24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
ရှုပ်ထွေးနေသည့် လောကအမြင်များ

လူတစ်ယောက်ဘဝ၌ ယုံကြည်ကိုးကွယ်မှုနှင့် ဘဝအမြင်တစ်ခုရရှိ ရန်အတွက် ရှုထောင့်နှစ်ခုမှဖြစ်ပေါ် လာလေ့ရှိ၏။ ပထမတစ်ခုမှာ သူငယ် ရွယ်စဉ်ကြီးပြင်းခဲ့သည့် ပတ်ဝန်းကျင်၌ ခိုင်မြဲစွာရှိနှင့်နေပြီးဖြစ်သော ရှေး အစဉ်အလာယုံကြည်မှု၊ လိုက်နာမှု၊ ကိုယ်ကျင့်တရား၊ စည်းမျဉ်းများက သူ့အသွေးအသားထဲသို့ကိန်းအောင်းနေ ပြီ ဖြစ်နေသည့် အရာများဖြစ်သည်။ ဒုတိယတစ်ခုမှာ သူအရွယ်ရောက်လာသည့်ကာလ၊ သူလူငယ်ပိုင်း လူလတ်ပိုင်းအရောက်၌ သူနှစ်သက် သဘောကျသည့်အတွေးအမြင် အယူအဆတစ်ခုကို လက်ခံယူလိုက် နိုင်သည်။ ထိုရှုထောင့်နှစ်ခုလုံးကို သော်လည်းကောင်း၊ တစ်ခုခုကိုသော်လည်းကောင်း ဘဝလမ်းခရီးအတွက် ရွေးချယ်ခြင်းဖြင့် လူ့ဘဝခရီးလမ်းကို လူတို့ကျင့်သုံး လျှောက်လှမ်းလျက် ရှိ၏။

        x    x    x
    
လူအားလုံးသည် မိမိတို့ဘဝတစ်ခုစီ၌ မိမိတို့ဘဝအမြင်များဖြင့် လောက၌ ရှင်သန်နေလေ့ရှိသည်။ မိမိလက်ခံထားသော ယုံကြည်မှုများ နှင့် ဘဝကို လျှောက်လှမ်းနေကြခြင်း သာဖြစ်သည်။ သူတို့၏အတွေးအမြင်များသည် တစ်ခါတစ်ရံ ရော ထွေးနေတတ်ပြီး တစ်ခါတစ်ရံ တစ်ဖက်စောင်းနင်းလည်းဖြစ်တတ် သည်။ ဤသည်ပင် လူ့ဘဝရှင်သန်မှု ဖြစ်ပါ၏။

        x    x    x

လူအားလုံးသည် ဘဝကို၊ လောကကို မိမိတို့ လက်ခံထား သော ဘဝအမြင်နှင့် ဆုံးဖြတ်သည်။ လက်ခံကျင့်သုံးသည့် ဘဝအမြင် သည် ယခင်ရှေးအစဉ်အလာထဲမှ အချက်များလည်းပါနိုင်သည်။ ခေတ်ပေါ် အမြင်များလည်းဖြစ်နိုင်သည်။ ဒေသရှိ ဘာသာရေး အယူ အဆများလည်း ရောစပ်နိုင်သည်။ အချို့က ရှုပ်ရှုပ်ထွေးထွေးလည်း လက်ခံထားလေ့ရှိပါ၏။

        x    x    x

အချို့ လူတို့သည် အလိုလိုနေ ရင်း ဒေါသထွက်နေတတ်သည်။ သူ သည် လောကကို၊ ဘဝကို အလိုမကျ ဖြစ်နေသူများဖြစ်၏။ သူတွေ့ကြုံခဲ့ သည့်လူအားလုံးက သူ့ကို ဒုက္ခပေး ပြဿနာရှာခဲ့၍ ယင်းအတွေ့ အကြုံ အရတွေ့သမျှ လူအားလုံးကို သူ့ရန် သူဟု သူကမြင်နေသည်။ သူ့ကို ဒုက္ခပေးမည့်သူဟု သတ်မှတ်သည်။ မည်သူ့ကိုမျှသူကမယုံချေ။ လောကရှိ လူများအားလုံးသည် လောကကို အပျက်မြင်ထားသူများဖြစ်သည်ဟု သူ့အတွေ့ကြုံအရ သူကမြင်ထားသည်။သူ့အတွေ့အကြုံသည် ကြောက် မက်ဖွယ်ဖြစ်ပါ၏။

        x    x    x

 ကြင်နာသနားတတ်သော အမူ အရာနှင့် ပေးကမ်းကူညီသူများ လည်း ရှိသည်။ သူတို့က လူတို့ကို လွယ် လင့်တကူ ကူညီသည်။ အစဉ်သနား စိတ်၊ ကြင်နာစိတ်ရှိသည်။ သို့သော် သူတို့၌ ပြန်လိုချင်သော စိတ်ကလေး ရှိသည်။ သူတို့မြင်သော လောက အမြင်မှာ  ပေးကမ်းပြီးလျှင် ပြန်ရရမည်။ လှူဒါန်းပြီးကုသိုလ် ပြန်လိုချင် သည့် သဘောဖြစ်ပါ၏။ လူအများ ရှေ့၌ စေတနာရှိသူ၊ သနားတတ်သူ၊ ပရဟိတလုပ်ငန်းလုပ်သူ ကွယ်ရာ၌ထိုအလှူကို ပြန်လိုချင်နေသည်။ ပြန်ရရမည်ဟုလည်း သတ်မှတ်ထားသည်။ ဘဝ၌ ရှုပ်ရှုပ်ထွေးထွေး အမြင်မျိုးဖြစ်သည်။

ဤနေရာ၌ အချို့က လှူဒါန်း ခြင်းသည် စွန့်လွှတ်မှုသာဖြစ်သည်။ အနစ်နာခံမှုဟုပင် လက်သင့်မခံ။ အ နစ်နာခံမှုဟု လက်သင့်မခံခြင်းမှာ အနစ်နာခံခြင်းသည် အနစ်နာခံ လိုက်၍ ပြန်ရယူချင်သည့် အဓိပ္ပာယ် သက်ရောက်သွားသည်ဟု သတ်မှတ် ကြ၏။ အပေးအယူသဘောမျိုးထား  သည်ဟု လက်သင့်မခံပေ။

        x    x    x

    ယုံကြည်မှု၊ ကိုးကွယ်မှု၊ ဘဝအ မြင်ဆိုသည်များသည် အစဉ် ရှုပ်ရှုပ် ထွေးထွေးဖြစ်နေသည်။ တိကျပြတ် သားသော သေချာမှုများ ကင်းမဲ့နေသ ဖြင့် အချို့ကလည်း ဘဝနှင့်လောကသည် ယင်းသို့ပင် ရှုပ်ရှုပ်ထွေးထွေး မသေချာမှုများနှင့် ပြည့်နှက်နေ သည်ဟု အဖြေထုတ်ကြသည်။

        x    x    x

ဘဝ၌ ဘာသာရပ်အလိုက်၊ ပညာရှင်များ၊ ပါမောက္ခများ၊ ပါရဂူများ၊ စီးပွားရေးနယ်ပယ်၌ အောင်မြင် ကျော်ကြားသော လုပ်ငန်းရှင်ကြီးများ၊ အတတ်ပညာရှင်များ၊ အစိုးရပိုင်းဆိုင် ရာ၌ ဝန်ကြီးများ၊ ညွှန်ကြားရေးမှူး၊ ညွှန်မှူးချုပ်များ၊ အနုပညာ နယ်ပယ် မှ စာရေးဆရာများ၊ ပန်းချီ၊ ပန်းပု၊ ဂီတပညာရှင်များ၊ ကဗျာဆရာများ စသဖြင့် သာမက လူမှုဝန်းကျင် နယ် ပယ်အားလုံးမှ သာမန်ပြည်သူများ အားလုံးသည် ဘဝ၌ ကြုံကြရသည့် ပြဿနာများအားလုံးကို ဖြေရှင်း သည့်အခါအားလုံးသည် အထက် ဖော်ပြပါ ဂုဏ်ထူး ဝိသေသများ ဘေးဖယ်ကာ  မိမိသည်လူတစ်ယောက်အနေနှင့်သာ စဉ်းစားအဖြေရှာ ဆုံး ဖြတ်ပေးကြရသည်။ ပညာရှင်ကြီး ပါမောက္ခကြီး၊ ဝန်ကြီးချုပ်စသူတို့ကြုံကြရသည့် ဘဝပြဿနာသည် တစ် နေရာ၌ အတူတူသာဖြစ်သည်။ လောကကိုမြင်သည့်အမြင်၊ ဘဝကို အဖြေရှာသည့် လုပ်ရပ်ပုံစံ၌ အားလုံး အတူတူသာဖြစ်လေ့ရှိပါ၏။

        x    x    x

အချို့သောသူများက ဘဝကို သာမန်အဖြစ်ဖြင့်သာနေကြသည်။ သာမန်ဆိုသည့် အဓိပ္ပာယ်မှာ ဘဝကို ပေါ့ပေါ့ပါးပါး သဘောထားကာ မိမိတို့ စိတ်ထဲ၌ရှိသည့်အတိုင်းသာ နေကြသည့်အတွက် ဘဝဆိုသည်မှာ ထူးထူးဆန်းဆန်း စိတ်တွင်း၌ထား စရာ မလိုအပ်ဟု ယူဆကြဟန်တူပါ ၏။ ဘဝဆိုသည်မှာ သက်ရှင်နေထိုင် ရန်အတွက် ထက်မပိုဟု ယူဆကြသူများလည်း ရှိနိုင်ပါ၏။ ဤသည်ကို လည်း ဘဝအမြင်တစ်ခုဟု ဆိုနိုင်ပါ သည်။

မောင်ဈေးကွက်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.