25-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1047
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
စစ်ရာဇ၀တ်ကောင်၏ နောက်ဆုံးနေ့များ

၁၉၉၇ ခု၊ ဇူလိုင်လ ယူဂိုစလဗ်တပ်မတော်မှ တပ်ကြပ်ကြီး မီလန်ဂန့် (Milan Gunj) ၏ ဘဲလ်ဂရိတ်မြို့ နေအိမ်သို့ အရေးကြီးတယ်လီဖုန်း ဆက်သွယ်မှုတစ်ခု ဝင်လာသည်။ သူတာဝန်ကျသည့်နေရာသို့ အမြန်ဆုံး လာရောက်သတင်းပို့ရန် အကြောင်းကြားခြင်းဖြစ်သည်။ မီလန်သည် တပ်ရင်းထမင်းချက်၊ စားပွဲထိုးအဆင့်မှ တစ်ဆင့်ချင်း ရာထူးတက်လာသူဖြစ်သည်။ ထိပ်တန်းတပ်မတော် အရာရှိကြီးများအတွက် အပန်းဖြေ စံအိမ်များကို ကွပ်ကဲစီမံရသူ ဖြစ်လာသည်။ အဆိုပါ စံအိမ်များတွင် လုံခြုံရေး တင်းကြပ်စွာချထားသည်။

ဆားဗီးယား အလယ်ပိုင်းထူထပ်သော တောအုပ်အတွင်းရှိ တပ်မတော် စံအိမ်တစ်လုံးဖြစ်သည့် 'ရာဂျက်' (Rajac) သို့ အမြန်လာရောက်ရန် တပ်ကြပ်ကြီး မီလန်ကို ဆင့်ခေါ် လိုက်ခြင်းဖြစ်သည်။ သူ့ထံ တယ်လီဖုန်းဆက်သူက အရေးကြီး ပုဂ္ဂိုလ်တစ်ဦး ရောက်နေသဖြင့် အမြန်လာရန်သာပြောပြီး မည်သူဖြစ်သည်ကိုမူ မပြောပေ။

မိနစ်အနည်းငယ်အကြာတွင် ယူဂိုစလဗ်စစ်ဦးစီးအရာရှိချုပ်ရုံးမှ တယ်လီဖုန်းထပ်ဝင်လာသည်။ ရာဂျက်သို့ ဖြစ်သည့်နည်းဖြင့် အမြန်ဆုံးသွားရောက်သတင်းပို့ရန် အမိန့်ပေးသည်။ တပ်ကြပ်ကြီးမီလန်သည် ကားပေါ်သို့ခုန်တက်ကာ တောင်ဘက်သို့ ဦးတည်လျက် မောင်းချသွားသည်။

နှစ်နာရီအကြာ မှောင်ရီပျိုးချိန်တွင် တပ်ကြပ်ကြီး မီလန်သည် ရာဂျက်သို့ရောက်သည်။ အဝင်ဝတွင် အရပ်ဝတ် လက်နက်ကိုင် တစ်ဒါဇင်ခန့် ခြေရှုပ်လျက်ရှိသည်။ ဧည့်ခန်းဆောင်တွင် သူတွေ့လိုက်ရသည်က ရင်အုပ်ကားကား ကြက်သွေးရောင် မျက်နှာရှိသော ဗိုလ်ချုပ်ကြီးရက်ကိုမလာဒစ်ဖြစ်သည်။ သူသည် အသက်အန္တရာယ်နှင့် ဖမ်းဆီးခံ ရမည့် အရေးမှ တိမ်းရှောင်ထွက်ပြေးနေရသည့် စစ်ရာဇဝတ်ကောင် ဖြစ်နေသော်လည်း ဗိုလ်ချုပ်ကြီးရာထူးတွင် ရှိနေဆဲဖြစ်သည်။ 

ယင်းသို့ 'မလာဒစ်'နှင့် တွေ့ဆုံရသည်ကို တပ်ကြပ်ကြီးမီလန် ပြန်လည်ပြောပြသည်မှာ ''သူရောက်လာမယ်လို့ ကြိုသိမထားတဲ့အတွက် သူ့ကို မြင်မြင်လိုက်ခြင်း အံ့သြသွားသလို၊ စိတ်လည်းရှုပ်သွားတယ်။ သူ့ကို ဟိဂ်တရားရုံးက စွဲချက်တင်ထားတာကို သိထားတော့ ကျွန်တော် တုန်လှုပ်မိတယ်''ဟု ဆိုသည်။

ဒုတိယကမ္ဘာစစ် နာဇီခေတ်နောက်ပိုင်း ဥရောပတွင် အဆိုးရွားဆုံးရက်စက်မှုများကို ရက်ကိုမလာဒစ်က ဦးဆောင်ခဲ့သည်။ ဆာရာယေဗိုမြို့ကို သုံးနှစ်ကြာပိတ်ဆို့ တိုက်ခိုက်မှုတွင် မြို့သူမြို့သားများအား ချောင်းမြောင်းပစ်ခတ်ခြင်း၊ အမြောက်ဖြင့် ချေမှုန်းခြင်းတို့ဖြင့် ရက်စက်မှုအပေါင်း သရဖူဆောင်းသူဖြစ်သည်။

ဆဘရန်နစ်ဆာရှိ မွတ်စလင်များ ခိုလှုံရာကို ရက်စက်စွာတိုက်ခိုက်ခဲ့သူ ဖြစ်သည်။ အော်တိုမန် အင်ပါယာ ခေတ်တွင် တူရကီတို့ ဆာ့ဗ်လူမျိုးများကို အစုလိုက်အပြုံလိုက်သတ်ဖြတ်ခဲ့ခြင်းကို လက်စားချေခြင်းဟု သူက ကြွေးကြော်သည်။

မလာဒစ်သည် ရာဂျက်တွင် တစ်လခန့်တည်းခိုနေထိုင်ပြီး၊ တာဂါရီဒေသရှိ အခြားတပ်မတော်စံအိမ်သို့ ညသန်းခေါင်တွင် ထွက်ခွာသွားသည်။ ထူထပ်သော တောအုပ်အတွင်းရှိ ထိုအပန်းဖြေစံအိမ်ကို အားကစားကွင်း၊ ရေကူးကန်တို့ဖြင့် ပြည့်စုံသိုက်မြိုက်စွာ ဖန်တီးထားသည်။ ပတ်ဝန်းကျင်ရှိ တောအုပ်အတွင်း သမင်နှင့် ချိုကုပ်သိုးရိုင်းများ ကျက်စားရာဖြစ်သဖြင့် တောလိုက်ဝါသနာ ပါသူများနှင့်  မုဆိုးများ လာရောက် အမဲလိုက်ကြသည်။

ဗိုလ်ချုပ်များနှင့် တောအုပ်အတွင်း လမ်းလျှောက်ခြင်း၊ စစ်တုရင်ကစားခြင်း၊ စားပွဲတင်တင်းနစ်ကစားခြင်းတို့ဖြင့် ရက်ကိုမလာဒစ်သည် သူ၏နေ့ရက်များ ကုန်ဆုံးစေသည်။ ယူဂိုစလဗ်ဦးစီးချုပ်ရုံးသည် ဘော့စနီးယားဆာဗ် ဗိုလ်ချုပ်ဟောင်းများ သက်သောင့်သက်သာ၊ လုံခြုံစွာ နေထိုင်နိုင်ရေးအတွက် ဌာနတစ်ခုနှင့် လုံခြုံရေးတပ်ဖွဲ့တို့ကို ဖွဲ့စည်းပေး ထားသည်။ အမဲလိုက်ရာသီ ကုန်ဆုံး ပြီး တောလိုက်သူများ ထွက်ခွာသွားသည့် ဆောင်းနှောင်းကာလတွင် ရက်ကိုမလာဒစ်သည် နောက်တော်ပါ အခြွေအရံများနှင့် ရာဂျက်သို့ ပြန် ရောက်လာသည်။

ရက်ကိုမလာဒစ်ကို ဒေါ်လာငါးသန်း ဆုငွေထုတ်ထားသဖြင့် သူ့အတွက် သီးသန့်ကိုယ်ရံတော် တပ်ခွဲတစ်ခွဲကို ဖွဲ့စည်းပေးထားသည်။ သူ့အတွက် သီးသန့်ယာဉ်မောင်း၊ စားဖိုမှူးနှင့် စားပွဲထိုးတို့ကို ခန့်ထားပေးသည်။ ၄င်းတို့သည် ရက်ကိုမလာဒစ် သွားလေရာသို့ အတူလိုက်ပါရသည်။ 

ပြေးလွှားပုန်းရှောင်နေရသော ရက်ကိုမလာဒစ်သည် မြို့တော်ဘဲ ဂရိတ်ရှိ မိသားစု စံအိမ်တွင် မကြာခဏသွားရောက် နေထိုင်လေ့ရှိသည်။ မိသားစုစံအိမ်သည် ကိုစတန်ဂျက်လူကုံထံ ရပ်ကွက်တွင် တည်ရှိသည်။ စားသောက်ဆိုင်များတွင် သွားရောက်စားသောက်ခြင်း၊ မိသားစု သာ ရေးနာရေးပွဲများသို့ တက်ရောက်ခြင်း၊ တင်းနစ်ကစားခြင်း၊ ဘောလုံးပွဲသွား ရောက် ကြည့်ရှုခြင်းတို့ဖြင့် ၄င်း၏အချိန်များကို ကုန်ဆုံးစေသည်။

ရက်ကိုမလာဒစ်ကို အကာအကွယ်ပေး သစ္စာခံထားသူများက သူ့အား ဆာ့ဗ်ဒဏ္ဍရီလာအမျိုးသား သူရဲကောင်းတစ်ဦးဟု သတ်မှတ်ထားကြသည်။ ဝန်းရံအကာအကွယ်ပေး နေသူများက သူ့အပေါ်ယုံကြည် သစ္စာရှိမှုတိမ်းပါးမသွားစေရန်လည်း သူတို့ မိသားစုဝင် ကလေးများ၏ ဓာတ်ပုံကို ပြလျက် ခြိမ်းခြောက်ထားသည်။ မင်းတို့ သစ္စာဖောက်လျှင် မင်း တို့ကလေးတွေ အသက်ပျောက်သွား မယ်ဟု ခြိမ်းခြောက်ခြင်းဖြစ်သည်။

ရက်ကိုမလာဒစ် ပြေးလွှားပုန်း ရှောင်နေရသော ၁၄ နှစ်တာကာလတွင် ဆားဗီးယား စစ်တပ်နှင့် ဘော့ စနီးယားစစ်ပွဲကာလက တိုက်ဖော် တိုက်ဖက်များက ကူညီဝှက်ထားပေးသည်။

ရက်ကိုမလာဒစ်ကို ဆားဗီးယား အရှေ့တောင်ပိုင်း တောတောင်များ တွင် ၁၉၄၅ ခုနှစ်၌ မွေးဖွားခဲ့သည်။ သူ့ဖခင်သည် နာဇီများကို ခုခံတိုက်ခိုက်ရင်းကျဆုံးခဲ့သည်။  'မလာဒစ်' သည် သံဖြူပန်းပဲလုပ်ကိုင်သည်မှ စစ်တပ်သို့ ဝင်ရောက်သည်။ အရာရှိ သင်တန်းဆင်းသည့်အခါ မက်ဆီဒီုးနီးယားနှင့် ကော်ဆိုဗို တပ်ဖွဲ့များကို ကွပ်ကဲရသည်။

၁၉၉၁ ခုနှစ် ယူဂိုစလဗ် ပြည် ထောင်စု ပြိုကွဲသောအခါ ခွဲထွက်ရေးသမား ခရိုဝက်တပ်များကို တိုက်ခိုက်သည်။ ထိုအချိန်တွင် ရက်ကိုမလာ ဒစ်သည် ဗိုလ်မှူးကြီးအဆင့် ရရှိထားသည်။ တိုက်ခိုက်မှုများသည် ဘော့စနီးယားသို့ ပျံ့နှံ့လာသောအခါ 'မလာဒစ်'နှင့် နောက်တော်ပါများသည် ယူဂိုစလဗ်ယူနီဖောင်းကို စွန့်ပစ်ကာ ခွဲထွက်ရေးသမားများဖြစ်သည့်  Republika Srpska နှင့်ပူးပေါင်းလိုက်သည်။ ယူနီဖောင်း ပြောင်းဝတ်လိုက်သော်လည်း ရည်ရွယ်ချက်နှင့် ခေါင်းဆောင်များမှာ အတူတူပင်ဖြစ်သည်။ ခေါင်းဆောင်များ၏ ထိပ်ဆုံးတွင် ရှိနေသည်က ဘဲလ်ဂရိတ်တွင် ရုံးထိုင်နေသော သမ္မတ မစ်လိုဆိုဗစ် ဖြစ်သည်။ 

ဗိုလ်ချုပ်ရာထူးသို့ တိုးမြှင့်ပေးခံရသော 'မလာဒစ်' သည် သူနေထိုင် ခဲ့သော ဆာရာယေဗိုမြို့ကို ၁၉၉၂ ခုနှစ်မေလက တိုက်ခိုက်ခြေမှုန်းသည်။ ခေတ်သစ် စစ်သမိုင်းတွင် မြို့ ကို အရှည်ကြာဆုံးသော ဝိုင်းပိတ် တိုက်ခိုက်မှုဖြစ်သည်။ သုံးနှစ်ခွဲကြာမြင့်သော ပိတ်ဆို့တိုက်ခိုက်မှုတွင် လူပေါင်းတစ်သောင်းကျော် သေကျေပျက်စီးခဲ့ရသည်။ ယင်းသို့ စစ်တိုက်နေသည့်ကာလတွင် မလာဒစ်သည် စနေနှင့်တနင်္ဂနွေနေ့များ၌ မိသားစု နှင့်အတူ ပျော်ရွှင်စွာ အချိန်ဖြုန်းလေ့ ရှိသည်။ သူ၏ သားနှင့်သမီးသည် အရွယ်ရောက်နေကြပြီဖြစ်သည်။ သမီးအင်နာသည် အသက်နှစ်ဆယ် ကျော်ရှိပြီး  လူ့အခွင့်အရေး လှုပ်ရှားသူဆရာဝန်တစ်ဦးနှင့် ချစ်ကြိုက်နေသည်။ ယောက္ခမဖြစ်လာမည့် 'မလာဒစ်' ကို ချစ်သူဆရာဝန်က စစ်ရာဇဝတ်ကောင်အဖြစ် ရှုမြင်သည်။ အင်နာသည် ဖခင်ဖြစ်သူကို စွန့်လွှတ်မှ သာ လက်ထပ်မည်ဟု သူကတောင်းဆိုသည်။ ဖခင်နှင့်ချစ်သူ မည်သူ့ကိုမျှ မစွန့်လွှတ်နိုင်သဖြင့် ဖခင်၏ အလှပြချိတ်ဆွဲထားသော ပစ္စတိုဖြင့် ၁၉၉၄ ခုနှစ်၊ ဖေဖော်ဝါရီလတွင်  မိမိ ကိုယ်ကို အဆုံးစီရင်လိုက်သည်။

သမီးဖြစ်သူ သတ်သေသွားခြင်းသည် သွေးရိုးသားရိုးမဟုတ် ရန်သူများက လုပ်ကြံခြင်းသာ ဖြစ်သည်ဟု တစ်ထစ်ကျ စွဲယူကာရန်သူများကို 'မလာဒစ်' သည် အညှိုးကြီးစွာ တိုက်ခိုက်တော့သည်။ ယင်းသို့ဖြင့် 'မလာဒစ်'သည် နှစ်ဆယ်ရာစု၏ အရက် စက်ဆုံး စစ်ရာဇဝတ်ကောင် ဖြစ်လာရတော့သည်။ မည်သို့ပင်ဆိုစေ ယူဂို စလဗ် စစ်တပ်သည် 'မလာဒစ်'ကို အကာအကွယ်ပေးခဲ့သည်။ သို့စဉ်တိုင် ၂ဝဝဝ ပြည့်နှစ် အစောပိုင်းမှ စတင်လျက် ဆားဗီးယားသည်လျင်မြန်စွာ ပြောင်းလဲသွားသည်။ ဆာဗ်များသည် စလိုဗေးနီးယား၊ ခရိုအေးရှားနှင့် ဘော့စနီးယားတို့တွင် ရှုံးနိမ့်ရသည်။ ဆားဗီးယား၏ ဗဟိုချက်မဖြစ်သော ကော့ဆိုဗိုတွင် ရှုံးနိမ့်ခဲ့ခြင်းသည် ကြီးမားသော ဆုံးရှုံးမှုဖြစ်သည်။ မဟာဆားဗီးယားနိုင်ငံတော်ဆိုသည့် အိပ်မက်သည် ပျက်ပြယ်လွင့်စဉ်သွား ရတော့သည်။  ၂ဝဝ၅ ခုနှစ်မေလတွင် မစ်လိုဆိုဗစ် ပြုတ်ကျပြီး ဇွန်လ တွင် ဟေ့ဂ်အပြည်ပြည်ဆိုင်ရာ တရားရုံးသို့ လွှဲပြောင်းပေးလိုက်ရသည်။ သူ့ကို အကာအကွယ်ပေးခဲ့ သော အစိုးရပြုတ်ကျသွားသည့် အတွက် 'မလာဒစ'် သည် အားကိုးရာ မဲ့သွားသည်။

မလာဒစ်၏ အရင်းနှီးဆုံး ဗိုလ်ချုပ်ကြီးဟောင်း ကာဆင်က ''မစ်လို ဆိုဗစ်ကို ဖမ်းမိသွားတဲ့ညက 'မလာ ဒစ်' နဲ့အတူ ကျွန်တော် ရှိနေခဲ့တယ်။ သူ့လုံခြုံရေးအတွက် အလွန်အမင်း စိုးရိမ်နေတဲ့ ပုံပေါ်တယ်။ ငါအသက်ရှင်နဲ့ အမိမခံဘူးလို့ ပြောတယ်'' ဟုဆိုသည်။

မလာဒစ်သည် ခရမ်မာ Kremar ရှိ တပ်စခန်းသို့ ကသောကမြော ပြောင်းရွှေ့သွားသည်။ သမ္မတ တီတိုး လက်ထက် အပန်းဖြေစခန်းဖြစ်ပြီး မြေအောက် ဘန်ကာများဖြင့် ခံတပ်ကဲ့သို့ အခိုင်အခံ့တည်ထားသော နေရာဖြစ်သည်။ မစ်လိုဆိုဗစ် ခေတ်လွန်တွင် လုံခြုံရေးတပ်ဖွဲ့များအပေါ် အစိုးရက ပိုမိုချုပ်ကိုင်လာသည်။ စစ်တပ်ကို အားကိုးနေရသော မလာဒစ်သည် အခြေအနေ မဟန်တော့။

၂ဝဝ၂ ခုနှစ် မတ်လတွင် မလာဒစ်ကို ဗိုလ်ချုပ်ကြီးရာထူးမှ အစိုးရက အနားပေးလိုက်သည်။ ယူဂိုစလာ ဗီးယားနိုင်ငံဟောင်းအတွက် ဖွဲ့စည်းထားသော အပြည်ပြည်ဆိုင်ရာ ခုံရုံးနှင့်အစိုးရက တရားဝင်ပူးပေါင်း ဆောင်ရွက်မည့် ကြေညာချက်ကို ဧပြီလတွင် ထုတ်ပြန်လိုက်သည်။

မလာဒစ်သည် ခရမ်မာ အပန်းဖြေစခန်းမှ ထွက်ခွာသွားရန် ဗိုလ်ချုပ် ကြီးများက ဖိအားပေးသည်။ သူက ထွက်မသွားဘဲ သူ၏ ကိုယ်ရံတော်များနှင့်အတူ တင်းခံထားသည်။ စခန်းပေါ်တွင် ရဟတ်ယာဉ်များပျံဝဲလျက် ဝင်ရောက်စီးနင်းလေဟန်ပြုလျက် မလာဒစ် ထွက်သွားစေရန် ခြိမ်းခြောက်သည်။ ဇွန်လ ၁ ရက်နေ့တွင် သူက အလျှော့ပေးပြီး နောက်စခန်းတစ်ခုသို့ သက်တော်စောင့်များ နှင့်အတူ ထွက်ခွာသွားသည်။ ယူဂိုစလဗ်တပ်မတော်က သူ့ကို အကာအကွယ်မပေးတော့သည့်အခါ ဘော့စနီးယားစစ်ပွဲတွင် တိုက်ဖော်တိုက် ဖက်အနည်းငယ်သာ သူ့အနားတွင်ကျန်တော့သည်။

မလာဒစ်၏ လူယုံတော် 'ယိုဗိုယိုဂျို' က ဝေယျာဝစ္စအဝဝကို စီမံပေးသည်။ ဘဲလ်ဂရိတ်မြို့သစ်ရှိ ရှုပ် ထွေးကြပ်သိပ်နေသည့် လမ်းမြှောင်တွင် အိမ်ခန်းငှားကာ မလာဒစ်ကိုဝှက်ထားသည်။ စိမ်းလန်းသော တော အုပ်အတွင်း သက်သောင့်သက်သာ အပန်းဖြေ လမ်းလျှောက် နေနိုင်သောဘဝမှ မြို့ပြ တိုက်ခန်းကျဉ်းသို့ရောက် လာသော မလာဒစ်သည် မနေတတ်မထိုင်တတ် ဖြစ်ရတော့သည်။ သူ့မိသားစု ဝင်များသည်လည်း သူ့ကို လာမတွေ့နိုင်တော့။

တိုက်ခန်း ငှားရမ်းရာတွင် အပေါ်ဆုံးထပ် မဖြစ်ရသလို၊ ပထမထပ် လည်းမဖြစ်ရ။ အဝင်တံခါးဝတွင် တံခါးစောင့်နှင့် စောင့်ကြည့်ကင်မရာများ မရှိရဟု မလာဒစ်က ညွှန်ကြားထားသည်။ ယင်းသို့ ကန့်သတ်ချက်များကြောင့် တိုက်ခန်းရှာမရဖြစ်ကာ တစ်နေရာပြီး တစ်နေရာပြောင်းပြီး စိတ်တိုင်းကျနေရာကိုရှာကြသည်။ နောက်ဆုံးတွင် ယူရီဂါဂါရင် (ဆိုဗီယက်အာကာသယာဉ်မှူး ဂုဏ်ပြုခေါ်ဆိုသော)လမ်းတွင် သူစိတ်တိုင်းကျ တိုက်ခန်းတစ်ခန်းကို ရသည်။ ထိုတိုက်ခန်းသည်  အခြားစစ်ရာဇဝတ် ကောင် 'ကရာဒစ်' နေထိုင်ရာ မလှမ်းမကမ်းတွင်ဖြစ်သည်။ သို့စဉ်တိုင် သူတို့နှစ်ဦးသည် မဆုံဖြစ်ကြ။ သူတို့နှစ်ယောက် ပုန်းရှောင်သည့်နည်းက လုံးဝခြားနားသည်။ မလာဒစ်က ပုန်း အောင်းနေသည်။ ကရာဒစ်က ရုပ်ဖျက်ပြီး လူမြင်သူထင်သွားလာသည်။  ကရာဒစ်သည် သဘာဝ ဓမ္မဆေး ဆရာ တစ်ယောက်အသွင်ယူကာ နေထိုင်လျက်ရှိသည်။

မိုဘိုင်းဖုန်းကို သူ့တိုက်ခန်းအတွင်း မလာဒစ်က သုံးခွင့်မပြု။ သူကိုယ်တိုင်လည်း တင်းကြပ်သော စည်း ကမ်းချမှတ်ကာ အပြင်ထွက်ခဲသည်။ တစ်ခါတစ်ရံ သားဖြစ်သူ 'ဒါကို' နှင့် လမ်းလျှောက်ထွက်သည်။ ထောက်ကူ ဝန်းရံပေးနေသည့် အတွင်းစည်းမှ အမျိုးသား၊ အမျိုးသမီးများသည် သူ့ နှင့် ဆက်ဆံရာတွင် မလွယ်လှပေ။နံနက်ခင်း ကာယလေ့ကျင့်ခန်းမလုပ်မီ နို့ပူပူနွေးနွေးနှင့် ပျားရည်စီစဉ်ပေးရသည်။ အစားအသောက်များသည်  စားသောက်မည့် နေ့တွင် ဝယ်ယူသော လတ်လတ်ဆတ်ဆတ်များဖြစ်ရမည်။ မစားဖြစ်ပါက သွန်ပစ်ရမည်။ အသီးအနှံနှင့် သစ်သီးဝလံများ ဝယ်ယူရာတွင် တစ်ဆိုင်တည်းမှ မဝယ်ရ။ ဆိုင်ခွဲ၍ဝယ်ရမည်။ သူ့ ကိုယ်သူ ပြင်ပြင်ဆင်ဆင် သပ်သပ် ရပ်ရပ်လည်းနေသည်။ သွားများကို အထူးဂရုစိုက်သည်။ သွားဆေးကုခန်းသို့သွားရလျှင် လုံခြုံရေးစည်းပေါက် သွားနိုင်သည်ဟု သူကဆိုသည်။

၂ဝဝ၂ ခုနှစ်  မတ်လ ၁၂ ရက်။ တစ်တိုင်းတစ်ပြည်လုံး တုန်လှုပ် ချောက်ချားသွားသော အဖြစ်အပျက် ဖြစ်ပွားသည်။ ဆားဗီးယား ဝန်ကြီးချုပ် 'ဇော်ရင်ဒင်းဒစ်' (Zoran Dinoiae) လုပ်ကြံခံရသည်။ ဝန်ကြီးချုပ်၏ ရာဇဝတ်ဂိုဏ်းများ နှိမ်နင်းရေးအစီအစဉ်မစတင်မီ လူဆိုးဂိုဏ်းက လုပ်ကြံခြင်းဖြစ်သည်။ ထို့ပြင် ဝန်ကြီးချုပ်သည် ဟေ့ဂ်အ ပြည်ပြည်ဆိုင်ရာ တရားရုံးနှင့် ပူးပေါင်းဆောင်ရွက်ရန် တာစူနေသည့် အချိန်လည်းဖြစ်သည်။

ယခင်ဝန်ကြီးချုပ် မစ်လိုဆိုဗစ်ကာလ၏ ဒုက္ခသုက္ခများချုပ်ငြိမ်းလျက် အေးချမ်းသာယာသော တိုင်း ပြည်ပေါ်ထွန်းလာမည်ဟု အများက မျှော်လင့်နေသည့် အချိန်ဖြစ်သည်။ ရဲတပ်ဖွဲ့က လူပေါင်း ၁၃ဝဝဝ ကို လုပ်ကြံမှုနှင့် ဆက်စပ်လျက်ဖမ်းဆီးသည်။ မလာဒစ်က သူ၏လုံခြုံရေး ကွန်ရက်ကို ပိုမိုတင်းကြပ်လိုက်သည်။ဝန်ကြီးချုပ် လုပ်ကြံမှုမတိုင်မီက သူ၏ အနီးကပ်သက်တော်စောင့်များသည် သူနှင့်အတူနေပြီး တစ်ခါတရံ ကြမ်းပြင်ပေါ်တွင် အိပ်စက်ကြရသည်။ လုပ်ကြံမှု နောက်ပိုင်းတွင် မလာဒစ်သည် အိမ်ပြောင်းအိပ် သည်။ သူနှင့်အတူ သက်တော်စောင့်တစ်ဦးကိုသာ ခေါ်သွားသဖြင့်အတူ ပါသွားသူသာလျင် သူရှိနေသည့်နေ ရာကို သိသည်။ ကျန်သက်တော် စောင့်များကို ဖုန်းဖြင့် ခေါ်ယူနိုင် သည့် နေရာတွင်ထားသည်။

ထိုအစီအမံသည် သူ၏ အနီးကပ်များကို မယုံကြည်သည့် သဘောပင်ဖြစ်သည်။ အကယ်၍ မလာဒစ်၏ လုံခြုံရေးစည်းကျိုးပေါက်သွားလျှင် ပထမဆုံး မသင်္ကာခံရမည့် သူများသည် သူ၏အနီးကပ်များပင် ဖြစ်လာမည်။ အနီးကပ်တို့၏ သားသမီးများဓာတ်ပုံကို လက်ဆောင်ပစ္စည်းကဲ့သို့ထုပ်ပိုးလျက် မကြာခဏပေးခြင်းဖြင့် ၄င်းတို့ မည်သည့်နေရာတွင်နေထိုင်သည်၊ သားသမီးများသည် မည်သည့်ကျောင်းသို့သွားသည်ကို သိထားကြောင်းနှင့် အကယ်၍ သူတို့ သစ္စာဖောက်လျင် သားသမီးများ အသတ်ခံရမည်ဟု သတိပေး ထားခြင်းဖြစ်သည်။

၂ဝဝ၄ ခုနှစ် အောက်တိုဘာလ ၅ ရက်နေ့တွင် ဘဲလ်ဂရိတ်မြို့ တော့ဆီတာ အရပ်ရှိ စစ်တန်းလျား ပစ်ခတ်မှုတွင် စစ်သားနှစ်ယောက် သေဆုံးသည်။ ၄င်းတို့နှစ်ဦးခိုက်ရန် ဖြစ်ပွားပြီး တစ်ဦးက နောက်တစ်ဦးကို ပစ်ခတ်လိုက်ကြောင်း၊ ပစ်ခတ်လိုက်သူကလည်း နောင်တရကာ မိမိ ကိုယ်ကို ပစ်ခတ်သတ်သေလိုက်ကြောင်း စစ်တပ်စုံစမ်းစစ်ဆေးရေး အဖွဲ့က ထုတ်ပြန်သည်။ လူထုက အဆိုပါ ထုတ်ပြန်မှုကို မယုံသင်္ကာဖြစ်ကာ ပြင်ပရှေ့နေတစ်ဦး ခေါင်းဆောင်သော စုံစမ်းစစ်ဆေးအဖွဲ့ ဖွဲ့စည်းစစ်ဆေးသည်။ သို့သော် စုံ စမ်းစစ်ဆေးရေးအဖွဲ့က ရှေ့မတိုးနိုင် ဖြစ်ရသည်။

အခင်းဖြစ်ပွားရာနေရာကို စစ်တပ်က အနေအထားပြောင်းပစ်လိုက်သဖြင့် သဲလွန်စရှာမရတော့။  စုံစမ်းရေးအဖွဲ့ ခေါင်းဆောင်ထံ ထောက်လှမ်းရေး ဗိုလ်မှူးကြီးတစ်ဦးရောက်လာပြီး ''ခင်ဗျားမှာ လိမ္မာတဲ့ သမီးချောလေးနှစ်ယောက် ရှိတာတောင် ဘာဖြစ်လို့ ပြဿနာရှာချင်နေတာလဲ'' ဟု ခြိမ်းခြောက်သည်။

စုံစမ်းရေးအဖွဲ့က စစ်သားနှစ်ယောက်ကို အခြားတစ်ဦးဦးက ပစ်သတ်ခဲ့သည်ဟု ကောက်ချက်ချသည်။ အဆိုပါ အခြားတစ်ဦးဦး သည် မည်သူဖြစ်သည်ကို အစီရင်ခံစာတွင် ဖော်ပြခြင်းမရှိခဲ့။ ယူဂိုစလဗ် စစ်တပ်သည် ထိုမျှလောက် အာဏာစက်ပြင်းသည်။ တပ်ရင်း အောက်ရှိ ပဒူအုံကဲ့သို့မြေအောက် လှိုင်ခေါင်း အတွင်း ပုန်းအောင်းနေသော 'မလာ ဒစ်'ကိုသေဆုံးသူ စစ်သားနှစ်ဦးက မတော်တဆတွေ့သွားသည့်အတွက် နှုတ်ပိတ်ခံရသည်ဟု အများအပြားက ယူဆကြသည်။

သမ္မတ တီတိုးလက်ထက်က အ ဆိုပါတပ်ရင်းတွင် မြေအောက်လိုဏ်ခေါင်းများ တည်ဆောက်ခဲ့ပြီး ၁၉၉၉ ခုနှစ်တွင် နေတိုးတပ်များ ဗုံးကြဲစဉ် တွင် မလာဒစ်သည် အဆိုပါ ဥမင်လိုဏ်ခေါင်းများတွင် ဗုံးခိုခဲ့သည်ဟု ဆိုသည်။

ယူရီဂါဂါရင် လမ်းရှိ တိုက်ခန်း များတွင် လှည့်ပတ်ပုန်းအောင်းနေရသော မလာဒစ်သည် ၂ဝဝ၅ ခုနှစ် အလယ်ပိုင်း၌  သွေးလေချောက်ချား ဂဏှာမငြိမ်ဖြစ်လာသည်။ စက်တင်ဘာလတွင် ရဲတစ်ဦးသည် မလာဒစ်၏ အခန်းတံခါးကို မှားခေါက်လိုက် သည့်အတွက် ပိုမိုချောက်ချားသွားသည်။ ဒီဇင်ဘာလတွင် ဆာဗီးယားမြောက်ပိုင်း ရွာသိမ်လေး တစ်ခုသို့ ပြောင်းပြေးသည်။ ရွာလေးသည် လူဦးရေ ကျဲပါးလွန်းသဖြင့်ကြာကြာ ပုန်းနိုင်သော နေရာမဟုတ်ပေ။ ဆက် တိုက်ဆိုသလို သူ၏နောက်တော်ပါရှစ်ဦး အဖမ်းခံရသည်။ မလာဒစ်သည် မည်သူ့ကိုမျှ မယုံကြည်တော့သဖြင့် သူ၏ လုံခြုံရေးကွန်ရက်ကို အဆက်ဖြတ်လိုက်သည်။

၂ဝဝ၆ ခုနှစ် ဖေဖော်ဝါရီလ ၄ ရက်နေ့ညတွင် ယောက်ဖတော်သူ 'ကရော့စတို' တိုက်ခန်းသို့ ရောက်သွားသည်။ သူနှင့်အတူ ကျောပိုးအိတ်တစ်လုံးနှင့် လက်ဆွဲအိတ်တစ်လုံးပါလာသည်။ အိတ်များထဲတွင်  Heckker & Koch စက်သေနတ်နှင့် ပစ္စတိုနှစ်လက်ပါသည်။ မလာဒစ်သည် များစွာအိုမင်းသွားပြီး တုန် လှုပ်နေသည်။ သို့သော် လေသံကမလျော့။ ကရော့စတို၏သားကို  သူ့စီးလာသည့်ကားကို ပြန်လွှတ်လိုက်ရန်ပြောသည်။ ကလေးအောက်သို့ ဆင်းသွားသည့်အခါ သူ့ကိုသစ္စာဖောက်ပါက ကလေးအပေါ် အန္တရာယ်ကျရောက်နိုင်သည်ဟု အရိပ်အမြွက် ပြောလိုက်သည်။

ထိုအပြောအဆိုကြောင့် ကရော့စတို၏ဇနီးက ပြင်းထန်စွာပေါက်ကွဲတော့သည်။ ''အဲဒီလို စကားမျိုးပြောတဲ့ အမျိုးတစ်ယောက်ကို ကျမအိမ်မှာ လက်ခံမထားနိုင်ဘူး''ဟု ရာဇသံပေးသည်။ ထို့ကြောင့် ကရော့စတိုက ဝမ်းကွဲတော်သူ တစ်ဦးထံ မလာဒစ်ကို လိုက်ပို့ပေးလိုက်ရသည်။

မလာဒစ်သည် တစ်နေရာပြီးတစ်နေရာ ပြောင်းပြေးနေရသည်။ စစ်တပ်အတွင်း သူနှင့် ရင်းနှီးသူများက အငြိမ်းစားယူသွားကြပြီ။ သူ့ကို လူထုကမေ့လျော့စပြုလာသည်။ တိုးပွားလာသည့် နိုင်ငံတကာဖိအားများက ဆားဗီးယားကို ပိုမိုအထီးကျန်စေသည်။ ပြည်တွင်းနိုင်ငံရေး အခြေအနေကလည်း မလာဒစ်ကို မျက်နှာသာ မပေးတော့။ ဥရောပသမဂ္ဂ၏ အကူအညီရရှိရန် မလာဒစ် အပါအဝင် စစ်ရာဇဝတ်ကောင်များကို အပြည် ပြည်ဆိုင်ရာ တရားရုံးသို့ လူထုက လွှဲပေးစေချင်သည်။

၂ဝဝ၈ ခုနှစ် ရွေးကောက်ပွဲတွင် ပြုပြင်ပြောင်းလဲရေးသမားများ အာဏာရလာသည်။ လက်နက်ကိုင် အဖွဲ့အစည်းများကို ပထမဆုံးအ ကြိမ် အရပ်သားအစိုးရက ချုပ်ကိုင် ခွင့်ရလာသည်။ အစိုးရသည် မလာဒစ်ကို ဖမ်းဆီးရမိရေးအတွက် သူ့ မိသားစုဝင်များကို ဖိအားပေးသည်။  မလာဒစ်၏ သား 'ဒါကို' ပိုင်ဆိုင် သော ကွန်ပျူတာ ကုမ္ပဏီသည် အခြားဆားဗီယားကုမ္ပဏီတစ်ခုနှင့် ယူရိုရှစ်သိန်းတန် ပူးပေါင်းဆောင်ရွက်ရေး စာချုပ်ချုပ်ဆိုမည့်ဆဲဆဲတွင် အဆိုပါကုမ္ပဏီကို ရဲကငါးနာရီကျော်ကြာ ဝင်ရောက်ရှာဖွေသည်။ ပူးပေါင်း ဆောင်ရွက်မည့် ကုမ္ပဏီသည် ကြောက်လန့်ကာ စာချုပ်မချုပ်ဆိုတော့။ ဆက်သွယ်ရေးကုမ္ပဏီတွင် လုပ်ကိုင်နေသော 'ဒါကို' ၏ ဇနီး 'ဘီလ်ဂျာနာ' ရာထူးချခံရပြီး နယ်သို့ အပို့ခံရသည်။

ဖိအားအပေးခံရသော်လည်း မလာဒစ်ကို မိသားစုဝင်များက ထုတ်မပေး။ သူတို့တွင် အင်အားကြီးမား သော အားကိုးရှိနေသည်။ ထိုအားကိုးမှာ ရုရှားဖက်ဒရေးရှင်း ဖြစ်သည်။ မလာဒစ်ထံတွင် ရုရှားတို့ အကျိုး စီးပွားရှိနေသည်။ ယူဂိုစလဗ် ပြည်ထောင်စုတွင် အစိတ်အပိုင်းအဖြစ်ပါ ဝင်ခဲ့သော ဆားဗီးယားသည် တစ်ချိန် က ရုရှားသြဇာခံဖြစ်သည်။ ရုရှား၏ အမြင်တွင် ရက်ကိုမလာဒစ်သည် စစ်သူရဲကောင်းဖြစ်သည်။ အနောက် နိုင်ငံများက သူ့ကို ဖမ်းဆီးပြီး သူတို့၏ သြဇာကို ပိုမိုကြီးမားစေရန် ကြိုးပမ်း နေသည်။ မလာဒစ်ကို ဖမ်းမိသွားလျှင် အနောက်အုပ်စုက အမြတ် ထွက်ပြီး ရုရှားအဖို့ မဟာဗျူဟာ မြောက်ဆုံးရှုံးမှုဖြစ်သွားလိမ့်မည်။ အကယ်၍ မလာဒစ်ကိုဖမ်းမိသွားလျင် မျိုးတုံးသတ်ဖြတ်မှုတွင် ရုရှား၏ခြေရာလက်ရာများကို ဖော်ကောင်လုပ်မည်ကိုလည်း စိုးရိမ်ရသည်။ မလာဒစ်၏ နောက်တော်ပါနှင့် ဆွေမျိုးသားချင်းများကို ရုရှားက ထောက်ပံ့ပေးကမ်းနေသည်ဟုလည်း ဆိုသည်။ ငွေ ကြေး အခက်အခဲကြောင့် မလာဒစ် ကို သစ္စာမဖောက်စေရန်ဖြစ်သည်။

'ရာကစ်' သည် မလာဒစ် ဖမ်း ဆီးရမိရေးအတွက် ဟေ့ဂ်အပြည် ပြည်ဆိုင်ရာ တရားရုံးနှင့် ပူးပေါင်းဆောင်ရွက်နေသူ ဖြစ်သည်။ ၂ဝဝ၈ ခုနှစ်တွင် သူသည်လေယာဉ်အမျိုးမျိုး ပြောင်းစီးကာ ဟေ့ဂ်သို့ရောက်သွားသည်။ လုံခြုံရေးအရာရှိများ ခြံရံလျက်ကားကို ဟေ့ဂ်တရားရုံး မြေအောက်ရပ်နားနေရာတွင် ရပ်သည်။ တရားရုံး အရာရှိများနှင့်ဆွေးနွေးပြီး ဆာဗီးယားသို့ ပြန်လာသည်။ ပြန်ရောက်ပြီးမကြာမီ မလာဒစ်ကို ထောက်ခံသူ တစ်ဦးရောက်လာပြီး အပြည်ပြည်ဆိုင်ရာ တရားရုံးနှင့်ဆက်သွယ်နေပါက မိသားစုတစ်ခုလုံး ဒုက္ခရောက်သွားမည်ဖြစ်ကြောင်း သတိပေးသည်။ ထိုသူ၏ ခြိမ်းခြောက် မှုကြောင့် 'ရာကစ်' တုန်လှုပ်သွားသည်။

ထိုသူက ရာကစ်၏သား သွားလာလှုပ်ရှားမှု အသေးစိတ်ကို ပြောနိုင် သည့်အပြင် ဟိဂ်မြို့တွင် ဆွေးနွေးခဲ့ စဉ်က ပါဝင်ဆွေးနွေးသူများ အမည်နှင့်စားပွဲ၏ မည်သည့်နေရာတွင် ထိုင်သည်ကို နေရာအတိအကျ ပြော နိုင်သည်။ ထိုကဲ့သို့ အတိအကျသတင်းကို ရုရှားထောက် လှမ်းရေးမှ လွဲပြီး အခြားသူများ သိနိုင်မည် မဟုတ်ပေ။ မလာဒစ်ကို အကာ အကွယ်ပေးရန် သမ္မတပူတင်ကို အ မိန့်ပေးထားကြောင်း နောက်ပိုင်းတွင် သိလာရသည်။

ရက်ကိုမလာဒစ်၏ ဝရမ်းပြေးဘဝကို အဆုံးသတ်မည့်နေရာမှာ လာဇာရီဗိုအမည်ရှိ ဆာဗီးယားရွာလေး၏ ယာတောအိမ်တစ်လုံးတွင်ဖြစ်သည်။ သူ့ဝမ်းကွဲတော်စပ်သူ 'ဘရန်နီစလဗ်'၏ ယာတောအိမ် ဖြစ်သည်။ အိမ်တွင် အနွေးဓာတ်ပေးသော စနစ်မရှိ။ လျှပ်စစ်သုံးအပူပေး စက်ကလေးတစ်ခုသာရှိသည်။ မလာဒစ်၏ ကျန်းမာရေးမှာ ဆိုးရွားနေသည်။ တစ်ကြိမ်တွင် နှလုံးလေဟပ်သဖြင့် ကြမ်းပြင်ပေါ်သို့ သတိမေ့ပုံကျသွားသည်။ သူက ဆေးရုံတက်ရန် ငြင်းဆိုသည်။ သူ့မိသားစုနှင့်လည်း မတွေ့ရဲတော့။ သို့စဉ်တိုင် မိသားစု သံယောဇဉ်ကြောင့်ပင် နောက်ဆုံး တွင် သူ့အားခြေရာခံမိသွားခြင်းဖြစ် သည်။

၂ဝဝ၈ ခုနှစ် မေလ ၆ ရက်။ ဆားဗီယား၏ နေ့ထူးနေ့မြတ်ဖြစ် သော စိန့်ဂျော့နေ့ဖြစ်သည်။ မလာ ဒစ်၏ သား 'ဒါကို' က သူ၏ သားနှင့်သမီး ( မလာဒစ်၏ မြေးများ) တို့ကို လာဇာရီဗို ရွာသို့ ခေါ်လာသည်။ စိန့်ဂျော့နေ့ အခမ်းအနားကို အခြား ဝမ်းကွဲတော်အိမ်တွင် ကျင်းပမည် ဖြစ်သော်လည်း ဘရန်နီစလဗ်၏နေအိမ် (မလာဒစ်ပုန်းအောင်းနေသည့်အိမ်) ရှေ့မြေကွက်လပ်သို့ သားနှင့် မြေးနှစ်ယောက်တို့လာကြ သည်။ သုံးယောက်သား မြေကွပ်လပ်တွင် မိနစ် ၂ဝ ကြာမျှ အကြောင်းမရှိဘဲ ရပ်နေကြသည်။ စောင့်ကြည့်နေသော ရဲများက နားမလည်နိုင်အောင် ဖြစ်သွားသည်။ သို့သော် နောက်ပိုင်းတွင် သဘောပေါက်သွားသည်။ မလာဒစ်သည် ပြတင်းပေါက် တစ် ပေါက် နောက်ကွယ်မှ သားနှင့် မြေး ဖြစ်သူတို့ကို လွမ်းမောတသစွာ ငေး ကြည့်နေခဲ့သည်။

သားနှင့် မြေးများပြန်သွားပြီးနောက် မလာဒစ်မိသားစုဝင်များသည် လာဇာရီဗို ရွာသို့ သုံးရက်အတွင်း နှစ်ကြိမ်မျှ တယ်လီဖုန်းဆက် သည်။ ထိုအချက်က စစ်ရာဇဝတ်ကောင် ဖော်ထုတ်ရေးအဖွဲ့ကို များစွာ စ်ိတ်ဝင်စားသွားစေသည်။

၂ဝ၁၁ ခုနှစ် မေလ ၂၆ ရက်နေ့ တွင် မလာဒစ် ပုန်းအောင်းနေသောအိမ်သို့ တပ်ဖွဲ့များဝင်ရောက်စီးနင်းသည်။ ပြည်ထဲရေးဝန်ကြီးဌာန၊ စစ်ရာဇဝတ်မှု ဌာနစိတ်မှ တပ်ဖွဲ့ဝင်များ ဖြစ်သည်။

အခန်းတစ်ခန်းထဲတွင် သူတို့ တွေ့လိုက်သည်မှာ ကက်ဦးထုပ် ဆောင်းထားသော အိုမင်းနေသည့် လူတစ်ယောက်။ တပ်ဖွဲ့ဝင်တစ်ယောက်က မှတ်ပုံတင်တောင်းသဖြင့် ထိုလူက သူ့မှတ်ပုံတင်ကို ထုတ်ပေးသည်။ မှတ်ပုံတင်ပေါ်တွင်ရေးထား သည်က 'ရက်ကို မလာဒစ်' သေချာစေရန်-

''ခင်ဗျား ဘယ်သူလဲ''ဟု မေးရာ

''မင်းတို့ ရှာနေတဲ့ ရက်ကို မလာ ဒစ်ဟာ ငါပဲ''  ဟု ခပ်တင်းတင်းဖြေသည်။

၁၄ နှစ်ကြာ ပြေးလွှားပုန်း  အောင်းနေခဲ့ရသော ဝရမ်းပြေးဘဝ ဇာတ်သိမ်းဖြစ်သည်။

၂ဝ၁၁ ခုနှစ် နှစ်ဇွန်လတွင် ဟေ့ဂ်အပြည်ပြည်ဆိုင်ရာ တရားရုံးတွင် မလာဒစ်၏ စစ်ရာဇဝတ်မှုများကို စတင်ကြားနာသည်။ ၂ဝ၁၇ ခုနှစ် နိုဝင်ဘာလ ၂၂ ရက်နေ့တွင် သူ့ကို ထောင်ဒဏ်တစ်သက်ချမှတ်လိုက် သည်။

 

အေးထွန်းမင်း

[email protected]

Ref: 14 years a fugitive: the hunt for Ratko Mladice, the Butcher of Bosnia.

 

 

 

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.