1051_Cov.jpg
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1051
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
မတူကွဲပြား စဉ်းစားစရာများ

ယခု ၂ဝ၁၈ ခုနှစ် နှစ်ဆန်းဖြစ်တဲ့ ဇန်နဝါရီလမှာ ဟောပြောပွဲ နှစ်ပွဲသွားဖြစ်ခဲ့တယ်။

ဟောပြောပွဲတစ်ပွဲကတော့ ကြံခင်းမှာဖြစ်ပြီး နောက်တစ်ပွဲကတော့ ကျွဲပွဲမြို့နယ် ဗောဓိကုန်းမှာဖြစ်တယ်။

ကြံခင်းကပွဲကတော့ စာကြည့်တိုက်နဲ့ လူမှုရေးအသင်းရုံးခန်းဖွင့်ပွဲမှာဖြစ်တယ်။ ကျွဲပွဲဗောဓိကုန်းမှာကတော့ နှစ်ပတ် လည်ပြုလုပ်တဲ့ စာပေဆုတွေပေးတယ်။ ဖျော်ဖြေရေးနဲ့ အကတွေပါဝင်တဲ့ပွဲပါပဲ။

ဒီနှစ်တော့ ချမ်းချမ်းစီးစီးရှိတဲ့ ကွင်းတွေထဲမှာ ဟောရပါတယ်။ ဗောဓိကုန်းမှာ ပထမဟောပြောတဲ့ ဆရာကောင်းသန့် ဟောပြောနေချိန်မှာ ချမ်းလွန်းလို့ ကားထဲဝင်ထိုင်နေရပါတယ်။

မြန်မာပြည်ရဲ့ ထုံးစံအတိုင်း ဟောပြောပွဲတွေကို စာပေဟောပြောပွဲလို့ အမည်တပ်ပြီး ဟောချင်တာဟောကြတာပါပဲ။ ဒီဆောင်းပါးမှာတော့ ဟောပြောပွဲအကြောင်း ဆွေးနွေးတာထက် Debate အကြောင်း ဆွေးနွေးသွားမှာဖြစ်တယ်။

ဘာကြောင့်လဲဆိုတော့ ဟောပြောပွဲကို ကျွန်တော်က အကြိမ်ပေါင်း များစွာကြုံဆုံခဲ့တာဖြစ်ပြီး Debate ကိုတော့  ခုအကြိမ်ဟာ ကျွန်တော့်အတွက် ပထမဆုံးအကြိမ်ဖြစ်တယ်။

ပြည်မြို့မှာ ရိုက်ကူးတဲ့ မတူကွဲပြားစကားစစ်ထိုးခြင်းဆိုတဲ့ (DVB Debate) အစီအစဉ်မှာ ပါဝင်ရိုက်ကူးခဲ့တာကို ပြောပြချင်ပါတယ်။

ပြည်မြို့ ဧရာဝတီဟိုတယ်မှာ ကျင်းပပြုလုပ်တဲ့ DVB Debate ကိုတော့ ဟိုတယ်ရဲ့ ခြောက်လွှာမှာကျင်းပတယ်။ ကျွန်တော်က ဇန်နဝါရီ ၂၆ ရက်က ရန်ကုန်မြို့က သွားရောက်တာဖြစ်တယ်။ တကယ်တော့ ဇန်နဝါရီ ၂၆ ရက်က  မော်လမြိုင် တက္ကသိုလ်ကျောင်းသူကျောင်းသားဟောင်းများက ဂန္ဓမာကုန်တိုက် (Gandamar Whole Sale) မှာ ဆရာကန်တော့ပွဲကျင်းပပါတယ်။

ကျွန်တော်က အဲဒီကနေ တစ်လက်စတည်းပြည်မြို့ကို တက်ခဲ့တာဖြစ်တယ်။

ပြည်ရောက်တော့ ည ၈ နာရီရှိပါပြီ။ ဟိုတယ်မှာ တည်းခိုခွင့်ရပါတယ်။ နောက်တစ်နေ့ နံနက် ၁ဝ နာရီမှာ ဟိုတယ်ရဲ့ ခြောက်လွှာမှာ Debate ပါတယ်။

ပထမပွဲကတော့ ဒီမိုကရေစီကို အောက်ခြေထိရောက်ပြီ လားဆိုတာကို ဆွေးနွေးပါတယ်။

ဆွေးနွေးသူလေးယောက်ထဲမှာ NLD လွှတ်တော်ကိုယ်စားလှယ်။ ပြည်ခိုင်ဖြိုး အမျိုးသားလွှတ်တော်ကိုယ်စားလှယ် (ဟောင်း)၊ မြန်မာနိုင်ငံရှေ့နေများ ကွန်ရက်မှ အမျိုးသမီးတစ်ဦးနဲ့ ကျွန်တော်တို့ပါဝင်ဆွေးနွေးကြပါတယ်။

သူတို့သုံးယောက်လုံးဟာ တာဝန်ရှိသူတွေအနေနဲ့ ပြောဆိုဆွေးနွေးကြတာကို တွေ့ရပါတယ်။

ဘာကြောင့်လဲဆိုတော့ သူတို့တစ်တွေဟာ မိမိတို့ရဲ့ အဖွဲ့အစည်းကို ကိုယ်စားပြု ပါဝင်ဆွေးနွေးတာဖြစ်လို့ပါပဲ။

ကျွန်တော်ကတော့ လွတ်လပ်တဲ့ စာရေးဆရာ (Free-lance Writer) တစ်ယောက်အနေနဲ့  ပါဝင်တာကြောင့် လွတ်လပ်စွာ ပါဝင်ဆွေးနွေးခဲ့ပါတယ်။

ပြည်သူတွေက လုံလုံခြုံခြုံနဲ့ နေထိုင်နိုင်ပြီး တရားမျှတမှုကို ခံစားနေရပြီလားဆိုတာကို အဓိကထားကာ ဒီမိုကရေစီ အောက်ခြေထိရောက်ပြီဆိုတဲ့ အယူအဆကို တင်ပြကြတယ်။

တရားဥပဒေစိုးမိုးရမယ်။

တရားမျှတမှုရှိရမယ်။

လူ့အခွင့်အရေးတွေ ရှိရမှာပေါ့။

ဒါကို ပြည်သူတွေ ခံစားနေရပြီလားဆိုတာကို ဆွေးနွေးတာပါ။

တကယ်တော့ ဒီလို တရားမျှတပြီး လွတ်လပ်ခွင့်ဟာ ပြည်သူတွေလိုအပ်ကြောင်း တပ်လှန့်တာပါပဲ။

                   x        x        x

နိုင်ငံတော်သီချင်းမှာ ပါရှိတယ်။

တရားမျှတခြင်း၊ လွတ်လပ်ခြင်း၊ များလူခပ်သိမ်းငြိမ်းချမ်းခြင်း၊ ခွင့်တူညီမျှ၊ ဝါဒဖြူစင်ခြင်းတွေရှိရမယ်။

ဒါတွေဟာ ဒီမိုကရေစီရဲ့ စံ (Norm) တွေလို့ ဆိုရမှာပေါ့။

ကျွန်တော်က လက်တွေ့မှာ ဒီမိုကရေစီ တွေ့ကြုံရတဲ့ အခက်အခဲနဲ့  ပတ်သက်ပြီး ဆွေးနွေးခဲ့ပါတယ်။

သမိုင်းကို ကြည့်တာပါ။

တကယ်တော့ ကမ္ဘာ့ဒီမိုကရေစီ ဟီးရိုးဆိုပြီး ကျွန်တော်နှစ်ခြိုက်တဲ့ သုံးယောက်ရှိတယ်။

သူတို့ကတော့ မဟတ္တမဂန္ဓီ၊ မာတင်လူသာကင်းဂျူနီယာနဲ့ နယ်ဆင်မင်ဒဲလားတို့ပဲဖြစ်တယ်။

သူတို့သုံးယောက်ကို သဘောကျ တာကတော့ အကြမ်းမဖက်ဘဲ ပြောင်း လဲမှုတွေကို လုပ်ဆောင်ခဲ့လို့ပါပဲ။

သုံးယောက်လုံးမှာ မူလအစ လုပ်ဆောင်သူကတော့ မဟတ္တမဂန္ဓီပါပဲ။ ဂန္ဓီဟာ အိန္ဒိယကပါ။

အိန္ဒိယနိုင်ငံကို အင်္ဂလိပ်တွေက အုပ်စိုးခဲ့တယ်။ လူဦးရေ အင်မတန်များပြီး နယ်မြေအကျယ်ကြီးဖြစ်တဲ့ အိန္ဒိယကို သူ့ထက် လေးငါးဆငယ်တဲ့ ဗြိတိသျှတွေအုပ်ချုပ်တယ်။

သူတို့ဟာ Divide and Rule ဆိုတဲ့ နည်းစဉ်ကိုကျင့်သုံးခဲ့တယ်။ ဒါကြောင့်လည်း သူတို့ဟာ နေမဝင်အင်ပါယာဆိုပြီး တစ်ကမ္ဘာလုံးကို အုပ်ချုပ်စိုးမိုးခဲ့တာဖြစ်တယ်။ Divid and Rule ဆိုတာ အဲဒီနိုင်ငံတွင်းက လူတွေ တစ်ယောက်ကိုတစ်ယောက် မယုံကြည်အောင် ပြုလုပ်ခြင်းပါပဲ။

သူတို့ အချင်းချင်းမယုံကြည်ကြတော့ သူတို့အချင်းချင်းရန်တွေဖြစ်နေတယ်။ သူတို့အတွင်းပဲ  စစ်တွေဖြစ် နေကြတာပေါ့။

မြန်မာပြည်ဆိုပါတော့။ တောင်ပေါ်သားတိုင်းရင်သားတွေနဲ့ မြေပြန့်က ပြည်သူတွေကို ခွဲခြားအုပ်ချုပ်တယ်။ ဒါကို ဗိုလ်ချုပ်အောင်ဆန်းက စည်းရုံးနိုင်ခဲ့တယ်။ ဖေဖော်ဝါရီ ၁၂ ရက်ဆိုရင် အဲဒီလိုစည်းလုံးတဲ့ အထိမ်းအမှတ်အနေနဲ့ ပင်လုံညီလာခံ စာချုပ်လက်မှတ်ထိုးတာကို ဂုဏ်ပြုပြီး ယနေ့တိုင် ပြည်ထောင်စုနေ့အနေဖြင့် ကျင်းပတာ အားလုံးသိတယ်။ 

ဒီလိုစည်းလုံးတဲ့အတွက်လည်း လွတ်လပ်ရေးရတာပဲ။ ဒါပေမယ့် ထုံးစံအတိုင်း ဗိုလ်ချုပ်အောင်ဆန်းကို သူတို့ ဖယ်ရှားတော့တာပဲ။

လွတ်လပ်ရေးကို တစ်နှစ်အတွင်းရစေမယ်ဆိုပြီး ကတိပေးတဲ့ ဗိုလ်ချုပ်အောင်ဆန်းကို လုပ်ကြံခဲ့တယ်။ ဗြိတိသျှတွေကတော့ လုပ်ကြံမှုမှာ သူတို့ မပါဝင်သယောင် ဟန်ဆောင်ပါတယ်။ ဒါပေမယ့် သူတို့ တပ်ထဲက လက်နက်တွေ ပျောက်ဆုံးတယ်ဆိုပြီး ကြေညာတယ်။ အဲဒီလက်နက်တွေကို ဦးစောဆီက ဖမ်း ဆီးရတာပဲ။

ဒီလိုနဲ့ လွတ်လပ်ရေးလည်းရ ရော ပြည်တွင်းစစ်လည်းစတာပါပဲ။

                   x        x        x

ဒီလိုပုံစံကို ကမ္ဘာအနှံ့မှာ ဆောင် ရွက်ခြေထိုးနိုင်တာကို ယနေ့တိုင် အံ့သြဖွယ်ရာ တွေ့နေရပါတယ်။

ဥပမာ အာဖဂန်ကို အမေရိကန်တို့နဲ့ မဟာမိတ်တပ်ပေါင်းစုတွေဝင်တယ်။ တာလီဘန်တွေကို ဖြိုဖျက်ခဲ့တယ်။ အစိုးရသစ်တင်ပေးတယ်။ ပြီးတော့ ပါကစ္စတန်ကို ထွက်ပြေးနေတဲ့ အိုစမာဘင်လာဒင်ကိုလည်း သတ်နိုင်တယ်။

ဒါပေမယ့် သူတို့လည်း ပြန်ထွက်ရော အချင်းချင်းသတ်ဖြတ်မှုတွေ အများကြီးဖြစ်လာတယ်။ ၂ဝ၁၈ ဇန်နဝါရီလအတွင်းမှာပဲ လူတစ်ရာ ကျော်သေဆုံးတယ်။

ဒီအတိုင်းပါပဲ။

အီရတ်ကို အမေရိကန်တို့ ဝင်တယ်။ ပြီးတော့ ဆက်ဒမ်ဟူစိန်ကို အပြစ်ပေးသတ်ဖြတ်နိုင်ခဲ့တယ်။

ပြီးတော့ သူတို့ ပြန်ထွက်သွားတယ်။ ပြည်တွင်းစစ် စတော့တာပဲ။

ဒီအတိုင်းပဲ။

လစ်ဗျားမှာ ကဒါဖီက အာဏာရှင်ဖြစ်နေတယ်။ လက်နက်တွေရော အခြားအကူအညီ (ဗုံးကြဲတိုက်ခိုက်မှုတွေ) ပေးပြီး ကဒါဖီကို လုပ်ကြံနိုင်ခဲ့တယ်။ ယနေ့ လစ်ဗျားမှာ အတိဒုက္ခတွေဖြစ်နေတယ်။ ပြည်တွင်းစစ်တွေကြောင့် လူတွေမနေရဲတော့ဘူး။

ဥရောပကို ထွက်ပြေးကြတယ်။

ဆီးရီးယား၊ ယီမင်ပြဿနာတွေလည်း မအေးဘူး။ ပြည်တွင်းစစ်တွေဖြစ်နေတယ်။ ထောင်နဲ့သောင်းနဲ့ သေကျေနေကြတယ်။ ဆိုးပါတယ်။ ကျွန်တော်တို့ဟာ Divide and Rule ကို သတိထားကြရမယ်။

                   x        x        x

တရုတ်နိုင်ငံကိုကြည့်ရင် အင်မတန်ကြောက်စရာကောင်းလောက်အောင် ဒုက္ခတွေပင်လယ်ဝေခဲ့တဲ့ သမိုင်းကြောင်းရှိတယ်။

တစ်ချိန်က သူတို့ကို ဘိန်းစား ဖြစ်အောင်လုပ်ပြီး အနောက်တိုင်းက ဝင်ရောက်ချယ်လှယ်အုပ်ချုပ်ခဲ့တယ်။

နယ်ချဲ့တွေဟာ ကမ္ဘာ့အခြေအနေကို ထိန်းချုပ်ဖို့ ကြိုးစားပေမယ့်  တရုတ်တွေကတော့ သတိရှိရှိ တွန်း လှန်နိုင်ခဲ့ပါတယ်။ သူတို့ဟာ နယ်ချဲ့တွေရဲ့ ပရိယာယ်ကိုကောင်းစွာ သဘောပေါက်သွားပြီဖြစ်တယ်။ သူက အုပ်ချုပ်ရေးမှာ တင်းကျပ်တယ်။ နည်းပညာကို မရရတဲ့နည်းနဲ့ ကြိုးစားရှာဖွေတယ်။ အလုပ်ကြိုးစား တယ်။

သူတို့ ထိပ်တန်းမှာရောက်အောင် လုပ်နိုင်လာတယ်။ ယနေ့ နိုင်ငံခြားသားတွေရဲ့ သွေးဆောင်ဖြား ယောင်းမှုကို ဆန့်ကျင်ဖို့ သူ့နိုင်ငံမှာ ဖေ့ဘုတ်တောင်ခွင့်မပြုဘူး။ ပိတ်ပင်ထားတယ်။ အကျင့်ပျက်ခြစားမှုတွေကို ပြင်းထန်စွာတိုက်ခိုက်တယ်။ သေဒဏ်ပေးတယ်။

မူးယစ်ဆေးဝါးကို တိုက်ထုတ်တယ်။ သေဒဏ်ပေးတယ်။

ခုတော့ တရုတ်ဟာ ကမ္ဘာ့ထိပ်တန်းနိုင်ငံတစ်ခုဖြစ်လာပြီဖြစ်တယ်။ သူတို့မှာ ကျွန်တော်တို့လို ပြည်တွင်း စစ်လည်းမရှိဘူး။ ပြီးတော့ ရခိုင်အ ရေးအခင်းလို ဘင်္ဂါလီပြဿနာလည်း မရှိဘူး။

ကျွန်တော်တို့ဆီမှာ အချင်းချင်း ဒုက္ခပေးတာမျိုးတွေရှိနေဆဲပါပဲ။

                   x        x        x

ခု NLD အစိုးရ သင်တန်းနှစ်နှစ်မှာ ဝန်ကြီးချုပ်တွေ အပြောင်းအလဲလုပ်ရတယ်။ ဝန်ကြီးတွေ အပြောင်း အလဲလုပ်ရတယ်။

အခက်အခဲတွေ များကြီးထဲမှာ စီးပွားရေး အဓိကဖြစ်တယ်။ ယခုနှစ်မှာ စီးပွားရေး အောက်ဆုံးကို ရောက်သွားတယ်။ တကယ်တော့ ဒီလိုပြည် သူ့အစိုးရလက်ထက်မှာ စီးပွားရေးဦးမော့လာဖို့ အားလုံးမျှော်လင့်နေကြ တယ်။

တကယ်လည်း မြန်မာနိုင်ငံဟာ အဆင်းရဲဆုံးနိုင်ငံဖြစ်နေတယ်။ လာအိုလို ကုန်းတွင်းပိတ်နိုင်ငံထက်တောင် အခြေအနေဆိုးနေတယ်။

တကယ်တမ်း စီးပွားရေးက အရေးပါတယ်။ ဒါပေမယ့် ဆင်းရဲတွင်းက တကယ်ထွက်နိုင်ဖို့ကတော့ ပညာရေးသာလျှင် ဖြစ်တယ်။

ကျွန်တော်တို့ မြန်မာနိုင်ငံမှာ ဆန္ဒပြကျောင်းသားတွေကို ကျောင်းထုတ်တယ်။

အရေးယူမှုတွေ လုပ်နေဆဲပဲ။

ပညာရေးမှာ ''ဘွဲ့ရပညာ မတတ်'' တွေ ရှိနေဆဲပဲ။

ပညာရေးမျိုးတုံးတာကတော့ဆိုးတယ်။

ယနေ့နည်းပညာခေတ်မှာ စိုက်ပျိုးရေးသက်သက်ကတော့ လူစဉ်မီမှာ မဟုတ်ဘူး။ နည်းပညာက အရေးပါတယ်။

ပညာတတ်တွေ မွေးထုတ်ဖို့ လိုအပ်ချက်ဟာဘာလဲ။ မကြာခဏ ကျွန်တော်ပြောပါတယ်။

တိုးတက်နေတဲ့ တရုတ်ပြည် တရုတ်လိုပဲသင်တယ်။ ဂျပန်ပြည် ဂျပန်လိုသင်တာပဲ။ တောင်ကိုရီးယားလည်း ကိုရီးယားလိုသင်တယ်။

                   x        x        x

နိဂုံးချုပ်ပါတော့မယ်။

နားမလည်သေးလို့ ထပ်ပြောတယ်လို့သာ မှတ်ပါ။

ဘာသာရပ် Subject ဆိုတာ ဘာသာစကား Language နဲ့ မတူပါဘူး။ ဘာသာရပ်တွေတတ်မှ ဆင်ခြင် စဉ်းစားတတ်ပါတယ်။

အင်္ဂလိပ်စကားကောင်းကောင်းတတ်တဲ့ အင်္ဂလိပ်ကြီးတွေထဲမှာ အလုပ်ကြမ်းလုပ်ရသူတွေအများကြီးပါပဲ။

ဆင်ခြင်ပါ။ ပညာတတ်မှ ခွဲခြားအုပ်ချုပ်တဲ့ Divide and Rule ကို ရှောင်နိုင်မှာပါ။ အချင်းချင်း စိတ်ဝမ်းကွဲတာတွေကို လျှော့ပြီး ငြိမ်းချမ်းရေးအတွက်ဆောင်ရွက်ပါ။ နယ်ချဲ့တွေရဲ့  ပရိယာယ်ကို သဘောပေါက်ချိန် တန်ပြီလို့ တင်ပြချင်ပါတယ်။

ဒေါက်တာခင်မောင်ညို

ဒေါက်တာခင်မောင်ညို
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.