21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
အိမ်ခန်း ငှားရမ်းခ ၀န်ထုပ်ကြီး ပိနေကြသူများနှင့် အစိုးရ၏ အငှားအိမ်ရာ စီမံကိန်း

 မြန်မာနိုင်ငံတွင် ယခင်အစိုးရလက်ထက်ကတည်းက အကောင်အထည်ဖော်ခဲ့သည့် တန်ဖိုးနည်း၊ တန်ဖိုးသင့်အိမ်ရာစီမံကိန်းများသည် အိုးအိမ်မဲ့ပြည်သူများ၏ အိမ်ရာလိုအပ်ချက်အတွက် ဖြည့်ဆည်းပေးနိုင်မှုမှာ  အင်မလွန်နည်းပါးနေသေးသည်ကို ယနေ့တိုင်အထိတွေ့မြင်နေရသည်။ တန်ဖိုးနည်း၊ တန်ဖိုးသင့်အိမ်ရာ စီမံကိန်းဟူသည် အိမ်ပိုင်အိုးပိုင်မရှိသူများအား အိုးပိုင်အိမ်ပိုင်နှင့် အခြေတကျ နေထိုင်ခွင့်ရရန်ရည်ရွယ်ခဲ့သော်လည်း ယင်းအိမ်ရာများ၏ အဖိုးနှုန်းထားများမှာ အများပြည်သူ လက်လှမ်းမမီနိုင်သည့် အနေအထားတွင် ရှိနေခဲ့သောကြောင့် ရည်ရွယ်ရာသို့ မရောက်ဘဲအရောင်းအဝယ် အေးစက်နေဆဲဟု သိရသည်။ ဖော်ဆောင်နေသော အိမ်ရာစီမံကိန်းများသည် အိမ်ရာလိုအပ်ချက်ရှိနေသော ပြည်သူများအတွက် မစွမ်းဆောင်ပေးနိုင်သေးချေ။ ပြည်သူ့လိုအပ်ချက်များကိုလည်း ဖန်တီးမပေးနိုင်ပါသေးချေ။ ယင်းနှင့်ပတ်သက်၍ သက်ဆိုင်ရာ ပုဂ္ဂိုလ်များ ကလည်း မြေပြင်အခြေအနေအရ သိထားပြီးကြပြီးဖြစ်သည်။

၂ဝ၁၅ ခုနှစ်မတ်လထဲတွင် ဆောက်လုပ်ရေးဝန်ကြီးဌာန မြို့ပြနှင့်  အိမ်ရာဖွံ့ဖြိုးရေး ဦးစီးဌာနက စီစဉ်ကျင်းပသော ''တိုးတက်လာမည့် အိမ်ရာနှင့် ဆောက်လုပ်ရေး လုပ်ငန်းများ၏ အခွင့်အလမ်းများနှင့် စိန်ခေါ်မှု များ''ဟူသော ခေါင်းစဉ်ဖြင့် အလုပ်ရုံ ဆွေးနွေးပွဲတစ်ခု ကျင်းပခဲ့ဖူးသည်။ ဆွေးနွေးပွဲတွင်ဦးစီးဌာန၏တာဝန်ရှိ ပုဂ္ဂိုလ်တစ်ဦးက ''လက်ရှိဖော်ဆောင်ဆဲ အိမ်ရာစီမံကိန်းများသည် ပြည်သူ့ လိုအပ်ချက်အတွက် အင်မတန်နည်းပါးနေသေးပြီး လက်လှမ်းမီနိုင်မည့် အနေအထားနှင့်လည်း ကွာဟနေဆဲရှိနေသေးသည်''ဟု ထုတ်ဖော်ပြောကြားခဲ့ဖူး သည်။

 မြို့ပြနှင့် အိမ်ရာဖွံ့ဖြိုးရေး ဦးစီးဌာနသည် ၂ဝ၁၄-၂ဝ၁၅ ဘဏ္ဍာနှစ်ကစပြီး ပြည်နယ်နှင့်တိုင်းဒေသကြီး အချို့တွင်တန်ဖိုးနည်းနှင့် တန်ဖိုးသင့်အိမ်ရာစီမံကိန်း ၁၉ ခုကို အကောင်အထည်ဖောင်ဆောင်ခဲ့သည်။ ယင်းစီမံကိန်းများထဲက အချို့စီမံကိန်းများသည်လက်ရှိ အစိုးရသစ်လက်ထက်တွင် ဆက်လက်ဖော်ဆောင်ဆောက်လုပ်နေဆဲဖြစ်သည်။

ယင်းစီမံကိန်း ၁၉ ခု ပြီးစီးအောင် ဖော်ဆောင်ပြီးလျှင် အိမ်ခန်းပေါင်း ၁၈ဝဝဝ ကျော် ထွက်ရှိမည်ဟု ခန့်မှန်းထားသည်။ ယင်းစီမံကိန်း ၁၉ ခုမှာ ရန်ကုန်တိုင်းဒေသကြီးတွင် ၁၅ ခု၊ မန္တလေးတိုင်းဒေသကြီးတွင်တစ်ခု၊ စစ်ကိုင်းတိုင်းဒေသကြီးတွင် နှစ်ခု၊ မကွေးတိုင်းဒေသကြီးတွင် တစ်ခုတို့ဖြစ်ကြောင်းသိရသည်။ ထို့ပြင် ၂ဝ၁၅-၂ဝ၁၆ ဘဏ္ဍာ နှစ်တွင်လည်း မြို့ပြနှင့်အိမ်ရာ ဖွံ့ဖြိုးရေးဦးစီးဌာနကပင် စီမံကိန်း ၁ဝ ခု၊ အဆောက်အ အုံ ၂၈၄ လုံး တည်ဆောက်မည်ဟု သိခဲ့ရသည်။ ယင်းစီမံကိန်း ၁ဝ ခုမှ အိမ်ခန်းပေါင်း ၁၈၃၆ဝ ခန်း ထွက်ရှိ လာဦးမည်ဟုလည်း ထိုစဉ်က သက်ဆိုင်ရာ ဦးစီးဌာနက ထုတ်ပြန် ကြေညာခဲ့သည်။ ယင်းစီမံကိန်းများ၏ တည်နေရာကိုလည်း ယခုလို ထုတ် ပြန်ထားခဲ့ပြန်ပါသည်။ ယင်းတို့၏ တည်နေရာများမှာ ရန်ကုန်တိုင်း ဒေသကြီး ဒဂုံမြို့သစ် (ဆိပ်ကမ်း) မြို့နယ်တွင်နှစ်ခု၊ ဒဂုံမြို့သစ် (တောင်ပိုင်း) မြို့နယ်တွင်တစ်ခု၊ သင်္ဃန်းကျွန်းမြို့နယ်တွင်တစ်ခု၊ မင်္ဂလာဒုံမြို့နယ်တွင်နှစ်ခု၊ သန်လျင် မြို့နယ်တွင်တစ်ခု၊ လှိုင်သာယာမြို့နယ်တွင် တစ်ခုနှင့်ဧရာဝတီတိုင်း ဒေသကြီး ပုသိမ်မြို့နယ်တွင် တစ်ခု၊ မွန်ပြည်နယ် မော်လမြိုင်မြို့တွင် တစ်ခုတို့ဖြစ်၏။

 မြို့ပြနှင့် အိမ်ရာ ဖွံ့ဖြိုးရေးဦးစီးဌာနသည် နိုင်ငံတော်ဘတ်ဂျက်ငွေဖြင့် ပုဂ္ဂလိက ကုမ္ပဏီများနှင့် အကျိုးတူပူးပေါင်း၍ တန်ဖိုးနည်း၊ တန်ဖိုးသင့်အိမ်ရာများ အကောင်အထည် ဖော်ဆောင်ရွက်နေပါသော်လည်းပေါ်ထွက်လာမည့် အိမ်ခန်းအရေအတွက်သည် အိုးပိုင်အိမ်ပိုင် နေချင်ကြ သည့် ပြည်သူများအတွက် မည်သို့မျှ လောက်ငခြင်းရှိမည်မဟုတ်ကြောင်း သက်ဆိုင်ရာဦးစီးဌာန၏  အိမ်ခန်း အရေအတွက် ထုတ်ပြန်ကြေညာချက်များအရအလွယ်တကူပင် သိ မြင်နိုင်မည်ဖြစ်သည်။ ယခုအခါ အိုးပိုင်အိမ်ပိုင်ဖြင့်နေထိုင်ချင်ကြသူ တစ်နည်းအားဖြင့် အိမ်ခန်းငှားရမ်း နေထိုင်ကြရသူ မိသားစုအရေအတွက်သည် တစ်နေ့တခြား ကြီးထွား လာနေသည်။ ရန်ကုန်မြို့တော်ကြီးတွင် အလုပ်အကိုင်ကြောင့်၊ စားဝတ် နေရေးကြောင့် အနယ်နယ်အရပ်ရပ်မှ ရွှေ့ပြောင်းရောက်ရှိ အခြေချနေ ထိုင်ကြသူများလည်း အဆမတန်တိုးပွားလာနေသည်။  ယင်းသို့ရွှေ့ ပြောင်းအခြေချနေထိုင်သူများ အားလုံးနီးပါးသည် ရန်ကုန်တွင် ရရာနေ ရာ၌ အိမ်ခန်း သို့မဟုတ် အဆောင်ငှားရမ်းနေထိုင်ကြသူချည်းဖြစ်သည်။ အိုးပိုင်အိမ်ပိုင်၊ တိုက်ခန်းအပိုင် ဝယ်ယူနေထိုင်နိုင်သူမှာ လွန်စွာရှားပါးသည်။ ထို့ပြင် ယခင်အစိုးရလက်ထက်ကတည်းက စီမံကိန်းဖြင့် ဖော်ဆောင်ပေးနေသော တန်ဖိုးနည်း၊ တန်ဖိုးသင့်အိမ်ရာဆိုသည်မှာလည်းမည်သို့မျှတန်ဖိုးမနည်း။ တန်ဖိုးမ သင့်နိုင်သည့် အနေအထားတွင် ဖြစ်နေသည်။

လက်ရှိကြားသိရသော သတင်းများအရ လတ်တလောဖြစ်ပေါ်နေသော အမေရိကန်ဒေါ်လာဈေး အတက်အကျမငြိမ်ခြင်း၊ မြန်မာကျပ်ငွေ

ဖောင်းပွမှုမှုရှိနေပြီး ဆောက်လုပ်ရေးလုပ်ငန်းသုံးပစ္စည်းများဈေးနှုန်းမြင့် တက်နေခြင်း၊ မြေယာဈေးများလည်း အဆမတန်မြင့်တက်နေခြင်း၊ ဈေးကစားနေခြင်း စသည့်အကြောင်းများကြောင့် အိမ်ရာစီမံကိန်းတစ်ခု အ ကောင်အထည်ဖော်မည်ဆိုလျှင်ထည့်သွင်းအသုံးပြုရမည့် ပစ္စည်းများအား အမှန်အကန်၊ အပြည့်အဝ၊ မခိုမကပ်၊ မလှီးမဖြတ်ဘဲ တည် ဆောက်မည်ဆိုပါက အိမ်ခန်းတစ် ခန်းဈေးနှုန်းသည် ပျမ်းမျှ ကျပ်သိန်း ၄ဝဝ မှ သိန်း ၆ဝဝ ကြား ကျသင့် မည်ဟု ဆောက်လုပ်ရေးလုပ်ငန်းရှင်များကတွက်ချက်ထားသည်။ ယခင့်ယခင်ကာလများက ခန့်မှန်းတွက်ချက်ထားခဲ့သော ကျပ်သိန်း ၁ဝဝ မှ သိန်း ၂ဝဝ ကြား ကျသင့်မည့် တန်ဖိုးနည်းတိုက်ခန်းတစ်ခန်းပင်လျှင် လက်ရှိပေါက်ဈေးများဖြင့် တွက်ချက်သော် ခန့်မှန်းခြေ ကျပ် သိန်း ၂ဝဝ မှ ကျပ်သိန်း ၃၅ဝ ကြား ကျသင့်သွားနိုင်သည်ဟု ပြောနေကြသည်။ ထိုသောအခါ တန်ဖိုးနည်း အိမ်ရာ ကျပ်သိန်း ၁ဝဝ တန် အိမ်ခန်းအနားတောင်မသိနိုင်သော  လူ လတ်တန်းစားများအဖို့ လက်ရှိကာလတွင် အိုးပိုင်အိမ်ပိုင်ဖြင့် နေထိုင်ရရေး အိပ်မက်သည် ယောင်၍ပင်လျှင် မမက်ရဲသေးသည့် အနေအထားတွင်ရှိနေသည်။

အချို့ကလည်းဆိုနေကြသည်။ တန်ဖိုးနည်းအိမ်ရာ အခန်းတစ်ခန်း ကျပ်သိန်း ၁ဝဝ ဖြင့်ရအောင်လုပ်ပေးမည်။ ဆောက်ပေးမည်ဟုဆိုခြင်းများသည် တကယ်တော့ မစားရဝခမန်း ပြောဆိုချက်များသာ ဖြစ်နေသည်ဟုဆို၏။ တစ်ခုတော့ရှိပါသည်။ တန်ဖိုးနည်းအိမ်ရာ၊ တန်ဖိုး သင့်အိမ်ရာ ဖော်ဆောင်ရေးတွင် အိမ်ခန်းဈေးနှုန်းများ အမှန်တကယ် တန်ဖိုးနည်းဈေးနှုန်းဖြစ်စေလိုပါကနိုင်ငံတော်အစိုးရအနေဖြင့် ဆောက် လုပ်မည့်မြေနေရာရှာဖွေပြီး မြေနေရာအခမဲ့ (အလကား)ရမည်ဆိုလျှင် တန်ဖိုးနည်းအိမ်ခန်းများ တစ်နည်းအားဖြင့် ကျပ်သိန်း ၁ဝဝ နှင့် သိန်း ၁ဝဝ အောက် အိမ်ခန်းများ ပေါ်ထွက်လာနိုင်သည်ဟု ဆိုနေကြ ခြင်းများလည်း ရှိသည်။

လက်ရှိကာလတွင် အိုးပိုင်အိမ်ပိုင်ဖြင့်နေထိုင်ကြရရေး ရွှေပြည်တော် မျှော်တိုင်းဝေးနေရသော ပြည်သူများသည် အိုးပိုင်အိမ်ပိုင်ဘဝ အိပ်မက်က ခဏခဏနိုးထနေရပါသော်လည်း လက်ရှိကြုံတွေ့နေရသောအိမ် ခန်းငှားရမ်းခကြီးမြင့် ခြင်း ဒုက္ခဝေဒနာကိုရင်ဝယ်ပိုက်ကာကြိတ် မှတ်ခံစားနေကြရသည်။ အိမ်ခန်းငှားရမ်းခ ကြီးမြင့်နေသော ဝဲသြဃတွင်ယက်ကန်ယက်ကန်ဖြစ်နေကြ သူများသည်လက်ရှိမြင့် တက်နေသော အိမ်ခန်းငှားရမ်းခများအား သက်ဆိုင်ရာကထိန်းချုပ်လျှော့ချစေပြီး သက်သက်သာသာဖြင့်နေထိုင်ရလျှင် ကောင်းလေစွဟုလည်းမျှော် လင့်တောင့်တ နေကြသည်။ လတ်တလောတွင် ရန်ကုန်မြို့တော်ကြီးတွင် အိမ်ခန်းငှားရမ်းခများ အဆမတန် မြင့်တက်နေသည်။ ဈေးနှုန်းသတ်မှတ်မှုများ အထိန်းအချုပ်မရှိဖြင့် ပရမ်းပ တာဖြစ်နေသည်။ အရပ်ထဲကအိမ်အကျိုးဆောင်ပွဲစားများ၏ ပါးစပ်က ထွက်သော ဈေးနှုန်းသည် အတည်ဖြစ်နေသည်။ ရန်ကုန်မြို့နေပြည်သူများနှင့် ရွှေ့ပြောင်း အခြေချနေထိုင် ကြသူအိုးမဲ့အိမ်မဲ့များသည် တစ်မိသားစုလုံး ပင်ပင်ပန်းပန်းရုန်းကန်ရှာဖွေထားရသည့် ဝင်ငွေ၏သုံးပုံနှစ်ပုံကျော်ကို အိမ်ခန်းငှားရမ်းခ အဖြစ်အသုံးချနေကြရသည်။ စားရေးသောက်ရေးကား လမ်းဘေးစာဖြင့် ကြုံရာကျပန်းစခန်းသွားနေကြရ သည်။

အချို့သော လက်လုပ်လက်စား အခြေခံလူတန်းစားပြည်သူများသည် အိမ်လခပေးစရာ မတတ်နိုင်စွမ်းတော့သဖြင့် ရန်ကုန်မြို့ပြ ဧရိယာမှ ဝေးရာသို့ စွန့်ခွာထွက်သွားနေကြပြီး ကြုံရာလွတ်ရာ မြေကွက်လပ်တွင်တဲထိုးပြီး နေနေရသည့် အဖြစ် များရှိနေသည်ကိုမီဒီယာများတွင် တစ်ခါတစ်ရံတွေ့မြင်နေရသည်။ အမှန်တော့ ၄င်းတို့သည် မြို့ပြကျူး ကျော်များပင်ဖြစ်သည်။

ယမန်နှစ်ကထုတ်ပြန်ခဲ့သော ဆောက်လုပ်ရေးဝန်ကြီးဌာန၏ ကြေညာချက်တစ်ခု ကိုလည်း မှတ်သားထားလိုက်မိသည်။ ယင်းကြေညာချက်မှာ ယခုအခါ ရန်ကုန်မြို့ တော်တွင် စံမမီအိမ်ရာနှင့် အဆောက်အအုံများတွင် နေထိုင်နေရသူဦးရေသည် ရန်ကုန်မြို့နေ လူဦးရေ၏ ၃ဝ ရာခိုင် နှုန်းကျော်ရှိနေသည်ဟုဆိုသည်။ ၂ဝ၁၄ ခုနှစ် လူဦးရေနှင့် အိမ်အ ကြောင်းအရာ သန်းခေါင်စာရင်းအရ ရန်ကုန်တိုင်းဒေသကြီးတွင် လူဦးရေ ခုနစ်သန်းကျော် (၇၃၅၅ဝ၇၅) ဦး နေထိုင်သည်ဟုသိရသည်။

ရန်ကုန်မြို့ တော်စည်ပင်သာယာရေး နယ်နိမိတ်အတွင်း (မြို့နယ် ၃၃ မြို့နယ်) တွင် နေထိုင်သူပေါင်းမှာ ငါးသန်းကျော်သည်ဟုဆိုသည်။

ယခု ၂ဝ၁၇ ခုနှစ်တွင် လူဦးရေတိုးတက်နှုန်းအရ ခန့်မှန်းနေကြသည်မှာ ရန်ကုန်မြို့ တော် လူဦးရေသည်ခြောက်သန်းခွဲကျော် ခုနစ်သန်းနီးပါးရှိလာနိုင်သည်ဟု သက်ဆိုင်ရာ ဝန်ကြီးဌာနကခန့်မှန်းထားကြသည်။ ယင်းအထဲတွင် အနယ်နယ်အရပ်ရပ်က ရောက်ရှိလာသောရွှေ့ပြောင်းအခြေ ချနေထိုင်ကြသူများ လည်းပါဝင်သည်။ ထိုသို့ ရန်ကုန်မြို့တွင် စံမမီအိမ်ရာနှင့် အဆောက်အအုံများတွင် နေထိုင်ကြရသူများ၏ နေ့စဉ်မလုံခြုံ သောအဖြစ်များနှင့်အတူကျူးကျော်နေထိုင်သူ အရေးကလည်း ပြဿနာတစ်ရပ်အဖြစ်တစ်ဆက်တစ်စပ်တည်း ပေါ်ပေါက်နေသည်။

ရန်ကုန်မြို့တော် စည်ပင်သာယာရေးနယ်နိမိတ် ၃၃ မြို့နယ်အတွင်း ကျူးကျော်နေထိုင်သူပေါင်း ၂၇ဝဝဝဝ ကျော်ရှိနေသည်ဟု ယမန်နှစ်များက ရန်ကုန်မြို့တော်စည်ပင် သာယာရေးကော်မတီက ထုတ်ပြန်ကြေညာခဲ့ဖူးသည်။ သို့သော် ကျူးကျော်နေထိုင်သူ အခြေအနေမှာမြေပြင်ကွင်းဆင်းကောက်ယူမှုစစ် တမ်းအရ ထိုထက်အဆမတန်များပြားနေသည်။ လက်ရှိ အခြေအနေအရဆိုလျှင် ကျူးကျော်နေထိုင်သူပေါင်း ၄၅ဝဝဝဝ ကျော်ရှိနေသည်ဟုပြီးခဲ့သည့်လ အစည်းအဝေးပွဲတစ်ခုတွင် ရန်ကုန်တိုင်းဒေသကြီး အစိုးရဝန်ကြီးချုပ်က တရားဝင် ထုတ်ဖော် ပြောကြားထားသည်။

 ကျူးကျော်နေ ထိုင်ကြသူများ သည် အထူးသဖြင့် စက်မှုဇုန် ဧရိယာများအတွင် အဓိကမှီတင်းနေထိုင်ကြ သည်။ ထို့ကြောင့် စက်မှုဇုန်များ ဖွံ့ဖြိုး တိုးတက်ရေးအတွက် စက်မှုဇုန်အတွင်း ကျူးကျော်နေထိုင်ကြသူများအား အမြန်ဆုံးရှင်းလင်းဖယ်ရှားရ မည်ဟုလည်း တိုင်းဒေသကြီးအစိုးရအဖွဲ့ကပြောကြားထားသည်။ ကျူး ကျော်များအား ရှင်းလင်းဖယ်ရှားမည်ဆိုလျှင် သူတို့အတွက် အတည်တကျနေထိုင်ခွင့်ရရန် မြေနေရာချထားပေးဖို့လိုသည်။ လုံခြုံစိတ်ချစွာ နေထိုင်ခွင့်ရရန်နေစရာ နေအိမ်သို့မဟုတ် အိမ်ခန်းများ ဖန်တီးဖော်ဆောင်ပေးဖုိ့လိုသည်။

ရန်ကုန်မြို့တွင် တိုးတက်လာသည့် လူဦးရေနှင့်အတူရွှေ့ပြောင်း အခြေချနေထိုင် သူများလည်း တိုးပွားလာနေသည့်အတွက် အိုးမဲ့အိမ်မဲ့ရာ ခိုင်နှုန်းများလည်း တစ်နှစ်ထက် တစ်နှစ်မြင့်တက်လာနေပြီဖြစ်သည်။ သို့အတွက် အိမ်ရာ လိုအပ်ချက်များလည်း နှစ်စဉ်တိုးတက်မြင့်မားနေမည်ဖြစ်သည်။ ထိုသို့ အိမ်ရာလို အပ်ချက်များအား ဖြည့်ဆည်းနိုင်ရေးအတွက် တန်ဖိုးနည်း၊ တန်ဖိုးသင့်အိမ်ရာစီမံ ကိန်းများဖြင့် ဖော်ဆောင်ပေးနေရာတွင် တန်ဖိုးနည်း၊ တန်ဖိုးသင့်အိမ်ရာ ဆိုသည်မှာ အများပြည်သူ လက် လှမ်းမမီနိုင်သည့် ဈေးနှုန်းများဖြစ်နေ သေး၍ ပေးကာပေး၏မရ၊ ကျွေးကား ကျွေး၏မဝဟူသောအဖြစ်များနှင့် ရင် ဆိုင်နေကြရသည်။ ထိုသို့သော အ ခြေအနေတွင်အိုးမဲ့အိမ်မဲ့ အိမ်ခန်းငှားနေထိုင်ကြရသူများအတွက် သတင်းကောင်းတစ်ခု ယခင်အစိုးရလက်ထက်တွင်ပေါ်ထွက်လာခဲ့ပါသည်။ ယင်းကားရန်ကုန်တိုင်းဒေသကြီးအစိုးရအဖွဲ့က ဖော်ဆောင်မည့်အငှားအိမ်ရာ စီမံကိန်းတစ်ခု ဆောက်လုပ်မည်ဟူသောသတင်းဖြစ်သည်။ ရန်ကုန်မြို့တွင် အိမ်ပိုင် ရာပိုင်မရှိသေးသူများအတွက် အငှားအိမ်ရာစီမံကိန်းတစ်ခု ဖော်ဆောင် မည်ဖြစ်ပြီး အိမ်ခန်းငှားရမ်းနေထိုင်လိုသူများသည် ၂ဝ၁၆ ခုနှစ် ဖေဖော် ဝါရီ ၁ ရက်မှ ၁၅ ရက်အတွင်း လျှောက်လွှာများကိုသက်ဆိုင်ရာမြို့နယ် အုပ်ချုပ်ရေးမှူးရုံးများတွင် လျှောက် ထားနိုင်သည်ဟုကြေညာခဲ့သည်။

ယင်းအငှားအိမ်ရာ စီမံကိန်းဖော်ဆောင်မည့် အစီအစဉ်သည် ၂ဝ၁၅ ခုနှစ် ဧပြီလကတည်းက ယခင်ရန်ကုန်တိုင်းဒေသကြီး အစိုးရအဖွဲ့က စိတ်ကူးကြံစည်ထား ပြီးသားဖြစ်သည်။ ထိုစဉ်တုန်းကလည်းအငှားအိမ်ရာ စီမံကိန်းတစ်ခုအဖြစ် မဟာဗန္ဓုလအငှားအိမ်ရာ စီမံကိန်းကိုအကောင်အထည်ဖော်မည်။ အိုးပိုင်အိမ်ပိုင်မရှိကြသေးသော အိမ်ခန်းငှားရမ်းနေထိုင်ကြရသူများအတွက် ငှားရမ်းခ သက်သက်သာသာဖြင့် နေထိုင်ခွင့်ရရေး ဆောင်ရွက်မည်ဟု ထုတ်ဖော်ပြောကြား ခဲ့ဖူးသည်။ သို့သော်ပြောဆိုပြီး ချက်ချင်းလက်ငင်း ဖော်ဆောင်နိုင်ခဲ့ခြင်း မရှိခဲ့ပါ။ ကြားထဲတွင် အခက်အခဲများပေါ်ပေါက်ခဲ့သည်ဟု ထင်မြင်ယူဆမိသည်။ ယင်းအခက်အခဲများမှာ အငှားအိမ်ရာစီမံကိန်းအတွက် နိုင်ငံတော်က ဘတ်ဂျက်ခွဲဝေချထားပေးရန် တင်ပြတောင်းဆိုနေရခြင်း၊ စီမံကိန်းဖော် ဆောင်ရာတွင် တိုင်းဒေသကြီး အစိုးရနှင့်ပုဂ္ဂလိကဆောက်လုပ်ရေး ကုမ္ပဏီများ အကျိုးတူပူးပေါင်းဆောင် ရွက်ခြင်းအတွက်တင်ဒါခေါ်ယူရေး၊ တင်ဒါစိစစ်ရေးနှင့် တင်ဒါရွေးချယ်ရာတွင် သမာသမတ်ကျရေးတို့အတွက်စူးစမ်းလေ့လာ ပြင်ဆင်နေရခြင်းနှင့်အခြားသောမသိနိုင်သည့် အခက်အခဲများ ပေါ်ပေါက်နေခြင်းများ ကြောင့် ဖြစ်လိမ့်မည်ဟု ထင်သည်။ သို့သော် ၂ဝ၁၆ နှစ် ဆန်းပိုင်းမှာ တော့ မဟာဗန္ဓုလအငှားအိမ်ရာ စီမံကိန်းအမှန်တကယ်အကောင်အ ထည်ဖော်တော့မည် ဟူသောသတင်းများအမှန်ပေါ်ထွက်လာပါသည်။ ထို့ကြောင့်လည်း ၂ဝ၁၆ ဖေဖော်ဝါရီထဲမှာ လျှောက်လွှာများ တင်နိုင်ကြောင်း ကြေညာခဲ့ခြင်းဖြစ်သည်။

မဟာဗန္ဓုလ အငှားအိမ်ရာဆို သည်မှာ ရန်ကုန်မြို့ ဒဂုံမြို့သစ်(တောင်ပိုင်း) မြို့နယ် အမှတ်(၂)လမ်းမကြီးနှင့် မဟာဗန္ဓုလလမ်း ထောင့်ရှိ မြေ ၁၂ ဒသမ ၅၃၄ ဧကပေါ်တွင်တည်ဆောက်ပြီး၊ တည်ဆောက်ဆဲအိမ်ရာကို ခေါ်ဆိုခြင်းဖြစ် သည်။ ယင်းအိမ်ရာရှိ အိမ်ခန်းတစ်ခန်းဖွဲ့စည်းပုံမှာ အိမ်ခန်းတစ်ခန်း၊ အိမ်သာရေချိုးခန်း၊ ဧည့်ခန်းတစ်ခန်း တို့ ပါဝင်မည်ဖြစ်ပြီး အိမ်ခန်းတစ်ခန်းလုံးအကျယ်အဝန်းမှာ ၅၆၉ ဒသမ ၅ စတုရန်းပေရှိသည်ဟုဆိုသည်။ ထိုစဉ်ကအငှားအိမ်ရာအိမ် ခန်းတစ်ခန်းငှားရမ်းခနှုန်းထားကို တစ်လကျပ်သုံးသောင်းမှ ငါးသောင်း ဝန်းကျင်အတွင်း သတ်မှတ်မည်ဖြစ်ပြီး၊ တစ်လတစ်ခါ အိမ်လခပေးသွင်းရသည့် စနစ်ကျင့်သုံးမည်ဟု သတင်းထွက်ပေါ်ခဲ့သည်။ လျှောက်လွှာတင်ရာတွင်လည်း မိသားစုတစ်ခုလျှင်လျှောက်လွှာတစ်စောင်သာ လက်ခံမည်ဖြစ်ကြောင်း၊ အမှန်အကန် အိုးပိုင်အိမ်ပိုင်မရှိသူဖြစ်ရမည်ဖြစ်ကြောင်း၊ လျှောက်လွှာကို သတ်မှတ်ထားသော ပုံစံအားကူးယူပြီး လျှောက်ထားရမည်ဖြစ်ကြောင်း စသည်ဖြင့် ကြေညာထုတ်ပြန်ခဲ့ သည်။ ဤတွင် လျှောက်လွှာပုံစံကိုကူးယူပြီးလျှောက်ထားကြရသည်ဆိုရာတွင် လျှောက်လွှာ ရောင်းစားခြင်း မသမာမှုကင်းဝေးစေရန်ဖြစ်သည်။

ထိုစဉ်တုန်းကလည်း လျှောက်လွှာရောင်းစားခြင်းမသမာမှုကိစ္စတစ်ခု ပေါ်ပေါက်ခဲ့ သည်။ အငြိမ်းစားဝန်ထမ်းများအား မြေကွက်ချထားပေးမည်ဟူသော သတင်းများ ကျယ် ကျယ်ပြန့်ပြန့်ထွက်ပေါ်ခဲ့ခြင်းအပေါ် အခွင့်ကောင်းယူကာ မသမာသော ဝန်ထမ်းအချို့က မြေကွက်ချထားပေးရေး လျှောက်လွှာများကို ရောင်း စားခဲ့ဖူးသော ဖြစ်ရပ်ပေါ်ပေါက်ခဲ့ဖူးသည်။ ထိုအခါသက်ဆိုင်ရာက ယင်းသတင်းကို ကောလာဟလာဖြစ်သည်ဟု ပြန်လည်ရှင်းလင်းခဲ့ရသည်။ သို့သော်ပင်စင်စား သက်ကြီးရွယ်အိုများကတော့ ဆေးဖိုးဝါးခအဖြစ် ဆောင်ထားသည့် ငွေပိုငွေလျှံ ကလေးများ အချောင်နှိုက်ခံလိုက်ရတော့သည်။

မဟာဗန္ဓုလအငှားအိမ်ရာ စီမံကိန်းတွင် ငှားရမ်းနေထိုင်လိုသူများ  လျှောက်လွှာ တင်ထားနိုင်သည်ဟုရန်ကုန်တိုင်းဒေသကြီးအစိုးရက ကြေ ညာခဲ့ပြီးနောက် ၂ဝ၁၆ ဖေဖော်ဝါရီတွင် စီမံကိန်းစတင်ပါတော့သည်။ ယင်းစီမံကိန်းအားတိုင်းအစိုးရအဖွဲ့၏ ကြီးကြပ်မှုဖြင့် ပုဂ္ဂလိကကုမ္ပဏီ ၂၆ ခုနှင့် ပူးပေါင်းဆောင်ရွက်ခဲ့သည်။ ယင်းပုဂ္ဂလိက ကုမ္ပဏီ ၂၆ ခုသည် စီမံကိန်းကို အပိုင်းလိုက်ခွဲဝေတည် ဆောက်ရမည်ဖြစ်သည်။ ထိုပုဂ္ဂလိက ကုမ္ပဏီ ၂၆ ခုသည်လည်း တင်ဒါ အောင်ခဲ့သော ကုမ္ပဏီများဖြစ်သည် ဟုဆိုသည်။ သို့သော်ထိုစဉ်က စီမံကိန်းအတွက် တင်ဒါခေါ်ယူခြင်း၊ စိစစ်ခြင်း၊ ရွေးချယ်ခြင်း ကိစ္စများအား ပွင့်လင်းမြင်သာထုတ်ပြန်ကြေညာခြင်းမရှိခဲ့ဟု ဝေဖန်သံများလည်းပေါ်ထွက်ခဲ့သည်။  စီမံကိန်းစတင်ပြီဆိုသောအခါ လျှောက်လွှာများလည်းတဖွဲဖွဲတက်လာပါသည်။ လျှောက်လွှာတင်ရန် မတိုးမခွေ့ရပေသည့်  လူတန်းကြီးကတော့ တမျှော်တခေါ် တော်တော်ရှည်သည်ဟု ဆိုသည်။ ဤတွင်မနက်အစောကြီးထကာနေရာဦးထားပြီး နေရာပြန်ရောင်းစား သည့် သူများလည်းရှိခဲ့သေးသည်ဆို၏။ လက်ရှိအချိန်အခါတွင်အစစအရာရာ စား ဝတ်နေရေး အထွေထွေ ကျပ်တည်းနေမှတော့ နေရာရောင်းစားသည့် ကိစ္စကလည်း နေရာတကာတွင်ရှိမည်ပင်။

ယင်းအငှားအိမ်ရာ စီမံကိန်းကိုဖော်ဆောင်ရန် ပြည်ထောင်စုအစိုးရက ကျပ်ဘီလီယံ ၂ဝ ထောက်ပံ့ပေးထားပြီး စီမံကိန်းအားလုံးပြီးစီးသွားလျှင် အငှားအိမ်ခန်းပေါင်း ၁၂ဝဝ ထွက်ရှိမည်ဖြစ်သည်။ လျှောက်လွှာများကတော့ သောင်းဂဏန်းမက ကျော်ထွက်သွားသည်ဟုသိရသည်။ ထို့ကြောင့် မဲနှိုက်စနစ် ကျင့်သုံးပြီး အိမ်ခန်းအငှားချထားပေးမည်ဟု ဆိုလာသည်။ ဤတွင် အငှားအိမ်ရာတွင် အိမ်ခန်းငှားရမ်းခ ဈေးသက်သက်သာသာဖြင့် နေချင်ကြသည့်သူများ မည်မျှများပြားနေသည်ကို ယခုမဟာဗန္ဓုလအငှားအိမ်ရာ လျှောက်လွှာများက သက်သေပြနေပေသည်။ အငှားအိမ်ရာတွင် နေထိုင်ခွင့်မဲပေါက်ကြသူများသည် အစိုးရအောင် ဘာလေ သိန်းဆုကြီးကြီး ပေါက်လိုက်သလို မဟာကံထူးရှင် ဖြစ်သွားရပေ သည်။ အမှန်တော့ အိုးပိုင်အိမ်ပိုင် မရှိသေးသူအားလုံး မဲမနှိုက်ရဘဲနှင့် မဟာကံထူးရှင်များ အသီးသီးဖြစ်သင့်သည်။ အချိန်ပေးစောင့်စားဆိုကလည်း အချိန်ပေးစောင့်စားကြမည့်သူချည်းဖြစ်သည်။ အိမ်ငှားခ တစ်လ ကျပ်သုံးသောင်းကို လစဉ်ပေးသွင်းပြီး တိုက်ခန်းနှင့်နေထိုင်ရမည်ဆိုလျှင် မည်သူမနေချင်ရှိပါမည်နည်း။ ယခုတော့ အငှားအိမ်ရာစီမံကိန်းသည် ဆင့်ပါးစပ်နှမ်းပက်သည့်ပမာ ဖြစ်နေပါသည်။ ထို့ကြောင့် သက်ဆိုင်ရာအာဏာပိုင်တို့သည် အငှားအိမ်ရာစီမံကိန်းများအား များများနှင့် မြန်မြန် တိုးချဲ့တည်ဆောက်ပေးရန် လိုအပ်နေပါသည်။

သည်ကြားထဲ ရန်ကုန်မြို့တော်ကြီးတွင် အိုးမဲ့အိမ်မဲ့ ဦးရေကလည်းတစ်နေ့တခြား တိုးပွားလာနေသည်။ အိမ်ခန်းငှားရမ်းခဈေးနှုန်းများကလည်း တစ်လထက်တစ်လ တက်သ ထက်တက်နေသည်။ ယခုအခါ ရန်ကုန်စည်ပင်သာယာနယ်နိမိတ် အတွင်းရှိ မြို့နယ် ၃၃ မြို့နယ်တွင် မည်သည့်မြို့နယ်၌ အိမ်လခဈေးသက်သာသော နေရာရှိသည်ဟု ကြားမိကြပါသနည်း။ မရှိပါ၊ မကြားမိပါ။ သူ့မြို့နယ်၊ သူ့ရပ်ကွက်၊ သူ့လမ်းအနေအထားဖြင့်သူ ဈေးကောင်းနေကြပါသည်။ ရန်ကုန်မြို့လယ်ကောင် Down Town ခြောက်မြို့နယ်အပါအဝင် ဆက်စပ်မြို့နယ်အများစုတွင် ယခုအခါ ကျပ်တစ်သိန်းမှနှစ်သိန်းကြားပေးမငှားလျှင် တူတူတန်တန်တိုက်ခန်းဖြင့် နေရလိမ့်မည်မဟုတ်။ ယင်းနှုန်းထားသည် အမြင့်ငါးလွှာမှအထက်ရှိသော တိုက်ခန်းများ၏ ဈေးနှုန်းဖြစ်သည်။ ငါးလွှာအောက်တွင် နေချင်သည်ဆိုလျှင်တော့ ကျပ်နှစ် သိန်းမှသုံးသိန်းခွဲ၊ လေးသိန်းကြားပေး ငှားမှ ရလိမ့်မည် ဧကန်ပင်။ လတ်တ လော ၂ဝ၁၇ မေလထဲတွင် တိုက်ခန်းများ အရောင်းအဝယ်အေးစက်နေသည်၊ ဆောက်လုပ်ရေးလုပ်ငန်းများ အိပ်ငိုက်နေကြရသည်ဟုဆိုနေသော်လည်း တိုက်ခန်းအငှားဈေးကွက်မှာတော့ ခပ်တည်တည်ဖြင့် ခေါင်းထောင်ထနေသည်။ အိမ်ငှားနေကြရသူအတန်းအစားအားလုံး အိမ်ခန်းငှားရမ်းခဈေးနှုန်း ကဆုန်ပေါက်နေသော မြင်းဆိုးကြောင့် သောက ရောက်နေကြရသည်။ ယင်းပရမ်းပ တာမြင်းဆိုးကို မည်သူမျှဇက်သတ်ပြီး ထိန်းချုပ်မပေးနိုင်ကြသေး၊ မည်သူမျှလည်း ထည့်စဉ်းစားမပေးနိုင်ကြသေး။

၂ဝ၁၇၊ မေ ၂၂ ရက်မှာတော့ မဟာဗန္ဓုလအိမ်ရာစီမံကိန်းထဲက ဆောက်လုပ်ပြီးစီးပြီး လူနေထိုင်ခွင့်အသင့်ဖြစ်ပြီဆိုသော တိုက်ခန်းများအား မဲပေါက်ထားသူများကို ဒုတိယအသုတ်အဖြစ် အိမ်ခန်းသော့များ ပေးအပ်ခဲ့သည်ဟု သိရသည်။ အခန်းပေါင်း ၅၂၈ ခန်းကို ပေးအပ်သွားမည်ဟုလည်းဆိုသည်။ ပထမအသုတ်ပေးအပ်ခြင်းကို ဧပြီလအတွင်းက ပြုလုပ်ခဲ့ပြီးဖြစ်သည်။ ယင်းကိစ္စနှင့် ပတ်သက်၍ မြို့ပြနှင့်အိမ်ရာ ဖွံ့ဖြိုး ရေးဦးစီးဌာနမှ ဦးစီးအရာရှိ ဒေါ်သီတာသန်းက မေ ၂၃ ရက်က ယခုလို ပြောဆိုခဲ့သည်။

''မဟာဗန္ဓုလ အငှားအိမ်ရာမှာ တိုက်အလုံး ၅ဝ ရှိပါတယ်။ ပထမအသုတ်တိုက် ၁၈ လုံး မှာတဲ့ အခန်းတွေကို မဲပေါက်ထားသူတွေကို ဧပြီလပိုင်းက ပေးအပ်ပြီးပါပြီ။ အခု မေ ၂၂ မှ ၂၆ ရက်အထိ တိုက် ၂၂ လုံးက အခန်းပေါင်း ၅၂၈  ခန်းကို ပေးအပ်သွားမှာပါ။ ဒီရက်ပိုင်းမှာ One Stop စနစ်နဲ့လုပ်ပေးသွားမှာပါ။ ကုမ္ပဏီဘက်ကလည်း အခန်းသော့တွေထုတ်ပေးတယ်။ ကျွန်မတို့ဘက်ကလည်း ငွေသွင်းပြီးတာနဲ့ တိုက်ခန်းကိုတက်နေခွင့်ပြုထားပါတယ်။ အိမ်ငှားနေတဲ့ သူတွေထဲမှာ ကလေးတွေပါမယ်ဆိုတော့ ကျောင်းဖွင့်ရာသီကျောင်းအပ်တာ အဆင်ပြေ အောင်လို့လုပ်ပေးတာပါ။ ၂၆ ရက် ကျော်ရင်တော့ ပထမအသုတ်က ကျန်တဲ့သူရော၊ ဒုတိယအသုတ်က ကျန်တဲ့သူတွေကိုပါတိုက်ခန်းတွေ ဆက်ပေးသွား မှာပါ။ ဒီနေ့ မေ ၂၂ မှာတော့ အခန်းသော့လာထုတ်သူ ၇၂ ဦးရှိပါတယ်''ဟုဆိုသည်။

ယင်းအိမ်ရာတွင် မဲပေါက်ပြီး နေထိုင်ခွင့်ရသူသည် တိုက်ခန်းစပေါ် ငွေကျပ် ၃ဝဝဝဝ၊ အိမ်ခန်းငှားခ ကျပ် ၃ဝဝဝဝ လစဉ်၊ ပြုပြင်ထိန်းသိမ်း စရိတ် ကျပ် ၅ဝဝဝ (လစဉ်)၊ သန့်ရှင်းရေးခွန် ကျပ် ၁ဝဝဝ (လစဉ်)၊ အခွန်တံဆိပ်ခေါင်းခ ကျပ် ၈ဝဝဝ ကနဦးပေးသွင်းရမည်ဖြစ်သည်။ လစဉ်ပေးသွင်းရမည်ကတော့ ကျပ် ၃၆ဝဝဝ ဖြစ်သည်။ ရေခွန်ရေခမည် သို့ပေးသွင်းရမည်နည်းနှင့် မည်သို့ သွယ်တန်းပေး မည်နည်းကိုတော့မသိရသေးပါ။ လျှပ်စစ်မီးတာခကတော့ ထုံးစံအတိုင်း မိမိသုံးစွဲသလောက် ကျသင့်ငွေကို လက်ရှိသတ်မှတ်နှုန်းထားအတိုင်း ပေးဆောင်ရ မည်ဖြစ်သည်။ မည်သို့ပင်ဖြစ်စေ အငှားအိမ်ရာ တိုက်ခန်း (အနည်းငယ်တော့ကျဉ်းပါ သည်။ မိသားစု သုံးဦးလေးဦးလောက်ဆိုလျှင် အိုကေပြီး မိသားစုများလျှင်တော့ အိုမကေတော့ပါ)တွင်တစ်လကျပ်လေးသောင်းနီးပါး လစဉ်ပေးသွင်းပြီး နေထိုင်ခွင့်ရမည်ဆိုလျှင် လက်ရှိပေါ်ပေါက်နေသော အထွေ ထွေကုန်ဈေးနှုန်းဒဏ်ကို ခုသာခံသာ ရှိကြလိမ့်မည်ထင်သည်။ ထို့ကြောင့် အငှားအိမ်ရာ စီမံကိန်းများ အထူး လိုအပ်နေပါသည်။ အငှားအိမ်ရာစီမံကိန်းဖြစ်၍ တန်ဖိုးနည်း၊ တန်ဖိုးသင့် အိမ်ရာများကဲ့သို့ ငွေပြန်မပေါ်နိုင်ပါ။ အစိုးရက ငွေမြှုပ်နှံထားနိုင်ရပါမည်။ အစိုးရက အရှုံးခံပေးထားနိုင်ရပါမည်။

မောင်လွင်ပြင်

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.