21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
ကြည်မြချိုသာ ၀ါစာကမာ လေချွန်သံဟာ ဘာသာစကားရဲ့ အစလား

နီပေါနိုင်ငံ ဟိမဝန္တာတောင်ခြေရင်းတွင် ချိုလွင်သံသာသော၊ ထူးခြားသော ငှက်အော်မြည်သံတို့ကို ကြားရလေ့ရှိသည်။ အပြန်အလှန် အော်မြည်နေသံတို့မှာ ဆွတ်ပျံ့ ကြည်နူးဖွယ်ကောင်းသည်။ သို့သော် ထိုအသံများသည် ငှက်အော်သံမဟုတ်၊ ချစ်သူနှစ်ဦးအကြား လေချွန်လျက် အပြန်အလှန် ချစ်စကားဆိုနေကြ ခြင်းသာဖြစ်သည်။

စကားပြောဆိုခြင်း မဟုတ်ဘဲ အသံပြုလျက် ဆက်သွယ်ပြောဆိုခြင်းကို  ကမ္ဘာပေါ်တွင် လူမျိုးစု အနည်းငယ်သာ ပြုလုပ်နိုင်ကြသည်။ တရုတ်နှင့် အရှေ့ တောင်အာရှတစ်ခွင် ပျံ့နှံ့နေထိုင်လျက်ရှိသော 'မုန်' Hmong လူမျိုးတို့သည်  လေချွန်ပြီး ဆက်သွယ် ပြောဆိုနိုင်ကြသည်။ လယ်သမားများသည် ကျယ်ပြောလှသော လယ်ကွင်းများတွင် လေချွန်လျက် တစ်ဦးနှင့်တစ်ဦး အပြန်အလှန်ပြောဆိုနိုင်ကြသည်။ မုဆိုးများသည်လည်း ထိုနည်းတူစွာ တောအုပ်အတွင်း တစ်ဦးနှင့်တစ်ဦး ဆက်သွယ်ကြသည်။

လူပျိုအပျိုတို့သည်လည်း လေချွန်ပြီး မေတ္တာစကားဆိုကြသည်။ လူပျိုလူရွယ်များသည် ရွာနီးချုပ်စပ်သို့သွားကာ ခေတ်စားလူကြိုက်များသော ကဗျာကို လေချွန်လျက် လျှောက်ပြန်သံပေးလုပ်သည်။ မိန်းမပျိုတစ်ယောက်ယောက်က တုံ့ပြန် လေချွန်လျှင် မေတ္တာဇာတ်လမ်း စကြလေတော့သည်။

 လေချွန်သံသည် ကြည်သာချိုမြရုံမျှမက မေတ္တာစကားမွန်အဖြစ် အသုံးအ တည့်ဆုံးလည်း ဖြစ်သည်။ မည်သူမည်ဝါ၏ လေချွန်သံဟု ခွဲခြားရန် မဖြစ်နိုင်သဖြင့် လေချွန်သံသည် လျှို့ဝှက်မှုကို အကောင်းဆုံးထ်ိန်းသိမ်းထားနိုင်သည်။ လေချွန်သံထဲတွင် နှစ်ဦးသားသာ နားလည်သည့် ထပ်ဆင့်လျှို့ဝှက်ကုတ် ထည့်သွင်း အသုံးပြုကြသည်လည်းရှိသည်။ ထို့ပြင် ချစ်သူတို့အကြား ခွန်းတုံ့လှယ် သူတို့ဘာသာ တီထွင်ထားသည့် အသံအနိမ့်အမြင့်၊ အဆွဲအငင်တို့၏ အဓိပ္ပာယ်ကို အခြားသူများ နားလည်နိုင်ကြမည်မဟုတ်ပေ။

 လေချွန်သံဖြင့် ဆက်သွယ်ခြင်းသည်  ချစ်သူနှစ်ဦးကို ပိုမိုရင်းနှီးကျွမ်း ဝင်စေသည်ဟု 'ဂျူလီယန် မိုင်ယာ' Julien Meyer က ဆိုသည်။

ဂျူလီယန်သည် ပြင်သစ်နိုင်ငံ ဂရီနိုဘဲလ်တက္ကသိုလ်မှ သုတေသီတစ်ဦးဖြစ်သည်။ လေချွန်သံဖြင့် မိမိဆိုလိုသည်ကို ပြောဆိုနိုင်ခြင်း၊ တစ်ဖက်မှပြောလာသည်ကို နားလည်ခြင်းတို့သည် လူသား၏ အံ့ဖွယ်စွမ်းဆောင် နိုင်မှုဖြစ်သည့်အပြင် လူသားအချင်း ချင်း ဆက်သွယ်မှု၏ အကန့်အသတ်ကို သုတေသီတို့ ပိုမိုနားလည်လာရသည်။ ဘာသာစကား အားလုံးနီးပါးတွင် လေချွန်ခြင်းသည် အချက်ပေးသည့် သဘောထက်မပိုပေ။  လေချွန်ခြင်းသည် ရိုးစင်းလွန်းသဖြင့် သတင်းစကား ပါးနိုင်လောက်သော အဆင့်မရှိဟု ထင်မှတ်ကြသည်။ ဂျူလီယန်၏ ကမ္ဘာအဝန်း သုတေသန ပြုချက်အရ လေချွန်ခြင်းဖြင့် သတင်းစကားပါးနိုင်သော အုပ်စုပေါင်း ၇ဝ ကျော်ရှိသည်ဟု သိရသည်။ ဘာသာစကား တစ်ခုကဲ့သို့ပင် သူတို့သည် သတင်းအချက် အလက်ကို ဖလှယ်နိုင်သည်ကို တွေ့ ရသည်။

 လေချွန် ဘာသာစကားသည် နယ်မြေဒေသ၏ လိုအပ်ချက်အရ ပေါ်ပေါက်လာခြင်း ဖြစ်သည်ဟု သုတေသီတို့ကဆိုသည်။ လိုအပ်ခြင်းသည် တီထွင်ခြင်း၏ မိခင်ဖြစ် သည်ဆိုသော အဆိုအမိန့်နှင့်အညီ  တောတောင်ထူထပ်သော၊ ဝေးလံသီ ခေါင်သော ဒေသတွင် နေထိုင်သူများသည် လေချွန်ခြင်းဖြင့် တစ်ဦးနှင့်တစ်ဦး ဆက်သွယ်ရာမှ မြစ်ဖျားခံလာသည်။ လေချွန်ခြင်းသည် ဒေသခံများအဖို့ အသုံးတည့်သော ဆက် သွယ်မှုတစ်ခုဖြစ်သည်။ လေချွန်ခြင်းမှ ပေါ်ထွက်လာသော အသံလှိုင်းသည် ရိုးရှင်းသော တုန်ခါမှု Sine Wave သာ ဖြစ်သည်။

အသံဖြင့် အချက်ပြခြင်းကို အဓိပ္ပာယ်ဖော်နိုင်သည့် ဦးနှောက်၏ အံ့မခန်း စွမ်းဆောင်ရည်ကို သိလာရသည်။ ဦးနှောက်နှင့်ပတ်သက်ပြီး  သိရှိနားလည်ထားသည်များကို  ဦးနှောက်နှင့် အာရုံကြောပညာရှင်များက ပြန်လည်သုံးသပ်ရန် ဖြစ်လာသည်။

လွန်ခဲ့သော အနှစ်လေးဆယ်က Sceintific America မဂ္ဂဇင်းတွင် လေချွန် ဘာသာစကားနှင့် ပတ်သက်သော ဆောင်းပါးတစ်ပုဒ်ပါရှိခဲ့သည်။ ကနေရီကျွန်းစု အတွင်းရှိ  ကျွန်းတစ်ကျွန်းတွင် လေချွန်လျက် စကားပြောဆိုကြသည့် အကြောင်းကို ဖော်ပြထားခြင်းဖြစ်သည်။ ကျွန်းပေါ်တွင် သိုးကျောင်းသားများသည် တစ်ဦးနှင့် တစ်ဦး လေချွန်ဆက်သွယ် သတင်းပို့ ကြသည်။ သူတို့ လေချွန်သံသည် ဒေသခံ ငှက်ရွှေဝါ Blackbird အော်မြည်သံနှင့်တူသည်။ ငှက်ရွှေဝါတို့သည် လူတို့ပြောသံဆိုသံကို တုပ အော်မြည်နိုင်သည်ဟုဆိုသည်။ ထို ဆောင်းပါးကို  ဂျူလီယန်က စိတ်ဝင်စားသွားသည်။ ထိုမှစတင်လျက် လေချွန်ဘာသာစကားကို သူ၏ပါရဂူစာတမ်းအတွက် သုတေသန ပြုသည်။

''ကျွန်တော်က အဲဒီတုန်းက စိတ်ဝင်စားတာသက်သက်ပဲ။ ဒါနဲ့ပတ်သက်ပြီး  အလုပ်အကိုင်ရလာလိမ့်မယ်လို့ မမျှော်လင့်ခဲ့ပါဘူး''ဟု ဂျူလီယန်က ပြောသည်။

ဘီစီ ၅ ရာစုတွင် ပေါ်ထွန်းခဲ့သော သမိုင်းပညာရှင် ဟီရိုဒိုးတပ်ံနမသိသအကျ က အီသီယိုပီးယားနိုင်ငံ ဂူအောင်းလူမျိုးတစ်မျိုး၏ စကားပြောသံသည် လင်းနို့အော်သံနှင့် ဆင်တူသည်ဟု ရေးသားခဲ့သည်။ ထိုလူမျိုးသည် ယနေ့ခေတ်ရှိ မည်သည့်လူမျိုး၏ အဆက်အနွယ်ဖြစ်သည်ကို မသိနိုင်သော်လည်း လေချွန်စကားပြောနိုင်သည့် လူမျိုးများကို အီသီယိုပီးယား အိုမို (Omo) တောင်ကြားတွင် တွေ့ရသည်ဟု ဂျူလီယန် က ဆိုသည်။

 လေချွန် ဘာသာစကားသည် ယနေ့တိုင် အသုံးတည့်နေခြင်းမှာ သာမန်စကားပြောသည်ထက် ပိုမိုကွာဝေးသောအရပ်သို့ ဆက်သွယ် ပြောဆိုနိုင်ခြင်းကြောင့်ဖြစ်သည်။ သွားလာရန် ခက်ခဲသော တောင်ဆင်း တောင်တက်နှင့် တောင်ကြားများတွင် အဆင့်ဆင့်ပဲ့တင်သံပြုလျက် သတင်းစကားကို အလွယ်တကူပါးနိုင်ကြသည်။ ရာသီဥတု ကောင်းမွန်ပြီး လေသင့်သော အခြေအနေတွင် လေချွန် သံသည် ငါးမိုင်အကွာအဝေးအထိ ရောက်နိုင်သည်။

ကုန်းမြေပေါ်တွင်သာမက ပင်လယ်ပြင်တွင်လည်း လေချွန် ဆက်သွယ်ကြသည်ကို တွေ့ရသည်။ ကမ္ဘာ့မြောက်ဖျားအစွန်း အာတိတ်စက်ဝိုင်း နယ်နိမိတ်အစ ရုရှားနှင့် အမေရိကန် နိုင်ငံတို့အကြား 'ဘာရင်းရေလက်ကြား' Bering Strait တွင် ဝေလငါးဖမ်း တံငါများသည် အချင်းချင်း လေချွန်ဆက်သွယ်စကားပြောကြသည်။

ထို့ပြင် အမေဇွန်တောနက်ထဲတွင်လည်း မုဆိုးများတစ်ဦးထံ တစ်ဦးက အချက်ပေးရာတွင် အထူးထိရောက်အသုံးဝင်သော ဆက်သွယ်မှုဖြစ်သည်။ စကားပြောသံသည် တိရစ္ဆာန်များကို ကြောက်လန့်စေသော်လည်း လေချွန်သံသည် ငှက်သံနှင့် ခွဲခြားမရအောင်တူသဖြင့် မုဆိုးအချင်းချင်း ဆက်သွယ်နေသည်ကို တိရစ္ဆာန်များက သတိမထားမိပေ။

ဒုတိယ ကမ္ဘာစစ်ကာလတွင် သြစတေးလျားကြည်းတပ်သည် ပါပူးဝါးနယူးဂီနီမှ ဝမ်လူမျိုးများကိုခန့်ထားပြီး သြစတေးလျား တပ်များအတွင်း လေချွန်ဆက်သွယ်ရန်စေ ခိုင်းခဲ့သည်။ ရည်ရွယ်ချက်မှာ ဂျပန်များက ကြားဖြတ်နားထောင်သည့်တိုင် နားမလည်နိုင်စေရန်ဖြစ်သည်။

 လေချွန်သံသည် သာမန်စကားပြောဆိုသည်ထက် ပိုမိုသွက်လက် စိတ်ဝင်စားဖွယ်ကောင်းသည်။ ဘာသာရေးစုဝေးမှု၊ မေတ္တာစကားဆိုမှုနှင့် ကဗျာရွတ်ဆိုမှု စသည့်အခင်းအကျင်းများတွင် လေချွန်ခြင်းသည် စကားပြောဆိုခြင်းထက် ပိုမိုလိုက်ဖက် ညီထွေ  အသုံးတည့်သည်။

တာအိုလင်္ကာများကို လေချွန်လျက် ရွတ်ဆိုစေသည်ကို တရုတ် သမိုင်းမှတ်တမ်းများတွင် တွေ့ရသည်။ ထိုသို့ လေချွန်ခြင်းဖြင့် စိတ် တည်ငြိမ်မှုကို ရစေရန် ရည်ရွယ်သည်။ တရုတ်ပြည် တောင်ပိုင်းတွင် မုန်နှင့် အကာလူမျိုးများအပါအဝင် လူမျိုးစု အများအပြားသည် လေချွန်ခြင်းဖြင့် ဆက်သွယ်သည်ကို  သုတေသီ ဂျူလီယန် တွေ့ရှိရသည်။ အာဖရိက မြောက်ပိုင်းတွင်နေထိုင်သော 'ဘာဘာ' လူမျိုးများသည် ပြင်သစ်ကို တော်လှန်တိုက်ခိုက်ရာတွင် လေချွန်အချက်ပြလျက် တိုက်ခိုက်လေ့ရှိသည်။

 မြန်မာနိုင်ငံမှ ချင်းလူမျိုးများသည်လည်း လေချွန်ဘာသာစကားကို အသုံးပြုသည်ဟု ဝီကီပီဒီးယားတွင် ဖော်ပြထားသည်ကို တွေ့ရသည်။

 လေချွန် စကားပြောခြင်းသည် သမိုင်းမှတ်တမ်းတွင် ကျန်ရစ်ခဲ့သည် မဟုတ်သော်လည်း ယနေ့ထက်တိုင် လူမျိုးစုအများအပြားက တွင်ကျယ်စွာ အသုံးပြုဆဲဖြစ်သည်။ လေချွန်သံအနိမ့်အမြင့်ဖြင့် သတင်းစကားပါး သည် ဆိုသည်မှာ ယုံနိုင်ဖို့ ခက်ခဲသည် မှန်သော်လည်း၊ တစ်နေရာမှ တစ်နေရာသို့ သတင်းပို့နိုင်သည်မှာ အမှန်ပင်ဖြစ်သည်။

 လေချွန်သံအနိမ့်အမြင့်၊ အတိုးအကျယ်၊ အဖိအဖေါ့၊ အဆွဲအငင် တို့ဖြင့် ဆိုလိုရင်း အဓိပ္ပာယ်ကို ဖော်ပြနိုင်ကြသည်။

သာမန် စကားပြောကြရာတွင် စကားလုံးတစ်လုံးချင်းစီ အသံထွက် အနည်းငယ် ကွဲပြားမှုပေါ် အခြေခံလျက် အဓိပ္ပာယ်ဖော်နိုင်သော်လည်း လေချွန်သည့်အခါ ထိုကဲ့သို့ မသိသာ သော ကွဲပြားမှုကို ဖော်ဆောင်နိုင်ပါမည်လားဟု သံသယ ရှိနိုင်သည်။

ဝါကျတစ်ကြောင်း၏ ကိုးဆယ်ရာခိုင်နှုန်းကို လေချွန်ကျွမ်းကျင်သူက လေချွန်ခြင်းဖြင့် ဖော်ဆောင်နိုင်သည်ဟု ဂျူလီယန်ကဆိုသည်။ တစ်ဖက်မှ နားထောင်နေသူကလည်း  လေချွန်သံကို နားလည် သဘော ပေါက်နိုင်သည့် အာရုံခံ နဗ်ကြောများ၏ လုပ်ဆောင်ပုံမှာ စိတ်ဝင်စားဖွယ် ပင်ဖြစ်သည်။ အုတ်အုတ်ကျက်ကျက် ခန်းလုံးပြည့် စကားပြောနေသံများအကြား နားစိုက်လိုသော စကားပြောသံကို အဓိပ္ပာယ်ဖော်ဆောင်နိုင်ပုံနှင့် အလားတူသည်ဟု ဂျူလီယန်ကဆိုသည်။ တီးတိုးပြောသံကို နားလည် နိုင်သည်မှာလည်း ထိုသဘောမျိုးပင် ဖြစ်လိမ့်မည်။

''ဆူညံသံကြောင့်၊ အခြား အနှောင့်အယှက်တွေကြောင့်  ပြောဆိုနေတဲ့ ဝါကျဟာ ပုံပျက်သွားပေမယ့် ဦးနှောက်က ဆိုလိုရင်းကို အဓိပ္ပာယ်ကောက်နိုင်တယ်။ ရေး သားထားတဲ့ စာကြောင်းတွေမှာ စာလုံးတွေ ပျောက်နေပျက်နေတယ် ဆိုပေမဲ့ ဦးနှောက်ကဖြည့်ပြီး ဖတ်သွားတဲ့ သဘောမျိူးပါပဲ'' ဟု ဂျူလီ ယန်က ပြောသည်။

ဦးနှောက်၏ စွမ်းဆောင်နိုင်စွမ်းရည်ကို ထပ်မံသုတေသနပြုရန် လို အပ်လာသည်။ ဦးနှောက်တွင် သူ့ အပိုင်းနှင့်သူ တာဝန်များရှိသည်။ ဘာသာစကားနှင့် ပတ်သက်လျှင် ဦးနှောက်၏ ဘယ်ဘက်ခြမ်းက တာဝန်ယူထားသည်။ ညာဘက်ခြမ်းက တေးဂီတ နားဆင်မှုကို တာဝန်ယူသည်။ ယင်းသို့ဆိုလျှင် ဦးနှောက်၏ ဘယ်ဘက်ခြမ်းက လေချွန်ဘာသာ စကားနှင့်ပတ်သက်၍ ဆောင်ရွက် နေသည်လားဆိုသည့် အမေးပေါ် လာရသည်။ သိရှိနိုင်ရန် ဦးနှောက် စကင်ဖတ်စက် Brain Scanner လိုအပ်သည်။ သို့သော် တောကြိုအုံကြားသို့ ကြီးမားသော စကင်ဖတ်စက် ယူသွားရန် မဖြစ်နိုင်။

ဂျာမန် သုတေသီ 'ဂန်တာကွန်' Gunturkun က နည်းသစ်တစ်ခုကို ကြံဆသည်။ ဦးနှောက်ဖွဲ့စည်းပုံမှာ ဝဲဘက်နားကကြားသည်ကို ဦးနှောက်လက်ယာဘက်ခြမ်းက လက်ခံယူသည်။ ထို့အတူ လက်ယာဘက်နားက ကြားသည်ကို ဦးနှောက်ဝဲ ဘက်ခြမ်းက တာဝန်ယူသည်။ သရသံကို ညာဘက်နားက လက်ခံရသည့်အခါ ဦးနှောက်၏ ဝဲဘက်ခြမ်းက သိမှတ်လိုက်သည်။ သို့စဉ်တိုင် လေချွန်သံကို ကြားရသည့်အခါ ဦး နှောက်နှစ်ခြမ်းစလုံးက ပူးပေါင်းအလုပ်လုပ်သည်ဟု ဂန်တာဂွန်ကယူဆသည်။ ဆိုလိုသည်မှာ ဦးနှောက် အခြမ်းများသည် တစ်ခြမ်းက ထမ်းဆောင်နေကျ တာဝန်ကို အခြား တစ်ခြမ်းက လွှဲပြောင်းယူနိုင်သည့် အစွမ်းသတ္တိရှိသည်။                 မည်သူမဆို ဒေသခံ နှုတ်ပြောဘာသာစကား တတ်ကျွမ်းပါက  လေချွန်ပြောဆိုခြင်းကို လေ့ကျင့်ယူ နိုင်သည်ဟု ဂန်တာဂွန်၏  သုတေသနအဖွဲ့က တွေ့ရှိသည်။

အရပ်ဒေသ တစ်ခု၏ လေချွန်စကားသည် ထိုဒေသ၏ နေ့စဉ်သုံး စကားပြော၏ ပုံစံ၊ လေယူလေသိမ်း၊ အဖြတ်အတောက်တို့အပေါ် အခြေတည်ထားသည်ဖြစ်ရာ ဒေသသုံး စကားကို ပြောဆိုနားလည်နိုင်သူသည် ထိုဒေသ၏ လေချွန်ဘာသာ စကားကို အချိန် အနည်းငယ်အတွင်း နားလည်လာမည် ဖြစ်သည်။

 တေးဂီတသည် လူသားတို့၏ အထူးခြားဆုံး စွမ်းရည်သတ္တိ တစ်ခုဖြစ်သည်။ တေးဂီတနှင့်ပတ်သက်ပြီး လေ့လာနေသော အာရုံကြောသုတေသီများအဖို့ လေချွန်ဘာသာစကားသည် စိတ်ဝင်စားဖွယ် ဖြစ်လာသည်။ ဘာသာစကားနှင့် တေးဂီတသည် ဦးနှောက်၏ အစိတ်အပိုင်းများစွာနှင့် ဆက်စပ်ပတ်သက်နေသည်။ တေး ဂီတကိုနားဆင်နေစဉ် ဦးနှောက်က လိုက်လံမှတ်သားနေသော အစိတ်အပိုင်းသည် ဝါကျတစ်ကြောင်းကိုကြားရစဉ် လိုက်လံမှတ်သားသော ဖြစ်စဉ်နှင့် အတူတူပင်ဖြစ်သည်။ တာဝန်ယူဆောင်ရွက်ရသော ဦးနှောက် အစိတ်ပိုင်းသည်လည်း အတူတူပင်ဖြစ်သည်။ ခန္ဓာအစိတ်အပိုင်း ချို့ယွင်းမှုကြောင့် စကားပြောရန် ခက်ခဲသူများနှင့် နားလေးသူများကို တေးဂီတ သင်ခန်းစာ လေ့ကျင့်ပေးခြင်းဖြင့် စကားပြောနိုင်လာသည်၊ အကြားအာရုံ ကောင်းလာသည်ကို တွေ့ရသည်။ တေးဂီတသင်ခန်းစာကို လေ့လာသင်ယူသော ကလေးများသည် စာအရေးအဖတ်ဘက်တွင် အားကောင်းသည်ကို ၂ဝ၁၄ ခုနှစ်တွင် ချီကာဂို တက္ကသိုလ်၏ သုတေသနတစ်ခု၌ တွေ့ရသည်။

 စာပေနှင့် နှစ်လိုဖွယ်သံစဉ်တို့သည် ဆက်စပ်မှုရှိနေဟန်တူသည်။ မုန်လူမျိုးတို့ သည် ကြေးပြားလေးကို ပါးစပ်တွင်ကိုက်လျက် ကဗျာတစ်ပုဒ်ကို တီးမှုတ်သည့်အခါ တေးသွားနှင့် စာသားကို လေ့လာသူများက ခွဲခြားရန်ခက်ခဲသည်။

 လေချွန်ဘာသာစကားကို နက်နဲစွာလေ့လာခြင်းဖြင့် သမိုင်းမတင်မီကာလတွင် လူသားတို့ အသံထွက် ညည်းတွားခြင်းမှ ဘာသာစကား ဖြစ်ပေါ်လာမှုတွင် ဦးနှောက်၏ လုပ် ငန်းဆောင်တာကို နားလည်ခွင့်ရလာ မည် ဖြစ်သည်။ ညည်းတွားရာတွင် အသံသည် တပြေးညီ မဟုတ်ဘဲ အ နိမ့်အမြင့်ရှိလာခြင်းသည် ဂီတ၏ အစပင် ဖြစ်မည်။ ယင်းသို့ဆိုလျှင် ဘာသာစကား၏ အစသည် ညည်းချင်းဟု ယူဆဖွယ်ရာ။  ဘာသာ စကားသည် အသံဖြစ်သည်။ ပေါ်ထွန်းလာစတွင် တေးသွားကဲ့သို့ဖြစ်နေမည်။ ထိုတေးသွား အချို့တို့သည် ဝေးလံသီခေါင်သော ဒေသခံလူမျိုးအချို့ထံ တင်ကျန်နေခြင်း ဖြစ်မည်။

လူတို့သည်စကား မပြောတတ်မီက ညည်းချင်း ဖြင့်စတင်ခဲ့သည်ဟု ဆင့်ကဲဖြစ်စဉ်၏ ခေါင်းကိုင်ဖခင်ကြီး ချားလ်ဒါဝင်က ယုံကြည်သည်။ သက် ရှိတို့ ဖြစ်တည်လာခြင်း၏ အဓိက အကျဆုံးတာဝန်မှာ မျိုးပွားရန်ဖြစ် သည်။ မိမိ၏ မျိုးနွယ် စဉ်ဆက်မပြတ် ပြန့်ပွားရန် တာဝန်ဖြစ်သည်။  လူပျို၊ အပျိုလှည့်ခြင်းသည် ပထမဆုံး အပြန်အလှန် ဆက်သွယ်မှုဖြစ်မည်။ ငှက်ရွှေဝါ Black Bird  ၏  မိတ်ခေါ်သံတွင် စွမ်းဆောင်နိုင်ခြင်း၊ ရင်းနှီးကျွမ်းဝင်လိုခြင်း၊ ငါပဲဟေ့ဟု ကြွေးကျော်ခြင်း၊ ပြိုင်ဖက်ကင်းခြင်းသဘောများ ပါဝင်နေသော်လည်း အတိအကျ အဓိပ္ပာယ် မဖော်နိုင်ပေ။ ကျောက်ခေတ်လူသား အချင်းချင်းဆက်သွယ်ရေးသည် ထိုနည်း အ တိုင်းပင် ဖြစ်မည်ဟု ယူဆရသည်။ လူတို့၏အသံအိုးနှင့် အသံဆိုင်ရာ အကြောအချဉ်တို့ ဖွံ့ဖြိုးလာသည့် အခါ အသံကို တိတိကျကျ ပြောဆို လာနိုင်သည်မှ ဝေါဟာရများ ပေါ် ထွန်းလာသည်။ လူသားတို့ ဘာသာစကား ပြောဆိုနိုင်မှုဖြစ်စဉ်သည် တမုမဟုတ်ချင်း ဖြစ်ပေါ်လာသည် မဟုတ်ဘဲ တဖြည်းဖြည်းဆင့်ကဲ တိုးတက်လာခြင်းသာဖြစ်သည်။

အကာနှင့် မုန်လူမျိုးတို့၏ ကနဦး ပြောဆိုမှုသည် စကားလုံးများ မဟုတ်ဘဲ လေချွန်သံဖြစ်မည်ဟု ယူဆရသည်။ ညည်းချင်းမှ လေချွန်သံအဆင့်သို့ ရောက်လာရန် နှစ် ပေါင်းထောင်ချီ ကြာမြင့်မည်ဟု ယူဆ ရသည်။

ဘာသာစကားဟူ၍ ဖြစ်ပေါ်လာရန် ဖြစ်စဉ်သည် ဆင့်ကဲဖြစ်စဉ် ဇီဝဗေဒ ပညာရှင်များအဖို့ အထူးအလေးထား လေ့လာခြင်းကို ခံရသည်။ ဘာသာစကားကို ပြောဆို နိုင်ရန် ပါးစပ်အတွင်းရှိ သွားဖုံး ၊လျှာ၊ လျှာခင်နှင့် အာခေါင် စသည့် အစိတ် အပိုင်းများသည်လည်း ပြောင်းလဲ ဖြစ်တည်လာရမည် ဖြစ်သည်။ စကားသံ ပေါ်ထွက်လာရန် လိုက် လျောညီထွေသည့် အပြောင်းအလဲ ဖြစ်ရမည်။

အခြား ပရိုင်းမိတ်များသည် စကားမပြောဆိုနိုင်သော်လည်း လေချွန်သံကဲ့သို့ ပြုလုပ်နိုင်သည်ကို တွေ့ရသည်။ တိရစ္ဆာန်ရုံအတွင်းရှိ အော်ရန်အူးတန် လူဝံ (orangutan) သည် အနည်းငယ်လေချွန်နိုင်သည်ကို တွေ့ရသည်။ ထိုမျောက်ဝံများမှ လူသားအဖြစ် ဆင်းသက်လာသည်ဟု မနုဿဗေဒပညာရှင်များက ယူဆထားသည်။ တောတွင်းရှိ အချို့ သော အော်ရန်အူးတန်များသည် သစ်ရွက်အကြားလေစုပ်သွင်းခြင်း ဖြင့် လေချွန်သံပြုနိုင်ကြသည်။ လေ ချွန်ခြင်းသည် ဘာသာစကားပြောဆို ခြင်းလောက် ခက်ခဲခြင်း မရှိသဖြင့် လေချွန်နိုင်ကြခြင်းဖြစ်သည်။ မည်သို့ပင်ဆိုစေ လေချွန်ခြင်း သည် လူသားတို့၏ ဘာသာစကား အစဟုယူဆနိုင်သည်။ လေချွန်သံ၏ အနိမ့်အမြင့် အဆွဲအငင်တို့တွင် အဓိပ္ပာယ်ထည့်သွင်းလာပြီး ကျောက်ခေတ် လူသားတို့သည် အုပ်စုတစ်စုနှင့် တစ်စု တိုက်ခိုက်ရာတွင်လည်းကောင်း၊ အမဲ လိုက်ရာတွင်လည်းကောင်း အချက် ပေးသံအဖြစ် အသုံးပြုလာသည်ဟု ယူဆရသည်။  အန္တရာယ်ပြုနိုင်သော တောရိုင်း တိရစ္ဆာန်များသည်လည်းကောင်း၊ အမဲကောင်များသည်လည်းကောင်း လေချွန်သံကို သတိမပြုနိုင်ပေ။  အန္တရာယ်ကင်းရှင်းစွာ အစာရေစာ ရှာဖွေစားသောက်နိုင်ခြင်းကြောင့် လူ့သမိုင်းကို စတင်နိုင်ခဲ့ခြင်းဖြစ်သည်။ လေချွန်သံသည် သေးငယ်သော ၊ မမှုလောက်သော အပြုအမူဖြစ်စေကာမူ လူသားဟူ၍ ဖြစ် တည်လာမှုအပေါ် များစွာအထောက် အကူပြုခဲ့သည်။

 လေချွန်သံနှင့် ပတ်သက်ပြီး ပညာရှင်များအနေဖြင့် အားလုံးတူညီ ဆန္ဒဖြင့် အတည်မပြုနိုင်သော အချက်များ ရှိနေသေးသည်။ လေချွန်သံသည် ဘာသာစကား၏ မူလဘူတ ဖြစ်သည်ဟု လက်ခံပါလျှင် မုန်လူမျိုးတို့၏ လေချွန်သံသည်  ဘာသာ စကား၏ အစပထမပင်ဖြစ်ရမည်။  ဘာသာစကား မူလဘူတကို မုန်လူမျိုးတို့၏ လေချွန်သံအဖြစ် ယနေ့ခေတ်တွင် ကျွန်တော်တို့ ကြားသိနေ ရခြင်းဖြစ်သည်။ ခေတ်၏ ပြောင်းလဲ တိုးတက်မှုသည် မုန်လူမျိုးတို့ကဲ့သို့ ရှေးဟောင်းလက်ကျန်များအပေါ် မသက်ရောက်မီ အတိတ်၏ ပဲ့တင်သံ ကို ထိန်းသိမ်းထားရန် လိုအပ်နေပြီ ဖြစ်သည်။

       အသံဖြင့် ဆောင်ကြဉ်းလာသော သတင်းအချက်အလက်ကို ဦးနှောက်က အဓိပ္ပာယ် ဖော်နိုင်သည့် အချက်သည် ဦးနှောက်နှင့် အာရုံ ကြောဗေဒပညာရှင်အဖို့ ရှုပ်ထွေး စရာဖြစ်သလို ပိုမိုနားလည်ရန် လိုအပ်သေးသည်ဆိုသော အချက်ကို ထောက်ပြလျက်ရှိသည်။ သူတို့ နားလည်ထားသော ဦးနှောက်၏ အခြေခံ လုပ်ဆောင်မှုများကို အသစ် တစ်ဖန် ပြန်လည်စဉ်းစားရမည့် အခြေအနေ မျိုးဖြစ်သည်။ ကမ္ဘာပေါ်တွင် လေချွန်စကား ပြောနိုင်သည့် အုပ်စု ၇ဝ ကျော်ရှိသည်ဟု  သုတေသီများက တွေ့ရှိထားသည်။ ထိုတွေ့ရှိချက်သည် ၂ဝဝဝ ပြည့်နှစ်အထိသာ ဖြစ်သည်။ နည်းပညာ လွန်စွာထွန်းကားလာသည့် ယခုအခါတွင် ဆက်သွယ်ရေး ကြားခံပစ္စည်း အများအပြား ပေါ်ထွက်လာနေသည်။ ထို့ကြောင့် လေ ချွန်ဘာသာစကားကို ထိန်းသိမ်းထား ရန် အထူးလိုအပ်နေသည်။

       တူရကီဘာသာသင်ဆရာ 'အစ်ကင်အဲဒါဘာဆာဗာ' Iikim Odabas Server  နှင့် ကျောင်းသားများက 'လေတွင်တင်သောကမ္ဗည်း' Turkish Written in Wind အမည်ရှိ စီမံကိန်းတစ်ခုကို အကောင်အထည်ဖော် လျက်ရှိသည်။ လေချွန်သံများကို ဒစ်ဂျစ်တယ်ပုံစံသို့ ကူးပြောင်းလျက် လေချွန်သံအဘိဓာန်ပြုစုရန် ကြိုး ပမ်းလျက်ရှိသည်။ ပြုစုပြီးပါက လက်ကိုင်ဖုန်းများတွင် ထည့်သွင်းထားနိုင်ရန် ဆောင်ရွက်မည်ဟု ဦးဆောင်သူကပြောသည်။ တူရကီတွင် လေချွန်စကားပြောနိုင်သူ တစ်သောင်းခန့်သာ ရှိတော့သည်ဟု ခန့်မှန်းရသည်။ ယခုအခါ လေချွန်ဝေါဟာရပေါင်း လေးရာကျော်ကို စုဆောင်းလျက်  စမတ်ဖုန်းအတွင်း ပရိုဂရမ်အဖြစ် ထည့် သွင်းထားသည်။ လေချွန်သံတစ်သံ ၏ အဓိပ္ပာယ်ကို  ဝေါဟာရအဖြစ် ဖော်ပြထားသည်။ လေချွန်သံ ဝေါ ဟာရအသစ် တွေ့ရှိသည့်အခါ ပရို ဂရမ်အတွင်း ထပ်မံ ထည့်သွင်းခြင်း ဖြင့် ဝေါဟာရတိုးပွားလာစေရန် စီမံထားသည်။ ထိုလုပ်ငန်းသည် ယဉ်ကျေးမှု အမွေအနှစ်ကို ထိန်းသိမ်း ထားရန်ကြိုးပမ်းမှု ဖြစ်သည်။

 အေးထွန်းမင်း

 

[email protected]

Ref: Beautiful Languages of the people who talk like birds

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.