19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သိပံ္ပ၊ နည်းပညာနှင့် သဘာ၀၀န်းကျင်
နည်းပညာနှင့် စိမ်းလန်းသာယာသော ကမ္ဘာမြေဆီသို့ - ၂ ဂရင်းအိုင်စီတီ နိဒါန်း

ဂရင်းအိုင်စီတီမှာ အသစ်တီထွင် ဆန်းသစ်ထားတဲ့ အိုင်စီတီနည်းလမ်းတွေ၊ အီလက်ထရောနစ် ဝန်ဆောင်မှုတွေ၊ Green Practices လို့ ခေါ်ကြတဲ့ သဘာဝပတ်ဝန်းကျင် ထိန်းသိမ်းစောင့်ရှောက်မှုကိုပါ အလေးပေးလာတဲ့ လုပ်ဆောင်မှုတွေနဲ့ ထုတ်လုပ်လာတဲ့ Smart Technologies တွေ စတဲ့ဝေါဟာရတွေ၊ အခန်းကဏ္ဍတွေဟာ ပါဝင်အကျုံးဝင်လျက်ရှိပါတယ်။

သဘာဝပတ်ဝန်းကျင်နဲ့ လိုက်လျောညီထွေတဲ့ နည်းပညာဆိုရာမှာ သဘာဝပတ်ဝန်းကျင်တင်မက လူသားတွေရဲ့ဘဝကိုပါ အရည်အသွေး ပိုပြီးတိုးတက်မြင့်မားလာစေဖို့ဆိုတဲ့ အချက်လည်း ပါဝင်ပါတယ်။

အိုင်စီတီ (Information & Communication Technologies) တွေဟာ လူသားတွေရဲ့နေ့စဉ် နေထိုင်မှုဘဝတွေကို တိုးတက်မြင့်မားလာစေပြီး ပိုမိုအဆင်ပြေချောမွေ့လာစေခဲ့ပေမယ့် ပတ်ဝန်းကျင်အပေါ်မှာတော့ ဆိုးကျိုးသက်ရောက်မှုတွေ ရှိလာခဲ့ပါတယ်။

အခု ဆောင်းပါးတွေမှာ ဂရင်းအိုင်စီတီရဲ့ အဓိပ္ပာယ်ဖွင့်ဆိုချက်နဲ့ လိုက်လျောညီထွေစွာ အသုံးချခြင်းအကြောင်းတွေကို တင်ပြသွားပါမယ်။           ဒီဆောင်းပါးတွေဟာ ဂရင်းအိုင် စီတီဆိုတဲ့အကြောင်းကို နားလည်မှုနဲ့အတူ အသုံးချမှုအပိုင်း၊ တီထွင်ဆန်း သစ်မှုအပိုင်းနဲ့ နည်းဗျူဟာတွေကို ပိုမိုရင်းနှီးသွားဖို့အပြင် ဂရင်းအိုင်စီတီနဲ့ ပတ်သက်လို့ မူဝါဒရေးဆွဲချ မှတ်သူတွေကိုပါ အသိပေးလိုတဲ့   ရည်ရွယ်ချက်တွေနဲ့ မူရင်းစာရေးသူက ရေးသားခဲ့ခြင်းလည်း ဖြစ်ပါတယ်။

အိုင်စီတီ နည်းပညာတွေဟာ ဘဝတွေကို ဘယ်လိုအဆင်ပြေစေတယ်၊ မြင့်မားစေတယ်ဆိုတဲ့  အကြောင်းအရာတွေကတော့ အထူး ပြောစရာ မလိုတော့ပါဘူး။ ဒါပေမယ့် အဲဒီအိုင်စီတီနည်းပညာကပဲ လက်ရှိအနေအထားတွေကို ဘယ်လိုပြောင်း လဲလိုက်နိုင်တယ်ဆိုတာနဲ့ ရေရှည်ထိန်းသိမ်းစောင့်ရှောက်ရမယ့် ဖွံ့ဖြိုး ရေးကိစ္စတွေအတွက် အားကောင်းတဲ့ မောင်းနှင်အားတစ်ခုလည်းဖြစ်တယ် ဆိုတဲ့အကြောင်းကိုလည်း သိထားဖို့လိုပါတယ်။ ဒီစာတမ်းတွေကို ၂ဝ၁၃ ခုနှစ်ဝန်းကျင်မှာ ရေးသားခဲ့တာဖြစ်ပြီး ဂရင်းအိုင်စီတီနဲ့ပတ်သက်လို့ စာဖတ်သူတွေရဲ့ အတွေးတွေ ပိုမိုဖြန့်ကျက်နိုင်ဖို့နဲ့ မိမိနိုင်ငံအနေ အထားနဲ့ကိုက်ညီတဲ့ အသုံးချမှုတွေကို ခေတ်နဲ့အညီတွေးတောနိုင်စေဖို့ ဆီလျော်အောင် ဘာသာပြန်ဖော်ပြပေးခြင်းလည်း ဖြစ်ပါတယ်။

အိုင်စီတီနည်းပညာများဟာ လူသားတွေရဲ့ လုပ်ငန်းခွင်ဘဝ၊ တစ်ကိုယ်ရေဘဝတွေမှာ ပိုမိုအဆင် ပြေချောမွေ့စေမှုနဲ့အတူ ရောက်ရှိလာခဲ့တာ နှစ်ပေါင်းများစွာကြာခဲ့ပြီ ဖြစ်ပါတယ်။ ဒါ့အပြင် စီးပွားရေးဖွံ့ဖြိုး တိုးတက်မှု၊ ကုန်ထုတ်စွမ်းအားနဲ့ လူမှု ဖွံ့ဖြိုးမှုတွေအတွက် အရေးကြီးတဲ့ ကဏ္ဍတစ်ခုအနေနဲ့လည်း ရပ်တည်ခဲ့ပါတယ်။ စီးပွားရေးအသွင် ပြောင်းလဲမှုဖြစ်စဉ်မှာလည်း အိုင်စီတီဟာ အရေးကြီးတဲ့ပလေယာတစ်ဦးဖြစ်ပြီး စီးပွားရေးလုပ်ငန်း (Enterprises) တွေအတွက်လည်း ယှဉ်ပြိုင်မှုရေးရာမှာ မရှိမဖြစ်ရင်းမြစ်တစ်ခုအဖြစ်ပါ ရပ်တည်လျက် ရှိပါတယ်။ သို့ပေမယ့် တစ်ဖက်က အကျိုးအမြတ်တွေကို ပေးနိုင်တဲ့အလျောက် လျှပ်စစ်ဓာတ်အားတွေကို များစွာသုံးစွဲရခြင်းနဲ့ ကာဘွန်ဒိုင်အောက်ဆိုက် ဓာတ်ငွေ့ ထုတ်လွှတ်မှုတွေကြောင့် သဘာဝပတ်ဝန်းကျင်ဆိုင်ရာ ထိခိုက်မှုတွေကိုလည်း ဖြစ်ပေါ်စေနိုင်ပါတယ်။ ဒါကြောင့် အိုင်စီတီဟာ တစ်ကမ္ဘာလုံးနဲ့ဆိုင်တဲ့ သဘာဝပတ်ဝန်းကျင် ပြဿနာတွေနဲ့ တစ်ချိန်တည်းမှာပဲ အဲဒီပြဿနာတွေကို ဖြေရှင်းဖို့ နည်း လမ်းတစ်ခုလည်း ဖြစ်နေတယ်လို့ ပြောနိုင်ပါတယ်။

အိုင်စီတီဟာ ရေရှည်ဖွံ့ဖြိုး တိုးတက်မှုလုပ်ငန်းတွေကို မြှင့်တင်နိုင်ဆိုတာကို လက်ခံထားကြပြီလည်းဖြစ်ပါတယ်။ ဂရင်းအိုင်စီတီ သို့မဟုတ် ရေရှည်အတွက် မျှော်မှန်းတဲ့ အိုင်စီတီသုံးစွဲမှုအပိုင်းမှာ သင့်တင့်လျောက်ပတ်တဲ့ ဒီဇိုင်း၊ ထုတ်လုပ်မှု၊ အသုံးပြုမှုနဲ့အတူ ကွန်ပျူတာ၊ ဆာဗာအပါအဝင် တွဲဖက်စနစ်တွေ အားလုံးကို စွမ်းအင်သုံးစွဲမှုလျှော့ချရေး၊ မလိုလားအပ်တဲ့ဓာတ်ငွေ့တွေ ထုတ်လွှတ်မှု လျော့နည်းစေရေးနဲ့ ရင်းမြစ်တွေကို မလိုအပ်ဘဲမသုံးစွဲမိရေးတို့အတွက် ဦးတည်စဉ်းစားကြပါတယ်။ ဒါ့အပြင် စွမ်းအင်သုံးစွဲမှု အပိုင်းမှာလည်း ပိုမိုထိရောက်စွာ အပေါင်း လက္ခဏာဆောင်စွာ အသုံးချနိုင်ရေးနဲ့ ရေရှည်အတွက် မျှော်မှန်းချက်တွေ လည်း ပါဝင်လာပါတယ်။ ဒီလိုနဲ့ စီးပွားရေးလုပ်ငန်း တွေအတွက်လည်း ငွေကုန်ကြေးကျ သိပ်မများရဘဲ မိမိလုပ်ငန်းတွေအတွက် ပိုမိုအသုံးတည့် လာတဲ့အပိုင်းတွေ ရှိလာပါတယ်။ ဥပမာအားဖြင့် စွန့်ပစ်ပစ္စည်းတွေကို ပြန်လည် Recycle ပြုလုပ် အသုံးပြု ခြင်းကနေ ငွေကုန်ကြေးကျချွေတာ လာနိုင်ခြင်းဖြစ်ပါတယ်။ ဒါကြောင့်လည်း ဂရင်းအိုင်စီတီဆိုတာကို ပိုမိုစိတ်ပါဝင်စားလာကြပြီး ဆောင်ရွက်ဖို့ တွန်းအားရှိလာတာလည်း ဖြစ်ပါတယ်။

 

သဘာဝပတ်ဝန်းကျင်အပေါ်  အိုင်စီတီရဲ့ သက်ရောက်မှုများ

သဘာဝပတ်ဝန်းကျင် အပေါ်မှာ အိုင်စီတီရဲ့ သက်ရောက်မှုအပိုင်းကို ကြည့်မယ်ဆိုရင် အပိုင်း သုံးပိုင်းတွေ့နိုင်ပါတယ်။ ပထမတစ်ပိုင်းက အိုင်စီတီထုတ်လုပ်မှု၊ အသုံးပြုမှု၊ ပြန်လည် Recycle ပြုလုပ်ကာ အသုံးပြုမှုနဲ့ အမှိုက်အနေနဲ့ စွန့်ပစ်ခြင်းတွေပါဝင်တဲ့ အိုင်စီတီသံသရာ (ICT sycle) နဲ့ တိုက်ရိုက် ပတ်သက်နေပါတယ်။ ဒုတိယတစ်ခုကတော့ ထုတ်လုပ်မှုလုပ်ငန်းတွေ၊ ပို့ဆောင်ဆက်သွယ်ရေးနဲ့ စားသုံးမှု ဆိုင်ရာ လုပ်ငန်းစဉ်တွေကို ပြောင်းလဲပေးနိုင်တဲ့ အိုင်စီတီအသုံးချမှုနည်းလမ်းတွေ ပါဝင်ပါတယ်။ တတိယအချက်က အိုင်စီတီသုံးစွဲနိုင်မှု အတိုင်း အတာအပေါ် မူတည်တဲ့ အတ္တလူ သားတွေရဲ့အပြုအမူ အကျင့်စရိုက်ပြောင်းလဲမှုနဲ့ စီးပွားရေးစနစ်တွေနဲ့ သက်ဆိုင်တဲ့ ပြောင်းလဲမှုတွေပဲ ဖြစ်ပါတယ်။

ဒါကြောင့် သဘာဝပတ်ဝန်းကျင်ကို ရေရှည်ထိန်းသိမ်းစောင့်ရှောက်ဖို့အတွက် အိုင်စီတီဟာ ပြဿနာဖြစ်စေတဲ့တရားခံဖြစ်သလို ပြန်လည်ဆယ်တင်ပေးမယ့် နည်း လမ်းတစ်ခုလည်း ဖြစ်တယ်လို့ ဆိုနိုင်ပါတယ်။ အိုင်စီတီစနစ်များနဲ့ နည်း ပညာတွေဟာ ထုတ်လုပ်နေတဲ့ ကာလအတွင်း၊ သူတို့ကို စွန့်ပစ်လိုက်တဲ့ကာလအတွင်း နည်းလမ်းအမျိုးမျိုးနဲ့ သဘာဝပတ်ဝန်းကျင်ဆိုင်ရာ ထိခိုက်မှုတွေကို ဖြစ်ပေါ်စေနိုင်ပါတယ်။ ထုတ်လုပ်ရာမှာ စွမ်းအင်သုံးစွဲရမှု၊ လျှပ်စစ်ဓာတ်အားများစွာ အသုံးပြုရ မှု၊ ဂရင်းဟောက်စ်ဓာတ်ငွေ့ထုတ် လွှတ်မှု၊ ထုတ်ကုန်တွေအနေနဲ့  အ ဆိပ်အတောက်ဖြစ်စေနိုင်တဲ့အဆင့် မြင့်မားမှု၊ စွန့်ပစ်ပစ္စည်းတွေကို စနစ် တကျမစီမံမဆောင်ရွက်နိုင်မှုတွေဟာ ဆိုးကျိုးတွေကို ဖြစ်စေနိုင်တဲ့အချက်တွေ ဖြစ်ပါတယ်။

စီးပွားရေးလုပ်ငန်းများနဲ့ လူမှုနေ့ စဉ်ဘဝတွေမှာ အိုင်စီတီရဲ့ ပါဝင်မှု ကြီးထွားလာမှုကို ဖော်ပြရရင် ၂ဝ၂၂ ခုနှစ်မှာ အိုင်စီတီကဏ္ဍအတွက်လျှပ် စစ်သုံးစွဲမှုပမာဏဟာ ၂ဝ၁ဝ တုန်း ကပမာဏထက် နှစ်ဆပိုမိုများပြားလာမယ်လို့ ခန့်မှန်းထားပါတယ်။ အဲဒီပမာဏဟာ ၂ဝ၃ဝ ခုနှစ်မှာတော့ သုံးဆပိုများလာပြီး ၁၇ဝဝ Terawatts ပမာဏထိ သုံးစွဲလာရလိမ့်မယ်လို့ ခန့်မှန်းထားပါတယ်။

 

ကလျာအိအိလွင်

 

(ဆက်လက်ဖော်ပြပါမည်)

Ref: www.researchgate.net (Green ICT Applications Towards the Achievement of Sustainable Development)

ကလျာအိအိလွင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.