24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
ခရီးသည်တစ်ယောက်၏ နောက်ဆုံးခရီး (ကင်ဂျုံနမ်ကို ကင်ဂျုံအန် သတ်သလော)

ဖေဖော်ဝါရီလ ၁၃ ရက်နံနက်၊ ကွာလာလမ်ပူ အပြည်ပြည်ဆိုင်ရာ လေဆိပ်ထွက်ခွာ စင်္ကြံလမ်း အမှတ် ၂ ၊ နံနက်ခင်း ထုံးစံအတိုင်း ခရီးသည်များနှင့် လှုပ်လှုပ်ရွရွ၊ အားလပ်ရက် ခရီးသွားနှင့် လုပ်ငန်းကိစ္စ ခရီးသွားများက ပျားပန်းခပ်လျက်။ မိခင်များက နံနက်စာ ခေါက်ဆွဲကို ကလေးများအား ဝယ်ကျွေးနေသည်။ အုတ်အုတ်ကျက်ကျက် ခရီးသွားပရိသတ်အတွင်းသို့ အာရှတိုက်သားမိန်းမပျို နှစ်ဦး ရောက်လာသည်ကို မည်သူမျှသတိမပြုမိလိုက်။

 ကျောပိုးအိတ်ကိုလွယ်ထားသည့် အပြာနုရောင်ဝတ်စုံကို ဝတ်ဆင်ထားသော ခပ်ဖိုင့်ဖိုင့် အမျိုးသားအနီးသို့ ထိုအမျိုးသမီးနှစ်ယောက် ချဉ်းကပ်သွားသည်ကိုလည်း ဂရုမထားမိကြ။ ထိုလူ သည် ဈေးဆိုင်များအနီး၊ လမ်းသလားနေစဉ် မိန်းမပျိုတစ်ယောက်က နောက်မှချုပ်လိုက်သည်။ ကျန်တစ်ယောက်က အဝတ်စတစ်စကို သူ့မျက်နှာပေါ်သို့အုပ်သည်။ စက္ကန့်ပိုင်းမျှ ရုန်းရင်းဆန်ခတ် ဖြစ်ပြီး မိန်းမပျိုနှစ်ယောက် လူအုပ်အတွင်း ပျောက်သွားသည်။

နားမလည်နိုင်ဖြစ်ကာ ထိုလူသည် ခဏတာမျှကြောင်သွားသည်။ ထို့နောက် စုံစမ်းရန် ကောင်တာသို့သွားကာ အမြင်ဝေဝါးပြီး အားအင်ချည့်နဲ့နေကြောင်းပြောသည်။ လိမ္မော်ရောင် ဂျာကင် ဝတ်ထားသည့် တာဝန်ကျဝန်ထမ်းက အနီးရှိရှေးဦးသူနာပြုဆေးခန်းသို့ လိုက်ပို့သည်။ သူ့ကို  လူနာတင်ယာဉ်ဖြင့် ဆေးရုံသို့ပို့သည်။ လမ်းခုလတ်တွင်ပင် အသက်ပျောက်သွားသည်။

 လေဆိပ်တွင်းမှထွက်လာသော မိန်းမပျိုနှစ်ယောက်သည် အငှားယာဉ်ခေါ်ပြီး  မနီးမဝေးရှိ ဟိုတယ်တစ်ခုသို့ ထွက်ခွာသွားသည်။

 သေဆုံးသူသည် နံနက် ၁ဝ နာရီတွင် မကာအိုသို့ထွက်ခွာမည့် လေယာဉ်အတွက် လက်မှတ်ဝယ်ထားပြီးဖြစ်သည်။ သူ၏ သံတမန် နိုင်ငံကူးလက်မှတ်တွင် ဖော်ပြထားသောအမည်မှာ ကင်ချိုလ်ဖြစ်ပြီး၊ အသက် ၄၆ နှစ်ဟုပါရှိသည်။ ထိုနိုင်ငံကူးလက်မှတ်မှာ အတုဖြစ်သည်။ သူ၏ အမည်မှန်မှာ ကင်ဂျုံနမ်ဖြစ်ပြီး ကွယ်လွန်သူမြောက်ကိုရီးယား အာဏာရှင်ကင်ဂျုံအီ၏ သားကြီးသြရသဖြစ်သည်။ လက်ရှိခေါင်းဆောင် ကင်ဂျုံအန်၏ ဖအေတူမအေကွဲ ညီအစ်ကို တော်စပ်သည်။

လူသတ်မှုကို မြောက်ကိုရီးယားက ကျူးလွန်ခြင်းဖြစ်ကြောင်း တောင်ကိုရီးယားက မဆိုင်းမတွ စွပ်စွဲလိုက်သည်။ ဖေဖော်ဝါရီလ ၁၆ ရက်နေ့ တွင် မလေးရှားအာဏာပိုင်များက ကျူးလွန်သူမိန်းမပျို နှစ်ဦးကို ဖမ်းဆီးလိုက်နိုင်သည်။ တစ်ဦးသည် အင်ဒိုနီးရှားနိုင်ငံသူ အသက် ၂၅ ရှိ ဆီတီအေ့စ်ယာနှင့် အသက် ၂၈ နှစ်အရွယ် ဗီယက်နမ်သူ ဒွန်သီဟွန်ဖြစ်သည်။

ရုပ်မြင်ဟာသအစီအစဉ်အတွက် သူတို့အား ငှားရမ်းစေခိုင်းခဲ့ခြင်းဖြစ်သည်ဟု နှစ်ဦးစလုံးက ထွက်ဆိုသည်။ ဂျပန် သို့မဟုတ် ကိုရီးယားလူမျိုးဟု ယူဆရသူတစ်ဦးက ဒေါ်လာ ၉ဝ ပေးကာ စေခိုင်းခဲ့သည်ဟုဆိုသည်။ မိန်းမပျိုနှစ်ဦးသည် သန့်စင်ခန်းသို့ပြေးဝင်ကာ လက်ဆေးခြင်းက လက်တွင်ပေကျံနေသည်မှာ အဆိပ်ဟုသိခြင်းကြောင့်ဖြစ်သည်ဟု မလေးရှားရဲက တတ်အပ်စွဲသည်။ သူတို့နှစ်ဦးကို မြောက်ကိုရီးယားအေးဂျင့်များက လူစည်ကားသော ဈေးနှစ်ဈေးတွင် လက်တွေ့ လေ့ကျင့်ပေးခဲ့သည်ဟု စစ်ဆေးချက်အရသိရသည်။

မိန်းမပျိုနှစ်ဦးသည် အရှေ့တောင်အာရှတွင် တွေ့ရတတ်သော ပျော်ပျော်ပျက်ပျက်၊ ခြေသလုံးအိမ်တိုင်မိန်းမ အမျိုးအစားဖြစ်သည်ဟု လူမှုစာမျက်နှာတွင် ရေးသားကြသည်။ ဖေဖော်ဝါရီလ ၂၈ ရက်နေ့ တွင် သူတို့နှစ်ဦးကို လူသတ်မှုဖြင့် စွဲချက်တင်လိုက်သည်။

မလေးရှားတစ်ဦးနှင့် မြောက်ကိုရီးယား သိပ္ပံပညာရှင်တစ်ဦးတို့ကိုလည်း ဖမ်းဆီးလိုက်သည်။ သိပ္ပံပညာ ရှင်သည် မလေးရှားတွင်နေထိုင်သည်မှာ တစ်နှစ်ခန့်ရှိပြီဖြစ်သည်။ ကျူးလွန်ရာတွင် ကူညီသူ မြောက်ကိုရီးယားလေးဦးသည် အခင်းဖြစ်ပွားပြီးလျှင်ပြီးချင်း မလေးရှားမှ ထွက် ပြေးလွတ်မြောက်သွားပြီး တစ်ဦးမှာ ပုန်းအောင်းနေဆဲဖြစ်သည်ဟု မလေးရှားရဲက ထုတ်ပြန်သည်။ မြောက်ကိုရီးယား သံတမန်တစ်ဦးနှင့် မြောက်ကိုရီးယားအစိုးရပိုင် လေကြောင်းဝန်ထမ်းတို့ကို မေးမြန်းခွင့်တောင်းခံသော်လည်း မြောက်ကိုရီးယားသံရုံးက လိုက်လျောခြင်းမရှိပေ။ လူသတ်မှုနှင့် ပတ်သက်သူ မြောက်ကိုရီးယားရှစ်ယောက်ရှိသည်ဟုဆိုသည်။ သေဆုံးသူ ကင်ဂျုံနမ်၏ ရုပ်အလောင်းထားရှိရာ ရေခဲတိုက်သို့ ဖောက်ထွင်းဝင်ရောက်ရန် ကြိုးစားမှုတွေ့လာသဖြင့် ရဲအစောင့် အကြပ် ပိုမိုချထားခဲ့ရသည်ဟု မလေးရှားရဲချုပ်ကပြောဆိုသည်။  ဖမ်းဆီးခံထားရသော အမျိုးသမီးနှစ်ဦးသည် အဆိပ်ကိုကိုင်တွယ်ခဲ့သည်ဆိုပါက ယခုအချိန်တွင် အသက်ရှင်နေမည် မဟုတ်ကြောင်း၊ ထို့ကြောင့် သူတို့သည်  အပြစ်မရှိသဖြင့် လွှတ်ပေးရမည်ဟု မြောက်ကိုရီးယား သံရုံးက ထုတ်ပြန်သည်။

တစ်ခုချင်းစီအနေဖြင့် အဆိပ်အာနိသင်မရှိသော ဓာတုပစ္စည်းနှစ်ခုကို ကင်ဂျုံနမ့် မျက်နှာပေါ်တွင် ပေကျံစေသည့်နည်းကို သုံးခဲ့သည်ဟု သုံးသပ်သူများလည်းရှိသည်။ အဆိုပါ ဓာတုပစ္စည်းနှစ်ခုကို ပေါင်းစပ်သည့် အခါတွင်မှ အဆိပ်အာနိသင် ဖြစ်ပေါ်လာခြင်းဖြစ်သည်။

လုပ်ကြံရာတွင် လက်ကိုင်ပဝါ၌ ဆွတ်လိုက်သော အဆိပ်၏ ဓာတုဗေဒအမှတ်အသားမှာ Vx ဖြစ်သည်ဟုသိရသည်။ စစ်သုံးဓာတုအဆိပ်ဖြစ်ပြီး ထိတွေ့ခံရသူသည် ၁၅ မိနစ်မှ မိနစ် ၂ဝ အတွင်း အသက်ရှူကျပ်ကာ အသက်ဆုံးရသည်။ အစုအပြုံလိုက် သေစေနိုင်သော အဆိပ်ဖြစ်သဖြင့် ကုလသမဂ္ဂက တားဆီးပိတ်ပင်ထားသော အဆိပ်ဖြစ်သည်။ ယင်းသို့ လူသတ်လက်နက်အဆိပ်ကို အများပြည်သူ သွားလာနေသော အပြည်ပြည်ဆိုင်ရာလေဆိပ်တွင် အသုံးပြုခြင်းသည် မြောက်ကိုရီးယားက နိုင်ငံတကာ လိုက်နာရမည့်ကျင့်ဝတ်ကို ပြောင်ပြောင်တင်းတင်း ချိုးဖောက်ခြင်း ပင်ဖြစ်သည်။

မလေးရှားရဲက အဖြစ်အပျက်ကို နောက်ကြောင်းပြန်ခြေရာခံသည်။ ကင်ဂျုံနမ်သည် ဖေဖော်ဝါရီလ ၆ ရက်နေ့တွင် ကွာလာလမ်ပူသို့ ရောက်လာသည်။ ထိုအချိန်မှစလျက် သူ့ကို လုပ်ကြံမည့် အစီအစဉ် သက်ဝင်လှုပ်ရှားလာသည်။ လုပ်ကြံမှုတွင် ကြံရာပါ တစ်ဦးသည် ဇန်နဝါရီလ ၃၁ ရက်နေ့ကတည်းက ကြိုရောက်နေသည်။ ဒုတိယနှင့် တတိယတစ်ဦးသည် ရက်ခြားလျက် ရောက်လာသည်။ နောက်ဆုံးတစ်ဦးသည် ကင်ဂျုံနမ်ရောက်ပြီး နောက်တစ်ရက်ဖြစ်သည့် ဖေဖော်ဝါရီလ ၇ ရက်နေ့တွင် ရောက်လာသည်။

အခြားနိုင်ငံများနှင့် မတူသည်မှာ မလေးရှားနိုင်ငံသည် မြောက်ကိုရီးယားနိုင်ငံသားများအား ဗီဇာကင်းလွတ်ခွင့် ပေးထားသည့်အပြင် အလုပ်လုပ်ခွင့်လည်းပေးထားသည်။ မြောက်ကိုရီးယားသည် ထုတ်ကုန်လုပ်ငန်းများကို မလေးရှားတွင် တည်ထောင်ထားသည်။ ရောက်လာသော မြောက်ကိုရီးယား လေးယောက်သည် မိန်းမပျိုနှစ်ဦးကို စည်းရုံးသည်။

အင်ဒိုနီးရှားသူ ဆီတီသည် မာဆတ်မှ အနှိပ်သမဖြစ်ပြီး ဗီယက်နမ်သူ ဒွန်သီဟွန်သည် ဖျော်ဖြေရေးလုပ်ငန်းတွင် လုပ်ကိုင်နေသူဖြစ်သည်။ ဒွန်သီဟွန်သည် ဟနွိုင်းတောင်ဘက် သုံးနာရီခရီးရှိ ကျေးလက်တွင်ကြီးပြင်းခဲ့ပြီး ဆေးဝါးဗေဒကို သင်ယူခဲ့သည်။ ဆီတီသည်လည်း ဂျကာတာမြို့အရှေ့ဘက်ရှိ ကျေးရွာတစ်ရွာတွင် ကြီးပြင်းခဲ့ရသည်။ ဆဌမတန်းတွင် ကျောင်းမှထွက်သည်။ အသက် ၁၆ နှစ်တွင် အိမ်ထောင်ကျပြီး မလေးရှားသို့ ထွက်မလာမီ အသက် ၂ဝ တွင် အိမ်ထောင်ကွဲသည်။ သူတို့သည် ရုပ်မြင်သံကြား ဟာသအစီအစဉ်အတွက် သရုပ်ဆောင်ရန်ဟု အယုံသွင်းခံရသည်။

မိန်းမပျိုနှစ်ဦးက ကင်ဂျုံနမ်ကို အဆိပ်အဝတ်ဖြင့် လုပ်ကြံသည်ကို မြောက်ကိုရီးယား လေးဦးသည် စောင့်ကြည့်နေပြီးမှ လေဆိပ်မှ မီရာလေယာဉ်ဖြင့် ထွက်ခွာသွားသည်ကို လေဆိပ်တွင် တပ်ဆင်ထားသော စီစီ တီဗီ မှတ်တမ်းများအရသိရသည်။

ကင်ဂျုံနမ်ကို ၁၉၇၂ ခုနှစ်တွင် မွေးဖွားခဲ့သည်။ သူ့မိခင်မှာ ရုပ်ရှင်သရုပ်ဆောင် 'ဆွန်းဟိုင်းရင်' (Song Hye Rim)  ဖြစ်သည်။ ဖခင် ကင်ဂျုံအီ၏ ဇနီးများအနက်မှ အခွင့်အရေးပေးခံရဆုံးလည်းဖြစ် သည်။ ထိုစဉ်က အဘိုးဖြစ်သူ တိုင်းပြည်ခေါင်းဆောင် ကင်အီလ်ဆွန်းက ဆွန်းဟိုင်းရင်ကို သဘောမတွေ့သဖြင့် ကင်ဂျုံနမ် အသက်ငါးနှစ်အရွယ်တိုင်သည်အထိ လျှို့ဝှက်ထားခဲ့သည်။ အသက် ရှစ်နှစ်အရွယ်တွင် မိခင်ဘက်မှ အဘွားဖြစ်သူနှင့် မော်စကိုမြို့တွင်နေထိုင်ကာ မော်စကိုနှင့် ဆွစ်ဇာလန်ရှိ အပြည်ပြည်ဆိုင်ရာ ကျောင်းများတက်ခဲ့သည်။ ဘာသာစကားမျိုးစုံ တတ်ကျွမ်းလာ သည်။ ကင်ဂျုံအီ၏သားကြီး သြရသဖြစ်သဖြင့် ဖခင်၏အရိုက်အရာကိုဆက်ခံရန် အလားအလာ အရှိဆုံးဖြစ်သည်။

၂ဝဝ၁ ခုနှစ် မေလတွင် တိုကျို နာရီတာလေဆိပ်တွင် နိုင်ငံကူးလက်မှတ်အတု ကိုင်ဆောင်မှုဖြင့် ကင်ဂျုံနမ်အဖမ်းခံရသည်။ ကိုင်ဆောင်ထားသော ဒိုမီနီကန်နိုင်ငံကူးလက်မှတ်တွင် အမည်ကို 'ပန်ရှောင်' ဟုဖော်ပြထားသည်။ တရုတ် မန်ဒရင်ဘာသာဖြင့် 'ဝက်ဝံကြီး'  ဟု အဓိပ္ပာယ်ရ သည်။ ထိုအဖြစ်အပျက်ကြောင့် ကင်ဂျုံနမ်သည် မိသားစုအတွင်း အရှက်ရခဲ့သည်။  နိုင်ငံကူး လက်မှတ်အတုဖြစ်ကြောင်းကို ဖခင်၏ အခြားဇနီးတစ်ဦးဖြစ်သူ လက်ရှိခေါင်းဆောင်ကင်ဂျုံအန်၏ မိခင်က ဂျပန်အာဏာပိုင်များကို သတင်းပေးသည်ဟု အရပ်စကားပေါ်ထွက်ခဲ့ဖူးသည်။ ဖခင် အရိုက်အရာကို သားဖြစ်သူ ကင်ဂျုံအန်  ဆက်ခံနိုင်ရေးအတွက် မိခင်က အကွက်ဆင်လိုက် ခြင်း ဖြစ်သည်။

အဘိုးနှင့် ဖခင်တို့၏ ဖယ်ကြဉ်ခြင်းကိုခံရသဖြင့် ကင်ဂျုံနမ်သည်  ပြည်ပတွင်သာ နေရတော့သည်။ ဖခင်က သူ့မိခင်ကို အဆက်ဖြတ်လိုက်သည်မှစလျက် သူသည် ဖခင်ဖြစ်သူ ကင်ဂျုံအီကို တွေ့ခွင့်မရတော့။ ဖအေတူ မအေကွဲ ညီတော်ကင်ဂျုံအန်ကို သူတစ်ခါမျှ မတွေ့ဖူးပေ။  ပြည်ပတွင်နေရသည်ဆိုသော်လည်း  ချမ်းချမ်းသာသာနေရသည်။ စင်ကာပူနှင့် ပေကျင်းတို့တွင် အိမ် များရှိသည်။ လောင်းကစားကို ခုံမင်သည်။ သူ့ဖခင် အသက်ရှင်နေစဉ်အချိန်က သူ့ထံသို့ ငွေမှန်မှန်ပေးပို့သည်။ အမျိုးသမီးကိုယ်ရံတော် ငှားရမ်းနိုင်သည်အထိ သူသည် ခမ်းနားစွာ နေထိုင်နိုင်သည်။ တရုတ်ပြည်တွင် အနေများသဖြင့် တရုတ်ခေါင်းဆောင်များနှင့် အကျွမ်းတဝင်ရှိလာ သည်။ တရုတ်ခေါင်းဆောင်များက မြောက်ကိုရီးယားတွင်  ခေါင်းဆောင်အပြောင်းအလဲ ဖြစ်မည်ဆိုလျှင် ကင်ဂျုံနမ်သည်  ဆက်ခံရမည့်သူအဖြစ် လက်သတ်မွေးထားဟန်တူသည်။

 မြောက်ကိုရီးယားမှ ထွက်ပြေးလွတ်မြောက်လာသူများက ကင်ဂျုံနမ်ထံ ချဉ်းကပ်လျက် အဝေးရောက် အစိုးရဖွဲ့ရန် တိုက်တွန်းသည်ဟု သတင်းစကားများလည်း ပေါ်ထွက်ခဲ့ဖူးသည်။ သူက ငြင်းလွှတ်လိုက်သော်လည်း လွန်ခဲ့သောနှစ်ဧပြီလတွင် မြောက်ကိုရီးယား ပြည်ပြေးများက ထပ်မံတိုက်တွန်းသည်ဟုဆိုသည်။ ထိုအခြေအနေက သူအသတ်ခံရစေရန် တွန်းပို့လိုက်ခြင်း လောဟု စဉ်းစားစရာ ဖြစ်သည်။ ယခုနှစ် ဖေဖော်ဝါရီလကုန်ပိုင်းတွင် မြောက်ကိုရီးယား လုံခြုံရေး အကြီးအကဲ ကင်ဝမ်ဟုန် (Kim Won Hong) မြင်ကွင်းမှ  တိတ်တဆိတ် ပျောက်ကွယ်သွား ခြင်းသည် မြောက်ကိုရီးယားမှ ထွက်ပြေးမည့်သူများကို ပြင်းပြင်းထန်ထန် သတိပေးလိုက်ခြင်းဖြစ် သည်ဟု အကဲခတ်သမားများကဆိုသည်။

ကင်ဂျုံနမ်အား လုပ်ကြံသတ်ဖြတ်လျက် ရုပ်အလောင်းကို မြောက်ကိုရီးယားသို့ ပြန်ပို့ပေးရန် အမိန့်ကို ၂ဝ၁ဝ ပြည့်နှစ်ကတည်းက ကင်ဂျုံအန်က ထုတ်ထားခဲ့သည်ဟု တောင်ကိုရီးယား ထောက်လှမ်းရေး ရပ်ကွက်ကဆိုသည်။

ထိုစဉ်က စင်ကာပူတွင် နေထိုင်လျက်ရှိသော ကင်ဂျုံနမ်ကို ကားဖြင့်တိုက်သတ်ရန် တက္ကစီသမားအား ငွေပေးလျက်ကြိုးစားခဲ့ဖူးသည်။ ကင်ဂျုံနမ်သည် မျှော်လင့်ထားသည့်နေရာသို့ ရောက်မလာသဖြင့် အကြံအစည်ပျက်ခဲ့သည်။ ထိုကြံစည်မှုတွင် တာဝန်ပေးခံရသော မြောက် ကိုရီးယားအေးဂျင့်သည် ၂ဝ၁၂ ခုနှစ်တွင် တောင်ကိုရီးယားအတွင်းသို့ ခိုးဝင်ရန်ကြိုးစားစဉ် အဖမ်းခံရ သည်။ သူ၏ ထွက်ဆိုချက်အရ စင်ကာပူတွင် ကင်ဂျုံနမ်ကို လုပ်ကြံရန် ကြိုးစားခဲ့ကြောင်းသိရသည်။

သူ့အသက်ကို ချမ်းသာပေးရန် ကင်ဂျုံနမ်သည် ညီတော်ကင်ဂျုံအန်ထံ ၂ဝ၁၂ ခုနှစ်တွင် စာရေးသားတောင်းပန်ဖူးသည်။ ၁၉၄၈ ခုနှစ်ကတည်းက ပဒေသရာဇ်များပမာ သားစဉ်မြေးဆက် အုပ်စိုးလာသော ကင်မိသားစုအတွင်း သွေးသားရင်းချာများကို ပြည်ပသို့နှင်ထုတ်ခြင်း၊ သတ် ဖြတ်ခြင်းတို့ဖြင့် ရှုပ်ထွေးနေခဲ့သည်။

ကင်ဂျုံနမ်သည် ဦးလေးဖြစ်သူ ဂျန်ဆုံတိတ် (Jang Song Teaek) နှင့် အဆက်အသွယ်မပြတ်ရှိသည်။ ဦးလေးက သူ့ကို ဖခင်သဖွယ် ကူညီစောင့်ရှောက်ကာ အကူအညီပေး သည်။ ဦးလေးမှတစ်ဆင့် မြောက်ကိုရီးယား သယံဇာတများ ရောင်းချသည့် အခွင့်အရေးရသည်။

အခြားဝမ်းကွဲတစ်ဦးဖြစ်သည့် ဂျန်ယောင်ချိုလ်က ကွာလာလမ်ပူတွင် သံအမတ်အဖြစ် တာဝန်ထမ်းဆောင်နေစဉ် ကင်ဂျုံနမ်သည် မကြာခဏရောက်လာကာ သံရုံးတွင် တည်းခိုလေ့ရှိ သည်။

ကင်ဂျုံနမ်သည် ကွာလာလမ်ပူတွင် ရှိနေစဉ် 'စတိဗ်ဟွမ်' ၏ စားသောက်ဆိုင်တွင် လာရောက် စားသောက်လေ့ရှိသဖြင့် စတိဗ်နှင့် အတော်ပင်ရင်းနှီးသည်။

''ကျွန်တော့်ဆိုင်ကို သူ့ဇနီး 'ကိုယိုဝမ်'  နဲ့ မကြာမကြာလာပြီး စားသောက်တယ်။ သူတို့က ပေါ့ပေါ့ပါးပါး ဝတ်စားတတ်တယ်။ ကင်ဂျုံနမ်ကတော့ အမြဲတမ်း ဘေ့စ်ဘောကက် ဦးထုပ်ဆောင်း ထားတယ်။ သက်တော်စောင့်က ဆိုင်အပြင်မှာ စောင့်နေတာကိုလည်းတွေ့တယ်။ ရိုရိုကျိုးကျိုးနဲ့ ပေါင်းသင်းလို့ကောင်းတဲ့ လူပဲ'' ဟု စတိဗ်က ပြောသည်။

ကင်ဂျုံနမ်သည် သူ၏အမည်မှန်ကို မပြောပြသော်လည်း တောင်ကိုရီးယားနိုင်ငံသားဖြစ်သည့် စတိဗ်က သူ့ကိုကောင်းစွာမှတ်မိသည်။ သူစားသောက်သွားသည့် ပန်းကန်၊ ဖန်ခွက်များကို တောင်ကိုးရီးယား သံရုံးကိုပေးပို့လျက် စစ်ဆေးစေသည်။ ဒီအန်အေစစ်ဆေးချက်များအရ ကင်ဂျုံနမ် အစစ်အမှန်ဖြစ်သည်ကို သိရသည်ဟု စတိဗ်ကပြောပြသည်။

၂ဝ၁၃ ခုနှစ်တွင် ကင်ဂျုံအန်ခေါင်းဆောင်ဖြစ်လာသောအခါ ဦးလေးအရင်း ဂျန်ဆုံတိတ်ကို အကျင့်ပျက်လာဘ်စားမှုဖြင့် စွဲချက်တင် ကွပ်မျက်သည်။ ဂျန်ဆုံတိတ်၏တူ မလေးရှားတွင် သံအမတ် တာဝန်ထမ်းဆောင်နေသူ ဂျန်ယောင်ချိုလ်ကို ပြန်ခေါ်လိုက်ပြီးနောက် သတ်ဖြတ်လိုက်သည်ဟု ယူဆရသည်။

 သေဆုံးသူ ကင်ဂျုံနမ်၏ ကျောပိုးအိတ်ထဲတွင် အမေရိကန်ဒေါ်လာ ၁၂၅ဝဝဝ (တစ်သိန်းကျော်) တွေ့ရှိ ရခြင်းသည် ပဟေဠိမေးခွန်းများကို ပေါ်ထွက်လာစေသည်။

ကင်ဂျုံနမ်သည် မသေဆုံးမီ ကွာလာလမ်ပူတွင် အမေရိကန်တစ်ယောက်နှင့် ဟိုတယ်တစ်ခု၌ တွေ့ဆုံသည်ကို သိလာရသည်။ ထိုအမေရိကန်သည် စီအိုင်အေလောဟူ၍ စဉ်းစားဖွယ် ဖြစ်လာသည်။  ယင်းသို့ဆိုလျှင်  သူတို့ မည်သည့်ကိစ္စများ တိုင်ပင်ဆွေးနွေးခဲ့သနည်း။ ကင်ဂျုံနမ်သည် ကွာလာလမ်ပူရှိ ဘဏ်မှငွေထုတ်သည်ကို မတွေ့ရဟု မလေးရှားရဲက ဆိုသည်။ ထို့ကြောင့် သူ့လက်ထဲတွင်တွေ့ရှိသောငွေသည် အခြားတစ်နေရာမှရသော ငွေဖြစ်မည်မှာသေ ချာသည်။

 မြောက်ကိုရီးယားနှင့် အမေရိကန်ဆက်ဆံရေး ပူပူလောင်လောင် ဖြစ်နေသည့်အချိန်တွင် ကင်ဂျုံနမ်နှင့် အမေရိကန်တစ်ယောက်တို့ တွေ့ဆုံခြင်းသည် စိတ်ဝင်စားဖွယ်ပင်။ ကင်ဂျုံနမ်သည် အမေရိကန်အား သတင်းရောင်းချခဲ့ခြင်းလော သို့တည်းမဟုတ် စင်ပြိုင်အစိုးရကဲ့သို့ လှုပ်ရှားမှုပြုလုပ်ရန် ငွေကြေးထောက်ပံ့ခြင်းလော။ ထိုသို့ လှုပ်ရှားနေသည်ကို ပြုံယမ်းက သိရှိသည့်အတွက် ကင်ဂျုံနမ်အား လက်စတုံးလိုက်ခြင်းလော။

 အလောင်းကို ခွဲစိတ်စစ်ဆေးခြင်းမပြုရန် မြောက်ကိုရီးယားသည် ထိပ်တန်းသံတမန်တစ်ဦးကို မလေး ရှားသို့ စေလွှတ်ကာ တောင်းဆိုသည်။

 ကင်ဂျုံနမ်၏ ပထမဇနီး 'ရှင်ဂျုံဟွီး' သည် ပေကျင်းမြို့တွင် သားဖြစ်သူနှင့် နေထိုင်လျက် ရှိသည်။ ဒုတိယဇနီး 'လီဟိုင်ကျုံ' မှာ မကာအိုတွင် သားတစ်ယောက်၊ သမီးတစ်ယောက်နှင့် အတူနေထိုင်နေသည်။ တရုတ်အစိုးရက ဇနီးနှစ်ယောက်၏ လုံခြုံရေး တိုးမြှင့်ချထားလိုက်သည်ဟု သတင်းများကဆိုသည်။ ယင်းသို့ အစောင့်အကြပ်များ တိုးမြှင့်ခြင်းတွင် ကင်ဂျုံနမ်၏ အမြှောင်မယား 'ချန်ချောင်ရှိနှင့် အခြားဇနီးများနှင့်ရသော ကလေးသုံးယောက် ပါဝင်ခြင်း ရှိမရှိ မသိရပေ။

 ပြင်သစ်တွင် နေထိုင်လျက်ရှိသော ကင်ဂျုံနမ်၏ သား 'ကင်ဟန်ဆိုလ်' အား ပြင်သစ်အစိုးရ လုံခြုံရေးတိုးမြှင့်ချထားပေးသည်။ ပြင်သစ်ရုပ်မြင်သံကြားနှင့် မေးမြန်းခန်းတွင် 'ကင်ဂျုံအန်သည် အာဏာရှင်ဖြစ်ကြောင်းနှင့် ကိုရီးယားနှစ်နိုင်ငံပေါင်းစည်းရေးအတွက် ကိုရီးယားပြည်သူများကို ကူညီသွားရန် ရည်ရွယ်ကြောင်း' ကင်ဟန်ဆိုလ်က ပြောခဲ့ဖူးသည်။

 သေဆုံးသူသည် ကင်ဂျုံနမ်မဟုတ်ဟု မြောက်ကိုရီးယားက ငြင်းဆိုသည်။ မလေးရှား အစိုးရသည် တောင်ကိုရီးယားနှင့်ပူးပေါင်းလျက် မြောက်ကိုရီးယားကို အသရေဖျက်ခြင်းသာဖြစ် သည်ဟု ဆိုသည်။

ယခုအခါ လက်ရှိခေါင်းဆောင်ကင်ဂျုံအန်သည် အင်အားကို စုစည်းလျက် အခိုင်အမာ တည်ဆောက်နေသည့် အချိန်ဖြစ်သည်။ ထို့ကြောင့် ပြိုင်ဘက်ဖြစ်လာနိုင်သည့် ကင်ဂျုံနမ်ကို အပြတ်ရှင်းလိုက်ခြင်း ဖြစ်နိုင်သည်။

၁၉၉၇ ခုနှစ်တွင် ဝမ်းကွဲတစ်ဦးဖြစ်သည့် ယီဟန်ယောင်ကို သတ်ဖြတ်ခဲ့သည်။ ယီယန်ယောင် (့ငံညေ့ သညါ) သည် ၁၉၈ဝ ပြည့်နှစ် နောက်ပိုင်းတွင် ထွက်ပြေးခိုလှုံသွားသူ ဖြစ်သည်။

 နောက်ဆုံး အသတ်ခံရသည့်  ကင်ဂျုံနမ်သည် တရုတ်အစိုးရ၏ အစောင့်အရှောက်ကို ခံယူနေရသူဖြစ်သည်။ ယခုကဲ့သို့ သတ်ဖြတ်လိုက်ခြင်းသည် တရုတ်အစိုးရကို  စိန်ခေါ် လိုက်ခြင်း၊ စော်ကားလိုက်ခြင်းလည်းဖြစ်သည်။ တရုတ်နှင့် မြောက်ကိုရီးယားတို့သည် နှုတ်ခမ်းနှင့်သွားပမာ နီးစပ်သူများဖြစ်သည်ဟု တရုတ်ကွန်မြူနစ်ပါတီဥက္ကဌ မော်စီတုန်းကဆိုခဲ့ဖူးသည်။၁၉၇ဝ ပြည့်လွန်နှစ် များတွင် တရုတ်က ပြုပြင်ပြောင်းလဲရေးများ စတင်သည့်အချိန်မှစ၍ နှစ်နိုင်ငံ အနေစိမ်းလာသည်။ မြောက်ကိုရီးယား၏  ကုန်သွယ်မှု ၉ဝ ရာခိုင်နှုန်းသည် တရုတ်နှင့် ပြုလုပ်ခြင်းဖြစ်သည်။ သို့စဉ်တိုင် မြောက်ကိုရီးယားကိုလိုလားသူ တရုတ်ခေါင်းဆောင်များသည် ကင်ဂျုံအန်ကို မည်သို့မျှ သြဇာမသက် ရောက်နိုင်ဖြစ်နေသည်။

ကင်ဂျုံနမ် သတ်ဖြတ်ခံရပြီး ရက်ပိုင်းအတွင်း မြောက်ကိုရီးယားမှ ကျောက်မီးသွေး ဝယ်ယူနေခြင်းကို နှစ်ကုန်အထိ ရပ်ဆိုင်းလိုက်ကြောင်း တရုတ်ကကြေညာသည်။ ထိုသို့ ရပ် ဆိုင်းခြင်းသည် ကင်ဂျုံနမ် အသတ်ခံရခြင်းနှင့် ပတ်သက်နေသည်ဟု ယူဆဖွယ်ဖြစ်သည်။ ကျောက်မီးသွေး ပို့ကုန်မှရငွေတစ်နှစ်လျင် တစ်ဘီလျံနီးပါးရှိသည်။ မြောက်ကိုရီးယား နိုင်ငံခြားဝင်ငွေ၏ ၅ဝ ရာခိုင်နှုန်းဖြစ်သည်။

 မြောက်ကိုရီးယား၏  စတုတ္ထမြောက် အနုမြူစမ်းသပ်မှုကြောင့် ထပ်မံတင်းကျပ်သော ပိတ်ဆို့မှုများလုပ်ရန် ကုလသမဂ္ဂလုံခြုံရေးကောင်စီက ဆုံးဖြတ်ချက်ချသည်။ ယင်းဆုံး ဖြတ်ချက်ကို တရုတ်ကလိုက်နာသည်။ သို့စဉ်တိုင် တရုတ်သည် သူ၏မဟာဗျူဟာ အကျိုးစီးပွားကို ဦးထိပ် ထားနေရသည်။ မြောက်ကိုရီးယား မပြိုလဲရေးသည် တရုတ်အတွက်များစွာ အရေးကြီးသည်။ မြောက်ကိုရီးယားပြိုကွဲလျှင် သန်းပေါင်းများစွာသော ဒုက္ခသည်များ တရုတ်ပြည်တွင်းသို့ ရောက်လာမည့်အပြင် ပေါင်းစည်းသွားသော ကိုရီးယားနိုင်ငံသည် အမေရိကန်နှင့် မဟာမိတ်ပြုလျက် တရုတ်အား မဟာဗျူဟာမြောက်စွာ ခြိမ်းခြောက်လာနိုင်မည်ဖြစ်သည်။ တောင်ကိုရီးယားနှင့် တရုတ်အကြား မြောက်ကိုရီးယား ကြားခံနယ်မြေအဖြစ်ရှိနေသည်မှာ တရုတ်အတွက် များစွာ သက်သာရနေသည်။

''တရုတ်က ကိုရီးယားနှစ်နိုင်ငံကို လက်ရှိအခြေအနေတိုင်းပဲ ရှိနေစေချင်တယ်''ဟု ကာလီဖိုးနီးယားတက္ကသိုလ်မှ ကိုရီးယားကျွမ်းကျင်သူ စတီဗင်ဝက်ဘာကဆိုသည်။  အနု မြူလက်နက်နှင့် ဒုံးပျံစမ်းသပ်ခြင်းတို့ဖြင့် မြောက်ကိုရီးယား နေမြဲအ တိုင်း ရှိနေသည့် အခြေအနေကို ခြိမ်းခြောက်လာသည်။ လာမည့်လေးငါးနှစ်တွင် မြောက်ကိုရီးယား သည် အမေရိကန်နယ်မြေအထိ ရောက်နိုင်သော အနုမြူထိပ်ဖူးတပ်ဒုံးကို တည်ဆောက်လာနိုင်မည်ဟု ကျွမ်းကျင်သူများက ခန့်မှန်းသည်။

ဂျပန်၊ ရုရှား၊ တရုတ်၊ အမေရိကန်နှင့် တောင်-မြောက်ကိုရီးယား နှစ်နိုင်ငံတို့ ပါဝင်သော ခြောက်နိုင်ငံ ဆွေးနွေးပွဲ ပြန်လည်စတင်ရန် တရုတ် ကတိုက်တွန်းနေသည်။ ထိုဆွေးနွေးပွဲ ကို ၂ဝဝ၃ ခုနှစ်တွင် စတင်ပြီး ၂ဝဝ၉ ခုနှစ်တွင် မြောက်ကိုရီးယားက တစ်ဖက်သတ် ရပ်ဆိုင်းပစ်ခဲ့သည်။ ဆွေးနွေးပွဲ ပြန်စနိုင်သည့် တိုင် ရလဒ်ထွက်လာရန် နှစ်ပေါင်းများစွာ ကြာမြင့်ပေမည်။

 

အေးထွန်းမင်း

[email protected]

Ref: Terminal 2. Murder at.

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.