16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
လယ်တီပဏ္ဍိတအား လယ်တီဆရာတော်ကြီးက ကျက်မှတ်စေခဲ့သော ငါးဂါထာ

 နောင်အခါ လယ်တီပဏ္ဍိတဟူ၍လည်းကောင်း၊ ရဟန်းဘဝမှ လူထွက်သွားသောအခါ လယ်တီပဏ္ဍိတ ဦးမောင်ကြီးဟူ၍လည်းကောင်း၊ ကျော်စောလာမည့် အသက် ၁၈ နှစ် အရွယ် ကိုရင်ကြီးသည် မုံရွာမြို့ တောင်ဘက် ရွာထောင်တောရ၌ သီတင်းသုံးသည့် ဓုတင်ဘုန်းကြီးဦးကဝိ နောက်မှလိုက်ပါ၍ ၁၂၅၉ ခုနှစ်တွင် မုံရွာမြို့လယ်တီစာသင်တိုက်မှ လယ်တီဆရာတော် ဘုရားကြီးထံသို့ ရောက်သွားသော် လယ်တီဆရာတော်ဘုရားကြီးက ''မင်းဘွဲ့မည်သူတဲ့ လဲ'' မေးတော်မူ၏။

''ပဏ္ဍိစ္စပါ ဘုရား''ဟု လျှောက်ထား၍ ထိုအမည်က်ိုကြားရသည့်အခါ လယ်တီဆရာတော် ဘုရားကြီးသည် မိမိဆရာ စလင်းဆရာတော်ကြီး၏ ဘွဲ့နှင့်တူနေသဖြင့် ခေါ်ရန် ခက်ခဲပေရာ ''မင်းဘွဲ့က ငါ့ဆရာ စလင်းဆရာတော်ကြီး ဘွဲ့နဲ့တူနေတယ်။ သဒ္ဒါနည်းအရ ဘာဝရုပ်ကြီး ဖြစ်၍လည်းမကောင်းဘူး။ ပဏ္ဍိတလို့ပြင်ရမယ်၊ ဒီကိုရင်ကို ပဏ္ဍိတလို့ခေါ်ကြ''ဟု ချက်ချင်းမိန့်တော်မူသည်။

သို့ဖြင့် လယ်တီပဏ္ဍိတ ဦးမောင်ကြီးအလောင်းအလျာ ရှင်ပဏ္ဍိစ္စမှာ ရှင်ပဏ္ဍိတဟူ၍ဖြစ်လာ သည်။

လယ်တီဆရာတော် ဘုရားကြီး၏ဆရာ စလင်းဦးပဏ္ဍိစ္စမှာ စာတတ်အကျော် ဆရာတော်ကြီးတစ်ပါးပင်။ သာသနာဝင်တွင် 'လုံပဏ်လင်းပဏ်၊ ထိုနှစ်ပဏ် ဘယ်ပဏ်သာ၍ တတ်သနည်း'ဟူသော အမေးပုစ္ဆာ တောင် ပေါ်ဖူးသည်။

'လုံပဏ်' ဆိုသည်မှာ နောင်အခါ ပဏ္ဍိတဓဇသိရီပဝရမဟာဓမ္မရာဇာဓိ ရာဇဂုရု တံဆိပ်တော်ရ အလုံမြို့သာစည်ရွာ ဇာတိ၊မိုင်းခိုင်း ဆရာတော်ကြီး အရှင်ပဏ္ဍိတကို ဆိုလိုသည်။

 'လင်းပဏ်' ဆိုသည်မှာ စလင်းမြို့ ရွာခိုင်ရွာဇာတိ ဦးပဏ္ဍိစ္စကို ဆို လိုသည်။

 ရွှေရေးဆောင် ဆရာတော်ကြီးဦးကြည်ဟု ထင်ရှားသော အရှင်အာဒိစ္စဝံသက သူ၏ စံကျောင်းနိယံဟုလည်းခေါ်သည့် ဂမ္ဘီရတ္ထနိယာမ ကျမ်းနိဂုံးတွင် လင်္ကာဖွဲ့၍ မှတ်တမ်း တင်ထားသော ''စန်၊ ဥာ၊ ဂု၊ နန်၊ ဆင် ရန်တစ်ထွေ၊ သူ၊ ဉေ၊ သု၊ ပဏ်၊ ရှစ် တန်ထေရ်မော်၊ ကျွန်းလုံးကျော်တို့ ရှေ့သော် ဆရာ၊ နောက်မှာ သိဿ၊ ဆင့်ဆင့်ပြလော့၊ ဝံသစင်ကြယ်၊ ငါတို့ နွယ်တည်း''ဟူသော ဆရာစဉ်ဆက် ရှစ်ပါးတို့အနက် နောက်ဆုံး 'ပဏ်' ဖြင့် ရည်ညွှန်းသော 'ပဏ်' ကား 'လုံ ပဏ်' ဟု အတိုမှတ်သည့် မိုင်းခိုင်း ဆရာတော်ကြီး ဦးပဏ္ဍိတဖြစ်ပါ သည်။

လယ်တီဆရာတော် ဘုရားကြီးအလောင်းအလျာ အရှင်ဥာဏသည် အရှင်အာဒိစ္စဝံသ ( ရွှေရေးဆောင် ဆရာတော်ကြီး ဦးကြည်) နှင့် စာသင်ဖက်ဖြစ်၍ ဖော်ပြပါဆရာစဉ်ဆက် ရှစ်ပါးနှင့် အဆက်မကင်းသော်လည်း ဆရာအရင်းကမူ 'လင်းပဏ်' ခေါ် စလင်းဦးပဏ္ဍိစ္စဖြစ်ပါသည်။

ထိုကြောင့် လယ်တီပဏ္ဍိတ အလောင်းအလျာ ကိုရင်ကြီးရှင်ပဏ္ဍိ စ္စ၏ ဘွဲ့မည်မှာ သူ့ဆရာရင်း ဦးပဏ္ဍိစ္စ၏ ဘွဲ့အမည်နှင့် တူနေသော ကြောင့် ရှင်ပဏ္ဍိတဟု ဘွဲ့မည်ပြင် ပေးခဲ့ခြင်းဖြစ်ပါသည်။

ထိုသို့ ဘွဲ့အမည်ကို ပြင်ပေးလိုက်ပြီးနောက် သင်ရိုးစာတွေကို သင်ပေးသည်။ သင်ရိုးစာများအပြင် မျက်စိပွင့်ရန် အထွေထွေစာကောင်းတွေ ဖတ်ဖို့လိုသဖြင့် ရှေးကနီတိတွေ အ မျိုးမျိုးရှိပြီးဖြစ်သော်လည်း ယင်းတို့ကို သိပ်မကြိုက်၍ ကိုယ်တိုင်တိပိဋကနီ တိကျမ်းကိုရေးပါသည်။ အရှင်ပဏ္ဍိတကို သင်ပေးရန်ဖြစ်ပါသည်။

လယ်တီဆရာတော်ဘုရားကြီးက ကိုရင်ပဏ္ဍိတကို ပိဋကတ်သုံးပုံ ပါဠိတော်တို့မှ ကြိုက်ရာ ဂါထာတစ်ပုဒ်ကို ရွေးနုတ်ကျက်စေပြီးနောက် ၁၂၆ဝ ပြည့်နှစ် တန်ခူးလပြည့်ကျော် ၁ဝ ရက်၊ နှစ်ဆန်း ၁ ရက်တွင် အောက်ပါဂါထာကို ပထမဆုံးသင် ပေးတော်မူသည်။

        ပစ္စုပ္ပန္နောစ ယောအတ္ထော

        ယောစတ္ထော သမ္ပရာယိကော။

        အတ္ထာဘိသမယာ ဓီရော

        ပဏ္ဍိတောတိပဝုစ္စတိ။

(သံ၊ ၁။ ၈၇ - ၈၉)

အဓိပ္ပာယ်မှာ မျက်မှောက်ပစ္စုပ္ပန်နှင့် ဆိုင်သောအကျိုးစီးပွား၊ နောင်တမလွန်လောကနှင့် သက်ဆိုင်သော အကျိုးစီးပွားဟူ၍ အကျိုးနှစ်မျိုးရှိပေသည်။ ထိုအကျိုးနှစ်မျိုးကို လက်ဝယ်ပိုင်ပိုင်ရရှိနိုင်ခြင်းကြောင့် ခုရေး နောင်ရေး မျှော်တွေးသိမြင် ပညာရှင်ကို ပဏ္ဍိတဟူသော ဘွဲ့ထူး ဖြင့် ချီးကျူးခေါ်ဆိုအပ်လေသည်ဟူ၍ ဖြစ်ပါသည်။

ဆရာတော်ဘုရားကြီးက တပည့်ဖြစ်သူ ရှင်ပဏ္ဍိတအား ပဏ္ဍိတဟူသော ဘွဲ့အမည်အား လျော်စွာ ပဏ္ဍိတဂုဏ်နှင့် ပြည်စုံစေလိုသော ဆန္ဒဖြင့် ထိုဂါထာကို သင်ပေးတော်မူခြင်းဖြစ်ပါသည်။

        ၁၂၆ဝ ပြည်နှစ်၊ နှစ်ဆန်း ၂ ရက်နေ့ကျတော့ ကိုရင်ပဏ္ဍိတအား အောက်ပါဂါထာကို ကျက်မှတ်စေပါ သည်။

        ယောဗာလော မညတိ ဗာလျံ

        ပဏ္ဍိတော ဝါပိ တေနသော။

        ဗာလောစ ပဏ္ဍိတမာနိ

        သဝေ ဗာလောတိ ဝုစ္စတိ။

(ဓမ္မပဒ၊ ဂါထာ ၆၃)

အဓိပ္ပာယ်မှာ အကြင်သူမိုက်သည် မိုက်ပင်မိုက်သော်လည်း ငါလူမိုက်ပါလားဟု စဉ်းစားဥာဏ်ပေါ်ပေါက်၏။ ထိုသို့စဉ်းစားလျှင် ထိုလူမိုက်သည် ပညာရှိ စာရင်းဝင်နိုင်၏။ အကယ်၍ ထိုလူမိုက်သည် မိမိ၏ မိုက်မဲမှုကိုမသိဘဲ ငါတတ်သိသည် ဟု၊ ငါပညာရှိသည်ဟု အထင်ကြီးနေ ပါက ထိုသို့သော သူမိုက်မျိုးသည်သာ လူမိုက်အစစ်ဟု ဆိုထိုက်သည်ဟူ၍ ဖြစ်ပါသည်။

 နောက်တစ်ရက် (၁၂၆ဝ ပြည့် နှစ် တန်ခူးလပြည့်ကျော် ၁၂ ရက်) တွင် အောက်ပါဂါထာကို ကျက်မှတ် စေပြန်သည်။

        သာဓုခေါ ပဏ္ဍိတောနာမ

        နတွေဝ အတိပဏ္ဍိတော။

        အတိပဏ္ဍိဇာန ပုတ္တေန

        မနမှိ ဥပကူဠိတော။

 (ဇာတက ဂါထာ - ၉၈)

အဓိပ္ပာယ်ကား ''ဤလောက၌ နည်းမှန်လမ်းမှန်ပညာရှိ၍ ပဏ္ဍိတ မည်ရုံသာ သင့်လျော်သည်။ အကျော် ထက်အကျော်၊ အမော်ထက် အမော်အခေါ်အဝေါ်အားဖြင့် အလွန့်အလွန် ပညာရှိ၍ အတိပဏ္ဍိတဖြစ်ခဲ့ပါလျှင် မကောင်းချေ။ အတိပဏ္ဍိတဟူသော သားတစ်ကောင်ကြောင့် ကိုယ် တစ်ခြမ်းမီးလောင်ခဲ့ရဖူးပြီဟူ၍ ဖြစ် ပါသည်။

တန်ဖူးလပြည့်ကျော် ၁၃ ရက်တွင် ကိုရင်ပဏ္ဍိတအား အောက်ပါ ဂါထာကိုကျက်စေသည်။

သီဟောဝ သဒ္ဒေသု အသန္တသန္တော

ဝါတောဝဇာလမှိ အသဇ္ဇမာနော။

ပဒုမံဝတောယေန အလိပ္ပမာနော

ဇကောဓရေ ခဂ္ဂဝိသာဏကပ္ပေါ။

(သုတ္တန်၊ ဂါထာ - ၇၁)

အဓိပ္ပာယ်ကား ခြင်္သေ့မင်းသည် အသံဟူသော အကြောင်းကြောင့် ကြောက်လန့်တုန်လှုပ်ခြင်း မရှိသကဲ့သို့ လည်းကောင်း၊ ပိုက်ကွန်၌ မကပ်ငြိ မတွယ်တာသကဲ့သို့လည်းကောင်း၊ ရေ၌ပေါက်သော ပဒုမ္မာကြာသည် ထိုရေနှင့် လိမ်းကျံငြိတွယ်ခြင်း မရှိသကဲ့သို့လည်းကောင်း၊ ထိုနည်းတူစွာ အပေါင်းအဖော်၌ အငြိအတွယ်မရှိဘဲ သူတစ်ပါးတို့၏ ကဲ့ရဲ့သံ၊ ချီးမွမ်းသံတို့ဖြင့် တုန်လှုပ်ခြင်းမရှိဘဲ ကြံ့ချိုနှင့်တူစွာ ကိုယ်ပိုင်အစွမ်းကိုအားကိုး၍ တစ်ကိုယ်တည်း ကျင့်ကြံကြိုးစားရာ၏''ဟူ၍ဖြစ်ပါ သည်။

        ထို ၁၂၆ဝ ပြည့်နှစ်၊ တန်ခူးလ ပြည့်ကျော် ၁၄ ရက်တွင်  အောက်ပါဂါထာကို ကျက်မှတ်ရန် ရွေးချယ် ပေးတော်မူပြန်ပါသည်။

        အမောဃံ ဒိဝသံကယိရာ

        အပ္ပေန ဗဟုကေနဝါ။

        ယံယံ ဝိဇဟတေရတ္တိ

        တဒူနံ တဿဇီဝိတံ။

(ထေရဂါထာ - ၄၅၁)

အဓိပ္ပာယ်မှာ ''နေ့ညဥ့်အချိန် နာရီများကို အနည်းငယ်ကလေးဖြစ်စေ၊ အများပင်ဖြစ်စေ အကျိုးမဲ့မဖြုန်းတီး၊ အကျိုးရှိရှိ အသုံးပြုရာသည်။ အကြင်အကြင် နေ့ညဥ့်အချိန် နာရီများကို အကျိုးမဲ့ စွန့်လွှတ်လိုက်ပါက ထိုသူမှာ အချိန်နာရီတို့ ဆုံးရှုံးလေသည်။ ထိုအချိန်နာရီနှင့်အတူ အသက်သည် လည်း ဆုံးရှုံးလေတော့သည်''ဟူ၍ ဖြစ်ပါသည်။

ကျွန်တော်သည် ဦးအောင်မွန် (မြတ်ဆုမွန်) ရေးသားသည့် ကျေးဇူး ရှင်လယ်တီဆရာတော် ဘုရားကြီး ဘဝဖြစ်တော်စဉ်ဟူသောစာအုပ်တွင် ဖော်ပြထားသော အထက်ပါ အကြောင်းအရာများကို ဖတ်ရပြီးနောက် လယ်တီဆရာတော် ဘုရားကြီးက ဥာဏ်ပါရမီထက်လှစွာသော သူ့တပည့်ရှင် ပဏ္ဍိတကို စာတတ်ရုံမျှမက လိမ္မာရေးခြားရှိစေရန်အတွက်ပါ ရည်ရွယ်၍ ကျက်မှတ်စေကာ သင်ပြပေးခဲ့သောဂါထာများကို ဖတ်ရသည့်အခါ ကိုယ့်အသက်က ကိုရင် ကြီးအရွယ် (၁၈ နှစ်အရွယ်) ကလေးလောက်ပင် မဟုတ်တော့သော်လည်း ထိုဂါထာများပါ အဆုံးအမများကို ဆင်ခြင်နှလုံးသွင်း နေမိပါသည်။

စာဖတ်သူတွေအား သုတပညာ ဖြန့်ဖြူးစာတွေရေးနေသူပင်ဖြစ်သော်လည်း ငါကိုယ်တိုင်က လည်း-

ပစ္စုပ္ပန်အကျိုး၊ တမလွန် အကျိုးကို မျှော်တွေးတတ်သော ပညာမျိုးရှိအောင် ကြိုးစားဦးမှ။

 ငါတတ်ကြီးလုပ်နေ၍ မပြီးသေး၊ ကိုယ်မိုက်တာကိုလည်း မိုက်မှန်းသိအောင်ပြုဦးမှ။

ငါငယ်စဉ်က ငါ့ဆရာပြောလေ့ရှိသည့် 'ပိဋကတ်အိုးကွဲ' ကြီးမဖြစ်အောင်လည်း သတိထားဦးမှ။

 ငြိတွယ်ခြင်းကင်းကာ တစ်ကိုယ်တည်းပေါက်မြောက်အောင် ကျင့်ကြံ အားထုတ်ပေဦးမှ။

နည်းလှသည့် ဘဝတာအချိန် ကလေးမှာ နှစ် ၇ဝ ကျော်သည် မနေ့တစ်နေ့ကမှ ကုန်သွားဘိသကဲ့သို့ ကုန်မှန်းမသိကုန်သွားလေပြီ၊ နေဖို့ သိပ်မကျန်တော့လှ၊ ကျန်သေးသမျှသော နာရီ၊ ရက်၊ လ၊ နှစ် အနည်းငယ်မျှလောက်ကို အကျိုးရှိစွာ ကုန်စေတော့မှသာ လူဖြစ်ကျိုးနပ်နိုင်လေ မည် 'တကား'ဟု သံဝေဂပွားမိပါသတည်း။

 

ဦးတင်ဦး (ကျူရှင်)

ဦးတင်ဦး (ကျူရှင်)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.