24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
ရင်းနှီးမြှုပ်နှံမှု တိုးတက်နေတဲ့ ဂျာမန် အိမ်ရာဈေးကွက်
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
အခြေခံ ပညာရေးကို ငွေဖြင့် ချိန်စက် ဝယ်ယူနေရသော တိုင်းပြည်

ဦးသိန်းစိန် အစိုးရလက်ထက် အမျိုးသား ပညာရေး ဥပဒေမ ပြဋ္ဌာန်းမီကာလက ပညာရေးနှင့် ပတ်သက်၍ မြန်မာနိုင်ငံပညာရေး မြှင့်တင်မှု အကောင်အထည်ဖော်ရေး အစီအစဉ်များကို ရေးဆွဲခဲ့ကြ ဖူးသည်။ ယင်းအစီအစဉ်များထဲတွင် အမျိုးသားအဆင့် လက်တွေ့ ကျသော ပညာရေး ပြုပြင်ပြောင်းလဲမှု ကိစ္စများလည်း ပါဝင်သည်။ အမျိုးသားအဆင့် လက်တွေ့ကျသော ပညာရေးပြုပြင်ပြောင်းလဲမှု များထဲတွင် 'ချက်ချင်းလုပ်ရမည့် ပြုပြင် ပြောင်းလဲရေး ကိစ္စများ' ဆိုသည်လည်း ပါဝင်ပါသည်။

 မြန်မာနိုင်ငံ ပညာရေးမြှင့်တင်မှု အကောင်အထည်ဖော်ရေး အစီအစဉ်များ ဆောင်ရွက်ရာတွင် 'အမျိုးသား အဆင့် လက်တွေ့ကျ သော ပညာရေးပြုပြင်ပြောင်းလဲမှု'ဟု ခေါင်းစဉ်ပေးပြီး ဆွေးနွေးပွဲများ ကျင်းပခဲ့သည်။ ၂ဝ၁၄ ခုနှစ် မတ် ၅ ရက်က ကျင်းပခဲ့သည့် အမျိုးအသားအဆင့် လက်တွေ့ကျသော ပညာရေးပြုပြင် ပြောင်းလဲမှု ဆွေးနွေးပွဲတစ်ခုကို တင်ပြပါမည်။ ယင်းဆွေးနွေးပွဲသို့ ထိုစဉ်က ဒုတိယသမ္မတ ဒေါက်တာ စိုင်းမောက်ခမ်း တက်ရောက်ခဲ့၏။ ထို့ပြင် တစ်နိုင်ငံလုံးတွင်ရှိသော ပညာရေးနှင့် စပ်လျဉ်းသည့် အဖွဲ့အစည်း အားလုံးလည်း တက်ရောက်ခဲ့သည်။ ပညာရေးအာဏာပိုင်များ ပညာ ရေး၊ အရာရှိကြီးများ အုပ်ချုပ် ရေးပိုင်းဆိုင်ရာ ပုဂ္ဂိုလ်များ၊ တက္ကသိုလ် ကောလိပ်သိပံ္ပ အသီးသီးက ပါမောက္ခချုပ်များ၊ ကျောင်းအုပ်ကြီးများ၊ တိုင်းဒေသကြီး ပြည်နယ်ခရိုင်၊ မြို့နယ် အသီးသီးက ပညာရေး မှူးများ၊ အခြေခံပညာကျောင်းများက ကျောင်းအုပ်ဆရာ ဆရာမများ၊ ပုဂ္ဂလိက ကျောင်းများက တာဝန်ခံများ စုံညီစွာ တက်ရောက်ခဲ့သည်။ ယင်း ဆွေးနွေးပွဲတွင် ဒေါက်တာစိုင်းမောက်ခမ်းက မြန်မာနိုင်ငံ ပညာရေးစနစ် ပြုပြင်ပြောင်းလဲရေး အစီအစဉ်များ ရေးဆွဲပုံနှင့် ပညာရေးမြှင့်တင်မှု အကောင်အ ထည်ဖော်ရေး ကော်မတီကြီး တစ်ရပ် ဖွဲ့စည်းကာ ပညာရေးပြုပြင်ပြောင်း လဲမည့် လုပ်ငန်းအဆင့်ဆင့် အ ကြောင်းကို ရှင်းလင်းပြောကြားခဲ့ ကြောင်း မှတ်သားထားမိသည်။

ထိုသို့ ပြုပြင်ပြောင်းလဲမည့် ပညာရေးစနစ်သည် 'လက်တွေ့ကျ သော ပညာရေးပြုပြင်ပြောင်းလဲမှု' ဟုလည်း ဒေါက်တာ စိုင်းမောက်ခမ်း က ဝိဂြိုဟ်ပြုကာ ထပ်တလဲလဲ ထည့် ထည့်ပြောကြားသွားခဲ့သည်။ ဒေါက် တာ စိုင်းမောက်ခမ်း ပြောကြားချက် ထဲတွင် လက်တွေ့ကျသော ပညာရေး ပြုပြင်ပြောင်းလဲရေးအတွက် ဆွေး နွေးပွဲများ ကျင်းပနေခြင်းနှင့်အတူ အခြားတစ်ဖက် တွင်လည်း ချက်ချင်း လုပ်ရမည့် ပြုပြင်ပြောင်းလဲရေး ကိစ္စ များကို ပညာရေးဝန်ကြီးဌာန အပါ အဝင် ဆက်စပ်နေသည့် ဝန်ကြီးဌာန များက ဆောင်ရွက်နေကြောင်းလည်း ထည့်သွင်းပြောကြားသွားခဲ့သည်။ ယင်းသို့ 'ချက်ချင်းလုပ်ရမည့် ပြုပြင် ပြောင်းလဲရေး ကိစ္စများ' ဟူသည်ကို ကျောင်းသား မိဘပြည်သူများ မှတ်သားလေ့လာနိုင်ရန် ပြန်လည် ကောက်နုတ်တင်ပြပါမည်။

အဓိက ဆောင်ရွက်နေသော ကိစ္စ များမှာ တစ်နည်းအားဖြင့် အခြေခံပညာရေး ကဏ္ဍမှာ -

အခြေခံပညာရေးကဏ္ဍတွင် ကျောင်းအပ်နှံနှုန်း၊ ကျောင်းနေမြဲနှုန်း၊ အတန်းကူးပြောင်းနှုန်း ညွှန်းကိန်းများ မြင့်မားလာစေရေး၊ အရည် အသွေး အာမခံချက်ရှိရေးတို့အတွက် မူလ တန်းနှင့် အလယ်တန်း အခမဲ့ပညာ သင်ကြားရေး ဆောင်ရွက်ခြင်း။

မူလတန်း အဆင့်ကျောင်းများ၌  ဆရာ ဆရာမ ငါးဦး အပြည့်ခန့်ထား ရေး ဆောင်ရွက်ခြင်း။

ဆရာ ဆရာမများ၊ ကျောင်းအုပ် များနှင့် မြို့နယ်ပညာရေးမှူးများ စွမ်း ဆောင်ရည် မြှင့်မားရေး သင်တန်း များ ဖွင့်လှစ်ခြင်း။

ဆရာ အတတ်သင် သင်တန်း များ တိုးချဲ့ ဖွင့်လှစ်ပို့ချရေး စီမံ ဆောင်ရွက်ခြင်း။

 ကျောင်းသား ကျောင်းသူများ စဉ်းစားတွေးခေါ်မှု မှန်ကန်ရေးနှင့် ဦးနှောက်ဖွံ့ဖြိုးတိုးတက်ရေး သင်ရိုး များ ပြုပြင်ပြောင်းလဲ ရေးဆွဲခြင်း၊ စာမေးပွဲနှင့် အကဲဖြတ်စစ်ဆေးသည့် စနစ် ပြောင်းလဲအကောင်အထည် ဖော်ခြင်း။

 အဆင့်မြင့်ပညာကဏ္ဍတွင် -

တက္ကသိုလ်များ နိုင်ငံတကာ အဆင့်မီရေးနှင့် ပိုမိုလွတ်လပ်သော တက္ကသိုလ်များ ဖြစ်လာစေရေး။

သုတေသနနှင့် သင်ကြားရေးကို နိုင်ငံတကာ တက္ကသိုလ်များနှင့် ပူး ပေါင်းဆောင်ရွက်ရေး။

သုတေသနအခြေပြု တက္ကသိုလ် များ ဖြစ်လာစေရန် ဦးတည်ဆောင် ရွက်ရေး စသည်စသည်တို့ကို ချက် ချင်းလုပ်ဆောင်ရမည့် ကိစ္စ များဟု သတ်မှတ်ထားပြီး အခြားပညာရေးနှင့် ဆိုင်သော ကိစ္စများဖြစ်သည့် ပညာ သင်ဆုများနှင့် ပညာသင် ထောက်ပံ့ ကြေးများပေး အပ်ခြင်း၊ ကင်းထောက် လူငယ်များ ဖွဲ့စည်းခြင်း၊ ဘက်စုံထူး ချွန်လူငယ်များ ပေါ်ထွက်လာရေး အားပေးချီးမြှင့်ခြင်း၊ သင်ကြားမှု သင် ယူမှုအတွက် လိုအပ်သည့် အခြေခံ အဆောက်အအုံများ တိုးချဲ့ခြင်း၊ သင် ထောက်ကူပစ္စည်း ဖြည့်ဆည်းပေး ခြင်းနှင့် စာကြည့်တိုက် များ တိုးချဲ့ခြင်း စသည်တို့ကိုလည်း ချက်ချင်းဆောင် ရွက်ဖွယ် ကိစ္စများအဖြစ် ဆောင်ရွက် မည်ဟု ပြောကြားခဲ့သည်။

 ဒေါက်တာစိုင်းမောက်ခမ်းတို့  ၏ ပညာရေးစနစ်ပြုပြင်ပြောင်းလဲ ရေး  'ချက်ချင်းလုပ်ရမည့် ကိစ္စများ' သည် ကြားလိုက်ရသည်နှင့် ကျောင်း သားမိဘပြည်သူများ အံ့မခမ်းဝမ်း မြောက်ဖွယ်ရာဖြစ်ခဲ့သည်။ ရည်ရွယ် ချက်များ ကောင်းမွန်ပါသည်ဟုလည်း တဒင်္ဂချီးမွမ်း ခံလိုက်ရသည်။ ထိုစဉ် က 'ချက်ချင်း လုပ်ဆောင်ရမည်'ဟူ သော စကားနှင့်အညီ ချက်ချင်း လုပ် ပေးသွားနိုင်သည်လည်း ရှိခဲ့သည်။ တဖြည်းဖြည်းချင်း လုပ်ပေးသွားခဲ့ သည်လည်း ရှိခဲ့သည်။ ချက်ချင်း လုပ် ပေးသွားခဲ့သည်ကတော့ မူလတန်း အလယ်တန်းနှင့် အထက်တန်းဆင့် များကို အခမဲ့ ပညာသင်ကြားရေး လုပ်ပေးသွားနိုင်ခဲ့သည်။ သို့သော် တစ်ဖက်ကမ်းပြိုတစ်ဖက်သောင်ထွန်း ခဲ့၏။ တဖြည်းဖြည်းချင်း လုပ်ပေးခဲ့ သည်က ဆရာဆရာမများအား မွမ်းမံ သင်တန်းများ ပေးခြင်းဖြစ်သည်။ ယင်းသည်လည်း နှစ်စဉ်နှစ်တိုင်း နွေ ရာသီကျောင်းပိတ်ရက်ရှည်တွင် ဆရာ ဆရာမများ သင်ကြားရေးပိုင်း၊ အုပ်ချုပ်ရေးပိုင်း မွမ်းမံသင်တန်းများ ခေါ်ယူလေ့ကျင့် သင်ကြားပေးခြင်း အစီအစဉ်များ၏ လုပ်လက်စ အ လုပ်များပင်ဖြစ်သည်။

သည်တွင် ချက်ချင်းလက်ငင်း လုပ်မပေးနိုင်သည်များလည်း ရှိခဲ့ သည်။ အခြေခံပညာကျောင်းများ၌ ဆရာ ဆရာမအရေအတွက် လုံ လောက်အောင် ခန့်ထားမပေးနိုင်ခြင်း ဖြစ်သည်။ အထူးသဖြင့် ကျေးလက် တောရွာများနှင့် ဝေးလံခေါင်ဖျား ဒေသများတွင် ဖြစ်သည်။ ယခု မြန် မာနိုင်ငံတွင် အခြေခံပညာအဆင့် ဆရာ ဆရာမများ လိုအပ်ချက်များစွာ ရှိနေသည်။ ကျောင်းသားနှင့် ဆရာ အချိုးလည်း မညီမမျှဖြင့် ကွာဟ နေဆဲဖြစ်သည်။ အချို့သော ဒေသ များတွင် စာသင်ကျောင်းနှင့် ကျောင်း သားများကား အဆင်သင့်ရှိသည်။ သင်ကြားပေးမည့် ဆရာ ဆရာမများ လုံးဝမရှိသည့် ပြဿနာများနှင့် ရင် ဆိုင်နေရသည်။ အချို့သော ဒေသ များတွင် ဆရာ ဆရာမ မမြဲသည့် ပြဿနာလည်း ရှိနေသည်။

 ဒေါက်တာစိုင်းမောက်ခမ်းတို့ လုပ်ပေးသွားခဲ့သော ပညာရေးပြုပြင် ပြောင်းလဲရေး ချက်ချင်းလုပ်ရမည့် အစီအစဉ်များတွင် အခြေခံ ပညာအဆင့်ကို အခမဲ့ပညာသင်ကြားရေး အဖြစ် လုပ်ပေးသွားခဲ့သည်ကိုလည်း ပြောစရာရှိနေသေးသည်။ အခမဲ့ ပညာသင်ကြားရေး ဟူသည် အဘယ် နည်း။ အခမဲ့ ပညာသင်ကြားရေး စနစ်ဟူသည်ကို မည်သို့နားလည် ထားကြသနည်း။ အခမဲ့ပညာသင် ကြားရေးဟူသည် ကျောင်းအပ်ချိန် ရက်သတ္တပတ်အတွင်း ကျောင်းဝင် ကြေး၊ ကျောင်းအပ်ကြေး ဘာကြေး ညာကြေးမကောက်ခံ၊ ကျောင်းဝတ်စုံ တစ်စုံပေး၊ ပုံနှိပ်စာအုပ်နှင့် ဗလာ စာအုပ်ခြောက်အုပ်စီ အခမဲ့ထုတ်ပေး လိုက်ခြင်းကို ခေါ်ပါသလား။ အခမဲ့ ပညာသင်ကြားရေးစနစ်ဟူသည် စာ သင်နှစ်တစ်နှစ်လုံး ကျောင်းသားမိဘ များ ပညာသင်ကြားစရိတ်အတွက် တစ်ပြားတစ်ချပ်မျှ အကုန်အကျ မခံစေရဆိုသည်နှင့် မသက်ဆိုင်ဘူး လားဆိုသည့် မေးခွန်းများ မေးစရာရှိ လာသည်။

ထို့ပြင် အဆင့်မြင့်ပညာ အဆင့်တွင်လည်း ချက်ချင်းလုပ် ဆောင်ရမည်ဟု ရည်မှန်းထားသည့် တက္ကသိုလ်ကောလိပ်သိပံ္ပကျောင်းများ လွတ်လပ်မှုပိုမိုရရှိရေးဆိုသည်မှာ လည်း ရယ်စရာဟာသတစ်ခုအဖြစ် ကျန်ရစ်ခဲ့ပါသည်။ တက္ကသိုလ်များ ပိုမိုလွတ်လပ်ဖို့ မပြောနှင့် မလွတ်မ လပ်ဖြင့် ပိုမိုတင်းကျပ်မှုများ ပြုလုပ် နေသည်ကို မြင်တွေ့ကြားသိနေရ သည်။ တက္ကသိုလ်ကောလိပ် သိပံ္ပ ကျောင်းများတွင်  ကျောင်းသားသမဂ္ဂ လည်း ဖွဲ့ခွင့်မရ၊ ဖွဲ့ထားကြသည့် ကျောင်းသားသမဂ္ဂများကိုလည်း အသိအမှတ်မပြု၊ လွတ်လပ်စွာလည်း လှုပ်ရှားခွင့်မပေး၊ ဆရာ ဆရာမ သမဂ္ဂအဖွဲ့များကိုလည်း အသိအမှတ် မပြုခဲ့ချေ။ ထို့ပြင် ထိုစဉ်က ဗိုလ်ချုပ်အောင်ဆန်း ၁ဝ၁ နှစ်ပြည့် ဟောပြောပွဲများကိုလည်း ခွင့်မပြုခဲ့။ဗိုလ်အောင်ကျော် နှစ် ၁ဝဝ ပြည့်ပွဲ လည်း ပိတ်ပင်ခံခဲ့ရဖြင့် ဦးသိန်းစိန် တို့ ဒေါက်တာစိုင်းမောက်ခမ်းတို့ အစိုးရသည် ကျောင်းသားများအား အငြိုးကြီးကြီးထား ကန့်သတ်ချုပ် ချယ်မှုများ ကျော်မကောင်းကြားမ ကောင်းအောင် ပြုလုပ်သွားခဲ့ကြ သည်ကို ယနေ့တိုင် သတိရနေဆဲဖြစ် သည်။

ထို့ကြောင့် သူတို့၏ လက်တွေ့ ကျသည်ဆိုသော ပညာရေးပြုပြင် ပြောင်းလဲမှု အစီအစဉ်များနှင့် ချက် ချင်းလုပ်ရမည့် ပြုပြင်ပြောင်းလဲရေး များသည် မြန်မာ့ပညာရေးလောက အတွက် ရည်ရွယ်ချက်ကောင်း ကြောင်း အပြသက်သက်ဖြစ်သွားခဲ့ရ ပါတော့သည်။ ယခု အင်န်အယ်လ်ဒီ အစိုးရသက်တမ်းနှင့်အညီ ဒုတိယ အကြိမ် လွှတ်တော်များဖြစ်သော ပြည်သူ့လွှတ်တော်နှင့် အမျိုးသား လွှတ်တော်တို့တွင် ''ပညာရေး မြှင့် တင်မှု ကော်မတီ'' များကို ဖွဲ့စည်း တာဝန်ပေးပြီးဖြစ်သည်။ လွှတ်တော် ဆိုင်ရာ ပညာရေးမြှင့်တင်မှု ကော်မတီတွင် ပါဝင်တာဝန်ခံထားကြရ သည့် လွှတ်တော်ကိုယ်စားလှယ်များ အား အကြံပြုလိုသည်။ မြန်မာ့ပညာ ရေးစနစ်သည် ဆက်လက်ပြုပြင် ပြောင်းလဲကြရဦးမည့် သဘောရှိ သည်။

ထိုသို့ ပြုပြင်ပြောင်းလဲရေး အစီအစဉ်များ ရေးဆွဲအကောင်အ ထည်ဖော်ရေး အစိုးရအဖွဲ့သို့ အကြံပြုထောက်ပြဆွေးနွေး ကြမည်ဆိုလျှင် ယခင်ဒေါက်တာစိုင်းမောက်ခမ်းတို့ လက်ထက်ကကဲ့သို့ လက်တွေ့ကျ သော ပညာရေးပြုပြင်ပြောင်းလဲမှုဟု ပြောပြောပြီး တကယ်လက်တွေ့မကျ စိတ်ကူးယဉ်ဆန်နေသော ပြုပြင် ပြောင်းလဲရေး သင်္ကြန်အမြောက်တစ် လုံးပြီးတစ်လုံး ဖောက်ပြနေခြင်းများကို  ရပ်တန်းကရပ်ရန် လက်ရှိပညာ ရေးဝန်ကြီးဌာနကို ထိန်းကျောင်း ထောက်ပြစေချင်သည်။ ပညာရေး ပြုပြင်ပြောင်းလဲရေး၊ ပညာရေး အဆင့်မြှင့်တင်ရေးကိစ္စများသည် တစ်နှစ်တစ်ခါ စပယ်ယာပစ္စည်းများ ဖြုတ်လဲတပ်ဆင် အစားထိုးမောင်းနှင် ရသည့် မော်တော်ယာဉ်တစ်စီး မဟုတ်ကြောင်းကိုလည်း ပညာရေး နှင့်စပ်ဆိုင်သည့် အာဏာပိုင် အ သိုင်းအဝိုင်းအား လွှတ်တော်ကိုယ်စား လှယ်တော်ကြီးများက အသိပေး ထောက်ပြစေလိုသည်။ ထို့ပြင် လွှတ် တော်ဆိုင်ရာ ပညာရေးမြှင့်တင်မှု ကော်မတီများအနေဖြင့် ဒေါက်တာ စိုင်းမောက်ခမ်းတို့ လက်ထက်က ချက်ချင်းလုပ်ဆောင်ရမည့် အလုပ် တစ်ခုဖြစ်သင့်သည့် ပညာသင်ကြား စရိတ်ကြီးမြင့်ပြီး ကျောင်းသား မိဘများ နှစ်စဉ်ဝန်ထုပ်ဝန်ပိုးဖြစ်နေသော ကျူရှင် စရိတ်ထောင်းခြင်း ကိစ္စကို လည်း ယခု ပညာရေးဝန်ကြီးဌာန ဝန်ကြီးဒေါက်တာမျိုးသိမ်းကြီးနှင့် နိုင်ငံတော်၏ အတိုင်ပင်ခံပုဂ္ဂိုလ်တို့ အထိ နားပေါက်အောင် လုပ်ဆောင် စေချင်ပါသည်။ ယင်းကျူရှင်စရိတ် ထောင်းနေရခြင်းကိစ္စသည် ယနေ့ မြန်မာ့အခြေခံ ပညာရေး အဆင့် လောကတွင် နာမည်ဆိုးဖြင့် ကျော် ကြားနေပြီး ကျောင်းသားမိဘများ မျက်လုံးပြူးလျှာထွက်ဖြစ်နေကြရ သည်။ ယင်းကို စတင်ပြုပြင်ပြောင်း လဲသင့်ပြီဟု မြင်ပါသည်။

ဤတွင် ပညာရေး ပြုပြင်ပြောင်းလဲရေးတွင် ချက်ချင်းလုပ်ရမည့် ကိစ္စများကို ဆွေးနွေးပြောဆိုသွားခဲ့ကြ သော ဒေါက်တာ စိုင်းမောက်ခမ်းတို့ သည် နွေရာသီကျောင်းရက်ရှည် စပိတ်ပြီဆိုကတည်းက အခြေခံပညာ ကဏ္ဍ၌ နောင်နှစ်တက်ရမည့် အ တန်းအတွက် စာကို ကြိုတင်သင် ကြားနေရသည့် နွေရာသီသုံးလပြတ် ကျူရှင်သင်တန်းများကိစ္စကို သိမ သွားကြရှာချေဟု ထင်မြင်မိသည်။ သို့မဟုတ် သိနေတာကြာပြီ မသိချင် ယောင်ဆောင်ကာ ကျော်သွားလိုက် ကြသည်လည်း ဖြစ်ကောင်းဖြစ်နိုင် သည်။ ယခုသော်ကား ယင်းကျူရှင် စရိတ် ထောင်းခြင်းကိစ္စကို သိသိ ချည်းဖြင့် နှာစေးမနေကြပါတော့နှင့် ဟု ပညာရေးဝန်ကြီးဌာန အာဏာပိုင်များအား ဆော်သြပြောကြားချင်ပါသည်။ ယနေ့ မြန်မာ့ပညာရေးစနစ် ကို ပြုပြင်ပြောင်းလဲရေးကို ဆက် လက်လုပ်ဆောင် သွားရေးနှစ်ရှည် မဟာဗျူဟာ စီမံကိန်းများ ရေးဆွဲချ မှတ်ကြသည့် ပညာရေးနှင့် စပ်လျဉ်း သော ပညာရှင်ကြီးများအားလုံးအနေ ဖြင့် မြန်မာနိုင်ငံတွင် အခြေခံပညာ အဆင့်အတန်း ပညာတစ်ခုကို ပညာသင်နှစ်တစ်နှစ်အတွင်း နှစ်ခါသင်၊ သုံးခါသင် သင်ကြား သင်ယူနေရ သော ဒုက္ခ၊ ယင်းဒုက္ခနှင့်အတူ အ တန်းပညာတစ်ခုတည်းကိုပင် ပညာ သင်ကြားစရိတ် နှစ်ခါအကုန်ခံရ သုံးခါ အကုန်ခံနေရသည့် ဒုက္ခများ ကျောင်းသားမိဘများ နှစ်စဉ်ကျော ကော့တစ်လှည့်၊ ခါးကိုင်းတစ်ခါ ခံစား နေရသည်ကို သိကြားမြင်တွေ့ စေချင် ပါသည်။

 အောက်ခြေတွင်ရှိ အခြေခံ ပညာအဆင့် ကျောင်းအသီးသီး၊ မြို့ နယ်အသီးသီး၊ တောကျေးလက်အ ဆုံး တစ်တိုင်းပြည်လုံးတွင် အတန်း ပညာတစ်ခုကို နှစ်ခါသင်သုံးခါသင် ကြားနေရသော ပညာရေးကြောင့် မိဘပြည်သူဆင်းရဲသားများ ဒုက္ခ ရောက်နေရသည့် အဖြစ်များသည် ယခုပင် ချက်ချင်းပြုပြင်ပြောင်းလဲ ရေး လုပ်ရမည့် ပညာရေးကိစ္စဖြစ် သည်။  ထို့ပြင် တစ်နှစ်တခြား ကျူ ရှင်စရိတ်များ တက်တက်လာခြင်း ပြဿနာသည်လည်း အောက်ခြေ တွင် လက်ငင်းရင်ဆိုင်နေရသည့်၊ ကျောင်းသား မိဘပြည်သူများနှစ်စဉ် အမောဆို့ရသော ပြဿနာဖြစ်နေ သည်။ ကျူရှင်ဟု ဆိုရာတွင် အများ ပြည်သူသိပြီးဖြစ်သည့်အတိုင်း ကျောင်းကဆရာမသင်သော ကျူရှင်နှင့်ပြင်ပကဆရာသင်သော ကျူ ရှင်ဟူ၍ရှိသည်။ ပြင်ပကျူရှင်ဆိုရာ တွင် ကျောင်းစစ်၊ အစိုးရစစ်ဟူသော အခြေအနေကို လိုက်၍ ရိုးရိုးတန်း၊ ရှယ်တန်း၊ ဝိုင်းအတန်း၊ ရှယ်ဝိုင်း အတန်း၊ အဆင့်မြင့် စာကျက်ဝိုင်း အတန်းစသဖြင့်လည်းရှိသေးသည်။ အခြေခံပညာအဆင့် သင်ကြားရ သော ကျောင်းသားတစ်ဦးသည် ကျောင်းစနေပြီဆိုကတည်းက သူငယ် တန်းကစပြီး ကျူရှင်ယူရ သည်မှာ မြန်မာ့ပညာရေးစနစ်၏ အံ့ချီဘနန်း ထူးခြားမှုဖြစ်သည်။ သူငယ်တန်းမှ နဝမတန်းအထိသည် ကျောင်းက ဆရာမ၏ ကျူရှင်လည်းတက်ရ သည်။ ပြင်ပကျူရှင်လည်း ပြေးတက် ချင်တက်ရသည်။ အထူးသဖြင့် အစိုးရ စစ်ဖြစ်သော စတုတ္ထတန်းနှင့် အဋ္ဌမတန်းတို့သည် ပြင်ပကျူရှင်သင် တန်းများကို မဖြစ်မနေတက်နေကြရ သည်။ နဝမတန်းသည်လည်း တက္ကသိုလ်ဝင်တန်း၏ အခြေခံတန်း ဖြစ်၍ ပြင်ပကျူရှင်ကို မယူမနေရ ယူနေကြရသည်ပင်။

တက္ကသိုလ်ဝင်တန်း ကျောင်း သားကျတော့ ကျောင်းက ဆရာမ ကျူရှင်ထက် ပြင်ပကျူရှင်များဖြစ် သည့် ရှယ်တန်း၊ ထူးထူးရှယ်တန်း၊ သီးသန့်ဝိုင်းကြီး၊ ဝိုင်းလေး၊ တစ်ဦး တည်းဝိုင်း၊ ပါမောက္ခ အငြိမ်းစားကြီး များ ဝိုင်း၊ ဆေးမကုသော ဆရာဝန် များ ဝိုင်းတို့အပြင် ဂိုက် (Guide) ဟု ခေါ်သော စာကူကျက်ပေးသည့် ဆရာလေး ဆရာမလေးများနှင့် သင် ကြားနေကြရသည်။ ထိုသို့ မလုပ်ချင် လျှင် သို့မဟုတ် ငွေကြေး ပိုမို အ ကုန်အကျခံနိုင်လျှင် ပုဂ္ဂလိက အ ထက်တန်းကျောင်း တက်ချင်တက် နိုင်သည်။ ကြေးကြီးသော ဘော်ဒါ ဆောင်သွားနေလည်းရသည်။ ပုဂ္ဂလိ က ကျောင်းတက်လျှင် အစိုးရ ကျောင်းများကဲ့သို့ နေ့စဉ်အချိန် ဇယားဖြင့် သင်ကြားပေးသည်။ ပို၍ သေချာအောင်လည်း ပါမောက္ထ အငြိမ်းစားကြီးများ သင်ကြားပေး သော ဝိုင်းကိုလည်း တက်ရသေး သည်။ ပြောချင်သည်မှာ အခြေခံပညာ အဆင့်မှာပင် အတန်းကြီးလေ ပြဋ္ဌာန်းစာကို တစ်နှစ်အတွင်း နှစ်ခါ သုံးခါ သင်ကြားနေရသည့် လက်ရှိ ပညာရေး စနစ်၏ အားနည်းချို့ယွင်း ညံ့ဖျင်းချက်ကို မြင်သည်။ လက်ရှိ မြန်မာ့ပညာရေးစနစ်သည် စာကို နှစ်ခါသုံးခါ သင်ကြားနေရခြင်း မှာ ဘာကြောင့်ပါနည်း။ အဖြေကတော့ အလွတ်ကျက်မှတ်မှု အကြိမ်များလေ  များများအာဂုံဆောင်နိုင်လေ အမှတ် များများရနိုင်ရေး၊ ဂုဏ်ထူးများများ ထွက်နိုင်ရေးအတွက်ပင်ဖြစ်သည်။ အသက်မွေးဝမ်းကျောင်း တက္ကသိုလ် ကောလိပ်များသို့ ဝင်ရောက်နိုင်ရေး သည် အမှတ်အနည်းအများအပေါ် မူတည်ဆုံးဖြတ်ခွဲခြမ်းနေသရွေ့ ကာ လပတ်လုံး ကျူရှင်ထောင် ဘော်ဒါ ဆောင်ဖွင့်ပြီး ပညာရေးစနစ်၏ အား နည်းချက်ကို ခုတုံး လုပ်စီးပွားရှာနေ ကြသူများ နှစ်စဉ်တိုးတက်ကြီးပွားနေ ကြဦးမည်ပင်။

လက်ရှိ မြန်မာ့ပညာရေးစနစ် သည် တက္ကသိုလ်ဝင်တန်း အောင် မြင်ရေးအတွက် ကုန်ကျစရိတ်မကျခံ ၍ မဖြစ်သော အခြေ အနေဖြစ်နေ သည်။

အနည်းဆုံး ကျပ်ငါးသိန်းမှစပြီး တက် နိုင်လျှင် တတ်နိုင်သလောက် ကျပ် ဆယ့်လေးငါးသိန်း၊ သိန်း ၂ဝ အထိ ရှိသည်။ ယင်း ကုန်ကျစရိတ်သည် ပြင်ပကျူရှင်ရိုးရိုးတက်သူ၏ တစ် နှစ်စာ ကျူရှင်စရိတ်ပင်ရှိသေးသည်။ ကျန်းမာရေး စားရေးသောက်ရေး လူမှုရေးနှင့် ဝတ်ဖိုးစားဖိုးအရေး ကုန် ကျစရိတ်များ မပါဝင်သေးပေ။ ပုဂ္ဂလိ ကကျောင်း သို့မဟုတ် ဘော်ဒါထား လျှင်တော့ သိန်းလေးငါးခြောက်ဆယ် ၁ဝဝ နီးပါး ကုန်ကျသွားနိုင်သည်။ ယင်းကိစ္စများသည် ပညာရေးလောက တွင် ပညာသင်ကြားခွင့်ကို ခွဲခြားထား ခြင်းနှင့် တူနေပြီး ချက်ချင်းလက်ငင်း ပြုပြင် ပြောင်းလဲပစ်ရမည့်ကိစ္စဟု လည်းမြင်မိသည်။ ငွေကြေးအကုန် အကျခံနိုင်လျှင် ခံနိုင်သလောက် အကျိုးရလဒ်ကလည်းတာသွားသည်။ နည်းနည်း အကုန်ခံနိုင်လျှင် ရိုးရိုးသာ အောင်မည်။ များများအကုန်ခံနိုင် လျှင် ဂုဏ်ထူးမှတ်များရပြီး အမှတ် ကောင်းမည်။ အဆမတန် အကုန်အ ကျခံနိုင်လျှင်တော့ အောဒီထွက်မည်။  တစ်ပြည်လုံး တော့ပ်တန်းဝင်မည်ဆို သည့် သဘောဖြစ်နေသည်။ သည် အနေအထားတွင် အခြေခံလူတန်း စား လက်လုပ်လက်စား သားသမီး များအဖို့ တက္ကသိုလ်ဝင်တန်းအောင် မြင်ဖို့ဆိုသည်မှာ အိပ်မက်ထဲမှာသာ ဖြစ်နိုင်ပေတော့သည်။

ယနေ့ခေတ်သည် ယခင်ခေတ် များကကဲ့သို့ ရိုးသားကြိုးစားပြီး ကျူ ရှင်တစ်ဘာသာမျှ မယူဘဲ ၁ဝ တန်း အောင်ခဲ့သည်ဟူသော ခေတ်မဟုတ် တော့ချေ။ ထို့ကြောင့် လက်ရှိပညာ ရေးစနစ်တွင် အခြေခံပညာအဆင့် ကိုပင် ငွေကြေးဖြင့် ချိန်စက်ဝယ်ယူ နေရသော အခြေအနေများကို ဆန့် ကျင်ဖို့ အချိန်ကျလာပါပြီ။ ပညာရေး ကို ဆင်းရဲ ချမ်းသာ လူတန်းစားမရွေး လွတ်လွတ်လပ်လပ် သင်ကြားခွင့်ရရှိ အောင် ပြုပြင်ပြောင်းလဲရေး လုပ်ကြ ရတော့မည်ဟုလည်း မြင်မိပါသည်။ ယင်းသို့ ပြုပြင်ပြောင်းလဲစေချင်ခြင်း သည် အောင်ချက်ရာခိုင်နှုန်းများ မြင့် မားလာရေးကို ရည်ရွယ်ညွှန်းဆိုခြင်း မဟုတ်ပါ။ ပိုက်ဆံမရှိလျှင် ပညာ မတတ်ဟူသော အခြေအနေ ဆိုးကို တော်လှန်ပစ်လိုရင်းသာ ဖြစ်သည်ကို သိကြစေလိုပါသည်။ ပညာဟူသည် အဆင့်အတန်း မခွဲခြား စည်းစိမ်ဓန ဥစ္စာများဖြင့် ခြားနားစရာမလိုဟူ သော အယူအဆကို ပြန့်ပွားထွန်း ကားလိုရင်းသာ ရည်ရွယ်ပါသည်။

ကြားဖြတ်၍ ယခု ၂ဝ၁၇ နွေ ရာသီကျူရှင်ဈေးကွက် စတင်ဖွင့်လှစ် သောအခါ ပေါ်ပေါက်လာသော ကျူ ရှင်သင်တန်းများနှုန်းများကို တင်ပြ ချင်ပါသည်။ ယင်းဈေးနှုန်းများသည် ရန်ကုန်မြို့ တာမွေကျောက်မြောင်း တည်းဟူသော လူလတ်တန်းစား အ များစုနေထိုင် ရာ၌ ဖွင့်လှစ်ထားသည့် ကျူရှင်သင်တန်းများ၏ ဈေးနှုန်းများ ဖြစ်သည်။ သို့သော် အခြားမြို့နယ် များရှိ ကျူရှင်သင်တန်းများ၏ ဈေး နှုန်းနှင့်လည်း တစ်တန်းတစ်စား တည်း ဖြစ်နိုင်ပါသည်။ ကျူရှင် သင် တန်းများသည် တစ်ခုနှင့်တစ်ခု ဈေး နှုန်းများ ညှိထား ကြသောကြောင့် ဖြစ် သည်။ နဝမတန်း ဘာသာစုံ တစ်လ ကျပ် ၄ဝဝဝဝ၊ ဒသမတန်း ဘာသာစုံ တစ်လကျပ် ၅ဝဝဝဝ၊ အထူးရှယ် တန်း တစ်လကျပ် ၈ဝဝဝဝ ဂိုက်ပါ လျှင် တစ်လကျပ် ၁ဝဝဝဝဝ ဖြစ် သည်။ စိတ်ကြိုက်တစ်ဘာသာချင်း ယူလျှင် တစ်လကျပ် ၁ဝဝဝဝ မှ ၂ဝဝဝဝ အထိဖြစ်သည်။ ဂုဏ်ထူး ဝင် အင်္ဂလိပ်စာတစ်ဘာသာတည်း တစ်လကျပ် ၃ဝဝဝဝ ယူသည်။ အဋ္ဌမတန်းအတွက်လည်း အင်္ဂလိပ် စာ သီးသန့်သင်တန်း တစ်လကျပ် ၃ဝဝဝဝ နှုန်းဖြစ်သည်။ အလယ် တန်း ဘာသာစုံသင်တန်းများလည်း ရှိသည်။ တစ်လကျပ် ၃ဝဝဝဝ မှ ၅ဝဝဝဝ အထိရှိသည်။ အခြေခံ အင်္ဂလိပ်စာ ဂရမ်မာသင်တန်း (မူလ တန်း၊ အလယ်တန်း၊ အထက် တန်း) တစ်လကျပ် ၁ဝဝဝဝ မှ ၂ဝဝဝဝ ကြား ကုန်ကျမည်။ အင်္ဂလိပ်စာ၊ သင်္ချာကဲ့သို့သော တစ်ဘာသာချင်း အထူးပြုသင်ချင်လျှင် တစ်လ ကျပ် ၁ဝဝဝဝ ယူပါသည်။

ကျူရှင်သင်တန်းများ၏ ဈေး နှုန်းများ ဖော်ပြပြီးသောအခါ ကိုယ် ပိုင် အထက်တန်းကျောင်းတစ် ကျောင်း၏ ပညာသင်ကြားစရိတ်များ ကိုလည်း သတင်းစာတွင် ကြော်ငြာ ထားသည့်အတိုင်း ဖော်ပြပါဦးမည်။ ယင်းကိုယ်ပိုင် အထက်တန်းကျောင်း သည် အဋ္ဌမတန်း၊ နဝမတန်း၊ ဒသမ တန်း ဘော်ဒါလည်း တွဲလျက်ဖွင့်ထား ပါသည်။ အောင်ချက် အလွန် ကောင်းသည်။ စည်းကမ်းကြီးသည်ဟု လည်း  ဖော်ပြထားသည်။ ယင်း ကျောင်း၏ ကျောင်းလခနှုန်းထားများ မှာ သူငယ်တန်းမှ ဒုတိယတန်းအထိ ကျောင်းလခ တစ်လကျပ် ၄ဝဝဝဝ၊ ကျောင်း ဝင်ကြေး ကျပ် ၃ဝဝဝဝ၊ တတိယတန်းမှ သတ္တမတန်းအထိ ကျောင်းလခတစ်လကျပ် ၄၅ဝဝဝ၊ ကျောင်းဝင်ကြေး ကျပ် ၃ဝဝဝဝ၊ အဋ္ဌမတန်းမှ ဒသမတန်းအထိ ကျောင်းလခများ မှာ တစ်လကျပ် ၅ဝဝဝဝ၊ ကျပ် ၅၅ဝဝဝ ကျပ် ၆၅ဝဝဝ နှင့် ကျောင်း ဝင်ကြေး ကျပ် ၄ဝဝဝဝ နှုန်းတို့ဖြစ်သည်။ ယင်း ကိန်းဂဏန်းများကို (ကျောင်းဝင်ကြေး မပါ) ကျောင်းတက်ရမည့် ကိုးလဖြင့် မြှောက်ပါ။ ရလာသည့် ရလဒ်သည် ကိုယ်ပိုင် အထက်တန်းကျောင်းတွင် ကျောင်းထားရသည့် တစ်နှစ်စာ ကျောင်းစရိတ် သက်သက်ပင်ဖြစ် သည်။ ယင်းကိုယ် ပိုင်အထက်တန်း ကျောင်း၏ ယခုနှစ် သတ်မှတ်သော နှုန်းထားများသည် မျှတသည်ဟု ရေ ပေါ်ဆီမိဘအချို့က သုံးသပ်ကြ သည်။ အချို့သော ပုဂ္ဂလိက ကျောင်း များဆိုလျှင် ယင်းကျောင်းထက်ပင် ဈေးမြင့်နေသေးသည်ဟုလည်း ဆိုနေ ကြ၏။

ဤသည်တို့ကား မြန်မာ့ ပညာ ရေးစနစ်တွင် လောလောဆယ် အခြေခံပညာ အဆင့်ကိုပင်လျှင် ငွေကြေးဖြင့် ချိန်စက်ဝယ်ယူနေရ သော အခြေအနေများပင်ဖြစ်ပေ တော့သည်။ မြန်မာနိုင်ငံသည် တန်း တူပညာသင်ကြားခွင့် ဆုံးရှုံးနေရ သည်။ ပညာရေးကို ခုတုံးလုပ်ပြီး စီးပွားရှာနေကြသည်။ အာစရိယ ဂုဏောများလည်း ပျောက်ကွယ်နေ သည်။ ပညာရေးနှင့် ပတ်သက်လျှင် တိုင်းပြည်၏ အနာဂတ်သည်လည်း မှေးမှိန်နေသည်ဟု ဝေဖန်သုံးသပ် လျှင် လွန်အံ့မထင်ဟု မြင်မိသည်။ သို့သော် သက်ဆိုင်ရာ ပညာရေးဝန် ကြီးဌာနကတော့ မြန်မာ့ပညာရေး နှစ်ရှည်မဟာဗျူဟာ စီမံကိန်းများ ရေးဆွဲချမှတ်ပြီး ပညာရေးပြုပြင် ပြောင်းလဲရေးကို အပူတပြင်း ဆောင် ရွက်နေပေသည်။ နေ့စားလပေး ပညာရေးဝန်ထမ်း ဆရာ ဆရာမများ ကိုလည်း အလုပ်ခေါ်နေပေ၏။

ဤသို့ဖြင့် မြန်မာ့ပညာရေး ပြု ပြင်ပြောင်းလဲမည့် လှေတော်ကြီးကား ရှေ့ခရီးဆက်ဖို့ ခတ်ကွင်းပြင်နေကြ တုန်း လှေအပေါက်များကို ဖာနေ ကြတုန်း ရေခပ်ထုပ်နေကြတုန်းပင် ဖြစ်ပါကြောင်း လေ့လာရေးသား တင် ပြလိုက်ရပါသည်။

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.