21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
တောင်ကတုံး တောပြုန်း တရားခံ သစ်စောရများ တန်ခိုးထွားနေတုန်းပဲလား

မြန်မာနိုင်ငံတစ်ဝန်း သစ်တောများ အားလုံးနီးပါး တောင်ကတုံးဖြစ်ကုန်ပြီ။ မြန်မာ့သစ်တော သယံဇာတများ တဖြည်းဖြည်း ပြုန်းတီး ကုန်ပြီ။ ယင်းသို့ ပျက် စီးပြုန်းတီးရခြင်းသည် မြန်မာနိုင်ငံတွင် ခေတ်အဆက်ဆက်၊ အစိုးရ အဆက် ဆက်က သစ်တောများရှိ အဖိုးတန်ကျွန်းသစ်နှင့် အခြားသစ်မာ အမျိုးအစားများအား အတိုင်းအဆမဲ့၊ အဆင်အခြင်မဲ့ ခုတ်ယူခဲ့ခြင်းကြောင့်ဖြစ်သည်ဟု တစ်နိုင်ငံလုံးရှိ ပြည်သူပြည်သား တိုင်းရင်းသားအားလုံးက သိနေကြသည်။ ဒေသတွင်း အိမ်နီးချင်းနိုင်ငံများကလည်း သိသည်။ ကမ္ဘာကလည်း သိသည်။ ကမ္ဘာက သိသဖြင့်လည်း သက်ဆိုင်ရာ သဘာဝပတ်ဝန်းကျင် ထိန်းသိမ်းရေးနှင့် သစ်တောဆိုင်ရာ အဖွဲ့အစည်း အချို့က မြန်မာ့သစ်တောများ တစ်စတစ်စ ပျက်စီးပြုန်းတီးနေကြောင်း၊ သစ်တောဖုံးလွှမ်းသည့် ဧရိယာ တဖြည်းဖြည်း လျော့ နည်းကျဆင်းလာကြောင်း၊ မြန်မာနိုင်ငံသည် ယခင်နှစ်ပေါင်း ၅ဝ ကျော်က သစ်ပင်သစ်တောဖုံးလွှမ်းနေသည့် ဧရိယာသည် (အစိမ်းရောင် ဧရိယာ) နိုင်ငံ ဧရိယာအကျယ်အဝန်း၏ ၇ဝ ရာခိုင်နှုန်းကျော်ရှိခဲ့ရာမှ ယခုအခါတွင် ဧရိယာ ၄ဝ ရာ ခိုင်နှုန်းသာရှိတော့ကြောင်းနှင့် အစိမ်းရောင် ဧရိယာလျော့ကျ လာ ခြင်းကြောင့်ဖြစ်ပေါ်လာသည့် သဘာဝပတ်ဝန်းကျင် ဂေဟစနစ် ပျက်ယွင်းမှု၊ ရာသီဥတု ဖောက်ပြန် ပြောင်းလဲမှု၊ ဆိုးရွားသော ရာသီဥတုဘေးဒဏ်ခံရမှုနှင့် ဆိုးရွားသော ရာသီဥတုဘေး ဒဏ်ကြောင့် ပြည်သူများအား ထိခိုက်နစ်နာစေ မှုဆိုးကျိုးများကို နှစ်စဉ်တွက်ချက် ထုတ်ပြန်ပေးခဲ့ကြသည်။ မြန်မာနိုင်ငံ၏ အစိမ်းရောင် ဧရိယာများ လျော့နည်းကျဆင်းလာရမှု၏ အဓိက တရားခံလက် သည်သည် သစ်တောများအား တရားမဝင် ခုတ်ထွင်ပြီး သစ်ခိုးထုတ်မှုများပင် ဖြစ်သည်။

 မြန်မာနိုင်ငံတွင် သစ်ခိုးထုတ်မှုများသည် နှမြောတသဝမ်းနည်းဖွယ် ကောင်းလောက်အောင် ရက်ရက်စက်စက်၊ ပက်ပက်စက်စက် ခုတ်လှဲ အ ပြောင်းရှင်းခဲ့ကြသည်။ မည်မျှအထိ ခုတ်လှဲအပြောင်းရှင်းခဲ့သနည်းဆိုလျှင် အဖိုးတန် ကျွန်းသစ်ပေါက်ရောက်ရာ မူလဒေသဖြစ်သည့် ပဲခူးရိုးမတွင် သစ်ထုတ်လုပ်ခြင်းကို ၁ဝ နှစ်ရပ်ဆိုင်းလိုက်ကြောင်း သယံ ဇာတနှင့် သဘာဝပတ်ဝန်းကျင်ရေး ရာ ဝန်ကြီးဌာနက ထုတ်ပြန်ကြေညာ လိုက်ရသည်အထိ ဖြစ်ခဲ့သည်။ ပဲခူး ရိုးမဒေသတွင် သစ်ထုတ်လုပ်စရာ အခြေအနေ မရှိတော့ ၍ ဖြစ်သည်။  မြန်မာနိုင်ငံ မြောက်ပိုင်း စစ်ကိုင်း တိုင်းဒေသကြီး၊ ကချင်ပြည်နယ် စသည့်ဒေသများတွင်လည်း သစ် တောများသည် သစ်ထုတ်လုပ်စရာ အခြေအနေ တဖြည်းဖြည်းမဲ့လာနေ သည်။ သစ်တောများ ပြောင်တလင်း ခါနေပြီ။ ထို့ကြောင့် ၂ဝ၁၆-၂ဝ၁၇ ဘဏ္ဍာနှစ်ကစပြီး သစ်ထုတ်လုပ်မှုကို လုံးဝရပ်နားထားခြင်း၊ ပဲခူးရိုးမ ဒေသ အား ၁ဝ နှစ်တာကာလ သစ်ထုတ် လုပ်မှု ရပ်ဆိုင်းခြင်း၊ လာမည့် ၂ဝ၁၇-၂ဝ၁၈ ဘဏ္ဍာနှစ်တွင် သစ်ထုတ်လုပ် ခြင်းကို နှစ်စဉ်သစ်တောထွက်ပမာဏ သတ်မှတ်ချက်ဘောင်အတွင်း လျှော့ ချ ထုတ်လုပ်ခြင်းတို့ကို ဝန်ကြီးဌာန က ကြေညာချက်ထုတ်ပြန်တားမြစ် နေရပြီဖြစ်သည်။ သို့ဖြစ်၍ မြန်မာ့ သယံဇာတသစ်တောများ အား ရစရာမရှိအောင် မည်သူတွေ၊ မည်သည့်အစိုးရနှင့် မည်သည့်လက်ထက်က ပြုလုပ်ခဲ့ကြသနည်း။ ယင်းသည် လည်း ဝေးဝေးတွေး ကြည့် ပြေးကြည့် စရာမလိုပါ။

စစ်အစိုးရ နှစ်ဆက် နဝတ၊ နအဖ လက်ထက်က လုပ်ပိုင်ခွင့် တစ်ချက်လွှတ်အာဏာရရှိခဲ့ကြသည့် စစ်ခေါင်းဆောင်ကြီးများပင်ဖြစ် သည်။ စစ်အာဏာရှင်စနစ်ဖြင့် ယစ်မူးနေကြ သူ ခေါင်းဆောင်ကြီးများသည် မိမိတို့ အာဏာတည်မြဲရန်နှင့် တိုင်းပြည်၏ အရပ်ရပ် အုပ်ချုပ်ရေးတွင် လိုအပ် သော အသုံးစရိတ်ကို မြန်မာ့သစ် တော သယံဇာတများကို ခုတ်လှဲ ရောင်းစားပြီး ဖြေရှင်းခဲ့ သည်။ နေ ပြည်တော် ဟု ခေါ်သော အုပ်ချုပ်ရေး မြို့တော်ကြီး  ပေါ်ပေါက်တည် ဆောက်ရေးတွင် သစ်တောကြီး များ ထဲက အဖိုးတန်မြန်မာ့ကျွန်း သစ်တန် ချိန်ပေါင်းထောင်သောင်း ချီသော ရောင်းရငွေများ ပါဝင်သည်။ မြန်မာ့ အဖိုးတန် ကျောက် သံပတ္တမြား တွင်း ထွက် ရတနာများ၏ ရောင်းရငွေ လည်း ပါဝင်သည်။ သဘာဝဓာတ်ငွေ့ နှင့် ရေနံရောင်းရငွေများလည်း ပါ ဝင်သည်။ အမှန်တော့ နေပြည်တော် ဟူသော မင်းစိုးရာဇာနန်းတော်ကြီးကို ပြည်သူပြည်သားများ ပိုင်ဆိုင်ပါ သည်။ ပြည်သူ့ဘဏ္ဍာငွေများဖြင့် တည် ဆောက်ထား၍ ဖြစ်သည်။

စစ်အစိုးရမင်းများသည် မိမိတို့အာဏာနှင့် စည်းစိမ်တည်ငြိမ်ခိုင် ခံ့ ကြီးထွားအောင် နောက်ကကျားကန် ပြီး၊ အောက်ကထောက်ခံပေး မည့် ဒေါက်တိုင်များကိုလည်း မွေးစားကြ ပြန်ပါသေးသည်။ ယင်းဒေါက်တိုင် များထဲတွင် ခရိုနီဟူသော လူတန်းစား တစ်ရပ်လည်း ပါဝင်သည်။ ခရိုနီများ ချမ်းသာသထက် ချမ်းသာ၊ ကြီးပွား သထက် ကြီးပွားလာအောင် မြန်မာ့ သစ်တောများအား လက်ညှိုးညွှန်ပြ ပြီး သစ်ထုတ်လုပ်ခွင့်ကို အပိုင်စား ပေးသနားခဲ့ပြန်ပါသည်။ ဤသို့ဖြင့် ခရိုနီများလက်ထဲ သစ်ထုတ်လုပ်ပွဲ လက်မှတ်များရကြသောအခါ မဟား တရား သစ်ထုတ်လုပ်ပွဲများ ကျင်းပ ကြပါတော့သည်။ ဤတွင် ခွင့်ပြု ချက်ရသည်က နည်းနည်းခိုးထုတ်ကြ သည်က များများဖြင့် ဝိုင်းပြီး အမဲဖျက်လိုက်ကြသည်မှာ ခရိုနီစီးပွား ရေးလုပ်ငန်း အမည်ခံ ပုဂ္ဂိုလ်များ၊ စစ်ခေါင်းဆောင်ကြီးများ၏ သားစဉ် မြေးဆက် ပတ်သက်ရာ ပတ်သက် ကြောင်း ပုဂ္ဂိုလ်များ၊ ခေတ်ပျက်တုန်း သူဌေးဖြစ် ကြံကြမည့်သူများနှင့် တက်လာသည့် အစိုးရ တို့အစိုးရဟု ခံယူကာ မိုးရွာတုန်း ရေခံရမည်ဟူ သည့် အခွင့်အရေးသမားများ၊ အ ချောင်လိုက်နှိုက်နေကြသူများဖြင့် မြန်မာ့ သစ်တောကြီးများတွင် တဝုန်း ဝုန်း အုန်းအုန်းကျွက်ကျွက် စည်ကား နေပါတော့သည်။

အမှန်တော့ ကျွန်းသစ်ဟူသည် နိုင်ငံတော်ပိုင် ပစ္စည်းဖြစ်သည်။ ကျွန်းသစ်နှင့် အခြားသစ် မာများအား ခုတ်လှဲထုတ်လုပ်တင် ပို့ရောင်းချခြင်း ကို ကန့်သတ်ထိန်းချုပ်ထားသည်။ ယင်းသို့ သိသိချည်းဖြင့် အာဏာပိုင် သူများနှင့် ပေါင်းကာပင်းကာ သစ် ထုတ်လုပ် ခြင်းသည် တရားမဝင် လုပ်ကိုင်ခြင်းပင်ဖြစ်သည်။ မြန်မာ့ သစ်တောများ အချိန်တိုတို၊ နှစ်တို တိုအတွင်း တောင်ကတုံး နီးပါးဖြစ် သွားရခြင်းမှာ မသမာသော နည်း လမ်းပေါင်းစုံဖြင့် တရားမဝင် သစ် ခိုးထုတ်ခြင်းများ ထူပြောလွန်းခြင်း များကြောင့်ဖြစ်သည်။ တရားမဝင် သစ်လုပ်ငန်းလုပ်ကိုင်ခြင်းသည် လည်း မသမာသူ စီးပွားရေးသမား များအတွက် အချိန်တိုတို အတွင်း သန်ြး<ွကယ်သူဌေးစာရင်းဝင်သွား နိုင်လောက်သည့် မက်လုံးကလည်း ပေးနေသည်။ တကယ်လည်း စီး ပွားဖြစ်ကြသည်။ လုပ်တတ်ကိုင် တတ်၊ ပေါင်းတတ်သင်းတတ်၊ ပေး တတ်ကမ်းတတ်ဖို့သာလိုသည်။ ယင်းသည်လည်း မခဲယဉ်း။ လမ်း ကြောင်းများက ချက်ဆိုနားခွက်က မီးတောက်ကာ အလိုလိုပွင့်နေ သည်။ဤသို့ဖြင့် သစ်ခိုးထုတ်တင် ပို့ခြင်း များက ခေတ်တိုင်း၊ အစိုးရ တိုင်းတွင် သက်ဆိုးရှည်ကာ တည်ရှိနေသည်။ အစိုးရများ၏ အမိန့် ဥပဒေများက လည်း ထိုပုဂ္ဂိုလ်များ၊ ထိုစီးပွားရှာ နည်းကားများ သက်ဆိုးရှည် ကာ တည်မြဲနေအောင် လမ်းဖွင့်ပေးသလို ဖြစ်နေသည်။

အစိုးရ အဆက်ဆက်သည် ဥပဒေအရ သစ်ခိုးထုတ်ခြင်းများကို ဖမ်းဆီးအရေးယူပါသည်။ သို့သော် ဥပဒေအရပင် သိမ်းဆည်းရ မိသော သစ်တန်ချိန်ရာပေါင်းများစွာသည် ပိုင်ရှင်မဲ့ဘဝသို့ ချက်ချင်းလက်ငင်း မိနစ်ပိုင်းအတွင်း သက်ဆင်းသွားကာ တကယ့် လက်မည်း ကြီးများ ပျောက် ကွယ်သွားသည်။ ပိုင်ရှင်မဲ့ သစ်ပုံကြီး ကတော့ နိုင်ငံတော် ဘဏ္ဍာစာရင်းထဲ ဝင်သွားသည်။ နိုင်ငံတော် ဘဏ္ဍာစာ ရင်း ထဲဝင်သွားသည်ဆိုရာတွင်လည်း ဆင်ခြင်သုံးသပ်ရသည့် သဘောရှိ သည်။ နိုင်ငံတော် ဘဏ္ဍာအဖြစ် အားလုံးသော သစ်ပုံများ ရှောရှော ရှူရှူဝင်သွား၏လား၊ အထစ်အငေါ့ အမေ့အကျန် အထိန်အချန်များရှိနေ သေးသလား စဉ်းစားရဦးမည်ဖြစ် သည်။

အစိုးရအဆက်ဆက်တွင် ခရို နီမျိုးဆက်တို့၏ သစ်ခိုးထုတ်မှုများ ရှိခဲ့သည်ဟု ဆိုခဲ့သည်။ ယခု ပြည် သူလူထုက  ရွေးကောက် တင်မြှောက်ခဲ့သော အင်န်အယ်လ်ဒီ အစိုးရလက် ထက်တွင်ရော သစ်ခိုးထုတ်မှုများရှိ ပါသေးသလားဟု မေးလျှင် 'ဟား၊ ပြည်သူ့ အစိုးရ လက်ထက်မှာ ဘယ်ရှိ ပါတော့မလဲ'ဟု အတင်းကာရော ဇွတ်ထောက်ခံချင်စိတ်ဖြင့် ဇွတ်မ ငြင်းပါနှင့်။ အင်န်အယ်လ်ဒီ အစိုးရ လက်ထက်တွင်လည်း တရားမဝင် သစ်ခိုးထုတ်မှုများ ရှိနေပါသေးသည်။ မနေ့တစ်နေ့ကတင် မြန်မာ့စက်မှုဆိပ် ကမ်းတွင် ချထားသည့် ကုန်သေတ္တာ နှစ်လုံးထဲက တရားမဝင်သစ်များ အချိန်မီ ဖမ်းဆီးရမိလိုက်ပါသေး သည်။ ယင်းဖမ်းဆီးရမိမှု၏ ကွင်း ဆက်အရ နောက်ထပ်သစ်ခိုးထုတ် မည့် ကိစ္စများကိုပါ မီးခိုြး<ွကက် လျှောက်မိ၊ ပြည်သူ လူထုက ရွေး ကောက်တင်မြှောက်သော အစိုးရဟူသည်က သပ်သပ်၊  သစ်ခိုး ထုတ်ဖို့ အကြံထုတ်သည်က သပ် သပ်၊ ဝိသမစီးပွားရေးလုပ်ငန်းက သပ် သပ်ဖြစ်နေသည် ကိုတော့ ခွဲခြားသိမြင်ရပါမည်။

 ပြည်သူ့အစိုးရတက်လာ၍ သစ်ခိုးထုတ်မှုများ ရပ်ဆိုင်းသွားလိမ့် မည်။ ဝိသမ စီးပွားရှာခြင်းများ တွန့် ဆုတ် သွားလိမ့်မည်ဟု တစ်ထစ်ချမ တွေးပါနှင့်။ သို့သော် ပြည်သူ့အစိုးရ တက်လာလျှင်တော့ပြည်သူမကြိုက် သော၊ ပြည်သူလူထုအကျိုးစီးပွား ပျက်စီး ဆုတ်ယုတ်စေသော သစ်ခိုး ထုတ်ခြင်းများ၊ ဝိသမ မတော်မတရား စီးပွားရှာခြင်းများကို ထိရောက်စွာ ဖော်ထုတ်ရှင်းလင်း အမြစ်ပြတ်ချေ မှုန်းလိမ့်မည်ဟုတော့ ယုံကြည်တွေး တောနေရပါမည်။ မရှင်းနိုင်သေးလျှင် ရှင်းလင်းနိုင်အောင် ဝိုင်းဝန်းကူညီရပါ မည်။

ယခု ဇန်နဝါရီလကုန်ပိုင်းက ဖမ်းဆီးရမိသော သစ်ခိုးထုတ်မည့် ကိစ္စသည် ခေတ်အဆက်ဆက်က လုပ်ကိုင်ခဲ့သော သစ်ခိုးထုတ်မှုများ ၏ အဆက်လည်းဖြစ်သည်။ ယခုဘဏ္ဍာ နှစ်ထဲတွင် အများဆုံးသော သစ်ခိုး ထုတ်မှုပမာဏလည်းဖြစ်သည်။ အင်န်အယ်ဒီအစိုးရ အတွက်လည်း ပြောင်ပြောင်တင်းတင်း စိန်ခေါ်ခံ ရမှုလည်းဖြစ်သည်။ တရားမဝင် ကုန်သွယ်မှုများကို တပ်မတော်နှင့် ပူးပေါင်းကာ ပြတ်ပြတ်သားသား ဖြေရှင်းသွားမည်ဟု ပြောပြထားခဲ့ သော စီမံကိန်းနှင့် ဘဏ္ဍာရေးဝန် ကြီးငှာန ပြည်ထောင်စုဝန်ကြီး အား လည်း နားရွက်တံတွေးဆွတ် လိုက် ခြင်းဖြစ်သည်။ ထို့ပြင် မြန်မာနိုင်ငံ သူနိုင်ငံသားများအား လည်း ဒေသ တွင်းနိုင်ငံများ အလယ် ဆက်လက် မျက်နှာငယ် သိက္ခာကျဆင်းအောင် လုပ်ဆောင်လိုက်ခြင်းမျိုးလည်းဖြစ် သည်။ ဒေသတွင်း နိုင်ငံ များကြား တွင် မြန်မာနိုင်ငံသည် 'သူခိုးတိုင်း ပြည်'ဟု လူသိများထင်ရှားကျော် စောသောနိုင်ငံဖြစ်သည်။

ပြီးခဲ့သော ဇန်နဝါရီလကုန် ပိုင်းက တရားမဝင်သစ်ခိုးထုတ်မည့် ကိစ္စဖမ်းဆီးရမိမှုမှာ ဤသို့ဖြစ်သည်။         

ဇန်နဝါရီ ၂၄ ရက်တွင် သတင်း ရရှိ၍ ရန်ကုန်မြို့၊ အလုံ မြို့နယ်ရှိ မြန်မာ့စက်မှုဆိပ်ကမ်း တွင် ကုန်သေတ္တာနှစ်လုံးရောက်ရှိနေသည် ကို သက်ဆိုင်ရာ ဌာနများက ညှိနှိုင်း ပြီး ဖွင့်ဖောက်ကြည့်ရှုရာ ကျွန်းသစ် ၃၃ တန်ကျော်ကို တွေ့ရှိခဲ့ပြီး စတင် သိမ်းဆည်းရမိခဲ့သည်။ ထို့နောက် သတင်းကွင်းဆက်အရ ဆက်လက် လိုက်သောအခါ ယင်းဆိပ် ကမ်းဝင်း ထဲ၌ပင် ကုန်သေတ္တာ ၁၁ လုံးကို ဇန်နဝါရီ ၂၆ ရက်က ဖွင့် ဖောက် စစ်ဆေးရာ ပိတောက်ခွဲသား စကွဲ ယားတုံး တန် ၁၆ဝ ကျော်ကို ထပ်မံ သိမ်းဆည်းရမိခဲ့သည်။

ထို့နောက် ယင်းသစ်များ ဘယ် အရပ်ကလာသနည်း၊ သတင်းကွင်း ဆက်အရ ဆက်လိုက်ကြရာ ဇန်နဝါ ရီ ၂၈ ရက်တွင် အမှတ် ၄၁ဝ၊ ဘီ၊ စကားဝါလမ်း၊ ပုလဲမြို့သစ်၊ မင်္ဂလာဒုံ မြို့နယ် ခြံဝင်းထဲရှိ ကုန်သေတ္တာ ၂၄ လုံးကို ရှာဖွေတွေ့ရှိခဲ့သည်။ ယင်းကုန် သေတ္တာ ၂၄ လုံးအနက် ၁ဝ လုံးကို ဖွင့်ကြည့်ရာ တရားမဝင်ခိုးထုတ်မည့် ပိတောက်ခွဲသား အပြည့်ထည့်ထား သည်ကို တွေ့ရ သည်။ နောက်ထပ် ကုန်သေတ္တာ ခြောက်လုံးသည် သင်္ဘောတင်ရန် အသင့်ူငညနှနေူ များ ရိုက်နှိပ်ထားပြီး ပိတောက်ခွဲ သားများ အ ပြည့်ထည့်ထားသည်ကို တွေ့ခဲ့ရသည်။ ကျန်ကုန်သေတ္တာရှစ် လုံးကတော့ ဘာမှမရှိ၊ အခွံချည်း သက်သက်ဖြစ်သည်ဟု ဆိုသည်။

ယင်းပုလဲမြို့သစ်ခြံဝင်းအတွင်း ၌ ကုန်သေတ္တာ ၁၆ လုံးအတွင်း ထည့်သွင်းထားသည့် ခိုးထုတ်မည့် သစ်များအပြင် ခြံဝင်း အတွင်း မြေ ပြင်တွင် ပုံထားသော သစ်များလည်း တွေ့ရှိရခဲ့သည်။ ယင်းခြံဝင်းအတွင်း က စုစုပေါင်း သိမ်းဆည်းရမိသော သစ်များမှာ ပိတောက် ၃၇၅ တန်၊ တမလန်း တန် ၂ဝ သိမ်းဆည်းရမိခဲ့ သည်။ ထို့နောက် သတင်းကွင်းဆက် အရ ဆက်လိုက်ကြရာ ဇန်နဝါရီ ၃၁ ရက်တွင် အမှတ် ၁၆/၆၄ ဦးထွန်း ညိုလမ်း၊ ရွှေပြည်သာ စက်မှုဇုန် ၃ ရှိ ခြံဝင်းထဲတွင် ပိတောက်တန်ချိန် ၂၅ဝ၊ တမလန်း သုံးတန် ထပ်မံ တွေ့ရှိသိမ်းဆည်းရမိပြန်ခဲ့ပါသည်။         

ထို့နောက် သတင်းကွင်းဆက် အရပင်ထပ်မံ၍ လိုက်ကြပြန်သော အခါ ဖေဖော်ဝါရီ ၁ ရက်တွင် အ မှတ် ၉၆၊ ရွှေရင်အေး ကျောင်း လမ်း၊ လှိုင်သာယာမွေးမြူရေးဇုန် ခြံဝင်း ထဲတွင် ပိတောက်တန် ၃ဝ၊ ကျွန်း နှစ်တန်၊ ကုက္ကိုနှစ်တန် ထပ်မံသိမ်း ဆည်းရမိခဲ့ပြန်ချေ သည်။ ဤသို့ဖြင့် ဇန်နဝါရီ ၂၄ ရက်မှ ဖေဖော်ဝါရီ ၁ ရက်အထိ ကိုးရက်တာအတွင်း ကျွန်း သစ် ၃၅ တန် ကျော်၊ ပိတောက် ၈၁၈ တန်ကျော်၊ တမလန်း ၂၃ တန် (စိစစ်ဆဲ) နှင့် ကုက္ကိုနှစ်တန်ကျော် စုစုပေါင်း တရားမဝင်သစ်ခွဲသားတန် ၈၈ဝ ကျော် (ကာလတန်ဖိုးအားဖြင့် ကျပ်သိန်းပေါင်း ၂၆ဝဝဝ ကျော်ခန့်) သိမ်းဆည်းရမိခဲ့ပါတော့သည်။             

ထိုသောအခါ သက်ဆိုင်ရာက ဘာများအရေးယူဆောင်ရွက်ထားခြင်း ရှိပါသနည်း။ သစ်တော ဦးစီးဌာန သည် ဖြစ်စဉ်နှင့် စပ်လျဉ်းသည့် ကုမ္ပဏီမှ တာဝန်ရှိသူများ၊ ပွဲစား၊ ခြံပိုင်ရှင်၊ ဂိုဒေါင်မှူး၊ ဂိုဒေါင်ပိုင်ရှင်နှင့် ဂိုဒေါင်ငှားရမ်းသူတို့အား သစ်တော ဥပဒေ ၄၃(က)၊ ၄၂ (ခ) တို့အရ အရေးယူဆောင်ရွက်လျက်ရှိသည်ဟု သတင်းကြားလိုက်ရသည်။ ဒါပဲလား၊ နောက်ထပ်ဘယ်လိုများ ထပ်မံအရေး ယူ ဦးမည်လည်း ဆိုသည်တော့ မသိ ရသေးပါ။ ယနေ့ထက်ထိလည်း ပိုင် ရှင် အစစ်အမှန် မည်သူနည်း၊ မည် သည့် အုပ်စုနည်း၊ မည်သည့် အဖွဲ့ အစည်းနည်း။ မသိရသေးပါ။

 နောက်ဆုံးကြားသိရသော သတင်းများအရ မြန်မာ့စက်မှုဆိပ် ကမ်းတွင် စတင်ဖမ်းဆီးဖော်ထုတ် နိုင်ခဲ့သော တရားမဝင် သစ်ခိုး ထုတ်မည့်ဖြစ်စဉ် ကွင်းဆက်ကြီး တစ်ခုလုံးသည် နောက်ကွယ်တွင် ဂိုဏ်းအသွင်ဖြင့် လှုပ်ရှားဆောင် ရွက်ခဲ့ခြင်းဖြစ်ကြောင်း သစ်တော ဦးစီးဌာန ဒုတိယညွှန်ကြားရေးမှူး ချုပ်တစ်ဦးက ဖေဖော်ဝါရီ ၃ရက် က ထုတ်ဖော်ပြောကြားခဲ့သည်။ သို့ ဖြစ်လျှင် ယင်းဂိုဏ်းသည် မည်သည့် ဂိုဏ်းနည်း၊ မည်သူတွေနှင့် ဖွဲ့စည်း ထားသည့် ဂိုဏ်းဖြစ်သနည်း။ မည်သူ မည်သည့် အုပ်စုက ဦးဆောင်သ နည်း။ ယင်းဂိုဏ်းကို အပေါ်က ညွှန် ကြားကြီးကြပ်ကွပ်ကဲသူ ရှိသေးသ လား စသည်များကိုလည်း ဖော်ထုတ် ရပေဦးမည်။ သို့မဟုတ် ဖော်ထုတ် သိရှိပြီး ဖြစ်ချင်လည်း ဖြစ်နိုင်သည်။ အများပြည်သူသို့ ထုတ်ပြန်ကြေညာ ရန် အချိန်မသင့်သေး၍ လည်း ဖြစ် နိုင်သည်။

မည်သို့ဖြစ်စေ၊ သည်တစ်ခါ တော့ သစ်ခိုးထုတ်မည့် ကိစ္စများ အချီကြီး မိထားပြီဖြစ်ရာ သိမ်း ဆည်းရမိသည့် သစ်တန်ချိန်ပေါင်း ၈၈ဝ ကျော်သည် ပိုင်ရှင်မဲ့ဖြစ်မ သွားဖို့ အထူးလိုအပ်နေပါသည်။ ပိုင်ရှင်မဲ့၊ ပိုင်ရှင်မဲ့ဖြင့် နှစ်ပေါက် တစ်ပေါက်ရိုက်ကာ သက်ဆိုင်ရာ ဌာနများကို လုပ်ချသွားပေါင်းလည်း များလှပါပြီ။

ယခုကိစ္စသည် ပိုင်ရှင်ပေါ်ကို ပေါ်ရ ပါမည်။ ပိုင်ရှင်ရှိ၍ တရားမဝင် သစ် ခိုးထုတ်ရန် သင်္ဘောတင်တော့မည့် အဆင့်သို့ ရောက်ရှိ လာခြင်းဖြစ်သည်။ ပိုင်ရှင်ပေါ်ပြီဆိုလျှင် ပြည် သူကို ပွင့်လင်းမြင်သာ ဖွင့်ချပြပြီး ဂိုဏ်းအဖွဲ့အစည်းပဲဖြစ်ဖြစ်၊ တစ်ဦး တစ်ယောက် တည်းပဲဖြစ်ဖြစ်၊ အရိပ် ကြီးကြီးအောက်တွင် ခိုသူပဲဖြစ်ဖြစ်၊ အကိုင်းကြီးကြီးတွင်ပဲ နားသူ ဖြစ်ဖြစ်၊ ဘာကောင်ကြီး၊ ညာကောင်ကြီး ပဲဖြစ် ဖြစ် ထိရောက်စွာ အပြစ်ပေးအရေး ယူပြီး တရားမဝင် သစ်မှောင်ခိုခိုး ထုတ်မည့် ကိစ္စများကို တစ်ဇာတ် သိမ်းပေးစေချင်သည်။

 ပြည်သူများကလည်း ထိုကဲ့သို့ ထိရောက်သော အရေးယူမှုမျိုးကို လိုလားနေသည်။ ပြည်မြို့က ပြည် သူတစ်ဦးကဆိုလျှင် ယခုလို ဝေ ဖန်သုံးသပ်ထားသည်။ ''နယ်ဘက် တွေမှာအရင်က သစ်လုပ်ပြီး ကြီး ပွားသွားတဲ့သူတွေ မနည်းဘူး။ သစ် လှည်းတွေ ညဘက်ဆင်းဆင်းလာ ရင် ၁ဝ စီး၊ ၁၅ စီးလောက်ရှိတယ်။ သန်းခေါင်ကျော်နာရီပြန်တစ်ချက် လောက်ဆို ဆင်းလာပြီ။ အဲဒီတုန်း ကတော့ သက်ဆိုင်ရာ ဂိတ်တွေနဲ့ ပေါင်းလုပ်ကြတော့ အကုန်ကြီး ပွားကုန်ကြရော။ ဒါပေမယ့် ဒီ ဘက်ခေတ်လည်း ရောက်ရော အဲဒီ တုန်းကဒဏ်တွေက နောင်လာနောင်သားတွေအတွက် မကောင်းတော့ဘူး။ ရာသီဥတုတွေ ဖောက်ပြန်ကုန်တယ်။ သစ်တောတွေ ပြုန်းကုန်တယ်။ ကိုယ့် နိုင်ငံကထွက်တဲ့ ပစ္စည်းကို ဈေးကြီး ကြီး ပေးဝယ်ပြီး ပြန်သုံးနေရတယ်။ အခုလည်း ခဏခဏပဲ တရားမဝင် ကျွန်းသစ်တွေ မိတယ်။ တချို့ဟာ တွေက ပိုင်ရှင်မဲ့တွေတဲ့။ တောပြုန်း တာလည်း မပြောနဲ့၊ မိလိုက်တဲ့ တန် ချိန်တွေကလည်း နည်းနည်းနောနော မဟုတ်ဘူး။ ဒါမျိုးတွေ မဖြစ်အောင် သက်ဆိုင်ရာ ဝန်ကြီးဌာနတွေနဲ့ အဖွဲ့အစည်းတွေက လုပ်ဆောင်သင့် တယ်။ ဖမ်းမိလို့ရှိရင်လည်း ထိ ရောက်တဲ့ ပြစ်ဒဏ်ပေးသင့်တယ်''ဟု ဆိုသည်။ ထို့ပြင် မင်္ဂလာဒုံမြို့နယ် ဘက်က ပြည်သူတစ်ဦးပြောသံလည်း ယခုလိုကြားရသည်။

''မြန်မာနိုင်ငံမှာ တရားမဝင်လုပ် တာတွေက ရိုးနေပါပြီ။ အခုလည်း မင်္ဂလာဒုံမှာ မိတာ တန်ချိန် ၃ဝဝ ကျော် ၄ဝဝ နီးပါးပဲ။ ဒါတောင် အရင်မိထားတာတွေ မပါသေးဘူး။ သစ်ကို တရားမဝင် သိုလှောင်ပြီး ရောင်းဝယ်နေတာ အများကြီးရှိဦး မှာပဲ။ ဒီလို သစ်ကို တရားမဝင် ခိုးထုတ်တာတွေကို  ပြင်းပြင်းထန် ထန် အရေးယူသင့်တယ်။ ဒီလို တရားမဝင်မှုတွေကိုလည်း ဆက် လက် စုံစမ်းပြီး ဖော်ထုတ်သင့်တယ်။ ဒါတွေက တိုင်းပြည်ရဲ့ ဘဏ္ဍာတွေ အများကြီးဆုံးရှုံးစေတယ်။ ရန်ကုန်မှာ တောင်မှ ဒီလို တရားမဝင် သစ်တွေ ကို ဖမ်းမိနေတယ်ဆိုရင် နယ်ဘက် တွေ၊ သက်ဆိုင်ရာက လက်လှမ်းမမီ နိုင်တဲ့ တောတောင်တွေထဲမှာဆိုရင် တရားမဝင်ခိုးထုတ်တာတွေ ရောင်း ဝယ်နေတာတွေက ဘယ်လောက် တောင်များနေမလဲဆိုတာ မသိနိုင် ဘူး''ဟု ဆိုသည်။

ထိုနည်းတူစွာ ပြင်ဦးလွင်ဘက်မှ သစ်တောဝန်ထမ်းတစ်ဦးကလည်း တရားမဝင်သစ်ခိုးထုတ်ခြင်းကို ယခု လိုဝေဖန် သုံးသပ်ထား ပါသေးသည်။

''မြန်မာနိုင်ငံမှာ တရားမဝင် လုပ်ပြီး ကြီးပွားနေတဲ့သူတွေက  အများကြီးပါ။ တရားမဝင် သစ် မှောင်ခိုလုပ်တယ်။ မူးယစ်ဆေးဝါး တွေ အရောင်းအဝယ်လုပ်တယ်။ နောက်ကွယ်ကတစ်ယောက်ယောက် ရှိနေရင် ပိုင်ရှင်မဲ့ဖြစ်ကုန်တယ်။ ဒါ တွေက ထုံးစံလိုဖြစ်နေတယ်။ မိရင် လည်း ပိုင်ရှင်က တစ်ယောက်တည်း ဖြစ်လိုဖြစ်နဲ့။ ပစ္စည်းသိမ်းပြီး ဒဏ် ငွေရိုက်တာလောက်နဲ့တော့ မပြီးစေ ချင်ဘူး။ တရုတ်တွေ သစ်လာခိုးတုန်း ကလည်း ၁ဝ ရက် လောက်ထောင်ချ ပြီး လွှတ်ပေးလိုက်တယ်။ အောက်ခြေ ပြည်သူ တစ်ယောက်ယောက် က များ ဒီလို တရားမဝင် သစ်မှောင်ခိုမျိုးသာ လုပ်ကြည့်ပေးလိုက်မယ့် ပြစ်ဒဏ်တွေ နည်းမှာ မဟုတ်ဘူး။ ဒီလို တရားမ ဝင်တဲ့ သစ်မှောင်ခိုတွေ လုပ်တဲ့ သူ တိုင်းကို ထိရောက်တဲ့ ပြစ်ဒဏ်ပေး ပါလို့ တောင်းဆိုချင်ပါတယ်''ဟု ပြော ဆိုထားသည်။

အင်န်အယ်လ်ဒီအစိုးရသည် တရားမဝင်သစ်မှောင်ခို ခိုးထုတ် ခြင်းကိစ္စများအတွက် မည်သို့စီရင် ရမည်နည်းဟူသော ပြည်သူများ၏  အသံများကို ကြားကောင်းကြားသိ ကြပေမည်။ ကြားသိကြမည်ဟုလည်း ယူဆသည်။ အဘယ်ကြောင့်မူ ပြည် သူက ရွေးကောက် တင်မြှောက်ထား၍ ပြည်သူ့အသံနှင့် ဆန္ဒကို အမြဲတမ်း နားစွင့်နေမည်ဟု ယူဆ၍ ဖြစ် သည်။ တရားမဝင် သစ်ခိုး ထုတ်နေ ခြင်းများကို ပြည်သူများလိုလား တောင့်တသကဲ့သို့ အပြတ်ရှင်းထုတ် ရန် အချိန်ကျပြီဟု မြင်မိသည်။ အင်န်အယ်လ်ဒီ အစိုးရသည် လည်း ပြည်သူတို့ ဆန္ဒဖြစ်သည့်အတိုင်း သစ်မှောင်ခိုကိစ္စများကို တပ်မတော် နှင့်  ပူးပေါင်းကာ အမြစ်ပြတ်ချေ မှုန်းလိမ့်မည်ဟု ထင်ပါသည်။

သို့သော် တစ်ခုတော့ စိုး နှောင့်ဗျာပွေဖြစ်မိသည်မှာ အမျိုး သားပြန်လည်သင့်မြတ်ရေးကို အ ကြောင်းပြုပြီး ရှေ့လာ မည့်နိုင်ငံရေး ပြုပြင်ပြောင်းလဲမှုများ အပဲ့အပွန်း အထိအပါးကို ရှောင်ရှားသောအား ဖြင့် သစ်သူခိုးစောရကြီးများအား ခွင့်လွှတ် နားလည် အမှားပြန်ပြင်ခွင့် ပေးသနားလိုက်မိမှာကိုတော့ စိုးရိမ် ကြောင့်ကြဖြစ်မိပါကြောင်း လေ့ လာသုံးသပ် ရေးသားတင်ပြလိုက်ရ ပါသည်။

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.