21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
ပြေးလမ်းအမှားပေါ်က ဟက်ကာ

မိုဘိုင်းဖုန်းကို ဟန်းဆက်ကောင်းကောင်းလေးတွေ လူတိုင်းနီးပါး သုံးစွဲနိုင် လာခဲ့ကြတဲ့ နောက်ပိုင်း အင်တာနက်ဖွင့် ဖေ့စ်ဘုတ်ကိုသုံးစွဲကြတာမှာ ဘယ်သူ့အကောင့်တော့သွားပြန်ပြီ။ ဘယ်သူ့အကောင့်တော့ အဟတ်ခံလိုက်ရ ပြန်ပြီဆိုပြီး မကြာခဏကြားနေရပါတယ်။

အဲဒီလိုနဲ့ အခု Anonymus (Hacker) ဆိုတဲ့ ရုပ်ရှင်ကားတစ်ကား တွေ့တာနဲ့ စိတ်ဝင်စားလို့ ဝယ်ကြည့်ဖြစ်လိုက်ပါတယ်။ ၂ဝ၁၆ ဒီဇင်ဘာလက ထွက်ရှိထားတဲ့ ရုပ်ရှင်ပါ။ ဒါရိုက်တာ Akan Satayev က သူကိုယ်တိုင် ဇာတ်လမ်းရေး၊ သူကိုယ်တိုင် ဇာတ်ညွှန်းခွဲပြီး သူကိုယ်တိုင်ပဲ ဒါရိုက်တာလုပ်ပြီး ရိုက်ကူးခဲ့တာပါ။ ဒီဇာတ်မှာ အဓိကဇာတ်ကောင်တွေအဖြစ် လူငယ်မင်းသား Calain Mc Auliffe နဲ့ လူငယ်မင်းသမီး Lorraine Nicholson တို့က ပါဝင်သရုပ်ဆောင်ထားကြပါတယ်။

ကျောင်းပညာတစ်ပိုင်းတစ်စနဲ့ ဟိုမရောက်ဒီမရောက် ဆယ့်ခြောက်နှစ်အရွယ် လူငယ်လေး 'အလက်စ်' တစ်ယောက်လမ်းမှားကို ရောက်သွားရပုံအကြောင်းပါ။ 'အလက်စ်' ဟာ အဖေအမေနဲ့ အတူ 'ယူကရိန်းပြည်နယ်' ကနေ 'ကနေဒါ' နိုင်ငံကို ပြောင်းရွှေ့လာခဲ့ကြတယ်။ မြို့တစ် မြို့ရဲ့အစွန်ရပ် ကွက်တစ်ခုမှာ အိမ်ငှားနေကြတယ်။ အဖေဘာလုပ်တယ်ဆိုတာကိုတော့ သိသာအောင်မဖော်ပြဘဲ အမေက ဘဏ်တစ်ခုခုမှာ အလုပ်သွားလုပ်ရတယ် ဆိုတာကိုပဲ ပြပါတယ်။

နယ်စိမ်းပယ်စိမ်းကို ရောက်ခါစ အပေါင်းအသင်းလည်းမရှိသေးတော့ ဆယ့်ခြောက်နှစ်သားလေး 'အလက်စ်' ဟာ အိမ်မှာတစ်ယောက်တည်း ကျန်ရစ် ရတော့ အမေရဲ့ ကွန်ပျူတာကို ဟိုဒီလျှောက်နှိပ်ရင်း အပျင်းဖြေနေရတယ်။ Website တစ်ခုမှာ Like လိုက်တစ်ထောင်ပြည့်အောင် နှိပ်ပေးနိုင်လိုက်လို့ ဒေါ်လာ ၂ဝ ရလိုက်တာကနေ သူကျောင်းဆက်တက်ဖို့အတွက် လုံလောက်တဲ့ ငွေပမာဏကိုရတဲ့အထိ ဖြစ်လာတယ်။ စိတ်ဝင်စားစရာ ဘဏ်စနစ်တွေနဲ့ပြည့်နေတဲ့ အင်တာနက်သမုဒ္ဒရာကြီးထဲကို တိုးမှန်းမသိ တိုးဝင်လာနေမိခဲ့ပြီ။

'ဒက်ဝက်' ဆိုတဲ့ လျှို့ဝှက် 'ဝက်ဘ်ဆိုက်' တစ်ခုကနေ တစ်ကမ္ဘာလုံးက အစိုးရဘဏ်ဝက်ဘ်ဆိုက်တွေကို ဝင်တိုက်ခိုက်ပြီး စတော့ရှယ်ယာဈေးကွက်ကို မတည်မငြိမ်ဖြစ်အောင် လုပ်တဲ့သတင်းကို လက်ဖက်ရည်ဆိုင်မှာ သိခွင့်ရလိုက်တယ်။ အိမ်ရောက်တော့ ဘဏ်အလုပ်ပြုတ်ပြီး ငိုနေတဲ့အမေကို သူစုထားတဲ့ငွေတွေ ထုတ်ပေးနိုင်ခဲ့တယ်။

အလက်စ်ဟာ 'ဒက်ဝက်' ဆိုတဲ့ ဝက်ဘ်ဆိုက်အကြောင်း ပြန်တွေးမိပြီး အဲဒီဝက်ဘ်ဆိုက်က အကြွေးဝယ်ကတ်အတုတွေနဲ့ ဒေါ်လာ ၁၆ သန်းကျော် ခိုးယူသွားနိုင်ခဲ့တဲ့အကြောင်း အံ့မခန်းသတင်းတွေ ထပ်တွေ့ရပြန်တယ်။ ကျွန်တော်လည်း အဖွဲ့ဝင်ချင်တယ်လို့ အကြောင်းကြားလိုက်တော့ အဲဒီ ဝက်ဘ်ဆိုက်က ''မင်းငါတို့ အထဲဝင်ချင်ရင် အသင်းသားတစ်ယောက် ယောက်က ထောက်ခံပေးမှရမယ်။ ဒါမှမဟုတ် မင်းဘာလုပ်တတ်သလဲ ဆိုတာကိုသက်သေပြ (ဥပမာ -တစ် ယောက်ယောက်ရဲ့ အကြွေးဝယ်ကတ် လျှို့ဝှက်နံပါတ်ကို ခိုးယူပြတာမျိုး) နိုင်ရင် လက်ခံဖို့ စဉ်းစားပေး မယ်''လို့ အကြောင်းပြန်ခဲ့တယ်။

အဲဒီမှာ အလက်စ်တစ်ယောက် ကျောင်းတုန်းက 'ရန်ဒီ' ဆိုတဲ့ ကျောင်းသားကြီးတစ်ယောက်ကို သတိရသွားတယ်။ ပြီးတော့ သူပိုင်တဲ့ ဝက်ဘ်ဆိုက်တစ်ခုကို အမြန်ဖန်တီးလိုက်တယ်။ ပြီးတော့ ''ပစ္စည်းတစ်ခု တစ်ရာဖိုးဝယ်ရင် ၆ဝ ရာခိုင်နှုန်းအပို ထပ်ရမယ်''ဆိုပြီး ကြော်ငြာအတုလုပ်ပြီး တင်လိုက်တယ်။

အလက်စ်တွေးထင်ထားသလို ပါပဲ။ ဖြတ်လမ်းကနေ ငွေရချင်တဲ့ လောဘကြီးသူ 'ရန်ဒီ' ဟာ ဖခင်ဖြစ် သူရဲ့အကြွေးဝယ်ကတ်ကို  အလစ်ယူပြီး အလက်စ်ရဲ့ ဝက်ဘ်ဆိုက်ထဲ ဝင်ရောက် အသုံးပြုလိုက်ပါတယ်။ အဲဒီမှာ အလက်စ်ဟာရန်ဒီ အဖေရဲ့ အကြွေးဝယ်ကတ် လျှို့ဝှက်နံပါတ်ကို လွယ်လွယ်လေးပဲ ခိုးယူနိုင်လိုက် ခဲ့ပါတယ်။ 

အဲဒီ လျှို့ဝှက်နံပါတ်ကို ဒက်ဝက်အသင်းသားတစ်ဦးဖြစ်တဲ့ 'ရုဇဗဲ့' ဆိုတဲ့သူဆီကို ပို့ပေးလိုက်တယ်။ ဟိုက သူ့ဆီကို လက်တော့ပ်နှစ်လုံး ပြန်ပို့ပေးလိုက်တယ်။ ဒီလက်တော့ပ်ဟာ ကျောင်းသားကြီး 'ရန်ဒီ့' အဖေရဲ့ အကြွေးဝယ်ကတ် နံပါတ်နဲ့ ဝယ်ခဲ့တာပါ။ ရန်ဒီ့အဖေရဲ့ ဘဏ်ငွေစာရင်းထဲမှာတော့ လက်တော့ပ်နှစ်လုံးဖိုးနုတ် ယူခံလိုက်ရပါပြီ။ အလက်စ်ဟာ လက်တော့ပ်နှစ်လုံးကို  သူခိုးဈေးနဲ့ ပြန်ရောင်းပါတယ်။ ရုဇဗဲ့ အတွက်  အချိုးကျငွေကို ပေးပို့လိုက်ပါတယ်။

အလက်စ်ဟာ ရုဇဗဲ့နဲ့တွဲမိသွားပြီး တဖြည်းဖြည်း ခြေလှမ်းတွေကျယ်မှန်းမသိ ကျယ်လာခဲ့ပါတယ်။ ဒီလိုနဲ့ လေးနှစ်ကြာတော့ ဒေါ်လာသုံးသောင်းကျော်စုမိနေပါပြီ။ အဲဒီ ငွေသုံးသောင်းကိုပိုက်ကာ အဖေနဲ့ အမေကို နှုတ်ဆက်ပြီး တိုရန်တိုမြို့ကို ရွှေ့လာခဲ့ပါတယ်။ အခန်းငှားနေပြီး 'အေတီအမ်' (အကြွေးဝယ်)ကတ်တွေကို အတုလုပ်ပြီး ဒေါ်လာလေးသောင်းလောက်တန်တဲ့ နာရီသုံးလုံးကို ဝယ်ယူလိုက်ပါတယ်။ ပြီးတော့ အဲဒီနာရီကို တရုတ်တန်းမှာတစ်လုံး ဒေါ်လာငါးထောင်နဲ့ ပြန်ရောင်းတာ ရောင်းမရဘူးဖြစ်နေတုန်း 'ဆိုင်' ဆိုတဲ့ လူကရောင်းပေးလို့ အဆင်ပြေသွားတယ်။ နောက်ပိုင်း အလက်စ်ရောင်းခိုင်းသမျှတွေ အဲဒီ'ဆိုင်' ဆိုတဲ့လူက အမြဲရောင်းပေးရတယ်။

 နောက် 'ကီရာ' ဆိုတဲ့ 'ဟတ် ကာ' မလေးနဲ့တွေ့ပြီး တွဲမိသွားကြပြန် တယ်။ နောက် 'ဇက်'ဆိုတဲ့ အွန်လိုင်းဂိုဏ်းချုပ်ကြီးရဲ့ပွဲမှာ ပါဝင်မိခဲ့ကြရာကနေ 'ဆိုင်'လည်း အသတ်ခံလိုက်ရ သလိုဇက်လည်း အဖမ်းခံလိုက်ရတယ်။ အဲဒီအချိန်မှာ အလက်စ်ဟာ ထိုင်းနိုင်ငံဘက်ကို ထွက်ပြေးလာခဲ့ပြီး ဘန်ကောက်မြို့ကြီးထဲမှာ အဖမ်းခံလိုက်ရတယ်။ ထောင်နှစ်နှစ်ပဲကျပါ တယ်။

သူထောင်ထဲမှာရှိနေသမျှ တစ်လျှောက်လုံး ဟတ်ကာမလေး 'ကီရာ' က လိုလေသေးမရှိအောင် ကူညီစောင့်ရှောက်ခဲ့ပါတယ်။ သံယောဇဉ်လည်း တကယ်တွယ်ခဲ့ကြပါတယ်။ အဲဒီမှာ သံယောဇဉ်ပိုသူကတော့ အလက်စ်ပါ။

သူထောင်က လွတ်တဲ့နေ့မှာကီရာက လာစောင့်နေပါတယ်။ ဝမ်း သာကြည်နူးစွာနဲ့ နှစ်ယောက်သား ပျော်ရွှင်နေတဲ့ အချိန်လေးတွေ အတွင်းမှာ ကီရာဆိုတဲ့ဟတ်ကာ မိန်းမ ချောလေးဟာ FBI က အထူးအစီအစဉ်နဲ့လွှတ်ထားတဲ့ ဟတ်ကာဘုရင်မ လေးတစ်ယောက်ဖြစ်မှန်း အလက်စ်ရိပ်မိသိရှိသွားတဲ့အချိန်မှာ ရုပ်ရှင်ဟာပြီး ဆုံးသွားပါတယ်။

မှားယွင်းတဲ့ လမ်းကြောင်းပေါ်က အတတ်ပညာကို အထင်ကြီးပြီး ငွေနောက်လိုက်မိတဲ့ ဆယ်ကျော်သက်လူငယ်တွေရဲ့ဘဝက ဘယ်တော့မှ အကောင်းနဲ့အဆုံးသတ်လေ့ မရှိဘူးဆိုတာကို ပြောပြနေတာပါပဲ။

ဝင်းကိုမောင်

ဝင်းကိုမောင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.