19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
အားဖြည့်အချိုရည်များရဲ့ အန္တရာယ်

၂ဝ၁၄ ခု၊ ဒီဇင်ဘာ၏ နေ့တစ်နေ့။

ရောဘတ်ဂရင်သည် ရုံးသို့ ကားမောင်းသွားရာလမ်းတွင် အော်ဂလီဆန်လာသဖြင့် လမ်းဘေး၌ ကားထိုးရပ်ပြီး သူနာပြုကား ခေါ်လိုက်ရသည်။ ဆေးရုံတွင် စစ်ဆေးလိုက်သည့်အခါ သူ့ကျောက်ကပ်ပျက်စီးမှု အဆင့် ၄ တွင် ရှိနေကြောင်း သိရသည်။

ထိုနေ့က သူအိမ်မှထွက်မလာမီ မွန်းစတားအားဖြည့်အချိုရည် တစ်ဘူးသောက်ခဲ့သည်။ ထိုသို့ နေ့စဉ်နေ့တိုင်းအိမ်မှမထွက်မီ အားဖြည့်အချိုရည် တစ်ဘူးသောက်သည်မှာ ဆယ်နှစ်ကျော်ခဲ့ပြီဟုဆိုသည်။ တစ်ရက်လျှင် သူက အားဖြည့်အချိုရည်လေးဘူး ပုံမှန်သောက်သည်။ ထိုလေးဘူးတွင် ပါဝင်သော ကဖင်းပမာဏသည် ကိုကာကိုလာ ၁၂ အောင်စဝင် ၁၈ ဘူးတွင် ပါဝင်သော ကဖင်းပမာဏနှင့် တူညီသည်။ သူသည် ကျောက်ကပ် ပုံမှန်ဆေးကြောရသည့်ဘဝသို့ ရောက်သွားသည့်အပြင် ကျောက်ကပ်အစားထိုး လဲလှယ်ရန် သင့်တော်သည့် ကျောက်ကပ်ရရှိရန် စောင့်ဆိုင်းနေသည်။

ရောဘတ်ဂရင် အပါအဝင်လေးဦးသည် ယခုအခါ မွန်းစတား အားဖြည့်အချိုရည် ကုမ္ပဏီကို တရားစွဲဆိုထားသည်။ အားဖြည့် အချိုရည် သောက်သုံးမှု၏ အကျိုးဆက်အဖြစ် သူတို့ခံစားနေရသော သေလုမျောပါး ကျန်းမာရေး အခြေအနေကြောင့် တရားမကြောင်းအရ စွဲဆိုကြခြင်း ဖြစ်သည်။

ကုမ္ပဏီသည် သောက်သုံးသူများ၏ ကျန်းမာရေးအန္တရာယ်ကို ဂရုမမူ လက်လွတ်စပယ်ပြုလုပ်ခြင်း၊ အချိုရည် ရောစပ်ပုံမမှန်ခြင်း၊ သောက်သုံးမှုကြောင့် ဖြစ်ပေါ်လာနိုင်သည့် ဆိုးကျိုးများကို စားသုံးသူအား သတိပေးရန် ပျက်ကွက်ခြင်း စသည့် စွဲချက်များဖြင့် စွဲဆိုထားခြင်းဖြစ်သည်။ အားဖြည့် အချိုရည်သောက်သုံးခြင်းသည် စီးကရက်သောက်ခြင်းကဲ့သို့ လူငယ်များ အပေါ် ကျန်းမာရေး ဆိုးကျိုးသက်ရောက်စေသည်ဟု တရားလိုရှေ့နေများက လျှောက်လဲသည်။

ဘူးပေါ်တွင် ကျန်းမာရေးနှင့် ပတ်သက်သော သတိပေးချက်မပါ ခြင်း၊ အချိုရည် ရောစပ်ရာတွင် ဖော်မြူလာ ပြောင်းလဲမှုမရှိခြင်း၊ စမ်းသပ်စစ်ဆေးတွေ့ရှိချက်များကို အများသိစေရန် ထုတ်ပြန်ကြေညာမှုမရှိခြင်းတို့သည် စွဲချက်ပါ အချက်များဖြစ်သည်။ မည်သည့်အရာကို သောက်သုံးနေရသည်၊ မည်သို့သော ကျန်းမာ ရေး အကျိုးဆက်များ ဖြစ်ပေါ်စေနိုင်သည်ကို သောက်သုံးသူများအား ဥပဒေအရ သိရှိခွင့်ပေးရမည် ဖြစ်သည်။

အမေရိကန်ပြည်၊ ဗားမော့မစ်ဒယ်ဘာရီ ကောလိပ်၊ စားရိပ်သာတွင် အားဖြည့်အချိုရည်များကို ၂ဝ၁၆ ခုနှစ်မတ်လမှစ၍ ရောင်းချ တော့မည် မဟုတ်ကြောင်း ကောလိပ် အုပ်ချုပ်ရေးအဖွဲ့က ကြေညာသည်။ အားဖြည့်အချိုရည်သည် ကျောင်း သားများကို စိတ်ဖိစီးမှုဖြစ်စေသည့်အပြင် ကျောင်းစည်းကမ်းနှင့် မညီသော အပြုအမူများထွန်းကားစေသည်ဟု အုပ်ချုပ်ရေးအဖွဲ့ကဆိုသည်။

အားဖြည့်အချိုရည် သောက်သုံးခြင်းသည် ဆိုးဝါးသော ကျန်းမာ ရေး အကျိုးဆက်များ ဖြစ်ပေါ်စေနိုင်သည်ဟု စားရိပ်သာ ဦးဆောင်ညွှန်ကြားရေးမှူးက အန်ဘီစီသတင်းဌာန ကိုပြောသည်။ အားဖြည့်အချိုရည်ကြောင့် အရက်သေစာ အလွန်အကျွံ သောက်သုံးခြင်းနှင့် လိင်စိတ် ထကြွသောင်းကျန်းမှုများ ဖြစ်စေသည်ဟုလည်း ဆိုသည်။ သို့စဉ်တိုင် အချိုရည် သောက်သုံးခြင်းနှင့် အန္တရာယ်မကင်းသော အပြုအမူတို့ ဆက်စပ် နေကြောင်း ခိုင်မာသော သုတေသနရလဒ်များ မရှိသေးပေ။

ကက်သရင်းမီလာ (Kathleen Miller) သည် ၂ဝဝ၈ ခုနှစ်မှ စတင်လျက် စွဲလမ်းစွာ သုံးစွဲတတ်သော အမူအကျင့်ဆိုင်ရာ သုတေသနပြုနေသူ (Addiction researcher)  ဖြစ်သည်။ ''တွေ့နေရတာက အချိုရည် အများအပြား သောက်တဲ့လူငယ်တွေဟာ အန္တရာယ်မကင်းတဲ့ စွန့်စားမှုကို လုပ်တတ်တယ်ဆိုတာပဲ'' ဟု ကက်သရင်းက ပြောသည်။

အားဖြည့်အချိုရည်ကို စားရိပ်သာတွင် မရောင်းချတော့သော်လည်း ပိတ်ပင်ထားခြင်း မဟုတ်သဖြင့် အခြားနေရာများမှ ဝယ်ယူနိုင်သည်။ အားဖြည့်အချိုရည်ပါ ဓာတုအမယ် များပါဝင်သည့် အခြားသော အစားအစာများကို စားရိပ်သာက ရောင်းချနေခြင်းသည် ထောက်ပြစရာဖြစ်နေသည်။ ပင်ပန်းနွမ်းနယ်မှု ပပျောက်စေရန်၊ အိပ်ချင်ပြေစေရန်၊ အာရုံစူးစိုက်မှု အားကောင်းရန်၊ အလုပ်ကို အားစိုက်လုပ်ကိုင်နိုင်ရန် စသည့် ရည်ရွယ်ချက်များဖြင့် အားဖြည့်အချိုရည်သောက်သုံးကြသည်။ လွန်ခဲ့သော ဆယ်စုနှစ်အတွင်း အားဖြည့် အချိုရည် ဈေးကွက် ထောင်တက်နေသည်။

အမေရိကန် ဆေးပညာအသင်း ဂျာနယ်တွင် ဖော်ပြထားသော သုတေသန စာတမ်းက အားဖြည့်အချိုရည် တစ်ဘူးသည်ပင်လျှင် လူ၏ဇီဝကမ္မဖြစ်စဉ်ကို ပြောင်းလဲစေနိုင်သည်ဟုဆိုသည်။ အားဖြည့် အချိုရည်တွင် ကဖင်း၊ သကြားနှင့် သစ်ဥသစ်ဖုတို့ ပါဝင်သည်။ အချိုရည် တစ်ဘူး သောက်လိုက်လျှင် စိတ်ကြွဟော်မုန်း (Norepinephrine) ခန္ဓာကိုယ်အတွင်း တိုးပွားလာပြီး သွေးပေါင်ချိန်ကိုလည်း တက်လာစေသည်ဟု သုတေသနစာတမ်းကဆိုသည်။

အားဖြည့်အချိုရည်ကို ပြဿနာကောင်အဖြစ် သုတေသီများက မြင်ထားကြသည်။ အားဖြည့် အချိုရည်ကြောင့် ရင်ဘတ်အလွန်အမင်း အောင့်ခြင်း၊ နှလုံးခုန်မမှန်ခြင်း၊ အိပ် မရခြင်း စသည့် ကျန်းမာရေး ပြဿနာများကြောင့် ဆေးရုံသို့ ရောက်လာသော လူငယ်အရေအတွက် မနည်းတော့ပေ။

အားဖြည့်အချိုရည်နှင့် ပတ်သက်သော သုတေသနများမှာ ဖြိုးဖြိုး ဖြောက်ဖြောက်သာ ရှိသေးသော်လည်း တစ်နှစ်လျှင်ရောင်းအား ဒေါ် လာ ၁ဝ ဘီလျံကျော်ဖိုး ရှိနေသော အားဖြည့်အချိုရည် လုပ်ငန်းကြီးများအဖို့ ကျောချမ်းစရာဖြစ်သည်။ သုတေသနမှ ခိုင်မာသော အထောက်အထားများ ထွက်ပေါ်လာလျှင် ၄င်းတို့၏ လုပ်ငန်းထိခိုက်မည်မှာ အသေ အချာပင် ဖြစ်သည်။

၂ဝ၁၁ ခုနှစ်တွင် အမေရိကန် နိုင်ငံဆေးရုံ အရေးပေါ်ဌာနသို့ ရောက်လာသော လူနာများအနက် ၂၁ဝဝဝ ယောက်သည် အားဖြည့်အချိုရည်နှင့် တစ်နည်းမဟုတ် တစ် နည်း ပတ်သက်နေသည်ကို တွေ့ရသည်။

ဒေါက်တာ အန်နာဆဗက်တီ ကိုဗာ (Anna Syatikova) သည် နှလုံးရောဂါ ပါရဂူ ဖြစ်သည်။ သူက ကျန်းမာသန်စွမ်းသော လူငယ် ၂၅ ယောက်ကို ရော့ခ်စတား အားဖြည့် အချိုရည်နှင့် သကြားရည်သာပါ သော အချိုရည် တိုက်ကျွေးကာ သုတေသနလုပ်သည်။ အစမ်းသပ်ခံများသည် နှစ်မျိုးစလုံးကို အားဖြည့် အချိုရည်ဟု မှတ်ယူထားကြသည်။ စမ်းသပ်မတိုက်ကျွေးမီ အစမ်းသပ်ခံများ၏ သွေးပေါင်ချိန်တိုင်းထားသည်။ အားဖြည့်အချိုရည် သောက်သူရော၊ သာမန်သကြားရေသောက် သူများပါ သောက်သုံးပြီးသည့်အခါ သွေးပေါင်ချိန်တက်လာသည်။ သို့သော် အားဖြည့် အချိုရည်သောက် သူများ၏ သွေးပေါင်ချိန်သည် ပိုမိုမြင့် တက်သည်ကို တွေ့ရသည်။        အားဖြည့် အချိုရည်တွင် ကဖင်းပါဝင်နေခြင်းအပေါ် အမေရိကန်အချိုရည် ထုတ်လုပ်သူများ အသင်းက  ''အားဖြည့်အချိုရည်မှာ ကဖင်းပါနေတာဟာ အထူးအဆန်း မဟုတ်ပါဘူး။ ကော်ဖီဆိုင်က ကော်ဖီတစ် ခွက်မှာပါတဲ့ ကဖင်းပမာဏဟာ အားဖြည့် အချိုရည်တစ်ဘူးမှာပါတဲ့ ပမာဏနဲ့ အတူတူပါပဲ။ စားသုံးသူတွေ ဥပဒ်မဖြစ်စေဖို့ သိပ္ပံ သုတေသီနဲ့ စည်းကမ်းသတ်မှတ်ရေး အဖွဲ့တွေ ဖွဲ့ထားပြီး ကျွန်တော်တို့ အမြဲစစ်ဆေး နေပါတယ်''ဟု ဆိုသည်။

ရော့ခ်စတားနှင့် မွန်းစတား အားဖြည့်အချိုရည် လုပ်ငန်းတို့သည် ၄င်းတို့၏ အားဖြည့် အချိုရည်ကို ဖြည့်စွက်အာဟာရအဖြစ် ရောင်းချရာမှ သာမန်အချိုရည်အဖြစ် လွန်ခဲ့ သော ဆယ်နှစ်က ပြောင်းလဲရောင်းချခဲ့သည်။ သာမန်အချိုရည်အဖြစ် ရောင်းချသည့်အတွက် ကျန်းမာရေးအပေါ် သက်ရောက်မှုကို အာဏာပိုင်များထံသို့ တင်ပြရန် မလိုအပ်တော့ပေ။

အားဖြည့်အချိုရည်ကို ကလေးများ သောက်သုံးမှု တိုးပွားလာနေသည့်အတွက် ဆေးဘက်ဆိုင်ရာက သတိပေးမှုများရှိသည်။ အားဖြည့်အချိုရည်တွင် ကဖင်း၊ Taurine Guarana တို့ ပါဝင်နေခြင်းကို ကလေးအထူးကု ဆရာဝန်ကြီးများက အထူးစိုးရိမ်မကင်းဖြစ်ကြသည်။ ထိုအရာများသည် ကလေးတစ်ယောက်ကို အရေးပေါ်အခြေအနေသို့ ရောက်စေနိုင်သည်။ ကဖင်း အလွန်အကျွံ သောက်သုံးမိသဖြင့် အသက်ဆုံးပါးရသော ကလေးများရှိလာသည်။ အသက်အန္တရယ် မစိုးရိမ်ရ သည့်တိုင် ကလေးများတွင်

အအိပ်အစားပျက်ခြင်း၊ စိတ်ပျက်အားငယ်ခြင်း စသည်တို့ ဖြစ်လာနိုင်သည်။ အားဖြည့်အချိုရည် ကုမ္ပဏီများကလည်း ကလေးများကို ပစ်မှတ်ထား ကြော်ငြာလာသည့်အတွက် ဆေးဘက်ဆိုင်ရာများက ရတက်မအေးနိုင်။ ကလေးများသည် အရွယ်ငယ်ရွယ်လွန်းသည့်အတွက် ကြီးထွားမှု မြန်ဆန်စေရန် သဘာဝက အားဖြည့်ပေးထားပြီးဖြစ်သည်။ ထိုအခြေအနေတွင် အားဖြည့်အချိုရည်ဖြင့် ထပ်လောင်း အားဖြည့်ပေးလျှင် ကျန်းမာရေးဆိုးကျိုးများဖြစ်လာမည်။

တစ်ရက်လျှင် အားဖြည့်အချိုရည် နှစ်ဘူးသောက်ရုံနှင့် နှလုံးခုန် ပြတ်တောင်းပြတ်တောင်းဖြစ်ခြင်း၊ နှလုံးခုန်မမှန်ခြင်းနှင့် ရင်ဘတ်အောင့်ခြင်းတို့ ဖြစ်နိုင်သည်။ အရေးပေါ်ဌာနသို့ နှလုံးအခြေအနေကြောင့် ရောက်လာသည့် လူနာ ၇၃ ရာခိုင်နှုန်းသည် အားဖြည့်အချိုရည် ပုံမှန် သောက်သုံးသူများဖြစ်သည်။ ၄င်းတို့ အနက် ၃၆ ရာခိုင်နှုန်းသည် ဆေးရုံရောက်မလာမီ ၂၄ နာရီ အတွင်းက အားဖြည့်အချိုရည် သောက်သုံးခဲ့ကြောင်း တွေ့ရသည်။ နှလုံးခုန်မမှန် ခြင်းသည် အားဖြည့်အချိုရည်နှင့် တိုက်ရိုက်ပတ်သက်နေကြောင်း ဆေးသုတေသန အထောက်အထားများ ပေါ်ထွက်လာနေသည်။ အားဖြည့်အချိုရည်ကို အရက်သေစာနှင့် ရောနှော သောက်သုံးပါက အသက်အန္တရာယ် စိုးရိမ်ရသည်။

နှလုံးအခြေအနေကြောင့် ဆေးရုံသို့ရောက်လာသော အသက် ၁၃ နှစ် မှ ၄ဝ အရွယ်၏ ၇ဝ ရာခိုင်နှုန်းသည် အားဖြည့်အချိုရည် ပုံမှန်သောက်သုံးသူများ ဖြစ်သည်ဟု တောင်သြစတြေးလျ အရေးပေါ်ဌာနကဆိုသည်။ အားဖြည့်အချိုရည် အလွန်အကျွံသောက်သုံး သူများသည် တစ်နေ့လျှင် တစ်ဘူးသာ သောက်သုံးသူများထက် နှလုံးအခြေအနေ ဆိုးရွားသည်ကို တွေ့ရသည်။ ကျန်းမာသန်စွမ်းလျက် နှလုံးရောဂါဖြစ်ရန် အလားအလာ မရှိသူများပင် အားဖြည့်အချိုရည် သောက်သုံးခြင်းဖြင့် နှလုံးပုံမှန် အလုပ်မလုပ်တော့သည်ကို တွေ့ရသည်။

အဲလစ်မောရစ်သည် တစ်နေ့လျှင် အားဖြည့်အချိုရည် နှစ်လုံးသောက်သုံးခဲ့သည်မှာ သုံးနှစ်ရှိပြီ ဖြစ်သည်။ အသက် ၁၉ နှစ်အရွယ် ၂ဝ၁၃ ခုနှစ်တွင် နှလုံးခုန်မမှန်ဘဲ သေဆုံးသွားသည်။ သူ့မိခင်က မွန်းစတား အားဖြည့်အချိုရည် ကုမ္ပဏီကို တရားစွဲသည်။

5 hour Energy ကုမ္ပဏီနှင့် မွန်းစတားကုမ္ပဏီတို့က ထုတ်လုပ်သော အားဖြည့်အချိုရည်ကြောင့် သေဆုံးမှုများရှိသည်ဆိုသော အချက်ကို အစားအသောက်နှင့် ဆေးဝါးအာဏာပိုင်များက စုံစမ်းစစ်ဆေးလျက် ရှိသည်မှာ နှစ်အနည်းငယ်ပင်ရှိနေသည်။ အားဖြည့်အချိုရည်တွင် ပါဝင်သော Taurine, 1-caritine  နှင့် inositol တို့သည်  နို့စို့အရွယ် ကလေးငယ်များ၏ အစားအစာများတွင် ထည့်သွင်းနေသည်မှာ ဆယ်စုနှစ်ချီလျက် ရှိနေပြီဖြစ်ကြောင်း၊ ၁၆ အောင်စဝင် မွန်းစတားအချိုရည် တစ်ဘူးတွင် ပါဝင်သော ကဖင်းသည် ကော်ဖီတစ်ခွက်တွင် ပါဝင်သော ကဖင်းပမာဏ၏ ထက်ဝက်သာရှိကြောင်း  မွန်းစတားကဆိုသည်။ ခန္ဓာကိုယ်အတွင်းသို့ ကဖင်း ၂ဝဝ မီလီ ဂရမ်မှ ၄ဝဝ မီလီဂရမ်အထိ ရောက်ရှိသွားပါက အသက်အန္တရာယ် ဖြစ်စေနိုင်သည်။ ၁၆ အောင်စဝင် မွန်းစတား အားဖြည့်အချိုရည် တစ် ဘူးတွင် ကဖင်း ၁၆ဝ မီလီဂရမ်ပါဝင် နေခြင်းက စိုးရိမ်ဖွယ်ရာဖြစ်သည်။

''သတင်းစာနဲ့ ဂျာနယ်တွေမှာပါတဲ့ မှားယွင်းတဲ့ စွပ်စွဲချက်တွေနဲ့ ရှေ့နေတွေက ရုံးတော်မှာလာပြီး စွပ်စွဲနေကြတယ်။ အဲဒီ အချက်တွေဟာ မမှန်ဘူးဆိုတာ ရုံးတော်မှာ ကျွန်တော်တို့ အခိုင်အမာ သက်သေပြသွားမယ်'' ဟု မွန်းစတားကုမ္ပဏီက ကြေညာသည်။

တရားစွဲဆိုမှုများကို အားဖြည့်အချိုရည်ကုမ္ပဏီက ငွေပေးကြေ အေးခြင်းများရှိသော်လည်း အများသိနိုင်ရန်ကြေညာခြင်း မရှိပေ။ ထို့အတူ ဖော်စပ်ပုံ ဖော်မြူလာကိုလည်း လုပ်ငန်းလျှိုဝှက်ချက်အဖြစ် ထားရှိနေခြင်းက သင်္ကာမကင်းဖွယ်ရာဖြစ် နေသည်။

၂ဝဝ၂ ခုနှစ်တွင် စတင်ထုတ်လုပ်စဉ်က မွန်းစတားက ၄င်း၏ အားဖြည့်အချိုရည်ကို အစားအစာ အဖြစ်မဟုတ်ဘဲ 'ဖြည့်စွက်အစာ' (Dietary Supplement) အဖြစ် စာရင်းတင်ထားသဖြင့် အစားအစာနှင့် ဆေးဝါးအာဏာပိုင်အဖွဲ့ စိစစ်မှုမှ ကင်းလွတ်နေသည်။ ထို့အတူ အချိုရည် တစ်ဘူးတွင် ပါဝင်သော ကဖင်းပမာဏ ကန့်သတ်ချက်ကို လည်း အကျုံးမဝင်စေရန် ပါးနပ်စွာ ရှောင်ကွင်းထားသည်။

တရားစွဲဆိုမှုများကို ရင်ဆိုင်လာရသဖြင့် မွန်းစတားသည် ၂ဝ၁၃ ခုနှစ်တွင် ၄င်း၏ အားဖြည့်အချိုရည်ကို  'ဖျော်ရည်' (Beverage) အဖြစ် အမျိုးအစားပြောင်းကာ စာရင်းသွင်းသည်။ ယင်းသို့ ပြောင်းလဲလိုက်သဖြင့် ဘူးပေါ်တွင် ပါဝင်သော ကဖင်း ပမာဏကို ဖော်ပြလာရသည်။ အားဖြည့်အချိုရည် (Energy Supplement) ဟုဆိုလျှင် ကျန်းမာရေးအပေါ် သက်ရောက်မှုကို အသိပေးဖော်ပြရမည်ဖြစ်သော်လည်း ဖျော်ရည်ဟု အမျိုးအစားပြောင်းလဲ စာရင်းသွင်းလိုက်သောအခါ အသိပေးဖော်ပြရန် မလို အပ်တော့ပေ။

အားဖြည့်အချိုရည်ကို စီးကရက်ကဲ့သို့ အသက်ကန့်သတ်ချက်ဖြင့် ရောင်းချသင့်သည်ဟု ဝေဖန်သူများကဆိုသည်။ တစ်နေ့လျှင် အားဖြည့် အချိုရည် နှစ်ဘူးထက်ပိုမို သောက် သုံးပါက နှလုံးခုန်မြန်ခြင်း၊ နှလုံးဖောက်လာခြင်းနှင့် ရင်ဘတ်အောင့်ခြင်းတို့ကြောင့် အရေးပေါ်ကုသခန်း သို့ ရောက်သွားနိုင်သည်ဟု သုတေသီများက ဆိုသည်။

အရေးပေါ် ကုသဆောင်သို့ နှလုံးခုန်မမှန်ခြင်းကြောင့် ရောက်လာ သော အသက် ၁၃ နှစ်မှ အသက် ၄ဝ အရွယ် လူနာများကို ဆန်းစစ်ကြည့်ရာ ၄င်းတို့အနက် ၃၆ ရာခိုင် နှုန်းသည် ဆေးရုံသို့ ရောက်မလာမီ ၂၄ နာရီအတွင်း အားဖြည့်အချိုရည် အနည်းဆုံး တစ်ဘူးသောက်သုံးခဲ့ကြောင်း တွေ့ရသည်။ အလွန်အကျွံ သောက်သုံးသူများသည် နှလုံးခုန်မမှန်ကြ။ သူတို့၏ နှလုံးခုန်နှုန်းသည် သာမန်သောက်သုံးသူများထက် ပိုမို မြန်နေသည်ကို တွေ့ရသည်။

ဆေးဝါးဗေဒ ပါမောက္ခဖြစ်သူ ဒေါက်တာအီယန်မတ်စ်ဂရေ့ဗ်က ''လွန်ခဲ့တဲ့ ဆယ်စုနှစ်တွေအတွင်း အားဖြည့်အချိုရည် သောက်သုံးမှု ခေတ်စားလာတယ်။ အများအပြား သောက်သုံးကြတဲ့ အကြောင်းရင်း တစ်ခုက အပြိုင်အဆိုင်ပြင်းထန်လာ တဲ့ ခေတ်မှာ အမြဲနိုးကြားစေဖို့၊ ပင်ပန်းနွမ်းနယ်မှု ပပျောက်ဖို့၊ အာရုံစူးစိုက်မှုကောင်းဖို့၊ သူများထက်သာ အောင်အလုပ်လုပ်နိုင်ဖို့ဆိုတဲ့ ရည်ရွယ်ချက်နဲ့ သောက်သုံးကြတယ်''ဟု ဆိုသည်။

''အားဖြည့်အချိုရည်မှာ အဓိကပါဝင်နေတာက ကဖင်းပဲ။ ချင့်ချင့်ချိန်ချိန် သောက်သုံးရင် ကဖင်းက အန္တရာယ်မရှိနိုင်ပါဘူး။ ဒါပေမယ့် တချို့လူတွေမှာ ကဖင်းအပေါ် ခန္ဓာ ကိုယ်တုံ့ပြန်မှုက ပြင်းထန်တယ်။ အဲဒီလို လူမျိုးတွေကျတော့ အနည်း အကျဉ်းသောက်ရုံနဲ့ အန္တရာယ်ရှိနိုင်တယ်''ဟု ဒေါက်တာအီယန်က ဆိုသည်။

အားဖြည့် အချိုရည် အမျိုးမျိုးရှိသည့်အနက် အချို့သော အားဖြည့်အချိုရည်၏ အဖက်အစပ်များသည် အရက်သေစာနှင့် ရောနှောပါက အဆိပ်ဖြစ်သွားနိုင်သည်ဟု ဒေါက် တာ အီယန်က ကောက်ချက်ချသည်။

အားဖြည့်အချိုရည်ကို ကာလရှည်ကြာစွာ သောက်သုံးပါက အရက်စွဲခြင်းနှင့် မူးယစ်ဆေးစွဲခြင်းတို့ဘက်သို့ ကူးပြောင်းသွားနိုင်ကြောင်း နောက်ဆုံးပြုလုပ်သော သုတေသနများတွင်တွေ့ရသည်။ အားဖြည့် အချိုရည်ကို စွဲလမ်းစွာ သောက်သုံးခြင်း သည် အစားအသောက်ကို အလွန်အမင်း ခုံမင်ခြင်းကဲ့သို့ ပြင်းထန်သော စွဲလမ်းမှုတစ်ခု ဖြစ်သည်။

မေရီလင်းတက္ကသိုလ် ပြည်သူ့ကျန်းမာရေး မဟာဌာနက ကျောင်းသား ၁၁ဝဝ ကို ငါးနှစ်ကြာ သုတေသနပြုခဲ့သည်။ ၄င်းတို့အနက် ၅၁ ရာခိုင်နှုန်းသည် အားဖြည့်အချိုရည်ကို အလွန်အကျွံသောက်သုံးသူများဖြစ်သည်။ ၁၇ ရာခိုင်နှုန်းမှာ အ တော်အသင့်သောက်သုံးကြပြီး ၊ ၂ဝ ရာခိုင်နှုန်းမှာ ကဖင်းပါဝင်သော အဖျော်ရည်ကို သောက်သုံးလေ့မရှိကြ။ အမြဲတက်ကြွ ပြေးလွှားလှုပ်ရှားနေရသည့် တက္ကသိုလ်ဝန်းကျင် သည် ကျောင်းသားများကို အားဖြည့်အချို ရည်သောက်သုံးရန် အားပေးနေသကဲ့သို့ ဖြစ်နေသည်။ အားဖြည့်အချိုရည် အလွန်အကျွံသောက်သုံးကြသူများသည် ကျောင်းမှ ထွက်သွားကြပြီး နောက်တွင် ကိုကင်းနှင့် စိတ်ကြွဆေးများ သုံးစွဲသည်ကို တွေ့ရသည်။ အရက်အလွန်အကျွံသောက်သုံးသော အကျင့်စွဲလာသည်ကိုလည်း တွေ့ရသည်။

အားဖြည့် အချိုရည်တွင် ပါဝင်သော ကဖင်းနှင့် အခြားသော အဖက်အစပ်များသည် မူးယစ်ဆေးဝါး အချို့၏ ဇီဝကမ္မဖြစ်စဉ်အပေါ် သက်ရောက်မှု ဆင်ဆင်တူဟန်ရှိ သည်။ ထို့ကြောင့်ပင် အားဖြည့်အချိုရည်ကို အာသာမပြေတော့ဘဲ သက်ရောက်မှုချင်း ဆင်တူသည့် အရက်နှင့် မူးယစ်ဆေးဝါး သုံးစွဲမှုဘက်သို့ ကူးပြောင်းသွားခြင်း ဖြစ်နိုင်သည်။ အားဖြည့်အချိုရည်ကို အလွယ်တကူ ဝယ်ယူရရှိနိုင်သည်။ မိမိ၏ သက်ရွယ် ဆင့်တူများကလည်း သောက်သုံးနေသည့်အတွက် မသောက်မဖြစ် သောက်သုံးရမည့် အခြေအနေမျိုး ဖန်တီးပေးနေသည်။ လူငယ်များအဖို့ အားဖြည့်အချိုရည်သည် ခွန်အားကို တိုးပွားစေသည်ဆိုသော အယူအဆက ကျောင်းသားလူငယ်များအကြား အားကောင်းနေသည်။ ထိုကဲ့သို့သော အခြေအနေတွင် အားဖြည့် အချိုရည်တွင် ပါဝင်နေသည့် ကဖင်း၏ အန္တရာယ်ကို သတိမပြုမိကြ။

တက္ကသိုလ်ကျောင်းသားများသည် တစ်ညလုံးစာကျက်ရသဖြင့် နံနက် နိုးလာသည့်အခါ ကဖင်းကို သွေးတောင်းလာသည်။ အားဖြည့်အချိုရည်သည် ထိုတောင့်တမှုကို ဖြည့်ဆည်းပေးရန် အသင့်စောင့်နေသည်။ မည်သို့မျှ ရှောင်လွှဲ၍ မရတော့။ ကျောင်းမှ ထွက်သောအခါ အားဖြည့်အချိုရည်ကို အစားထိုးရန် ရှာဖွေကြသည်။ ဤတွင် အရက်၊ ကိုကင်းနှင့် စိတ်ကြွဆေး စသည်တို့က အစားထိုးဝင်ရောက်လာသည်ကို သုတေသနများတွင် တွေ့ရသည်။

အားဖြည့် အချိုရည်များကို   အခြားသော အဖျော်ယမကာများကဲ့သို့ တင်းကျပ်စွာ ကန့်သတ်မထားသည်မှာ အားနည်းချက်ဖြစ်ကြောင်း ဆေးပညာရှင်များက သဘောရသည်။ အထူးသဖြင့် အားဖြည့်အချိုရည်တွင်  ကဖင်းပါဝင်မှုပမာဏကို ကန့်သတ် ပေးရန်လိုသည်ဟု ယူဆကြသည်။ မိဘများကလည်း သားသမီးများ အားဖြည့်အချိုရည်သောက်သုံးမှုကို ဦးဆောင်လမ်းညွှန်ပေးသင့်သည်။

အားဖြည့်အချိုရည်၏ ကျန်းမာ ရေးဆိုးကျိုးများ ပေါ်ထွက်လာနေ သော်လည်းလည်း ရောင်းအားက တက်နေသည်။ ၂ဝဝ၇ ခုနှစ်တွင် အားဖြည့်အချိုရည် ရောင်းအားမှာ ဒေါ်လာ ငါးဘီလျံသာဖြစ်သော်လည်း ၂ဝ၁၆ ခုနှစ်တွင် ၁၁ ဘီလျံအထိ တက်လာသည်။

 

 

 

အေးထွန်းမင်း

[email protected]

 

Ref:     Doctors Warn of Energy Drink Dangers After Lawsuits.

 

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.