16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သိပံ္ပ၊ နည်းပညာနှင့် သဘာ၀၀န်းကျင်
နည်းပညာနှင့် စိမ်းလန်းသာယာသော ကမ္ဘာမြေဆီသို့-၅ သဘာဝတရားအတွက် ဂရင်းအိုင်စီတီ

ခုနောက်ပိုင်းမှာ လူပြောများလာတဲ့ သဘာဝတရားအတွက် Green ICT ၊ ကမ္ဘာကြီးစိမ်းလန်းသာ ယာရေးအတွက် Green ICT ဆိုတဲ့ ခေါင်းစဉ်တွေအောက်မှာ သဘာဝပတ်ဝန်းကျင်နဲ့ပတ်သက်ပြီး ဖြစ်လာတဲ့ ပြဿနာတွေကို ဖြေရှင်းဖို့နဲ့ ရေရှည်အတွက်တွေးဆစီမံဖို့ ရည်ရွယ်ချက်တွေနဲ့အတူ အီလက်ထရောနစ် စနစ်သုံး အစိုးရစနစ် (E-Government and M-Government) ကို အကောင်အထည်ဖော်ဖို့လည်း ပါဝင်ပါတယ်။

E-Government စနစ်ဆိုတာလည်း M-Government  စနစ်ကို အထောက်အပံ့ဖြစ်စေတဲ့ စနစ်တစ်ခုပါ။ M-Government ကတော့ အစိုးရဝန်ဆောင်မှုတွေအတွက် မိုဘိုင်းဖုန်း၊ ကွန်ပျူတာစတာတွေကတစ်ဆင့် Applications တွေနဲ့ အင်တာနက် အသုံးပြုပြီး တစ်ထိုင်တည်း ပြုလုပ်နိုင်အောင် ပြုလုပ်ပေးတဲ့စနစ်မျိုး ဖြစ်ပါတယ်။ E-Government စနစ်ရဲ့ Sub-Domain တစ်ခုလို့လည်း ဆိုနိုင်ပါတယ်။

E-Government နဲ့ M-Government စနစ်တွေကို အကောင်အထည် ဖော်ခြင်းအားဖြင့်  အနာဂတ်အတွက်လည်း အစိုးရပိုင်းက ဆောင်ရွက်ရမယ့် သဘာဝပတ်ဝန်းကျင်ဆိုင်ရာ ကိစ္စရပ်တွေကို ထိန်းချုပ်စောင့်ကြည့်တာတွေ၊ ခန့်မှန်းကာကွယ်တာတွေကိုပါ ပြုလုပ်လာနိုင်မှာ ဖြစ်ပါတယ်။

သဘာဝပတ်ဝန်းကျင်နဲ့ သဘာဝသယံဇာတရင်းမြစ်တွေကို ရေရှည်ကာကွယ်ထိန်းသိမ်းစောင့် ရှောက်ဖို့ဆိုတာ သိပ်ကိုအရေးပါတဲ့ လုပ်ငန်းတစ်ခုဖြစ်ပါတယ်။ စိုက်ပျိုးရေးလုပ်ငန်းတွေ၊ သစ်တောတွေရဲ့ ဂေဟစနစ်တွေ၊ ရေကန်၊ မြစ်ချောင်း အင်းအိုင်နဲ့ ရေကာတာတွေ၊ ဆည် မြောင်းတွေဟာ သဘာဝပတ်ဝန်းကျင်ရဲ့ သဘာဝတရားနဲ့ နိုင်ငံအဆင့်၊ ဒေသတွင်းအဆင့်၊ နိုင်ငံတကာအဆင့် စီမံခန့်ခွဲမှုတွေနဲ့ တိုက်ရိုက်ဆက်စပ်နေပါတယ်။ အာဏာပိုင်တွေရဲ့ ဆုံးဖြတ်ချက်ဟာ သဘာဝ တရားအပေါ် အဆုံးအဖြတ်ပေးတဲ့ အလှည့်အပြောင်းတစ်ခုလိုပါပဲ။

ဒါ့အပြင် အဲဒီလိုအုပ်ချုပ်ရေးနယ်ပယ်က တာဝန်ရှိသူတွေသာမက ပြည်သူလူထုဘက်ကလည်း တစ်ဦးချင်းအနေနဲ့ ပူးပေါင်းဆောင်ရွက်ဖို့ကလည်း အရေးကြီးပါတယ်။ ကျွမ်းကျင်သူ ပညာရှင်တွေအပါအဝင် ပြည်သူလူထုနဲ့ အုပ်ချုပ်ရေးပိုင်းကပါ အတူတူလက်တွဲပြီး သဘာဝပတ် ဝန်းကျင်နဲ့ စီမံခန့်ခွဲရေးကြားက ရင်ဆိုင်ရနိုင်တဲ့ထိပ်တိုက်တွေ့မှုတွေ၊ ပဋိပက္ခတွေကို အတတ်နိုင်ဆုံးတော့ ဖြေရှင်းကျော်လွှားနိုင်ပါလိမ့်မယ်။

အုပ်ချုပ်ရေးပိုင်းက တာဝန်ရှိ သူတွေနဲ့ ပြည်သူဘက်က ပူးပေါင်း ဆောင်ရွက်မှုတွေမှာ သဘာဝပတ် ဝန်းကျင်ကို အဓိက ပစ်မှတ်ထား တဲ့အစီအစဉ်တွေနဲ့ လုပ်ငန်းတွေကို ကိန်းဂဏန်းတွေ၊ မြေပုံတွေ၊ စတဲ့ တိကျမှန်ကန်ပြီးအားကိုးအားထားပြု နိုင်တဲ့အချက်အလက်တွေကို အမျိုးမျိုးသော ရှုထောင့်တွေနဲ့ စီမံခန့်ခွဲဖို့ လိုအပ်ပါတယ်။ အဲဒီအချက်တွေမှာ မိုးလေဝသ၊ ဇီဝစနစ်၊ စီးပွားရေး စတဲ့ အခန်းကဏ္ဍတွေနဲ့ ဆိုင်ရာဆိုင်ရာ သတင်းအချက်အလက်တွေနဲ့ ဖွဲ့စည်းထားမှာဖြစ်ပြီး ဒီလိုဘက်ပေါင်းစုံကနေ ရှုမြင်စီမံခန့်ခွဲနိုင်မှသာ သဘာဝပတ်ဝန်းကျင်ကို ရေရှည်အတွက် စနစ်တကျ ထိန်းသိမ်းစောင့် ရှောက်နိုင်မှာ ဖြစ်ပါတယ်။

Green ICT ဆိုရာမှာ သဘာဝပတ်ဝန်းကျင်နဲ့ သယံဇာတရင်းမြစ်တွေအတွက် စောင့်ကြည့်ထိန်းသိမ်း တဲ့စနစ်တွေလည်း ပါဝင်ပါတယ်။ သဘာဝဂေဟစနစ်တွေကို ကာကွယ်ဖို့အပြင် ပျက်စီးပြီးစနစ်တွေကိုလည်း ပြန်လည်ပျိုးထောင်ဖို့စတဲ့ လုပ်ငန်းစဉ်တွေကိုလည်း စနစ်တကျ အ ကောင်အထည်ဖော်ရပါတယ်။ သဘာဝဂေဟစနစ်တွေထဲမှာ ပါဝင်တဲ့ သစ်တော၊ စားကျက်မြေ၊ မြစ် ချောင်းအင်းအိုင်ရေကန်တွေ၊ ရေကာတာတွေနဲ့ စိမ့်မြေ စတာတွေကို ထိန်းသိမ်းကာကွယ်ဖို့နဲ့အတူ ပျက်စီး သွားပြီးစနစ်တွေကိုပါ ပြန်လည်ထူထောင်ဖို့ တစ်ပြိုင်နက်တည်းဆောင်ရွက်ဖို့လိုပါတယ်။ တောမီးလောင်ကျွမ်းမှု၊ ရေကြီးမှု၊ မြေဆီပြုန်းတီးမှု စတာတွေမဖြစ်ပေါ်စေဖို့ သဘာဝပတ်ဝန်းကျင်ကို အမြဲမပြတ် ထိန်းသိမ်းစောင့်ရှောက်တဲ့ခေတ်မီနည်း စနစ်တွေနဲ့ ကာကွယ်ထားဖို့ လိုအပ်ပါတယ်။

ဒါ့အပြင် အနာဂတ်မှာ ကြုံ တွေ့နိုင်တဲ့ဖြစ်ရပ်တွေကိုပါ ကြိုတင်ခန့်မှန်းဟောကိန်းထုတ်ပြီး အနာ ဂတ်အတွက်ပါ ကြိုတင်ကာကွယ်တဲ့ အနေနဲ့ သဘာဝကိုမထိခိုက်စေတဲ့ တခြားနည်းလမ်းတွေကိုပါ ခုကတည်းက စဉ်းစားလုပ်ဆောင်ရပါ မယ်။ ဒါမှသာ သဘာဝဘေးအန္တ ရာယ်တွေကနေလည်း ကြိုတင်ကာ ကွယ်နိုင်မှာဖြစ်ပါတယ်။

ရာသီဥတုပြောင်းလဲလာမှုတွေ လျော့ပါးသက်သာစေဖို့အတွက် သစ်တောတွေနဲ့ စိုက်ပျိုးမြေများက အလွန်ပဲအရေးပါလှပါတယ်။ အကြောင်းကတော့ ယင်းတို့မှာရှိတဲ့ ကာ ဘွန်ပမာဏကြောင့်အပြင် လေထုနဲ့ မြေလွှာကြားက ကာဘွန်ဒိုင်အောက် ဆိုက်ဓာတ်ငွေ့ လှည့်လည်ထုတ် လွှတ်မှု သံသရာကြောင့် ဖြစ်ပါတယ်။ Green House ဓာတ်ငွေ့လို့လည်းခေါ်တဲ့ ကမ္ဘာမြေကို ပူနွေးမှုတိုးလာ စေတဲ့ ကာဘွန်ဒိုင်အောက်ဆိုက် ဓာတ်ငွေ့ကို ထိန်းချုပ်ဖို့ ကာဘွန်ဒိုင်အောက်ဆိုက်ဓာတ်နဲ့ လည်ပတ်နေကြတဲ့ သစ်တောနဲ့ စိုက်ပျိုးမြေတွေက သဘာဝပတ်ဝန်းကျင်နဲ့ မိုးလေဝသအတွက် အထူးအရေးပါလာတာပဲ ဖြစ်ပါတယ်။

EU က ဦးဆောင် ကမကထ ပြုလုပ်နေတဲ့ Green ICT ဆိုင်ရာ အစီအစဉ်အများစုကို ကြည့်မယ် ဆိုရင် ၂ဝ၅ဝ ခုနှစ်အရောက်မှာ ကာဘွန်လျှော့ချနိုင်မှုပမာဏဟာ မျှော်မှန်းသလောက် ရောက်ရှိလာပြီး ကမ္ဘာကြီးပူနွေးလာမှုပမာဏကိုပါ ၂ ဒီဂရီစင်တီဂရိတ်ထိ လျှော့ချနိုင်လိမ့် မယ်လို့ ရည်မှန်းထားပါတယ်။ အီးယူအနေနဲ့ Eco-Innovation လို့ခေါ်တဲ့ သဘာဝပတ်ဝန်းကျင်ကို မထိခိုက်စေအောင် စီမံတီထွင်ကြံဆမှုတွေနဲ့ နည်းပညာတွေကို အထူးအလေးပေး ဆောင်ရွက်နေတယ်လို့လည်း ဆိုပါတယ်။ သဘာဝပတ်ဝန်းကျင်ကို အဓိကထိခိုက်ပျက်စီးစေတဲ့ ကာဘွန် ထုတ်လွှတ်မှုပမာဏ တိုးပွားလာခြင်းဟာ စက်မှုထွန်းကားလာခြင်းနဲ့အတူ မြင့်တက်လာခြင်းလည်း ဖြစ်တာကြောင့် စက်မှုထွန်းကားပြီးဖွံ့ဖြိုးပြီး နိုင်ငံတွေအနေနဲ့ ပိုမိုတာဝန်ယူ ဆောင်ရွက်တဲ့သဘောလို့လည်း မှတ်ယူရပါတယ်။ ဒါပေမဲ့လည်း သဘာဝပတ်ဝန်းကျင်တွေ အကောင်းအတိုင်း ကျန်ရှိနေသေးတဲ့နေရာတွေအနေနဲ့လည်း ကာကွယ်မှုတွေကို ကြိုတင် ဆောင်ရွက်ထားမှသာ တော်ကာကျပါလိမ့်မယ်။

ကမ္ဘာကြီးရဲ့ တစ်ထောင့်က ပြဿနာဟာ တစ်ခြားနေရာ တစ်ထောင့်အတွက်လည်း သက်ရောက်မှု တွေ ဖြစ်လာနိုင်တာကြောင့် ဘယ်နေ ရာမှာဖြစ်ဖြစ် အားလုံးဝိုင်းဝန်း ဆောင်ရွက်ကာကွယ်ဖို့ကတော့ အရေးကြီးပါတယ်။ ဒါကြောင့် သဘာဝပတ်ဝန်းကျင်ကို ထိန်းသိမ်းကာကွယ် စောင့်ရှောက်မှု အစီအစဉ်တွေကို စတင်နေပြီဖြစ်တဲ့ နိုင်ငံတွေဆီက ခေတ်မီနည်းပညာတွေကို သင်ယူသင့်တာ သင်ယူ၊ အတုယူသင့်တာယူပြီး မိမိနိုင်ငံ၊ အနေအထားနဲ့ ကိုက်ညီတဲ့ သင့်လျော်တဲ့အဖြေများကို ထုတ်ယူ နည်းနာယူသင့်ပါတယ်။

 

 

ကလျာအိအိလွင်

 

(ဆက်လက်ဖော်ပြပါမည်)

 

Ref: www.researchgate.net (Green ICT Applications Towards the Achievement of Sustainable Development)

ကလျာအိအိလွင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.