25-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1047
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
Weekly Book Review

ပြောပြစရာတွေလဲ တပုံကြီး -၇

မာမာအေး

ဘီဘီစီ မြန်မာပိုင်းအစီအစဉ်မှာ အဆိုတော်ကြီး မာမာအေးအသံလွှင့်ခဲ့တဲ့ အစီအစဉ်တွေကို စုစည်းပြီးစာအုပ်အဖြစ် အစီအစဉ် အမှတ်စဉ်အလိုက် ထုတ်ဝေခဲ့ရာမှာ ယခုစာအုပ်ဟာ ခုနစ်အုပ်မြောက် ဖြစ်ပါ တယ်။

အဆိုတော်ကြီး မာမာအေးက သူကျင်လည်ခဲ့ရာ၊ သူလေ့လာလိုက် စားခဲ့ရာ ဂီတလောကအကြောင်း၊ မဟာဂီတ၊ မြန်မာ့ဂီတအကြောင်းတွေကို သီချင်းကလေးဆိုပြလိုက်၊ ဂီတဖြစ်စဉ်သမိုင်းကြောင်းတွေကို ရှင်းပြလိုက်၊ သူ့အမြင်တွေကို ထုတ်ဖော်လိုက်နဲ့ တင်ပြရင်း မြန်မာ့ဓလေ့ ယဉ်ကျေးမှုအစဉ်အလာတွေ၊ ခေတ်စနစ်အခြေအနေတွေနဲ့ပါ နှိုင်းယှဉ် သုံးသပ်ခံစားတင်ပြထားတာကို တွေ့ရမှာပါ။

ဘီဘီစီ မြန်မာပိုင်းအစီအစဉ်မှာ အဆိုတော်ကြီး မာမာအေးရဲ့ အသံလွှင့်အစီအစဉ်တွေကို နားထောင်ဖူး သူတွေအနေနဲ့ ဒီစာအုပ်ကိုဖတ်ရင်း မာမာအေးရဲ့ ပြောဟန်ဆိုဟန်တွေကို ပြန်လည်ကြားယောင်လာမိစေမှာပါ။ အသံကို အားပြုထားတဲ့ စာဟန်ဖြစ် တာကြောင့် မာမာအေးရဲ့ အသံလွှင့် အစီအစဉ်တွေကို နားမထောင်ဖူးသူတွေအတွက်လည်း စာအုပ်ထဲမှာပါတဲ့ အကြောင်းအရာအားလုံးပါတဲ့ ဘီဘီစီမှာ အသံလွှင့်စဉ်က အသံဖိုင် စီဒီကိုလည်း စာအုပ်နဲ့အတူ ထည့် သွင်းပေးထားပါတယ်။ စာအုပ်ထဲမှာ စာဖတ်သူနားရည်မဝသေးတဲ့ သီချင်း တွေပါလာခဲ့မယ်ဆိုရင် ဒီအတိုင်း သီချင်းစာသားကို ဖတ်ရတာ အရသာသိပ်မတွေ့နိုင်တာမို့ စီဒီကလေးကိုကောက်ဖွင့်ရင်း မဟာဂီတ၊ မြန်မာ့ဂီတရဲ့အရသာကို အပြည့်အဝခံစား နားဆင်နိုင်မှာပါ။ စာအုပ်ထဲမှာပါတဲ့ အကြောင်းအရာတွေနဲ့ လိုက်ဖက်မယ့်မာမာအေးရဲ့ ပြောဟန်ဆိုဟန် လေယူလေသိမ်းတွေကို အရသာခံ ဖတ်ရှုနိုင်မယ့် စာအုပ်ဖြစ်ပါတယ်။

အမျိုးသားရေးတေး စာစုမှာတော့ လော့အိန်ဂျလိစ်မြို့မှာ ကျင်းပတဲ့ ၈၉ ကြိမ်မြောက် အမျိုးသားနေ့ ဟောပြောပွဲမှာ ကဗျာဆရာအောင်ဝေး၊ ဆရာမမေငြိမ်းနဲ့ အဆိုတော်ကြီး မာမာအေးတို့ ဟောပြောခဲ့တဲ့ အကြောင်းအရာတွေအကြောင်း ဖောက်သည်ချရင်း၊ စစ်အုပ်ချုပ်ရေး ကာလ ပညာရေးနှိပ်စက်မှုကြီးအကြောင်း ဝေဖန်ထောက်ပြရင်း အမျိုးသားရေး တေးတွေဖြစ်တဲ့ ဆရာရွှေတိုင်ညွှန့်ရေး  စိန်ပါတီဆို ပါတော်မူသီချင်းအကြောင်း၊  မကြည်အောင်ဆို ဗမာ့သွေး သီချင်းတွေအကြောင်းကို သီချင်းစာသားတွေ၊ နောက်ခံနိုင်ငံရေး သမိုင်းတွေနဲ့တကွ သုံးသပ်ဝေဖန်ချက်တွေနဲ့ အတူ တင်ပြထားတာကိုတွေ့ရမှာပါ။

အမျိုးသားနေ့ စာစုမှာတော့ အမျိုးသားနေ့ ဖြစ်ပေါ်လာပုံ သမိုင်း ကြောင်း အကျဉ်းကလေးနဲ့အတူ ရန် ကုန်ယူနီဗာစီတီ အက်ဥပဒေကို မြန်မာအများ တားဆီးကန့်ကွက်နေတဲ့ ကြားက ဘုရင်ခံ ဆာဂျီနယ်ကရက်ဒေါက်နဲ့ ပညာမင်းကြီး ဟန်းတားတို့က အဓမ္မအတည်ပြုခဲ့တာကြောင့် ရွှေတိဂုံစေတီတော် အနောက်တောင်ထောင့်က ကွပ်ပျစ်ကြီးတစ်ခုပေါ်မှာ မပြတ်တမ်း သပိတ်မှောက်ခဲ့ကြသူ ကျောင်းသားတို့ သပိတ်ဦးအစရန် ကုန်ကောလိပ်ကျောင်းသား (၁၁)ဦးရဲ့ အမည်တွေကို မှတ်တမ်းပြု တင်ပြရင်း သပိတ်ကျောင်းသားတွေဆိုခဲ့တဲ့ သပိတ်မှောက်သီချင်း အမှတ် (၂) အကြောင်းတင်ပြထားပါတယ်။

သပိတ်မှောက်သီချင်း -၂ ကို သဟာယ ဆရာတင်က ရွှေဂုန်မောင် ရေးတဲ့ 'မြခွာညို' သီချင်းပါ သံစဉ် အတိုင်းယူပြီး ရေးခဲ့ပါသတဲ့။ အဲဒီခေတ်က ကောလိပ်ကျောင်းသားတွေကြားမှာ သပိတ်မှောက်သီချင်း အမှတ် (၂) ချက်ချင်းရေပန်းစားသွားတာဟာ ကျောင်းသားတွေ ရင်ထဲကခံစားချက်ကို ထည့်သွင်းရေးစပ် ဖော် ထုတ်ခွင့်ရသွားလို့လည်းပါတယ်၊ ဒီလို အရေးပေါ်ကိစ္စမှာ လူသိများပြီးတဲ့ သီချင်းကို လိုတဲ့အဓိပ္ပာယ်နဲ့ စကောက်စပ်လိုက်လို့ ချက်ချင်းလိုက်ဆိုတာကြောင့် ပျံ့နှံ့လွယ်တာလည်း ပါတယ်လို့ သုံးသပ်ထားပါတယ်။

မြခွာညိုသီချင်းပါ 'ကြူကြူမွှေးတဲ့ ခွာညိုလွှာလေ ယူရာတိမ်း ယိမ်းနွဲ့ရှာ၊ ချစ်သူကိုကိုချိုးခဲ့မှာ ပျိုပျိုပန်ဆင်စရာ..'စတဲ့ သီချင်း စာသားတွေနဲ့ သပိတ်မှောက်သီချင်း-၂ ပါ 'ကျွန်စိတ် မွေးတဲ့ တက္ကသိုလ်မှာ၊ မနေလိုလို့ ထွက်ခဲ့တာ၊ တို့တတွေ ညီညာရုံးစုကာ ရွှေတိဂုံစေတီမှာ..'စတဲ့ သီချင်းစာသားတွေကို ယှဉ်တွဲဖော်ပြ ထားတာကို တွေ့ရမှာပါ။

တို့ဗမာသီချင်း၊ တို့ဗမာသီချင်းနှင့် နိုင်ငံတော်သီချင်း၊ တို့ဗမာအကျဉ်းချုပ်၊ YMB ဆရာတင် ခေါင်း စဉ်တွေအောက်မှာတော့ တို့ဗမာသီချင်းဖြစ်ပေါ်လာပုံနဲ့ နိုင်ငံတော် သီချင်းဖြစ်ပေါ်လာပုံအကြောင်း တွေကို သမိုင်းနောက်ခံရက်စွဲတွေနဲ့တကွ ဖော်ပြထားတာကို တွေ့ရမှာပါ။ တို့ဗမာသီချင်းကို သခင် ဘသောင်းက စာသားရှာ၊ ဝိုင်အမ်ဘီဆရာတင်က သံစဉ်ရှာပြီး သီချင်းအဖြစ် ရေးစပ်ခဲ့တာကြောင့် တို့ဗမာသီချင်းရေးသူ ကမ္ပည်းတင်မယ်ဆိုရင် သခင် ဘသောင်းနဲ့ ဝိုင်အမ်ဘီဆရာတင်လို့ တွဲဖက်ရေးသားသင့်ကြောင်း အဆိုပြုထားပါတယ်။ အလားတူ စစ်ပြီးခေတ်ဗိုလ်ချုပ်အောင်ဆန်း ကြားဖြတ်အစိုးရလက်ထက် တိုင်းပြုပြည်ပြုလွှတ်တော်မှာ နိုင်ငံတော်သီချင်း ရွေးချယ်ကြတော့ ဝိုင်အမ်ဘီ သခင်တင်လို့ နာမည်ပြောင်းခဲ့သူ ဝိုင်အမ်ဘီဆရာတင်ရဲ့ တို့ဗမာသီချင်း သံစဉ်ကိုယူပြီး ဆရာရန်နိုင်စိန်နဲ့ ဒဂုန်ဆရာတင်တို့က စာသားဖြည့်စွက် ရေးသားခဲ့ပါသတဲ့။ တို့ဗမာ သီချင်းထဲက ပါတာဆိုလို့ ကမ္ဘာမကျေရယ်၊ ဒါတို့ပြည်ရယ်ပဲ တွေ့ရပါသတဲ့။ ဒါကြောင့် နိုင်ငံတော်သီချင်းကို ကမ္ပည်းထိုးမယ်ဆိုရင် ဝိုင်အမ်ဘီသခင်တင်၊ ရန်နိုင်စိန်နဲ့ ဒဂုန်ဆရာတင်လို့ ဖြစ်သင့်ကြောင်း တင်ပြထားပါတယ်။ တို့ဗမာသီချင်းကို စာသားဖြည့်စွက်ပြောင်းလဲပြီး နိုင်ငံတော် သီချင်းအဖြစ် ဖန်တီးထားတဲ့ အပိုဒ်တွေကိုလည်း သီချင်းနှစ်ပုဒ်ကို ယှဉ်ပြီးတင်ပြထားတာကိုတွေ့ရမှာပါ။ နိုင်ငံ တော်သီချင်းကို သီးသန့်သီချင်းသစ်အဖြစ် ဘာကြောင့်မရေးခဲ့ သလဲဆိုရင် အဲဒီတုန်းက သီချင်းရေး ဆရာကြီးတွေက တို့ဗမာသီချင်းကို ကျော်ပြီး မရေးချင်ခဲ့ကြလို့ စာပဲပြောင်းခဲ့တာလို့ဆိုထားပါတယ်။

ဒီစာအုပ်မှာ အသံလွှင့်အစီ အစဉ်အမှတ် ၃ဝ၁ ကနေ ၃၅ဝ အထိ စာစုအပုဒ် ၅ဝ ပါဝင်ပါတယ်။ လှိုင်ထိပ်ခေါင်တင်၊ မြို့မငြိမ်း၊ နန်းတော်ရှေ့ဆရာတင်၊ သင်္ဂဟဦးဘသိန်း၊ လင်းခေးလုလင်၊ မေလှမြိုင်၊ သုမောင်စတဲ့ သီချင်းရေးဆရာကြီးတွေ၊ အဆိုတော်ကြီးတွေရဲ့ သမိုင်းနောက်ခံနဲ့ သူတို့ရေးတဲ့ သီချင်းတွေ၊ သူတို့ဆိုခဲ့တဲ့ သီချင်းတွေအကြောင်းအပြင် သူ တို့နဲ့ ဆက်နွယ်ရာ ဂီတ၊ ကဗျာ၊ စာပေတွေအကြောင်း မာမာအေးရဲ့အဆို၊ အပြောလေးတွေနဲ့အတူ ဖတ် ရှုရမယ့်စာအုပ်ဖြစ်ပါတယ်။

လင်းလွန်းခင်စာပေကနေ တန် ဖိုး ၂၅ဝဝ ကျပ်နဲ့ ဖြန့်ချိလိုက်ပါပြီ။

 

နင်လားဟဲ့ချစ်ဒေါသနှင့်

အခြားဘာသာပြန်ဝတ္ထုတိုများ

ဇော်ဂျီ

နင်လားဟဲ့ ချစ်ဒေါသ ဝတ္ထုတိုကို အင်္ဂလိပ်ဘာသာပြန်ဖြစ်သော The Fury မှ မြန်မာပြန်သည်။ ထိုဝတ္ထုတွင် ကိုယ်ရေးကိုယ်တာဘဝ နာချက်ကလေးကိုသာ ဆုပ်ကိုင်ထားသဖြင့် အထင်မှားအမြင်မှား ဖြစ်ခဲ့ပုံကိုသရုပ်ဖော်ခဲ့သည်။ ထို့အပြင် သဘာဝကျသည်ဟုထင်ရအောင် အနုစိတ်အမူအရာတို့ကို ရွေးချယ်၍ နေရာချပေးတတ်သည်။ ကရုဏာခန်းမှ ဒေါသခန်းသို့၊ ဒေါသခန်းမှ ကရုဏာခန်းသို့၊ ကရုဏာအခန်းမှ မေတ္တာခန်းသို့ ပြောင်းပေးရာတွင် နှစ်သက်လက်ခံချင်ကြအောင် ဖွဲ့ဆိုထားသည်။ မြန်မာပြန်ရာတွင် ဆရာကြီး၏ အာဘော်ပါနိုင်သမျှပါအောင် အားထုတ်ပါသည်။

နင်လားဟဲ့ချစ်ဒေါသ ဝတ္ထုကို မဖော်ပြမီ မူရင်းစာရေးဆရာ Poul Johann Ludwing Von Heyse ရဲ့ ဒီဝတ္ထုရေးဖြစ်ခဲ့ပုံအကြောင်းနဲ့ ဝတ္ထုရဲ့ဆိုလိုရင်း အနှစ်ချုပ်တို့အကြောင်း ဆရာ ဇော်ဂျီရေးသားထားတဲ့ မိတ် ဆက်နိဒါန်းထဲက ကောက်နုတ်ချက်ဖြစ်ပါတယ်။

မိခင်အပေါ် အမြဲတမ်း အနိုင်ယူနှိပ်စက်တတ်တဲ့ဖခင်ကြောင့် ယောက်ျားမှန်သမျှကို သူ့ဖခင်လိုပဲ ထင်ပြီး အထင်အမြင် လွှဲမှားနေသူ မိန်းကလေးတစ်ယောက်အကြောင်း ဖြစ်ပါတယ်။ ဇာတ်ကောင်တွေရဲ့ နာမည်ကလွဲရင် ဝတ္ထုအကြောင်းအရာနဲ့ သုံးထားတဲ့စကားလုံးလေးတွေက မြန်မာရနံ့သင်းနေတဲ့ မြန်မာဝတ္ထု ဖတ်နေရသလိုဖြစ်အောင် ဘာသာပြန်ဆို တင်ပြထားတာကို တွေ့ရမှာ ဖြစ်ပါတယ်။

Hermann Hesse ရဲ့ Youth, Beautiful Youth ကို ဘာသာပြန်ဆိုထားတဲ့ နင်လားဟဲ့ချစ်ဒုက္ခ ဝတ္ထုမှာတော့ 'မိမိ၏ လိုဘမပြည့်ဝသော်လည်း စိတ်ကောင်းမွေး၍ အသင့် အတင့်နှလုံးသွင်းတတ်လျှင် သက်သာရာရနိုင်သော သဘောကို သရုပ်ဖော်ထားသည်ထင်ပါသည်' လို့ ဆရာဇော်ဂျီက မိတ်ဆက်နိဒါန်း ရေးထားပါတယ်။ ကျေးတောနေ ဂျာမန်မိသားစုရဲ့ နေ့စဉ်လူမှုဘဝ ဖြတ်သန်းရပုံတွေကို အလွမ်းအဆွေး အသောတွေ ရောစွက်ပြီး ကြည်နူးဖွယ် ကောင်းအောင် ရေးဖွဲ့ထားတာကိုတွေ့ရမှာပါ။ ဝတ္ထုရဲ့ အာဘော်လည်း မပျက်ရအောင်၊ မြန်မာပရိသတ်လည်း နားလည်လွယ်အောင် ဇာတ်ကောင်တွေပြောဆိုတဲ့ စကားတွေ၊ နေထိုင်ပြုမူပုံတွေကို မြန်မာမှုရနံ့ လေးရအောင် အားထုတ်ထားတာကိုတွေ့ရမှာပါ။

ပီယသိဒ္ဓိနှင့်မေတ္တာ ဝတ္ထုမှာတော့ တိုက်တာရွှေ့ငွေ စည်းစိမ်ဥစ္စာတွေ ချမ်းသာခြင်းထက် မေတ္တာစိတ် ချမ်းသာခြင်းကသာ ချမ်းသာခြင်း အစစ်အမှန်ဖြစ်ကြောင်းကို လွမ်းစရာ၊ သနားစရာဆင်ခြင်စရာ ဖြစ် အောင် အကွက်စေ့စေ့ ရေးဖွဲ့ထားတာကို တွေ့ရမှာပါ။

ဆရာဇော်ဂျီရဲ့ မြန်မာရနံ့သင်းတဲ့ ဘာသာပြန်လက်ရာ စုစည်းမှုလို့ ဆိုနိုင်ပါတယ်။

The key Collection Press  ကနေ တန်ဖိုး - ၁၅ဝဝ ကျပ်နဲ့ ဖြန့် ချိလိုက်ပါပြီ။

ကိုဝိုင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.