16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
စာရေးဆရာနှင့် လေးလောင်းပြိုင် လူသတ်မှု

အနောက်နိုင်ငံက ရုပ်ရှင်ထုတ်လုပ်သူတွေဟာ ဖြစ်ရပ်မှန်အတ္ထုပ္ပတ္တိ ဒရာမာဇာတ်ကားတွေကို ရိုက်ကူးထုတ်လုပ်ကြရာမှာ ငွေကြေးအရ အမြတ်အစွန်းနည်းပါးတာ၊ ဆုံးရှုံးမှုများပြားတာတွေ တော်တော်ကြုံရတယ်လို့ ဆိုပါတယ်။ သူတို့ ဒီလိုဆုံးရှုံးနေပါလျက်နဲ့ ဒါမျိုးတွေကို ဘာဖြစ်လို့ ဆက်လက်ပြီး ရိုက်ကူးထုတ်လုပ်နေကြပါလိမ့်ဆိုတဲ့ အတွေးဝင်ပြီး စဉ်းစားကြည့်မိတယ်။ အဲဒီမှာ တွေ့လိုက်ရတာကတော့ ငွေကြေးဆုံးရှုံးပေမယ့် တစ်ဖက်မှာ သူတို့ရလိုက်တာက ကမ္ဘာတည်သရွေ့တွင်ရစ်နေမယ့် သမိုင်းတစ်လျှောက်ရဲ့ အနုပညာဂုဏ်သိက္ခာဆိုတာပါပဲ။

သူတို့ဟာ လူပုဂ္ဂိုလ်တစ်ယောက်ရဲ့ ဘဝဇာတ်ကြောင်းကို တင်ဆက် ရိုက်ကူးလေ့ရှိပါတယ်။ အစဉ်အလာအရ အတ္ထုပ္ပတ္တိဒရာမာတွေဟာ လူသိများ ထင်ရှားတဲ့၊ သမိုင်းမှတ်တမ်းမှာ တင်ကျန်တဲ့ ပုဂ္ဂိုလ်တွေရဲ့အကြောင်းကို ရိုက်ကူးတင်ဆက်လေ့ရှိခဲ့ကြသလို၊ ဒီဘက်ခေတ်အခါ ကာလမျိုးတွေမှာလည်း လူသိပ်မသိပေမယ့် စိတ်ဝင်စားစရာ သင်ခန်းစာယူစရာကောင်းတဲ့ လူတစ် ယောက်လို့ သတ်မှတ်ခဲ့ရင်လည်း အဲဒီလူအကြောင်းကို ရုပ်ရှင်ဇာတ်ကား တစ်ကားအဖြစ် ဖန်တီးပြီး ရိုက်ကူးတင်ပြလာကြပါတယ်။

အဲဒီအရာတွေကို သရုပ်ဆောင်ရသူအတွက်လည်း အရမ်းကို ခက်ခဲပင်ပန်းပါတယ်။ ပရိသတ်ရဲ့ အမြင်အာရုံထဲမှာ မိမိရဲ့ မင်းသား၊ မင်းသမီးအဖြစ်ကိုပျောက်ပြီး အတ္ထုပ္ပတ္တိထဲက သက်ဆိုင်ရာပုဂ္ဂိုလ်အဖြစ် မြင်လာအောင် ခံစားသွားရအောင် သရုပ်ဆောင်ကြရတာပါ။

ဒါမျိုးတွေကို သရုပ်ဆောင်ရတဲ့အတွက်ကြောင့် ရုပ်ရှင်လောကမှာ ချက် ချင်းအမြင့်ဆုံးရောက်သွားတဲ့ သရုပ်ဆောင်အဖြစ် အောင်မြင်ကြတဲ့ တက်သစ်စ သရုပ်ဆောင်တွေရှိကြသလို၊ မပီပြင်လို့ ဝေဖန်ရှုတ်ချခံရပြီး နောက် ပြန်ရောက်သွားတဲ့ သရုပ်ဆောင်တွေလည်း အများအပြားရှိခဲ့ကြပါတယ်။ အတ္ထုပ္ပတ္တိဒရာမာဇာတ်ကားတွေဟာ လူအများမြင်တွေ့ဖူးပြီးသား၊ စွဲလမ်းပြီး သားလူပုဂ္ဂိုလ်တွေရဲ့ ပုံရိပ်ကိုထပ်တူကျအောင် သဏ္ဌာန်တူအောင် သရုပ်ဆောင်ရတဲ့ တာဝန်က အရမ်းကြီးမားလွန်းပါတယ်။

အဲဒါကြောင့်လည်း အော်စကာဆုအပါအဝင် နိုင်ငံတကာ ရုပ်ရှင်ဆု စာရင်းတွေမှာ ဒီလိုဇာတ်ကားမျိုးတွေချည့်ပဲ ရှေ့ဆုံးမှာ အမြဲတမ်းရှိနေတာကို တွေ့နေကြရမှာဖြစ်ပါတယ်။

အခုလည်း အမေရိကန် စာရေးဆရာကြီး 'ကာ့ပို့' Capote ရဲ့ ၁၉၅၉ ခုနစ်တစ်ဝိုက်က ဖြတ်သန်းခဲ့ရပုံအကြောင်းကို ဒါရိုက်တာ'ဘင်းနက်မေလာ' (Bennett Miller) ရိုက်ကူးတင်ပြထားတဲ့ ရုပ်ရှင်ကို ကြည့်ခွင့်ရလိုက်ပါတယ်။ အခု ရုပ်ရှင်ရိုက်တဲ့ အတ္ထုပ္ပတ္တိစာအုပ်ကို ရေးသားတဲ့ စာရေးဆရာကတော့ Gerald Clarke ဖြစ်ပါတယ်။ အဓိကဇာတ်ကောင် စာရေးဆရာကာ့ပို့အဖြစ် မင်းသား Philip Syemour Hoffman က သရုပ်ဆောင်ပြီး၊ သူနဲ့အတူ ဂျာနယ်လစ်အမျိုးသမီး 'ဟာပါလီ'အဖြစ် မင်းသမီး Catherine Keener က ပါဝင် သရုပ်ဆောင်ထားပါတယ်။

ဒီဇာတ်ကားဟာ အမေရိကန် စာရေးဆရာ 'ကာ့ပို့' ရဲ့ The New Yorker မဂ္ဂဇင်းမှာ ပင်တိုင်သတင်း ဆောင်းပါးတွေ ရေးနေခဲ့ရတဲ့ ကာလတွေကို ရိုက်ကူးတင်ပြထားတာပါ။ ဇာတ်ကားရဲ့ ဇာတ်ဝင်ခန်းတွေကို ကနေဒါနိုင်ငံမှာ ရိုက်ကူးခဲ့ကြပါတယ်။ ဒီဇာတ်ကားဟာ ၂ဝဝ၅ ခုနှစ်၊ စက်တင်ဘာလ ၃ဝ ရက်နေ့မှာ ထွက်ရှိပြီး နိုင်ငံတကာ ရုပ်ရှင်ရုံတွေမှာ တင်ခဲ့ပါတယ်။ အဲဒီနေ့ဟာ ထူးထူးခြားခြား တိုက်ဆိုင်နေတာကတော့ စာရေးဆရာကြီး 'ကာ့ပို့'ရဲ့ အသက် ၈၁ နှစ်မြောက် မွေးနေ့နဲ့ တိုက်ဆိုင် နေတယ်ဆိုတာပါပဲ။

၁၉၅၉ ခုနှစ်မှာ စာရေးဆရာ ကာ့ပို့ဟာ The New Yorker မဂ္ဂဇင်းမှာ ထင်ကျော်ကြားပြီး လူသိအများ ဆုံးဖြစ်နေတဲ့အချိန်။ အဲဒီကာလမှာ ဖြစ်ပွားခဲ့တဲ့ Clutter မိသားစုဝင် လေးဦးကို ရက်ရက်စက်စက် လူမဆန်တဲ့ အပြုအမူတွေနဲ့ တစ်ပြိုင်နက် သတ်ဖြတ်ခဲ့တဲ့ လေးလောင်းပြိုင် လူ သတ်မှုသတင်းဟာ စာရေးဆရာ ကာ့ပို့ရဲ့ စိတ်ကို ဆွပေးတဲ့အကြောင်း ကိစ္စတစ်ခုဖြစ်လာခဲ့တယ်။ အကြောင်း ကိစ္စဖြစ်ရပ်တွေကို စုံထောက်တွေလို တိကျအောင် ကိုယ်တိုင်လိုက် သတင်းယူပြီး အမေရိကန် စာဖတ်ပရိသတ်တွေ စိတ်ဝင်တစား ဖတ်ရှုလာအောင် ပုံစံတစ်မျိုးနဲ့ ရေး သားတင်ပြနိုင်လို့ ထင်ရှားလာခဲ့တဲ့ သူ။

အခုတစ်ခါ ဒီအမှုကို သူစိတ်ဝင်စားလာခဲ့ပြန်တဲ့အတွက် သူ့ရဲ့လုပ်ဖော်ကိုင်ဖက် အမျိုးသမီး 'ဟာ ပါလီ' ကို အဖော်ခေါ်ပြီးံသူခသာဘ မြို့ကို ထွက်လာခဲ့ပါတယ်။ အခင်းဖြစ်ပွားတဲ့ မြို့ရောက်တာနဲ့ ရသမျှ သတင်းတွေကို မဂ္ဂဇင်းအတွက်ရေး ပုိ့ပေးနေရပါတယ်။

သတင်းဆောင်းပါးရှည်ကြီးရေးဖို့အတွက် အမှုရဲ့ အခင်းဖြစ်ပွား ဇာတ်မြစ်ကိုရအောင် လိုက်လံစုံစမ်း ထောက်လှမ်းရာမှာ နယ်ခံဖြစ်တဲ့ စုံထောက်ကြီး Alvin Dewey က စာရေးဆရာ ကာ့ပို့ကို မနှစ်မြို့ သဘော မကျတဲ့အတွက်တောင်းတဲ့ အကူအညီမှန်သမျှ ငြင်းပယ်ပြီး ခေါင်းရှောင် နေပါတယ်။ ဒါပေမယ့် စုံထောက်ကြီး ရဲ့ ဇနီးဖြစ်သူ Mrs Dewey ကတော့ စာရေးဆရာ ကာ့ပို့ကို ကြည်ညိုတဲ့ စာဖတ်ပရိသတ်တစ်ဦးဖြစ်နေလို့ သူ့ယောက်ျားမသိအောင် လိုအပ်တာတွေကို နောက်ကွယ်ကနေ ကူညီနေပါတယ်။

စုံထောက်ကြီးကတော်ရဲ့ အကူအညီပေးမှုကြောင့် စာရေးဆရာ ကာ့ပို့ဟာ အကျဉ်းထောင်ထဲကို ဝင် ရောက်ခွင့်ရခဲ့ပြီး ဒီအမှုနဲ့ပတ်သက်လို့ သံသယဖြစ်နိုင်စရာအရှိဆုံး လူနှစ်ယောက်ကို တွေ့ဆုံခွင့်ရလိုက်ပါတယ်။ အဲဒီအကျဉ်းသားနှစ်ယောက်ကတော့ Perry Smith ဆိုသူနဲ့ Dick Hickock ဆိုတဲ့ သူတို့ပါပဲ။

သူတို့ရဲ့ ဖြောင့်ချက်တွေ၊  ထင်မြင်ယူဆချက်တွေကို အခြေခံပြီး သတင်းဆောင်းပါးတွေ ရေးသားခဲ့ပါ တယ်။ အကျဉ်းသားတွေကို တွေ့ဆုံခွင့်ရဖို့ လွယ်ကူအောင် ထောင်ပိုင်ကြီးကိုလည်း လာဘ်ထိုးရပါတယ်။ ဒီလိုနဲ့ ကာ့ပုိ့ဟာ အကျဉ်းသားတွေဆီမှာ မကြာခဏသွားတွေ့ဆုံနေရင်း သတင်းဆောင်းပါးတွေကိုလည်း လစဉ်မပြတ်ရေးသားရင်း နှစ်ပေါက်တဲ့အထိ အချိန်ကာလတွေ တော်တော် ကုန်လာခဲ့ပါတယ်။

အဲဒီနှစ်အနည်းငယ်အတွင်းမှာ အကျဉ်းသား Perry Smith ရဲ့ ဘဝဇာတ်ကြောင်းကိုလည်း ပိုပိုပြီး သိခွင့်ရလာခဲ့သလို၊ Perry အကြောင်းကိုလည်း စာတွေရေးဖြစ်လာပါတယ်။ ဒီလိုရေးရတဲ့အကြောင်းတွေထဲမှာလည်း အကျဉ်းသားတစ်ယောက်ရဲ့ အထီးကျန်မှု၊ ဝမ်းနည်းကြေကွဲမှုတွေနဲ့ နောင်တတရားရတာတွေကို ပေါ်လွင်ပီပြင်အောင် ရေးဖွဲ့နိုင်ခဲ့ပါတယ်။

လူသတ်မှုဖြစ်ပွားတဲ့ ညမှာ မောင်ရင်ဘာလုပ်နေသလဲဆိုတဲ့ မေးခွန်းကိုတော့ အကျဉ်းသား Perry က ငြင်းဆန်နေတဲ့အတွက် စာရေးဆရာကာ့ပို့ဟာ အကြီးအကျယ်ဒေါသ ထွက်သွားပါတယ်။ နောက်ဆုံးမှာတော့ အကျဉ်းသား Perry က အမှန်အတိုင်း ဖြောင့်ချက်ပေးခဲ့ပါတယ်။

နောက်ဆုံးမှာ Perry ရော Dick Hickock ရော နှစ်ယောက်လုံး ကြိုးပေးခံခဲ့ရပါတယ်။ Perry ကို လွတ်မြောက်အောင် မစွမ်းဆောင်နိုင်ခဲ့တဲ့အတွက် ကာ့ပို့ဟာ သူ့ကိုယ်သူ ငါ တော်တော်ညံ့တဲ့ကောင်ပါလားဆိုတဲ့ အပြစ်တင်စကားတွေနဲ့အတူ ဝမ်းနည်းပူဆွေးခဲ့ရပါတယ်။ ကာ့ပို့ကို အမှန်တရားအတိုင်း လက်ခံလိုက်ဖို့ကို အတူပါလာခဲ့တဲ့ လုပ်ဖော်ကိုင်ဖက် အမျိုးသမီး 'ဟာပါလီ'က နှစ် သိမ့်စကားတွေ ပြောပေးနေရပါ တယ်။

အကျဉ်းသား Perry ပေးခဲ့တဲ့ ဓာတ်ပုံတွေ၊ အကြောင်းအရာ ကုန်ကြမ်းတွေနဲ့ စာအရေးအသားတချို့ ကို စာရေးဆရာကာ့ပို့တစ်ယောက် အလွမ်းပြေပြန်ကြည့်နေတုန်း ရုပ်ရှင်ဟာ ပြီးဆုံးသွားပါတယ်။ နောက်တော့ ဒီအမှုအကြောင်းကို အခြေခံပြီး ရေးသားလိုက်တဲ့ In Cold Blood ဆိုတဲ့  စာအုပ်ထွက်ရှိလာပြီး စာရေးဆရာ ကာ့ပို့ဟာ နိုင်ငံတကာမှာ ကျော်ကြားတဲ့ စာရေးဆရာဖြစ်လာခဲ့ ပါတော့တယ်။

ဒီဇာတ်ကားဟာ ၇၈ ကြိမ် မြောက်အောင် အော်စကာဆုပေးပွဲမှာ  အကောင်းဆုံးမင်းသားဆုနဲ့ အော်စကာရရှိခဲ့ပါတယ်။

ဝင်းကိုမောင်

ဝင်းကိုမောင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.