14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
လေလွင့်အသပြာ မပြုန်းတီးရာ

အသပြာကို မြန်မာစာဦးစီးဌာန မြန်မာစာအဖွဲ့ ဦးစီးဌာနက ထုတ်ဝေသည့် ''မြန်မာ-အင်္ဂလိပ် အဘိဓာန် တွင် စာမျက်နှာ ၅၉၇ ၌ ငွေကြေး Money ဟု ဖော်ပြထားပါသည်။ မူလ ကပင် စာရေးသူ ဤသို့ နားလည် ထားသော်လည်း အထောက်အထား ခိုင်လုံစွာတင်ပြလို၍  ရှာဖွေရခြင်း ဖြစ်ပါသည်။ အသပြာကို စာစကား ပြောကြ ရေးကြသော်လည်း အရပ်စကားအရတော့  ငွေ၊ ပိုက်ဆံဟု နား လည်ကြပါသည်။ စင်စစ် ပိုက်ဆံသည် ဟိန္ဒူဘာသာစကားအရ (Pai hsan/n 1.pice) စကားလုံးက လာခြင်းဖြစ်၍ ဟိန္ဒူစတန်နီတွေ ရောင်းဝယ်ဖောက်ကားရေးမှာ ကြီးစိုးခဲ့သော မြန်မာနိုင်ငံ ကျွန်ဘဝရောက်စက ပေါ်လာခဲ့ပြီး နှုတ်ကျိုးနေသော စကားလုံးဖြစ်ပါသည်။ အိန္ဒိယပြည် တောင်ပိုင်းဒေသ အနှံ့အပြားမှာ ပိုက်ဆတ်ဟု ပြောနေသောစကားဖြစ်သည်။ မြန်မာတို့ကတော့ ရှေးထုံးစဉ် လာအချိန်အတွယ်အတိုင်း ပိဿာ၊ ကျပ်သားက ဆင်းသက်လာသည့် စကားအတိုင်း ကျပ်သားမှ 'ကျပ်'ဟု ခေါ်လာခဲ့သည်။ ကျပ်သားတစ်ရာကို တစ်ပိဿာဟု သတ်မှတ်သလို ငွေကိုလည်း (လွတ်လပ်ရေးရပြီးနောက် ဆယ်လီစနစ်ပြောင်းကာ) ၁ ကျပ်မှာ ပြား ၁ဝဝ သတ်မှတ်ခဲ့ကြ ခြင်းဖြစ်သည်။ ၁၉၅၃ လောက်အထိတော့ ကျပ်၊ ပဲ၊ ပိုင်သာသုံးစွဲခဲ့ပြီး၊ ဗြိတိသျှစနစ်အတိုင်း သုံးစွဲခဲ့သေး သည်။

၁၉၇ဝ ပြည့် နောက်ပိုင်းကစ၍ မြန်မာငွေတန်ဖိုး များစွာကျသွားခဲ့သည်။ ၁၉၇ဝ ပြည့်နှစ်ဦးအထိ ရန် ကုန်ဘတ်စ်ကားခရီးစဉ်တွင် ငါးပြား မှတ်တိုင်၊ ၁ဝ ပြားမှတ်တိုင်၊ ၁၅ ပြား မှတ်တိုင်၊ ၂၅ ပြားမှတ်တိုင်၊ ပြား ၃ဝ မှတ်တိုင်၊  ၃၅ ပြား မှတ်တိုင်များရှိခဲ့ ပြီး အင်းစိန်လိုင်းတွင် (လင်းစဒေါင်း- အင်းစိန် ဂိတ်ဆုံး) မှ ပြား ၄ဝ ပဲ ရှိ သည်။

၁၉၇၃ ခုနှစ်လောက်ထင်ပါသည်။ ဘတ်စ်ကားတွေ မှတ်တိုင် စိပ်စိပ်ရပ်ရလွန်း၍ ဂီယာအပြောင်းအလဲ မြန်သောကြောင့် အပျက်မြန်သည်ဟု ပြောသလိုလိုဖြင့် ဘတ်စ်ကားခရီးစဉ် တွင် ငါးပြားမှတ်တိုင် မရှိတော့ပေ။ ထို့ထက်မက ၁ဝ ပြား၊ ၂ဝ ပြား၊ ပြား ၃ဝ၊ ပြား ၄ဝ သာရှိတော့ရာ မီဒီယာတွေက မကျေလည်ကြပါ။ လူထုကလည်း မကျေလည်ပါ။ မှတ်မိသ လောက်တော့ ဆရာအောင်ဗလထင် သည်။ ငါးပြားမှတ်တိုင် မထားတော့ တာ နားလည်လက်ခံနိုင်သည်။ သို့ သော် ဘာကြောင့် ၁၅ ပြားမှတ်တိုင်၊ ၂၅ ပြား မှတ်တိုင်၊ ၃၅ ပြား မှတ်တိုင်၊ မရှိမှာလဲ၊ ဘာလဲ ငါးပြားစေ့ကို မုန်းနေလို့ ဖျောက်ပစ်ချင်တာလားဟု ရေးလာသည်။ ဘတ်စ်ကားလက်မှတ် ရောင်းတွေကလည်း ငါးပြား၊ ၁ဝ ပြားစေ့တွေစုပြီး ကားခပေးတာလက်မခံ ချင်၊ လိုင်းတစ်လိုင်းတွင် ထိုအကြွေစေ့တွေကို 'လွှင့်' ပစ်၍ ခရီးသည်က တိုင်တန်းရာ၊ ဗဟိုဘဏ်က ငွေကြေး ဥပဒေအရ တရားစွဲခဲ့ရသည်။

ခြေဆင်းတွေရှည်နေလို့ လိုရင်းကို ယခုမှစရတော့မည်။ ယနေ့အထိ မြန်မာနိုင်ငံဗဟိုဘဏ် ဥပဒေအရ ငွေကြေးစနစ်တွင် အနိမ့်ဆုံးတန်ဖိုး တစ်ကျပ်ဟု သတ်မှတ်လက်ခံထားသည်။ လွန်ခဲ့သော အနှစ် ၃ဝ လောက်က နှစ်ကျပ်တန်ပင် ထုတ်ခဲ့သေးသည်ကို မှတ်မိနေသည်။ လက်ရှိ တရားဝင်ငွေကြေးလောကတွင် တစ်ကျပ်တန်၊ ငါးကျပ်တန်၊ တစ်ဆယ်ကျပ်တန်၊ နှစ်ဆယ်ကျပ်တန်၊ ငါးဆယ်ကျပ်တန်တွေရှိနေသည်။ အများပြည်သူ ဈေးကွက်မှာတော့ အနိမ့်ဆုံး ငါးဆယ်ကျပ်တန်သာ သုံးလို့ ရတော့သည်။ ဘဏ်အပ်ငွေ အတိုးအရင်းတွက်ရာမှာသာ ပြားစွန်းဖော်ပြနိုင်တော့သည်။

လမ်းမှာ ငါးကျပ်တန်၊ တစ်ဆယ် ကျပ်တန်၊ နှစ်ဆယ်ကျပ်တန်များတွေ့က မကောက်မယူကြတော့ဟုသိရသည်။ ကလေးများကိုပင် မုန့်ဖိုး ပေး၍ မယူတော့ပေ။ မရတော့ပေ၊ အစိုးရက ဝန်ဆောင်မှုပေးတဲ့ 'လစဉ်လျှပ် စစ်မီတာခကျသင့်ငွေမှာ အစွန်းထွက်လည်း မကျတော့ပေ။ အစွန်းထွက် ငါးဆယ်ကျပ်ကို နှစ်ဆယ် ကျပ်တန်၊ တစ်ဆယ်ကျပ်တန်၊ ငါးကျပ်တန်ကို ထည့်ပေးလျှင် လျှပ်စစ်ရုံးက ငွေလက်ခံသူက မကျေနပ်ပေ။ အချို့က အမူအရာသာပြ၍ အချို့က နှုတ်က ထုတ်ပြောကာ ငြင်းဆိုသည်။ ခေါင်းမာသူက ''ဘာလဲ၊ လက်မခံရလို့ တရားဝင်ညွှန်ကြားထားသလား'' ပြောဆိုမှ မကျေမနပ်လက်ခံကြသည်။

ဤသို့ဖြင့် နိုင်ငံတော် ဗဟိုဘဏ်က ငွေကြေးစနစ်လည်ပတ်မှုအရ တစ်ကျပ်တန်မှ ငါးကျပ်တန်၊ တစ်ဆယ်ကျပ်တန်၊ နှစ်ဆယ်ကျပ်တန်၊ ငါးဆယ်ကျပ်တန်၊ တစ်ရာကျပ်တန်မှသည် ငါးထောင်ကျပ်တန်၊ တစ်သောင်းကျပ်တန်အထိ ထုတ်ဝေထားရာ၊ ပြည်သူ့လက်ထဲတွင် စုစု ပေါင်း လည်ပတ်ငွေအားလုံး တန်ဖိုး စုစုပေါင်းမှာ ထိုထိုသော ငါးကျပ်တန်၊ တစ်ဆယ်ကျပ်တန်၊ နှစ်ဆယ် ကျပ်တန်၊ ငါးဆယ်ကျပ်တန်၊ တစ်ရာကျပ်တန်တွေပါ ပါနေပြီး တစ်နိုင်ငံလုံးတွင် စုစုပေါင်း သန်းဂဏန်းမျှ ကမည်မထင်ပါ။ ဈေးကွက်မှာရော၊ အစိုးရရုံးအချို့ကပါ လက်မခံကြသဖြင့် ထိုငွေစက္ကူအသေးစားတွေ လေ လွင့်ပြုန်းတီးနေပါသည်။

ထိုသို့မဖြစ်အောင် ဗဟိုဘဏ်က ပြန်လည်စုဆောင်းပြီး၊ စုတ်ပြတ်နေပါက အသစ်ရိုက်ခြင်း၊ ပြုလုပ်သင့်ပါသည်။ အလဟဿဖြစ်နေသော ထိုငွေ စက္ကူများသည် ငွေကြေးဖောင်းပွမှုတွင် တစ်နည်းနည်းများ သက်ရောက်နေမည်လားလည်း တွေး ပူမိပါသည်။ ငါးကျပ်တန်၊ တစ်ဆယ် တန်၊ နှစ်ဆယ်တန်တို့သည် ပင်စင်စားများသို့ ပင်စင်လစာထုတ်ပေးရာတွင် ပါလာတတ်ပါသည်။ ဈေးကွက် မှာ သုံးမရတော့၍ ဒီအတိုင်း 'ပစ်မထားပဲ' အနည်းဆုံး ဘုရားအလှူခံပုံး မှာ ထည့်လျှင် လစဉ်စုပြီး ဘဏ်ကိုအပ်လျှင်တော့ လက်ခံမည်ထင်ပါသည်။ ဘုရားစေတီပေါင်းများစွာက စုအပ်သော ထိုငွေ အသေးအနုတ်တွေစုပြီး ဗဟိုဘဏ်က ၁ဝဝ ကျပ် တန် ၂ဝဝ ကျပ်တန်များ ထုတ်ပေးလျှင် ငွေကြေးမဖောင်းမပွဘဲ ဈေးကွက်မှာ အလဲအလှယ်များ ပြေလည်နိုင်ပြီး ရန်ကုန် ဘတ်စ်ကားလောက အတွက်ပါ အကြွေပြဿနာများ ပြေ လည်စရာလည်းရှိမည်ထင်ပါသည်။

ဗဟိုဘဏ်က ငွေစက္ကူ အ ဟောင်းအနွမ်းများရှိပါက မြန်မာ့ စီးပွားရေးဘဏ်နှင့် ဘဏ်ခွဲများမှ လက်ခံလဲလှယ်ပြီး ဗဟိုဘဏ်သို့ ပို့ ပေးရန် ငွေတစ်ကျပ်တန်မှ ငါး ထောင်တန်အထိ လက်ခံပေးပါဟု လည်းကောင်း၊ အစုတ်အဟောင်းတွေ အဝင်နည်းနေသည်ဟူသော သတင်း  ကို မကြာသေးမီက ရုပ်မြင်သံကြား သတင်းမှာကြားသိရသည်။ ငွေစက္ကူ များတွင် တစ်ပိုင်းပြတ်နေပါစေ။ နံပါတ်ပီပီပြင်ပြင်ပါရှိလျှင် လဲပေးပါဟူ၍လည်း ညွှန်ကြားထားကြောင်း ကြားသိရပါသည်။ ပီတိလည်းဖြစ်မိသည်။ မြန်မာ့စီးပွားရေးဘဏ်သို့ ငွေစက္ကူ အဟောင်းအနွမ်း ၃ဝဝဝ ကို သွားလဲလှယ်ဖို့ ဝင်သွားသည်။ ငွေစက္ကူ အစုတ်အဟောင်းလဲလှယ်ပေးရာ ကောင်တာစာတန်းချိတ်ဆွဲထားခြင်း မတွေ့ရသဖြင့် မိတ်ဆွေဝန်ထမ်းတစ်ဦးထံ သွားရောက်မေးမြန်းရာမှ ဝန်ထမ်းက ကောက်တာတစ်ခုသို့ ကိုယ်တိုင်ခေါ်သွားပြီး စက္ကူ အဟောင်း ၂ဝဝ တန်၊ ၁ဝဝ တန်၊ ၅ဝ တန်ရောရာ ၃ဝဝဝ ကို အမျိုးသမီး ဝန်ထမ်းကိုပေးပြီး လဲလို့ရမရ စစ် ဆေးလဲလှယ်ပေးဖို့ပြောရာ၊ လွယ်လွယ်ကူကူလဲပေးလိုက်ရာ ကျေးဇူးတင် သာဓုခေါ်မိပါသည်။ တရားဝင်လဲပေးသည့် စာတန်းရေးချိတ်မထားတော့ တော်တော်တန်တန် သာမာန် ပြည်သူတွေ မည်သို့မေးရဲ စုံစမ်းရဲမှာလဲ။ ယခင်ဆယ်စုနှစ် တစ်ခုကျော်ကျော်က ခေတ်စားခဲ့သော အရပ် စကားတစ်ခုကို သတိရမိသည်။ 'ဆိုရှယ်လစ်အသိ' တဲ့၊ ဆိုရှယ်လစ်ခေတ်မှာ အရာရာခွဲတမ်း (ကိုတာ) စနစ်က အဓိကကျသော်လည်း အချို့ပစ္စည်းများမှာ အသိမိတ်ဆွေ ရင်းနှီးသူ တာ ဝန်ခံဝန်ထမ်းများရှိပါက  ဝယ်ယူခွင့်ရခြင်းကို 'ဆိုရှယ်လစ်အသိ' ဟု ပြောကြခြင်းဖြစ်သည်။ ယခုအထိ 'ဆိုရှယ်လစ် အသိ'က အရေးပါနေ ဆဲပါလား။

လိုက်ပို့သူ ဆိုက်ကားဆရာက ''ပိုက်ဆံအဟောင်းလဲလို့ရသလား'' မေးရာ၊ ရကြောင်း၊ 'လဲလှယ်ရာ ဌာန'လို့ စာတော့ကပ်မထားကြောင်း၊ မိတ် ဆွေဝန်ထမ်းက လိုက်ပို့၍ လဲလှယ်ရ ခဲ့ကြောင်း ပြောပြရာ သူက 'ရပ်ကွက် တွင်းမှာ လိုက်ပြီးလဲသူရှိတယ်။ ထက်ဝက်ကြေးပေးရတယ်' လို့ ပြောပါသည်။ ဒီကိစ္စဟာ ဆိုင်ရာဘဏ်ဝန် ထမ်းအချို့နှင့် ပေါင်းထားတဲ့ 'ပွဲစား' ပဲ ဖြစ်မည်။ ဘယ်သူက မွေးထား သလဲ၊ ဘယ်သူက သွားအမွေးခံသလဲ နှစ်ဦးစလုံး အဂတိလိုက်စားတာပဲ။

အလဟဿဖြစ်သွားမည့် တရားဝင် ငွေစက္ကူတွေကို သိမ်းဆည်းပြီး ပရဟိတ လုပ်ငန်းများအတွက် လှူနေသော ထိုင်းနိုင်ငံဘန်ကောက်မြို့ ရဲ့ တစ်ခုသော သုသာန် မီးသင်္ဂြိုဟ် စက်တာဝန်ခံသည် အသုဘရှင်များ ဘတ်ငွေတန်ဖိုးကြီးကြီးများကို အခေါင်းတွင် ထည့်ပေးသည်ကို ဖယ်ရှား စုဆောင်းပြီး ပရဟိတလုပ်ငန်းတွေကို လှူနေရာ တစ်လလျှင် ဘတ်ငွေ သိန်းဂဏန်း နှစ်ခုသုံးခုပင်ရတတ် ကြောင်း၊ သူက သူတို့ လေးစားကြည် ညိုသော ဘုရင်မင်းမြတ် (ကွယ်လွန်သူ ဘူမိဘော) ရဲ့ ရုပ်ပုံပါသော ငွေစက္ကူကို မီးမရှို့သင့်၊ ဒီလိုလုပ်ခြင်းသည် ဘုရင်ကို မလေးစားရာလည်း ရောက်သည်ဟု ယူဆကြောင်း ပြောသည်။ ပရဟိတလုပ်ငန်းများသည် ငွေကြေး အစဉ်လိုအပ်နေ၍ ယင်းတို့ ကို လှူခြင်းသည် ပို၍ကောင်းသည်ဟု အကြောင်းပြပါသည်။ တိုင်းမဂ္ဂဇင်း တွင် ဓာတ်ပုံနှင့်တကွ ဖတ်ရဖူးသည်။ အလွန်လုပ်သင့်သော အလုပ်ဖြစ်ပါ သည်။

ငြိမ်းချမ်းရေး ဂီတပွဲတော်မှာ အလှူငွေများ ထည့်ဝင်လိုလျှင် ငွေတစ်ကျပ်မှစ၍ လှူကြပါ။ OK အ ကောင့်ဖွင့်ထားကြောင်း အကောင့်နံပါတ်မှာ AC.No 09-449877771 Pmf mrtv, Peace music festival.com ဟု ရုပ်မြင်သံကြားမှ ကြေညာသည်။ ငွေလွှဲခ တစ်ပြားမျှပေးစရာမလို၊ ထို့အတူ ကမ္ဘောဇဘဏ်၊ CB ဘဏ်၊ ယူနိုက်တက်အမရဘဏ်၊ ဧရာဝတီဘဏ်တို့မှလည်း ငွေလွှဲနိုင်သည်ဟု ဆိုထားသည်။ နေပြည်တော်၊ ပျဉ်းမနားမြို့ CB ဘဏ်သို့ သွားစုံစမ်းသည်။ AC No ယူခဲ့ပါဆိုလို့ ယူသွားသည်။ သမီးငယ် မန်နေဂျာတစ်ဦးက အရေး တယူ လက်ခံစားပြောပြီးဆိုင်ရာဆိုင် ရာများသို့ ကိုယ်တိုင် ဖုန်းဆက်မေးပါသည်။ စိတ်ရှည်ရှည်စုံစမ်းပေးလို့ ကျေးဇူးတင်မိသည်။ သို့သော် ငြိမ်း ချမ်းရေး ဂီတပွဲတော် စီစဉ်သူများ ကြေညာသလို မလွယ်ပေ။ ထိုသမီးငယ်က ပြန်ပြောသည်မှာ ဧရာဝတီဘဏ်က သူတို့ဘဏ်ကိုသာ လာခဲ့ပါဟုပြောပါသည်။ ကဲ-ကြေညာထားသ လို ငွေတစ်ကျပ်သာ လှူနိုင်သည့်သူ ဘယ်လိုလှူမှာလဲ၊ တစ်ပြားနှစ်ပြား ခွာသုံးနေရသော စားရေးသူလို ပင် စင်စား အဘိုးကြီးက ငွေကလေး (ငါး ထောင်) လှူချင်သော်လည်း နောက် ထပ်ငွေ ၅ဝဝ-၁ဝဝဝ/ ဆိုက်ကားခ ပေးရဦးမှာလား လွယ်လွယ်လက်ခံပြီး ဘဏ်ချင်းချိတ်ဆက် လွှဲပြောင်းလိုက်လျှင် အခြေခံလူတန်းစား၊ ခေါင်းရွက်ဗျတ်ထိုးဈေးသည်တွေ တစ်ကျပ်မဟုတ်ပါ။ ၁ဝဝ/၂ဝဝ လှူကြမည်ထင်ပါသည်။

မည်သည့်နေရာမှာမှ သုံးမရတော့သည့် ၅ ကျပ်တန်၊ ၁ဝ တန်၊ ၂ဝ တန်တွေ ဗဟိုဘဏ်သုိ့သာ ပြန် ရောက်လျှင်၊ တစ်နိုင်ငံလုံးပျံ့နှံ့နေရာမှ စုလိုက်ပြီး သန်းဂဏန်းမကရလာလျှင် အသစ်ထုတ်၍ ၁ဝဝ၊ ၂ဝဝ တန်တွေ ပြန်ထုတ်နိုင်လျှင် ရန်ကုန် YBS မှာ ငွေအကြွေပြဿနာလည်း ပြေလည်သွားမည်။ ဗဟိုဘဏ်မှာလည်း သုံးမ ရသည့် ငွေလုံးငွေရင်း လည်ပတ်ငွေ အား လျော့သွားလျှင် ငွေကြေးဖောင်း ပွမှုလည်း သက်သာလာမည် ထင်မိပါသည်။

 

သုတကျော်

သုတကျော်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.