14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
စီမံကိန်းတွေကို ကြိုးကိုင်ထားလိုက်သည့် တရုတ်သမ္မတရှီနှင့် သူ့လူယုံများ

တရုတ်နိုင်ငံသမ္မတကြီး ရှီကျင်းဖိန် Xi Jinping သည် သူ၏ ပိုးသားလမ်းနှင့် ရေကြောင်း ခါးပတ်စီမံကိန်းကို အနီးကပ် စောင့်ကြည့် ကြီးကြပ်ရန်နှင့် ယင်းစီမံကိန်းအောင်မြင်စေရန်အတွက် ချဉ်းကပ်ဆောင်ရွက်ရန် ပေကျင်းမြို့ရှိ အစိုးရ ယန္တရားကို ပြန်လည် ပြုပြင်ရန် လိုအပ်လာသည်။

နိုင်ငံနှင့် ပါတီအပေါ် သူကတိကဝတ်ပြုထားသော ယင်းစီမံကိန်း အောင်မြင်စေရန်အတွက်သာမက နိုင်ငံရေးအရပါ ဦးဆောင်နိုင်ရန်အတွက် သူ၏ အနီးကပ်ဆုံး မိတ်ဟောင်းဆွေဟောင်းများကို နေရာချပေးခြင်းဖြင့် အနီးကပ်ကြည့်ရှုနိုင်မည်ဟုသူ လက်ခံထားသည်။

ယခု သူ၏စီမံကိန်းသည် တရုတ်နိုင်ငံအနေဖြင့် ဥရောပတိုက်သာမက အာဖရိကတိုက်အထိပါ ဆက်သွယ်မည့် ကြီးမားကျယ်ပြန့် သော စီးပွားရေးဇုန်ကြီးတစ်ခု ဖန်တီးတည်ဆောက်ရန် အားထုတ်နေခြင်းတွင် ပင်လယ်ရေကြောင်းမှရော၊ ကုန်းလမ်းကပါ ရထားလမ်း၊ ကားလမ်းများနှင့် ဆက်သွယ်မည်ဖြစ်၍ ရှေးတစ်ချိန်တစ်ခါက  တရုတ်နိုင်ငံနှင့် အနောက်ဥရောပတို့ ဆက်သွယ်ခဲ့သည့် ပိုးသား လမ်းကို ခေတ်သစ်တရုတ်နိုင်ငံ ပေကျင်းမြို့ကို ဗဟိုပြု၍ ရင်းနှီးမြှုပ် နှံမှုပါ ချဲ့ထွင်မည် ဖြစ်သည်။

ထိုသို့သော အခြေအနေအရပ်ရပ်တွင်  အဓိကသော့ချက်သဖွယ် ကိုင်တွယ်ထားမည့် တာဝန်ရှိပုဂ္ဂိုလ်များသည် အရေးပါလာပြီဖြစ်သည်။ ယင်းပုဂ္ဂိုလ်များသည် စီမံကိန်းတစ်ခုလုံး၏ အဓိကပုဂ္ဂိုလ်များ ဖြစ်လာမည်။ ထိုသူများသည် သမ္မတနှင့် လက်ချင်းချိတ် ဆက်ထားနိုင်သူများဖြစ်မှ လုပ်ငန်းကတိမ်းကပါး မဖြစ်မည်။

ယင်း တာဝန်ရှိ နေရာများကိုလည်း အတွင်းလူများထဲမှ တစ်ယောက်နှင့်တစ်ယောက် လက်ဆင့်ကမ်းခြင်းဖြင့် စီမံကိန်းကြီး ပုံမှန်လည်ပတ်မည်ဟု သမ္မတရှီက တွေးတောထားသည်။

တရုတ်နိုင်ငံ၏ စီးပွားရေး မူဝါဒများနှင့် အလွန်ရင်းနှီးကျွမ်းဝင်သော တရုတ်နိုင်ငံအခြေစိုက် သတင်းရင်းမြစ်တစ်ခုက တင်ပြရာတွင် သမ္မတရှီနှင့် အလွန်ကျွမ်းဝင်သော အပေါင်းအဖော်များသည် ယခုစီစဉ်နေသော ရေကြောင်းခါးပတ်လမ်းနှင့် ပိုးသားလမ်းသစ် စီမံကိန်းအပါအဝင် နိုင်ငံ၏ အခြား စီးပွားရေးစီမံကိန်းများနှင့် ပတ်သက်သော အဓိက အသက်သွေးကြောသဖွယ် သော့ချက်နေရာများအားလုံးကို အချိန်တိုအတွင်း နေရာယူပြီးသွားသည်မှာ အံ့အား သင့်ဖွယ်ရာပင်ဖြစ်ရသည်ဟု ဖော်ပြ ထား၏။

အဓိက သော့ချက်နေရာ အားလုံးကို တရုတ်နိုင်ငံရှိကျဲကျန်း Zhijiang နှင့် ဖူကျန်း Fujiang ဒေသနှစ်ခုမှ အုပ်စုနှစ်စုလုံးကသာ အပိုင်သိမ်းထားသလိုဖြစ်နေခြင်းက ပို၍ ကြောက်မက်ဖွယ်ဟု သုံးသပ်၏။

အဆိုပါ အုပ်စုနှစ်ခုလုံးသည် ရှီနှင့် အကျွမ်းတဝင် လူများဖြစ်နေခြင်းအပြင် အဆိုပါ နေရာ၌ ရှီသည် ၂၂ နှစ်ကြာ တာဝန်ထမ်းဆောင် ခဲ့သည့် နေရာလည်းဖြစ်နေခြင်းက ပို၍ စိတ်ဝင်စားဖွယ်ဖြစ်ပါ၏။

ပမာအားဖြင့် စိတ်ဝင်စားစရာ အကောင်းဆုံးပုဂ္ဂိုလ်မှာ ခါးပတ်လမ်းနှင့် ပိုးသားလမ်းကို အနီးကပ်တာဝန်ယူထားသူ အသက် ၆၂ နှစ် အရွယ် ဖူကျွန်းဒေသသား ဟီလီဖန်း He Lifeng ဖြစ်ပြီး သမ္မတရှီနှင့် အလွန်နီးကပ်စွာနေခဲ့သူဖြစ်သည်။ ဟီလီဖန်း၏ တာဝန်မှာ အမျိုးသာဖွံ့ဖြိုးရေးနှင့် ပြန်လည်ဖွံ့ဖြိုးရေးကော်မရှင်၏ ဥက္ကဋ္ဌသစ်ဖြစ်၏။ သူသည် ခါးပတ်လမ်းနှင့် ပိုးသားလမ်းနှင့် ပတ်သက်သည့် ပူးပေါင်းဆောင်ရွက်မည့် အစီအစဉ်များကို တာဝန်ယူမည့်သူလည်းဖြစ်သည်။ သူ့ကို ယခုနှစ်ဖေဖော်ဝါရီလ အတွင်း၌ ဤရာထူး တာဝန်ကိုပေးအပ်ခဲ့ခြင်းဖြစ်သည်။

ယင်းတာဝန်ကို ယခင်က တာဝန်ယူခဲ့သူမှာ တစ်ချိန်က တရုတ်နိုင်ငံ ဝန်ကြီးချုပ်အဖြစ် တာဝန်ထမ်း ဆောင်ခဲ့သူ ဝမ်ကျားပေါင်ဖြစ်သည်။ ထိုစဉ်က ဝမ်ကျားပေါင်သည် တရုတ် နိုင်ငံ၏ ဆိုရှယ်လစ်ပုံစံနည်းကျ စီးပွားရေးကို အပေါ်မှနေ၍ ထိန်းချုပ်ကိုင်သည့် တာဝန်ကို ယူထားခဲ့သူဖြစ်သည်။

ယင်းသို့ ဝမ်ယူခဲ့သော တာဝန်ကြီးနေရာကို သမ္မတရှီက သူ၏ရောင်းရင်းဖြစ်သည့်  လီဖန်းကို တာဝန်ပေးခြင်းမှာ သိသာလွန်းနေပါ၏။

လွန်ခဲ့သည့် ၃၂ နှစ်ခန့်က သမ္မတရှီသည် ယူကျန်းဒေသမြို့တော် ရှားမန်း Xiamen သို့ ဒုတိယ မြို့တော်ဝန်ရာထူးဖြင့် တာဝန်ကျခဲ့ စဉ်က ရှီ၏ အသက်မှာ ၃ဝ ကျော်ရုံ မျှရှိသေး၏။ သူ့အသက်နှင့်စာလျှင် သူတာဝန်မှာ အလွန်ငယ်ရွယ်လွန်း နေပါ၏။

သို့သော် ရှီ၏ မျိုးနွယ်ဆက်သည် တရုတ်နိုင်ငံ၌ အလွန်တန်ဖိုးထားကြသည့် တပ်တော်နီတော်လှန်ရေးတွင် ပါဝင်ခဲ့သူများ၏ သားသမီးမျိုးနွယ်ဖြစ်နေခြင်းပင်။ ရှီတို့ကို တရုတ်နိုင်ငံက တော်လှန်ရေး ဒုတိယမျိုးဆက်များဟု ခေါ်ကြသည်။ ပထမဦးဆုံး တရုတ်ကွန်မြူနစ်ပါတီ ထိပ်တန် ခေါင်းဆောင်များ၏ သားသမီးမျိုးဆက်များသည် ပါတီ၏ ထိပ်တန်း တာဝန်များကို ဆက်ဆံမည့်သူများဟု အသိအမှတ်ပြုထား ကြသည်။

အဆိုပါ လီဖန်း၏ဖခင်မှာ တစ်ချိန်က တရုတ်နိုင်ငံတော်ကြီးဖြစ် လာစေရန် ဦးဆောင်ခဲ့သည့် တပ်နီတပ်မတော်မှ ကွယ်လွန်သူ ရှီကျုံရွှင် Xi Zhangxun ဖြစ်ပြီး တစ်ချိန်၌ ဒုတိယဝန်ကြီးချုပ်တာဝန်ထမ်း ဆောင်ခဲ့သူဖြစ်၏။ ရှားမင်းဒေသ၌ ရှီသည် သူ့ကိုယ်သူပြင်ပဒေသမှ လာရောက်သူဖြစ်၍ အနေစိမ်းနေသည်။ ရှီသည် ထိုအချိန်က ဘတ်စ ကတ်ဘော ကစားခြင်းကို  ခုံမင်သည်။

ဟီလီဖန်းကမူ ဒေသဆိုင်ရာ အုပ်ချုပ်ရေးအဖွဲ့၏ အတွင်းရေးမှူး ဖြစ်ခဲ့၏။ သူသည်လည်း ဘတ်စ ကတ်ဘောကစားခြင်းကို ခုံမင်သူ။ ထိုမှစ၍ သူတို့နှစ်ဦးတွေ့ဆုံ ရင်း နှီးခဲ့ကြသည်။ ရှီက ဟီထက် နှစ်နှစ်ကြီးသည်။

ရှီသည် ဖူကျန်းဒေသ၌ ၁၇ နှစ်ကြာနေခဲ့သည်။ ထိုအရပ်ဒေသ၌ သူသည် တစ်ဆင့်ပြီးတစ်ဆင့် ရာထူးတက်ခဲ့သည်။ ထိုဒေသကို သူချစ်သည်၊ သူတွယ်တာသည်။ သူ့ကိုယ် ရေးကိုယ်တာအရ သာမက၊ နိုင်ငံရေး အရလည်းသူက ထိုဒေသကို ခင် တွယ်သည်။ ၁၉၈၇ ခုနှစ် ဒုတိယမြို့ တော်ဝန်ဖြစ်ပြီးချိန်၌ ရှီသည် ဒုတိယ အိမ်ထောင်ပြုခဲ့သည်။ ယခုလက်ရှိ ဇနီး Peng Liguna ဖြစ်သည်။

တစ်ချိန်က ရှားမင်ဒေသ၌ နေခဲ့မှုအပေါ် ပြန်လည်ကျေးဇူး တုံ့ပြန်သည့်အနေနှင့် ရှီသည် ယခုနှစ် ဘရာဇီး၊ ရုရှား၊ အိန္ဒိယ၊ တရုတ်နှင့် တောင်အာဖရိက နိုင်ငံများပါဝင်သည့် BRICS မိတ်ဘက်နိုင်ငံများ ထိပ်သီးတွေ့ဆုံပွဲကို ရှားမင်မြို့၌ ကျင်းပရန် ရွေးချယ်ခဲ့၏။

ရှားမန်းမြို့သည် ဂူလန်ဂျူကျွန်းပေါ်၌ တည်ရှိသည်။ ထိုကျွန်းပေါ်သို့ ကမ္ဘာ့လှည့် ခရီးသည်အများအပြားက လာရောက်လည်ပတ်ရန် စိတ်ဝင်စားကြသည်။ ထိုကျွန်း၊ ထိုမြို့ကို UNESCO က ယခုနှစ်အတွက် ကမ္ဘာ့အမွေအနှစ်များတည်ရှိရာ ဒေသအဖြစ် သတ်မှတ်ခဲ့သည်။ ယင်းဖြစ်ရပ်ကိုကြည့်၍ ဒေသခံပြည်သူများက  ကမ္ဘာက ယခုကဲ့သို့ အသိအမှတ်ပြုခြင်း၌ သမ္မတရှီ၏ လုပ်ဆောင်ချက်ပါမည်ဟု ထင်ကြေးပေးမှုများ ထွက်ပေါ်နေ၏။

တစ်ချိန်တည်းတွင် ကျဲကျင်းဒေသမှ အသက် ၆၁ နှစ်အရွယ် ကျုံစင် Zhong Shan ဆိုသူသည် အရေးကြီးသော တာဝန်ကြီးတစ်ခုရယူပြီး ပေါ်ထွက်လာပြန်သည်။ ကျုံစင် သည် ဖေဖော်ဝါရီလ၌ အစိုးရအဖွဲ့ဝင် စီးပွားရေးကုန်သွယ်ဝန်ကြီးအဖြစ် ခန့် အပ်ခံခဲ့ရသည်။ အမေရိကန်နိုင်ငံနှင့် ကုန်သွယ်မှုကို အဓိကတာဝန်ယူ ကိုင်တွယ်ကွပ်ကဲမည့်သူဖြစ်သည်။

သမ္မတရှီ၏ အစိုးရအဖွဲ့အနေနှင့် စီးပွားရေးကို ဦးတည်ထား၍ အလွန်တရာခက်ခဲသည့် ယင်းအလုပ်ကို ကိုင်တွယ်ရန် တာဝန်ပေးခံရသူဟု ယူဆနိုင်ပါ၏။ ကျဲကျင်းဒေသ၌ သမ္မတရှီ နိုင်ငံအရေးအကြီးအကဲ တာဝန်ယူခဲ့စဉ်က ကျုံစင်သည် ဒုတိယမြို့တော်ဝန် ဖြစ်သည်။

အသက် ၅၆ နှစ်အရွယ်ရှိ ချင်မဲနန့် Chen Min’er ဆိုသူမှာလည်း ကျဲကျင်းဒေသမှပင်ဖြစ်သည်။ သူသည်လည်း ဇူလိုင်လလယ်ခန့်၌ အဓိကသော့ချက်မြို့ဖြစ်သော ချုံကင်းမြို့၌ ထိပ်တန်းတာဝန်ခံအရာရှိ ဖြစ်လာခဲ့ပြန်သည်။ တစ်ချိန်တစ်ခါက နိုင်ငံရေးကြယ်ပွင့်သဖွယ် သတ် မှတ်ထားကြသော ဆဲင့်ကျယ်ချိုင် Sun Zhengeal ရရှိမည့် တာဝန်ကို ချင်မဲနန်အား ခန့်အပ်လိုက်ခြင်းဖြစ်၏။

စောင့်ကြည့်ရမည့် သူများ

သမ္မတရှီ၏ အစိုးရအဖွဲ့ဝင်များအဖြစ် အသစ်စက်စက်ခန့်အပ်လိုက်သည့် စီးပွားရေးဆိုင်ရာ တာဝန်ရှိ သူများမှာ ဟီလီဖန်းနှင့် ကျုံစင်တို့ ဖြစ်သည်။ သူတို့နှစ်ဦးကို စီးပွားရေး၌ တာဝန်ပေးထားခြင်းကို လုံးဝမသိရဘဲ သမ္မတရှီ ဧပြီလက အမေရိကန်နိုင်ငံ သို့သွားပြီး သမ္မတဒေါ်နယ်ထရန့်နှင့် ထရန့်၏ ဖလော်ရီဒါ အိမ်တော် မာ အာလာဂိုတွင် ဆွေးနွေးသည့် ထိပ်သီးအစည်းအဝေးတွင် ထိုပုဂ္ဂိုလ်နှစ်ယောက်ကို သမ္မတရှီ၏ နံဘေး၌ ထိုင်နေစဉ်မှ လူအများ၊ သတင်းသမားများ သိခဲ့ကြရသည်။

ယင်းတွေ့ဆုံပွဲ၌ သမ္မတရှီက ကတိတစ်ခုပေးရာ၌ မြောက်ကိုရီးယားနိုင်ငံ၏ ညူလက်နက်နှင့် ဒုံးခွင်းဒုံးလက်နက် ဆက်လက်လုပ်ဆောင်မှုများကို စွန့်လွှတ်ရန် သူဖိအားပေးထားမည်။ သမ္မတဒေါ်နယ်ထရန့် ဘက်ကလည်း ကုန်သွယ်မှုများနှင့် ချုပ်ချယ်ထားမှုများ လျှော့ပေးရမည်ဟုဆိုခဲ့သည်။ ယခုအခါ၌ ရှီ၏ ကတိစကားမှာလည်း အကောင် အထည်မပေါ်တော့ပေ။ ပြုံးယမ်းဘက်က တစ်စုံတစ်ရာမှ အထောက် အထားမပြနိုင်ခဲ့ပေ။ မည်သို့ပင်ဆိုစေ ဟိလီဖန်နှင့် ကျုံစင်တို့နှစ်ဦးသည် ရှီယုံ ကြည်ရလွန်းသူ လျူဟီ Liu He ထက်ပင်ပို၍ နီးကပ်စွာနှင့် နေရာ ယူနိုင်ခဲ့ကြသည်။

 

သမ္မတရှီနှင့် လျူဟီ

အသက် ၆၅ နှစ်အရွယ်ရှိပြီး တရုတ်နိုင်ငံ၏ စီးပွားရေး အလုံးစုံကို လွှမ်းမိုးချုပ်ကိုင်ထားနိုင်သည့် မူဝါဒချမှတ်ရန်အဖြစ် တာဝန်ရှိသူဖြစ်၏။ သူသည် လောလောဆယ်၌ ကွန်မြူနစ်ပါတီ၏ ထိပ်တန်းအဆင့် စီးပွားရေးနှင့် ဘဏ္ဍာရေးဆိုင်ရာ ဗဟိုဦးစီး ကော်မတီရုံး၏ ညွှန်ကြားရေးမှူးဖြစ်နေသည်။ လျူဟိနှင့် ရှီတို့သည် ငယ် သူငယ်ချင်းများဖြစ်ကြသည်။ ပါတီနှင့် တပ်မတော်၏ ထိပ်တန်းစစ် ဘက်ခေါင်းဆောင်များ၏ သားသမီးများကဲ့သို့ ပေကျင်းမြို့ အမှတ် ၁ဝ၁ အလယ်တန်းကျောင်းမှ ကျောင်းတက်ကာ စာသင်ကြားခဲ့သူများဖြစ် သည်။

ရှီအနေနှင့် လျူဟီအပေါ် မည်သည့် လျှို့ဝှက်ချက်မှ ထားစရာမလို လောက်အောင် ယုံကြည်သည်။ ၂ဝ၁၃ ခုနှစ်ကရှီသည် အမေရိကန်နိုင်ငံမှ အမျိုးသား လုံခြုံရေး၊ အကြံ ပေးပုဂ္ဂိုလ် သောမတ်ဒိုနီလွန် Thomas Donilon နှင့် မိတ်ဆက်ပေးသည့်အခါ ရှီပြောသည့် စကားလုံးက ''ဒါကတော့ လျူဟိပါ။ ဒီလူဟာ ကျွန်တော့်အတွက် သိပ်အရေးပါတဲ့ ပုဂ္ဂိုလ်ပါပဲ'' ဟု ဖြစ်သည်။

ယခု ရေကြောင်းခါးပတ်လမ်းနှင့် ပိုးသားလမ်း စီမံကိန်း ချမှတ်ဆောင်ရွက်သည့်အခါ ဟီလီဖန်နှင့် ကျုံစင်တို့အတူတွဲ၍ တာဝန်ယူခဲ့ကြသည်။ သူတို့၏ လုပ်ငန်းများကို နောက်ကွယ်မှ မဟာဗျူဟာ ချမှတ်ပေးသူကား လျူဟီ ဖြစ်၏။

 

သန်းရာပြည့် မဟာဗျူဟာ

ယခု ရေကြောင်းခါးပတ်လမ်း နှင့် ပိုးသားကုန်းလမ်း အစီအစဉ် သည် နိုင်ငံတကာ မြင်ကွင်းတစ်ခုလုံးကို ဖြန့်ကြက်ကြည့်ကာ ချမှတ်သည့် စီမံကိန်းဖြစ်ပါ၏။ သမ္မတရှီ၏ အခြားသော ရင်းနှီးမြှုပ်နှံမည့် စီမံကိန်းသည် ပြည်တွင်းရေးကိုသာ ဦးတည်ထားသည်။

တရုတ်နိုင်ငံ၏ မြို့တော်ပေကျင်း၌ အလွန်အရေးတကြီး ဖြစ်ပေါ်နေသည့် ပြဿနာမှာ လေထု အလွန်ညစ်ညမ်းနေခြင်းဖြစ်ပြီး လူဦးရေ တိုးတက်မှုကလည်း နှစ်ဆကျော် ပြန် ထပ်ဆောင်းနေသေး၏။ တရုတ်နိုင်ငံတော် အစိုးရသည် ပေကျင်းမြို့ ဖွံ့ဖြိုးရေးအတွက် နည်းလမ်းများရှာခဲ့သည် မှာကြာခဲ့ပြီး အနီးကပ်ဆုံးရှိသည့် ရန်ကျင်ွးှငညေငြည နှင့် ဟီဘေးံနဘနင  ဒေသများ၌လည်း ထိုသို့ လက္ခဏာများ တွေ့နေရ၏။ ယင်းဒေသများသို့ လူများနေထိုင်ရန်နှင့် စက်မှုလုပ်ငန်းများအတွက် နေရာချထားရန် ပြင်ဆင်နေရသည်။ ထိုအရပ်နှစ်ခု၌ ညီညီမျှမျှ တာဝန်ချထားရန် စီစဉ်နေ၏။

ပေကျင်းရှိ အစိုးရ၏ဌာနချုပ်  ယန္တရားကိုလည်း မြို့တော်မှနေ၍ အရှေ့ဘက်အရပ်ရှိ ထုံကျူ Jongzhou သို့ ရွှေ့ရန်ရည်ရွယ်ထား၏။ ထိုအရပ်ဒေသတွင်လည်း ဖွံ့ဖြိုးရေး အစီအစဉ်များ ချမှတ်ရဦးမည်။

ပြီးခဲ့သည့် ဧပြီလကပင် တရုတ်နိုင်ငံက သတင်းထုတ်ပြန်ခဲ့ပြီးဖြစ်၏။ ဟီဘေးရှိ ရှန်ကန်း Xiongan နယ်တွင် လူစည်ကားသော မြို့တော်တစ်ခုတည်ဆောက်ယူရန် ရှီက စီစဉ် နေခဲ့ပြီ။ ယင်းဒေသသည် ပေကျင်းမြို့မှ ကီလိုမီတာ ၁၅ဝ ခန့်အကွာ အဝေး၌သာ တည်ရှိ၏။ ရှီကျင့်ဖိန်း အစိုးရက ဖော်ဆောင်လိုသည့် ရာစုနှစ်ပြည့်တော့မည့် နိုင်ငံအတွက် မဟာဗျူဟာကျမည့် စီမံကိန်းဖြစ်လာ တော့မည်။

ရှီအစိုးရက ထိုနေရာဒေသကို ရွေးချယ်ရခြင်းအကြောင်းမှာ ထိုနေရာသည် ရှီ၏ မိခင် ချီရှင့် Qi Xin  မွေးဖွားခဲ့သည့် နေရာကြောင့်ဟု တီးတိုးပြောနေကြသည်။

အဆိုပါ အရပ်သည် သိုးမွေးအဝတ်အထည်များ ထုတ်လုပ်သည့် စက်မှုလုပ်ငန်းရှိသည့်နေရာဖြစ်သည်။ ဆေးဆိုးအဝတ်များကို အိမ်ရှေ့၌ လှန်းထားသည်ကိုလည်း တွေ့ရနိုင်၏။

ထိုနေရာသည် ညီညာပြန့်ပြူး မြေပြင်နှင့် ကွင်းပြင်များစွာရှိသော ကျေးလက်ဒေသဖြစ်သည်။ ယခုအခါ

ပေကျင်းမြို့ကို နေရာရွှေ့ရန်အတွက် တရုတ်အစိုးရ ရွေးချယ်ထားသော နေရာဖြစ်သည်။  ကျေးလက်ဒေသ ဖြစ်သော်လည်း ထိုနေရာ၌ လာမည့် ၁ဝ နှစ်၊ နှစ် ၂ဝ အတွင်းတွင် မိုးထိမြင့်မားသည့် အဆောက်အအုံများ ပေါ်လာတော့မည်။

အထက်ပါကဲ့သို့ ဖြစ်ရပ် ဖြစ်စဉ်မျိုး တရုတ်နိုင်ငံတွင် ယခင်ကလည်း ရှိခဲ့ဖူးသည်။ တစ်ချိန်က ရှန်ဟဲဒေသ၊ မူဒေါင်ဒေသများသည် ကျေးလက်မြို့ပြ ပုံသဏ္ဌာန်ရှိနေရာမှ တရုတ်အစိုးရ အစီအမံဖြင့် စီးပွားရေးအချက်အချာ နေရာဌာနကြီးဖြစ် သွားခဲ့ပြီး ကွဲပြားခြားနားသော ရှန်ဟဲဖြစ်သွားခဲ့သည်။ လေယာဉ်ကွင်း အသစ်နှင့် ရှန်ဟဲတွင် အမေရိကန်တို့၏ အစ္စနီ ကစားကွင်းလည်းရှိနေချေပြီ။

တရုတ်နိုင်ငံ၏ ခုန်ပျံကျော်လွှား တိုးတက်မှုမှာ အံ့မခန်းဖြစ်ခဲ့သည်ကို အတိတ်ပြန်ပြောင်း စဉ်းစားလိုက် သည်နှင့် သိရနိုင်ပါ၏။

မြို့တော်သစ်ဖြစ်လာစေရန် စွန့်စားခဲ့ရသည်။ ထိုနေရာသို့ ရေနှင့် မလောင်းငွေကို ရေလိုလောင်းလိုက်ရုံမျှသာ ဖြစ်ပါ၏။ အလွန်အန္တရာယ် ကြီးသော ကိစ္စရပ်ဖြစ်ပါ၏။ ယခု နမူနာအဖြစ် ဟီဘေး He bei  တွင် ပြုလုပ်ခဲ့သည့်  ကာသိုဖီးဒီးယမ်း Caofeidiam ဖွံ့ဖြိုးရေးစီမံကိန်းကို သာဓကအဖြစ် တွေ့ရနိုင်သည်။ ယခုအခါ တစ္ဆေသူရဲမြို့အဖြစ် နာမည်ကြီးနေပြီဖြစ်၏။ ဆိုလိုသည်မှာ မြို့ကြီးဖြစ်ပါလျက် လူနေစရာအိမ်များ ပြည့်စုံနေပါလျက်၊ လူမနေသည်မြို့၊ လူမရှိသည့်မြို့။ ယခုအခါ ထိုမြို့ကို တစ္ဆေသူရဲမြို့ဟုပင် သတင်းဌာနများက အမည်ပေးထားလျက်ရှိနေပေပြီ။

ထိုဖြစ်စဉ်နှင့် တစ်ချိန်တည်းမှာပင် နိုင်ငံတကာ လေဆိပ်ကြီးတစ်ခု ဆောက်လုပ်ခဲ့ကြသည်။ ထိုလေဆိပ် ကြီးသည် ပေကျင်းမြို့လယ်မှ တောင်ဘက် ကီလို ၅ဝ ခန့်သာဝေးသည်။ ထိုလေဆိပ်ကြီးကို ၂ဝ၁၉ နှစ် အလယ်၌ ဖွင့်လှစ်ရန် သတ်မှတ်ပြီးဖြစ်သည်။ ဤနေရာ၌ မေးခွန်းထုတ် စရာအကြောင်းတစ်ခုပေါ်လာခဲ့၏။ ထိုမြို့အတွက် အမေရိကန်ဒေါ်လာ ၂၃ သန်း လိုအပ်နေသေးသည်ဆို၏။

ယခုလောလောဆယ် ပြဿနာတစ်ခုမှာ ပေကျင်းမြို့တော်နိုင်ငံ တကာလေဆိပ်သည် တိုးချဲ့ဆောက် လုပ်လျက်ရှိနေသည်။ လောလောဆယ်၌ လေဆိပ်အဆောက်အအုံသုံး ခုပြီးစီးနေသည်။ လုပ်ငန်းလည်ပတ် ရန်အသင့်ဖြစ်နေပေပြီ။ သို့သော် နှေးကွေးနေခြင်းက ပြဿနာတစ်ခု ဖြစ်နေသေး၏။

ပေကျင်းမြို့တော် ပြန်လည်တည်ဆောက်ရေးကို တာဝန်ယူကိုင် တွယ်နေသူမှာ အသက် ၆၁ ရှိသည့်   ချိုင်းချိ Cai Qi ဖြစ်သည်။ သူသည် ယခုနှစ် မေလကတည်းက ပါတီ အကြီးအကဲတာဝန်ယူထားသည်။

 

ချိုင်းချိ

ချိုင်းချိကို ဖူကျန်းဒေသ၌ မွေးဖွားခဲ့သည်။ သူသည် ဖူကျန်း Fujian နှင့် ကျဲကျန်း Zhejiang ဒေသနှစ်ခုလုံးနှင့် အဆင်ပြေစေရန် ဆက်ဆံနေ သူဖြစ်၏။ သူသည် ပထမ၌ ဖူကျန်းဒေသ၌ တာဝန်ယူပြီး ၁၉၉ဝ ခုနှစ် နောက်ပိုင်း၌ ကျဲကျန်းဒေသသို့ ပြောင်းရွှေ့တာဝန်ထမ်း ဆောင်ခဲ့သူ ဖြစ်၏။

တစ်ချိန်၌ သမ္မတရှီသည်လည်း ဖူကျန်းမှ ကျဲကျန်းသို့ ပြောင်းရွှေ့တာ ဝန်ယူချိန်တွင် ချိုင်းချိသည် ထိုအရပ်မှ ပါတီဆိုင်ရာ ထိပ်တန်းတာဝန်ရှိသူအဖြစ် ကျန်ရှိခဲ့သည်။

ယင်းအချိန်ထိ ချိုင်းချိသည် တရုတ်ကွန်မြူနစ်ပါတီ၏ အမြဲတမ်း ဗဟိုကော်မတီ ၂ဝဝ ထဲ၌ ပါဝင်ခဲ့ ခြင်း မရှိသေးပေ။

သို့သော် သူသည် သူ့ပြိုင်ဘက်များကို ခုန်ပျံကျော်လွှားကာ ယခုနှစ်အမျိုးသား ကွန်ဂရက်ပေါ်လစ်ဗြူရိုတွင်းသို့ ရောက်ရှိလာခဲ့တော့သည်။

ချိုင်းချိကမူ သူ့အလုပ်သူလုပ်သည်။ သူ့လုပ်ငန်းသူတာဝန်ကျေရန် ထမ်းဆောင်သည်။ ယင်းအချက် ကိုမြင်သော ရှီက ချိုင်းချိကို စိတ်ဝင်စားသည်။ သို့ဖြစ်၍ သြဂုတ်လ ၃ ရက်နေ့၌ တရုတ်နိုင်ငံ လက်ရှိခေါင်းဆောင်များနှင့် ပါတီမှ အငြိမ်းစားယူသွားကြသည့် လူကြီးဟောင်းများ တွေ့ဆုံပွဲကို ဟီဘေးပင်လယ် ဆိပ်ကမ်း၌ တွေ့ဆုံကြသည်။ ယင်း တွေ့ဆုံပွဲကလည်း နှစ်စဉ်နွေဦးရာသီ တွေ့ဆုံပွဲသာဖြစ်၏။ ထိုပွဲသို့ ချိုင်းချိက တက်ရောက်သည်။ ထိုပွဲ၌ ချိုင်းချိပြောသောမိန့်ခွန်း၌ သမ္မတရှီ၏ အတွေးအမြင်လုပ်ရပ်များကို ညွှန်းဆို စကားဆိုခဲ့သည်။

ထိုအချက်က တရုတ်နိုင်ငံသမ္မတကြီး ရှီအတွက် နိုင်ငံရေးအမြင်များကို ပိုပြတ်သားသွားစေခဲ့သည်။ လာမည့် ပါတီညီလာခံ၌ ပါတီစည်းကမ်းစည်းမျဉ်းများနှင့် ပတ်သက်၍ တွေးဆရန် အကြံ ကောင်းများရရှိသွားသည်။

ချိုင်းချိသည် ပေကျင်း၌ ဒုတိယအဆင့် ပုဂ္ဂိုလ်ဖြစ်နေသည်။ ထို့ပြင် သူသည် ရှီ၏ အဖွဲ့၌လည်း ပါဝင်နေသူဖြစ်၏။ ဤနေရာ၌ ချင်ဂျင်နင်း Chen Jining ဆိုသူ ၅၁ နှစ်အရွယ် မြို့တော်ဝန် တာဝန်ယူထားသူ၏ အခန်းကဏ္ဍက ပါဝင်လာတော့ သည်။

တရုတ်နိုင်ငံ၏ ကွန်မြူနစ်ပါတီတွင်း၌ အဓိကအုပ်စုကြီးသုံးခုရှိနေပါ၏။ တစ်ခုမှာ ရှီအုပ်စု၊ ထိုအုပ်စုဝင်များသည် ဟူကျန်းနှင့် ကျဲကျန်း ဒေသသားများ။ ထိုဒေသ၏ တာဝန်ကို နှစ်များစွာ ထမ်းဆောင်သူများဖြစ်သည်။ ဒုတိယအုပ်စုမှာ ကွန်မြူနစ် လူငယ်များ အုပ်စုဖြစ်သည်။ ယင်းအုပ်စုကို တစ်ချိန်ကပါတီတွင် လူငယ်အဖွဲ့အစည်း တာဝန်ယူခဲ့သူများက ကိုင်တွယ်သည်။ ဦးဆောင်သည့် အဓိကခေါင်းဆောင်များ ဟိုကျင် တောင်း သမ္မတဟောင်းနှင့်  လက်ရှိဝန်ကြီးချုပ် လီကာရှင်း။ သူတို့က ကွန်မြူနစ် လူငယ်အဖွဲ့ ကိုင်တွယ်ခဲ့သူဖြစ်သည်။ တတိယအုပ်စုမှာ ယခင်သမ္မတဟောင်း ကျန်ဇီမင်းဖြစ်သည်။

ချန်ဂျင်နင်း၏ ယခင်တာဝန်မှာ ပတ်ဝန်းကျင် ထိန်းသိမ်းရေး ဝန်ကြီး ဖြစ်၏။ သူသည် ဆင်ဟွာတက္ကသိုလ် ဥက္ကဋ္ဌတာဝန်ထမ်းဆောင်ခဲ့ဖူး၏။ ရှီတက်ရောက်ခဲ့သော တက္ကသိုလ်ပင် ဖြစ်၏။

 

အာဏာများစုစည်းရာ

သမ္မတရှီ၏ အနီးကပ် အကြံ ပေးဆိုသည့် ရာထူးနှစ်ခုကို ပေကျင်း၌ ခန့်အပ်ခဲ့သည့်အခါ ကွန်မြူနစ်ပါ တီအတွင်းထဲ၌ရှိသော လူများ၏ မျက်ခုံးများ ပင့်တက်သွားမတတ် အားသင့်ခဲ့ကြရသည်။

ယခင်ဗြူရိုကရက်ဟောင်း တစ်ဦးက ပြောရာ၌ ''ဒါက သဘာဝပဲလေ။ ရှီအုပ်စုက ပေကျင်း၊ တိုင်ဂျင်းနဲ့ဟီဘေး အရပ်တွေမှာ ငွေကြေးအမြောက်အမြားနဲ့ ရင်းနှီးမြှုပ်နှံကြမှာလေ၊ ပြီးမှ စီမံခန့်ခွဲ မှုကို ရှီအုပ်စုက ကိုင်တော့မှာပေါ့''

ပေကျင်းရှိ ကြီးမားသည့်ရေးရာ  အရာရှိကြီးများ၊ မဟာမိတ်များ ပါတီတွင်းရှိ သက်ရွယ်ကြီးသည်  ပါတီဝင်များအားလုံးသည် ယခု အသက် ၉ဝ ရှိနေပြီဖြစ်သော သမ္မတဟောင်း ကျန်ဇီမင်းနှင့် အသက် ၇၄ နှစ်ရှိပြီ ဖြစ်သော ဝန်ကြီးချုပ်ဟောင်း ဝမ် ကျားပေါင်တို့၏ သြဇာရိပ်နှင့် မကင်းကြပေ။

အထူးသဖြင့် တိုင်ဂျင်း Tianjin ဒေသသည် ဝမ်ကျားပေါင်၏ အခိုင် အမာဆုံးနေရာဒေသဖြစ်၏။  ဝမ်ကို  ထိုနေရာ၌မွေးဖွားပြီး ကျာန်ကောင်းလီ Zhang Gaoli ဆိုသည့် လောလောဆယ် အမြဲတမ်းကွန်မြူနစ်ပါတီ၏ ပေါ်လစ်ဗြူရို  ခုနစ်ဦးထဲမှ တစ်ဦးဖြစ်သူ၏ အရပ်ဒေသလည်းဖြစ်သည်။

သို့သော် ရှီ၏ အုပ်စုသည် ပေကျင်း၊ တိုင်ဂျင်းနှင့် ဟီဘေးတစ်ခု လုံးရှိ အာဏာပိုင်များကို ထိန်းချုပ် ပြီးဖြစ်နေသည်။ စီးပွားရေးတစ်ခုလုံး ပြန်လည်ဖွံ့ဖြိုးရန်နှင့် သော့ချက်သဖွယ် တာဝန်နေရာများကို ကြိုးကိုင်ထားပြီးဖြစ်၏။ လောလောဆယ် အခြေခံ အချက်အလက်များ အပြောင်းအလဲ၌ ရှီသည် နိုင်ငံရေးရန်ဘက်တို့ကို ကျယ်ကျယ်ပျံ့ပျံ့ဖယ် ရှားခဲ့ပြီးပြီ။ သူ့အာဏာကို သူတစ်နေရာတည်း၌ စုစည်းနိုင်ခဲ့ပြီဖြစ်၏။

ရှီသည် သူ့အုပ်စုကို ပြန်တည် ဆောက်ရာ၌ ပေကျင်းပုံစံနှင့်ပင် ပုံဖော်၍ ရှန်းကန် ဧရိယာသစ်တစ်ခုကို တည်ဆောက်ခဲ့ပြီးပြီဖြစ်၏။ ထိုနေရာ၌ သူတို့၏ အရာအားလုံး ရင်းနှီးမြှုပ်နှံတော့သည်။

သူသည် ယင်းဖြစ်စဉ်ကို လွန်ခဲ့သည့် နှစ် ၂ဝ ကတည်းက စုစည်းခဲ့သည်။ ကိုယ်စားလှယ်အဖြစ်မှ ကြိုးကိုင်ပုဂ္ဂိုလ်ဖြစ် ရရှိရန်ဖြစ်၏။

လူအများ အံအားသင့်စရာ လည်းဖြစ်ခဲ့သည်။ ၂ဝဝ၇ ခုနှစ်ပါတီ ညီလာခံ၌ သူတို့ ပေါ်လစ်ဗြူရို အမြဲတမ်း ကော်မတီဝင်အဖြစ် အဆင့် တိုးသတ်မှတ်ခဲ့ကြသည်။ ထိုအဆင့် ရရှိခြင်းသည် သူသည် နိုင်ငံ၏အဆက်ဆက်တွင် ဆဋ္ဌမမြောက်နေရာ ရရှိသွားခြင်းဖြစ်ပါ၏။ သူသည် သူ့ ရှေ့မှ လီကာရှင်းထက် အဆင့်မြင့်သည့် တာဝန်နှင့် ရာထူးဖြစ်ပါ၏။

ပေါ်လစ်ဗြူရို အမြဲတမ်းကော် မတီဆိုသည်မှာ ပါတီ၏အမြင့်ဆုံး ဆုံးဖြတ်ချက်ချနိုင်သည့် အဖွဲ့အစည်းဖြစ်သည်။

ထိုအဖွဲ့က ရှီကို အဆင့်မြင့်ပေးခဲ့ခြင်းဖြင့်  သူသည် ဟိုကျင်တောင်း၏ နေရာရရှိ ခြင်းဖြစ်၏။

သူသည် ၂ဝ၁၂ ခုနှစ်တွင် ပါတီအထွေထွေအတွင်းရေးမှူးနှင့် ၂ဝ၁၃ ခုနှစ်၌ သမ္မတဖြစ်လာခဲ့သည်။

ရှီသည် ပေါ်လစ်ဗြူရို အမြဲတမ်းအဖွဲ့ဝင်မဖြစ်မီ သူသည် ရှန်ဟဲ၏ ထိပ်တန်းအရာရှိလာသည်မှာ တစ်နှစ်ခွဲကာလအတွင်းဖြစ်၏။ ယင်းကာလသည် သူ့အနေနှင့် ဖူကျန်း၌  ၁၇ နှစ်နှင့် ကျဲကျန်းဒေသ၌ ငါးနှစ်နေအပြီးဖြစ်၏။

ရှီသည် တပ်နီ ဒုတိယမျိုးဆက်သစ် အဆင့်ဖြစ်ခဲ့သော်လည်း သူတို့ပါတီတွင်းမှ အင်အားကောင်းသော ထောက်ခံမှုမျိုးကိုတော့ မရရှိခဲ့ပေ။ ပမာအားဖြင့် ကွန်မြူနစ်လူငယ်များအဖွဲ့၏ ထောက်ခံမှုမျိုးဖြစ်၏။

ယင်းရှုထောင့်မှကြည့်ပါက သူ့၌ ရွေးချယ်စရာက မရှိတော့။ ကျိကျန်းနှင့် ဖူကျန်းအဖွဲ့များသာ ရှိတော့သည်။

ယခုအခါ အပြန်အလှန် မှီခိုနေရသည့် အရည်အသွေးမပြည့်ဝသော သစ္စာခံအုပ်စုရှစ်စု၏ ပခုံးပေါ်သို့ တာဝန်ကြီးများ ကျရောက်လာပြီဖြစ်သည်။ ရှီအနေနှင့်လည်း သူ၏ စီမံကိန်းများ မအောင်မြင်မည်ကို မြင်ချင်မည်မဟုတ်။ ရှီနှင့် သူ၏မဟာမိတ်များသည် အမြင့်မားဆုံး ရင်းနှီးမြှုပ်နှံမှုများကို စွန့်စွန့်စားစား အသုံးချခြင်းဖြင့်သာ အောင်မြင်မှုကို ရရှိနိုင်မည် ဖြစ်သည်။

 

စိုးမင်းဦး

 

Ref: Xi Loyalists grab the neins & Pivotal Projectrs by Katsuji Nakazawa (Nikkei Staft Senior Staff writer)

 

 

စိုးမင်းဦး
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.