6 - 4 - 2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အင်းလေးကန်အတွင်း ရေပေါ်ဈေးသစ် တစ်ဈေး မေလတွင် စတင် အကောင်အထည်ဖော်ရန် စီစဉ်
This Week’s COVER
ဂျာနယ် အမှတ်စဉ် .... 1008
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
Special Report
အေးခဲခံရသော မျိုးဆက်သစ်များ

လူဟူ၍ ဖြစ်လာတော့မည့် မျိုးဥ (oocyte) သည် အနာဂတ်အတွက် မျှော်လင့်ချက် ဖြစ်သည်။ မျိုးဥတွင် ဆဲလ်တစ်ခုတည်းသာ ပါဝင်ပြီး အရည်ဖြင့်ပြည့်နေသည်။ မျိုးဥထဲတွင် ဘိုးဘေဘီဘင်မှအစ သားသမီး မြေးမြစ်အထိ မျိုးရိုးဗီဇ ပြဋ္ဌာန်းချက် (ဒီအန်အေ) ပါဝင် နေသည်။ မျိုးဥကို ခြိမ်းခြောက်နေသော  အဓိက ရန်သူမှာ အချိန်ဖြစ် သည်။

အသက်အရွယ်ရလာသည်နှင့် မိခင်လောင်းထံတွင်ရှိနေသော မျိုးဥ ၏ သန္ဓေသားဖြစ်နိုင်စွမ်းလျော့ကျလာသည်။ ခန္ဓာကိုယ်အတွင်း ဝင် ရောက်လာသော ပိုးမွှားများနှင့် ပြင်းထန်သော ဆေးဝါးနှင့် ကုသမှုများ သည်လည်း မျိုးဥ၏ ရန်သူများပင်ဖြစ်ကြသည်။ ထို့ကြောင့် မျိုးဥများ လတ်ဆတ်နေဆဲ၊ အားကောင်းနေဆဲအချိန်တွင် အေးခဲထားခြင်းဖြင့် နောင်လိုအပ်သည့်အခါတွင် မျိုးပွားနိုင်မည်ဖြစ်သည်။ မျိုးဥ အေးခဲခြင်း စနစ်ကို ၁၉၈ဝ ပြည့်နှစ်တွင် အောင်မြင်စွာ ဆောင်ရွက်နိုင်ခဲ့သည်။

 ရောင်ခြည်ဖြင့် ကုသခြင်းသည်လည်းကောင်း၊ ကျန်းမာရေး အခြေ အနေအရလည်းကောင်း  မျိုးဥ အရည်အသွေးကို ထိခိုက်စေနိုင် သည့်အ တွက် မျိုးဥကို အေးခဲသည့် လုပ်ငန်းစဉ် (Egg Freezing or Cryopreservation)  ကို လွန်ခဲ့သော အနှစ်နှစ်ဆယ်က လက်တွေ့ စတင်ဆောင် ရွက်လာကြသည်။ မျိုးပွားနိုင်သည့် အရွယ်တွင် ကင်ဆာဖြစ်ပွားလျှင် ရောင်ခြည်ဖြင့် ကုသရန် လိုအပ်လာ သည်။ အမေရိကန်တွင် တစ်နှစ် လျှင် အမျိုးသမီး ငါးသောင်း ကင်ဆာရောဂါရှိနေကြောင်း သိရသည်။ ရောင်ခြည်ဖြင့် ကုသမှုမခံယူမီ မျိုးဥကို ထုတ်ယူကာ အေးခဲထားပြီး နောင် တွင် သားသမီး မွေးဖွားရန် စီစဉ်မှုများ ထွန်းကားလာသည်။ အေးခဲခြင်း နည်းပညာ လွန်စွာတိုးတက်လာသည့်အတွက်  မျိုးဥ အေးခဲမှုကို စမ်းသပ် အဆင့်နှင့် အထူးအခြေအနေတွင်သာ ခွင့်ပြုထားခြင်းကို ၂ဝ၁၂ ခုနှစ် တွင် ပယ်ဖျက်ပြီး အများပြည်သူ များအား ဆောင်ရွက်ခွင့်ပေးသည်။

သန္ဓေတားဆေးသည် ငယ်ငယ်ရွယ်ရွယ်တွင် ကိုယ်ဝန်မဆောင်စေရန် အကာအကွယ်ပေးသည်။ မျိုးဥ အေးခဲ ခြင်းသည် အသက် အရွယ်ကြီးမှ သားသမီးရယူခွင့်ကို ဖန်တီးပေးသည်။ သန္ဓေတားဆေးသည် ဆေးပညာ၏ အောင်မြင်မှု မှတ်တိုင်တစ်ခု ဖြစ် သလို မျိုးဥအေးခဲခြင်း နည်းပညာသည်လည်း လူသားများအတွက် ကြီးမားသော အောင်မြင်မှုဖြစ်သည်။

မျိုးဥအေးခဲထားခြင်းဖြင့် အ သက်အရွယ်ရလာမှ ကလေးယူကြ သည်ဟု ပုံသေပြော၍ မရနိုင်။ မျိုးဥအေးခဲထားသော အမျိုးသမီး အများစုသည် ကလေးမယူကြ သည်ကို တွေ့ရသည်။

မျိုးဥအေးခဲခြင်းသည် အမေရိ ကန် ဒေါ်လာ  ၁ဝဝဝဝ မှ ၁၅ဝဝဝ အထိ ကုန်ကျ နိုင်သည်။ ကုမ္ပဏီအများစုက ၄င်း၏ ဝန်ထမ်း များ ကို ပေးထားသော ကျန်းမာရေး အာမခံသည် မျိုးဥအေးခဲခြင်း အ တွက် ကုန်ကျစရိတ်ကို တာဝန်မခံ ပေ။ ဖေ့စ်ဘွတ်နှင့် အယ်ပဲလ် ကုမ္ပဏီတို့ကမူ ကျခံပေးသည်။ ခေတ်မီနည်းပညာ တိုးတက်မှု ကြောင့် မျိုးဥအေးခဲခြင်း လုပ်ငန်း သည် လျင်မြန်စွာ ဖွံ့ဖြိုးလာနေ သည်။ ၂ဝ၁၈ ခုနှစ်သို့ရောက် သည့်အခါ အမေရိကန် အမျိုးသမီး ရှစ်သောင်းနီးပါးသည် မျိုးဥအေး ခဲခြင်းတွင် ပါဝင်လာကြမည်ဟု ခန့် မှန်း တွက်ချက်မှုများ ရှိနေသည်။

လွန်ခဲ့သော နှစ်ပေါင်းငါးဆယ် အတွင်း မှတ်တမ်းများအရ သန္ဓေ တားဆေး၏  ထိရောက်အောင်မြင် မှု ၉ဝ ရာနှုန်းရှိသော်လည်း မျိုးဥ အေးခဲခြင်း၏ ရလဒ်သည် ထိုမျှ လောက် မရှိဟုဆိုသည်။ နှစ်အတန်ကြာ သုတေသနပြုခဲ့သော်လည်း အေးခဲခြင်းဖြင့် ရရှိလာသော မွေးဖွားနှုန်းကို တိတိကျကျ မသိနိုင် သေးပေ။ အေးခဲခြင်း နည်းပညာ ဖြင့် မွေးဖွားနှုန်းသည် ဖန်ပြွန် သန္ဓေ ဖြင့် မွေး ဖွားခြင်းနှင့် နှုန်း အတူတူ ပင် ဖြစ်သည်။ အသက် ၃၅ နှစ် အောက် အမျိုးသမီးများတွင် အောင်မြင်မှုနှုန်းမှာ ၄ဝ ရာခိုင် နှုန်းဖြစ်ပြီး အသက် ၄၂ လွန်သွား သည့် အခါ ၃၅ ရာခိုင်နှုန်းသာ ရှိတော့သည်။ အေးခဲထားသော မျိုးဥမှ မွေးဖွားရန် ကြိုးပမ်းမှု အ နည်းငယ်သာ ရှိသေးသည့် အတွက် အချက်အလက်များများ စားစား မရရှိနိုင်သေးပေ။ ထို့ ကြောင့် အောင်မြင်မှုနှုန်းကို တိတိ ကျကျ မတွက် ချက်နိုင်သေးပေ။

အချက်အလက်များ ပြည့် ပြည့်စုံစုံ မသိရသေးသော်လည်း  ရရှိနိုင်သော အကျိုးရလဒ်သည် မက်လောက်စရာဖြစ်သည့် အ တွက် အမျိုးသမီးများက မျိုးဥ အေးခဲခြင်းကို လုပ်ဆောင်လာကြ သည်။ ဘဝ၏ အရေးကြီးဆုံးတစ်ခု ဖြစ်သည့် သားသမီးမွေးဖွားခြင်းကို အသက်အရွယ် သတ်မှတ်လျက် ဆောင်ရွက်လာနိုင်ခြင်း၊ လုပ်ငန်း ခွင်တက်လမ်းကို အာရုံစူးစိုက်နိုင် ခြင်း၊ ကလေးမယူရသေးပါလား ဟု  စိတ်ထင့်နေရခြင်းမှ ကင်းလွတ်ခွင့် ရခြင်းတို့ကြောင့် လူကြိုက်များလာ ခြင်းဖြစ်သည်။ သို့စဉ်တိုင် မျိုးဥ အေးခဲထားခြင်းကြောင့် မဖြစ်မနေ ကလေးရမည်ဟုတော့ အာမမခံ နိုင်သေးပေ။ မျိုးဆက်ပြန့်ပွားခြင်း သည် သက်ရှိတိုင်းကို သဘာဝ တရားက ချထားပေးသော တာဝန် ဖြစ်သည်။ အလုပ်ကို ဦးစားပေး ခြင်း၊ သွားသွားလာလာ ပျော်ပျော် ပါးပါးနေခြင်းစသည့် ကိစ္စရပ်များ ကို ဦးစားပေးပြီး ကလေးယူရန် အချိန်ရွှေ့ခြင်းသည် တစ်ကိုယ် ကောင်းဆန်လွန်းသည်ဟု အချို့ က ဆိုသည်။ အမျိုးသမီးအများစု သည် လက်တွဲနိုင်မည့် သူကို စိတ် ကြိုက် မတွေ့နိုင်ဘဲ အချိန်နှောင်း သွားပါက သားသမီးမရနိုင်ဘဲ ဖြစ် မည်ကို စိုးရိမ်ကြသည်။ အပြိုင် အဆိုင်ပြင်းထန်လွန်းသော ခေတ် ကာလတွင်  အမျိုးသမီးနှင့် အမျိုး သားနှစ်ဖက်စလုံးက အလုပ်အ ကိုင်ကို ဦးစားပေးရလွန်းသည့်အ တွက် အိမ်ထောင်ပြုချိန် နောက်ကျ ကုန်သည်။ ထိုကဲ့သို့ အခြေအနေ တွင် မျိုးဥ အေးခဲထားခြင်းသည် အကောင်းဆုံး ရွေးချယ် စရာ နည်း လမ်း တစ်သွယ်ဖြစ်လာသည်။

အမျိုးသမီးများ အိမ်ထောင် ပြုချိန်သည် ယခင်မျိုးဆက်များထက် နောက်ကျလာသည်။ ထို့အတူ သားသမီးမွေးဖွားခြင်းသည် လည်း နောက်ကျလာသည်။  သို့ သော် လူသားတို့၏ ခန္ဓာကိုယ် သည် နှစ်ထောင်ပေါင်းများစွာက အတိုင်း မပြောင်းမလဲ ရှိနေဆဲ။ အမျိုးသမီးတစ်ဦး မွေးဖွားစဉ်တွင် မျိုးဥပေါင်း တစ်သန်းမှ နှစ်သန်း အကြားပါလာခဲ့သည်။ ထိုမျိုးဥများ သည် အသက်အရွယ်နှင့် အတူ လျော့နည်းကျဆင်းလာသည်။ အ ရေအတွက် ကျဆင်းလာရုံမျှမက အရည်အသွေးလည်း ကျဆင်းလာ သည်။ နှစ်ကြာလာ သည်နှင့်အမျှ ခရိုမိုဆုန်း ပျက်ယွင်းလာခြင်း (Chromosonal abnormality)  အန္တရာယ်ရှိလာသည်။ ခရိုမိုဆုန်း ပျက်ယွင်းခြင်းကြောင့် သားလျှော ခြင်း၊ အင်္ဂါမစုံလင်ဘဲ မွေးလာခြင်းတို့ ဖြစ်နိုင်သည်။ ပျက်ယွင်းမှုနှုန်း မည်သို့ရှိသည်ကို တိုင်းထွာရာတွင် ရလဒ်အမျိုးမျိုးပေါ် ထွက်လာသည်။ အသက်လေးဆယ်နားသို့ ကပ်လာ သည်နှင့် သန္ဓေယူရန် ခက်ခဲလာ သည် ဆိုသောအချက်ကို အထင် ကရ သုတေသန အဖွဲ့အစည်း အားလုံးက လက်ခံကြသည်။

အသက်အရွယ်ရလာသည့် အခါတွင်မှ သားသမီးယူကြခြင်းသည် သူလိုငါလို ဖြစ်လာနေသည်။ အမေရိကန်တွင် ကလေး ခုနစ် ယောက်မွေးဖွားလျှင် တစ်ယောက်သည် အသက် ၄၅ နှစ်အထက် မိခင်က မွေးဖွားခြင်းဖြစ်သည်။ ၁၉၉ဝ မှ စတင် တွက်ချက် လျှင်  အသက် ၄၅ နှစ်အထက် မိခင် မွေးဖွားမှုနှုန်းသည် ၆၄ ရာခိုင်နှုန်း မြင့်တက်လာသည်ကို တွေ့ရ သည်။ ၂ဝဝဝ ပြည့်နှစ်မှ ၂ဝ၁၂ ခုနှစ်အတွင်း အသက် ၄ဝ မှ ၄၄ အကြား မိခင် ပထမဆုံး ကလေး မွေးဖွားမှုသည်  ၃၅ ရာခိုင်နှုန်း မြင့်တက်လာသည်ဟု ဆိုသည်။

ပညာတတ် ချမ်းသာသော အမျိုးသမီးများ အကြားတွင် စော စောစီးစီး ကလေးယူခြင်းသည် ရှက်ဖွယ် ကိစ္စကဲ့သို့ ဖြစ်လာသည်။ လုပ်ငန်းခွင် တက်လမ်း အစပျိုး နေသည့်အချိန် မျိုးဥအေးခဲခြင်း စရိတ်ကိုလည်း တတ်နိုင်ပါလျက် စောစီးစွာ ကလေးယူခြင်းကို အ ဆင်ခြင်မဲ့သော လုပ်ရပ်အဖြစ် ရှုမြင်ကြသည်။ ကလေးစောစီးစွာ ယူခြင်းသည် ကလေးအတွက် ပြည့် ပြည့်စုံစုံ မစီမံပေးနိုင်သည့် အ တွက် တာဝန်မဲ့ရာကျပြီး အချိန် များစွာ နောက်ကျပြီးမှ ကလေးယူ ရန်လည်း မဖြစ်နိုင်။  ထိုအစွန်းနှစ် ဖက်၏ အကျဉ်းအကျပ်ထဲသို့ အ မျိုးသမီးများ ကျရောက်သွားသည်။

မျိုးဥအေးခဲခြင်းသည် ဖန်ပြွန် သန္ဓေသားမွေးဖွားသည့် (IVF-Invitro Fertilization) လုပ်ငန်းစဉ် ၏ ခရီးတစ်ဝက်ဟု ဆိုနိုင်သည်။ ဖန်ပြွန် သန္ဓေသား လုပ်ငန်းစဉ်တွင် ထုတ်ယူထားသော မျိုးဥကို ဖန်ပြွန်ထဲတွင် သန္ဓေအောင်စေရန် အားဖြည့်ဆေးတွင် ခေတ္တစိမ်ထား ပြီး၊ သန္ဓေ အောင်သည့်အခါမှ သားအိမ်ထဲသို့ ထည့်သွင်းသည်။ မျိုးဥအေးခဲခြင်းတွင် မျိုးဥ မထုတ် ယူမီ မျိုးအောင်ဆေး (Fertility Drug) ထိုးရသည်။ ရလာသော မျိုးဥကို အေးခဲထားလိုက်ရုံသာ ဖြစ်သည်။

ကိုယ်ဝန်ဆောင်မည့် အချိန် တွင် အေးခဲထားသော မျိုးဥကို ထုတ်ယူပြီး ဖန်ပြွန်သန္ဓေသား လုပ် ငန်းစဉ်အတိုင်း ဆောင်ရွက်ရ သည်။ မျိုးဥကို အေးခဲထားသဖြင့် လတ်ဆတ်မှုသည် ထုတ်ယူစဉ်က အတိုင်းပင်ရှိသည်ဟု ဆရာဝန်များ က ဆိုသည်။ ခရိုမိုဆုန်း အနေအ ထားမှာ ထုတ်ယူစဉ်ကအတိုင်း ရှိသည်။ သို့စဉ်တိုင် မျိုးအောင်မှု သည် ကိုယ်ဝန်ဆောင်မည့် မိခင် ၏ အသက်အရွယ်ပေါ်တွင် မူ တည်နေပြန်သည်။ အသက် ၄ဝ နှင့် ၄ဝ ကျော်အမျိုးသမီးအဖို့ ကိုယ်ဝန်ဆောင်ရာတွင် ခက်ခဲမှု ရှိမည်။ မျိုးဥသည် အသက် ၃ဝ အရွယ်က ထုတ်ယူထားသည် ဖြစ် စေကာမူ အသက်အရွယ်သည် ကိုယ်ဝန် ဆောင်ခြင်း၏ ကျန်းမာရေး အ ခက်အခဲများ ကို ဖြစ်စေနိုင်သည်။

 မွေးဖွားမှု ထောက်ကူနည်း ပညာ အသင်း (The Society for Assisted Reproductive Technology) က မျိုးဥအေးခဲခြင်းလုပ် ငန်းစဉ်ကို အစမှအဆုံးတိုင် ခြေရာခံ  လေ့လာသုတေသန ပြုလျက်ရှိ သည်။ မျိုးဥ ထုတ်ယူခြင်း၊ အေးခဲ ခြင်းနှင့် ပြန်လည် ရယူခြင်း တို့ကို လေ့လာမှတ်တမ်းပြုသည်။

အများအပြားသည် မျိုးဥကို အေးခဲထား သော်လည်း ပြန်လည်ရယူသူက အနည်းစု ဖြစ်သည်ကို တွေ့ရှိရသည်။ မျိုးဥ ပြန်လည် ထုတ်ယူသူ အရေအတွက် မည်မျှရှိသည်ကို စာရင်းဇယား မရရှိနိုင်သေးပေ။

 မွေးဖွားမှု ထောက်ကူနည်း ပညာ အသင်းက ရရှိထားသော အချက်အလက်များအရ လွန်ခဲ့ သော ငါးနှစ်အတွင်း မျိုးဥ အေးခဲ သူ အရေအတွက် ဆယ်ဆ တိုးလာ ကြောင်း၊ ၂ဝဝ၉ ခုနှစ်တွင် အေးခဲ သူ ၅ဝဝ သာရှိသော်လည်း ၂ဝ၁၃ ခုနှစ်တွင် ၅ဝဝဝ နီးပါးရှိလာ သည် ကို တွေ့ရသည်။ အောင်မြင်သော မွေးဖွားနှုန်းကိုကြည့်သောအခါ ၂ဝ၁၂ ခုနှစ်တွင် မျိုးဥထုတ်ယူမှု ၃၅၃ ကြိမ်ရှိပြီး အောင်မြင် စွာ မွေးဖွားခြင်းမှာ ၈၃ ယောက်သာရှိ သည်။ ၂ဝ၁၃ ခုနှစ်တွင် ၄၁၄ ကြိမ်ထုတ်ယူမှုရှိပြီး ၉၉ ယောက် မွေးဖွားနိုင်ခဲ့သည်။ အောင်မြင် စွာမွေးဖွားခြင်းသည် ၂၄ ရာခိုင်နှုန်း သာ ရှိသည်ကို တွေ့ရသည်။ သတိ ပြုသင့်သည့်အချက်မှာ အချို့ သောမျိုးဥများကို အေးခဲရာတွင် ယခင်က အသုံးပြုခဲ့သော အနှေး အေးခဲသော စနစ် (older slowfreeze method)  ကို အသုံးပြုသ ဖြင့် အောင်မြင် မှု နှုန်း နည်းပါးခြင်း ဖြစ်သည်။

မျိုးဥ ၂ဝ ကို အေးခဲထားလျှင် ကလေး ၂ဝ မွေးဖွားနိုင်မည်ဟု မှတ်ယူခြင်းသည် မှားယွင်းသည်။ အသက် ၃၉ အရွယ် ကနေဒါသူ စာရေးဆရာမ အိုင်ဗီ ( အမည်လွှဲ) သည် သူ့မျိုးဥ မအေးခဲမီ ဆရာဝန် က မျိုးဥ ၂ဝ ကိုအေးခဲလျှင် ကလေးတစ်ယောက် နှစ်ယောက် သာ ရမည်ဟု ပြောသည်။ '' ဒီအ ချက်ဟာ သိပ်အရေးကြီးတယ်။ အရင်က ဒါကို ကျွန်မ မသိဘူး။ လုပ်ခါနီးမှ သိရတာ'' ဟု ပြော သည်။ မူလကတည်းက ဆရာဝန် က အမှန်အတိုင်းပြောမည် ဆိုပါ က မျိုးဥအေးခဲမည့်သူ နည်းပါး မည် ဖြစ်သည်။

 ဒေါက်တာ မေရီဂျိမ်း မင်ကင် (Mary Jane Minkin) သည် ယေးလ်ဆေးတက္ကသိုလ်တွင်  မီးယပ်နှင့် သားဖွားပညာပို့ချနေ သူ ဖြစ် သည်။ သူက'' ဆေးခန်းတွေက အချက်အလက်တွေကို ပုံဖျက်ထား တာတွေ ရှိတယ်။  စီးပွားရေး သဘောပေါ့။ မျိုးဥ အေးခဲတယ်ဆို တာ လောင်းကစားလုပ်ရသလိုပဲ။ အသေအချာ အာမမခံနိုင်ဘူး'' ဟု ဆိုသည်။

သို့စဉ်တိုင် အမျိုးသမီးများ က အာမခံချက် ရှိသည်ဟု ယုံ ကြည်ကြသည်။ 'သင့်အနာဂတ် အတွက် အာမခံချက်' စသဖြင့် မိုးတစ်လုံးလေတစ်လုံး ကြော်ငြာ သည့် ညွှတ်ကွင်းထဲတွင် မိသွား ကြသည်။ အမေရိကန်တို့သည်  အရာရာကို ရောင်းကုန်ပစ္စည်း အဖြစ် အသွင်ပြောင်းရာတွင် တစ်ဖက်ကမ်းခတ်ကြသည်။ မျိုးဥ အေးခဲခြင်း လုပ်ငန်းသည်လည်း ဈေးကွက် ဇာတ်သွင်းခံရသည်။

 ဆေးခန်းများသည်  မျိုးဥ အေး ခဲခြင်း အသိပညာပေး ပါတီပွဲများ ကျင်းပကာ ဝိုင်အကောင်းစားများ ချောင်းစီးလာသည်။ မျိုးပွားခြင်း ဆိုင်ရာပါရဂူ အသက်လေးဆယ် နီးပါး ဒေါက်တာ အေမီသည် ပါတီ ပွဲများကို အကုန်အကျခံလျက် ကျင်းပသည်။ ဝါရှင်တန်မှ ဒိန်းမတ် နိုင်ငံအထိ မျိုးဥ အေးခဲခြင်း အသိ ပညာပေး ပါတီပွဲများကို သူက ဦးစီးကျင်းပ ပေးသည်။ ပါတီသို့ တက်ရောက်လာသူ အများစုမှာ အ သက် ၃၅ နှစ် မှ ၄ဝ နီးပါး ဖြစ် ကြသည်။ သို့စဉ်တိုင် မျိုးဥ ထုတ် ယူရန်အကောင်းဆုံး အချိန်မှာ အ သက်သုံးဆယ် မပြည့်မီ ဖြစ်သည်။

 နှုတ်ခမ်းကို နီရဲအောင် ဆိုးထားပြီး ''မျိုးဥတို့၏ တီးတိုးစကား''  ( Egg Whisperer) ဟူ သော စာတမ်းပါ တီရှပ်ကို ဝတ် ထား သည့် ဒေါက်တာ အေမီက ''ကျွန်မရဲ့ ပါတီပွဲတွေက မျိုးဥ အေးခဲခြင်းဆိုင်ရာ အခြေခံအသိ ပညာ ပေးတာပါ။ အမျိုးသမီးတွေ ရဲ့ ဟော်မုန်း ပမာဏကို မကြာခဏ စစ်ဆေးဖို့ ကျွန်မ တိုက်တွန်း တယ်။ ဒါမှ သူတို့ရဲ့ မျိုးဥ အိမ် ဟာ ဘယ်လောက်မြန်မြန် အိုမင်း လာတယ်ဆိုတာ သိမယ်''

''မျိုးဥအေးခဲထားပြီး ကလေး ယူဖို့လုပ်တယ်ဆိုတာ သေချာလွန်း တာတော့ မဟုတ်ဘူး။ ဒါပေမယ့် အဲဒီ မသေချာမှုဟာ သေချာသွား တာလဲရှိတော့ တချို့ အမျိုးသမီး တွေ အဖို့တော့ မသေခြာမှုဟာ လုံ လောက်နေတယ်'' ဟု ပြောသည်။

 လော့စ်အိန်ဂျယ်လိစ်မြို့တွင် နေထိုင်သူ အသက် ၃၇ နှစ် အ ရွယ် စာရေးဆရာမ မီမီဖောက်စ် သည် သူ့မျိုးဥများကို အေးခဲထား သည်။ ''လုပ်သင့်လုပ်ထိုက်တာကို ကျွန်မလုပ်တာပဲ။ ကလေးယူချင် တဲ့ အချိန်ကျရင်ယူမယ်။ မအောင် မြင်ဘူးဆိုရင်လည်း ကံပဲပေါ့'' ဟု မီမီဖောက်စ်က ပြောသည်။ မိမိ ဆွေမျိုးများထဲတွင် သေဆုံးချိန် စောသူများရှိသည့်  အမျိုးသမီး များသည် မျိုးဥအေးခဲခြင်း ကို လွန်စွာ စိတ်ဝင်စားသည်။

 ကျောင်းတက်ခြင်း၊ အလုပ်ဝင် ခြင်း၊ ဆေးစစ်ခံခြင်း ၊ ကားနှင့် အသက်အာမခံ ထားခြင်းစသည် တို့ကဲ့သို့ မျိုးဥအေးခဲခြင်းသည် ပုံမှန်လုပ်ရမည့် တာဝန်တစ်ခုလို ဖြစ်လာနေသည်ဟု ဆိုသည်။

Motherhood, Rescheduled စာအုပ်ကို ရေးသားသူ ဆာရာ အယ်လိဇဘက်က ''အောင်မြင် နေတဲ့ အမျိုးသမီး တစ်ယောက် အဖို့ ကိုယ့်ရဲ့ မျိုးဥကို ထိန်းသိမ်း ကာကွယ်ခြင်းဟာ အရေးကြီးတဲ့ တာဝန်တစ်ရပ်ပါပဲ''ဟု ဆိုသည်။

အသက်သုံးဆယ်ကျော်သည့် အခါတွင်မှ  အမျိုးသမီးများသည် ဘဝရှေ့ခရီးကို မျှော်မှန်း ချင့်ချိန် မိတတ်ကြသည်။ ထိုအရွယ်သည် မျိုးဥ အေးခဲရန် အတန်ငယ် နောက်ကျသွားပြီ ဖြစ်သည်။ ထို့ ကြောင့် Egg Banxxx ကုမ္ပဏီ သည် လူမှုကွန်ရက်ကို အသုံးပြု လျက် ကြော်ငြာသည်။ ထို ကြော်ငြာ၏ သက်ရောက်မှုအဖြစ် ကုမ္ပဏီသို့ ဆက်သွယ်လာ သည့် အမျိုးသမီးများ၏ ပျမ်းမျှ အသက် သည် ၃၈ မှ ၃၃ နှစ်သို့ ကျဆင်း လာသည်။

မျိုးဥအေးခဲခြင်းကို ကုမ္ပဏီ များက ရွှန်းရွှန်းဝေ ကြော်ငြာနေ ကြချိန်တွင် တစ်ဖက်က ထောက် ပြမှုများ ရှိလာသည်။

''မျိုးဥ အေးခဲတဲ့လုပ်ငန်းက ဝေ စည်လာတယ်။ ဆရာဝန်တွေက ငွေမျက်နှာပဲ ကြည့်တယ်။ မွေးဖွား လာရမယ့် ကလေးတွေ မျက်နှာ ကို မကြည့်ဘူး'' ဟု ပန်မလာ ဆစ်ဒီနို က ဆိုသည်။ သူသည် Silent Sorority စာအုပ်ကို ရေးသားသူ စာရေး ဆရာမ ဖြစ်သည်။ အေးခဲ ထားသော မျိုးဥမှ မွေးဖွားရန် ငါး ကြိမ်ကြိုးစားခဲ့ပြီး မအောင်မြင်ခဲ့ ပေ။

''ကျွန်မလို မျှော်လင့်ချက် ဆုံး ရှုံးသွားရတဲ့ လူတွေကို မမြင်ကြ ဘူး။ ဆရာဝန်တွေက ပြောလိုက် ရင်တော့ ရွှန်းရွှန်းဝေနေတာပဲ'' ဟု ပန်မလာ က ပြောသည်။

မျိုးဥကို ထုတ်ယူပြီးနောက် မျိုးဥအိမ် တွန့်လိမ်သွားခြင်း၊ ယောင်ယမ်းခြင်းတို့ ဖြစ်သည်များ ရှိသည်။ ထိုကဲ့သို့ ဖြစ်ပျက်မှုမျိုး သည် တစ်ရာခိုင်နှုန်းသာရှိသည်ဟု ဆိုသော်လည်း အကျိုးဆက်အ ဖြစ် မျိုးဥအိမ် ကသောင်းကနင်း ဖြစ်ခြင်း (ovarian hyperstimulation) နှင့် အခြား ဘေးထွက် ဆိုးကျိုးများလည်း ဖြစ်နိုင်သည်။ ဟိုမုန်းသည် ခန္ဓာကိုယ်မှ ထုတ် လွှတ်ပေးမြဲဖြစ်သော် လည်း ရုတ်တ ရက် ပမာဏ အများအပြား ဝင် ရောက်လာသည့် အခါ  (over hyperstimulaiton syndrome) ဖြစ်နိုင်သည်။

မျိုးဥ အေးခဲသည့် နောက်ဆုံး ပေါ်နည်းစနစ်ကို Vitrification ဟုခေါ်သည်။ မျိုးဥကို တစ်မု ဟုတ်ချင်း ခဲသွားစေနိုင်သည့် နည်း ဖြစ်သည်။ ဤနည်းသည် မျိုးဥ အ တွင်းအပြင်တွင် ရေခဲခြင်း မဖြစ်စေ ပေ။ ယခင် အသုံးပြုသော အေးခဲ သည့် နည်းစနစ်ထက် ပိုမိုကောင်း မွန်သည်။ မျိုးဥ အပျက်အစီး နည်း ပါးစေသည်။  မျိုးပွားရန်ထုတ်ယူ သည် အထိ အအေးခံ နိုက်ထရိုဂျင် အရည်ထဲတွင် သိမ်းထားသည်။ ယင်းသို့ သိမ်းထားရန်အတွက် တစ်နှစ်လျှင် ဒေါ်လာ တစ်ထောင် ခန့် ကုန်ကျသည်။ အရွှေ့အ ပြောင်း လုပ်လျှင် ပျက်စီးနိုင်ခြေရှိ သည်။ အေးခဲရာမှ ပြန်လည်ဖော် ယူရာတွင် အပျက်အစီးမှာ တစ် ရာခိုင်နှုန်းရှိသည်ဟု ဆိုသည်။

မျိုးဥများကို ကာလကန့် သတ်မှု အတိုင်းအဆမရှိ အေးခဲ ထားနိုင်သည်ဟု အတွေ့အကြုံ များအရ သိရသော်လည်း အချိန် မည်မျှအထိထားနိုင်သည်ကို သု တေသနပြုထားခြင်း မရှိသေးပေ။

မျိုးဥတွင် မျိုးရိုးဗီဇ ဖောက် ပြန်မှု ရှိမရှိကို မစစ်ဆေးနိုင်ပေ။ သန္ဓေဦးကာလ (blastocyst stage a fertilized but prembryonic stage) ကျမှသာ စစ်ဆေးနိုင်သည်။ မျိုးဥတွင် ဗီဇ ချို့ယွင်းမှု ရှိမရှိကို စစ်ဆေး နိုင်သည့် နည်းလမ်းရှိသော်လည်း ကုန်ကျစရိတ် ကြီးမြင့်နေသည်။ ထို့ကြောင့် ဗီဇစစ်ဆေးမှု မလုပ်ဘဲ မျိုးဥများကို အေးခဲထားခြင်းသည် အန္တရာယ် မကင်းပေ။ မိန်းမပျို တိုင်း၏ မျိုးဥများတွင် ခရိုမိုဆုန်း ချို့ယွင်းနေသော မျိုးဥအများအ ပြားပါဝင်နေသည်။ အသက်ရလာ သည်နှင့်အမျှ ခရိုမိုဆုန်းချို့ယွင်း နေသော မျိုးဥများ တိုးပွားလာ သည်။ ထို့ကြောင့် ချို့ယွင်းနေသော မျိုးဥများကို အေးခဲထားပြီး မျှော် လင့်နေရသည်မှာ ဝမ်းနည်းဖွယ် အဖြစ်ကို ထိုင်စောင့်နေသကဲ့သို့ ဖြစ်နေသည်။

မျိုးဥ အေးခဲခြင်းလုပ်ငန်းစဉ် အဆင့်တိုင်းတွင် မျိုးဥ ဆုံးရှုံးမှုရှိ နေသည်။ ထုတ်ယူလိုက်သော မျိုး ဥများအနက် အချို့တို့သာ လျှင် အေးခဲရန် သင့်တော်သည်။ အေးခဲ သည့်အခါ ရေခဲမှုန်များ စုကပ် ဖွဲ့တည်ခြင်းကြောင့် မျိုးဥ ပျက်စီး နိုင်သည်။ ထို့ကြောင့် မျိုးဥ အတွင်းမှ ရေကို ထုတ်ယူပြီး မအေးခဲ နိုင်သည့် ဓာတုပစ္စည်း (cryoprotectant) နှင့် အစားထိုးရသည်။  ပြန်လည် ထုတ်ယူသော အခါ အေး ခဲထားသော မျိုးဥများအနက်မှ ၇၅ ရာခိုင်နှုန်းမှ ၈ဝ ရာခိုင်နှုန်းအထိ သာလျှင် တင်ကျန်ရစ်သည်။ ထုတ် ယူပြီး မျိုးဥများအနက် အချို့သာ လျှင် သန္ဓေလောင်းဘဝသို့ရောက် သည်။ ထိုသန္ဓေလောင်းများအနက် အချို့တို့သာလျှင် သားအိမ်အတွင်း သို့ ရွှေ့ပြောင်းခံရသည်။ ရွှေ့ ပြောင်းပေးလိုက်သည့် အခါတိုင်း အသက်ရှင်လျက်မွေးဖွားလာမည် ဟု ကံသေကံမ မဆိုနိုင်။ အချို့တို့ သာလျင် ကျန်းမာသော ကလေး များအဖြစ် မွေးဖွားလာသည်။

အမျိုးသမီးများသည် ကလေး ယူရန် မျှော်လင့်ကြသလို တစ်ချိန် တည်းမှာပင် သင့်တင့်မှန်ကန်သော အိမ်ထောင်ဖက်ရပါမည်လား ဆို သော စိုးရိမ်စိတ် ရှိနေကြသည်။ ကလေး စောစောစီးစွာယူခြင်းဖြင့်  လုပ်ငန်းခွင် တက်လမ်းတွင် အ နှောင့်အယှက် မဖြစ်စေလို။ အချိန် နှောင်းသွားလျှင်လည်း ကလေးမရ မည်ကို စိုးရိမ်ကြသည်။

မျိုးဥကို အေးခဲထားစေကာ   မူ ကလေးရနိုင်သော အခွင့်အလမ်း နည်းပါးသည်ကို အချို့အမျိုးသမီး များက သိရှိကြသည်။  သို့စဉ်တိုင် ထိုနည်းပါးသော အခွင့်အလမ်းကို မျှော်လင့်နေရခြင်းသည် စိတ်ဖြေ သိမ့်ရာဖြစ်သည်။

ကလေးမည်သည့်အခါမျှ မ မွေးဖွားနိုင်စေကာမူ ငါကလေးယူ နိုင်တယ်ဆိုသော အသိရှိနေခြင်း က အကျိုးကျေးဇူးတစ်ရပ် ဖြစ် နေ သည်။ Egg Banxxx တွင် မျိုးဥအေးခဲထားသူ အယ်နီယာယ် က ''ဒေါ်လာ ၁၅ဝဝဝ ပေးပြီး လက်မှတ်ထိုးလိုက်ရုံနဲ့ ပြီးသွားတာ ပဲ၊ ဘာမှပူစရာမလိုဘူး။ အသက် သုံးဆယ်အရွယ် အမျိုးသမီးတွေ က နောင်တစ်ချိန်မှာ ကလေးယူဖို့ အတွက် ပူပန်နေကြတယ်။ ကျွန် မမှာ အခုအဲဒီပူပန်မှု မရှိတော့ဘူး'' ဟု သတင်းထောက်အားပြောပြ သည်။ မကြာသေးမီက နယူး ယောက်မြို့ မင်ဟတ်တန်တွင် ဖွင့် လှစ်လိုက်သော Extend Fertility က ဒေါ်လာ ငါးထောင်ဖြင့် မျိုးဥ အေးခဲခြင်းကို ဆောင်ရွက်ပေးမည် ဟု ကြေညာလာသည်။

သားအိမ်သည် လူ့သမိုင်း တစ်လျှောက် အငြင်းအပွားရဆုံး ခန္ဓာကိုယ်အစိတ်အပိုင်း ဖြစ်သည်။ လွန်ခဲ့သော အနှစ်ငါးဆယ်ကျော် တွင် ပထမဆုံးအကြိမ် ဗီဇပုံတူ ကလုန်း အောင်မြင်စွာ ဖန်တီးနိုင် ခဲ့သည်။ မုန်လာပင်မှ ဆဲလ်ကိုယူ ၍ အပ်ချမတ်ချ တူညီသော ဗီဇပုံ တူ မုန်လာပင်ကို ဖန်တီးပြခြင်းဖြင့် မျိုးရိုးဗီဇ ခေတ်သစ်ကို ဖွင့်လှစ် ပေးလိုက်သည်။ ထိုစဉ်က ပုပ်ရ ဟန်းမင်းကြီးက အသက်ဇီဝဆိုင် ရာ သုတေသနလုပ်ငန်းများသည် ခေတ်ရှေ့ရောက်လွန်းသဖြင့် ခေတ္တ ဆိုင်းထားရန် ပြောခဲ့ဖူးသည်။

မည်သည့်အချိန်တွင် မွေးဖွား မည်နှင့် မည်သည့်အချိန်တွင် သေ ဆုံးမည် ဆိုသည်မှာ ဖန်ဆင်းရှင် ၏ အလိုတော် အတိုင်းသာ ဖြစ်ရ မည်ဟု ယုံကြည်လက်ခံထားသူ များအဖို့ ဇီဝဆိုင်ရာ တိုးတက်မှု များကို လက်ခံရန် ခက်ခဲနေသည်။

အေးထွန်းမင်း

[email protected]
Ref: Buying Time by Charlotte Alter

အေးထွန်းမင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.