22-6-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
ရခိုင်ကမ်းရိုးတန်းတွင် ငါးဖမ်းဆီးရရှိမှုနည်းပါးလာသည့်အတွက် ငါးဖမ်းကိရိယာများ ပြောင်းလဲသုံးစွဲလာကြ
This Week’s COVER
ဂျာနယ် အမှတ်စဉ် .... 1016
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
သူတို့သိသော ရန်ကုန်

ရန်ကုန်ဆိုတဲ့နာမည်နဲ့ ၂ဝ၁၇ မတ်လဆန်းလောက်က ဟင်ဒီစကားပြော အိန္ဒိယရုပ်ရှင်ဇာတ်ကားသစ်တစ်ကားထွက်ရှိလာခဲ့ပါတယ်။

ဒါရိုက်တာ Vishal Bhardwaj ရိုက်ကူးပြီး Saif Ali Khan နဲ့ Shahid Kapoor တို့ နာမည်ကျော်မင်းသားနှစ်ယောက်နဲ့အတူ မင်းသမီးချော Kahgana ကတွဲဖက်ကာ အပြိုင်ကြဲထားပါတယ်။ ၁၅၄ မိနစ်ကြာမြင့်ပြီး အိန္ဒိယငွေ ၅၄ သန်းကုန်ကျခံ ရိုက်ကူးထားတာဖြစ်ပါတယ်။

ရုပ်ရှင်ကားနာမည်ကို 'ရန်ကုန်'ဆိုပြီး ရိုးရိုးရှင်းရှင်းလေးပေးထားလို့ စိတ်ဝင်စား ကြမှာမလွဲပါဘူး။ ဒုတိယကမ္ဘာစစ်အတွင်းတစ်ဖက်ခြမ်းမှာ ဂျာမန်အင်ပါယာကြီးရဲ့ အရှင်သခင်ဖြစ်နေတဲ့ ဟစ်တလာလည်းရှိနေသေးတဲ့အချိန်၊ ဒီအရှေ့ဘက်အခြမ်းမှာရှိတဲ့ ဗမာပြည်မှာလည်း စစ်ရှုံးသွားတဲ့အင်္ဂလိပ်ကိုမဟာမိတ်ပြန်ပြုပြီး ဂျပန်ကို ပြန်တော်လှန် နေရတဲ့အချိန်။

အဲဒီအချိန်ကာလမှာ ဗြိတိသျှရဲ့လက်အောက်ရောက်ပြီး ကျွန်သက် အရှည်ဆုံးဖြစ်နေရတဲ့ အိန္ဒိယရဲ့ဘယ်လမ်းကို လိုက်ရမှန်းမသိတဲ့ အိန္ဒိယလွတ်လပ်ရေး တိုက်ပွဲတစ်ခု အကြောင်းကိုနာမည်ကြီး အိန္ဒိယရုပ်ရှင်ကုမ္ပဏီတစ်ခုရဲ့ စီးပွားရေးနဲ့ ဆက်စပ်ပြီး ရိုက်ကူးတင်ပြထားတာဖြစ်ပါတယ်။

 အချိန်ကာလ ၁၉၄၃ ခုနှစ်။ ဒီအချိန်မှာမဟတ္တမဂန္ဓီကအကြမ်းမဖက်တဲ့ လှုပ်ရှားမှုနဲ့ ဗြိတိသျှ အစိုးရရဲ့အုပ်ချုပ်မှုအောက်ကနေ လွတ်အောင်ရင်ဆိုင်ဖြေရှင်းနေတယ်။ အဲဒီမှာ ဂန္ဓီရဲ့အယူအဆနဲ့ ဆန့်ကျင်ဘက်ကျတဲ့လွတ်လပ် စစ်ခေါင်းဆောင်တစ်ယောက်ဖြစ်တဲ့ 'ဆူဘာ ကျန်ဒဲလ်ဘိုးစ်'က ''ရန်သူ့ လက်ထဲကလွတ်လပ်ရေးကိုတောင်းယူလို့ ဘယ်တော့မှရမှာမဟုတ်ဘူး။ ကျည်ဆန်အမှန်ခံပြီး ဆန္ဒပြရုံနဲ့လည်းရမှာမဟုတ်ဘူး။ ရန်သူကို ရင်ဆိုင်ပြီး သေနတ်နဲ့ ပစ်ခတ်တိုက်ခိုက်ယူမှရမှာ'' ဆိုပြီး တိတ်တဆိတ် စင်ကာပူဘက်ကိုလာရောက်ပြီး အိန္ဒိယ စစ်တပ်တစ်ခုကို ဖွဲ့စည်းတယ်။ ပြီးတော့ မိမိတို့ ရန်သူဖြစ်တဲ့၊ အင်္ဂလိပ်တွေရဲ့ ရန်သူဖြစ်တဲ့ ဖက်ဆစ်ဂျပန်တွေနဲ့ လက်တွဲလိုက်တယ်။

ခက်နေတာက အိန္ဒိယလူမျိုး ဟိန္ဒူစတန်တော်တော်များများဟာ မိမိတို့အပေါ် ကျွန်ပြုတဲ့ ဗြိတိသျှလက်အောက်မှာ သစ္စာခံပြီးစစ်ပွဲမှာ အင်္ဂလိပ်တွေအတွက် အသက်အသေခံပြီး တိုက်ပေးနေကြပြန်တဲ့အတွက် အကွဲကွဲအပြားပြားဖြစ်နေကြရ တယ်။ တချို့ကလည်း ဟစ်တလာရဲ့ဂျာမန်နာဇီတွေနဲ့သွားပြီး ပူးပေါင်းဖို့လုပ်နေကြပြန် တယ်။

အင်ဒိုချိုင်းနားမှာရှိတဲ့ ဂျပန်တွေရဲ့ သြဇာအာဏာဟာ ကြီးထွားလာတာကို သတိထားမိလာတဲ့ 'အိုင်အန်အေ' လျှို့ဝှက်လွတ်လပ်ရေးတပ်ဖွဲ့ဟာ ဂျပန်တွေနဲ့ မဟာမိတ်ဖွဲ့လိုက်တဲ့အခါမှာ အိန္ဒိယအခြေစိုက် ဗြိတိသျှအင်္ဂလိပ်တပ်တွေ ဂျပန်နဲ့ အိုင်အန် အေတို့ကြားမှာ ပိတ်မိသလိုဖြစ်လာခဲ့တယ်။

အင်ဒိုနီးရှားကနေ တဖြည်းဖြည်း မြန်မာနယ်စပ်ဘက်နီးကပ်လာတဲ့အခါ မြန်မာနိုင်ငံမှာ ခြေကုတ်ယူကာ အပေါ်စီးရထားတဲ့ ဂျပန်ခြေလျင်တပ်တွေရဲ့ ပစ်ခတ်တိုက်ခိုက်တာကို ဗြိတိသျှစစ်ခေါင်းဆောင် အရာရှိ ဒေးဗစ်ဟာလစ်ရဲ့ စစ်တပ် ဟာ ချောင်ပိတ်အမိခံရပြီး၊ တချို့စစ်သုံ့ပန်းအဖြစ် အဖမ်းခံရတယ်။

 အဲဒီအထဲမှာ 'နဝါးဖ်'ဆိုတဲ့ ဟိန္ဒူစတန် လူမျိုးစစ်ဗိုလ်တစ် ယောက်လည်းပါတယ်။ သူ့ကို ဂျပန် က ရန်ကုန်မှာ ရှစ်လချုပ်ထားပြီး စင်ကာပူကို အပို့မှာပြန်လွတ်လာခဲ့တယ်။ တကယ်တော့ သူက အိန္ဒိယ လွတ်လပ်ရေးအတွက် လျှို့ဝှက်အဖွဲ့ကလူပါ။ နာမည်တစ်မျိုးနဲ့ အိန္ဒိယဗြိတိသျှတပ်ထဲမှာဝင်ပြီး စပိုင်အဖြစ်နဲ့ အမှုထမ်းနေသူ တစ်ယောက်ပါ။

 ရုပ်ရှင်ကို ၁၉၄၃ ခုနှစ် မြန်မာနယ်စပ်မှာဖြစ်တဲ့ ဂျပန်စစ်ပွဲတစ်ခုနဲ့ စတင်ပါတယ်။ လျှို့ဝှက်လွတ်လပ်ရေးအဖွဲ့ဟာ အင်္ဂလိပ်စစ်တပ်ကို တိုက်နိုင်ဖို့အတွက် လက်နက်ခဲယမ်း အမြောက်ဗုံးဆန်စတာတွေ အတော်လိုအပ်နေပါတယ်။ အိန္ဒိယရဲ့             အိမ်နိမ့်စံဘုရင်က အင်မတန်သမိုင်း အရတန်ဖိုးကြီးမားတဲ့ ရတနာကျောက်စီ ဓားရှည်တစ်ချောင်းကိုရောင်းချပြီး လက်နက်ခဲယမ်းဝယ်ယူနိုင်ဖို့ အကူအညီပေး ရပါတယ်။ အဲဒီဓားရှည်ရဲ့အကြောင်းကို အင်္ဂလိပ် စစ်ခေါင်းဆောင်အရာရှိ ဒေးဗစ်ဟာ လစ်ကလည်း သိရှိထားပါတယ်။ ဒီဓားလျှို့ဝှက်လွတ်လပ်ရေး အဖွဲ့ဆီကိုရောက်ဖို့ ဘုရင်ကကြိုးစား အားထုတ် နေရပါတယ်။

အဲဒီအချိန်ကာလမှာပဲ အိန္ဒိယမှာ ဂျူလီယာဆိုတဲ့ မင်းသမီးဟာ ကုမ္ပဏီတစ်ခုရဲ့ မြှောက်စားမှုနဲ့ စွယ် စုံရမင်းသမီးအဖြစ် နာမည်ကျော် ကြားနေတယ်။ ဒီဘဝမရောက်ခင် သူမဟာ မိဘမဲ့ဘဝနဲ့ အနှိမ်ခံဘဝကနေလာခဲ့ရတယ်။ ခုချိန်မှာ ရုပ်ရှင် ကုမ္ပဏီပိုင်ရှင်ရဲ့ သား ဒါရိုက်တာအက်ရှင်မင်းသား 'ဘစ်လ်မိုလီယာ'ကို အိမ်ထောင်ရှိမှန်းသိရက်နဲ့ သူမ ကို ယူဖို့ အပိုင်သိမ်းသွင်းနေချိန်လည်းဖြစ်ပါတယ်။

ဒါရိုက်တာ အက်ရှင်မင်းသား 'ဘစ်လ်မိုလီယာ'နဲ့ ဗြိတိသျှစစ်ခေါင်း ဆောင်အရာရှိ ဒေးဗစ်ဟာလစ်တို့ဟာ သူငယ်ချင်းတွေဖြစ်ကြတယ်။ သူတို့ရုပ်ရှင်အနုပညာတွေ ထင်ပေါ်လာတာဟာလည်း အိန္ဒိယဗြိတိသျှရဲ့ ဒီစစ်ဗိုလ်ကြောင့်လည်းပါတယ်။

 မြန်မာပြည်က ရန်ကုန်မှာ သူတို့အင်္ဂလိပ်စစ်အဖွဲ့တွေအတွက် ဂျာမနီက ဟစ်တလာအကြောင်းနဲ့ပတ်သက်ပြီး ရှိုးပွဲလုပ်ဖို့လွှတ်ရာမှာ မင်းသမီးဟာ ဂျပန်တွေလက်ထဲရောက်။ စပိုင်အဖြစ်တာဝန်ယူထားတဲ့ လျှို့ဝှက်အဖွဲ့က နဝါးဖ်က ကယ်တင်။ တောထဲမှာသူတို့နှစ်ဦး သံယောဇဉ်ဖြစ်သွားပြန်တယ်။ နောက်တော့ သူတို့အကြောင်းတွေကို အင်္ဂလိပ်စစ်တပ်က သိသွားပြီး နောက်ဆုံးဂျူလီယာရော၊ စပိုင်စစ် သားပါသေဆုံးသွားကြရင်း ရုပ်ရှင်ဟာ ပြီးဆုံးသွားပါတယ်။

 ဒီနေရာမှာ ရုပ်ရှင်ဟာ ရန်ကုန်မြို့ကြီးကိုလည်းမပြဘူး။ မြန်မာပြည်ကြီးရဲ့ နယ်နိမိတ်တွေကိုလည်း ထင်ရှားအောင်မပြဘူး။ အဝေးရိုက်နဲ့ သဘောလောက် ပဲပြသွားတယ်။ ဒါပေမယ့် ဒီကားပြသတဲ့ နိုင်ငံတိုင်းမှာ ကျွန်တော်တို့ရဲ့ ရန်ကုန်ဆိုတာကို သိသွားကြမှာဖြစ်တဲ့အတွက် ဒီရုပ်ရှင် ကို အထူးကျေးဇူးတင်မိပါတယ်။

ဝင်းကိုမောင်

ဝင်းကိုမောင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.