19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
ဖြေရှင်းပေးရဦးမည့် စားသုံးသူ အခွင့်အရေး ချိုးဖောက်ခံရခြင်းများ

ကမ္ဘာပေါ်တွင် စားသုံးသူ ပြည်သူများ၏ အခွင့်အ ရေး ကာကွယ်စောင့်ရှောက်သောအားဖြင့် 'ကမ္ဘာ့ စားသုံးသူ အခွင့်အရေးနေ့' ဟူ၍ ရှိသည်။ မြန်မာနိုင်ငံ အတွက်တော့ အထူးအဆန်း ဖြစ်ကောင်း ဖြစ်နိုင်သည်။ ကမ္ဘာ့စားသုံးသူ အခွင့်အရေးနေ့ကို ဒီမိုကရေစီနိုင်ငံ တိုင်းတွင် နှစ်စဉ်နှစ်တိုင်း ကျင်းပကြသည်။ ကမ္ဘာ့စားသုံးသူ အခွင့်အရေးနေ့ကို နှစ်စဉ်မတ်လ ၁၅ ရက်နေ့ဟု သတ်မှတ်ထားသော် လည်း အချို့နိုင်ငံများက အလျဉ်း သင့်သလို ကျင်းပကြသည်။ နေ့ရက်သတ်မှတ်ချက် သည် အရေးမကြီး။ အရေးကြီးသည်မှာ စားသုံးသူ ပြည် သူအများ၏ ရပိုင်ခွင့် အခွင့်အရေးများကို  ကာကွယ် စောင့်ရှောက်ရေး မေ့မသွားရေးပင် ဖြစ်သည်။

စားသုံးသူ အခွင့်အရေးနေ့အကြောင်း ပြန်လှန် လေ့လာကြည့်သောအခါ ယင်းနေ့ကို စတင် သတ်မှတ် ခဲ့သူမှာ အမေရိကန်သမ္မတ ဂျွန်အက်ဖ်ကနေဒီက စတင်သတ်မှတ်ခဲ့ကြောင်း တွေ့ရှိရသည်။ ဂျွန်အက်ဖ်ကနေဒီသည် နိုင်ငံတကာ စားသုံးသူများ၏ လှုပ်ရှား ဆောင် ရွက်မှုများနှင့် စည်းလုံးညီညွတ်မှုကို အကြောင်း ပြု၍ ၁၉၆၂ ခုနှစ် မတ်လ ၁၅ ရက်ကို  စားသုံးသူ အခွင့်အရေးနေ့ အဖြစ် သတ်မှတ်ခဲ့သည်။ ၄င်းသည် စားသုံးသူများ၏ အခွင့်အရေးနှင့် အခြေခံမူများအဖြစ် ဘေးဥပဒ်ကင်းစွာ စားသုံးနိုင်ခွင့်ရရှိရေး၊ မိမိစိတ်ကြိုက် ရွေးချယ်နိုင်ခွင့် ရရှိရေး၊ သတင်း အချက်အလက် ပြည့်စုံစွာ ရရှိနိုင် ခွင့်ရရှိရေး၊ တိုးတက်နေသည့် ဝန် ဆောင်မှုများအား ကြားနာသိရှိ နိုင်ခွင့်ရရှိရေး စသည့် အချက်လေး ချက်ကို ကြေညာခဲ့သည်။ ထို့ နောက် နောက်တိုးအချက်လေး ချက်ကို ထပ်မံကြေညာခဲ့ပြီး၊ ၁၉၈၅ ခုနှစ်တွင် ကမ္ဘာ့ကုလသမဂ္ဂ အထွေ ထွေညီလာခံ၌ စားသုံးသူများ၏ အခွင့်အရေးနှင့် ပတ်သက်ပြီး အ ခြေခံလမ်းညွှန်မှုများ အတည်ပြု ချက်မှတ်နိုင်ခဲ့သည်ဟု သိရသည်။ ယင်းမှ စတင်ကာ ကမ္ဘာ့နိုင်ငံ အသီးသီးတွင် စားသုံးသူ အခွင့် အရေးနေ့အဖြစ် မိမိအစီအစဉ်ဖြင့် မိမိဆင်ယင်ကျင်းပကြစေသည်။

စားသုံးသူ ပြည်သူလူထု၏ အခွင့်အရေးကို အလေးထားသော ဒီမိုကရေစီနိုင်ငံများကတော့ နှစ် စဉ်မပျက်မကွက် ကျင်းပကြသည်။ ကျန်နိုင်ငံများကတော့ ကျင်းပဖို့ နေနေသာသာ ဆေးဖော် ကြော ဖက်ပင် မလုပ်ခဲ့သည့် နိုင်ငံများပင် ရှိသည်။ အထူးသဖြင့် တစ်ပါတီ အာဏာရှင်နိုင်ငံများ၊ စစ်တပ်က အာဏာသိမ်းယူထားပြီး  စစ်အုပ် ချုပ်ရေးဖြင့် အုပ်ချုပ်နေသော နိုင်ငံများသည် မိမိတို့ ပြည်သူများ အား စားသုံးသူ အခွင့်အရေးနေ့ ရှိ၍ရှိမှန်းမသိအောင် နား၊ မျက်စိ ပိတ်ထားခဲ့သည်။ ယင်းကလည်း ရှင်းပါသည်။ အာဏာရှင် ဟူသည် ပြည်သူလူထုအပေါ် အခွင့်အ ရေးမှန်သမျှ ဘာအခွင့်အရေး မျှမပေးမှ သူတို့ အာဏာစူး ရောက်ပြီး တစ်ချက်လွှတ်အမိန့် အာဏာ များဖြင့် နိုင်ငံကို နှစ်ပေါင်းရှည် ကြာအုပ်ချုပ်ချယ်လှယ်နိုင်မည် ဖြစ်သည်။

 မြန်မာနိုင်ငံတွင်လည်း ထို နည်းလည်းကောင်းပမာ တစ်ပါတီ အာဏာရှင် မဆလခေတ် တစ် ခေတ်လုံးနှင့် စစ်အစိုးရ နဝတ၊ နအဖ ခေတ်တစ်လျှောက်လုံးတွင် စားသုံးသူပြည်သူလူထုတွင် အခွင့် အရေးရှိသည်၊ စားသုံးသူ အခွင့် အရေးကို ကာကွယ်စောင့်ရှောက် ပေးရမည်ဟူသော ကိစ္စများ တစ် စွန်းတစ်စမျှ မကြားမိ။ မကြားမိ အောင်လည်း မျက်စိ၊ နားပိတ်ထား ခဲ့သည်။ ထို့ကြောင့် စားသုံးသူ မြန် မာပြည်သူများ ကမ္ဘာ့စားသုံးသူ အခွင့်အရေးနေ့အကြောင်းကိုလည်း မသိခဲ့။ ကျင်းလည်း မကျင်းပခဲ့ကြ ပါချေ။ သို့သော် ယခင် အစိုးရ လက်ထက်မှာတော့ ဒီမိုကရေစီကို ပုံဖော်ပေးမည့် အသွင်ပြောင်းအစိုး ရဖြစ်လာ သဖြင့် ပြည်သူ့ အခွင့်အ ရေးကိစ္စများ ဖော်ဆောင်ပေးရေး အနည်းအပါး ပေါ်ပေါက်လာ သည်။ ယင်းအထဲတွင် စားသုံးသူ အခွင့်အရေးကိစ္စလည်း ပါဝင်လာ သည်။

စားသုံးသူအခွင့်အရေးကိစ္စ အကြောင်း ပြောတော့မည်ဆိုလျှင်  ဥပဒေရေးဆွဲပြဋ္ဌာန်းပြီးမှ အံဝင် ခွင်ကျဖြစ်နိုင်မည် ဖြစ်သဖြင့် စား သုံးသူဆိုင်ရာ ဥပဒေတစ်ရပ် ဦး စွာ ရေးဆွဲကြပါသည်။ ထို့နောက် 'စားသုံးသူ အကာအကွယ်ပေးရေး ဥပဒေ'ဟု အမည်ပေးပြီး ပြည် ထောင်စုလွှတ်တော်တွင် ၂ဝ၁၄  ခုနှစ် မတ် ၁၄ ရက်တွင် အတည် ပြုပြဋ္ဌာန်းနိုင်ခဲ့သည်။ ဥပဒေ မပြဋ္ဌာန်းရသေးမီ စားသုံးသူ အခွင့် အရေးများနှင့် ပတ်သက်၍ စား သုံးသူ ကာကွယ်ရေးဆိုင်ရာ အသိ ပညာ ဗဟုသုတတိုးပွားစေ ရန် ရည်ရွယ်ချက်ဖြင့်  ၂ဝ၁၃ ခုနှစ် မေ ၁ ရက်တွင် စီးပွားရေးနှင့် ကူးသန်းရောင်းဝယ်ရေး ဝန်ကြီး ဌာန၊ ကူးသန်းရောင်း ဝယ်ရေးနှင့်  စားသုံးသူရေးရာ ဦးစီးဌာနကို ဖွင့် လှစ်ခဲ့သည်။ ထို့နောက် ယင်းဦးစီး ဌာနအောက်တွင် စားသုံးသူ  အ ကာအကွယ်ရေးပေးရေး ဌာနခွဲများ အား ပြည်နယ်နှင့် တိုင်းဒေသကြီး အသီးသီးတွင် စတင်ဖွဲ့စည်းခဲ့ သည်။ ၂ဝ၁၅ ခုနှစ် ဧပြီ ၁ ရက် ကစပြီး စားသုံးသူ အကာအကွယ် ပေးရေးဆိုင်ရာ လုပ်ငန်းတာဝန် များ ဆောင်ရွက်ရန် ဖွဲ့စည်းခဲ့သည်။ စားသုံးသူ အကာ အကွယ်ပေးရေး ဆိုင်ရာ လုပ်ငန်းတာဝန်များ ဆောင်ရွက်ရန် ဖွဲ့စည်းခဲ့သည့် စား သုံးသူ အကာအကွယ်ရေး ဌာနခွဲ များသည် ကုန်သွယ်မှု မြှင့်တင်ရေး နှင့် စားသုံးသူရေးရာ ဦးစီးဌာန အမည်ဖြင့် လုပ်ငန်းတာဝန်များ အား လွှဲပြောင်းရယူချိန်မှစ၍ စတင်ဆောင်ရွက်ခဲ့သည်ဟု ဆို သည်။ ယင်းတို့သည် ယခင်အစိုးရ လက်ထက်တွင် စားသုံးသူ အခွင့် အရေးနှင့် အကာအကွယ်ပေးရေး ကိစ္စများအတွက် အစပျိုးဆောင် ရွက်ခဲ့မှုများဖြစ်သည်ဟု ဆိုနိုင် သည်။ သို့သော် ဌာနဆိုင်ရာများ တွင် တရားဝင်အဖြစ် ဖွဲ့စည်းနိုင်ခဲ့ ကြပါသော်လည်း လှုပ်ရှားဆောင် ရွက်မှုများကတော့ အစပျိုးချိန်ဖြစ် နေ၍လားမသိ။ အားနည်းနေ ပါ သေးသည်။ ပြည်သူလူထုအတွင်း သတင်းဖြန့်ဝေခြင်းများလည်း  အားပျော့နေပါသေးသည်။ အချို့ ပြည်သူများသည် မိမိကိုယ်မိမိ စား သုံးသူဖြစ်၍ဖြစ်မှန်းတောင် မသိရှိ ကြသေးသည်များ ရှိသည်။ စားသုံး သူဆိုသည်မှာ ဝန်ဆောင်မှု တစ် ခုခုကို အခကြေးငွေပေး၍ ရယူ သုံးစွဲသူသည် စားသုံးသူဖြစ်သည်။ ပြည်သူလူထုအားလုံးသည် စားသုံး သူများဖြစ်ကြသည်။ အုပ်ချုပ်သူ အစိုးရသည်လည်း စားသုံးသူဖြစ် သည်။ ကုန်ထုတ်လုပ်သူ၊ ရောင်း ဝယ်ဖြန့်ချိသူ၊ ဝန်ဆောင်မှု တစ်စုံ တစ်ရာပေးသူမည်သူ မဆိုအားလုံး စားသုံးသူများ ဖြစ်သည်။

 မြန်မာနိုင်ငံတွင် လူဦးရေ သန်းပေါင်း ၅၁ သန်းကျော်ရှိ၍ စားသုံးသူ ၅၁ သန်းကျော်ရှိသည့် နိုင်ငံဟု ဆိုနိုင်သည်။ စားသုံးသူဆို ရာတွင်လည်း လူ့အဆင့်အတန်း ခွဲခြားခြင်းရှိသကဲ့သို့ စားသုံးသူ အ ဆင့်အတန်း ခွဲခြားခြင်းလည်း ရှိနေ သည်။ ထို့ကြောင့် နိုင်ငံတကာ တွင် စားသုံးသူအဆင့်အတန်းမခွဲခြား ရေး၊ စားသုံးသူအဆင့်အတန်း တစ် ပြေးညီဖြစ်စေရေး စားသုံးသူ အခွင့်အရေး အညီအမျှ  ခံစားရရှိရေး စသည်ဖြင့် တောင်းဆိုတိုက်ပွဲ  ဝင် ဆန္ဒဖော်ထုတ်ကြခြင်းများလည်း ရှိသည်။ နောက်ဆုံး မတော့ စားသုံး သူ အခွင့်အရေးအညီအမျှ ရရှိရေး၊ စားသုံးသူ အဆင့်အတန်း မခွဲခြား ရေးသည် ထိုနိုင်ငံ၏ ပြဋ္ဌာန်းထား သော စားသုံးသူ အခွင့်အရေး ကာ ကွယ်စောင့်ရှောက်ရေး ဥပဒေ အတိုင်းသာ ဖြစ်ရတော့သည်။ မြန်မာနိုင်ငံတွင် စားသုံးသူ အဆင့် အတန်းခွဲခြားမှု မရှိစေရေး တောင်း ဆိုဆန္ဒပြမှုများ မရှိသေးချေ။ မရှိ သေးသည့်အပြင် စားသုံးသူ အခွင့် အရေးအပြည့် အဝကာကွယ်ပေးရေး ဆန္ဒပြပွဲများပင် မရှိသေးပါပေ။

အင်န်အယ်လ်ဒီ အစိုးရ လက် ထက်မှာတော့ 'ကမ္ဘာ့စားသုံး သူ အခွင့်အရေးနေ့' ကို ပထမဆုံး ကျင်းပနိုင်ခဲ့သည်။ ယင်းသည်ပင် အတော် ဟုတ်လှပြီဟု ဆိုနိုင် သည်။ ၂ဝ၁၆ ခုနှစ် မတ် ၂၆ ရက်တွင် ရန်ကုန်တိုင်းဒေသကြီး စီးပွားရေးနှင့် ကူးသန်းရောင်း ဝယ် ရေး တိုင်းရုံး၌ ကမ္ဘာ့စားသုံးသူ အခွင့်အရေးနေ့ကို ကျင်းပနိုင်ခဲ့ သည်။ ယင်းနေ့ကျင်းပရေးနှင့် ပတ်သက်၍ ပြုလုပ်သော သတင်း စာရှင်းလင်းပွဲတွင် ကုန်သွယ်မှု မြှင့် တင်ရေးနှင့် စားသုံးသူရေးရာ ဦးစီး ဌာန ဒုတိယညွှန်ကြားရေးမှူးချုပ် က ''ကမ္ဘာ့စားသုံးသူ အခွင့်အရေး နေ့ကို မြန်မာနိုင်ငံမှာ ပထမဦးဆုံး အကြိမ်ပြုလုပ်တာပါ။ စားသုံးသူ အခွင့်အရေးဆိုတာ ကို ပြည်သူတွေ အနေနဲ့ သိရှိမှုနည်းပါးနေသေး တယ်။  ၂ဝ၁၄ ခုနှစ်မှာ စားသုံး သူ အကာအကွယ်ပေးရေး ဥပဒေ ထွက်လာပေ မယ့် ပြည်သူတွေရဲ့ အခွင့်အရေးဖြစ်တဲ့ စားသုံးသူအ တွက် အခွင့်အရေးကို သိတဲ့လူ သိပ်မရှိသေးဘူး။ ကျွန်တော့်တို့ဆီ မှာ စားသုံးသူ အခွင့်အရေးနဲ့ ပတ် သက်ပြီး စားသုံးသူတွေအနေနဲ့ ဗဟုသုတတွေ၊ အသိပညာတွေရှိ ရင် ကုန်ထုတ်လုပ်သူတွေအနေနဲ့ လိုက်နာရမယ့် အချက်တွေကို လိုက်နာမယ်ဆိုရင် အများကြီး ပပျောက်သွားမယ်လို့ ယူဆပါ တယ်။ စားသုံးသူတွေဖြစ်တဲ့ မြန် မာနိုင်ငံသား ပြည်သူတစ်ရပ်လုံး တန်းတူညီမျှ ရရှိခံစားနိုင်ရေးအ တွက် မြန်မာနိုင်ငံသားအားလုံး အမျိုးသားရေးအသွင်နဲ့ တက်ညီ လက်ညီ ပူးပေါင်းဆောင်ရွက်ကြဖို့ လိုပါတယ်''ဟု ဆိုသည်။

အစိုးရ အဆက်ဆက် ဌာန ဆိုင်ရာ တာဝန်ရှိသူ ပုဂ္ဂိုလ်များက တော့ ဘာကိစ္စပဲဖြစ်ဖြစ် ပြည်သူ လူထုအား ပူးပေါင်းပါဝင်ကြပါရန်၊ တက်ညီလက်ညီ တစ်ညီတစ်ညွတ် တည်း တက်တက်ြ<ွကြ<ွကရှိကြပါရန် ပြည်သူကို တစ်ဖန်ပြန်အားကိုးပြီး နှိုးဆော်ခဲ့ကြသည် ချည်းဖြစ်သည်။ ယခုလည်း စားသုံးသူ အခွင့်အရေး ကာကွယ်စောင့်ရှောက်ရေးတွင် ပြည်သူများအား  ပူးပေါင်းပါဝင်ကြ ရန် နှိုးဆော်ခဲ့ပြန်ပါသည်။ သို့သော် စားသုံးသူပြည်သူများကတော့ သက်ဆိုင်ရာ အဖွဲ့အစည်းများက သတင်းဖြန့်ဝေပေးမှုအားနည်း ခဲ့ ခြင်းကြောင့် စားသုံးသူ အခွင့်အ ရေးဟူသည် ဘာကိုဆိုလိုသနည်း၊ စားသုံးသူ အခွင့်အရေး ကာကွယ် စောင့်ရှောက်ပေးရေး သည် မည်သူ၊ မည်သည့် အဖွဲ့အစည်းက ဦး ဆောင်ပြီး ထိထိရောက်ရောက် လုပ်ဆောင်ပေးရမည်နည်း ကို သေ သေ ချာချာ ရေရေရာရာ မသိရ သေးသည့် အခြေအနေဖြင့် ရင် ဆိုင်နေရသည်။ ပြည်သူများ အသိ ဗဟုသုတ အားနည်းချို့ယွင်းနေ ရ ခြင်းမှာ အစိုးရအပေါ်တွင် မူတည် နေသည်။ အစိုးရသည် ပြည်သူအ များ အရာရာသော အသိဗဟု သုတများ သိရှိတိုးပွားအောင် အ ချိန်နှင့်တစ်ပြေးညီဆောင်ရွက်ပေး ရပါမည်။ ပြည်သူတို့၏ အခြေခံ အခွင့်အရေး တစ်ခုဖြစ်သော သတင်းအမှန်သိရှိခွင့်ကို မပြတ်မ လပ် ဆောင်ရွက်ပေးရမည့် တာဝန် ရှိပါသည်။ သို့သော် စားသုံးသူ အခွင့်အရေးရှိသည်ဟူသော အ ချက်ကို ပြည်သူအများ မသိကြသေး ခြင်းကတော့ လက်ရှိအစိုးရအ တွက် အားနည်းချက်ဖြစ်နေပါသည်။

 စားသုံးသူ အခွင့်အရေး အ ကာအကွယ်ပေးရေးနှင့် ပတ်သက် ပြီး စားသုံးသူဘက်က နစ်နာသည် ဟု ယူဆ၍ တိုင်ကြားလိုပါက တိုင်းဒေသကြီးနှင့် ပြည်နယ်အသီးသီးတွင် 'စားသုံးသူ အငြင်းပွားမှု ဖြေရှင်းရေး အဖွဲ့' ရုံးများ ဖွင့်လှစ် ပေးထားသည်။ ယင်းရုံး များ အောက် တွင် 'စားသုံးသူ တိုင်ကြား မှု လက်ခံရေး ကော်မတီ' ကိုလည်း ထပ်ဆင့်ဖွဲ့စည်းပေးထားပြီး နစ်နာ သူစားသုံးသူသည် စာဖြင့်ဖြစ်စေ၊ နှုတ်ဖြင့်ဖြစ်စေ တိုင်ကြားနိုင်သည် ဟု ဆိုသည်။ တိုင်ကြားမည်ဆိုလျှင် စားသုံးသူ တစ်ဦးသည် ဖြစ်စဉ် အကြောင်းအရာ၊ ဖြစ်ပွားသည့် နေ့ရက်၊ အချိန်နှင့် ဓာတ်ပုံအ ထောက်အထားရှိပါက ဓာတ်ပုံ၊ နစ်နာမှုဖြစ်စေသည့် သက်သေခံ ပစ္စည်းနှင့် မိမိဆုံးရှုံးနစ်နာမှုတို့ကို အထောက်အထားခိုင်လုံစွာဖြင့်  တင်ပြတိုင်ကြားရမည်။ တိုင်ကြား မှု ကော်မတီသည် တိုင်ကြား ချက် ကို လက်ခံပြီး စုံစမ်းစစ်ဆေးမှုများ ပြုလုပ်ရမည်။ ထို့နောက် စားသုံး သူ အငြင်းပွားမှုဖြေရှင်းရေး အဖွဲ့ သို့ တွေ့ရှိ ချက်နှင့် စစ်ဆေးချက် များကို တင်ပြရမည်ဖြစ်ပြီး လိုအပ် သည့် အရေးယူဆောင်ရွက်ချက် များကိုတော့ အငြင်းပွား မှုဖြေရှင်း ရေးအဖွဲ့ က ဆောင်ရွက်ရမည်။

 ပြည်သူလူထု၏ တိုင်ကြားမှု များအား စားသုံးသူ အကာအ ကွယ်ပေးရေး ဥပဒေအရ အရေး ယူ ဆောင်ရွက်ရာတွင် စီမံခန့်ခွဲ ရေး ဆိုင်ရာ အရေးယူဆောင်ရွက် ခြင်းနှင့် ရဲစခန်းသို့ တိုင်ကြား အရေးယူဆောင်ရွက်ခြင်းဟူ၍ နှစ် မျိုးနှစ်စားရှိသည်။ ပြစ်ဒဏ် အနေ ဖြင့် လည်း စီမံခန့်ခွဲရေးဆိုင်ရာ ပြစ် ဒဏ်နှင့် ရဲစခန်းသို့ တိုင်ကြားအ ရေးယူဆောင်ရွက်ခြင်း ဟူ၍ နှစ်မျိုး နှစ်စားရှိသည်။ စီမံခန့်ခွဲရေးဆိုင် ရာ ပြစ်ဒဏ်အနေဖြင့် စားသုံးသူ အငြင်းပွားမှုဖြေရှင်းရေးအဖွဲ့က ချမှတ်သည့် ပြစ်ဒဏ်များမှာ လုပ် ငန်းရှင်အား ပြင်းထန်စွာ သတိပေး ခြင်း၊ လျော်ကြေးတောင်းခြင်း၊ ကုန် ပစ္စည်းဖြန့်ချိမှု ရပ်ဆိုင်းခြင်း၊ ဈေး ကွက် အတွင်းရှိ ကုန်ပစ္စည်းများ အား ဖျက်သိမ်းခြင်း၊ ကုမ္ပဏီဖျက် သိမ်းခြင်းများနှင့် လိုင်စင်ရုပ်သိမ်း သည်အထိ အရေးယူခြင်းများဖြစ် သည်။ ရဲစခန်းသို့ ကိုယ်တိုင်သွား ရောက် တိုင်ကြား၍ ချမှတ်သည့် ပြစ်မှုနှင့် ပြစ်ဒဏ်မှာ စုံစမ်းစစ် ဆေးရာတွင် ထိခိုက်နစ်နာဆုံးရှုံးမှု များပြားပါက လုပ်ငန်းရှင်အား ထောင်ဒဏ်သုံးနှစ်နှင့် ဒဏ်ငွေ ကျပ် သိန်း ၅ဝ အထိ ချမှတ်နိုင် ကြောင်း သိရသည်။

ယခုအထိတော့ မြန်မာနိုင်ငံ တွင် စားသုံးသူ အခွင့်အရေး ချိုး ဖောက်မိခြင်းကြောင့် ထောင်ဒဏ် နှင့် ငွေဒဏ် ချမှတ်ခံရသော လုပ် ငန်းရှင် ဘယ်နှယောက်ရှိနေပြီဟု မကြားမိ၊ မသိရှိရသေးချေ။ သို့ဖြစ် ရာ မြန်မာနိုင်ငံသည်  စားသုံးသူ အခွင့်အရေး အပြည့်အဝရနေ သည်၊ စားသုံးသူ အခွင့်အရေး ချိုး ဖောက်ခံရခြင်းများ ကင်းရှင်းနေ သည်ဟုတော့ ယတိပြတ်မထင်ကြ စေလို ပါ။ မြန်မာနိုင်ငံတွင် ဝန် ဆောင်မှုပေးနေသော နယ်ပယ် အသီးသီး၌ စားသုံးသူ အခွင့်အရေး ချိုးဖောက် ခံနေရခြင်းများ ရှိနေ သည်။ ရှိနေကြောင်းလည်း အများ ပြည်သူများ သိရှိနေကြသည်။ သို့ သော် တိုင်ကြားခြင်းကိစ္စ အထွေ အထူးမရှိကြ၍ အရေးယူဆောင် ရွက်ခြင်းလည်း မရှိခဲ့ပေ။ ဤသို့ဖြင့် မြန်မာနိုင်ငံတွင် စားသုံးသူ အခွင့် အရေး ချိုးဖောက်မှုများ မရှိတော့ လေသယောင် ခပ်တည်တည်ဖြင့် မိန့်မိန့်ကြီး ရပ်တည်နေကြပါတော့ သည်။

စားသုံးသူ အငြင်းပွားမှု ဖြေ ရှင်းရေး အဖွဲ့အနေဖြင့်လည်း  စား သုံးသူ နစ်နာရမှုကိစ္စများကို တိုင်ကြားသူရှိမှ ဥပဒေအရ စစ် ဆေး အရေးယူမည်ဆိုသည်မှာ အားမလိုအားမရဖြစ်စရာ ရှိနေ သည်။ တိုင်ကြားသူရှိမှ အရေးယူ မည်။ တိုင်ကြားသူ မရှိက အရေး ယူစရာ မလိုဟူသော သဘောမျိုး သည် မဖြစ်သင့်သော ကိစ္စဖြစ် သည်။ ယင်းသည် စားသုံးသူ အ ခွင့်အရေး ကာကွယ်စောင့်ရှောက် ရေးကို တစ်ဖက်လှည့် မျက်နှာလွှဲ နေသလို ဖြစ်နေသလားဟု ယူဆ ရမလိုဖြစ်နေသည်။ စားသုံးသူ ပြည်သူများ အဖို့ မိမိတို့၏ နစ်နာရ ချက်များအား အထောက်အထား အခိုင်အလုံဖြင့် တိုင်ကြားရေးဆို သည်မှာ အလုပ်ပိုတစ်ခုပမာဖြစ် နေသည်။ အချိန်ယူရသည်။ အချိန် ကုန်သည်၊ အလုပ်ရှုပ်သည်၊ တရေး တယူဆောင်ရွက်ရမည်ဖြစ်၍ ငွေ ကုန်လူပင်ပန်းဖြစ်ရသည်။ ထို့ ကြောင့်လည်း တော်ရုံတန်ရုံ ကိစ္စ ကလေးများကို သည်းခံမျိုချပြီး နေလိုက်ကြခြင်းဖြစ်သည်။ ထို့ ကြောင့်လည်း တော်ရုံတန်ရုံ  စား သုံးသူ အခွင့်အရေးဆုံးရှုံးရသည့် ကိစ္စများ၊ ချိုးဖောက်ခံနေရသည့် ကိစ္စများ စားသုံးသူ အငြင်းပွားမှု ဖြေရှင်းရေး အဖွဲ့ထံသို့ ရောက်မ လာဘဲ ပျောက်ကွယ်သွားရခြင်း ဖြစ်သည်။

အမှန်တော့ စားသုံးရေးရာ ဦးစီးဌာနသည် စားသုံးသူ အငြင်း ပွားမှု ဖြေရှင်းရေး အဖွဲ့များ ဖွဲ့စည်း ပေးထားခြင်းနှင့်အတူ စားသုံးသူ ပြည်သူများ အမှန်တကယ် အခွင့် အရေး ဆုံးရှုံးနစ်နာနေရခြင်းကိစ္စ များကို လိုက်လံစုံစမ်းပြီး စားသုံးသူ များ ကိုယ်စား ကိုယ်တိုင် တိုင်ချက် ဖွင့်၊ ကိုယ်တိုင် ကွင်းဆင်းစစ်ဆေး၊ ကိုယ်တိုင် ရဲစခန်းသို့လည်း တိုင် ကြားအမှုဖွင့် အရေးယူသင့်သည်။ စားသုံးသူ အခွင့်အရေး အကာအ ကွယ်ပေးရေး တာဝန်ကိုယူထားပြီး ပြည်သူ့ဘဏ္ဍာငွေဖြင့် လစာရိက္ခာ စားနေကြပြီဆိုလျှင် သည်လောက် တော့ အောက်ခြေသို့ဆင်းကာ စား သုံးသူပြည်သူလူထု၏ အကျိုးကို မျှော်ကိုးပြီး လုပ်ပေးသင့်သည်။ ယခုတော့ စားသုံးသူ အငြင်းပွားမှု ဖြေရှင်းရေး အဖွဲ့များ ကော်မတီ များ ဖွဲ့ထားသည်။ လာရောက် တိုင် ကြားလျှင် အရေးယူပေးမည်။ သည်လိုဆို တာဝန်ကျေပြီဟု ထင် နေကြသလား မသိ။ တကယ်တော့ လက်တွေ့မြေပြင်တွင် စားသုံးသူ အခွင့်အရေး ချိုးဖောက်မှုများ တင်း ကျမ်းရှိနေပါသည်။

ဤဆောင်းပါး ကို ရေးနေရင်း အချိုမှုန့်အစားထိုး ကြက်သားဟင်း ခတ် အရသာမှုန့်များထဲ အချိုမှုန့် များ ရာခိုင်နှုန်း ၄ဝ မှ ၆ဝ ကြား ထည့်သွင်းရောနှော ရောင်းချနေ သည့်ကိစ္စပေါ်ပေါက်နေသည်။ ယင်းသည် စားသုံးသူ အခွင့်အရေး ချိုးဖောက်ခံရခြင်းဖြစ်သည်။ ပစ္စည်းအတု ထုတ်လုပ် ရောင်းချ ခြင်းမြောက်နေသည်။ စားသုံးသူ အကာအကွယ်ပေးရေး ဥပဒေနှင့်  ငြိစွန်းနေသည်။ အချိုမှုန့်တွေက စားသုံးသူပြည်သူများအား ဘာတွေ များဆိုးကျိုးပေးနေဦးမည်နည်း။ ယင်းကိစ္စကို စားသုံးသူ ရေးရာ ဦးစီးဌာနနှင့် အစားအသောက်နှင့် ဆေးဝါးကွပ်ကဲရေး ဦးစီးဌာနတို့ ပူးပေါင်းပြီး ဖြေရှင်း ဆောင်ရွက် သင့်သည်။ ကြက်သား ဟင်းခတ် မှုန့်တွေထဲ အချိုမှုန့်ရောနှော ရောင်းချနေသည့်ကိစ္စကို တိုင်ကြား သူရှိမှ ထလုပ်ကြတော့မည်လား။

စားသုံးသူ အခွင့်အရေး အ ကာအကွယ်ပေးရေး လုပ်ငန်းများ တွင် အစားအသောက်များသာမ က လူသုံးကုန်ပစ္စည်းများ၊ အလှ ကုန်ပစ္စည်းများ၊ လျှပ်စစ်နှင့် ဆောက်လုပ်ရေးလုပ်ငန်းသုံး ပစ္စည်းများ၊ ဝန်ဆောင်မှု လုပ်ငန်း များအားလုံးပါဝင်သည်။ ယင်းကုန် စည်ဝန်ဆောင်မှု လုပ်ငန်းများ ဆောင်ရွက်ကြသူများသည် ပြည့်စုံ မှန်ကန်ပြီး တိကျသော တာဝန်ယူ မှု၊ တာဝန်ခံမှုနှင့် ယုံကြည်ရသည့် သတင်းအချက်အလက်များကို ပေးရန် လိုအပ်သည်။ အထူးသ ဖြင့်  ဝန်ဆောင်မှု လုပ်ငန်းများ ကြော်ငြာရာတွင် မည်သည့်နည်း လမ်းများဖြင့် မည်သည့် အချိန်အ ခါတွင် ကြော်ငြာပါစေ၊ လွန်ကဲ သော အမွှန်းတင်လွန်းသော၊ ယုတ္တိ ယုတ္တာမဲ့သော စာသားများ၊ ရုပ်ပုံ များဖြင့် မကြော်ငြာမိဖို့ လိုသည်။ ကြော်ငြာမိပါက ကြော်ငြာပါ စာ သားအကြောင်းအရာကိစ္စကို တာ ဝန်ယူရမည်။

ယခုအခါ မြန်မာနိုင်ငံသည် ပြုပြင်ပြောင်းလဲခြင်းဖြင့် ခေတ် သစ်တစ်ခုသို့ သွားနေသဖြင့် ဝန် ဆောင်မှု လုပ်ငန်းများသည် အ တိုင်းအဆမရှိပေါ်ထွက်နေသည်။  နောင်လည်း ပေါ်ထွက်နေဦးမည် ဖြစ်သည်။ ဝန်ဆောင်မှု လုပ်ငန်းဟူ သည် စားသုံးသူ အခွင့်အရေး အ များဆုံး အချိုးဖောက်ခံနေရသော လုပ်ငန်းနယ်ပယ်ကြီး ဖြစ်နေသည်။ စားသုံးသူ၊ အခွင့်အရေးချိုးဖောက် ရာတွင် ပထမဦးဆုံး ယုတ္တိယုတ္တာမဲ့ သော အလိမ်အညာ ကြော်ငြာများ ဖြင့် စားသုံးသူ ပြည်သူများအား စတင်ဆွဲဆောင်စည်းရုံးသည်။ ထို့ နောက် စားသုံးသူ ပြည်သူများ၏ အသိဗဟုသုတနည်းမှုကို အခွင့် ကောင်းယူ၍ လစ်လျှင်လစ်သလို ဝန်ဆောင်မှုကို လျှော့ပေး သည်။ ကြော်ငြာစဉ်တုန်းက တစ်မျိုး၊ လက်တွေ့တွင် တစ်မျိုး ဝန်ဆောင် မှုကို အပြည့်အဝမပေးခြင်းသည် စားသုံးသူကို လိမ်ညာခြင်းဖြစ်သည်။ စားသုံးသူ အခွင့်အရေး ချိုး ဖောက်ခြင်း ဖြစ်သည်။ စားသုံးသူ အကာအကွယ်ပေးရေး ဥပဒေကို ဗြောင် ကျူးလွန်ရာ ကျသည်။ ယင်း ကိစ္စများကို စားသုံးသူရေးရာ ဦးစီး ဌာနက ဖော်ထုတ်အရေးယူပေးရ ပါမည်။ နစ်နာသူက တိုင်ကြားမှ ထအရေး ယူမည်ဆိုလျှင်တော့ အ လိမ်အညာ ဝန်ဆောင်မှုလုပ်ငန်း များ အမြဲတမ်းခေါင်းထောင်ပြီး လက်ခမောင်းခတ်နေပါမည်။ ထို့ ပြင် ဝန်ဆောင်မှုလုပ်ငန်းဆောင် ရွက်သည့် စီးပွားရေးလုပ်ငန်းရှင် သည် စားသုံးသူများ ထင်ယောင် ထင်းမှားဖြစ်စေပြီး အသုံးမပြုနိုင် သော သို့မဟုတ် မရနိုင်သော ဝန် ဆောင်မှု၊ အပြစ်အနာအဆာ ချို့ ယွင်းချက်များကို ဖုံးကွယ်ထားသော ဝန်ဆောင်မှု၊ အခြားသော ဝန် ဆောင်မှုများကို တိုက်ရိုက်သို့မ ဟုတ် သွယ်ဝိုက်၍ ချိုးနှိမ်ဖော်ပြမှု၊ ချဲ့ကားဖော်ပြမှု၊ မသေချာမရေရာ သော ကတိများဖြင့် ဝန်ဆောင်မှု လုပ်ငန်းများ ပြုလုပ်ခြင်းများကို လည်း ဦးစီးဌာနက ရှာဖွေဖော် ထုတ်တားဆီးရပါဦးမည်။

 မြန်မာနိုင်ငံတွင် စားသုံးသူ အခွင့်အရေး ချိုးဖောက်နေသည် ဟု နာမည်ထွက်နေသော ဝန် ဆောင်မှုလုပ်ငန်းအချို့ဖြင့် ဤ ဆောင်းပါးကို နိဂုံးချုပ်ပါမည်။ ယင်းတို့မှာ ပုဂ္ဂလိက ပညာရေး ဝန်ဆောင်မှု လုပ်ငန်း၊ ပုဂ္ဂလိက ဆေးရုံ၊ ဆေးခန်းများ၊ စားသောက် ဆိုင်များ၊ ခရီးသွားဝန်ဆောင်မှု များ၊ ဆောက်လုပ်ရေး ဝန်ဆောင် မှုများ၊ ဆက်သွယ်ရေးဝန်ဆောင်မှု များ၊ နိုင်ငံခြား ပညာသင်နှင့် အ လုပ်အကိုင် အေဂျင်စီများ၊ ဘုရား ဖူးပို့ဆောင်ရေးများ၊ ပုဂ္ဂလိကဘဏ် လုပ်ငန်းများ၊ အလှပြုပြင်ရေး လုပ် ငန်းများ စသည်တို့သည် စားသုံးသူ အခွင့်အရေးများကို သူ့နည်းသူ့ ဟန်ဖြင့် ချိုးဖောက်နေကြပါ ကြောင်းကို စားသုံးသူပြည်သူအ ပေါင်းအား အသိပေးတင်ပြလိုက် ရပါသည်။

မောင်လွင်ပြင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.