19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
သတင်းမီဒီယာနှင့် အစိုးရ

အစိုးရနှင့် မီဒီယာ

       ပွင့်လင်းမြင်သာမှုသည် ဒီမိုကရေစီ၏ အနှစ်သာရဟု ဆိုကြသည်။

       ပွင့်လင်းမြင်သာမှုမရှိလျှင် ဒီမိုကရေစီနှင့် ဝေးရပေမည်။

       ပွင့်လင်းမြင်သာမှုကို အဓိကဆောင်ကြဉ်းပေးသည်ကတော့ မီဒီယာများပင်ြဖစ် သည်။

       သတင်းမီဒီယာများသည် အစိုးရနှင့်ပြည်သူအကြားပေါင်းကူးပေးသည်။ အမှန်တရားကို ဦးထိပ်ထားသော အစိုးရနှင့်သိက္ခာကို အဓိကထားသော သတင်းသမား၊ သတင်းဌာနမီဒီယာများသည် တိုင်းပြည်တိုးတက်ရာ တိုးတက်ကြောင်းကို ဆောင်ရွက် နိုင်သည်။

       အစိုးရသည် မမှန်မကန်လုပ်ပါက သတင်းမီဒီယာများက ဖော်ထုတ်သည်။

       သတင်းမီဒီယာများက မမှန်မကန်ရေးသားလျှင် အစိုးရက တရားစွဲ အပြစ်ပေးနိုင် သည်။ သတိပေးနိုင်သည်။

       အစိုးရသည်လည်းကောင်း၊ သတင်းမီဒီယာသည်လည်းကောင်း တူညီသော တစ်ခု တည်းသော ပန်းတိုင်ရှိသည်။

       ထိုပန်းတိုင်သည်ကား ပြည်သူများ အခြေတိုးတက်မြင့်မားရေးသာဖြစ်သည်။

       ပြည်သူများ လမ်းမှားရောက်နေပါကလည်း အစိုးရကတည့်မတ်ပေးသည်။ သတင်း မီဒီယာများက အလင်းပြသည်။

       ဒီမိုကရေစီ အစိုးရ၏ရည်မှန်းချက်သည် ပြည်သူအတွက် ဖြစ်၍ မီဒီယာသည် ထိုရည်မှန်းချက်ကိုထိရောက်အောင် ပို့ဆောင်ပေးသည့် ယန္တရားသာဖြစ်လေတော့သည်။

 

အာဏာရှင်အစိုးရ

အစိုးရအမျိုးမျိုးရှိကြသည်။ ကျွန်တော်တို့သည် အာဏာရှင်အစိုးရကို ကြုံတွေ့ဖူး သည်။ ရှေးခေတ် သက်ဦးဆံပိုင် ဘုရင်စနစ်သည်အာဏာရှင်စနစ်ဖြစ်သည်။

ကွန်မြူနစ်စနစ်သည်လည်း တစ်ပိုင်းတစ်စအာဏာရှင်ဖြစ်သည်။ အမှန်တော့ ကိုလိုနီအစိုးရသည်လည်း အာဏာရှင် အစိုးရသာဖြစ်သည်။

ပထမကမ္ဘာစစ် ၁၉၁၄-၁၉၁၈ ခုနှစ် အပြီးမှာ အာဏာရှင် ဘုရင်စနစ်အများ ပျက်သုဉ်းလာသည်။ အချို့နိုင်ငံများ တွင် အုပ်ချုပ်ရေးတွင် ပါဝင်မပတ်သက်သော ရုပ်ပြ ဘုရင် စနစ်ကိုထားရှိသည်။ နိုင်ငံအများမှာ ဒီမိုကရေစီစနစ်ဖြစ်ထွန်းလာမှုကို မြင်တွေ့ရသည်။ သို့သော် ပထမကမ္ဘာစစ်အပြီးတွင် အာဏာရှင်နိုင်ငံများ ဖြစ်လာသည့် ဂျာမနီ၊ အီတလီနှင့် ဂျပန်တို့က ဒုတိယကမ္ဘာစစ် (၁၉၃၉ - ၁၉၄၅ ခုနှစ်) ကို ဖန်တီးကြ သည်။

ဒုတိယ ကမ္ဘာစစ်အပြီး ဒီမိုကရေစီစနစ်များစွာဖြစ်ထွန်းလာသော်လည်း ကွန်မြူနစ် စနစ်ကြီးစိုးလာကာ ပဋိပက္ခများဖြစ်လာသည်။ ရလဒ်သည်ကား ကိုရီးယားစစ်ပွဲများ၊ ဗီ ယက်နမ်စစ်ပွဲများဖြစ်လာသည်။

 အရှေ့အလယ်ပိုင်း၌ အာဏာရှင်စနစ်များကြောင့် ယနေ့တိုင် စစ်ပွဲများစွာဖြစ်နေ ပါသေးသည်။

ထိုအာဏာရှင်စနစ်များသည် ပြည်သူကိုမျက်နှာမမူသော စနစ်များဖြစ်သည်။ ထိုနိုင်ငံရှိ သတင်းမီဒီယာများသည် ဘက်မလိုက်ဘဲ ပြည်သူ့အကျိုးကို ဆောင်ရွက်ခဲ့ကြ သည်။ နိုင်ငံတကာမီဒီယာများကလည်း ဝိုင်းဝန်းကူညီခဲ့သည်။ ပုံစံအားဖြင့် ဗြိတိ သျှကိုလိုနီကြီးစိုးသော ခေတ်တစ်ခေတ်ကိုကြည့်မည်။ အိန္ဒိယနိုင်ငံ လွတ်လပ်ရေး အတွက် ဗြိတိသျှဆန့်ကျင်ရေးကို ထိရောက်စွာဆောင်ရွက်ခဲ့သည့် မဟတ္တမဂန္ဓီနှင့် ပတ်သက်သည်များကို လေ့လာတွေ့မြင်နိုင်သည်။ မဟတ္တမဂန္ဓီသည် အကြမ်း ဖက်ခြင်းမရှိသော ဝါဒကို စွဲကိုင်ကာ ကိုလိုနီနယ်ချဲ့ကို ဆန့်ကျင်ခဲ့သည်။

ထိုခေတ်က အင်္ဂလိပ်တို့သည် နေမဝင်အင်ပါယာကို ပိုင်စိုးထား၍ တန်ခိုးအင်မတန်ကြီးထွားသည်။

 သူတို့ကို ဆန့်ကျင်သူများသည် သူပုန်များဖြစ်သည်။ မြန်မာပြည်တွင် ဂဠုန်ဆရာစံ၊ တောပုန်းကြီးစံဖဲစသော အင်္ဂလိပ်ဆန့်ကျင်သူ သူပုန်များကို သေဒဏ်ပေးခဲ့သည်။ ဂန္ဓီ သည်လည်း ဆန့်ကျင်သူဖြစ်သည်။ သူ၏နည်းက ဥပဒေထဲမှနေ၍ တော်လှန်ဆန့်ကျင် ခြင်းသာဖြစ်သည်။ သူ့ကို အကြိမ်ကြိမ်ဖမ်းဆီးခဲ့သည်။

သူနဲ့အတူနောက်လိုက်များကိုလည်း အဖမ်းအဆီးတွေ အများကြီးပြုလုပ်ခဲ့သည်။ သို့သော်ဂန္ဓီသည် သူ့လုပ်ဆောင်ချက်များကို ဆက်လက်လုပ်ကိုင်သည်။ အဖမ်းအဆီး ကြောင့် နောက်မတွန့်သွားပေ။ ဒီအကြောင်းကို သာမန်အားဖြင့် ကမ္ဘာသူကမ္ဘာ သားတို့သိရန် မလွယ်ကူပေ။ ကိုလိုနီခေတ်ဖြစ်သည်။ သတင်းအမှောင်ချကာ ဂန္ဓီကို သေးသိမ်အောင်လုပ်နိုင် ပါသည်။

သို့သော် မီဒီယာများက အမှန် တရားဘက်ကရှိသည်။ သူတို့သည် သတင်းများကို မှန်မှန်ကန်ကန်ထုတ် ပြန်သည်။

အင်္ဂလိပ်ကိုလိုနီ၏ မတရားဖိနှိပ်မှုကိုရေးကြသည်။ ဒါကို တစ်ကမ္ဘာလုံးက သိစေဖို့ မီဒီယာများက တာဝန်ကျေသည်။ ဂန္ဓီ၏ အကြမ်းမဖက်ဆန္ဒပြမှုသည် အိန္ဒိယနိုင်ငံ လွတ်လပ်ရေးရသည်အထိ လမ်းပြပေးသည်။

ထိုထက်ပိုသည်က မမှန်မကန်ဖိနှိပ်ခံရသော ကမ္ဘာ့နိုင်ငံအများက ပြည်သူများသည် ဂန္ဓီ၏ လမ်းစဉ်ကို ကျင့်သုံးကြသည်။

 

မာတင်လူသာကင်းဂျူနီယာ

 ၂ဝ၁ဝ ခုနှစ်က ကျွန်တော် အမေရိကန်ပြည်ထောင်စု အတ္တလန္တာမြို့ကို ရောက်သွားသည်။ ထိုအရပ်သည် ပြည်သူ့အခွင့်အရေး Civil Right Movements အတွက်လှုပ်ရှားခဲ့သူ မာတင်လူသာကင်းဂျူနီယာ နေထိုင်သွားရာအရပ်ဖြစ်သည်။

သူ့အတွက်ပြခန်းကြီးတစ်ခုရှိသည်။ ထိုပြခန်းတွင် ဂန္ဓီ၏စကားများ၊ ရုပ်ပုံလွှာကား ချပ်များကို ပြသထားသည်။

မာတင်လူသာကင်းဂျူနီယာတို့ Civil Right Movements ပြုလုပ်ရသည့် သမိုင်းကို ပြန်ကြည့်လျှင် ၁၇ ရာစုနှစ်က ငွေဝယ်ကျွန် Slavery ဇာတ်ကြောင်းကို ပြန်လှန် သင့်သည်။

 ငွေဝယ်ကျွန်ဆိုသည်မှာ အာဖရိကတိုက်မှ လူမည်းများကိုဖမ်းဆီးပြီး အမေရိကတိုက်တွင် ကျွန်အဖြစ်ရောင်းစားခြင်းဖြစ်သည်။ ထိုကျွန်များကို တိရစ္ဆာန်များသဖွယ် အနှစ်နှစ်ရာကျော် အရောင်းအဝယ်လုပ်ခဲ့သည်မှာ ၁၈ ရာစုနှစ်နှောင်းပိုင်းတွင်မှ ပျောက်ကွယ်သွားသည်။ အမေရိကန်၏ ၁၆ ယောက်မြောက် သမ္မတလင်ကွန်း၏ ကြိုးပမ်းချက်ကြောင့် လူမည်းများလွတ်လပ်ရေးရခဲ့ကြသည်။

သို့သော် သူတို့သည် ဥပဒေအရအသားအရောင်ခွဲခြားမှု Segregation ဖြင့် အနှိမ်ခံနေကြရသည်။

သူတို့သည် လူဖြူတွေနှင့် ဟိုတယ်တစ်ခုတည်းတွင် ထမင်းအတူ စားခွင့်မရှိကြ။ လူဖြူနေသော ကျောင်းတွင်ပညာသင်ခွင့်မရှိ။ ပန်းခြံတွင်ခွဲထားသည်။ ဘတ်စ်ကားစီးရာ တွင်  ခွဲခြားသည်။ ခွဲခြားမှုများစွာကို သည်းမခံနိုင်သည့် နောက်ဆုံးလူမည်းများ ပေါက်ကွဲလာတော့သည်။ လူဖြူလူမည်းအရေးအခင်းသည် ကြောက် စရာကောင်းလှသည်။ သို့သော် မာတင်လူသာကင်းဂျူနီယာက ထိန်းသိမ်းမှုကို ပြုလုပ်ခဲ့သည်။ သူသည် အကြမ်းမဖက်သည့်နည်းကို သုံးသည်။ ဂန္ဓီကြီးကို နမူနာယူသည်။ တစ်မြို့ဝင်တစ်မြို့ထွက် ဆန္ဒတွေပြသည်။ အကြိမ်ကြိမ်အဖမ်းခံရသည်။

သူတို့၏ လက်နက်သည်ကား မီဒီယာပင်ဖြစ်လေတော့သည်။

တကယ်တော့ မီဒီယာ၏ ရေးသားဖော်ပြချက်များသည် ပြည်သူ တစ်ရပ်လုံး၏ မေတ္တာကို ရရှိစေခဲ့ သည်။

ထို့ကြောင့် ၁၉၆၃ ခုနှစ်တွင် လင်ကွန်းအောက်မေ့ဖွယ်ကျောက်ရုပ် ရှေ့တွင် မာတင်လူသာကင်းဂျူနီယာ၏ဟောပြောပွဲကို လူဖြူလူမည်းအတူတွဲကာ လူပေါင်း သိန်းချီလာ ရောက် နားထောင်ကြသည်။ မီဒီယာ၏ စွမ်းဆောင်ချက်သည်ထိရောက်ပါ သည်။ မာတင်လူသာကင်းဂျူနီယာသည် ငြိမ်းချမ်းရေး နိုဘယ်ဆုကို ရရှိခဲ့သည်။

သူ၏ခေတ်တွင် အငယ်ဆုံးနိုဘယ်ဆုရှင်ဖြစ်ခဲ့သည်။

စင်စစ်ဂန္ဓီကြီးကို ငြိမ်းချမ်းရေးနိုဘယ်ဆုပေးရန် ကြံစည်သော်လည်း သူသည် အလုပ်ကြံခံခဲ့ရသောကြောင့် ဒီဆုမပေးဖြစ်ခဲ့ပေ။

 နိုဘယ်ဆုသည် သက်ရှိထင်ရှား သူကိုသာပေးသည်။

 

ကျွန်တော်တို့၏ မီဒီယာ

ကျွန်တော်တို့သည် မင်းတုန်း မင်း လက်ထက်ကစပြီး မီဒီယာအား ကောင်းခဲ့သည်။ မင်းတုန်းမင်းက မီဒီယာများကို နန်းတွင်းဝင်ခွင့်ပြုသည်။ ငါမကောင်းလျှင်ငါ့ရေး၊ ငါ့မိဖုရားမ ကောင်းလျှင် မိဖုရားကိုရေး ဟူ၍ခွင့် ပြုခဲ့သည်။

စစ်အပြီးတွင် မီဒီယာများပိုအားကောင်းလာသည်။ သို့သော် လွတ် လပ်ရေးရပြီးနောက် ဖဆပလပါလီ မန်ခေတ်တွင်ပင် မီဒီယာများ ဖျက်ဆီးခြင်းခံရသည်။ အနိုင်ကျင့်မှုများ၊ အကြမ်းဖက်မှုများရှိခဲ့သည်။

စစ်အစိုးရ လက်ထက်တွင် သတင်းမီဒီယာအားလုံးကို ပြည်သူ ပိုင်သိမ်းခဲ့သည်။ ပြည်သူပိုင် သတင်းစာထဲတွင် ထင်ရှားသည်က လုပ်သားပြည်သူ့နေစဉ်ဖြစ်သည်။ ထိုစဉ်က အကြောင်းတစ်ခုကိုကြားဖူးသည်။ အဖမ်းဆီးခံဝန်ကြီးချုပ် ဦးနု ထောင်ကထွက်လာစဉ် သတင်းထောက်တစ်ယောက်က လုပ်သားပြည်သူ့နေ့စဉ် သတင်းစာကိုပြသည်။

       ''ဒါပြည်သူပိုင် သတင်းစာ''

       ''ဘယ်လိုပြည်သူကပိုင်တာလဲ''

       ''ပြည်သူပိုင်ဆိုတာ အစိုးရပိုင် သတင်းစာကို ပြောတာ''

''အစိုးရက သတင်းစာကိုပိုင်တယ်ဟုတ်လား။ ကျုပ်တော့ ဒီလိုအစိုးရပိုင်တဲ့ သတင်းစာကို ကမ္ဘာပေါ်မှာ တစ်ခါပဲတွေ့ဖူးသေးတယ်''

 သူဘာကိုဆိုလိုတာလဲ။ သတင်းစာ (မီဒီယာ)သည် အစိုးရနဲ့ ပြည်သူအကြား ပေါင်းကူးသာဖြစ်သည်။

 အစိုးရပိုင်ဆိုတော့ ထိုပေါင်းကူးသည် ယိုင်နဲ့နေမည်။ တစ်ခြမ်းစောင်းနေမည်တဲ့။

  မီဒီယာများ တစ်ခြမ်းစောင်း၍မရပါ။

 

နိဂုံး

 မြန်မာပြည်တွင် ၂ဝ၁ဝ ပြည့် နှစ် ဖေဖော်ဝါရီ ၁ ရက်က လွှတ် တော်အသစ်ကို စတင်ပါသည်။ တစ်လမပြည့်မီတွင်ပင် လွှတ်တော်က မီဒီယာကို ကန့်သတ်ချက်များ ထုတ်ပြန်သည်။ သူ့အလုပ်သူလုပ် သည်ဟုဆိုလျှင် ကျွန်တော်တို့ ပြောစရာမရှိပါ။

၂ဝ၁၆၊ ဧပြီလ ၁ ရက်မှာတော့ NLD ဦးဆောင်တဲ့ အစိုးရအဖွဲ့ ဒုတိယသက်တမ်းကိုစသည်။

မီဒီယာများက အကြောင်းအရာ အပြည့်အစုံကို ရေးကြပါသည်။ သို့သော် ပုဒ်မ ၆၆(ဃ)ကြောင့် အတော်လေး အဟန့်အတားဖြစ်နေပါသည်။ ဘာကြောင့်လဲဆိုတော့ ပုဒ်မ ၆၆(ဃ) ဖြင့် အစွဲခံရလျှင် အာမခံမပေး လည်း ရသည်။

 မီဒီယာများသည်လည်း သူ့အလုပ်ကို သူလုပ်ပါသည်။ သူ၏ လုပ်ပိုင်ခွင့်ကို ကန့်သတ်သလိုဖြစ်နေပါက ပြည်သူတွေ အမှန်တွေကို မသိနိုင်ပါ။

 အစိုးရအဖွဲ့နှင့် လွှတ်တော်၏ သိက္ခာကို ကျဆင်းစေသော စကားများ၊ ဓာတ်ပုံများ၊ အရေးအသားများ ဖော်ပြပါက သတိပေးခြင်း၊ တရားစွဲ ခြင်းများ ပြုလုပ်နိုင်သည်။

 မှန်ကန်သော လွှတ်တော်၏လုပ်ရပ်များကိုရေးသားပါက လွှတ်တော် ဂုဏ်တက်မည်သာဖြစ်သည်။

 မီဒီယာက မှန်ကန်စွာလုပ်ဆောင်နေသူများကို သိက္ခာချ၍မရပါ။ ကြားဝင်ခြေထိုး ၍လည်းမရပါ။

 မီဒီယာသည် မြန်မာအစိုးရနှင့် မြန်မာလွှတ်တော်ကို မြန်မာပြည်တွင် မှာသာမက ကမ္ဘာတွင်ပါ သိက္ခာမြင့်တက်စေရန် ဆောင်ရွက်နိုင်ပါသည်။ နှစ်ပေါင်း ၅ဝ ကျော် ပွင့်လင်းမြင်သာစွာ ရေးသားနိုင်သော မီဒီယာလွတ်လပ်ခွင့်ကိုပေးမည့် အစိုးရတက်လာ မည့် အချိန်ကို မီဒီယာများစောင့်ကြိုခဲ့ကြပါသည်။ စာရေးဆရာများက ဝမ်းပမ်းတသာ ကြိုဆိုလိုပါသည်။

မီဒီယာသည် စတုတ္ထမဏ္ဍိုင်ဖြစ်သည်။ သတင်းထောက်ပေါင်းများစွာ (ရာစုနှစ်တစ်ခုတွင်ထောင်ဂဏန်းအထိ)သည် အသက်ပေးကာ  ပြည်သူကို ကာကွယ်စောင့်ရှောက်သူများဖြစ်ပါသည်။ ဆက်လက်ပြီး မီဒီယာကို အလေးထားကာ လေးစားနိုင် ကြပါစေ။

ဒေါက်တာခင်မောင်ညို

ဒေါက်တာခင်မောင်ညို
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.