28-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာနိုင်ငံ၏ ပြည်ပရင်းနှီးမြှုပ်နှံမှု ဟိုတယ်ကဏ္ဍတွင် ဟောင်ကောင်မှ ရင်းနှီးမြှုပ်နှံမှု ငါးခုရှိနေပြီး အဆင့်လေးတွင် ရှိနေ
This Week’s COVER
ဂျာနယ် အမှတ်စဉ် .... 1030
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူ့အတွေး သူ့အမြင်
ပြောင်းလဲခြင်းနှင့် ကာလကန့်သတ်မှု

တစ်စုံတစ်ရာပြောင်းလဲခြင်း ဆို သည်မှာ ယခင်က တည်တံ့စွာ ရှိနေခဲ့ပြီးဖြစ်သော အရာတစ်ခုကို အနည်းငယ် ပြုပြင်ခြင်းမဟုတ်၊ အမြစ်မှ လှန်၍ ပြောင်းလဲရသော ကိစ္စမျိုးဖြစ် ၍ အမြတ်ရရှိသူထက် နစ်နာသူများမည်က သေချာပါ၏။ တည်နေ သော အရာတစ်ခုသည် ကာလကန့်သတ်ချက်တစ်ခု၊ အချိန်ကာလတစ်ခု ကြာရှည်စွာ ရှိခဲ့၍ ကောင်းခြင်းမ ကောင်းခြင်းထက် ခိုင်မြဲနေမှုက ရှိကို ရှိနေတတ်ပါ၏။
    ခိုင်မြဲနေ၍ ပြောင်းလဲခြင်း မရှိရတော့ပြီလား။
        x    x    x
    ပြောင်းလဲရမည့် အချိန်အခါ ရောက်လာရခြင်းသည် တမင်လုပ်ယူ ရခြင်းမျိုးမဟုတ်။ မူဝါဒတစ်ခု၊ အယူ အဆတစ်ခုသည် ကာလသတ်မှတ် ချက်အပေါ် မူတည်၍ အရွှေ့အ ပြောင်းသည် ရှိကိုရှိရသည်။ အ ဘယ်ကြောင့်ဆိုသော် သဘာဝတရား ကိုယ်နှိုက်က ပြောင်းလဲနေ၍ ဖြစ်ပါ ၏။ အတွေးအမြင်၊ အယူအဆတစ်ခု သည် လူက ပြုလုပ်ထား၍ ဖြစ် သည်။ လူဆိုသည်မှာ အချိန်ကာလ အလိုက် ပြောင်းလဲနေတတ်သူ မဟုတ်ပါလား။ အသက် ၂ဝ အရွယ် က လောကအပေါ်အမြင်နှင့် အ သက် ၄ဝ အရွယ် လောကအပေါ် အမြင်သည်ပင် ပြောင်းလဲသွားခဲ့ သည်။ ဤလောက ကိုယ်တိုင်က လူကို ထုဆစ်ပေးလိုက် ၍ ဖြစ်သည်။ ထိုသူ၏ အမြင်သည်လည်း ပြောင်း လဲသွားခြင်းသာဖြစ်၏။
        x    x    x
    ထိုသူ တီထွင်ထားသည်ဖြစ်စေ၊ ထိုသူမြင်ခဲ့သော လောကအပေါ် အမြင်သည်ဖြစ်စေ ထိုသူမပြောင်း ချင်၍မရ။ ပြောင်းသွားရသည်။ သို့ သော် သူသည် ဆန္ဒကြီးသူဖြစ်၍ သူ့အမြင်သူ ကိုင်စွဲလိုစိတ်က လွှမ်း မိုးထားလျှင် ပြောင်းရမည့်အဖြစ်ကို မမြင်ဟန်ပြု၍ မပြောင်းလိုခြင်းသာ ဖြစ်သည်။ သို့သော် သူ့အတွင်း အဇ္ဈတ္တက ပြောင်းရန် တောင်းဆိုနေ သည်။ ဝန်းကျင်ကလည်း ပြောင်းရန် တောင်းဆိုနေသည်။ ကာလတစ်ခု ကြာသော် သူသည် ပြောင်းကို ပြောင်းရတော့မည်။ သို့သော် သူ သည် အစွဲကြီးသူဖြစ်လျှင် သူပြောင်း လို၍ မဟုတ်၊ ပတ်ဝန်းကျင်၏ လှုံ့ ဆော်မှုကြောင့် ပြောင်းရသည်ဟု လူ သားပီပီ ဝန်မခံလိုစိတ်နှင့် အခြား သူများကို အပြစ်ရှာမည်။    
        x    x    x
    အချိန်ကြာမြင့်စွာ တည်တံ့နေ ခဲ့သော်လည်း တစ်စထက်တစ်စ ယို ယွင်းလာသော အဆောက်အအုံ တစ်ခုပမာ တစ်နေရာမဟုတ် တစ် နေရာက ချို့တဲ့လာတတ်သည်။ ပြောင်းလဲရမည့်အဖြစ်ကို ယခင် တည်းက မြင်ထားလျှင် ထိုစဉ်ကာလ ကတည်းက တစ်စချင်းတစ်စချင်း တဖြည်းဖြည်းပြင်ယူလျှင် ရမည်။ သို့ သော် အတ္တကြီးသော အစွဲကြီးသော သူဖြစ်လျှင် အချိန်လွန်မှပြင်သော် ထိုပြင်ရမည့် နေရာလေးသည် အကြီး ကြီးဖြစ်ကာ ကြီးမားသော ပြောင်းလဲ မှု ဖြစ်ရတော့သည်။ ကြီးမားသော ပြောင်းလဲမှုကြောင့် အဆောက်အအုံ တစ်ခုလုံး ယိုင်နဲ့သွားနိုင်သည်။ ပြို ကျသည့်အဖြစ်မျိုး ကြုံကြရသည်မှာ ဖြစ်ရိုး ဖြစ်စဉ်သာ ဖြစ်၏။
        x    x    x
    ပြောင်းလဲခြင်းသည် သဘာဝ၊ ထိုသဘာဝဓမ္မဖြင့် လောကသည် တည်ဆောက်ထားမှန်းကို သဘော ပေါက်ထားရန်တော့ လိုပါ၏။ သေး ငယ်သောပြောင်းလဲမှုသည် သေးငယ် ၍ အချိန်တိုတိုနှင့်ပြီး၏။ ပြောင်းလဲ ပြီးခြင်းကို ဆိုလိုပါ၏။ သို့သော် ကြီး မားသော ပြောင်းလဲမှု ဆိုပါလျှင်၊ အချိန်ကာလတစ်ခု စောင့်ဆိုင်းရ မည်။ ဘေးပတ်ဝန်းကျင်ရှိ အရာများ အနည်းငယ်မှစ၍ အကြီးအကျယ် ထိခိုက်နိုင်သည်။ ပမာအားဖြင့် လမ်း တစ်ခု အပေါက်အပြဲရှိ၍ ဖာထေး လျှင် အချိန်အနည်းငယ်သာကြာ မည်။ ဘေးလွတ်ရာမှသွားနိုင်၍ မည်သူမှ အခက်အခဲမဖြစ်။ လမ်း တစ်ခုလုံး ခါးကျိုးပြီးမှ ပြုပြင်လျှင် အကြီးမားသော ပြောင်းလဲမှုဖြစ်၍ လမ်းကို ပိတ်ထားရမည်။ လူသွားလူ လာ ခက်ခဲသွားမည်။ အချိန်ကာလ တစ်ခုကြာမည်။ ကြီးမားသော ပြောင်းလဲမှုနှင့် သေးငယ်သော ပြောင်းလဲမှုသည် ထိုသို့ခြားနားပါ၏။
        x    x    x
    မြန်မာနိုင်ငံ၏ ပြောင်းလဲမှုသည် နှစ် ၆ဝ ကြာသည့် ကာလက အုပ် ချုပ်ရေး ယန္တရားကို ဖြိုချပြီး မိမိတို့ စိတ်ထင်ရာ မှန်းခြေဖြင့် ထင်ရာစိုင်း တည်ဆောက်ခဲ့သည်။ နိုင်ငံ အုပ် ချုပ်ရေးဆိုသည်မှာ အနုပညာ ရပ်တစ်ခုပမာ ပန်းချီကား တစ်ခုကဲ့ သို့ အနီရောင်ချည်းရှိသည်မဟုတ်။ အဝါရောင်ချည်းနှင့် တည်ဆောက်၍ မရ။ တစ်နေရာ၌ အနီရင့်၊ အနီဖျော့ ပန်းရောင်၊ အဝါနှင့် ရော၍ လိမ္မော် ရောင်၊ အပြာနှင့် ရော၍ ခရမ်း ရောင်၊ အစိမ်းရောင် စသဖြင့်၊ နောက်တစ်နေရာ၌ ညိုညစ်ညစ်မှ အမည်းရောင် အရောင်ပေါင်းစုံဖြင့် ခြယ်မှုန်းရသည့် လုပ်ငန်းဖြစ်သည်။ ဖြူ၊ နီ၊ ဝါ၊ ပြာ၊ မည်း အရောင်လေး မျိုးတည်းနှင့် ပန်းချီကားကို တည် ဆောက်၍ ရသည်မဟုတ်၊ အနီနှင့် အဝါရောမည်။ အဝါနှင့် အပြာရော မည်။ အဖြူနှင့် အမည်းရောမည်။ ရောင်စုံပန်းများ ပွင့်သည့် အုပ်ချုပ် ရေး စီမံခန့်ခွဲရေး အတတ်ပညာဖြစ် သည်။ စီမံခန့်ခွဲရေး ဆိုသည်မှာ တစ် လမ်းသွားမဟုတ်။ လျှော့ကာ တင်း ကာ ကွေ့ကာ ဝိုက်ကာ တက်ကာ ဆင်းကာ အမျိုးမျိုး ပုံသဏ္ဌာန်များစွာ နှင့် ရွေ့လျားရသည့် လုပ်ငန်းဖြစ်၍ အနုပညာ ဆန်ရ၏။
        x    x    x
    အုပ်ချုပ်စီမံခန့်ခွဲရသည့် ပညာ ဆိုသည်မှာ တစ်မိန့်တစ်သြဇာ အာဏာရှင် ရှေးဘုရင်များ လက် ထက်က လုံးဝမရှိသေး။ သက်ဦးဆံပိုင် ဘုရင်များသည် သူတို့ကိုယ်သူတို့ ကောင်းကင်မှ ဆင်းသက်လာသည့် ဘုရားများ၏ သားတော်၊ သမီး တော်များဖြစ်၍ မည်သူကမှ အာမခံ ရ၊ အာခံသူ၏ အသက်ကို စီရင်ပိုင် ခွင့်ရှိသည်။ အဘယ်ကြောင့်ဆိုသော် သူတို့သည် ကောင်းကင်မှ ဆင်းသက် လာသူများ၏ မျိုးရိုးစဉ်ဆက်ဖြစ်သည် ဟူသော အယူနှင့် လောကအမြင်ကို ပြည်သူများထံ ချမှတ်ပေးသည်။ ကောင်းကင် တမန်တော်များ အနား ကပ်၍ လက်ဝေခံစားသောက်သူများ သည် အပါးတော်မှ အခိုင်းခံများဖြစ် သည်။ လက်ဝေခံများဖြစ်သည်။ ပေး စာကမ်းစာစားသူများ သူတောင်းစား များဖြစ်သည်။ မင်းကြီးမင်းကလေး များ အနီး၌ ကပ်ကာ ဝေစားမျှစားစား ရသူက ပြည်သူများရှေ့၌ သူက အ ကြီးအကဲ လုပ်သည်။ ဤသို့သော အုပ်ချုပ်ရေးသည် အဘယ်သို့ စီမံခန့် ခွဲသည့် အုပ်ချုပ်ရေးဖြစ်မည်နည်း။
        x    x    x
    လူသားများ ဖွံ့ဖြိုးတိုးတက်၍ စီမံခန့်ခွဲမှုပညာများတတ်လာမှ ပြည် သူများက ရွေးချယ်သော အုပ်ချုပ်သူ ပေါ်ပေါက်လာသည်။ ရှေးရှေးက တစ်မိန့်၊ တစ်သြဇာအုပ်ချုပ်ရေးသည် သူတောင်းစား လက်ဝေခံ ပေးစာ ကမ်းစာစားသူများ၏ အုပ်ချုပ်ရေးဟု ဆိုလျှင် လွန်သည် မဆိုနိုင်ပါ။
        x    x    x
    ထိုသို့ သူတောင်းစား လက်ဝေခံ စားရသော အုပ်ချုပ်ရေးမှ ပြည်သူ များ ရွေးချယ်သော အုပ်ချုပ်ရေးသို့ ပြောင်းလဲခြင်းသည် အလွန်ကြီးမား သော ပြောင်းလဲခြင်းဖြစ်၍ ကျွန်ခံ ဘဝကို အမြစ်မှတွန်းလှန်ဖြိုဖျက်ခြင်း ဖြစ်ရာ ခက်ခဲသည် အချိန်ကြာသည်။ ဤသို့ ပြောင်းလဲရန် ဦးဆောင်သူကို ဝိုင်းဝန်း ကူညီကြရန်မှာ ပြည်သူများ ၏ အလုပ်ဖြစ်သည်။ ဆောက်လုပ် ရေး လုပ်ငန်း၌ ဘေးမှ ကူညီသူကဲ့သို့ အုတ်သယ် ပေးသူပေး ရေခပ်ပေးသူ ပေး၊ ဤလောက်တော့ ပြည်သူက ကူညီပေးရမည်။ သို့မဟုတ်ပါက ယခင်က လက်ဝေခံ သူတောင်းစား အုပ်ချုပ်ရေး ပေးစာကမ်းစာ အုပ်ချုပ် ရေးဘဝ ပြန်ရောက်လျှင် သူတောင်း စားများ၊ အုပ်ချုပ်သူများ၏ အနိုင် ကျင့်ခြင်းကို ခံရမည်။ ထိုသူများသည် ပေးစာကမ်းစာတောင်းစားပြီး အနား ပြာများသာဖြစ်သည်ကို ပြည်သူများ နှစ် ၆ဝ ကြာ ကြုံခဲ့ပြီးပြီမို့ သိသင့်ပြီ ဖြစ်ပါ၏။
        x    x    x
    ဦးတည်ရာမရှိ ဦးတည်ရာ မသိ သော တစ်လမ်းသွား ဆင်ကန်းတော တိုးအုပ်ချုပ်ရေး ရှေးပဒေသာရာဇ် ငါ တကောမင်းများကဲ့သို့ စီမံအုပ်ချုပ် ရေးနှင့် ပြည်သူကို နွားလှည်းမောင်း သကဲ့သို့ ကြိမ်တို့မောင်းခဲ့သည့် စနစ်မှ ပြည်သူများ ကောင်းစားရေးစနစ်သို့ အကူးအပြောင်းသည် အချိန်ယူရ မည်။ ပြည်သူများနာကျင်ပြီး ပညာ မဲ့ကြ၊ ကျန်းမာရေးချို့တဲ့၊ အကျင့် စာရိတ္တပျက်၊ သိက္ခာမဲ့ကြ။ စာနာမှု ကင်းကြ။ ထိုဘဝမှ လူကောင်းသူ ကောင်းဖြစ်ရန် စည်းကမ်းနှင့် နေ တတ်ရန် ကူးပြောင်းမှုသည် ခက်ခဲ မည်က သေချာသည်။  စည်းနှင့်ကမ်း နှင့် နည်းနှင့်လမ်းနှင့်နေရမည့် ဘဝ ကို ရောက်ရန် အချိန်စောင့်ဆိုင်း ရမည်။ ကြိုးပမ်းကြရမည်။
    ယခင်က စည်းလွတ်၊ ကမ်း လွတ်ဘဝကို မျှော်မှန်းသူများသည် အရူးဘဝ လိုချင်သူများသာဖြစ်ကြ မည်ဆိုလျှင် လွန်သည်ဆိုရမည် လား။

မောင်ဈေးကွက်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.