24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
Weekly Book Review

ရန်ကုန်တက္ကသိုလ် ပထမဆုံးပါမောက္ခချုပ် ဒေါက်တာထင်အောင်၏ ဘဝခရီးနှင့် ကြိုးပမ်းဆောင်ရွက်ချက်များ

ဒေါက်တာအောင်မြင့်ဦး၊ မောင်ခင်မင်-ဓနုဖြူ၊ ဒေါက်တာကျော်ဝင်း၊ ခင်နှင်းဦး

ဆရာကြီး ဒေါက်တာထင်အောင်သည် မြန်မာစာပေနှင့် အင်္ဂလိပ်စာပေကို နှိုင်းယှဉ်သုတေသနပြုခဲ့သော ပညာရှင်ဖြစ်သည်။ မြန်မာ့ရိုးရာပုံပြင်များနှင့် ဓလေ့ထုံးတမ်းများကို သုတေသနပြုခဲ့သော ပညာရှင်လည်း ဖြစ်သည်။ မြန်မာ့သမိုင်းကို သုတေသနပြုခဲ့သော ပညာရှင်လည်းဖြစ်သည်။ ဆရာကြီး၏ သုတေသန ရလာဒ်များသည် ပါရဂူဘွဲ့ကျမ်း၊ မဟာဘွဲ့ကျမ်းအဖြစ် တင့်တင့်တယ်တယ် ရပ်တည်လျက်ရှိသည်။

ဆရာမောင်ခင်မင်ရေးတဲ့ စာပေယဉ်ကျေးမှုဆိုင်ရာ ကြိုးပမ်းဆောင်ရွက်ချက်များ ခေါင်းစဉ်အောက်က ကောက်နုတ်ချက်ဖြစ်ပါတယ်။

ဆရာကြီး ဒေါက်တာထင်အောင် ၁၉၃၇ ခုနှစ်က ရေးသားထုတ်ဝေခဲ့တဲ့ Burmese Drama (မြန်မာပြဇာတ်များ)၊ ၁၉၄၈ခုနှစ်မှာရေးသားထုတ်ဝေခဲ့တဲ့ Burmese Folk Tales (မြန်မာ့ရိုးရာပုံပြင်များ)၊ ၁၉၆၂ ခုနှစ်မှာ ရေးသားထုတ်ဝေခဲ့တဲ့ Burmese Law Tales (မြန်မာ့ဓမ္မသတ် ဖြတ်ထုံးပုံပြင်များ) ၊ ၁၉၆၂ ခုနှစ်မှာ ထုတ်ဝေခဲ့တဲ့ Folk Elements in Burmese Buddhism (မြန်မာဗုဒ္ဓ ဘာသာထဲ တွင် ကိန်းဝပ်နေသော မြန်မာ့ရိုးရာယုံကြည်မှုများ) စာအုပ်တို့ကို အောက်စဖို့တက္ကသိုလ်က ပုံနှိပ်ထုတ်ဝေပြီး မြန်မာ့စာပေ ယဉ်ကျေးမှုတွေ ကမ္ဘာအနှံ့ပျံ့နှံ့အောင် ဆောင်ရွက်နိုင်ခဲ့ပုံအကြောင်း တင်ပြထားတာ ဖြစ်ပါတယ်။

Buemese Drama စာအုပ်ဆိုရင် အောက်စဖို့တက္ကသိုလ်မှာ အကြိမ်ကြိမ် ရိုက်နှိပ်ထုတ်ဝေနေရဆဲဖြစ်ပြီး မြန်မာပြဇာတ်စာပေကို ကမ္ဘာ့စာပေနယ်ထဲ ရောက်အောင် ဦးဦးဖျားဖျား ပို့ဆောင်ခဲ့တဲ့အပြင် စာပေယဉ်ကျေးမှုကို စိတ်ဝင်စားသူ အနောက်တိုင်းသားပညာရှင်တွေ၊ အရှေ့တိုင်းသား ပညာရှင်တွေရဲ့ လက်စွဲဖြစ်ခဲ့တယ်လို့ ဆိုထားပါတယ်။

 မြန်မာပြဇာတ်များအကြောင်း တင်ပြရာမှာ (၁)နိပါတ်ခင်း၊ (၂)ရိုး ရာ နတ်ပွဲများနှင့် နန်းတွင်းပြဇာတ် များ၊ (၃) ဦးကြင်ဥ၏ ပြဇာတ်ခေတ်၊ (၄) ဦးပုည၏ ပြဇာတ်ခေတ်၊ (၅) ဆုတ်ယုတ်လာသော ပြဇာတ်ခေတ်၊ (၆) ၁၈၈၆ မှ မျက်မှောက်ခေတ်ကာလထိ ပြဇာတ်ခေတ်ဆိုတဲ့ အဆင့် (၆)ဆင့်နဲ့ ခွဲခြားသုံးသပ်တင်ပြထားပြီး မြန်မာပြဇာတ်များရဲ့ ဇာစ်မြစ်၊ ပြဇာတ်တစ်ပုဒ်ချင်းရဲ့ အရင်းခံအကြောင်း၊ ဇာတ်လမ်းဖန်တီးပုံ၊ ဇာတ်ကောင်စရိုက်ဖော်ပုံ၊ ဇာတ်ဆောင်တွေရဲ့ ပြောစကားတွေကို အသေးစိတ် သုံးသပ်တင်ပြထားတယ်လို့ ဆိုပါတယ်။

သမိုင်းဆိုင်ရာ ကြိုးပမ်းဆောင်ရွက်ချက်များ ခေါင်းစဉ်အောက်မှာတော့ ဆရာကြီး ဒေါက်တာထင်အောင် ရေးသားပြုစုခဲ့တဲ့ မြန်မာ့သမိုင်းဆိုင်ရာ စာအုပ်တွေအကြောင်း၊ အဲဒီစာအုပ်တွေရဲ့ဂယက်နဲ့ ဆရာကြီးရဲ့ သမိုင်းအမြင် သဘောထားတွေ အကြောင်း ဒေါက်တာ ကျော်ဝင်းက မှတ်တမ်းပြု တင်ပြထားပါတယ်။

၁၉၆၅ ခုနှစ်မှာ ထုတ်ဝေခဲ့တဲ့ The Strickeen Peacock: Anglo Burmese Relation 1752-1948 (ဒဏ်ရာရဥဒေါင်း၊ အင်္ဂလိပ်မြန်မာ ဆက်ဆံရေး ၁၇၅၂-၁၉၄၈) စာအုပ်မှာဆိုရင် ဗြိတိသျှနဲ့ အမေရိကန်သမိုင်းဆရာတွေက မြန်မာဘုရင်တွေဟာ သံတမံရေးရာ ဗဟုသုတမရှိသူ၊ သံတမန်ရဲ့ ဓလေ့ထုံးတမ်းတွေကို လုံးဝမသိနားမလည်ဘဲ မောက်မာရိုင်းစိုင်းသူတွေဖြစ်တယ်လို့ စွပ်စွဲရေးသား ကောက်ချက်ချမှုတွေအပေါ် ဒေါက်တာထင်အောင်က အထောက်အထားနဲ့တကွ ခုခံချေပ ပုံတွေအကြောင်း တင်ပြထားပါတယ်။ 

A History of Burma (မြန်မာနိုင်ငံသမိုင်း) စာအုပ်မှာတော့ ရှေးဦးမွန်နှင့် ပျူမင်း နိုင်ငံများမှသည် မြန်မာနိုင်ငံလွတ်လပ်ရေးရသည်အထိ သမိုင်းကြောင်းကို ဖော်ပြထား ပြီး မှန်နန်းရာဇဝင်တော်ကြီး၊ ကုန်းဘောင်ဆက် မဟာရာဇဝင်၊ သုသော ဓိတမဟာ ရာဇဝင်တို့ကို အဓိကအထောက်အထားပြု တင်ပြထား တယ် လို့ ဆိုပါတယ်။

ဆရာကြီး ဒေါက်တာထင်အောင်ပြုစုတဲ့ ဒဏ်ရာရဥဒေါင်း (၁၉၆၅)၊ မြန်မာနိုင်ငံသမိုင်း (၁၉၆၇)၊ Burmese History Before 1287: A Defence of The Chronicles  (အေဒီ ၁၂၈၇ မတိုင်မီ မြန်မာ့သမိုင်း၊ မြန်မာရာဇဝင်များဘက်မှ ခုခံကာ ကွယ်ခြင်း)စာအုပ်တို့ ထွက်ရှိလာတဲ့အခါ အနောက်တိုင်း သမိုင်းပညာရှင်တချို့ရဲ့ ဝေဖန်ခြင်းခံရပုံအကြောင်းတွေကိုလည်း မှတ်တမ်းပြုထားပါတယ်။

 ဒေါက်တာထင်အောင်ရဲ့ သမိုင်းဆိုင်ရာ ယူဆချက်တွေကို ပြည်တွင်းရော ပြည်ပမှာပါ ထောက်ခံသူတွေရှိသလို မနှစ်ခြိုက်သူတွေရှိကြပြီး အငြင်းပွားဖွယ်ရာတွေ ဖြစ်ခဲ့ပေမယ့် သမိုင်းပညာရှင်ဆိုတဲ့ ဂုဏ်သိက္ခာကို ယုံကြည်စိတ်ချတာကြောင့် ကွယ်လွန်သွားပြီဖြစ်တဲ့ သမိုင်းပညာရှင် ဂျီအီးဟာဗေးရဲ့ ပုံမနှိပ်ရသေးတဲ့ စာမူတွေကို တည်းဖြတ်ပေးဖို့ အောက်စဖို့တက္ကသိုလ်ကနေ ဒေါက်တာထင်အောင်ကို တာဝန်ပေးခဲ့ပုံအကြောင်း၊ ဗြိတိသျှစွယ်စုံကျမ်းသစ် (The New Encyclopedia )မှာ မြန်မာ့သမိုင်းကဏ္ဍအတွက် ဒေါက်တာထင်အောင် တာဝန်ယူရေးသားပေးဖို့ မေတ္တာရပ်ခံခြင်းခံရပုံတွေ အကြောင်းစတဲ့ ဒေါက်တာထင်အောင်ရဲ့ သမိုင်းဆိုင်ရာ ကြိုးပမ်းမှုတွေအကြောင်း လေ့လာခွင့်ရမှာ ဖြစ်ပါတယ်။

ဒီစာအုပ်ဟာ ရန်ကုန်တက္ကသိုလ်မှာ မြန်မာတိုင်းရင်းသားများအနက် ပထမဆုံးသော အင်္ဂလိပ်စာပါမောက္ခ ဖြစ်ခဲ့ဖူးသူ၊ ရန်ကုန်တက္ကသိုလ်ပါ မောက္ခချုပ်အဖြစ် နှစ်ပေါင်းများစွာ တာဝန်ယူခဲ့သူ ဆရာကြီး ဒေါက်တာထင်အောင်ရဲ့ အကြောင်းကို ဒေါက်တာထင်အောင်၏ ဘဝခရီး၊ ပညာရေးဆိုင်ရာ ကြိုးပမ်းဆောင်ရွက်  ချက်များ၊ စာပေယဉ်ကျေးမှုဆိုင်ရာ ကြိုးပမ်းဆောင်ရွက်ချက်များ၊ သမိုင်း ဆိုင်ရာ ကြိုးပမ်းဆောင်ရွက်ချက်များ၊ ဒေါက်တာထင်အောင်ပြုစုခဲ့သော စာပေများ ဆိုပြီး အပိုင်း (၄)ပိုင်းနဲ့ တင်ပြထားပါတယ်။ ဆရာကြီးရဲ့ငယ်ဘဝ၊ ဆွေစဉ်မျိုးဆက်ကစလို့ ပြည်တွင်းရော ပြည်ပမှာပါ ပြည့်ဝတဲ့ပညာနဲ့  စွမ်းဆောင်ခဲ့ပုံတွေ အကြောင်း ဖတ်ရမှာဖြစ်ပါတယ်။

 ပညာရိပ်စာစဉ်ကနေ ထုတ်ဝေပြီး ဆုစာအုပ်တိုက်ကနေ တန်ဖိုး ၁၂ဝဝ ကျပ်နဲ့ ဖြန့်ချိလိုက်ပါပြီ။

 

လင်းလက်ထာဝစဉ်

နိုင်ငံတကာဝတ္ထုတိုစုစည်းမှု

မြတ်ငြိမ်း

ဆရာမြတ်ငြိမ်း ကွယ်လွန်ခြင်း တစ်နှစ်ပြည့် အမှတ်တရအနေနဲ့ ဆရာမြတ်ငြိမ်း ဘာသာပြန်ဆိုခဲ့တဲ့ ဝတ္ထုတွေကို ဒုတိယအကြိမ်အဖြစ် ပြန်လည်ထုတ်ဝေလိုက်တဲ့စာအုပ် ဖြစ်ပါတယ်။

အိုဟင်နရီ၊ အင်တွန်ချက်ကော့၊ ယူဒိုရာဝယ်လ်တီ၊ ဇိုရှင်ကို၊ ဖရင့်အို ကွန်နာ၊ အဲလ်ဘတ်ကမူး၊ ဘာတို့ဘရက်စတဲ့ ကမ္ဘာကျော်စာရေးဆရာတွေရဲ့ ကိုယ်ရေးအကျဉ်းနဲ့အတူ သူတို့ရေးခဲ့တဲ့ ဝတ္ထုတိုတွေကို ဘာသာပြန်ဆို ထားခြင်းဖြစ်ပါတယ်။

ခရစ္စမတ်အိပ်မက် ဝတ္ထုတိုကတော့ ရုရှားစာရေးဆရာ အင်တွန်ချက်ကော့ရဲ့ ဝတ္ထုကို ဘာသာပြန်ထားတာပါ။ ဖိနပ်ချုပ် အလုပ်ရုံတစ်ရုံမှာ အလုပ်သင်အဖြစ် ဝင် ရောက်လုပ်ကိုင်နေရသူ ကိုးနှစ်သားအရွယ် မိဘမဲ့ကလေးငယ် ဗင်ကာရဲ့ ဘဝအကြောင်း ဖြစ်ပါတယ်။ အဘိုးဖြစ်သူ သက်ရှိထင်ရှား ရှိသေးပေမယ့် အဘိုးခမျာမှာလည်း လူကုံ ထံတစ်ဦးရဲ့အိမ်မှာ ညစောင့် အလုပ်လုပ်နေရပါသတဲ့။

ကလေးငယ်ဟာ အလုပ်ရုံမှာ ညှဉ်းပန်းနှိပ်စက်မှုတွေကြား မပျော် ပိုက်နိုင်တာကြောင့် သူ့အဘိုးကို လာခေါ်ဖို့ စာရေးတောင်းပန်ရင်း သူ့ဘဝနဲ့ သူ့အဘိုးရဲ့ ဘဝအခြေ အနေတွေကို ပြန်မြင်နေမိပုံမျိုး ရေးဖွဲ့ ထားတာဖြစ်ပါတယ်။

ထူးမခြားနား ဝတ္ထုတိုကတော့ အိုဟင်နရီရဲ့ဝတ္ထုကို ဘာသာပြန်ထားတာဖြစ်ပြီး 'ဆိုးပေ'ဆိုတဲ့ လူတစ်ယောက်ထောင်ကျဖို့ ကြိုးပမ်းပုံအကြောင်း ဖြစ်ပါတယ်။ ဆောင်းရာ သီရောက်လာတာကြောင့် ဆီးနှင်းတွေကျ၊ အအေးဒဏ်ပြင်းထန်လာတဲ့အခါ ချမ်းသာတဲ့လူတွေလို အအေးဒဏ်လည်း မကာကွယ်နိုင်၊ ဟိုဟိုဒီဒီသွားပြီး ဆောင်းကိုရှောင်ဖို့ ခရီးမထွက်နိုင်တဲ့အပြင် လက်ထဲမှာ ခြူးတစ်ပြားမှ မရှိတာကြောင့် ဆောင်းဒဏ်ကို ခံနိုင်မယ့် 'ကျွန်း'မှာ သွားရောက်ခုံလှုံဖို့အတွက် ထောင်ကျမှဖြစ်မယ်ဆိုတဲ့ ဆုံးဖြတ်ချက်နဲ့အတူ ထောင်ကျဖို့ ကြိုးပမ်းပုံအကြောင်း ဖြစ်ပါတယ်။

စားသောက်ဆိုင်မှာ ပိုက်ဆံမပေးဘဲ ဝင်စား၊ စတိုးဆိုင်မှာ တံခါး ခဲနဲ့ထု၊ မိန်းမလှလေးကို ကာအိနြေ္ဒပျက်အောင်လုပ်၊ သူများပစ္စည်းခိုး၊ ရဲကို မူးယမ်းလှောင်ပြောင်စတဲ့ မကောင်းမှု အမျိုးမျိုးလုပ်ပြီး ရဲဖမ်းအောင်၊ ထောင်ကျအောင် အကွက် ကျကျ လုပ်ပေမယ့် အမျိုးမျိုးလွဲချော် နေပုံအကြောင်းကို ရေးပြထားတာပါ။ နောက်ဆုံးမှာတော့ ဆိုးပေးဟာ မအောင်မြင်တဲ့ သူ့အစီအစဉ် အတွက် လက်မှိုင်ချပြီး သူနားခိုရာ ပန်းခြံကို ပြန်လာခိုက် ဘုရားကျောင်း တစ်ကျောင်းဆီက ဂီတသံကြားပြီး ဂီတမှာ အာရုံနစ်မျောရင်း စိတ် ကောင်း ဝင်လာပုံအကြောင်း၊ လေလွင့်နေတဲ့ ဘဝထဲက ရုန်းထွက်ဖို့ ကြိုးစားတော့မယ်၊ လှည့်စားတတ်တဲ့ ကံကြမ္မာကို နိုင်အောင် ပြန်တိုက်မယ်၊ စိုးမိုးနေတဲ့ အကုသိုလ်တရားတွေ ကင်းအောင် လုပ်တော့မယ်၊ အလုပ်တစ်ခုရှာပြီး လူပီသအောင် နေတော့မယ်လို့ ဆုံးဖြတ်ပြီးကာမှ မထင်မှတ်တဲ့အဖြစ်အပျက် ဖြစ်သွား ပုံအကြောင်း ဖြစ်ပါတယ်။

ဟာသဆန်ဆန် အလွဲလေးတွေအကြောင်း တင်ပြထားတာကြောင့် သဘောကျနှစ်ခြိုက်မိမှာဖြစ်သလို တင်ပြပုံနဲ့ စကားလုံးသုံးစွဲမှု၊ ဆိုးပေရဲ့ သရုပ်ကို ပေါ်လွင်အောင် ဖွဲ့နွဲ့မှုတွေ က ကြည်နူးနှစ်သက်မှုရသကို ပေးနိုင် မှာဖြစ်ပါတယ်။

       ဝတ္ထုတို ၂၁ ပုဒ် ပါဝင်ပြီး ဆု ရောင်စဉ်စာအုပ်တိုက်ကနေ တန်ဖိုး ၃၅ဝဝ ကျပ်နဲ့ ဖြန့်ချိလိုက်ပါပြီ။

ကိုဝိုင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.