23 - 2 - 2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
ချင်းတွင်းရေကြောင်း ကျပ်တည်းလာမှုကြောင့် ခရီးသွားလာသူနည်းပါး
This Week’s COVER
ဂျာနယ် အမှတ်စဉ် .... 1002
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
ဥရောပမှ ဗိုလ်အောင်ဒင် နှင့် မမြ၀င်း

၁၉၇၃ ခု သြဂုတ်လ ၂၃ ရက်။ ဆွီဒင်မြို့တော် အော်စလိုမြို့၊ လူစည်ကားရာ နော်မယ်စတော့ ရပ်ကွက်ရှိ  Sveriges Kreditbanken ဘဏ်တွင် ပျားပန်းခပ် စည်ကားနေသော အချိန်ဖြစ်သည်။ ထောင်ပြေး 'ဂျန်အဲရစ် အော်ဆန်' (Jan-Erik Olsson) နှင့် အပေါင်းပါ တစ်ဦးသည် ဘဏ်တိုက်တွင်းသို့ လျှောက်ဝင်သွား သည်။ ကုတ်အင်္ကျီအောက်တွင် ဝှက်ယူလာသော စက်သေနတ် အပေါ့စားကို ဆွဲထုတ်ကာ အော်ဆန်က မျက်နှာကြက်သို့ ချိန်ကာ အကတ်လိုက်ဆွဲသည်။ အမေ ရိကန် လေသံကို တုပလျက် သူက ''ပွဲကြီး ပွဲကောင်းတော့ စပြီဟေ့'' ဟု အော် ဟစ်လိုက်သည်။

အချက်ပေးရန် ကြိုးစားသည့် ရဲတစ်ယောက်မှာ အော်ဆန်၏ လက်ချက်ဖြင့် ဒဏ်ရာရသွားသည်။ ဘဏ်ဝန်ထမ်း လေးဦးကို သူက ဓားစာခံအဖြစ် ဖမ်းထား လိုက်သည်။

 အော်ဆန်သည် မီးခံသေတ္တာ ဖောက်ထွင်းရေးသမားဖြစ်ပြီး ခိုးမှုဖြင့် ထောင်သုံးနှစ် ကျနေသူဖြစ်သည်။ ထောင်မှ ခွင့် (furlough)  ဖြင့် ထွက်လာပြီး ထောင်သို့ ပြန်မသွားတော့ဘဲ ပျက်ကွက်နေသူဖြစ်သည်။

 ဒေါ်လာ ခုနစ်သိန်း၊ ထွက်ပြေးရန် ကားတစ်စင်းနှင့် ထောင်ကျနေသူ 'ကလတ်အော်ဆန်' အား လွှတ်ပေးရန်တို့ကို သူက တောင်း ဆိုသည်။ ကလတ် အော်ဆန်သည် လုယက်မှု၊ ရဲကို သတ်ဖြတ်ရာတွင် အားပေးကူညီမှုဖြင့် ထောင်ကျ နေသူဖြစ် သည်။

နာရီ အနည်းငယ်အတွင်းတွင် ဓားစာခံများ ဖမ်းဆီးထားသည့် သတင်းသည် ထိပ်စည်း သတင်းအဖြစ် ဆွီဒင်အပါအဝင် ကမ္ဘာ့ မီဒီယာများက ဖော်ပြကြသည်။ လူအများအပြားသည် ရဲဌာနချုပ်တွင် စုရုံးရောက်ရှိလာကြပြီး အကြံအမျိုးမျိုးပေးကြသည်။ အကြံဥာဏ် များတွင် တရားဓမ္မသီချင်းများ သီဆိုဆုတောင်းကြရန်၊ ပျားများကို ဘဏ်တိုက်အတွင်း လွှတ်ပေးပြီး တိုက်ခိုက်ရန် စသည် တို့ ပါဝင်သည်။

ဘဏ်တိုက်၏ အာမခံ သေတ္တာများ ထားရှိရာ အခန်း ကျဉ်းလေးတွင် ဓားစာခံများကို ဖမ်းထားသည်။  ခဏတွင်းချင်းမှာ ပင် ဓားစာခံများနှင့် ဖမ်းထားသူတို့ အကြားဆက်ဆံရေးမှာ ထူးထူးခြား ခြားဖြစ်လာသည်။ ဓားစာခံ အမျိုး သမီး ခရစ်စတင်းသည် ချမ်းတုန်လာသဖြင့် အော်ဆန်က သိုးမွေးဂျာကင်ဖြင့်ခြုံပေးသည်။ ခရစ်စတင်းက အိပ်မက်ဆိုးများ မက်နေ သည်ဟု ပြော သဖြင့် အော်ဆန် က သေနတ်တွင်းမှ ကျည်တစ်တောင့် ကို အဆောင်အဖြစ်ထုတ်ပေး သည်။ နောက်တစ်ဦးဖြစ်သည့် ဘရစ်ဂျစ်တာ က အိမ်ကို ဖုန်းဆက် မရဖြစ်နေသည်ကို အော်ဆန်က ''အားမလျှော့နဲ့  ထပ်ကာတလဲလဲ ဆက်ရင် ရသွားမှာပါ'' ဟု အားပေး သည်။ နောက်တစ်ဦး ဖြစ်သည့် အဲလီဇဘက်က အခန်းကျဉ်းထဲ တွင် မွန်းကျပ်နေသည့်အတွက် အခန်းပြင်ထွက်ကာ လမ်းလျှောက် ခွင့်ပေးသည်။ သို့သော် သူမအား ပေ ၃ဝ အရှည်ကြိုးဖြင့် လည်ပင်း ကို ချည်ထားသည်။

ဒုတိယနေ့တွင် ဓားစာခံနှင့် အော်ဆန်တို့သည် လွန်စွာရင်နှီး လာသည်။ ဓားစာခံတို့က ရဲရောက် လာမည်ကို အော်ဆန် ထက်ပင် ပို မို စိုးရိမ်လာသည်။ ဓားစာခံများ၏ ကျန်းမာရေး အခြေအနေကို  မျက် မြင်စစ်ဆေးနိုင်ရန် ဘဏ်အတွင်း သို့ ရဲအရာရှိ တစ်ဦးအား အော် ဆန်က ဝင်ခွင့်ပေးသည်။ ဓားစာခံ များသည် ရဲအရာရှိ အပေါ်တွင် ရန်လိုသည့် အနေအထားရှိပြီး အော်ဆန်နှင့်မူ တရင်းတနှီးရှိနေ သည်ကို ရဲအရာရှိက တွေ့ရသည်။ ဘဏ်အပြင်သို့ထွက်လာသော အရာရှိက သတင်းထောက်များ အား ဓားစာခံများ အပေါ် အန္တရာယ် ကျရောက်လိမ့်မည်ဟု ၄င်းအနေ ဖြင့် မထင်ကြောင်း ပြောပြသည်။

ဓားစားခံ ကိစ္စ ဖြစ်ပွားနေချိန် တွင် ဆွီဒင်ဝန်ကြီးချုပ်သည် ရွေး ကောက်ပွဲ ကိစ္စနှင့် အလုပ်များနေ သည့်အပြင် နာမကျန်းဖြစ်နေ သည့် အသက် ၉ဝ အရွယ် ဘုရင် ဆဋ္ဌမမြောက် ဂူစတပ်ကို ပြုစု စောင့်ရှောက်နေရသည်။ ဓားစာခံ ခရစ်စတင်းက ဝန်ကြီးချုပ်ထံ ဖုန်းဆက်လျက် သူမအား ဓားပြ အော်ဆန်နှင့်အတူ ဓားစာခံအဖြစ် လိုက်ပါခွင့်ပြုရန် တောင်းခံသည်။ ဝန်ကြီးချုပ်အား သူမက '' ကျွန်မ အော်ဆန်ကို လုံးဝ ယုံကြည်တယ်။ ကျွန်မတို့ကို မှဲ့တစ်ပေါက်မစွန်း စေခဲ့ဘူး။ ကျွန်မတို့ကို  ကောင်း ကောင်း မွန်မွန် ဆက်ဆံပါတယ်။ ရဲက ဝင်တိုက်ရင် အားလုံးသေကုန် မှာကို ကျွန်မတို့ ကြောက်နေပါ တယ်''ဟု ပြောသည်။

ဓားစာခံများကို ဖမ်းဆီးထား သည့် အချိန် နာရီ ၁၃ဝ အကြာ သြဂုတ်လ ၂၈ ရက်နေ့တွင် ရဲ က ဘဏ်တိုက်အတွင်းသို့ မျက်ရည်ယို ဓာတ်ငွေ့များ မှုတ်သွင်းလိုက် သည်။ ဓားပြနှစ်ယောက်က အ လွယ်တကူပင် လက်နက်ချသည်။ဓားစာခံများကို ထွက်လာရန် ရဲ   က အော်ဟစ်ခေါ်သည့်အခါ ဓား စာခံများသည် ဓားပြနှစ်ယောက် အားဝန်းရံ အကာအကွယ်ပေး လျက် ထွက်လာသည်။

ဘဏ်တိုက်တံခါးဝတွင် ဓား စာခံများသည် ဓားပြနှစ်ယောက် အား ပွေဖက်နမ်းရှုံ့သည်။ ဓားပြ နှစ်ယောက်ကို ရဲက လက်ထိတ် ခတ် ခေါ်ဆောင်သွားသည့်အခါ အမျိုးသမီး ဓားစာခံ နှစ်ယောက် က ''သူတို့ကို ကြမ်းကြမ်းတမ်း  တမ်း မလုပ်ပါနဲ့။ သူတို့က ကျွန်မ တို့ကို ဘာမှဒုက္ခပေးခဲ့တာ မဟုတ် ဘူး'' ဟု အော်ဟစ် ပြောဆိုသည်။ လက်ထိပ်တန်းလန်းနှင့် ပါသွား သော အော်ဆန်ကို ခရစ်စတင်း က ''ကျွန်မ လာတွေ့ပါဦးမယ်'' ဟု ပြောသည်။

သူတို့အား ဖမ်းဆီးခဲ့သော ဓားပြများအပေါ် ဓားစာခံများ၏ ခင်မင်စွဲလမ်းမှုသည် ကျိုးကြောင်း ညီညွတ်ခြင်း မရှိသည့်အတွက် ရဲ နှင့် အများက နားမလည်နိုင်ဖြစ်ရ သည်။ ခရစ်စတင်းသည် အော် ဆန်နှင့် ပူးပေါင်းကြံစည်သည်ဟု ယူဆစရာ ဖြစ်နေသဖြင့် ရဲက ခရစ်စတင်း ကို ခေါ်ယူစစ်ဆေး သည်အထိ ဖြစ်လာသည်။

ဓားစာခံများကလည်း သူတို့ ကိုယ်သူတို့ နားမလည်နိုင် ဖြစ်ရ သည်။ ဓားစာခံတစ်ဦးဖြစ်သူ အဲ လီဇဘက်က စိတ်ကုပညာရှင်ထံ သွားပြီး ''ကျွန်မ တစ်ခုခု များမှား နေပြီလား။ ဘာကြောင့်လူဆိုးတွေ ကို မမုန်းတာလဲ'' ဟု မေးသည်။

စိတ်ပညာရှင်များက စစ်ပွဲ၏ အနိဋ္ဌာရုံကြောင့် စစ်သားများတွင် ဖြစ်တတ်သည့် စိတ်အခြေအနေ မျိုးနှင့် နှိုင်းယှဉ်ရှင်းပြကြသည်။ မကြုံဖူးသော တုန်လှုပ်ဖွယ် အခြေ အနေတွင် လူသည် သာမန်မဟုတ် သော ခံစားမှုမျိုး (Shellshock) ဖြစ်တတ်သည်ဟု ဆိုသည်။ ထိုခံ စားမှုသည် တွေးခေါ်မှုကို ပြောင်း လဲစေသည်။ အမြင်ကို ပြောင်းလဲ စေသည်။ လူဆိုးကို လူကောင်း အဖြစ် ပြောင်းလဲမြင် လာသည်။ လူကောင်းကို လူဆိုးအဖြစ်လည်း မြင်တတ်သည်။

ဓားစာခံများသည် မိမိအား ဖမ်းဆီးထားသူအပေါ် ခင်မင်စွဲ လမ်းကာ မေတ္တာသက်ဝင်သည် အထိ ဖြစ်ပျက်ခဲ့သည်များယခင် က ရှိခဲ့သည်။ သို့သော် စိတ်ပညာ ရှင်များက စတော့ဟုမ်း ဘဏ်ဓား ပြမှု ဖြစ်ပွားပြီးသည့် နောက်မှ ဂရုတစိုက်လေ့လာဆန်းစစ်ပြီး ယင်းကဲ့သို့သော ဖြစ်ပျက်ခြင်းကို Stockholm Syndrome 'စတော့ ဟုမ်း စင်ဒရုန်း' ဟု ကင်ပွန်း တပ်ခဲ့ သည်။ ယင်းသို့ခံစားမှု သည် အမျိုး သမီး များတွင် အဖြစ်များသည်။ စတော့ဟုမ်း စင်ဒရုန်း ဟူသော ဝေါဟာရကို ရာဇဝတ်ဗေဒနှင့် စိတ်ပညာရှင် Nils Bejerot က တီထွင်ခဲ့ခြင်းဖြစ်သည်။

ကာလီဖိုးနီးယား သတင်းစာ ပိုင်ရှင်၏ သမီး 'ပက်တီဟတ်စ်' (Patty Hearst) သည် ၁၉၇၄ ခုနှစ်တွင် လူမည်း စစ်သွေးကြွများ ၏ ဖမ်းဆီးခြင်း ခံရပြီးနောက် သူမ ကိုယ်တိုင်  စစ်သွေြး<ွကအဖွဲ့တွင် ပါ ဝင်ကာ ဘဏ်ဓားပြတိုက်ခဲ့သည်။

သူမ သည် အသက် ၁၉ နှစ် သာရှိသေးပြီး ၊ ဦးနှောက်အဆေးခံ ရသည့်အပြင် စတော့ဟုမ်း စင်း ဒရုန်း ခံစားရကြောင်း သူမ ရှေ့နေ က လျှောက်လဲသည်။ သူမ ထောင် ဒဏ် စီရင်ခံရသည်။

စိတ်ပညာရှင် Dr Frank Ochberg သည် စတော့ဟုမ်း စင် ဒရုန်းကို အထူးစိတ်ဝင်စား လေ့ လာသူ ဖြစ်သည်။ စကော့လန် ယာဒ်နှင့် အက်ဘီအိုင်တို့တွင် ပို့ချနေသူလည်း ဖြစ်သည်။

သူက ''ရုတ်တရက်မမျှော် လင့်ဘဲ ကြောက်မက်ဖွယ်ကောင်း တဲ့ အခြေအနေတစ်ခု အောက်ကို ရောက်သွားမယ်။ သူတို့ဟာ သေ ရတော့မယ့် အခြေအနေကို ရောက်နေတယ်။ ရုတ်တရက် ကလေးဘဝကို ပြန်ရောက်သွား သလို ခံစားရတယ်။ ခွင့်မပြုဘဲ စား လို့မရဘူး။ စကားပြောလို့မရဘူး။ အိမ်သာတောင်မှ ခွင့်ပြုချက် နဲ့သွားရတယ်။ အဲဒီလို အချိန်မျိုး မှာ အစားအသောက်ပေးတာလေး ကို ကျေးဇူးရှင်ကြီးလို လေးစား မိလိမ့်မယ်။ ဒါဟာ လူ့ရဲ့ ပဋိ သန္ဓေပါ ခံစားချက်ပဲ။  သာမန်အ ချိန်မှာ အဲဒီခံစားချက်က ငုပ် လျှိုးနေတယ်'' ဟု ရှင်းပြသည်။

''အသက်ရှင်လိုခြင်းဟာ လူရဲ့ အဓိက အကျဆုံး ပဋိသန္ဓေပါ ဆန္ဒပဲ။ သူ့ကို ဖမ်းထားတဲ့ လူဟာ သူ့ကို အသက်ရှင်ခွင့်ပေးလိမ့်မယ် လို့ မျှော်လင့်လိုက်တယ်။ အခြေအ နေက ဘယ်လိုဖြစ်နေဖြစ်နေ အဲဒီ လိုပဲ မျှော်လင့်လိုက်တယ်။ ဒီတော့ ဖမ်းထားတဲ့သူကို ကယ်တင်ရှင် လို့ စိတ်အာရုံမှာ ထင်မြင်လာတာပဲ'' ဟု သူက ဆိုသည်။

စတော့ဟုမ်း ဘဏ်ဓားပြမှုနှင့် ပတ်သက်၍ ဓားစာခံတစ်ဦးဖြစ်သူ ခရစ်စတင်းအား ၂ဝဝ၉ ခုနှစ်၌ ဆွီဒင် ရေဒီယိုက တွေ့ ဆုံ မေးမြန်း ခန်း တွင် ခရစ်စတင်း က ''အခြေအနေ တစ်ခုအောက်ကို ရောက်သွားတာပဲ။ အဲဒီ အခြေအ နေမှာ  တန်ဖိုးထားမှုတွေ၊ ကျင့် ဝတ်သိက္ခာတွေ ချက်ချင်းပြောင်း လဲ ကုန်တာပဲ''ဟု ပြောခဲ့သည်။

''တစ်နည်းပြောရရင် အဲဒီအ ချိန်က ကျွန်မတို့ အသက်ကို လောင်းကြေးထပ်ပြီး ကျားထိုးနေ တာနဲ့တူတယ်။ အော်ဆန်နဲ့ သူ့ လူကို ကျွန်မ ယုံတယ်။ ကျွန်မတို့ ကို ထိခိုက်နာကျင်အောင် ဘာမှ မလုပ်ဘူး။ ကျွန်မတို့ အပေါ် သိပ်ကို ကောင်းခဲ့တယ်။ ရဲက ပစ်ခတ်ဖမ်းဆီးလို့ ကျွန်မတို့ သေ ရမှာကို စိုးရိမ်နေခဲ့တယ်'' ဟုပြော သည်။

ထိုစဉ် က တစ်ဦးတည်းသော အမျိုးသား ဓားစာခံ ဖြစ်သူ Safstrom ၏ ခြေထောက်ကို သေ နတ်ဖြင့် ပစ်မည်ဟု အော်ဆန်က ရဲထံ ရာဇသံပို့ခဲ့သည်။ ယင်းနှင့် ပတ်သက်၍ Safstrom က ''အော်ဆန်က ပြောတယ်။ တကယ်လို့ သေနတ်နဲ့ပစ်ရတယ် ဆိုရင်တောင် မှ အရက်မူးအောင်တိုက်ပြီး မှ ခြေထောက်ကို ပစ်မှာပါလို့ပြော တယ်။ ဘယ်လောက်ညှာတာသလဲ ဆိုတာ သိသာတယ်။ သူ့မှာ သတ် ဖြတ်မယ့် ရည်ရွယ်ချက် မရှိဘူး။ ကျွန်တော်တို့ကို ကောင်းကောင်း မွန်မွန် ဆက်ဆံတယ်။ ရုတ်တရက် နတ်ဘုရား တစ်ပါးကို အရေးပေါ် တွေ့လိုက် ရသလိုပါပဲ''ဟု ပြော သည်။

'စတော့ဟုမ်း ဆင်ဒရုန်း' သည် လူ့သဘာဝတစ်ခုပင် ဖြစ် သည်။ သမိုင်းတစ်လျှောက် ယင်း သို့ ဖြစ်ပျက်ခဲ့မှုများ ရှိခဲ့သော် လည်း  မှတ်တမ်းမှတ်ရာပြုခြင်း၊ သုတေသနပြုခြင်းတို့ မရှိခဲ့ကြ။ မမြဝင်းက ဖမ်းဆီးထားသူ ဗိုလ် အောင်ဒင်အပေါ် တိမ်းညွှတ်လာ သည့် ဇာတ်လမ်းသည်ပင် တစ် ချိန်ချိန်က ဖြစ်ပျက်ခဲ့သည် အ ပေါ်မှီငြမ်းထားခြင်း ဟုတ် မဟုတ် မသိနိုင်ပေ။ အမုန်းနှင့် အချစ်အ ကြားတွင် ပါးလွှာသော အကန့်အ သတ် ကလေးတစ်ခုသာလျှင်ရှိ သည် ဆိုသော စကားကဲ့သို့ စိတ်ခံ စားမှု တစ်ခုနှင့် တစ်ခုအကြား ပါး လွှာသော ကန့်သတ်မှုလေးသာ လျှင် ရှိသည်။ စိတ်၏ သဘာဝ အရ ခံစားမှု တစ်ခုမှ တစ်ခုသို့ ရုတ်ခြည်း ခုန်ကူးသွားနိုင်သည့် အနေအထားမျိုးရှိသည်ကို စိတ် ပညာရှင်များက လက်ခံထားပြီး ဖြစ်သည်။ ချစ်ခြင်း၊ မုန်းခြင်း၊ ခံပြင်းခြင်း၊ လိုလားခြင်း၊ ရွံရှာခြင်း၊ နှစ်သက်ခြင်း စသည့် ဆန့်ကျင် ဘက် ခံစားမှုများသည် တစ်ခုမှ တစ်ခု လျင်မြန်စွာ ခုန်ကူးသွား နိုင်သည်။ အမုန်းကြီး မုန်းပြီးကာ မှ ချစ်ခင်မြတ်နိုးသွားတတ်သည် လည်း ရှိသည်။ ထို့အတူ အချစ်ကြီး ချစ်ပြီးကာမှ အမုန်းကြီး မုန်းသွား တတ်သည်ကိုလည်း မြင်တွေ့နေရ သည်။

 အော်ဆန် ထောင်ကျနေစဉ် တွင် ဓားစာခံများသည် မကြာခဏ ထောင်ဝင်စာ သွားတွေ့ကြသည်။ သူ့ထံသို့ အားပေးစာရေးသား ကြ သူ အများအပြားရှိခဲ့သည်။ ၁၉၈ဝ ပြည့်နှစ် သူထောင်မှ လွတ်သော အခါ သူ့ထံသို့ စာရေးသားအား ပေးသူ တစ်ဦးနှင့် လက်ထပ်ပြီး ထိုင်းနိုင်ငံသို့ ပြောင်းရွှေ့နေထိုင်ခဲ့ သည်။

ဖမ်းဆီးထားသူ လူဆိုးနှင့် အဖမ်းဆီးခံတို့အကြား ဖြစ်ပေါ် သည့် ထူးခြားသော စိတ်ခံစားမှု အခြေအနေ တစ်မျိုးဟုပင် ဆိုရ မည်။ အဖမ်းခံ၏ စိတ်ခံစားမှု ပြောင်းလဲသလို ဖမ်းဆီးသူ၏ စိတ် တွင်လည်း ပြောင်းလဲမှု ဖြစ်ပေါ် သည်ဟု စိတ်ပညာရှင်များက ဆို သည်။

 နောက်ပိုင်း စစ်မေးမှုများတွင် အော်ဆန်က ''စစချင်းမှာတော့ ဓားစာခံတွေကို ကျွန်တော် သတ် ချင်သတ်နိုင်တယ်။ နောက်ရက် ကြာတော့ စိတ်ပြောင်းသွားတယ်။ ပြောမယ်ဆိုရင် ဓားစာခံတွေရဲ့ အပြုအမူကြောင့် ကျွန်တော် ပြောင်းလဲသွားတာဖြစ်နိုင်တယ်။ သူတို့က ကျွန်တော် ပြောတဲ့တိုင်း အတိအကျလိုက်နာတယ်။

သူတို့ မလိုက်နာခဲ့ဘူးဆိုရင် ပစ် တာ ခတ်တာတွေ ဖြစ်သွားနိုင် တယ်။ သူတို့ မခုခံတော့ သူတို့ကို သတ်ဖို့ဆိုတာ ခက်သွားတယ်။ ဒီလိုနဲ့ ဆက်ပြီး ပူးပူးကပ်ကပ် နေ နေရတော့ တစ်ယောက်အကြောင်း သိလာပြီး ရင်းနှီးလာကြတယ်'' ဟု ဆိုသည်။

လူဆိုးက ဓားစာခံအဖြစ် ဖမ်း ဆီးထားသူများအပေါ် သနားကြင် နာစိတ်ဝင်လာနိုင်သည့် အချက် သည် ရဲနှင့် ထောက်လှမ်းရေး အဖွဲ့ အစည်းများအဖို့ များစွာစိတ်ဝင်စားဖွယ်ဖြစ်သည်။ ရဲသင်တန်း ကျောင်းများတွင် ပြန်ပေးဆွဲသူများအား ဆွဲဆောင်ဆွေးနွေးခြင်း ဘာ သာရပ် တွင် စတော့ဟုမ်း ဆင်ဒ ရုန်းကို ကဏ္ဍတစ်ခုအဖြစ် ထည့် သွင်းသင်ကြားပေးသည်။

စတော့ဟုမ်းအဖြစ်အပျက် ဖြစ်ပွားပြီး နောက်ပိုင်း ဓားစာခံ ဖမ်းဆီးသည့် ကိစ္စများ ဖြစ်ပေါ်လာ သည်။

 လေယာဉ်အပိုင်စီးခြင်း၊ မြူး နစ် အိုလံပစ်တွင် ပါလက်စ်တိုင်း အကြမ်းဖက်သမားများက အား ကစားသမားများ ဓားစာခံပြုခြင်း တို့သည် ထင်ရှားသော အဖြစ်အ ပျက်များ ဖြစ်ကြသည်။  

ထုတ်ဝေသူ 'ဝီလီယမ် ရန်ဒေါ့ ဟတ်စ်' (William Randolph Hearst) ၏ သမီး 'ပက်တီဟတ်စ်'  (Patty Hearst) သည် Symbionese Liberation Army အဖွဲ့ ၏ ဖမ်းဆီးခြင်း ကို ၁၉၇၄ ခုနှစ်တွင် ခံရသည်။ လူဆိုးများလက်ထဲတွင် အဖမ်းခံနေရစဉ် 'တီနာ' ဟု အ မည်ပြောင်းလိုက်ပြီး သူ့မ၏ မိသား စုနှင့် ရဲတို့ကို ရှုတ်ချဝေဖန် သော ဗီဒီယို ထွက်ပေါ်လာသည်။ စန် ဖရန်စစ္စကို မြို့ရှိ ဘဏ်တိုက် တစ် တိုက်ကို ဓားပြ တိုက်ရာတွင် သူမ ကိုယ်တိုင် ပူးပေါင်း ပါဝင်နေသည် ကို တွေ့ရသည်။ Symbionese Liberation Army  ကို စာနာ ကြောင်းနှင့် သူတို့၏ လမ်းစဉ် ကိုထောက်ခံကြောင်း သူမက ကြေညာသည်။ ၁၉၇၅ ခုနှစ်တွင် အဖမ်းခံရသော အခါ သူမ၏ ရှေ့ နေက သူမသည် စတော့ဟုမ်း စင် ဒရုန်း ခံစားနေကြောင်း လျှောက်လဲ သော်လည်း မအောင်မြင် ခဲ့ပေ။ တရားရုံးက ထောင်ဒဏ် ခုနစ်နှစ် အပြစ်ပေးသည်။ သို့သော် သမ္မတ ကလင်တန်က ပက်တီဟတ်စ်အား လွတ်ငြိမ်းခွင့်ပေးခဲ့သည်။

ထင်ရှားသော အဖြစ်အပျက် တစ်ခုတွင် ဗြိတိန် ဆန်းဒေးအိတ်စ ပရက်' သတင်းစာမှ သတင်း ထောက် 'အီဗွန်းရစ်တလီ' (Yvonne Ridley)  ဖြစ်သည်။

သူမအား တာလီဘန် သူပုန် များက ၁၁ ရက်ကြာဖမ်းထားခဲ့ပြီး လွတ်မြောက်လာသောအခါ သူမ သည် မွတ်ဆလင် အပြင်းစားဖြစ် လာသည်။ အနောက်၏ နေထိုင်မှု ပုံစံနှင့် တန်ဖိုးထားမှုတို့ကို စွန့်လွှတ် လိုက်သည်။ မွတ်ဆလင်တို့ ဓလေ့ ထုံးစံနှင့် အမျိုးသမီးများ၏ နေထိုင် မှု ဘဝကို ချီးကျူးပြောဆိုသည်။ သူမသည် စတော့ဟုမ်း စင်ဒရုန်း ခံစားနေရခြင်း မဟုတ်ဟု ငြင်းဆို သည်။ သူမကို ဖမ်းဆီးထားသူများ အပေါ် ခင်မင်ကြင်နာခြင်းလည်း မရှိဟု ဆိုသည်။ သူမသည် အတွေး အခေါ်အမှားများမှ လွတ်မြောက် ပြီး စစ်မှန်လွတ်လပ်သော ဘဝတွင် နေထိုင်နိုင်မည်ဟု ကြေညာသည်။

စိတ်ပညာရှုထောင့် အဆိုအရ ယင်းအဖြစ်အပျက်သည် လူ့ သဘာဝအရ ဆက်လက် အသက် ရှင်လိုသည့် အင်အားကြီးမားသော ပဋိသန္ဓေစိတ်က အပြောင်းအလဲ ကို ဖြစ်စေသည်ဟု ဆိုသည်။ အ သက်ဆက်ရှင်ရန် လိုအပ်ချက် သည် ဖမ်းဆီးထားသူ သူပုန်များ အပေါ် မုန်းတီးစိတ်ထက် ပိုမိုအား ကောင်းသည်။  ကြီးမားသော အတ္တ သဘာဝ အပေါ် ဖိအားပေးလိုက် သည့်အခါ ဖမ်းဆီးထားသူ အပေါ် အကောင်းမြင်လာခြင်း ဖြစ်သည် ဟု ဆိုသည်။

အမေရိကန် စိတ်ရောဂါကု အသင်းက အစပိုင်းတွင် စတော့ ဟုမ်းစင်ဒရုန်းသည် စိတ်ရောဂါ မဟုတ်ဘဲ ပြင်းထန်သော တုန်လှုပ် မှု၏ နောက်ဆက်တွဲစိတ်ဖိစီးမှု (Post Traumatic Stress Disorder) အဖြစ်သာ သတ်မှတ်ခဲ့ သည်။ ၂ဝ၁၂ ခုနှစ် နောက်ပိုင်း တွင်သာ စိတ်ဝေဒနာ တစ်ခုအဖြစ် လက်ခံလာသည်။

စတော့ဟုမ်း စင်ဒရုန်းသည် ပြန်ပေးဆွဲသူနှင့် ပြန်ပေးအဆွဲခံရသူများ အကြားတွင်သာမဟုတ် အခြားအခြေအနေများ တွင် ပေါ် ပေါက်နိုင် သည်ဟု ဆိုသည်။ လူ ကုန်ကူးခြင်း၊ စစ်အကျဉ်းသား၊ နိုင်ငံရေး အကြမ်းဖက်မှု၊ အယူ သည်းဂိုဏ်း၊ ကျွန်ပြုခြင်း၊ ပြည့်တန် ဆာ  အခြေအနေတို့တွင်လည်း ပေါ်ပေါက်နိုင်သည်။

စတော့ဟုမ်း စင်ဒရုန်း အခြေ အနေသည် တွားသွား သတ္တဝါနှင့် နို့တိုက် သတ္တဝါများတွင်လည်း တွေ့ရသည်ဟု ဆိုသည်။ သာမန် ကျိုးကြောင်းဆင်ခြင်မှုက နားလည်ရ ခက်ခဲသော ထိုကိစ္စကို အဆင့် ဆင့်ကွပ်ကဲ အုပ်ချုပ်ခြင်းပုံစံရှိ သော တိရစ္ဆာန်လောက တွင် တွေ့ ရသည်။ ခေါင်းဆောင် တိရစ္ဆာန် က အုပ်ချုပ်သည်ကို ကျန် တိရစ္ဆာန်များက နာခံရသည်။ တစ် နည်းအားဖြင့် ကျိုးနွံခြင်း ဖြစ်သည်။ အုပ်ချုပ်နေသည့် တိရစ္ဆာန် အပေါ် ကျန် တိရစ္ဆာန်များက လိုက်နာ ရသည်။ ခေါင်းဆောင်က ရက် စက်သည့်တိုင် ချစ်ကြည်ညိုမှုကို တွေ့ရသည်။

နားလည် ရခက်ခဲသော စတော့ဟုမ်း စင်ဒရုန်းကို မီဒီယာ များက အရောင်အမျိုးမျိုးခြယ်ကာ စိတ်ဝင်စားဖွယ်တင်ပြကြသော အခါ ပြဿနာ၏ ဇာစ်မြစ်ပျောက်ကွယ် ကာ ရှုပ်ထွေးကုန်သည်။ စတော့ ဟုမ်းစင်ဒရုန်းသည် အမှန် တကယ် ရှိနေခြင်းလော၊ မီဒီယာ များက ချဲ့ကား ပုံဖော်ထားသည့် သာမန် စိတ်အနေအထားလော၊ ပြောစမှတ်ပုံပြင်လော ဆိုသည့် အချက်ကို စိတ်ပညာရှင်များက ခက်ခဲစွာ စူးစမ်းနေဆဲဖြစ်သည်။

အေးထွန်းမင်း
[email protected]
Ref:What is Stockholm syndrome?

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.