19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
တောမီးကို တောမီးနဲ့ လှန်ရှို့ပစ်လို့ရပေမယ့်

 

'တောမီးကို တောမီးနဲ့လှန်ရှို့ပစ်ရတယ်' ဆိုတဲ့စကားကို အရင်ကကြားခဲ့ဖူးတယ်။ ဒီစကားဟာ ဘယ် လောက်မှန်ပြီး ဘယ်လောက်အကျိုး ရှိနိုင်တယ်ဆိုတာ မသိရပေမယ့် အဲဒီ စကားရဲ့အနက် အဓိပ္ပာယ်ဖွင့်ဆိုချက် ကိုတော့ တစေ့တစောင်းကြားဖူးပါတယ်။ တောမီးလောင်နေပါတယ်ဆို မှထပ်ပြီး မီးရှို့ရဦးမယ်ဆိုတာဟာဘာလဲ။ လောင်နေတဲ့မီး ကိုယ့်ဆီကို ရောက်မလာခင် သူလာမယ့်လမ်းက လောင်စာတွေ အမှိုက်သရိုက်တွေကို စုပြုံမီးရှို့ထားလိုက်တော့ ကိုယ်ရှိနေတဲ့အရပ်မှာမီးကကူးမလာနိုင်ဘူး ပေါ့။ ဒီအဓိပ္ပာယ်နဲ့ တောမီးလောင်လာရင် ကိုယ့်ပတ်ဝန်းကျင်က မီး လောင်စရာ လောင်စရာတွေကို ကြို တင်မီးရှို့ထားလိုက်တဲ့အခါ လောင်နေတဲ့မီးကကိုယ့်ဆီကိုရောက်လာတဲ့အခါ လောင်စရာ လောင်စာမရှိမတော့တဲ့အတွက် အလိုလိုအရှိန်လျော့သွားတယ်၊  မီးငြိမ်းသွားတတ် တယ်မဟုတ်လား။ ဒါကြောင့် တောမီးလောင်လာရင် မီးအဝိုင်းခံနေရပြီ ဆိုရင် ကိုယ့်ပတ်ဝန်းကျင်ကလေးမှာ ရှိနေတတ်တဲ့ လောင်စာတွေမရှိတော့ မကျန်တော့အောင် မီးပုံပြီးရှို့ပစ်ရတယ်။ ဒါမှသာ လောင်လာတဲ့ တောမီးဟာ လောင်စရာမရှိတော့တဲ့ သဘောဖြစ်သွားပြီး တောမီးဘေးက လွတ်သွားလိမ့်မယ်။

 တောမီးလောင်လာရင် တောမီးလောင်နေရင်ကိုယ့်ပတ်ဝန်းကျင်က မီးလောင်စရာရှိတဲ့ အရာတွေကို ကြိုတင်ပြီး မီးရှို့ထားလိုက်ရင်လောင်စ ရာလောင်စာနည်းသွားတဲ့အတွက် ကိုယ့်ဘက်မှာမီးလောင်တာ၊ မီးကူးတာ နည်းသွားလိမ့်မယ်။ ဒါကြောင့် တောမီးကိုတောမီးနဲ့လှန်ရှို့ရတယ်လို့ ပြောကြတာဖြစ် လိမ့်မယ်။ ဒီစကားဘယ်လောက်မှန်ပြီးဘယ် လောက်မှားတယ်ဆိုတာကို ကိုယ်တိုင် လက်တွေ့ တွေကြုံဖူးတဲ့လူတွေ အသိဆုံးဖြစ်လိမ့်မယ်။ ဒီစကားဟာ 'လာမယ့်ဘေးပြေး တွေ့'ဆိုတဲ့ အဓိပ္ပာယ်လည်းကောက်ယူနိုင်ပါလိမ့် မယ်။

စစ်ပွဲတွေဖြစ်နေတဲ့ ဒီနေ့ကာလမှာ စစ်ပွဲကိုစစ်ပွဲနဲ့တုံ့ပြန်ချင်တဲ့သူတွေက တောမီးကို တောမီးနဲ့လှန်ရှို့ပစ်ရတယ်ဆိုတဲ့ အယူအဆကိုလက်ခံနေကြတဲ့ သူတွေရှိပါတယ်။ အရေအတွက် ဘယ်လောက်များတယ်၊ ဘယ်နှရာခိုင်နှုန်းလောက်ရှိ နိုင်တယ်လို့ မခန့်မှန်းရဲပေမယ့် တောမီးကိုတောမီးနဲ့ ဟန့်ထားချင်တဲ့ သူတွေရှိနိုင်သလို စစ်ပွဲကိုစစ်ပွဲနဲ့ ဟန့်တားချင်ကြတဲ့ သူတွေလည်းရှိနေကြမှာအမှန်ပါပဲ။ ကျူးကျော် စစ်တွေ၊ ခုခံစစ်တွေ မခွဲခြားကြပါဘူး။ တစ်စုံတစ်ဦးရဲ့ ပယောဂကြောင့် စစ်ပွဲတစ် ပွဲဖြစ်လာပြီဆိုရင် အဲဒီစစ်ပွဲကို စစ်ပွဲနဲ့ပဲဟန့်တားရလိမ့်မယ်။ သေနတ် ကိုင်ထားတဲ့ လက်ကို စိတ်ပုတီးကြီးပေးနေလို့ရမှာမဟုတ်ဘူး။ သေနတ်ကိုင်ထားတဲ့လူတွေ ဖန်တီးခဲ့တဲ့ စစ်ပွဲကိုမေတ္တာကမ္မဋ္ဌာန်းဆီးဖျန်းပြီး ဟန့်တားနေလို့ရမှာ မဟုတ်ပါဘူး။ သေ နတ်ကိုင်ထားတဲ့ သူရဲ့လက်ထဲကသေနတ်ကိုလွှတ်ချသွားအောင် စွမ်း ဆောင်နိုင်တာက သေနတ်ပဲဖြစ်လိမ့်မယ်လို့ တချို့က အကြွင်းမဲ့ ယုံကြည်နေကြပါတယ်။ ဒီတော့ စစ်ပွဲကို စစ်ပွဲနဲ့ ဟန့်ထားချင်တဲ့ အယူအဆကတချို့လူတွေမှာ ငယ်ထိပ်ရောက်အောင် စစ်အဆိပ်တက်နေကြတတ်လေ။

တချို့က စစ်ပွဲတွေရှိမှ သြဇာအာဏာအရှိန်အဝါတွေ ဖော်ထုတ်ခွင့်ရလိမ့်မယ်။ စစ်အနိုင်ကို တိုက်ခိုက်ရင် ကိုယ့်ရည်မှန်းချက်တွေ (ကောင်းသည်ဖြစ်စေ၊ ဆိုးသည်ဖြစ် စေ) အကောင်အထည်ဖော်ခွင့်ရလိမ့်မယ်။ သူတို့ကစစ်တိုက်နေလို့ ကျွန် တော်တို့ကလည်း ပြန်တိုက်နေရတာပါဆိုပြီး အကြောင်းပြချက်ရလိမ့် မယ်။ ဘယ် သေနတ်ကိုင်ထားတဲ့လူမဆို 'စစ်အနိုင်တိုက်ရေးနဲ့ အာဏာသိမ်းရေး'ကို အာသီသရှိကြ ပြီး တချို့ကတော့ အာဏာနဲ့တွဲပါနေတဲ့ သေနတ်ကိုဖက်တွယ်ထားရေးက အဓိကဖြစ် နေတာမို့ သေနတ်သံတွေညံနေလေလေ ကြိုက်လေလေ ဖြစ်နေတတ်တယ်။

တကယ်တော့ သေနတ်သံတွေဟာ လူထုကောင်းကျိုးကို ဆောင်ရွက် ပေးတာက နည်းတယ်။ သေနတ်သံတွေကြောင့် လူတွေသာဒုက္ခရောက်ကြရတယ်။ သေနတ်သံတွေနဲ့ ဝေးရာကို ရှောင်ရှားပြေးလွှားနေရတဲ့ဒုက္ခကို အိုးပစ်အိမ်ပစ် ပြည်သူလူထုကြီးသာအသိဆုံးဖြစ်လိမ့်မယ်။ အာဏာရှိတဲ့ သေနတ်ကိုင်တွေ၊ အာဏာရဖို့ ကြိုးစားနေကြတဲ့ သေနတ်ကိုင်တွေ အားလုံးဟာ သူတို့ မျှော်မှန်းတဲ့ ကိစ္စ တစ်ခုအတွက် တောမီးကို တောမီးနဲ့ လှန်ပြီး ရှို့နေကြတယ်ဆိုတာကို ဖုံး ကွယ်ထားတတ်ကြတယ်။ ဘယ်သူမဆို ကိုယ်ကောင်းတယ်။ သူမကောင်း ဘူးဆိုတဲ့ အတွေးအမြင်တွေက ဖုံးလွှမ်းနေလေတော့ ရည်ရွယ်ချက်ရှိရှိ ပေါ်လာတဲ့ သေနတ်သံရော ရည်ရွယ်ချက်မရှိဘဲ ပေါ်လာတဲ့သေနတ် သံရော လူထုကြီးအတွက် ကတော့  ဘယ်လိုမှ သာယာနာပျော်ဖွယ်မကောင်းတဲ့ ငှက်ဆိုးထိုးသံတွေပဲဖြစ် လိမ့်မယ်။

 တောမီးကို တောမီးနဲ့လှန်ရှို့တယ်ဆိုတဲ့ ကိစ္စတွေဟာအကြောင်း ပြချက်တစ်ခုပဲဖြစ်တယ်ဆိုတာ အားလုံးပဲသိကြပါတယ်။ မီးကိုမီးနဲ့တား ဖို့ကြိုးစားတာဟာမှန်ကန်ပါ့မလား။ သေနတ်သံကို သေနတ်သံနဲ့ဖုံးလွှမ်း သွားအောင်လုပ်ကြတာထက် တခြား နည်းနာတစ်ခုနဲ့ ဖုံးလွှမ်းပျောက် ကွယ်သွားအောင် လုပ်နိုင်ကြရင် ကောင်းတာပေါ့။ မီးလောင်နေလို့ အဲဒီမီးကို မီးနဲ့တားဆီးနေတာမျိုးထက် တခြားနည်းနာ တစ်ခုခုနဲ့တားဆီးတာမျိုးက ပိုမိုမကောင်းပေဘူးလား။ စဉ်းစားကြဖို့ ပြောတာပါ။ မီးလောင်နေတဲ့အတွက် အဲဒီမီးကိုတားဆီးမယ်ဆိုတဲ့ ရည်ရွယ်ချက်နဲ့ တောမီးကိုတော မီးရှို့ပြီးတားဆီးမယ်ဆိုတဲ့ ရည်ရွယ်ချက်ဟာ မှန်ကန်နိုင်ပါ့မလား။ တချို့ နေရာတွေမှာ မှန်ကန်ကောင်းမှန် ကန်နိုင်ပေမယ့်နေရာတိုင်းအတွက်တော့ မမှန်ကန်လောက်ဘူး။ ပြောချင်တာက တောမီးကိုတောမီးနဲ့တားသလို သေနတ်သံမြည်နေတဲ့ တိုက်ပွဲများကိုလည်း တိုက်ပွဲများသေနတ်သံများနဲ့ တားဆီးကြဖို့ဆိုတာ မှန်ကန်ပါ့မလား။

အရင်တုန်းက သေနတ်သံတွေကြားနေရလို့ အဲဒီသေနတ်သံတွေ ပျောက်ကွယ်သွားဖို့အတွက် သေနတ်တွေ ထပ်မံကိုင်တွယ်ပြီး ဆန့်ကျင်ခဲ့ပေမယ့် ပျောက်ကွယ်သွားတဲ့ အခြေအနေမျိုးမကြုံခဲ့ရဘူး။ သေနတ်သံတွေသာပိုများ၊ ပိုဆူညံလာခဲ့တာကို တွေ့ကြရမှာပါ။ ဒါဟာလက်တွေ့များထဲက အတွေ့အကြုံပါ။ သေနတ်သံ တွေဟာ သေနတ်တွေ ပစ်ခတ်နေလို့သာဖြစ်လိမ့်မယ်။ တကယ်တော့ သေနတ်သံတွေ ငြိမ်ဖို့ဆိုတာတိုက်ပွဲတွေမဖြစ်ကြမှဖြစ်လိမ့်မယ်။ ဘယ်လိုအကြောင်းပြ ချက်နဲ့မဆို သေနတ်သံမမြည်မှဖြစ်လိမ့်မယ်။

 တောမီးကို တောမီးနဲ့တားနိုင်ပေမယ့် သေနတ်ကိုတော့သေနတ်နဲ့ တားလို့ရမယ် မထင်ပါဘူး။

ထက်ကျော်

ထက်ကျော်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.