16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သိပံ္ပ၊ နည်းပညာနှင့် သဘာ၀၀န်းကျင်
နည်းပညာနှင့် စိမ်းလန်းသာယာသော ကမ္ဘာမြေဆီသို့-၄ ကမ္ဘာလုံး ဆိုင်ရာ ဂရင်း အိုင်စီတီ

Green ICT ခေါင်းစဉ်အောက်က လှုပ်ရှားမှုတွေမှာ တစ်စိတ်တစ်ပိုင်း ပါဝင်တဲ့ Green Economy ဟာ ဖွံ့ဖြိုးရေးနဲ့ အလုပ်အကိုင်တွေမှာ သဘာဝပတ်ဝန်းကျင်ဆိုင်ရာ ရလဒ် ကောင်းတွေ ပိုပြီးထွက်လာစေဖို့အတွက် ရင်းနှီးမြှုပ်နှံမှုတွေပြုလုပ်နိုင်ဖို့ အခွင့်အလမ်းတွေကိုလည်း ပေးပါသေးတယ်။

အဲဒီကဏ္ဍအတွက် တစ်ကမ္ဘာလုံးမှာရှိတဲ့ အစိုးရအဖွဲ့တွေနဲ့ စီးပွားရေးလုပ်ငန်းတွေဟာ Green ICT ဆိုင်ရာ လုပ်ငန်းတွေကို ကျယ်ကျယ်ပြန့်ပြန့် ဆောင်ရွက်နိုင်အောင် စတင် လှုပ်ရှားနေတယ်လို့လည်း ဆိုပါတယ်။ Green ICT ဟာ ကာဘွန်လျှော့ချရေးဆိုင်ရာ လှုပ်ရှားမှုတွေ (Carbon-Effective Activities) တွေကိုလည်း ပိုပြီးတွန်းအားပေး ဆောင်ရွက်နိုင်တဲ့အတွက် အစိုးရကော၊ စီးပွားရေးလုပ်ငန်းတွေကော ပါဝင်ဆောင်ရွက်ခြင်းအားဖြင့် ဈေးကွက်အရပါ ပိုမိုကျယ်ပြန့်လာနိုင်ပါတယ်။

OECD(The Organization for Economic Cooperation and Development) ဆိုတဲ့ စီးပွားရေး ပူးပေါင်းဆောင်ရွက်မှုနဲ့ ဖွံ့ဖြိုးရေးဆိုင်ရာ ကိစ္စတွေအတွက် ဖွဲ့စည်းထားတဲ့ နိုင်ငံတကာအဖွဲ့အစည်း အနေနဲ့ကတော့ ရာသီဥတုပြောင်းလဲမှု အပိုင်းကို ကိုင်တွယ်ဆောင်ရွက်နိုင်ဖို့နဲ့ သဘာဝပတ်ဝန်းကျင်ကို တိုးတက်ကောင်းမွန်စေဖို့ စတဲ့အချက်တွေ အပေါ်ကို အဓိကထားဆောင်ရွက်နေတယ်လို့ သိရပါတယ်။

OECD လိုပဲ နိုင်ငံတကာ အဖွဲ့အစည်းတစ်ရပ်ဖြစ်တဲ့ European Union (EU) ကလည်း ကာဘွန်ထုတ် လွှတ်မှုလျှော့ချဖို့နဲ့ အသစ်ပြန်လည် ထုတ်လုပ်သုံးစွဲနိုင်တဲ့ စွမ်းအင်တွေကို ပိုပြီးမြှင့်တင် သုံးစွဲဖို့ စတဲ့အချက်တွေကို အာရုံစိုက် ဆောင်ရွက်နေပါ တယ်။ အဲဒီကိစ္စတွေကို ဆောင်ရွက်ဖို့လည်း စီမံကိန်းအမျိုးမျိုးနဲ့ အကောင် အထည်ဖော်နေတာကိုလည်း တွေ့ရပါတယ်။ သဘာဝပတ်ဝန်းကျင် ထိန်းသိမ်း စောင့်ရှောက်မှုနဲ့ စွမ်းအင်ချွေတာ သုံးစွဲဖို့ စတာတွေကို အလေးထား ဆောင်ရွက်တဲ့ အီးယူရဲ့ Bey Watch ဆိုတဲ့ စီမံကိန်းဟာ အိုင်စီတီ tools တွေကို အားပေးတဲ့စီမံကိန်းဖြစ်ပြီး အောင်မြင်တဲ့စီမံကိန်းတစ်ခုလို့လည်း ဆိုကြပါတယ်။

အဲဒီစီမံကိန်းရဲ့ ရည်ရွယ်ချက်က အိမ်တစ်အိမ်ချင်းစီနဲ့ အနီးအနား ပတ်ဝန်းကျင်တွေအတွက် စွမ်းအင်ထိန်းချုပ်မှုနဲ့ Power Balancing  ပါဝါမျှတသုံးစွဲမှုတွေအတွက် စွမ်းအင်နည်းလမ်း အသစ်တွေကို ပိုမိုသုံးစွဲနိုင်ဖို့ ဖြစ်ပါတယ်။ Bey Watchဟာ တိကျတဲ့ပစ်မှတ်နဲ့ အိမ်တွေကို အဓိကထား ဆောင်ရွက်တဲ့ ပညာပေးအစီအစဉ် တစ်ရပ်လို့လည်း ဆိုနိုင်ပါတယ်။ အိမ်တစ်အိမ်ချင်းစီမှာ လျှပ်စစ်၊ ဂတ်စ်၊ ရေစတဲ့စွမ်းအင်တွေကို ချွေတာသုံးစွဲစေဖို့နဲ့ ပါဝါမျှတသုံးစွဲနိုင်ဖို့ တခြားနည်းလမ်းတွေကို အဖြေရှာပေးဖို့ စတာတွေကို အဓိက ဆောင်ရွက်တာ ဖြစ်ပါတယ်။ အဲဒီလို စွမ်းအင်ချွေတာသုံးစွဲခြင်းအပြင် အစားအစာတွေကို အလေအလွင့် နည်းအောင် ထိန်းသိမ်းစားသုံးခြင်းအားဖြင့်လည်း ငွေကုန်ကြေးကျ သက် သာစေတာအပြင် သဘာဝပတ်ဝန်းကျင်ကို စောင့်ရှောက်မှုတစ်ရပ်လည်း ဖြစ်စေတယ်ဆိုတဲ့ စိတ်ကူးကို ပိုမို ပြန့်နှံ့အောင် ဖြန့်ဝေပေးတာလည်း ဖြစ်ပါတယ်။

Green ICT ဆိုင်ရာ နည်းဗျူဟာတွေထဲမှာ ဥပမာအနေနဲ့ပြဖို့ နောက် ထပ်တစ်ခုကတော့ အိုင်ယာလန်နိုင်ငံက Workflow ဆိုတဲ့ အစီအစဉ်တစ်ခုပါပဲ။ အိုင်ယာလန်နိုင်ငံရဲ့ Department of Communications, Energy and Natural Resources (ဆက်သွယ်ရေး၊ စွမ်းအင်နှင့် သဘာဝရင်းမြစ်ဆိုင်ရာ ဝန်ကြီးဌာန) က ဦးဆောင်အကောင်အထည်ဖော်တဲ့ အစီအစဉ်တစ်ခုလည်း ဖြစ်ပါတယ်။ Local Wireless Sensor Network သုံးစွဲမှုအပေါ်မှာ အခြေခံတဲ့ အစီအစဉ်တစ်ခုဖြစ်တဲ့ Workflow ဟာ နည်းပညာကို နိုင်နင်းစွာအသုံးပြုနိုင်တဲ့ ဖွံ့ဖြိုးပြီး နိုင်ငံတစ်ခုအနေနဲ့ အိုင် စီတီဆိုင်ရာ အောင်မြင်တဲ့ လှုပ်ရှားမှုတစ်ရပ်အနေနဲ့ သတ်မှတ်ခံရတဲ့ အစိုးရ စီမံကိန်းတစ်ခု ဖြစ်ပါတယ်။

အိုင်ယာလန်လိုပဲ ဖွံ့ဖြိုးပြီးနိုင်ငံ တွေဖြစ်တဲ့ ဒိန်းမတ်၊ သြစတြေးလျ၊ နော်ဝေ စတဲ့နိုင်ငံတွေမှာလည်း အသီးသီးသော Green ICT စီမံကိန်းတွေဟာ အောင်မြင်တဲ့ အသီးအပွင့်တွေ ခံစားရတယ်လို့ အစီရင်ခံစာတွေအရ သိရပါတယ်။

အဲဒီနိုင်ငံတကာက Green ICT လှုပ်ရှားဆောင်ရွက်မှုတွေကို ကြည့်မယ်ဆိုရင် အောင်မြင်ဖို့အတွက် အဓိကအကျဆုံး လိုအပ်ချက်ကတော့ ပြည်သူလူထုပဲဆိုတာကို တွေ့နိုင်ပါတယ်။ ပြည်သူလူထု လှုပ်ရှားမှုပါဝင်လာအောင် လှုံ့ဆော်အားပေးဖို့ကတော့ အစိုးရရဲ့တာဝန်ဖြစ်ပြီး နှစ်ဦးနှစ်ဖက်အကျိုးကို ချိန်ညှိဆောင်ရွက်ပေးဖို့ကတော့ အရပ်ဖက် အဖွဲ့ အစည်းတွေက ပါဝင်ပေးရမှာ ဖြစ်ပါတယ်။

ရာသီဥတုပြောင်းလဲမှုဆိုင်ရာ သက်ရောက်မှုတွေမှာလည်း လူထုမှာ အဓိကတာဝန်ရှိပြီး ရာသီဥတုကို ပြောင်းလဲဆိုးရွားစေတဲ့ အဓိကတရားခံဖြစ်တဲ့ ကာဘွန်ထုတ်လွှတ်မှုကို လျှော့ချနိုင်ဖို့ဆိုတာ မူလဖန်တီးသူတွေပဲဖြစ်တဲ့ လူတွေကသာ ပြန်လည် ထိန်းချုပ်လျှော့ချရမှာ ဖြစ်ပါတယ်။ အဲဒီလိုထိန်းချုပ်လျှော့ချဖို့အတွက် အဓိကလိုအပ်တာကတော့ User Awareness လို့ခေါ်တဲ့ ရာသီ ဥတုပြောင်းလဲလာမှုတွေ၊ ပတ်ဝန်းကျင်ထိခိုက်မှုတွေကို သိမြင်နားလည် သဘောပေါက်ဖို့သာ ဖြစ်တာကြောင့် သုံးစွဲသူတွေဟာ သူတို့ရဲ့ စွမ်းအင်သုံးစွဲမှု ပုံစံရဲ့ အကျိုးသက်ရောက်မှုတွေအပေါ် အမှန်တကယ် သိနားလည်လာပြီး ကာဘွန်ဒိုင်အောက် ဆိုက် ဓာတ်ငွေ့ထုတ်လွှတ်မှု လျှော့ချဖို့နဲ့ စွမ်းအင်ချွေတာသုံးစွဲဖို့အတွက် စိတ်ပါဝင်စားလာအောင် ပြုလုပ်ပေးဖို့က အရေးပါတဲ့ကဏ္ဍတစ်ခု ဖြစ်နေပါတယ်။

ဂရင်းအိုင်စီတီကဏ္ဍအတွက် အစိုးရဟာ အိုင်စီတီအခြေခံ အဆောက်အအုံတွေ (ICT Infrastructure) ၊ ထုတ်ကုန်တွေနဲ့ ဝန်ဆောင်မှုကို အမြဲမပြတ်စောင့်ကြည့် ထိန်း ချုပ်နေရမှာဖြစ်ပြီး အိုင်စီတီ မူဝါဒတွေ၊ နည်းစနစ်တွေ၊ အစပြု ဆောင်ရွက်မှုတွေကို တိုးမြှင့်ပြုလုပ်ပြီး ဦး ဆောင်ပေးနေရမှာလည်း ဖြစ်ပါတယ်။ ဒါတွေအပြင် ဂရင်းအိုင်စီတီ ကို အထောက်အကူပြုတဲ့ အခြေခံအဆောက်အအုံတွေ၊ ထုတ်ကုန်ပစည်းတွေနဲ့ မိုဘိုင်းဆက်သွယ်မှု၊ Applications တွေနဲ့ ဗီဒီယို Conference စတာတွေမှာ ပိုမိုရင်းနှီးမြှုပ်နှံလုပ်ကိုင်လာစေဖို့ အားပေးဖို့လည်း လိုအပ်ပါတယ်။

အစိုးရတွေအနေနဲ့ ဂရင်းအိုင် စီတီနဲ့ပတ်သက်ပြီး မြေစမ်းခရမ်း ပျိုးဆောင်ရွက်တဲ့ စီမံကိန်းတွေ၊ အစီအစဉ်တွေ၊ သုတေသနတွေနဲ့ လေ့လာမှုတွေကို အထောက်အပံ့ပေးပြီး ဂရင်းအိုင်စီတီကဏ္ဍကို အသားပေးဆောင်ရွက်တဲ့ ဈေးကွက်နဲ့ ပုဂ္ဂလိက ကဏ္ဍတွေကိုလည်း ပိုမိုအားထုတ်လို စိတ်ဖြစ်လာအောင် တွန်းအားတွေ၊ ဆွဲဆောင်မှုတွေပေးဖို့ လိုပါတယ်။

ဂရင်းအိုင်စီတီအပေါ်မှာ အစိုးရရဲ့ စိတ်ဝင်စားမှုနဲ့ အရေးယူဆောင်ရွက်မှုတွေကို လေ့လာရာမှာ အီးယူနဲ့ OECD တို့အပြင် ဂျပန်၊ စင်ကာပူ၊ မလေးရှားစတဲ့ အာရှနိုင်ငံတွေမှာလည်း Green ICT လှုပ်ရှားဆောင် ရွက်မှုတွေကို တွေ့ရပါတယ်။ အဲဒီလို  အစိုးရတွေရဲ့ အားပေးမှု၊ လူထုရဲ့ သိမြင်အားထုတ်မှုတွေနဲ့  ကမ္ဘာကြီး ပိုမိုစိမ်းလန်းလာမယ်၊ ပိုမိုကျန်းမာ အသက်ရှည်လာမယ်ဆိုတာကတော့ ပြောစရာမလိုပါဘူး။

 

(ဆက်လက်ဖော်ပြပါမည်)

 

ကလျာအိအိလွင်

Ref: www.researchgate.net (Green ICT Applications Towards the Achievement of Sustainable Development).

ကလျာအိအိလွင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.