27-7-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အလုပ်အကိုင်လိုနေသည့် ရခိုင်လူငယ်များ ရွှေကျား ရက်ကန်းထည်လုပ်ငန်း အလုပ်ရုံတွင် လာရောက်လျှောက်ထားနိုင်
This Week’s COVER
ဂျာနယ် အမှတ်စဉ် .... 1021
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သိပံ္ပ၊ နည်းပညာနှင့် သဘာ၀၀န်းကျင်
ဆိုက်ဘာလုံခြုံရေး၊ ကွန်ပျူတာ လုံခြုံရေးဆိုင်ရာ အမေးအဖြေများ

Cyber Security ဆိုတဲ့ ဆိုက်ဘာလုံခြုံရေးကိစ္စဟာ ဒီလိုနည်းပညာခေတ်မှာ အရေးတကြီးဆောင်ရွက်ရတဲ့ ကိစ္စဖြစ်လာပါပြီ။ ဆိုက်ဘာလုံခြုံရေးက ခေတ်နဲ့အညီ အရေးပါလာတဲ့ အချိန်အခါမျိုးမှာ ဆိုက်ဘာလုံခြုံရေးနဲ့ ပတ်သက်ဆက်စပ်ပြီး ဆိုက်ဘာနယ်ပယ်မှာ ကျင်လည်သူ တွေလည်း သိထားသင့်တယ်ဆိုတဲ့ အခြေခံဆိုက်ဘာလုံခြုံရေးဆိုင်ရာ မေးခွန်းလေးတွေကို စုစည်းဖြစ် ပါတယ်။ မေးခွန်းတွေအပြင် အဖြေတွေကိုပါ တတ်နိုင်သလောက် စုစည်းကာ ဖော်ပြလိုက်ပါတယ်။

 

(၁) ဆိုက်ဘာလုံခြုံရေး

(Cyber Security) ဆိုတာ ဘာလဲ။

ဆိုက်ဘာလုံခြုံရေးဆိုတာ အိုင်တီလုံခြုံရေး (International Technology Security) လည်း မည်ပါတယ်။ ကွန်ပျူတာတွေ၊ နက်ဝေါ့ခ်တွေ၊ ပရိုဂရမ်တွေနဲ့ ဒေတာတွေကို မလိုလားအပ်တဲ့ ဝင်ရောက်အသုံးချမှုတွေ၊ ပြုပြင်ပြောင်းလဲမှုတွေ ဒါမှမဟုတ် ဖျက်ဆီးမှုတွေ ပြုလုပ်ခံရခြင်း အန္တရာယ် ကနေ ကာကွယ်ဖို့ အရံအတားတွေ ပြုလုပ်ထားခြင်းကို ခေါ်ပါတယ်။

 

(၂) ကွန်ပျူတာလုံခြုံရေးဆိုတာ ဘာလဲ။

ကွန်ပျူတာလုံခြုံရေးဆိုတာလည်း တစ်နည်းအားဖြင့် ဆိုက်ဘာလုံခြုံရေး သို့မဟုတ် အိုင်တီလုံခြုံရေးပဲဖြစ်ပါတယ်။ ဖော်ပြခဲ့သလိုပဲ ကွန်ပျူတာစနစ်တွေကို ပြင်ပကခိုးယူ ထိုးဖောက်ဝင်ရောက်မှုတွေ၊ ဖျက်ဆီးမှုတွေ၊ မလိုလားအပ်တဲ့ အန္တရာယ်တွေကနေ ကာကွယ်ထား ခြင်းကို ခေါ်ပါတယ်။

 

(၃) ကွန်ပျူတာ လုံခြုံရေးရှိဖို့ ဘာကြောင့် အရေးပါတာလဲ။

ကွန်ပျူတာတစ်ခုထဲမှာရှိနေတဲ့ ဒေတာတွေဟာ ပြင်ပကကိုယ်မသိတဲ့ တစ်ဦးတစ်ယောက် ကနေ ခိုးဝင်ရယူနိုင်ပါတယ်။ အဲဒီလိုခိုးဝင်ရောက်ပြီး Malacious Contents တစ်မျိုးမျိုး ထားခဲ့မယ်ဆိုရင်လည်း ကွန်ပျူတာရဲ့ လုံခြုံရေးပိုင်းဟာ အနှောင့်အယှက်အကြီးအကျယ် ဖြစ်ရပါပြီ။ ပိုင်ရှင်မသိလိုက်ဘဲ ကွန်ပျူတာထဲကို ကျူးကျော်ဝင်ရောက်သူတွေဟာ တခြားကွန်ပျူတာတွေ ဒါမှ မဟုတ် ဝက်ဘ်ဆိုက်တွေ သို့မဟုတ် နက်ဝေါ့ခ်တွေကို တိုက်ခိုက်ဖို့အတွက် မိမိရဲ့ကွန်ပျူတာကို ဝင်သုံးတတ်ပါတယ်။ လက်စားချေတာမျိုးလုပ်တတ်တဲ့ တချို့ဟက်ကာတွေကတော့ တစ်စုံတစ်ယောက်ရဲ့ ကွန်ပျူတာစနစ်ကို ပျက်စီးအောင်ပြုလုပ်ပြီး ဒေတာတွေ ပျက်စီးဆုံးရှုံးအောင် ပြု လုပ်တတ်ပါတယ်။

 

(၄) ကွန်ပျူတာပေါ်က Privacy ဆိုတာ ဘာလဲ။

လူတစ်ဦးချင်းက သိုသိပ်ထားတဲ့ အချက်အလက်တွေကို Privacy အချက်အလက်တွေအဖြစ် ဖော်ပြခြင်းဖြစ်ပါတယ်။ Location တစ်ခုမှာ လုံခြုံတယ်လို့ဘယ်လောက် ခံစားမိလဲဆိုတာကိုလည်း Privacy အဖြစ် ဖော်ပြပါတယ်။ ဝက်ဘ်ဆိုက်တွေကို ဝင်ကြည့်တဲ့အခါ မိမိဖော်ပြတဲ့ အချက်အလက်၊ မဖော်ပြမယ့် အချက်အလက် စတာတွေဟာ Privacy ပဲဖြစ်ပြီး အဲဒီအချက်အလက်တွေကို ဘယ်လိုအသုံးပြုမှာလဲ၊ အဲဒီအချက်အလက်တွေကို ဘယ်သူတွေကိုပေးသိမှာလဲ၊ ဒါမှမဟုတ် ဒီအချက်အလက်တွေနဲ့ User ရဲ့ နောက်ကြောင်းကို ဖော်ထုတ်မှာလား စတာတွေကလည်း Privacy ပဲ ဖြစ်ပါတယ်။

 

(၅) ကွန်ပျူတာ Threat  ဆိုတာ ဘာလဲ။

ကွန်ပျူတာလုံခြုံရေးပိုင်းကနေ ကြည့်မယ်ဆိုရင် Threat ဆိုတဲ့ ခြိမ်းခြောက်မှု၊ အန္တရာယ်ဆိုတာ ကွန်ပျူတာစနစ်၊ ကွန်ပျူတာလည်ပတ်မှုတွေကို တစ်စုံတစ်ရာသောအတိုင်း အတာထိ ထိခိုက်စေနိုင်အောင် ပြုလုပ်နိုင်ခြင်းကိုခေါ်ပါတယ်။ ခြိမ်းခြောက်မှုဆိုတာက အန္တရာယ် တပ်အပ်ပေးလိုက်ပြီဆိုတာမျိုးတော့ မဟုတ်သေးပါဘူး။ ဖြစ်လာနိုင်ခြေရှိတာလည်း ဖြစ်ပါတယ်။ ခြိမ်းခြောက်မှုတွေဟာ ကွန်ပျူတာစနစ်တွေ၊ နက်ဝေါ့ခ်တွေနဲ့ တခြားအရာတွေကို တိုက်ခိုက်လာ နိုင်တာဖြစ်ပါတယ်။

 

(၆) ကွန်ပျူတာလုံခြုံရေးအတွက် ခြိမ်းခြောက်မှုတွေက ဘာတွေလဲ။

ကွန်ပျူတာလုံခြုံရေးအတွက် ခြိမ်းခြောက်မှုအမျိုးမျိုးရှိပါတယ်။ အဲဒါတွေကတော့ ထရိုဂျန် (Trojan) ဆိုတဲ့ အရှုပ်ထွေးဆုံးနဲ့ အန္တရာယ်အများဆုံးသော ခြိမ်းခြောက်မှု၊ ဗိုင်းရပ်စ်ဆိုတဲ့ လူသိအများဆုံး ခြိမ်းခြောက်မှု၊ Worm လို့ ခေါ်တဲ့ ပျံ့နှံ့အောင်ဒီဇိုင်းဆင်ထားတဲ့ ဘေးဥပဒ် သိပ်မဖြစ်စေတဲ့ Program တစ်မျိုးတို့အပြင် Spyware တွေ၊ Scareware တွေ၊ Keylogger တွေ၊ Adware တွေနဲ့ Backdoot စတာတွေ ဖြစ်ပါတယ်။

 

(၇) Computer Risk ဆိုတာ ဘာလဲ။

မိမိကွန်ပျူတာရဲ့ လုံခြုံရေးဆိုင်ရာ Risk တစ်ခုခုဖြစ်နေပြီဆိုရင် ဒါဟာ ကွန်ပျူတာရဲ့ Hardware ပိုင်း၊ ဆော့ဖ်ဝဲပိုင်း၊ ဒေတာနဲ့ Information ပိုင်းတစ်ခုခုမှာ ထိခိုက်ပျက်စီးသွားစေ နိုင်တယ်ဆိုတဲ့သဘောပါပဲ။ တချို့သော ထိခိုက်မှုတွေဟာ မတော်တဆဖြစ်ရပ်တွေဖြစ်ပေမယ့် တချို့ကတော့ တစ်စုံတစ်ယောက်ရဲ့ လက်ချက်ဖြစ်နိုင်ပါတယ်။ အဲဒီလိုဆို ဒါကို ကွန်ပျူတာဆိုင်ရာ ရာဇဝတ်မှုလို့ ခေါ်ကြပါတယ်။

 

(၈) အင်တာနက်လုံခြုံရေးဆိုတာ ဘာလဲ။

အင်တာနက်လုံခြုံရေးဆိုတာ ကွန်ပျူတာလုံခြုံရေးဆိုတဲ့ ခေါင်းစဉ်အောက်က ခေါင်းစဉ်ခွဲ တစ်ခုလို့ ဆိုနိုင်ပါတယ်။ သူကတော့ အင်တာနက်နဲ့ပတ်သက်တဲ့ ကွန်ပျူတာလုံခြုံရေးပိုင်းပေါ့။ ရံဖန်ရံခါမှာ Browser လုံခြုံရေးအဆင့်တွေ ပါဝင်တတ်ပြီး နက်ဝေါ့ခ်လုံခြုံရေးဆိုတာလည်း ပါ ဝင်တတ်ပါတယ်။ တစ်ခါတစ်ရံမှာလည်း Operating System တစ်ခုလုံးကိုခြုံပြီး ယေဘုယျကာကွယ်ထားတာမျိုးလည်း ရှိတတ်ပါတယ်။

ကွန်ပျူတာတစ်လုံးမှာ ထည့်ရတတ်တဲ့ Antivirus နဲ့ Internet Security ဆိုတဲ့ အကာအကွယ်နှစ်ခုကြားမှာ အဓိကကွာခြားတာကတော့ Antivirus က မိမိကွန်ပျူတာကို ကျ ရောက်လာနိုင်တဲ့ ဗိုင်းရပ်စ်တွေကို ကာကွယ်ပေးတာဖြစ်ပြီး အင်တာနက်လုံခြုံရေးဆော့ဖ်ဝဲကတော့ အင်တာနက်ကတစ်ဆင့်ဖြစ်တတ်တဲ့ Malicious Content တွေနဲ့ Action တွေကို Firewall ကာခြင်းလိုမျိုး ခေတ်မီနည်းပညာတွေကိုအသုံးပြုပြီး ကာကွယ်ပေးတာပဲဖြစ်ပါတယ်။ အင် တာနက်လုံခြုံရေးအနေနဲ့ မိမိသုံးတဲ့ Passwords တွေကို ကာကွယ်ထားတာတို့၊ ကိုယ့် Account တွေထဲဝင်မယ်ဆိုရင် အများပြည်သူသုံး Hotspot တွေကိုမသုံးဖို့နဲ့ ဟက်ကာတွေ၊ Identity သူခိုးတွေရဲ့ Malware တိုက်ခိုက်မှုတွေကို မခံရအောင် ရှောင်ရှားခြင်းတို့လည်း ပါဝင်ပါတယ်။

 

(၉) ကွန်ပျူတာ Worm ဆိုတာ ဘာလဲ။

        ကွန်ပျူတာ Worm ဆိုတာက သူ့ဘာသာသီးခြားရပ်တည်နေတဲ့ Malware ကွန်ပျူတာပရိုဂရမ်တစ်ခုသာ ဖြစ်ပါတယ်။ Worm တွေဟာ တခြားကွန်ပျူတာဆီ ကူးစက်ပြန့်နှံ့ဖို့ အတွက် သူ့ကိုယ်သူပွားများပစ်ပါတယ်။ တစ်ခါတစ်ရံမှာ အဲဒီလိုပွားဖို့အတွက် နက်ဝေါ့ခ်တွေကိုအသုံးပြုတတ်ကာ လုံခြုံရေးကောင်းကောင်း မရှိတဲ့ကွန်ပျူတာတွေဟာ သူတို့ရဲ့ ပစ်မှတ် ဖြစ်တတ်ပါတယ်။

 

(ဆက်လက်ဖော်ပြပါမည်)

ကလျာအိအိလွင်

Ref: www.whatis.techtarget.com,

www.cyberdegree.org,

www.heimdalsecurity.com,

www.en.wikipedia.org,

www.cio.com, www.sans.org,

www.contrib.andrew.cmu.edu,

ကလျာအိအိလွင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.