25-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1047
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
စားနပ်ရိက္ခာဖူလုံရေးနှင့် လယ်သမားဘ၀ ဖွံ့ဖြိုးတိုးတက်ရေး

ဖိလစ်ပိုင်နိုင်ငံတွင် ၂ဝ၁၄ ခုနှစ်က ကျင်းပခဲ့သည့် အရှေ့အာရှဒေသ စီးပွားရေးဖိုရမ်တွင် ကျေးလက်လယ် သမားများရဲ့ နေရေးထိုင်ရေးနှင့် လုပ်အားရှားပါးမှုပြဿနာသည် ကမ္ဘာ့စားနပ်ရိက္ခာ ဖြည့်စွမ်းရေးအတွက် အဓိကထား ဆွေးနွေးရမည့်အချက်ဟု ထောက်ပြခဲ့ပါသည်။

အပြည်ပြည်ဆိုင်ရာ ဆန်စပါး သုတေသနဌာန၏ ထိုစဉ်က ညွှန်ကြားရေးမှူးချုပ်ဖြစ်သူ ရောဘတ်ဇေဂလာ Robert Zaigler က အစိုးရအဖွဲ့အစည်းများနှင့် ပုဂ္ဂလိကလုပ်ငန်းရှင်များသည်  ကမ္ဘာတစ်ခွင်မှာ အားလုံးပါဝင်သော အကျိုးခံစားရမည့် စီးပွားရေးဖွံ့ဖြိုးမှုရဲ့ဝေစုက လယ်သမားတွေ မျှဝေခံစားခွင့်ရအောင် အားလုံးလက်တွဲဆောင်ရွက်ကြပါဟု တိုက်တွန်းခဲ့ပါသည်။

ယခုကဲ့သို့ ကမ္ဘာ့ရာသီဥတု ပြောင်းလဲလာ၍ ရာသီဥတုဖောက် ပြန်မှုဒဏ်ကို အဖန်တလဲလဲခံနေရသည့် လယ်သမားတွေကို လယ်ထဲမှ ထွက်လာ၊ တက်လာအောင် အမျိုးမျိုးသော၊ အခြားအခြားသော လုပ်ငန်းမျိုးတွေက လက်ယပ်ခေါ်နေဆဲမှာ လယ်သမားများ လယ်ထဲယာထဲမှာ နေပျော်၊ သေပျော်အောင် ကမ္ဘာ့စီးပွားရေးတိုးတက်မှုရဲ့ တစ်စိတ်တစ် ဒေသကိုလည်း သူတို့တွေ ခံစားစေချင်သည်မှာ စိုက်ပျိုးရေးပညာရှင်တွေပင် ဖြစ်ပါသည်။

နဂိုကပင် ရေကောင်း၊ မြေကောင်း မဟုတ်ပါဘဲ ရရာနေရာ မြေကလေးကို ပင်ပန်းကြီးစွာ အား စိုက်ကုတ်ခြစ်စိုက်ပျိုးနေရသည့် လယ်သမားများကို မြွေပူရာကင်းမှောင့်ဆိုသလို ဥတုရာသီက ဖောက်ပြန် လယ်ယာလုပ်သားက ရှားပါးလာပြန်ရာ သူတို့တွေကို အကူအညီပေးဖို့မှာ ယဉ်ကျေးသော သိပံ္ပပညာတတ် မြို့ပြနေ စီးပွားရေး၊ ပညာရေး အတန်အသင့်ပြည့်စုံသူတို့ရဲ့ စာနာမှု၊ ညှာတာမှု စေတနာတို့ပေါ်တွင် မှီတည်နေပါ သည်။

ယခုကဲ့သို့ နည်းပညာဖွံ့ဖြိုးပြီး သွင်းအားစု အမျိုးမျိုးကို ဖန်တီးပေး နိုင်သောခေတ်တွင် ကမ္ဘာလူသားတို့ရဲ့ ရိက္ခာကို ဒိုင်ခံဖြည့်စွမ်းနေရသော လယ်သမားတွေကို ဦးစွာအကျိုးခံစားခွင့်ပေးပြီး ထိုလယ်သမားတို့၏ စွမ်းအားမှရလာသော လယ်ယာသီးနှံ ရိက္ခာတို့ကို ကမ္ဘာသူ၊ ကမ္ဘာသားတွေလက်ခံရယူ စားသုံးစေခြင်းသည်သာ တကယ်လမ်းကြောင်းအမှန် ဖြစ်ပါ လိမ့်မည်။

အပြည်ပြည်ဆိုင်ရာ ဆန်စပါး သုတေသနဌာနတွင် ဆန်စပါးစိုက် ပျိုးထုတ်လုပ်မှုဆိုင်ရာ ဗဟုသုတနှင့် နည်းပညာတည်းဟူသော လက်နက် စွမ်းရည်ရှိပါသည်။ ထိုနည်းပညာ စွမ်းရည်တို့ကို ပိုမို၍ပြည့်စုံကောင်းမွန်အောင် ပြုပြင်ကာ ထက်မြက်အောင်၊ ချွန်ထက်အောင် ဓားသွေးအားမွေးခဲ့သည်မှာ အနှစ် ၅ဝ ကျော်ခဲ့ပါပြီ။ ထိုလက်နက်တွေထဲမှာ ရာသီဥတုအမျိုးမျိုးကို အံတုနိုင်မည့် စပါးမျိုးများ၊ သီးနှံစိုက်ပျိုးပြုစုထုတ်လုပ်မှုစနစ်များ၊ ဒေသ၊ ဥတုစနစ်နှင့် ကိုက်ညီမည့် သီးခြားဆန်သော နည်းစနစ်များ၊ ရိတ်သိမ်းချိန်လွန်ပြုပြင်ထိန်းသိမ်းရမည့် နည်းပညာများ၊ အလေအလွင့်နည်းပါးသော ရိတ်သိမ်းချွေလှေ့သိုလှောင်ရေးနည်းနာများကို ပံ့ပိုးပေးနိုင်စွမ်း ရှိနေပါသည်။

အပြည်ပြည်ဆိုင်ရာ ဆန်စပါး သုတေသန၏ စူးစမ်းရှာဖွေတွေ့ရှိ ချက်များ၊ သုံးသပ်ချက်၊ အကြံပြုချက်များကို အာရှ၊ အာဖရိကဒေသတွင်းရှိ လယ်သမားတွေထံ အရောက်ပို့ပေးနိုင်သည့် ဆက်သွယ်ရေး နည်းပညာများတွင် ဂြိုဟ်တုဆက်သွယ်ရေးကပင် သတင်းများ ဖြန့်ချိနိုင်ပြီဖြစ်ရာ၊ လိုအပ်သည်မှာ လယ်သမားများ မျက်စိထဲမှာ မြင်လာအောင်၊ နားကြားမှတ်မိလာအောင် စိုက်ပျိုးရေး ပညာဖြန့်ဖြူးပေးရမည့် ဆိုင်ရာဆိုင် ရာနိုင်ငံတို့၏ အစိုးရများ၊ ဝန်ကြီးဌာနများ၊ ဦးစီးဌာနများ၏ စီမံခန့်ခွဲမှုက အရေးကြီးလှပါသည်။ ၄င်းတို့အပေါ် မှီတည်ပြီး တိုးတက်နေသော စိုက်ပျိုးရေးနည်းပညာ၊ မျိုးစေ့၊ သွင်းအားစု၊ ငွေကြေးအကူအညီများကို ကျေးလက်လယ်သမားတွေ ရရှိခံစား စေနိုင်မှာ ဖြစ်ပါသည်။

လယ်သမားနှင့် မိသားစုသည် သူတို့၏ဘဝရပ်တည်မှုအတွက် ကျန်းမာရေး၊ ပညာရေး၊ လူမှုရေး ခံစားခွင့်များသာ မြို့ပြမိသားစုများ နှင့် များစွာကွာဟမှုမရှိလျှင် မြို့ပြ ထက် အေးချမ်းဆိတ်ငြိမ်မှု ပိုရှိသော သူတို့ကျေးလက်ဒေသကို စွန့်ခွာလာ ဖုိ့ စိတ်ကူးစွန့်စားကြမည်မဟုတ်ပေ။ သာမန်အားဖြင့် ကျေးလက်ဒေသသည် မြို့ပြထက် ပတ်ဝန်းကျင်ညစ် ညမ်းမှုများစွာ သက်သာနေဆဲဖြစ် သည်။ ကျန်းမာရေး အထောက်အကူ များစွာရနေဆဲဖြစ်သည်။ သဘာဝ ပေါက် ဟင်းသီးဟင်းရွက်နှင့် သစ်သီး ပင်များသည်လည်းကောင်း (စက်မှုနှင့် ဓာတ်သတ္တုရှာဖွေရာနယ်မြေနှင့် မနီးစပ်လျှင်)  ချောင်းရေ၊ မြောင်းရေများကလည်း သန့်ရှင်းနေဆဲဖြစ်ရာ နေပျော်သော ဒေသဖြစ်ပါသည်။ ဤအချက်များကိုပါ စိုက်ပျိုးရေး၊ ကျေးလက်ဒေသဖွံ့ဖြိုးရေး၊ သမဝါယမနှင့် ကျန်းမာရေးဝန်ထမ်း၊ ပညာရေးဝန်ထမ်းတို့ကပါ ပညာပေးစည်းရုံးခြင်း၊ လိုအပ်ချက်များကို အချိန်ကိုက်ဖြန့်ဖြူးဆက်သွယ်ပေးလျှင် ကမ္ဘာလူသားတွေ နေ့စဉ်စားသုံးနေသည့် ရိက္ခာသီးနှံ၊ ဆန်စပါး၊ ပဲပြောင်း၊ ဆီထွက်သီးနှံတို့သည် ကျေးလက်က ပုံမှန် ထွက်ရှိလာမှာဖြစ်ပါသည်။

ကျေးလက်လယ်သမားတို့၏ လယ်ယာလုပ်ငန်း အဆင်ပြေပြီး အနိမ့်ဆုံးလိုအပ်သည့် ကျန်းမာရေး စောင့်ရှောက်မှု၊ လုံခြုံမှု၊ သားသမီးတို့၏ပညာရေး ရရှိနေပါက ပုံမှန်လယ်ယာစိုက်ပျိုးမှုရှိလာကာ ကမ္ဘာ့စားနပ်ရိက္ခာ ပုံမှန်ရနေမည်ဖြစ်ပါသည်။

သုတကျော်

သုတကျော်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.