16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
Weekly Book Review

ဂျက်မေတ္တာစာ

ဂျက်ကွမ်းခြံကုန်း

 

မေတ္တသုတ်တစ်စောင်လုံးကို

ပုဒ်မပါ ကျုံးပြီးလျှင်

သိမ်းရုံး၍ မေတ္တာပို့လေ့ပို့ထရှိသော

နဘေအရာ မြူးခုန်ကြွသည့်

စလေဆရာ ဦးပုညပမာ

ဂျက်ဆရာတစ်ဦး ကျွန်ုပ်ခမျာလည်း

မေတ္တာဓာတ်ဦးမော့ကာ

မြူးဆော့လာသဖြင့်

ဖူးလ်းစတော့ (Full Stop)ပါ

မကျန် ကြွင်းစေဘဲ

မေတ္တာဓာတ်ဖန်သွင်းလိုက်ရပါပေသည်

အမောင်တို့၊ အမိတို့။

ပေ လည်းပြုန်း၊ ကျောက်သင်ပုန်းမပါ၊ ကျောက်တံဗလာ၊ စာရွက်အလိုမရှိ၊ ဘောလ်ပင်အစ်ကိုမသိတဲ့ ခေတ်ကြီးမှာ၊ လက်ကိုင်ဖုန်းဖန်သားပြင်ပေါ် လက်ကလေးနဲ့ထိရုံနဲ့ စာဖြစ်သွားတဲ့ ခေတ်ကြီးမှာ၊ အွန်လိုင်းစာမျက်နှာ၊ ဖေ့စ်ဘုတ်စာမျက်နှာထက် အီး(E)အက္ခရာတွေ တွင်ကျယ်နေတဲ့ ခေတ်ကြီးမှာ အတွေးရဲအရေးရဲသူ တချို့ကြောင့် သဒ္ဒါမမှန် စာမမှန်ဖြစ်၊ အဓိပ္ပာယ်တွေ ကမောက်ကမဖြစ် ရပုံအကြောင်း သတိပေးထောက်ပြရာမှာ ခေတ်သစ်မေတ္တာစာပုံစံ သရော်ဟန်စွက်ပြီး ရေးသားတင်ပြထားတာ ဖြစ်ပါတယ်။

အင်္ဂလိပ်စာအသုံးအနှုန်း၊ မြန်မာစာအသုံးအနှုန်းတို့ကို ခုစာဖတ်ခုစာပြန်၊ လူ့ကမ္ဘာမြန်တဲ့ခေတ်ကြီးမှာ အလွယ်တကူ စိတ်ထင်တိုင်း သုံးနေကြသူတွေကို ရှေးက မေတ္တာစာ ဟန်အတိုင်း ပြောပြရာမှာ-

စကားအရာ၌ချောမွေ့ပါစေ၊ တရားအရှာ၌ စောတွေ့ကြပါစေ။စကားအရာ မချောမွေ့တော့ ဇောက်ထိုးတလွဲ၊ တရားအရှာ စောမတွေ့တော့ သောက်ကျိုးနည်း။ သဒ္ဒါကိုလည်း မှန်စေ့ချင်ပါသည်၊ ကဗျာကိုလည်း ဆန်စေ့ချင်ပါသည်။ သဒ္ဒါ မမှန်တော့ အဓိပ္ပါယ်မရှိ၊ ကဗျာမဆန်တော့ စိတ်ဝယ်မငြိ။

သတ်ပုံကိုလည်း မပေါ့နဲ့၊ ဓာတ်ပုံကိုလည်းမဆော့နဲ့။ သတ်ပုံပေါ့တော့ အလွဲကြီးလွဲ၊ ဓာတ်ပုံဆော့တော့ အကွဲကြီးကွဲ' လို့ စာဖတ်သူရဲ့စိတ်ကို ရွှင်လာမြူးလာအောင် တင်ပြထားပါတယ်။

အွန်လိုင်းမီဒီယာပေါ်မှာ အင်္ဂလိပ်လို စကားညှပ်ပြီး သုံးနှုန်းကြတဲ့အခါ မင်းနဲ့ငါကို unme တဲ့။ ur ဆိုတာ Your are တဲ့၊ နံပါတ် (၂)ကို too ၊ I am ကျတော့ Im လို့ သုံးကြသတဲ့။ သိပ်သိပ်ဆိုး (so)လို့ ပြောချင် တဲ့အခါ အက်စ်အိုအိုအိုအိုအိုအို (Soooooo)၊ သိပ်သိပ်နိုးလို့ ပြောချင်တော့လည်း Noooooo လို့ သုံး နှုန်းပုံတွေက ကမ္ဘာ့မီဒီယာတွေကတောင် သြချယူရပါသတဲ့။ သပွတ်အူ ရွာကတူ၊ တူမတွေရဲ့ မြန်မာစာ၊ မြန် မာစကားအရေးအသားကြည့်လိုက်ပြန်တော့လည်း ချစ်စ်စ်စ်စ်စ်၊ မုန်းန်းန်းန်းန်းန်း ဆိုတဲ့ အသုံးတွေနဲ့ အရမ်းချစ်၊ အရမ်းမုန်းကို ကိုယ်စားပြုသုံးနှုန်းပုံတွေ၊ ဝိုးးးးးးးးးးးး၊ ဟင်င်င်င်င်င်င်င် ဆိုတဲ့ အာမေဍိတ်တွေနဲ့ ကမ္ဘာမြေထိတ်အောင်လုပ်ပုံတွေ၊ မုန့်ဟင်းခါးကို မွင်းငါး၊ ဟေ့ကောင်ကို ဟျောင့်၊ ခလေးကို ခေး၊ ညီလေးကို ညေး၊  ဘုန်းဘုန်းက ဘွီး၊ မမက မွီးလို့ သုံးပုံ တွေဟာ 'ဖျားဖျား'လို့ တရမယ့်ခေတ် ကြီး၊ ဘုရားဘုရားလို့ သွားမညည်း လေနဲ့လို့ မေတ္တာစာသဘော သရော် ဟန်နှောလို့ တင်ပြထားပါတယ်။

        'စားပြီးပြီလား? မှာကျ Question mark  ကြီး ကိုးရိုးကားရား၊ “Sorry”။ မှာကျ ပုဒ်မကြီးချ စတဲ့ စကားအသုံးအနှုန်းပေါက်ကရ၊ သဒ္ဒါ ပရမ်းပတာ၊ စာလုံးပေါင်းကျ မမှန်၊ ထင်တိုင်း တွေးရဲ ရေးရဲတာတွေကို-

        'စာအကျိုးအပျက်ပွေလီမှ

        ရွာတိုးတက်ပေသည်လို့

ဆိုရမည်လော မသိတော့' လို့ ခေတ်သစ်မေတ္တာစာဆရာက သပွတ် အူ ရွာက တူ၊ တူမတွေကို မေတ္တာရှေ့ ထား သတိပေးပြောကြားပုံမျိုး တင်ပြထားတာကို တွေ့ရမှာဖြစ်ပါတယ်။

ကင်မရာအရေးအတွက် ဘဝင်မှာ မအေးကြောင်း မေတ္တာစာမှာတော့ လက်ကိုင်ဖုန်းကိုယ်စီနဲ့ ဆဲလ် ဖီဆွဲနေသူ သပွတ်အူရွာက တူ၊တူမ အပေါင်းကို မေတ္တာသဘော၊ အလင်္ကာနှောပြီး သတိပေးပြောကြား ပုံမျိုး ရေးဖွဲ့ထားတာဖြစ်ပါတယ်။

ဆွမ်းမချက်မီ၊ ဆွမ်းမလောင်းမီ၊ ပျိုးမကြဲမီ၊ ပျိုးမနုတ်မီ၊ ကောက်မစိုက် မီ၊ စပါးမရိတ်မီ၊ နွားစာမစဉ်းမီ၊ ကြက် သွန်မနွှာမီ၊ ဆွမ်းတော်မတင်မီ၊ သီလ မယူမီ၊ ရေစက်မချမီ၊ မော်တော်ဆိပ် မဆင်းမီ...စသဖြင့် စသဖြင့် ဆဲလ်ဖီ ဆဲလ်ဖီနဲ့ ဆဲလ်ဖီတွေ ဆွဲနေကြတာကြောင့် နယူတန်သာ ဒီကနေ့ခေတ်မှာရှိခဲ့ရင် သပွတ်အူက လူတစ်သိုက်နဲ့ ဆဲလ်ဖီရိုက်နေတာကြောင့် ပန်းသီးကြွေကျသွားတာ ဘာကြောင့်လို့ တွေးမိမှာ မဟုတ်ဘူးတဲ့။ ဂရိတွေးခေါ်ရှင် အာခိမိဒိလည်း ရေစည်ပိုင်းထဲက ရေတွေလျှံကျလာတာ ဘာကြောင့်ဆိုတာ မစဉ်းစားမိ အောင်ကို သပွတ်အူကလူတွေနဲ့ ဆဲလ်ဖီဆွဲနေနိုင်ပါသတဲ့။ အလားတူပဲ ဂယ်လီလီယိုခမျာလည်း သပွတ်အူ သားတွေနဲ့ ဆဲလ်ဖီအဆွဲကောင်းနေတာကြောင့် စကြဝဠာ၊ မြေကမ္ဘာနဲ့ နေလနက္ခတ်တာရာတွေကို မလေ့ လာမိလောက်အောင်ကို ဖြစ်သွားနိုင် လောက်ရဲ့လို့ တင်စားခိုင်းနှိုင်းရေးဖွဲ့ တင်ပြထားပါတယ်။

ဆွဲလ်ဖီအဆွဲကောင်းနေတာကြောင့် ကမ္ဘာကြီးထဲက သူများနိုင်ငံတွေမှာ  အတွေးအမြင်အသိဥာဏ် ပညာတွေ ဘယ်လောက်မြန်နေပြီလဲဆိုတာ သပွတ်အူရွာကမသိလိုက်၊ သူတို့တွေ အမှားကို ဘယ်လိုရှောင် ကွင်းပြီး တရားကို ဘယ်လိုဆောင် ကြဉ်းကြတယ်ဆိုတာ သပွတ်အူရွာက မသိလိုက်၊ ဘယ်အရပ်မှာ မီးတွေ တောက်ပြီး ဘယ်အရပ်မှာ ခရီးတွေ ပေါက်နေပြီလဲဆိုတာကိုလည်း သပွတ်အူရွာက မသိလိုက်လို့ဆိုထား ပြီး သပွတ်အူရွာခေတ်နောက်ပြတ် မကျန်စေခဲ့ဖို့အရေးကို -

'ယူဇနများစွာကျန်ခဲ့သည့် သပွတ်အူက၊ ကျွန်ုပ်၏တူ တူမ အပေါင်းတို့သည် ကောင်းကောင်းကြီး သတိမူလျက်၊ သပွတ်အူနောက်မှာ ပြတ်မကျန်ဖို့အရေး၊ ဆဲလ်ဖီကလေးရိုက်ရင်း စဉ်းစားဖို့ရာ၊ သတိပေး မေတ္တာစာ ဆက်သွင်းလိုက်ရပါပေသည်တမုံ့'လို့ ရေးဖွဲ့တင်ပြထားပါ တယ်။

'မေတ္တာစာ စာပေသည် မောင်နှင့် နှမ၊ သားနှင့်အမိ၊ ဇနီးနှင့်ခင်ပွန်း၊ ဆရာ နှင့်ဒကာ ၅၂၈ သွယ်သော မေတ္တာကို အခြေခံကာ မေတ္တာရပ်ခံဆိုဆုံးမသည့် စာအမျိုးအစားဖြစ်ရာ မြန်မာစာပေခေတ်ဦး အင်းဝခေတ်မှစကာ အခြေခိုင်လာခဲ့သော စာပေအမျိုး အစား တစ်ရပ်ပင် ဖြစ်ပါသည်။ ယခု အခါသည်ကား မေတ္တာစာ အရေးအသား ဆွံ့အသွားခဲ့ပါပြီ။ လူသူလေးပါး မမြင်မတွေ့ရသလောက် အနေအထား၌ ဤခေတ်သစ် မေတ္တာစာများကိုရေးခဲ့ပြီး၊ ရေးနေဆဲ ပြန်လှန်တည်းဖြတ်သုံးသပ် ပြုပြင်ကာ အဆုံးသတ်ဖြစ်ပါသည်။ ရွှင်မြူးသောစိတ်တို့ ဖြစ်ပေါ်အံ့ဟု မျှော်လင့်ရပါသည်။ လူတွင်ရွှင်သော မြူးသောစိတ် ကလေးလည်းဖြစ်ဦးမှဟု ယုံကြည်လျက်ရှိပါသည်'လို့ စာရေးသူကအမှာစကား ဆိုထားပါတယ်။

ဆံပင်အရေးအတွက် ရင်လေးကြောင်း မေတ္တာစာ၊ ဆရာကြီးဂျက်၏ စကားမပီသူများထံပေး မေတ္တာစာ၊ ဘဝကြင်ဖော် ရွေးရန်ခက်နေသည့် တူမကြီးငယ်များထံပေး မေတ္တာစာစတဲ့ မေတ္တာစာ (၁ဝ)ပုဒ် ပါဝင်ပြီး ဆုရောင်စဉ် စာအုပ်တိုက်ကနေ တန်ဖိုး ၁၈ဝဝ ကျပ်နဲ့ ဖြန့်ချိလိုက်ပါပြီ။

 

ဘဝရသပစ္စုပ္ပန်စာမျက်နှာများ

သန်းမြင့်အောင်

မဂ္ဂဇင်းတွေမှာ ဖော်ပြပါရှိပြီးဖြစ်တဲ့ ဆရာမသန်းမြင့်အောင်ရဲ့ ဝတ္ထုတိုတွေကို စုစည်းထုတ်ဝေလိုက် တဲ့စာအုပ်ဖြစ်ပါတယ်။ စာရေးသူရှင် သန်ကြီးပြင်းခဲ့ရာ ဘဝခရီးတစ်လျှောက် တွေ့ကြုံမြင်သိခဲ့ရတဲ့ ဘဝ ရှုခင်းတွေနဲ့ စာရေးသူလက်ရှိကျင်လည်နေတဲ့ ပရဟိတလူမှုဝန်းကျင် အတွင်း တွေ့ကြုံရတဲ့ ဘဝမြင်ကွင်း တွေက တစ်ဆင့် မွေးဖွားလာတဲ့ ဝတ္ထုတွေပါဝင်ပါတယ်။

ကန္တာရဆေးစက်များ ဝတ္ထုတိုကတော့ ရန်ကုန်စိတ်ရောဂါ အထူးကုဆေးရုံကြီးမှာရှိတဲ့ စိတ်ဝေဒနာသည် တွေကို စိတ်ပိုင်းဆိုင်ရာ ကုထုံးသစ်တစ်ရပ်အဖြစ် ပန်းချီကာတွန်း အနုပညာပိုင်းနဲ့ ကုသတဲ့လှုပ်ရှားမှုမှာ ပါ ဝင်အားဖြည့်ရင်း တွေ့ကြုံခဲ့ရသူ၊ သူ့ပန်းချီကားတွေက စိတ္တဇဝေဒနာရှင် ရေးဆွဲတဲ့ ပန်းချီကားလို့ မထင်ရ လောက်အောင် သက်ဝင်လှုပ်ရှား အတွေးပွားစေတာကြောင့် သူ့ဘဝအကြောင်း စုံစမ်းမိတဲ့အခါ ယောက်ျားဖြစ်သူ စိတ်ဝေဒနာရှင်ကို ခဏခဏလူနာ လာစောင့်ရင်း သူပါ စိတ်ဝေဒနာရှင်ဖြစ်သွားရသူ ၁၈ နှစ် အရွယ် မိန်းမငယ်လေးတစ်ယောက် ရဲ့ ဘဝအကြောင်းဖြစ်ပါတယ်။

မိဘမဲ့ကလေးမလေး တစ်ယောက်ရဲ့ဘဝ၊ မွေးစားအဖေအမေ ဆရာဝန်လင်မယားပေါ်လာလို့ ကံ ကောင်းခဲ့ပေမယ့် အရွယ်ရောက်တဲ့အခါ စိတ်ခဏခဏဖောက်တဲ့ ဝေဒနာရှိသူ မွေးစားအဖေဆရာဝန်ရဲ့ တူကို ပြုစုစောင့်ရှောက်ဖို့ဆိုတဲ့ ခေါင်းစဉ်နဲ့ လက်ထပ်ခဲ့ရသူ မိန်းမပျို တစ်ယောက်ရဲ့ဘဝ၊ ကောင်လေးက စိတ်ဖောက်ပြန်နေရင်သာ ကောင် မလေးပြုစုသမျှ အသာမှိန်းခံစားနေ ပေမယ့် စိတ်ကောင်းဝင်လာတဲ့အချိန် တွေမှာ အိမ်ဖော်ကိုယူထားရတဲ့ ပုံစံမျိုး ဆက်ဆံခံရသူ မိန်းကလေးတစ်ယောက်ရဲ့ဘဝကို စာနာခံစားတင်ပြ ထားတာ ဖြစ်ပါတယ်။

ဒီစာအုပ်မှာ လောကဓံရဲ့ ရိုက်ခတ်မှုကြောင့် ဘဝအခြေမလှကြသူတွေရဲ့ ဘဝဖြစ်စဉ်တွေအကြောင်း၊ အတွေးအခေါ်အယူအဆမတူကြတာကို ပွင့်ပွင့်လင်းလင်း ညှိနှိုင်းတိုင်ပင်ဖြေရှင်းမှုမလုပ်ဘဲ ငါမှငါအတ္တစွဲတွေ နဲ့ တစ်ဦးကိုတစ်ဦး အထင်အမြင်လွဲ မှား ရန်စောင်ရင်း ပြဿနာ တကျက် ကျက် ဖြစ်နေသူ အိမ်ထောင်ရေး ဘဝ၊ လူမှုဝန်းကျင်ဘဝတွေအကြောင်း၊ အရာရာမကောင်းမြင်စိတ်နဲ့ ကန့်လန့် တိုက်နေသူ လူတချို့အကြောင်း၊ အလွဲအချော် အတွေးအခေါ်နဲ့ အလွဲ အချော်အပြုအမူတွေကြောင့် သာယာ လှပမှု ပျက်ပြားခဲ့ရတဲ့ လူမှုဝန်းကျင် အကြောင်း၊ ဆင်ခြင်သံဝေဂရဖွယ်ရာ၊ စာနာခံစားဖွယ်ရာ လူ့ဘဝရဲ့ သမုဒယ အတွယ်အတာတွေအကြောင်းစတဲ့ ဘဝအထွေထွေ၊ ဖြစ်ရပ်အထွေထွေကိုဖတ်ရင်း အတွေး ဆင့်ပွားခံစားမိ အောင် ဖွဲ့ဆိုတင်ပြထားတဲ့ ဝတ္ထုတို ၁၂ ပုဒ် ပါဝင်ပါတယ်။

Aung Publishing House  ကနေ တန်ဖိုး ၁၈ဝဝ ကျပ်နဲ့ ဖြန့်ချိလိုက်ပါပြီ။

ကိုဝိုင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.