24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
အိုင် ၀ိုင် အိုင်

ကျွန်တော့်မြေးအကြီးသည် ယခုနှစ် ဇူလိုင်လဒုတိယပတ်အတွင်းက အရင်နှစ်က  သူအလုပ်ဝင်လုပ်ခဲ့သော နယူးယော့မြို့ အခြေစိုက် အိုင်တီကုမ္ပဏီက စပွန်ဆာလုပ်ပေးသည့်  အနီးအနား အာဆီယံနိုင်ငံများမှ သူ့ကုမ္ပဏီ၏ အိုင်တီဝန်ထမ်းများ တွေ့ဆုံပွဲသို့တက်ရန် အင်ဒိုနီးရှား နိုင်ငံသို့သွားရင်း စင်ကာပူနိုင်ငံသို့လည်း ရောက်ခဲ့သဖြင့် အပြန်တွင် ကျွန်တော့်အတွက်  စာအုပ်တစ်အုပ် ဝယ်လာ၏။

စာအုပ်၏အမည်မှာ Understanding Trump ဟူ၍ဖြစ်သည်။ ရေးသားသူမှာ ၁၉၉၄ ခုနှစ်မှ စ၍ အမေရိကန်အောက်လွှတ်တော်တွင် နှစ်အတော်ကြာကြာ လွှတ်တော်ဥက္ကဋ္ဌလုပ်ခဲ့သူ ရီပဗ္ဗလီကန်ပါတီမှ ဝါရင့်နိုင်ငံရေးသမားကြီး နျူဂင်းဂရစ်ခ်ျ (New Gingrich) ဖြစ်သည်။  ၂ဝ၁၂ ခုနှစ်တုန်းက ရီပဗ္ဗလီကန်ပါတီ၏ သမ္မတလောင်းအဖြစ် ဘားရက်အိုဘားမားနှင့် ယှဉ်ပြိုင်ရန် တောင် ကြိုးစားခဲ့ဖူးသူဖြစ်ပါသည်။

ဂင်းဂရစ်ခ်ျတို့ ဇနီးမောင်နှံသည် ၂ဝဝ၉ ခုနှစ်မှစ၍ ဒေါ်နယ်ထရန့်နှင့် သိကျွမ်းခဲ့ကြပြီး လွန်ခဲ့သောနှစ်တွင် ထရန့်က သမ္မတရွေးကောက်ပွဲဝင် ချင်သည်ဆိုသောအခါ ၄င်းအား အကူအညီပေးခဲ့ရင်း ယခုသမ္မတဖြစ်လာသော ထရန့်အကြောင်းကို ပို၍သိလာခြင်းဖြစ်သည်။

ထရန့်သည် အစိုးရဌာန ရာထူးတာဝန်မျိုးတွင်လည်း ဘာမျှမလုပ်ခဲ့ဖူးသော၊ နိုင်ငံရေးနယ်တွင် ကျက်စားလာခဲ့သူမျိုးလည်းမဟုတ်သော အပြင်လူသက်သက်တစ်ဦးဖြစ်၍ လူအများသည် သူ့ကို ကောင်းစွာနားလည်ချင်မှ နားလည်နိုင်မည်ဖြစ်၍ ဂင်းဂရစ်ခ်ျက ထိုစာအုပ်တွင် ထရန့်၏ အခြားသူများနှင့် မတူသော အတွေးအခေါ်နှင့် အရည်အချင်းများကို ရေးပြထားခြင်းဖြစ်ပါသည်။

ထိုစာအုပ်မှာ အမေရိကန်တွင် ပြီးခဲ့သော ဇွန်လတုန်းကမှ ပထမ အကြိမ်အဖြစ် ထုတ်ဝေသော စာမျက်နှာ ၃၅ဝ ခန့်ပါသည့် အတန်ထူသော စာအုပ်ဖြစ်ပြီး ထရန့်အကြောင်းကို အပိုင်းသုံးပိုင်း၊ အခန်း ၁၅ ခန်းခွဲ၍ ထိုစာအုပ်တွင် ရေးထားပါသည်။

ယခု ကျွန်တော်၏ဆောင်းပါး ခေါင်းစဉ်အဖြစ် တပ်ပေးထားသော IYI ဆိုသည်မှာ ထိုစာအုပ် အပိုင်း - ၂၊ အခန်း - ၄ ၏ ခေါင်းစဉ် The Rise of The IYI  ထဲ မှ စကားလုံးကိုယူ၍ ဖော်ပြထားခြင်း ဖြစ်ပါသည်။ ယင်းအတိုကောက်၏ အပြည့်အစုံအဓိပ္ပာယ်(အရှည်)မှာ  Intellectual Yet Idiot ဖြစ်ပါ၏။

Idiot ဟူသော ဝေါဟာရကို မြန်မာစာအဖွဲ့ထုတ် အင်္ဂလိပ်-မြန်မာ အဘိဓာန်တွင် မိုက်မဲသူ၊ အရူးအနှမ်း၊ လူအလူနဟူ၍ အဓိပ္ပာယ်ဖွင့်ထားပေရာ ထို Intellectual Yet Idiot ကို 'ပညာတတ်တော့ ပညာတတ်၊ ဒါပေမယ့် လူအလူန' ဟု ဘာသာပြန်ရမည်ထင်ပါ၏။

ထိုစကားသည် ဘယ်က စပေါ်လာပါသနည်းဟူသော် The Black Swan: The Impact of the Highly ဟူသော စာအုပ်တစ်အုပ်ရှိသတဲ့။ ရေးသူမှာ Nassim Nicholas Taleb ဆိုသူဖြစ်၏။ ထို စာအုပ်တွင် စာရေးသူတာလက်ဘ်က သာမန်လုပ်စားကိုင်စား ပြည်သူတွေနှင့် အုပ်ချုပ်ရေးအပိုင်း အထက်လွှာက အီလစ် Elite များအကြား ဆက်သွယ်မှု ပြတ်နေကြပုံကို ရေး ထားပါသတဲ့။

 ၂ဝ၁၆ ခုနှစ်၊ စက်တင်ဘာလတွင် တာလက်ဘ်ရေးသားခဲ့သော အက်ဆေးတစ်ပုဒ်၏ ခေါင်းစဉ်မှာဖော်ပြခဲ့သော Intellectual Yet Idiot ဟူ၍ ဖြစ်သည်။ ထိုအက်ဆေး၌ တာလက်ဘ်က အစိုးရအဖွဲ့ထဲ၊ နိုင်ငံရေးနယ်ထဲ၊ သတင်းစာလောကနှင့် ပညာရှင်အသိုင်းအဝန်းအထဲ၌ ပညာ တတ်တော့ပညာတတ်ပဲ။ ဒါပေမယ့် အထုံအအဆိုသောလူစုက တစ်နေ့တခြား တိုးတက်ထွန်းကားလာနေပုံကို ရေးသားထားပါသတဲ့။

ကျွန်တော်မြေးဝယ်လာသောစာအုပ်ကို ရေးသူဂင်းဂရစ်ခ်ျက ထရန့်၏ စရိုက်လက္ခဏာ လေးရပ်ကို ဖော်ပြထားရာ၌ Anti-Stupid ဟူသော စရိုက်လက္ခဏာတစ်ရပ်လည်း ပါဝင်သည်။ ထရန့်၏ ထို Anti-Stupid ဟူသော စရိုက်လက္ခဏာမှာလည်း  ပညာတွေကတော့ ဟားဗတ်တို့လို၊ ပရင်းစတန်တို့လို နာမည်ကြီးတက္ကသိုလ်တွေက ရလာတဲ့ဘွဲ့တွေ အမျိုးမျိုးရခဲ့သူတွေ ပညာတတ်တွေ ပဲ။ သူတို့ရေးသားလိုက်သော စီမံကိန်းတွေကတော့ ခန့်ခန့်ညားညားတွေပဲ။ ဒါပေမယ့် လက်တွေ့ကျတော့ ဘာမျှဟုတ်တိပတ်တိ အသုံးတည့်အကျိုးမဖြစ်ဘူးဆိုသော လူမျိုးတွေကို သဘောမကျဆန့်ကျင်သော စရိုက်လက္ခဏာဖြစ်ပါ၏။

ထရန့်သည် အောင်မြင်မှုတွေကို လက်တွေ့ဘဝဖြင့် ဖြတ်သန်းရယူလာသောသူဖြစ်သဖြင့် သူက လက်တွေ့သမား (Pragmatist) တစ်ဦးဖြစ်သည်။ သူက ပညာတွေ သိပ်တတ်တာပဲဆိုသည့် လူတိုင်းကို အထင်မကြီးပါ။ သူ့စီးပွားရေးလုပ်ငန်းတွေတွင်လည်း သူက ဘွဲ့လက်မှတ်တွေကို ထက် လက်တွေ့စွမ်းဆောင်ရည်ကိုကြည့်၍ ရာထူးတိုးပေးစရာရှိလျှင်တိုးပေးသည်။

        ထရန့်သည် ထိုသို့ Anti-Stupid စရိုက်လက္ခဏာရှိသူပီပီ IYI တွေကို အထင်မကြီးပါ။

        ထိုစာအုပ်တွင် IYI များနှင့် စပ်ရာသာဓက အချို့ကိုလည်း ရေးသားထားပါသည်။

သူသမ္မတရွေးကောက်ပွဲဝင်ရန် စိတ်ကူးသောအခါ ဂင်းဂရစ်ခ်ျအား ရွေးကောက်ပွဲစရိတ် ဘယ်လောက် ကုန်နိုင်သလဲဟုမေးသည်။ ဒေါ်လာ သန်း ၇ဝ-၈ဝ တွေကုန်လိမ့်မည်ဟု ဂင်းဂရစ်ခ်ျက ဖြေခဲ့သည်။ ရီပဗ္ဗလီကန် သမ္မတလောင်းဖြစ်ရေးအတွက်ပြိုင်ဖို့ ဂျက်ဘ်ဘွတ်ရှ် (ယခင်သမ္မတဟောင်း နှစ်ဦး၏သားနှင့်ညီ) ဆိုလျှင် ရွေးကောက်ပွဲ ရန်ပုံငွေဒေါ်လာသန်း ၁၁ဝ တောင် ကောက်ခံထားပါသ တဲ့။ သို့ရာတွင် ထရန့်သည် ဟီလာရီကလင်တန် ဒေါ်လာ ၂၂ သန်း ကုန်ပြီးချိန်၌ ဒေါ်လာ ၃ဝဝဝဝဝ မျှသာကုန်သေးသတဲ့။ သမ္မတဖြစ်လာချိန်အထိလည်း ဂင်းဂရစ်ခ်ျပြောသလို သန်း ၇ဝ-၈ဝ မကုန်ဘဲ ဒေါ်လာ သန်း ၃ဝ မျှသာ ကုန်ခဲ့သည်ဟုဆိုသည်။

အမေရိကန်သမ္မတ ရွေးကောက်ပွဲများ၏ အစဉ်အလာမှာ သမ္မတလောင်းများသည် ပညာရှင် တွေ အကြံပေးတွေ တစ်လှေကြီးနှင့် မဲဆွယ်စည်းရုံးရေးအဖွဲ့ကိုဖွဲ့စည်း၍ ပြိုင်ကြရလေ့ရှိသည်။ တီဗီရုပ်သံများ တွင်၊ ကြော်ငြာဖိုးတွေ သောက်သောက်လဲအကုန်ခံကာ ကြော်ငြာကြရသည်။

သို့ရာတွင် ထရန့်က အကြံပေးပုဂ္ဂိုလ်တွေ တစ်လှေကြီးနှင့်လည်း မပြိုင်ခဲ့။ တီဗီကြော်ငြာဖိုးလည်း အကုန်မခံ၊ သူက IYI တွေကို သိပ်အားကိုးချင်သူမဟုတ်ဟု ဆိုပေသည်။

ပင်တဂွန်ဟုခေါ်လေ့ရှိသော အမေရိကန် ကာကွယ်ရေးဝန်ကြီးဌာနတွင် ဝန်ထမ်း ၃၁ဝဝဝ ရှိသည်။ ဒုတိယ ကမ္ဘာစစ်အတွင်း၌ ကာကွယ်ရေးဌာနတွင် စစ်ဦးစီးဗိုလ်ချုပ်ကြီး (Chief of Staff)) မှာ ဂျော့မာရှယ်ဖြစ်သည်။ ဂျော့မာရှယ်က ဘာအကြောင်းအရာ၊ ဘာဖိုင်ကိုကြည့်လို သည်ဆိုလျှင် အသင့်တင်ပြနိုင်အောင် သူ၏အတွင်းရေးမှူးဖြစ်သူ ဘီးတဲလ်စမစ်သည် ဝန်ထမ်းများကို လေ့ကျင့်သင်တန်းပေးခြင်းမျိုးတွေ တောင်ပြုထားရသည်။ အမှန်တော့ ထိုဌာန၏ဗျူရိုကရေစီ ယန္တရား ၄ဝ ရာခိုင်နှုန်းတို့သည် အပိုသဘောဖြင့် အလုပ်တွေထပ်နေတာရှိသည်ဟု ဆိုသည်။ ထရန့်သည် ထိုကာကွယ်ရေး ဝန်ကြီးဌာနမှ IYI တွေကို မောင်းထုတ်ပြီး ဝန်ထမ်းတွေကို လျှော့ချပစ်နိုင်မည့် အခွင့်အရေးရနေပြီဟု ဂင်းဂရစ်ခ်ျက ရေးထားပါသည်။

ဗိုလ်မှူးကြီး Fast Tanks and Heaiy Bombers:Innovation in the US Army  1917-1945 ဟူသော စာအုပ်တွင် ၁၉၄ဝ ပြည့်နှစ် နွေရာသီတုန်းက ဖြစ်ရပ်တစ်ခုအကြောင်း ဖော်ပြထားသည်။

ဂျာမန်တပ်များသည် လျှပ်တစ်ပြက် စစ်ဆင်နည်းဖြင့် ပိုလန်တို့၊ ပြင်သစ်တို့ကို သိမ်းလာခဲ့သည့်အခါ ဂျော့မာရှယ်က အမေရိကန်ကြည်းတပ်မှ မြင်းစီးတပ်အကြီးအကဲ ဗိုလ် ချုပ်ကြီးကို ခေါ်ယူ၍ ဂျာမန်တို့၏ လျှပ်တစ်ပြက် ချီတက်လာမှုကို ဘယ်ပုံတုံ့ပြန်ရန် စီမံထားပါသလဲဟု မေးသည်။

 မြင်းစီးတပ်ဗိုလ်ချုပ်ကြီးက သူသည် ဂျာမန်တို့၏ တိုက်ခိုက်ပုံနှင့် ပိုလန်မြင်းတပ်က ဘာကြောင့် ဂျာမန်တင့်ကားတွေကို ပြန်မတိုက်နိုင်ခြင်းတို့ကို လေ့လာဆန်းစစ်ထားပြီးဖြစ်ကြောင်းနှင့် ပိုကောင်းသည့်နည်းကို သိထားပြီးဖြစ်ကြောင်း တင်ပြကာ တိုက်ပွဲဝင်ချိန်၌ မြင်းများလန်းလန်း ဆန်းဆန်းဖြစ်နေအောင် စစ်မြေပြင်အရောက်မြင်းများကို တင်ဆောင်လာနိုင်မည့် ထရပ်ကားများ လုပ်ထားသင့်ကြောင်း အကြံပေးပါသတဲ့။

မာရှယ်က ထိုဗိုလ်ချုပ်နှင့် ဆွေးနွေးရတာ ကျေးဇူးတင်ကြောင်းပြောပြီး အစည်းအဝေးကို ရပ်ပစ်လိုက်သည်။ ထို့နောက် သူ့အတွင်းရေးမှူး ဘီးတဲလ်စမစ်အား ထိုနေ့မွန်းတည့်ချိန်မှစ၍ မြင်းစီးတပ်ဗိုလ်ချုပ်ကြီးကို အငြိမ်းစားပေးလိုက်ရန်နှင့် ထိုရာထူးနေရာကိုလည်း ဖျက်သိမ်းပစ်လိုက် ရန် အမိန့်ပေးလိုက်ကြောင်း ဗိုလ်မှူးကြီး ဂျွန်ဆင်၏ စာအုပ်တွင်ရေးထားပါသတဲ့။

ထို့ကြောင့် ထရန့်နှင့် သူ၏ကာကွယ်ရေးဝန်ကြီး ဂျိမ်းမက်တစ္စတို့သည် ပင်တဂွန်က ''မြင်းစီးတပ် ဦးစီးဗိုလ်ချုပ်'' လို ရာထူးတွေကိုတွေ့မိကြလိမ့်မည်ဖြစ်ကြောင်း ရေးထားပါသည်။

 ထို့ကြောင့် အိုင်ဝိုင်အိုင်ဆိုသည် မှာ ပညာတွေတော့ကားတတ်ကြပါ၏။ သို့ရာတွင် လက်တွေ့ အခြေအနေကို ထင်ဟပ်နိုင်၍ အမှန်တကယ်  အကျိုးဖြစ်စေနိုင်မည့် အကြံဥာဏ် မျိုးကျတော့လည်း မရှိသည့် ပညာတတ် လူဖျင်းလူအများကို ဆိုလိုခြင်းဖြစ်သည်ဟု ဆိုနိုင်ပါကြောင်း ကျွန် တော်ဖတ်ရသောစာမှသုတကို စာဖတ်သူများအား မျှဝေပေးလိုက်ရပါကြောင်း။

ဦးတင်ဦး (ကျူရှင်)

ဦးတင်ဦး (ကျူရှင်)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.