16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
ယာဉ်ကြောပိတ်ဆို့မှုပြဿနာ အနာနှင့်ဆေးတွေ့မှ တွေ့နိုင်ပါတော့မလား

မြန်မာနိုင်ငံရှိ ပုဂ္ဂလိကကဏ္ဍလုပ်ငန်းများ ဖွံ့ဖြိုးတိုးတက်ရေးအတွက် ရည်ရွယ်ပြီး ပုဂ္ဂလိက လုပ်ငန်းရှင်များနှင့် ပုဂ္ဂလိကကဏ္ဍ ဖွံ့ဖြိုးတိုးတက်ရေး ကော်မတီတို့ တွေ့ဆုံဆွေး နွေးလာခဲ့သည်မှာ ယခုဆိုလျှင် ၁၁  ကြိမ်အထိ ရှိလာခဲ့ပြီးဖြစ်သည်။ ယခု ၁၁ ကြိမ်မြောက် ပုံမှန်တွေ့ဆုံပွဲကို အောက်တိုဘာ ၂ ရက်က မြန်မာ နိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်ရုံးတွင် ပြုလုပ်ခဲ့သည်။ ယင်းတွေ့ဆုံပွဲတွင် ထုံးစံအတိုင်း ပုဂ္ဂလိကကဏ္ဍ ဖွံ့ဖြိုးတိုးတက်ရေး ကော်မတီဥက္ကဋ္ဌ နိုင်ငံတော်ဒုတိယ သမ္မတဦးမြင့်ဆွေနှင့် ပုဂ္ဂလိက စီးပွားရေးလုပ်ငန်းရှင်များ တွေ့ဆုံဆွေးနွေးမှုများ ပြုလုပ်ခဲ့သည်။

ယခု ၁၁ ကြိမ်မြောက် တွေ့ဆုံပွဲသို့ စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ဝန်ကြီးဦးကျော်ဝင်း၊ ရန်ကုန်တိုင်း ဒေသကြီး ဝန်ကြီးချုပ် ဦးဖြိုးမင်းသိန်း၊ ဒုတိယဝန်ကြီးများ၊ ရန်ကုန်တိုင်း ဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာ အကြီးအကဲများ၊ လုပ် ငန်းကော်မတီငါးရပ်၏ တာဝန်ရှိသူများ၊ ကုန်သည်၊ စက်မှုအသင်းချုပ် ဥက္ကဋ္ဌနှင့် အဖွဲ့ဝင်များ၊ မြန်မာနိုင်ငံ ဘဏ်များအသင်း ဥက္ကဋ္ဌ၊ ကချင်ပြည်နယ် ကုန်သည်များနှင့် စက်မှုလက်မှု လုပ်ငန်းရှင်များ အသင်း၊ တနင်္သာရီ တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း၊ မြန်မာနိုင်ငံ ကလေး-တမူးနယ်စပ် ကုန်သွယ်ရေး ကုန်သည်များအသင်း၊ မြန်မာ့စီးပွားရေး ဖိုရမ် (မြေယာလုပ်ငန်း အဖွဲ့-မြို့ပြ)၊ မြန်မာ့ မော်တော်ယာဉ် ထုတ်လုပ်ရေးနှင့် ဖြန့်ဖြူးရောင်းချရေး လုပ်ငန်းရှင်များအသင်း၊ မြန်မာနိုင်ငံ မွေးမြူရေးလုပ်ငန်းအဖွဲ့ချုပ် (ကြက်မွေးမြူရေးကဏ္ဍ)၊ မြန်မာနိုင်ငံ ပဲမျိုးစုံနှင့် နှမ်းကုန်သည်များ အသင်းနှင့် အခြားတာဝန်ရှိသူများ တက်ရောက်ခဲ့ကြသည်။

တွေ့ဆုံဆွေးနွေးပွဲသို့ တက်ရောက်သူများ စာရင်းကို အပြည့်အစုံ ချရေးပြခြင်းသည် ပုဂ္ဂလိကကဏ္ဍ ဖွံ့ဖြိုးတိုးတက်ရေးကို မည်မျှအထိ တွန်းအားပေးနေခြင်းကို စာဖတ်သူ များ သိစေလို၍ဖြစ်သည်။ ပုဂ္ဂလိကကဏ္ဍ ဖွံ့ဖြိုးတိုးတက်လာစေရေးသည် တည်ရှိနေသော ပုဂ္ဂလိက လုပ်ငန်းကဏ္ဍများ များနိုင်သမျှ များများပါဝင် ဆွေးနွေးလာနိုင်ရေးအပေါ်တွင်လည်း မူတည်နေသည်။ ပုဂ္ဂလိက လုပ်ငန်းရှင်များ လူစုံတက်စုံဘက်ပေါင်းစုံက ပါဝင်လာကြပြီး အခက်အခဲပြဿနာများကို  ကျယ်ကျယ်ပြန့်ပြန့်ချပြဆွေး နွေးလာနိုင်ကြလျှင် ပုဂ္ဂလိကကဏ္ဍ ဖွံ့ဖြိုးတိုးတက်ရေး လုပ်ငန်းစဉ်တွင် အဟန့်အတားများကို အဖြေရှာကျော် လွှားသွားနိုင်မည်ဖြစ်သည်။ အမှန်တော့ ပုဂ္ဂလိကကဏ္ဍ ဖွံ့ဖြိုးတိုးတက်ရေး၊ ပုဂ္ဂလိကကဏ္ဍရှင်သန်ကြီး ထွားရေး စသည်ဖြင့် ပုဂ္ဂလိကလုပ်ငန်းများအကြောင်း တစ်ခုတ်တစ်ရ ပြောပြောနေရခြင်းမှာ နိုင်ငံတော် အစိုးရကိုယ်တိုင်က ပုဂ္ဂလိကကဏ္ဍ ဖွံ့ဖြိုးတိုးတက်ရှင်သန်နေပါမှ မြန်မာ နိုင်ငံ၏ လျော့ရဲအိကျနေသော စီးပွားရေးကို နာလန်ထူစေပြီး ပြန်လည် ရှင် သန်ဖွံ့ထွားလာရေး ရည်ရွယ်ထားခြင်းကြောင့်ဖြစ်သည်။

ယင်းဆွေးနွေးပွဲတွင် ပြည်ထောင်စု ဝန်ကြီးများက ပုဂ္ဂလိကလုပ်ငန်းများအတွက် သွားလမ်းသာပြီး လာလမ်းဖြောင့်စေမည့် အစီအစဉ်များကို ဆွေးနွေးခဲ့သည်။ ပုဂ္ဂလိ က  လုပ်ငန်းရှင်များကလည်း မိမိတို့ရင်ဆိုင်ကြုံတွေ့နေရသည့် လမ်းမဖြောင့်ဖြူးသေးခြင်း အခက်အခဲများကို ပွင့်ပွင့်လင်းလင်းပြောဆိုဆွေးနွေးခဲ့သည်။ ဒေသဆိုင်ရာ ကုန်သွယ်ရေး အသင်းအဖွဲ့တို့ကလည်း ဒေသတွင်း  ကုန်သွယ်မှု ရှေ့အနာဂတ်ချောမွေ့ စေရေး အကြံဥာဏ်ကောင်းများကို ထည့်သွင်းပြောဆိုဆွေးနွေးခဲ့ကြသည်။      ဤတွင်  ရန်ကုန်တိုင်းဒေသကြီး ဝန်ကြီးချုပ်ကလည်း ရန်ကုန်မြို့တော်အတွက် မော်တော်ကားတင် သွင်းမှုကိစ္စများ၊ မော်တော်ယာဉ် လိုင်စင် ထုတ်ပေးခြင်းဆိုင်ရာ ကိစ္စ များနှင့် ရန်ကုန်မြို့တော် ယာဉ်ကြောပိတ်ဆို့မှုကိစ္စများကို တစ်ထောင့် တစ်နေရာက ပါဝင်ဆွေးနွေးသွားပါ သေးသည်။

ယခုဆောင်းပါးတွင် ဝန်ကြီးချုပ် ဦးဖြိုးမင်းသိန်းအနေဖြင့် ရန်ကုန်မြို့တော် ယာဉ်ကြောပိတ်ဆို့မှု အတန် ငယ်လျော့ကျရေးအတွက် မည်သို့ဆောင်ရွက်နေသည်ဆိုသည့် ပြောဆို ဆွေးနွေးချက်များကိုသာ တင်ပြချင်ပါသည်။ ယာဉ်ကြောပိတ်ဆို့မှု ပြဿနာသည် ရန်ကုန်မြို့နေပြည် သူလူထုနှင့် တိုက်ရိုက်ပတ်သက်နေ၍ဖြစ်သည်။ ပုဂ္ဂလိက လုပ်ငန်းများ ဖွံ့ဖြိုးတိုးတက်ရေးနှင့် နိုင်ငံတော် စီးပွားရေးလုပ်ငန်းများ တိုးတက်ကြီး ထွားလာရေးတွင် ယာဉ်ကြောပိတ်ဆို့မှု ပြဿနာသည် ခလုတ်တံသင်း တစ်ခုသဖွယ်ဖြစ်နေသည်ဟု ဆွဲယူပြောဆိုနိုင်သော်လည်း အဓိကကတော့ ပြည်သူအများ၏ နေ့စဉ်စားဝတ်နေမှုဘဝအတွက် အနှောင့်အ ယှက်အတားအဆီးကြီး တစ်ခုသဖွယ် ဖြစ်နေပါသည်။

ရန်ကုန်မြို့တော်သည် ရှိနေသည့် လမ်းအနေအထားနှင့် မတရားတင်သွင်းထားသည့် ကားအရေအတွက် များပြားလွန်းပြီး မမျှတမှုကြောင့် ယာဉ်ကြောပိတ်ဆို့မှုကြီးဖြစ် နေရသည်ဟု အများစုက ယုံကြည်နေသည်။ ထို့ပြင် တရားမဝင် တင်သွင်းလာသည့် ကားများသည်လည်း ရန်ကုန်တွင် တိုးတိုးဝင်လာနေသည်။ သည့်ပြင်လည်း  တရားဝင်ဖွင့်လှစ် ရောင်းချနေသည့် ကားရှိုးရွန်းများက အပ်ကုန်စနစ်ဖြင့် တင်သွင်းလာပြီး မရောင်းရသေးသောကားများ ပြန်ပို့ပေးရမည်ကို ပြန်မပို့ဘဲ ရန်ကုန်မြို့ထဲ ရောနှောပါ ဝင်နေသည့်အတွက်ကြောင့် ကားအရေအတွက် တစ်နေ့ တခြားများပြီးရင်းများ၊ ယာဉ်ကြောကျပ်ပြီးရင်း ကျပ်ဖြစ်နေရသည်ဟု ဆိုနေကြသည်။ သည်အခြေအနေကို ဖြေလျှော့ရန် ရန်ကုန်တိုင်း ဝန်ကြီး ချုပ်က တရားမဝင်ကားများကို ထိထိရောက်ရောက် ဖမ်းဆီးရန်၊ နယ်လိုင်စင်ဖြင့် ရန်ကုန်တွင် အသုံးပြုနေသော ကားများကို ဘီးခွန်နှင့်ပါကင်ကြေးများ တိုးမြှင့်ကောက်ခံရန်၊ ရန် ကုန်လိုင်စင်ထုတ်ပေးမည့် ကားတင် သွင်းမှု မူဝါဒအသစ်ချမှတ်ရန် စသည်တို့ ပြုလုပ်ရန် သက်ဆိုင်ရာ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် ညှိနှိုင်းကြိုးစားနေ ကြောင်း ပြောကြားထားသည်။

''ရန်ကုန်မှာ လူဦးရေများပြား လာတာနဲ့အတူ ခရီးသွားလာရေးလုပ်ငန်းတွေ၊ ပုဂ္ဂလိက ပေါင်းစပ်နေတဲ့ လုပ်ငန်းတွေ၊ တက္ကစီတွေဟာ အလွန်ကိုများပါတယ်။ ဒါ့အပြင် တရားမဝင်ကားတွေကလည်း များစွာရှိနေတယ်ဆိုတဲ့ အခြေအနေတစ်ခု ကျွန်တော်တို့မှာ ရှိနေပါတယ်။ ဒီအခြေအနေနဲ့ ပတ်သက်ရင် တရားမဝင်ကားမှာ နှစ်ပိုင်းရှိတယ်လို့ ယူဆရပါတယ်။ တစ်ခုက တရားမဝင် တင်သွင်းတာတွေဖြစ်ပြီးတော့ နောက်တစ်ခုက အပ်ကုန်စနစ်နဲ့ တင်သွင်းတဲ့ ကားတွေဟာ မရောင်းရရင်  ပြန် ပို့ရမယ့်ကားတွေ ဖြစ်ပါတယ်။ ဒါပေမယ့် အခုအချိန်ထိ ပြန်ပို့တာ မတွေ့ရတဲ့အတွက် ဒီကားတွေကလည်း နံပါတ်တွေတပ် သုံးစွဲနေတာတွေ့ရတဲ့ အခြေအနေတစ်ခု ရှိနေနိုင် ပါတယ်။  ရန်ကုန်မှာရှိနေတဲ့ တရားမဝင်ကားတွေကို မီးပွိုင့်တွေမှာ စောင့် ကြည့်ပြီး စစ်ဆေးဖမ်းဆီးနိုင်ဖို့ လုပ်ဆောင်နေပေမယ့် အဲဒီလိုလုပ်ဖို့ မီးပွိုင့်စနစ်မှာ သတ် မှတ်ချိန်ကျော်လာတဲ့အထိ ပြီးစီးမှုမရှိသေးဘဲ တစ်ရက်ဒဏ်ကြေး ကျပ် တစ်သိန်းပေးဆောင်ပြီး ဆက်လက်လုပ်ကိုင်နေတဲ့အတွက် မီးပွိုင့်တွေက နေ စောင့်ဖမ်းဖို့ ထိထိရောက်ရောက် မလုပ်ကိုင်နိုင်သေးတဲ့ အခြေအနေမှာရှိပါတယ်''ဟု ဝန်ကြီးချုပ် ဦးဖြိုးမင်းသိန်းက ပြောဆိုဆွေးနွေးခဲ့သည်။

ထို့ပြင် ကားတင်သွင်းမှု မူဝါဒနှင့်ပတ်သက်ပြီး လက်ရှိအသုံးပြုနေသည့် ပြည်ပမှ တင်သွင်းသော ကားဟောင်းများထက် မြန်မာနိုင်ငံတွင် ထုတ်လုပ်နေသည့် တိုယိုတာ၊ နစ်ဆန်း၊ ဖို့ဒ် ကားသစ်များကို သုံးစွဲကြရန် တွန်းအားပေးသွားမည်ဖြစ်ကြောင်း၊ ထိုသို့ လုပ်ဆောင်မှလည်း စက်ရုံအလုပ်ရုံများ ရပ်တည်နိုင်မည်ဖြစ်ကြောင်း၊ မြန်မာနိုင်ငံအနေဖြင့် ကားတင်သွင်းမှုတွင် အားနည်းချက်များရှိခဲ့ပြီး ရန်ကုန်မြို့ရှိ ယာဉ်အများစုမှာ ယာဉ်ဟောင်းများသာဖြစ်ပြီး အခြားနိုင်ငံများက သုံးစွဲပြီးသားများ သာဖြစ်နေကြောင်း စသည်ဖြင့်လည်း ပြောကြားဆွေးနွေးသွားသေးသည်ဟု သိရသည်။ ထို့ပြင် ဝန်ကြီးချုပ်က တစ်ဆက်တည်း ယာဉ်ကြောပိတ်ဆို့မှုနှင့် ပတ်သက်၍ မှတ်ချက်ပေး သွားပါသေးသည်။ ကမ္ဘာပေါ်တွင် ဖွံ့ဖြိုးသည့် မြို့အားလုံးနီးပါး၌ ယာဉ်ကြော ပိတ်ဆို့မှု ပြဿနာများရှိနေသည့်အတွက် ရန်ကုန်လို ဖွံ့ဖြိုးလာနေသည့် မြို့ပြတွင် ယာဉ်ကြောပိတ်ဆို့မှု လုံးဝမရှိဆိုသည့် အခြေအနေမှာ မဖြစ်နိုင်ကြောင်းကိုလည်း မှတ်ချက်ပေးပြောသွားပါသေးသည်။

မှန်ပါသည်။ ကမ္ဘာ့မြို့ကြီးတော် တော်များများတွင် ယာဉ်ကြောပိတ် ဆို့မှု ပြဿနာရှိသည်။ ဒေသတွင်း နိုင်ငံများ၏ မြို့ကြီးများတွင်လည်း ယာဉ်ကြောပိတ်ဆို့မှုပြဿနာများကို ဖြေရှင်းနေကြရသည်။ သူတို့က ယာဉ်ကြောပိတ်ဆို့မှုကို ဖြေရှင်းရန် ယာဉ်ရပ်နားမှုစနစ်ကို တိကျစွာကိုင် တွယ်သည်။ ယာဉ်ရပ်နားစရာနေရာများ ဖန်တီးပေးသည်။ လမ်းစနစ်များ ကောင်းသထက်ကောင်းအောင်လုပ်သည်။ နှစ်ထပ်လမ်းများ၊ မိုးပျံလမ်းများ တည်ဆောက်သည်။ ဝေးဝေးမတွေးနှင့် ထိုင်းနိုင်ငံ ဘန်ကောက်မြို့ကို လှမ်းကြည့်လိုက်လျှင် သိနိုင်သည်။

မြန်မာနိုင်ငံ ရန်ကုန်တွင် ယာဉ်ကြောပိတ်ဆို့မှု ကြီးကြီးမားမားဖြစ်နေ သည်။ တိုင်းဒေသကြီး တာဝန်ရှိသူများ ဝိုင်းဝန်းဖြေရှင်းနေကြသည်။ လမ်းဘေးဈေးသည်များကို ရှင်းထုတ် သည်။ YBS စနစ်ဖြင့်  လမ်းကြောင်း လျှော့ချသည်။ Water Bus စနစ်ဖြင့် ခရီးသည်ကို လျှော့ချစေသည်။ ယခု  တရားမဝင်ကားများကို ဖမ်းဆီးပြီး ယာဉ်အရေအတွက် လျော့ကျအောင် ဆောင်ရွက်ကြဦးမည်။ နယ်လိုင်စင် ကားများကိုလည်း နယ်သို့ပြန်နှင်မည်။ ငါးပွက်ရာ ငါးစာချသည့် ပုဂ္ဂလိက လုပ်ငန်းရှင်အချို့ကလည်း ရှိနေသေးသည်။

ယာဉ်ကြောပိတ်ဆို့မှုကိစ္စ ဖြေရှင်းနေသူ ဦးဖြိုးမင်းသိန်း အနာနှင့်ဆေး မကြာခင်တွေ့ပါစေဟု ဆုတောင်းနေမိပါသည်။

မောင်လွင်ပြင်

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.