21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
အခမဲ့ပညာရေး၊ နှစ်မကုန်မီကျောင်းထွက်ခြင်းနှင့် အခြေခံပညာရေးလောက ပြသနာများ

၂ဝ၁၇-၂ဝ၁၈ ပညာသင်နှစ် အခြေခံပညာကျောင်းများ စတင်ဖွင့် လှစ်ပါတော့မည်။ ယခုပညာသင်နှစ် ကျောင်းအပ်နှံခြင်း ရက်သတ္တပတ်ကိုလည်း နှစ်စဉ်နှစ်တိုင်း သတ်မှတ်မြဲဖြစ်သော မေ ၂၅ မှ ၃၁ ရက်အထိ သတ်မှတ်ထားသည်။ ယခုပညာသင်နှစ်သည်လည်း ယခင်နှစ်များကကဲ့သို့ အခြေခံပညာအတန်းများအားလုံး အခမဲ့ပညာသင်ကြားရေး အစီအစဉ် အတိုင်းဖြစ်သည်။ ယင်းအခမဲ့ ပညာသင်ကြားရေး အစီအစဉ်နှင့် ပတ်သက်၍ ပညာရေးဝန်ကြီးဌာနက ယခုနှစ်အတွက် ထွေထွေထူးထူးထုတ် ပြန်ထားခြင်းမရှိသေး။

        ယမန်နှစ်ကတော့ အင်န်အယ်လ်ဒီအစိုးရ အာဏာစတင်သက်ဝင် သော နှစ်ဖြစ်၍ အခြေခံပညာကျောင်းများ ကျောင်းအပ်နှံရေး အစီအစဉ်အတွက် အခမဲ့ ထောက်ပံ့ခြင်းကိစ္စကို ကျောင်းအပ်နှံခြင်း ရက်သတ္တပတ်မစတင်မီ တစ်ပတ်အလိုကတည်းက နိုင်ငံပိုင် သတင်းစာများတွင် ထုတ် ပြန်ကြေညာပေးခဲ့သည်။ ၂ဝ၁၆ ခုနှစ် မေ ၁၇ ရက်တွင် ဖော်ပြပါရှိခဲ့ သော အစိုးရသစ်၏ ''အခြေခံပညာ ကျောင်းများတွင် ကျောင်းအပ်နှံရေး အစီအစဉ်အတွက် အခမဲ့ထောက်ပံ့မှုများ'' ခေါင်းစဉ်ဖြင့် ဖော်ပြခဲ့သည် များကို ပြန်လည်တင်ပြပါမည်။

        သူငယ်တန်း (ကေဂျီ) အတွက် ကျောင်းဝတ်စုံတစ်စုံ (အခမဲ့)၊ အလယ် တန်း အဆင့်အတွက် ကျောင်းသုံးပြဋ္ဌာန်း စာအုပ်တစ်စုံ (အခမဲ့)၊ (ကျောင်း လခ၊ မိဘဆရာ အသင်းကြေး၊ အားကစားကြေး၊ စာရေးကိရိယာနှင့် စာကြည့်တိုက်ကြေး ကင်းလွတ်ခွင့်)ဟု ဖော်ပြထားသည်။ ထို့နောက် 'ပညာရေး ဝန်ထမ်းများအားလုံး သိရှိလိုက်နာရမည့် အချက်များ' ခေါင်းစဉ်အောက်တွင် ကျောင်းအပ်နှံသည့် ကျောင်းသားကျောင်းသူ အားလုံးကို မည်သည့် အခကြေးငွေမှ ကောက်ခံခြင်းမပြုရ။ ကျောင်းအပ်နှံခြင်းအတွက် ငွေကြေးလက်ဆောင်ပစ္စည်းတစ်စုံတစ်ရာ လက်ခံခြင်းမပြုရ။ ကျောင်းဝတ်စုံအတွက် အတန်းတံဆိပ်နှင့် ကျောင်းတံဆိပ်များ ရောင်းချခြင်းမပြုရ။

အခြား မည်သည့်ပစ္စည်းကိုမျှလည်း ရောင်းချခြင်းမပြုရဟု ဖော်ပြထား သည်။

        ပြီးနောက် 'မိဘများသို့ မေတ္တာရပ်ခံချက်' ခေါင်းစဉ်အောက်တွင် မိမိ တို့ သက်ဆိုင်ရာ နယ်မြေများတွင်သာ ကျောင်းသားကျောင်းသူများကို ကျောင်းအပ်နှံကြပါရန်၊ ကျောင်းအပ် နှံခြင်းအတွက် မိဘပြည်သူများက ''ငွေကြေးနှင့် လက်ဆောင်ပစ္စည်း များ''ကို ကျောင်းအုပ် ဆရာ ဆရာမ များ ဝန်ထမ်းများကို ပေးအပ်ခြင်း မပြုရန်၊ ထပ်ကျော့ကျောင်းအပ်နှံခြင်း ကြောင့်လည်းကောင်း၊ ကျောင်းအပ်နှံ နှုန်းမြင့်မားလာခြင်းကြောင့်လည်း ကောင်း၊ ကျောင်းသုံးပြဋ္ဌာန်းစာအုပ် ဝေခြင်း အစီအစဉ်နှင့်လည်း ပူးပေါင်းပြီး လုံလောက်စွာ ဖြန့်ဝေလိုပါသဖြင့် သတ်မှတ်မြို့နယ်အလိုက် ကျောင်းဝင်ခွင့်လျှောက်ထားမှုနှင့် ပတ်သက်၍ ပိုမိုချောမွေ့အဆင်ပြေစေမည့် နည်းလမ်းများကို အကြံပြုကြပါရန်ဟု ဖော်ပြထုတ်ပြန်ကြေညာထားသည်။            ယင်းတို့သည်ယမန်နှစ်က ကျောင်းအပ်နှံခြင်း အစီအစဉ်များပင်ဖြစ်သည်။ ယခုပညာသင်နှစ်တွင် လည်း ယင်းကဲ့သို့အတိုင်းပင် အခမဲ့ကျောင်းအပ်နှံခြင်း အစီအစဉ်အတိုင်း ကျောင်းအပ်လက်ခံနေကြပြီဖြစ်သည်။  ယင်းသည်ပင်လျှင် အခြေခံပညာ အတန်းအားလုံးအတွက် အခမဲ့ ပညာသင်ကြားရေးအဖြစ် ကျောင်းသားမိဘများ နားလည်လက်ခံနေကြ ရသည်။

        ယခုနှစ်မှာတော့ ပညာရေးဝန် ကြီးဌာနက ကျောင်းအပ်နှံခြင်း ရက်သတ္တပတ် မစတင်မီ စောစောစီးစီး ညွှန်ကြားချက်တစ်ခု ထုတ်ပြန်ထားသည်။ ၂ဝ၁၇-၂ဝ၁၈ ပညာသင်နှစ်အတွက် အခြေခံပညာကျောင်းများတွင် ကျောင်းအပ်နှံလက်ခံရာ၌ ကျောင်းဝင်ဆံ့မှုဦးရေအရ စနစ်တကျဖြင့် စီစဉ်ဆောင်ရွက်လက်ခံကြရန် အခြေခံပညာကျောင်းများသို့ ညွှန် ကြားထားသည်။ ရန်ကုန်တိုင်းဒေသ ကြီးအတွင်း အခြေခံပညာကျောင်း များတွင် ပညာရေးမှူးရုံးမှ တာဝန်ရှိ သူများ၊ ခရိုင်နှင့်မြို့နယ်  ပညာရေး မှူးများ၊ ကျောင်းအုပ်ကြီးများနှင့် ဆွေးနွေးမှုများပြုလုပ်ခဲ့ကြပြီး ဝန်ကြီး ဌာနက သတ်မှတ်ထားသည့်မူများဖြင့် ကျောင်းအပ်နှံခြင်းကို လက်ခံဆောင်ရွက်ကြရန် ညွှန်ကြားထား သည်ဟု သိရသည်။ ဆိုလိုသည်မှာ မိမိမြို့နယ်အတွင်းရှိသော ကျောင်း တွင် တက်ရောက်သင်ကြားနေသော ကျောင်းသားသည် မိမိမြို့နယ်အတွင်းရှိ ကျောင်း၌ပင် ကျောင်းဆက်လက်အပ်နှံပြီး ကျောင်းဆက်တက်ကြရန် သဘောမျိုးဖြစ်သည်။ အခြားမြို့နယ်သို့ပြောင်းခြင်း၊ နာမည်ကြီး ကျောင်းများသို့ ပြောင်းရွှေ့ကျောင်း ထားခြင်းများမပေါ်ပေါက်စေရန် ကျောင်းဝင်ဆံ့မှုဦးရေအရ စနစ်တကျ လက်ခံရမည်ဟု ကန့်သတ်ထားခြင်း ဖြစ်မည်ဟု ယူဆသည်။ ယင်းအဖြစ် အပျက်များသည်လည်း ယခင်နှစ်များကတည်းက ကျောင်းဖွင့်ရာသီရောက် တော့မည်ဆိုလျှင် မကြာခဏပေါ်ပေါက်လာစမြဲဖြစ်သည်။ ကျောင်း သားမိဘအများစုသည် ရန်ကုန်မြို့တော်တွင်ရှိသော ကောင်းပေ့ဆိုသည့် ကျောင်းများတွင် မိမိသားသမီးကိုထားချင်ကြသည်။ ထိုကောင်းပေ့ဆိုသည့် ကျောင်းများတွင် ကျောင်းအပ်နှံနိုင်ရေး အသည်းအသန်အားထုတ်ကြသည်။ ထိုကျောင်း၏ ကျောင်းအုပ်ကြီးနှင့် ကျောင်းအုပ်ကြီးကို နားပေါက်အောင် ပြောဆိုနိုင်သော ဆရာ ဆရာမ အချို့တို့အား အသေကပ်ကြ သည်။ လက်ဆောင်ပစ္စည်း အထုပ်ကြီးကြီး၊ ကန်တော့ပစ္စည်းခြင်းကြီးခြင်းငယ် အသွယ်သွယ်ကို အိမ်တိုင် ရာရောက် ပေးကမ်းတတ်ကြသည်။

အချို့တတ်နိုင်သူမိဘများဆိုလျှင် ကျပ်သိန်းလေးငါးခြောက်ဆယ် တစ် ရာအထိ ရှိသော ငွေထုပ်ကြီးဖြင့် ဂါရဝပြုကြသည်။ သို့ဖြင့် ပညာရေး လောကတွင် ကျောင်းကောင်းကောင်း၌ ကျောင်းအပ်နှံနိုင်ရေး တတ်နိုင်သူ မိဘများ သူ့ထက်ငါကောင်း အပြိုင်ကြိုးစားကြသောအခါ ပညာရေးဝန်ထမ်းကြီးအချို့ အဂတိလိုက်စားကြပါတော့သည်။ အကျင့်ပျက်ခြစားကြပါတော့သည်။ အငြိမ်းစားယူလျှင် အေးအေးလူလူ ထိုင်စားနိုင်ရန် ရေရှည်စီမံကိန်းချပြီး ဆင်ကြံကြံကြပါ တော့သည်။ ထို့ကြောင့်လည်း ပညာ ရေးလောကတွင် လွန်စွာရှက်စရာ ကောင်းသည့် ထိုကိစ္စများ ပပျောက် သွားရေး အင်န်အယ်လ်ဒီအစိုးရ တက်လာလျှင် တက်လာပြီးချင်း ၂ဝ၁၆-၂ဝ၁၇ ပညာသင်နှစ်မှ စတင်ကာ 'မိဘများသို့ မေတ္တာရပ်ခံချက်' ဟူ၍ တစ်သီးတစ်သန့်ဖော်ပြကာ မိဘများအနေဖြင့် မိမိတို့ ကျောင်း သားကျောင်းသူများအား မိမိတို့ သက် ဆိုင်ရာ နယ်မြေများတွင်သာ ကျောင်း အပ်နှံကြရေး၊ ကျောင်းအပ်နှံရာတွင် လည်း မိဘပြည်သူများအနေဖြင့် ငွေကြေးနှင့် လက်ဆောင်ပစ္စည်းများ ကို ကျောင်းအုပ်ကြီး၊ ဆရာ ဆရာမ များနှင့် ဝန်ထမ်းများကိုမျှ ပေးအပ် ခြင်း မပြုရေးတို့ကို နှိုးဆော်အသိပေး မေတ္တာရပ်ခံခဲ့ခြင်းဖြစ်သည်။

        ယခုနှစ်တွင် ကျောင်းအပ်နှံခြင်းကိစ္စနှင့်ပတ်သက်၍ ထူးခြားမှုတော့ တစ်ခုတွေ့ခဲ့သည်။ ယင်းမှာ ၂ဝ၁၇-၂ဝ၁၈ ပညာသင်နှစ်အတွက် ကျောင်းအပ်လက်ခံခြင်းကို စနစ်တကျဆောင်ရွက်နိုင်ရန် အခြေခံ ပညာကျောင်းများတွင် 'ကျောင်းသားစိစစ်လက်ခံရေးအဖွဲ့'များ ဖွဲ့စည်း ဆောင်ရွက်ခဲ့ခြင်းဖြစ်သည်။ ကျောင်းအပ်နှံရာတွင် အပ်နှံသူကျောင်းသား ကျောင်းသူများအား ဘာအတွက် စိစစ်ရသနည်း ၊ ဘာတွေစိစစ်ခဲ့သ နည်း၊ ဘာကြောင့် စိစစ်ရသနည်းများ ကို အသေအချာမသိခဲ့ရပါသော် လည်း အခြေခံပညာအထက်တန်း ကျောင်းတစ်ကျောင်း၏ ကျောင်းအုပ်ကြီးတစ်ဦးအပြောကတော့ ''ကျောင်း သားလက်ခံရေးအတွက် ကျောင်းသားစိစစ်လက်ခံရေးအဖွဲ့ကို ဖွဲ့စည်းထား ခြင်းဖြစ်ပါတယ်။ ကျောင်းအပ်နှံတဲ့ အခါမှာလည်း သတ်မှတ်ထားတဲ့ မူဝါဒတွေအတိုင်း စိစစ်လက်ခံသွားရမှာဖြစ်ပါတယ်။ ကျောင်းအပ်လက်ခံ တာကိုလည်း ပညာရေးဝန်ကြီးဌာနက ညွှန်ကြားထားတဲ့ ကျောင်းအပ်နှံ ရေး ရက်သတ္တပတ်အတွင်း ဆောင် ရွက်သွားရတာဖြစ်ပါတယ်''ဟုလောက် သာ သိခွင့်ရခဲ့သည်။

        အမှန်တော့ ကျောင်းလာအပ်ကြလျှင် မိမိမြို့နယ်အတွင်းက ကျောင်းသားဟုတ်မဟုတ်၊ နယ်ကျော် မြို့နယ်ကျော် လာရောက်အပ်နှံခြင်း ဟုတ် မဟုတ်တို့ကို စိစစ်ကြခြင်းဖြစ် လိမ့်မည်ထင်သည်။ သို့မဟုတ်ပါက လည်း အထက်တန်း ကျောင်းသား များဖြစ်သည့် နဝမတန်း၊ ဒသမတန်း ကျောင်းသားများ ကျောင်းလာအပ် လျှင် ၄င်းကျောင်းသားသည် နိုင်ငံရေးရာဇဝင်ရှိခဲ့ဖူးသလား၊ အကသ(အ ခြေခံပညာကျောင်းသားများသမဂ္ဂ)အဖွဲ့ဝင် ကျောင်းသားများ ဖြစ်ခဲ့ဖူးသလား၊ ဆူပူလိုစိတ်ရှိသူလား၊ ဆန္ဒပြရာတွင် ပါဝင်ခဲ့ဖူးသလား စသည့်အချက်များကို စိစစ်ချင်၍လည်း ဖြစ်နိုင်သည်။

        ကျောင်းသားလက်ခံခြင်းကို စနစ်တကျ ဆောင်ရွက်နိုင်ရန်အ တွက် ကျောင်းသား စိစစ်လက်ခံရေး အဖွဲ့ ဖွဲ့စည်းခဲ့ရာတွင် ဥက္ကဋ္ဌအဖြစ် သက်ဆိုင်ရာ ကျောင်းမှ ကျောင်းအုပ် ကြီးကလည်းကောင်း၊ အဖွဲ့ဝင်များအဖြစ် မြို့နယ်ပညာရေးမှူးရုံးမှ ကိုယ် စားလှယ်တစ်ဦး၊ မိဘဆရာအသင်း ဒုတိယဥက္ကဋ္ဌ ကျောင်း အကျိုးတော် ဆောင် ဥက္ကဋ္ဌ၊ အထက်တန်း၊ အ လယ်တန်း၊ မူလတန်း -

အဆင့်အလိုက် ဆရာကိုယ်စားလှယ် တစ်ဦးစီနှင့်အတွင်းရေးမှူးအဖြစ် မိဘဆရာအသင်းအတွင်းရေးမှူး (ဆရာ)တို့ဖြင့် ဖွဲ့စည်းခဲ့ခြင်းဖြစ်၏။

        ယခု ပညာသင်နှစ်တွင် ထူးခြား မှုတစ်ခုရှိလာပါသေးသည်။ မူလ တန်းအဆင့် ပထမတန်းကျောင်းသားများအား သင်ရိုးသစ်ဖြင့် သင်ကြားတော့မည့် အစီအစဉ်ဖြစ်သည်။ ပထမတန်း သင်ရိုးသစ်အရ သင် ကြားရာတွင် ဘာသာ ၁ဝ ဘာသာ အထိ သင်ယူရမည်ဟု ဆိုသည်။ သင်ကြားပေးနေကျ မြန်မာစာ၊ အင်္ဂလိပ်စာ၊ သင်္ချာ၊ လူမှုရေး၊ စာရိတ္တ နှင့် ပြည်သူ့နီတိ ဘာသာများအပြင် ဖွံ့ဖြိုးရေးဘာသာရပ်များလည်း ပါဝင် လာမည်။ ထိုအထဲတွင် အနုပညာ ဘာသာရပ်ဖြစ်သော ပန်းချီ၊ ဂီတ စသည့် ဘာသာရပ်တို့နှင့် ကာယပညာ၊ ဘဝတွက်တာကျွမ်းကျင်ရာတို့ကို လက်တွေ့သင်ကြားပြသကြရမည် ဟု သိရသည်။ ထို့ကြောင့် ယင်း ဘာသာရပ်များအား ပိုင်ပိုင်နိုင်နိုင် သင်ကြားပြသပေးနိုင်ရန် မူလတန်း အဆင့် ဆရာ ဆရာမများအား ယခု နှစ်မေလအတွင်းက ရက်သတ္တတစ် ပတ်စာ မွမ်းမံသင်တန်းများ ပေးခဲ့ သည်ကိုလည်း တွေ့ရသည်။ ပထမတန်း သင်ရိုးသစ်အစီအစဉ်သည် အင်န်အယ်လ် ဒီအစိုးရလက်ထက် ထပ်မံပြဋ္ဌာန်းချမှတ်ခဲ့သည့် အမျိုးသားပညာရေး မဟာဗျူဟာ စီမံကိန်း ၂ဝ၁၆-၂ဝ၂၁ ထဲက အစီအစဉ်တစ် ခုဖြစ်လိမ့်မည်။ ယင်းမဟာဗျူဟာ စီမံကိန်းနှစ်ရှည် စီမံချက်အရ တစ်နှစ်ပြီးတစ်နှစ်ချင်း တစ်တန်းပြီးတစ်တန်းသင်ရိုးသစ်များ ပြုပြင်ရေးဆွဲ ပြဋ္ဌာန်းပေးသွားလိမ့်မည်ဟု ပညာရေးအသိုင်းအဝိုင်းကဆိုသည်။ ယင်းသင်ရိုးသစ် ပြုပြင်ရေးဆွဲ ပြဋ္ဌာန်းသင်ကြားပေးခြင်း အစီအစဉ်သည် ကျောင်းသား ဗဟိုပြုသင်ကြားရေး စနစ်သို့မဟုတ် ကလေးဗဟိုပြုသင်ကြားရေးစနစ်ဆီသို့ ချဉ်းကပ်ခြင်း ဖြစ်သည်ဟုလည်း ဆိုနေကြသည်။ ယမန်နှစ်ကလည်း သူငယ်တန်း သင်ရိုးကို ပြုပြင်ပြောင်းလဲပြီး သင်ရိုးသစ်ဖြင့် စတင်သင်ကြားပေးခဲ့သည်။ ကလေးဗဟိုပြုသင်ကြားရေးစနစ်ကို ယမန်နှစ်ကတည်းက စတင်နိုင်ခဲ့ သည်ဟုလည်း ပြောနေကြသည်။ မူလတန်းအဆင့် ဆရာ ဆရာမများ ကတော့ နွေရာသီ မွမ်းမံသင်တန်း များ၊ သင်ကြားရေး အစီအစဉ်ပြောင်း လဲမှု သင်တန်းများကြားတွင် အပြေး အလွှားဖြင့် အသက်ရှူပေါက်မချောင် ဖြစ်နေကြရသည်ဟု အသံများကြားရ သည်။

        မည်သို့ပင်ဖြစ်စေ၊ သင်ကြားရေး စနစ်ကို ကလေးဗဟိုပြု သင်ကြားရေး စနစ်သို့ စတင်ပြောင်းလဲနေပါပြီဟု ဆိုနေစေကာမူ နှစ်စဉ်နှစ်တိုင်း ဒါ သင်၊ ဒါကျက်၊ ဒါဖြေဆိုသည့် လမ်းရိုးဟောင်းကြီးက ခွဲမထွက်နိုင်သေးသည်ကိုတော့ တွေ့မြင်နေကြရမည်ဖြစ်သည်။ ပညာရေးဟူသည် ကျောင်း သားဗဟိုပြုသင်ကြားရေးစနစ် မည်မျှ  ပင်ကောင်းကောင်း၊ ဦးဆောင်သင် ကြားသူ ဆရာ ဆရာမ၏ အရည်အ ချင်း ညံ့ဖျင်းအားနည်းလျှင်လည်း အလကားပင်ဖြစ်မည်ဖြစ်သည်။ အခြေခံပညာအဆင့် ဆရာ ဆရာမ များတွင်လည်း အခက်အခဲများစွာရှိ သည်။ လစာရိက္ခာလောက်ငအောင် ပေးမထားနိုင်ခြင်းသည် အဓိက ပြဿနာဖြစ်သည်။ ကျောင်းဆရာ ဆရာမများအလုပ်သည် မိသားစု စားဝတ်နေရေးကို ဖူလုံအောင် မစွမ်း ဆောင်နိုင်သဖြင့် ငါ့ဝမ်းပူဆာမနေ သာ ကျူရှင်ပြနေရခြင်းဖြစ်သည်။ မြန်မာ့ပညာရေး အဆင့်အတန်း မြှင့် တင်ချင်ပါသည်ဆိုလျှင် ခေတ်ဆွေး ခေတ်ဟောင်းက သင်ကြားနည်း အဟောင်းများကို စွန့်လွှတ်ပစ်ပယ်ခြင်းများလည်း ပြုလုပ်ရမည်။ စာမေးပွဲ စနစ်များကိုလည်း ပြုပြင်ပြောင်းလဲပစ်ရမည်။ ထိုနည်းတူ အခြေခံပညာဆရာ ဆရာမများ၏ လစာဝင်ငွေကိုလည်း မြှင့်တင်ပေးရပါမည်။ အခြေခံပညာ ဆရာ ဆရာမများ စာသင်ကြားခြင်းအလုပ်ကို စိတ်ပါလက်ပါ နှစ်၍ လုပ်ကိုင်နိုင်အောင် သူတို့၏ မိသားစုဘဝစားဝတ်နေရေး ဖူလုံစိတ်ချမှုရှိစေရေး နိုင်ငံတော်အစိုးရက စီစဉ်ဆောင်ရွက်ပေးသင့်သည်။

        ယခုတော့လည်း ပညာရေးဝန် ကြီးဌာနသည် အမျိုးသားပညာရေး မူဝါဒများ တစ်မျိုးပြီးတစ်မျိုး ထပ်မံ ထည့်သွင်းဖြည့်စွက်ရေးဆွဲနေကြပြီး ကျောင်းသားများအပေါ် စမ်းသပ်နေ ဆဲပညာရေးစနစ် ဝဲသြဃထဲ တဝဲ လည်လည်လှည့်နေတုန်းပင်ဖြစ်သည်။ ယင်းအတွက် ကျောင်းသားမိဘများကလည်း ပညာသင်ကြားခြင်းစနစ် မတည်ငြိမ်မှုအပေါ် အစမ်းသပ်ခံပညာရေးစနစ်ဆက်လက်တည်ရှိနေခြင်းအပေါ် အတော်ကလေး မကျ မချမ်းဖြစ်နေကြသည်။ သို့သော် စောဒကတက်ဖို့ အရေးကျတော့ မည် သူမျှမတတ်နိုင်ကြချေ။ နှစ်စဉ်နှစ် တိုင်း ပညာရေးဝန်ကြီးဌာနက ချမှတ် ပေးလိုက်သည့် မူဝါဒ လမ်းညွှန်ချက် များအတိုင်းသာ မီးစင်ကြည့်ကနေ ကြရသည်။ ယင်းအထဲတွင် ကျောင်းသားမိဘများအပြင် ပညာရေးဝန်ထမ်းများလည်း အပါအဝင်ဖြစ်သည်။           ပညာရေးဝန်ကြီးဌာနသည် ယခုနှစ်တွင်လည်း ကျောင်းအပ်နှံခြင်း အခမဲ့ထောက်ပံ့ပေးနေသော အစီအ စဉ်ကို 'အခမဲ့ ပညာရေးစနစ်'ဟု အသားလုပ်ကာ ပြောနေတုန်းဖြစ်သည်။ ဘာကြောင့်မှန်းမသိ၊ ယခင်အစိုးရ အဆက်ဆက်ကသုံးနှုန်းခဲ့သော အဓိပ္ပာယ်လည်းလွဲနေသော 'အခမဲ့ ပညာရေးစနစ်'ဆိုသည်ကြီးကို မပစ်ပယ်နိုင်၊ မစွန့်လွှတ်နိုင်ကာ ညာတာပါတေး ယူသုံးနေရသနည်းဆိုသည်ကို မေးကြည့်စမ်းချင်သည်။ အမှန်တော့ အခမဲ့ပညာရေးစနစ်ဆို သည်မှာ ကျောင်းအပ်ချိန်တွင် ကျောင်းဝတ်စုံတစ်စုံ၊ ဗလာစာအုပ် ခြောက်အုပ်၊ ကျောင်းသုံးပြဋ္ဌာန်းစာ အုပ်တစ်စုံအခမဲ့ပေးခြင်းနှင့် ကျောင်း ဝင်ကြေး၊ ကျောင်းလခ၊ မိဘဆရာ အသင်းကြေး၊ စာရေးကိရိယာနှင့် စာ ကြည့်တိုက်ကြေးများ ကင်းလွတ်ခွင့် ပေးခြင်းတို့ကို ဆိုလိုသည်မဟုတ်။ ယင်းတို့သည် ကျောင်းအပ်ချိန် အခမဲ့ အထောက်အပံ့ပေးခြင်း သက်သက် သာဖြစ်သည်။  ယခု အခမဲ့ ထောက် ပံ့ပေးနေခြင်းများသည် တကယ်တော့ ကျောင်းအပ်ချိန် အခမဲ့ အထောက် အပံ့ပေးခြင်းသက်သက်သာဖြစ်သည်။ ယခု အခမဲ့ထောက်ပံ့ပေးနေခြင်းများ သည် တကယ်တော့ မပြည့်စုံသေးဟုဆိုရမည်။ အခြေခံပညာအဆင့် ကျောင်းသားတစ်ဦးအနေဖြင့် ကျောင်းဝတ်စုံတစ်စုံသည် စာသင်နှစ် တစ်နှစ်စာအတွက် ဖူလုံပါပြီလား၊ စဉ်းစားကြည့်လျှင် အဖြေပေါ်သည်။  ကျောင်းသားတစ်ဦးအတွက် ကျောင်း ဝတ်စုံအနည်းဆုံး သုံးစုံစာရှိမှ တစ်နှစ် စာဖူလုံရုံရှိမည်ကို အားလုံးအသိဖြစ် သည်။ ထို့ပြင် ဗလာစာအုပ်ခြောက်အုပ် အခမဲ့ပေးသည်ဆိုရာတွင်လည်း ဟာသဖြစ်နေသည်။ တစ်နှစ်စာအတွက် ဗလာစာအုပ်ခြောက်အုပ်ဖြင့် မည်သို့မျှ မလုံလောက်၊ ဗလာစာအုပ် ခြောက်အုပ်ဟူသည် ကျောင်းသား တစ်ဦးအတွက် တစ်ဘာသာတစ်အုပ်ထားပြီး လေ့ကျင့်ရန် မှတ်စုရေးသား အိမ်စာပြုလုပ်ရမည်ဆိုလျှင်ပင် လောက်ငမှုမရှိသည်ကို လူတိုင်းသိ သည်။ ထို့ပြင်လည်း ကျောင်းဝင် ကြေး၊ ကျောင်းလခ၊ မိဘဆရာ အ သင်းကြေး၊ အားကစားကြေး၊ စာ ကြည့်တိုက်ကြေးဆိုသည့် အဖိုးအခများသည်လည်း နဂိုကတည်းက ကောက်ခံစရာမလိုသော အဖိုးအခ များဖြစ်သည်။ ယင်းအဖိုးအခများကို အကြောင်းပြပြီး ယင်းအဖိုးအခ ကောက်ခံရရှိငွေများနှင့် မိဘများဆီ က တိုးတိုးတစ်မျိုး ကျယ်ကျယ်တစ် မျိုးဖြင့် ကောက်ခံထားသည့် အလှူငွေများဖြင့် ကျောင်းဖွံ့ဖြိုးရေးလုပ်ငန်း များ ပြန်လုပ်စေရမည်ဟု ယခင်က ညွှန်ကြားထားချက်များသည်လည်း အဓိပ္ပာယ်မဲ့လွန်းသော လုပ်ရပ်များဖြစ်ခဲ့သည်။ မိဘများကတော့ မိမိ သားသမီးပညာရေးအတွက် အောင့် ကအည်းကာ သည်းခံကာ မထည့်ချင် လည်းထည့်၊ ထည့်ချင်လည်းထည့်ဖြင့်  အေးဓားပြအတိုက်ခံခဲ့ကြရသည်။

        အမှန်တော့ အခမဲ့ ပညာရေး စနစ်ဆိုသည်မှာ သူများနိုင်ငံများတွင် ကျင့်သုံးနေသော စနစ်အရ နိုင်ငံ တော် အစိုးရ၊ ပညာရေးဝန်ကြီးဌာန သည် မသင်မနေရ ပညာရေးအဆင့် ဖြစ်သည့် အခြေခံပညာအဆင့် ကျောင်းများအားလုံးတွင် ကျောင်း သားတိုင်းအတွက်

ထိုကျောင်းသား၏ တစ်နှစ်စာလုံး ပညာသင်ကြားစရိတ်အားလုံးကို ကျ ခံပေးရခြင်းကို ဆိုလိုသည်။ ယင်းပညာသင်ကြားစရိတ်များထဲတွင် ကျောင်းဝတ်စုံတစ်နှစ်စာ အစုံအလင် ပါဝင်သည်။ ကျောင်းသုံး စာအုပ်နှင့် စာရေးကိရိယာ၊ ပစ္စည်းပစ္စယများ၊ သင်ထောက်ကူပစ္စည်းများ အားလုံးပါ ဝင်သည်။ ကျောင်းသား၏ ကျန်းမာရေး စောင့်ရှောက်မှုစရိတ်စကပါဝင် သည်။ ကျောင်းသား၏ ကာယÓဏ ဖွံ့ဖြိုးရေး အစီအစဉ် ကုန်ကျစရိတ် များ ပါဝင်သည်။ ထို့ပြင်ကလေးငယ် များ အာဟာရဖွံ့ဖြိုးရေးအတွက် နံနက်စာတစ်နပ် အခမဲ့ ကျွေးမွေးရေး အစီအစဉ်လည်းပါဝင် ပြန်ပါသေးသည်။ အခမဲ့ပညာရေး စနစ်ကျင့်သုံးသော အခြေခံပညာ ကျောင်းတိုင်းသည် မိမိကျောင်းသားများ၏ ကိစ္စ အဝဝကိုလည်း တာဝန်ယူမှု၊ တာဝန် ခံမှုရှိပြန်ပါသည်။ ယင်းသို့ ကျင့်သုံး နိုင်မှ နိုင်ငံတော်အစိုးရက  ကျောင်း သားတစ်ဦး၏ ကျောင်းနေခြင်း တစ် နှစ်စာကုန်ကျစရိတ်ကို တာဝန်ယူကျ ခံပေးနိုင်ပါမှ အခမဲ့ပညာရေးစနစ်ဟု ခေါ်ဆို၍ ရပါမည်။ ယခုတော့ ကျောင်းအပ်ချိန် ကျောင်းဝတ်စုံတစ်စုံ သာပေး၊ ဗလာစာအုပ် ခြောက်အုပ် လောက်သာပေးထားနိုင် ရုံမျှလောက် ဖြင့် အခမဲ့ပညာရေး စနစ်ဟု အခဲ့ ပညာရေးစစ်ဟု အသားယူဖော်ပြ ပြောဆိုနေခြင်းများသည်ရှက်စရာ ပင်ကောင်းနေပါသည်။

        မြန်မာ့ပညာရေးလောကတွင် ယခုလို ကျောင်းအပ်ရာသီရောက်ပြီ ဆိုလျှင် ကျောင်းနေအရွယ်ကလေး ငယ်အားလုံး ကျောင်းအပ်နှံခြင်းရက် သတ္တပတ်တွင် မဖြစ်မနေကျောင်း အပ်ကြပါရန် အထူးဆော်သြလေ့ရှိ ကြသည်။ ယင်းသည်လည်း ပညာရေး ဝန်ကြီးဌာနအနေဖြင့် နှစ်စဉ်နှစ်တိုင်း ကျောင်းအပ်နှံနှုန်းပြည့်မီသည်။ ရာ ခိုင်နှုန်းအားဖြင့် တစ်နှစ်ထက်တစ်နှစ် ပိုမိုမြင့်တက်လာနေသည်ကို အပြ ကောင်းအောင်လုပ်နေခြင်းဖြစ်သည်ဟုမြင်မိသည်။ အမှန်တော့ ကျောင်း နေအရွယ်ကလေးအားလုံး ကျောင်း စာသင်ခန်းအတွင်းရှိနေရမည်မှာ ဖြစ်သင့်သော ကိစ္စတစ်ရပ်ဖြစ်ပါသော်လည်း ကျောင်းအပ်နှံခြင်း၏ နောက်ကွယ်တွင် ကျောင်းထွက်နှုန်း များတစ်နှစ်ထက်တစ်နှစ် မြင့်မားလာသည်ကိုလည်း လေ့လာဆန်းစစ်သုံး သပ်ဖြေရှင်းကြဖို့ လိုနေပါသေးသည်။

        မြန်မာနိုင်ငံသည် ကျောင်းဖွင့်တော့မည့် ရာသီကျောင်းအပ်နှံခြင်း ရက်သတ္တပတ်အတွင်း ကျောင်းအပ်နှံခြင်းများ အရေအတွက်မြင့်မားတိုး တက်လာနေသည်ဟုဆိုလျှင် မှန်ပါသည်။လက်ခံပါသည်။ ယင်းသို့ ကျောင်းအပ်နှံခြင်းရာခိုင်နှုန်းများ ပြည့်မီတိုးပွားလာနေခြင်းသည် ကျောင်းအပ်နှံခြင်းတွင် အခမဲ့ ထောက်ပံ့ပေးခြင်းအစီအစဉ်ကြောင့်ဟုဆိုလျှင်လည်း တစ်ဝက်တစ်ပျက် မှန်ပါသည်။ လက်ခံပါသည်ဟု ဆိုရ ပါမည်။ သို့သော် ကျောင်းအပ်နှံခြင်း ရာခိုင်နှုန်းများ ပြည့်မီတိုးပွားနေခြင်းနှင့်အတူ အတန်းမပြီးဆုံးခင်၊ စာသင်နှစ်မကုန်ဆုံးခင် ကျောင်းထွက်သွား ကြသည့် ဦးရေလည်း မြင့်မားနေ သည်ဟုဆိုလျှင် လက်ခံဖို့လိုအပ်ပါ လိမ့်မည်။ ယမန်နှစ်က စစ်တမ်းတစ်ခု ပေါ်ထွက်ခဲ့သည်။ ယင်းစစ်တမ်းကို မြန်မာ့ပညာရေး ပြုပြင်ပြောင်းလဲမှု ပြုလုပ်ရေးပြင်ပပညာရေး ပညာရှင်အဖွဲ့အစည်းအချို့က ပူးပေါင်းလေ့လာသုတေသနပြုခဲ့ကြ ခြင်းဖြစ်သည်။ ယင်းစစ်တမ်းကို ထောက်ရှုပြီး ပေါ်ထွက်လာသော အဖြေအရ ကျောင်းထွက်နှုန်း မြင့်မား နေခြင်းကိစ္စအား ကျောင်းအုပ်ကြီး များ ကိုယ်တိုင်၊ ခရိုင် တိုင်းဒေသကြီး နှင့် ပြည်နယ်စသည့် ပညာရေး အာဏာပိုင်အချို့ကိုယ်တိုင်ကအစ ယင်းကိစ္စကို  ထိထိရောက်ရောက် ကိုင်တွယ်ဖြေရှင်းဖို့လိုနေပြီဖြစ် ကြောင်း ပြောကြားထားခြင်းများရှိခဲ့ သည်။ ကျောင်းထွက်နှုန်းသည် မြို့ ပေါ်ကျောင်းများတွင် မသိသာသော်လည်း ကျေးလက်တောရွာများတွင် သိသာနေသည်ဟုဆိုသည်။ ကျောင်းဖွင့်ပြီး သုံးလေးလအကြာတွင် မိဘ များကိုယ်တိုင် လာရောက် ကျောင်း နုတ်သွားကြသည်ဟု ဆို၏။ ၄င်းမိဘ တို့သည် ဆင်းရဲနွမ်းပါးကြသည်။ စားဝတ်နေရေးအတွက် ကျားကုတ်ကျား ခဲ ရုန်းကန်နေကြရသူများဖြစ်သည်။ အတန်းမပြီးဆုံးခင် သို့မဟုတ် စာ သင်နှစ် မကုန်ဆုံးခင် ကျောင်းနုတ်ရ ခြင်း၏ အဓိက အကြောင်းရင်းမှာ ကျောင်းစရိတ် မတတ်နိုင်တော့၍ဟု ဆိုကြသည်။ ကျောင်းစရိတ်ဆိုသည်မှာ ကျူရှင်ခ၊ ကျောင်းဝတ်စုံခ၊ မုန့်ဖိုး၊ လမ်းစရိတ် စသည်တို့ပါဝင်သည်။ ကျောင်းနုတ်ရခြင်းမှာ ကျောင်းစရိတ် မတတ်နိုင်တော့၍ဟု အကြောင်းပြသော်လည်း အဓိကမှာတော့ စား ဝတ်နေရေး ပြဿနာအတွက် အ ရွယ်မတိုင်ခင် အလုပ်ခိုင်းချင်၍ ကျောင်းနုတ်ရသည်က (ကျောင်း ထွက်ရသည်က) အများဆုံးဖြစ်နေ သည်ဟု သုတေသနစစ်တမ်းက ဖော်ပြထားသည်။ ဤသို့ဖြင့် မြန်မာနိုင်ငံတွင် ကလေးအလုပ်သမားများလည်း နှစ်စဉ်တိုးပွားလာနေရခြင်းနှင့် အတန်းမပြီးဆုံး ခင်ကျောင်းထွက်နေ ရခြင်းကိစ္စများသည် တစ်နည်းတစ်ဖုံ ဆက်စပ်နေ ပြန်ပါတော့သည်။

        ထို့ပြင် မြန်မာ့ပညာရေးလောက တွင် အခြေခံပညာ အဆင့်အတန်း များအားလုံး ကျောင်းအပ်ချိန်တွင် ထိုက်သင့်သောအခမဲ့ထောက်ပံ့ခြင်း အစီအစဉ် ကျောင်းအပ်ပြီးသကာလ နောက်ဆက်တွဲပြဿနာတစ်ခုကလည်း ကပ်ပါလာပါသေးသည်။ ယင်းမှာအတန်းတိုင်း သူငယ်တန်းမှ ဒသမတန်းအထိ ကျူရှင်ယူနေရခြင်း ပြဿနာဖြစ်သည်။ ကျူရှင်ဟူသည် မယူဘဲနေလျှင်လည်းရသည်။ သို့ သော် ကျူရှင်မယူသော (ကျူရှင်မယူ နိုင်သော) ကျောင်းသားသည် လူစဉ် မမီသော ကျောင်းသားအဖြစ်သို့ ဆိုက် ရောက်သွားနိုင်ပြီး စိတ်ဒဏ်ရာများပင် ရကောင်းရသွားနိုင်သည်။ မူလတန်း အဆင့်တွင် ကျူရှင်မယူလျှင် ရနိုင် သော်လည်း အလယ်တန်းနှင့် အထက်တန်း အဆင့်ရောက်လျှင်တော့ ကျူရှင်ယူမှ စာပိုကျေမည့်သဘောရှိသည်။ လူစွမ်းကောင်းလုပ်ပြီး ကျူရှင် မယူလျှင်တော့ တက္ကသိုလ်ဝင်တန်းသို့ ရောက်လျှင် ခွေးအကြီးလှည်းတက် နင်းမိသလို အိုးတိုးအတဖြင့် ရှေ့ခရီး ဆက်နိုင်လိမ့်မည်မဟုတ်ချေ။ ထို့ကြောင့် အခြေခံပညာအဆင့် မြန်မာ့ ပညာရေးသည် ကျူရှင်ဟူသော အပိုသင်ကြားရသည့် အလုပ်ပိုတစ်ခုကို လက်လွှတ်၍မရအောင် မဖြစ်မနေလုပ်နေကြရပေသည်။ ထို့ကြောင့်လည်း ကျူရှင်သဘောသင်ကြားရခြင်း စရိတ်စကသည် ပညာရေးအသုံးစရိတ်တွင် ခန့်ခန့်မိန့်မိန့်ကြီးယူထားကာ မိဘများအားကြိမ်နှင့်တို့ပြီး အတင်းရုန်းခိုင်းကျုံးခိုင်းနေပါလေ တော့သည်။ ထို့ပြင် မြန်မာ့ပညာရေး  လောကတွင် ကျောင်းအပ်ချိန်ရောက် တိုင်း၊ ကျောင်းဖွင့်ရာသီရောက်တိုင်း၊ အမြဲကြုံတွေ့နေရသော ပြဿနာများ လည်း ရှိနေပါသေးသည်။ ယင်းတို့ ကား ဆရာအလုံအလောက်မရှိသည့် ပြဿနာ၊ ကျောင်းသားဆရာ အချိုး မညီမျှမှုပြဿနာ၊ စာသင်ကျောင်း ဆောင်များတွင် စာရေးစားပွဲနှင့်ထိုင်ခုံ အလုံအလောက်မရှိသည့် ပြဿနာနှင့် စာသင်ကျောင်းဆောင်များ လုံခြုံမှုမရှိသည့် ပြဿနာများရှိနေပါသေးသည်။ ယင်းတို့သည် ကျေးလက်တော ရွာများတွင် ပိုမိုဆိုးရွာနေသည်။           မြန်မာ့ပညာရေးကို ပြုပြင်ပြောင်းလဲရေး နှစ်ရှည်မဟာဗျူဟာ စီမံကိန်းချထားပေသည်။ သင်ကြား ရေးစနစ် ပြောင်းလဲရေး၊ သင်ရိုးညွှန် တမ်း ပြောင်းလဲရေးများ စီစဉ်ဆောင် ရွက်နေသည်။ ကျောင်းထွက်နှုန်း များနေခြင်းကိုလည်း ရှာဖွေဟန့်တားထိန်းထားရပါဦးမည်။ အမှန်တော့ ကျောင်းနေအရွယ်သည် ကျောင်းစာ သင်ခန်းထဲတွင်သာ ရှိကိုရှိနေစေရပါ မည်။

မောင်လွင်ပြင်

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.