ဆီမှာ ဒီလောက်ကောင်းရင်  ကျွန်တော်တို့ဆီလည်း လိုတာပဲပေါ့။

(မှတ်ချက်။  ။ မကြာသေးမီက  ရန်ကုန်မြို့တော်ဝန်က မြေအောက်မြို့တော်ပြုလုပ်မယ်ပြောတော့ ရယ်ကြပါတယ်။ သရော်တာတွေ အများကြီးကြားရတယ်။ တကယ်တော့ ဒီလိုစိတ်ကူးယဉ်တာတွေ ကောင်းပါတယ်။ စိတ်ကူးယဉ်ခွင့်လည်းရှိပါတယ်။  မဖြစ်နိုင်ဘူးဆိုတာ မရှိပါဘူး။ ဒါပေမယ့် ဘယ်ဟာကို ဦးစားပေးရမယ်ဆိုတာတော့ ရှိပါတယ်။)

လျှပ်စစ်ဓာတ်

မြန်မာပြည်မှာ ပြဿနာအဖြစ်ဆုံးက လျှပ်စစ်ဓာတ်ပါ။ ၁၈၈ဝ ခုနှစ်က သောမတ်စ်အက်ဒီဆင် လျှပ်စစ်မီးသီးတွေကို တီထွင်နိုင်ခဲ့တယ်။

ညကို  နေ့ဖြစ်လာစေတယ်။ သောမတ်အက်ဒီဆင်က ၁၈၈၁ ခုနှစ်မှာ လျှပ်စစ်ကွန်ရက်တွေကိုစ ခဲ့တယ်။

ကုမ္ပဏီတွေ အိမ်တွေမှာ လျှပ်စစ်ယူဖို့ မားကတ်တင်းခန့်ပြီး အကြီးအကျယ် ကြိုးစားခဲ့ရတယ်။

နောက်ဆုံး အောင်မြင်ခဲ့ပါတယ်။

ကျွန်တော်တို့ ငယ်ငယ်ကတည်းက မြန်မာပြည်က အချို့သော မြို့တွေမှာ လျှပ်စစ်ဓာတ်ရတယ်။

ကျွန်တော်တို့ ဘီလူးကျွန်း ဘုရားကြီးကုန်းမှာ ညစဉ် ၉ နာရီထိ လျှပ်စစ်မီးရပါတယ်။ ရုပ်ရှင်ပြတဲ့ ညဆိုရင်ပိုရတယ်။

ဒါပေမယ့် လွတ်လပ်ရေးရပြီး လောပီတဓာတ်အားပေးစက်ရုံပြီးတော့ မြန်မာတွေဟာ တပျော်တပါး လျှပ်စစ်ကို သုံးခဲ့တယ်။

ဒါပေမယ့် နောက်ပိုင်း ဦးနေဝင်းအာဏာသိမ်းပြီးတဲ့နောက်  တဖြည်းဖြည်း လျှပ်စစ်မီးတွေ မမှန်တော့ဘူး။

အလှည့်ကျပေးတာတွေရှိတယ်။  လုံးဝမလာတော့တာလည်းရှိတယ်။

မြန်မာပြည်က လျှပ်စစ်ဝန်ကြီး တစ်ပါးက မြန်မာနိုင်ငံမှာ မဂ္ဂါဝပ် ၁၅ဝဝ သာလိုတယ်လို့ ပြောဖူးပါ တယ်။

နိုင်ငံတကာမှာ အီလက်ထရွန်းနစ် ထွန်းကားတဲ့အချိန်မှာ မြန်မာအနေနဲ့က လျှပ်စစ်ကိုတောင် အ ပြည့်အဝမရခဲ့ကြဘူး။

၂ဝ၂ဝ မှာ လျှပ်စစ်အပြည့်အဝ ရတဲ့အခါတွေမှာ  အသေအချာလုပ်ရမယ့် အရာတွေထဲမှာ Public Transport တွေ ထိပ်ဆုံးကပေါ့။

ခုလျှပ်စစ်စီမံကိန်းကတော့  မဂ္ဂါဝပ် ၃ဝဝဝ ကျော်ထွက်မှာဖြစ်တယ်။ မူလ ၁၅ဝဝ မဂ္ဂါဝပ်နဲ့ဆိုရင်  လျှပ်စစ်ဓာတ် အလျှံအပယ်ထွက်လာမှာပါ။

ဒီတော့ ကျွန်တော်တို့ အငြင်းပွားနေတဲ့ ကျောက်မီးသွေး စက်ရုံကိစ္စတွေတော့ ငြိမ်းသွားမယ်ထင် တယ်။

မြစ်ဆုံကို သတိရတယ်။ မြစ်ဆုံကတော့ နိုင်ငံခြားနဲ့ဖြစ်တဲ့ ပြဿနာဆိုတော့ ခေါင်းဆောင်တွေ ဆွေးနွေးဆုံးဖြတ်မှာပါပဲ။

မကြေလည်တာကတော့ ဘိလပ်မြေစက်ရုံလို စက်ရုံတွေက ကျောက် မီးသွေးသုံးတာပါပဲ။

လျှပ်စစ်ဓာတ်အား အသုံးများတဲ့ ဘိလပ်မြေစက်ရုံတို့ သံမဏိစက်ရုံတို့မှာ ကျောက်မီးသွေးသုံးတာကို သတိထားမိကြပါလိမ့်မယ်။

အပူကို တိုက်ရိုက်ရယူသုံးစွဲတဲ့ စက်ရုံတွေဟာ ကျောက်မီးသွေးသုံးမယ်ဆိုရင် အထူးဂရုစိုက်ဖို့လိုတယ်။

သဘာဝပတ်ဝန်းကျင်ကို ထိခိုက်တာတွေကို ယနေ့ကစပြီး ရှောင်ဖို့ ကြိုးစားသင့်တယ်။

အထူးသဖြင့် နိုင်ငံခြားမှ စက်အဟောင်းများကို သယ်ယူလာပြီး လုပ်ကိုင်တာမျိုးကိုတော့ အထူး ရှောင်ရှားသင့်တယ်။

 

နိဂုံး

လျှပ်စစ်ဓာတ်လုံလောက်စွာ ရရင် ဘာလုပ်ကြမလဲ။

စိုးလျှပ်စစ်က ဦးစိုးတင့် (ကွယ်လွန်)ကတော့ ထရန်စဖော်မာတွေပတ်ကာ  ချမ်းသာလာပါတယ်။ ဒီ ထရန်စဖော်မာတွေအတွက်ကြေးကို လက်ပံတောင်းတောင်ကနေရတာ ဖြစ်တယ်။

မြန်မာအတွက် ခွဲတမ်းကတစ်ဆင့်ရတာပါပဲ။

၁ဝ ရာခိုင်နှုန်းမျှသော ကြေးနီနဲ့ ပညာပေါင်းစပ်လိုက်တော့ တန်ဖိုး အများကြီးမြင့်သွားပါတယ်။ သူက ပေးကမ်းစွန့်ကြဲ လှူဒါန်းမှုတွေအများကြီး လုပ်သွားနိုင်တယ်။ ဒါဆိုရင် တရုတ်ကယူသွားတဲ့ ၉ဝ ရာခိုင်နှုန်းသော ကြေးနီတွေကို ဒီလိုပဲ ပြည်တွင်းမှ တန်ဖိုးမြှင့်တဲ့ပစ္စည်း (Value Added Products) တွေလုပ်ရင် မကောင်းဘူးလား။

အလုပ်တွေလည်းရလာမယ်။  ဝင်ငွေတွေလည်း တိုးလာမှာပေါ့။

ဥပမာ-ကျွန်တော်တို့ သုံးနေတဲ့ SIM Card ဆိုတာ ကြေးနီနည်းနည်း လေးပဲပါတာပဲ။ ဒါပေမယ့် သူ့ကို ပညာနဲ့ပေါင်းလိုက်ပြီး စကားပြောလို့ရတဲ့ စဖတ်ဖုန်းတွေနဲ့ တွဲသုံးလိုက်တော့ တန်ဖိုးမြင့်လာတာပေါ့။

လျှပ်စစ်ဓာတ်ရရင် ဝမ်းတွင်းက ချည်ထည်စက်ရုံတွေကောင်းကောင်း လည်ပတ်လို့ရမှာပေါ့။

ဒီအခါ တရုတ်ကဝင်လာတဲ့ အထည်တွေကို ယှဉ်ပြိုင်လာနိုင်မှာပေါ့။

စပါးတွေကို တိုက်ရိုက်ခြွေသိမ်းတဲ့ တလင်းလွတ်စနစ်မှာ အခြောက်ခံစက်တွေလိုလာမှာပေါ့။ လျှပ်စစ် ဓာတ်ဟာ လက်ရှိစက်ရုံတွေကို အကူအညီပေးနိုင်သလို နောက်ထပ်တိုးချဲ့တဲ့ စက်ရုံတွေကိုလည်း ပံ့ပိုးနိုင်မှာပါပဲ။

အထည်ချုပ်စက်ရုံတွေ စရိတ်စက လျော့ကျလာရင် လုပ်ခလစာ တွေတိုးပေးလို့ရတာပဲ။

အစိုးရအနေနဲ့ ပြည်သူကို မျက်နှာမူရင် ကျေးဇူးတင်ထိုက်သူစာရင်းမှာ ထိပ်ဆုံးကပါဝင်လာမှာ မလွဲပါဘူး။ ပြည်သူတွေနဲ့အစိုးရ တစ်ဦးကိုတစ်ဦး လေးစားကြတဲ့ နိုင်ငံသားကောင်းတွေဖြစ်လာစေဖို့ မျှော်လင့်ပါတယ်။

ဒေါက်တာခင်မောင်ညို

ဒေါက်တာခင်မောင်ညို
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.