14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
အီသီယိုးပီးယားက တန်ဖိုးနည်း ပြည်သူ့အိမ်ရာ

အီသီယိုးပီးယား Ethiopia ဟာ ကမ္ဘာပေါ်မှာ အတော့်ကို နာမည်ကြီးတဲ့ နိုင်ငံတစ်နိုင်ငံဖြစ်ပါတယ်။ အ ခြား အကြောင်းကြောင့်တော့ မဟုတ် ဘူး။ နိုင်ငံက မကြာခဏ ငတ်မွတ် ခေါင်းပါးတဲ့ ဘေးနဲ့ ကြုံတွေ့ရလွန်းလို့ ကမ္ဘာပေါ်မှာ နာမည်ကျော်ကြား တယ်။ မိုးခေါင်လို့ ငတ်မွတ်ခေါင်းပါး မှု ကြုံကြရတယ်။ ဒါမှမဟုတ် စစ် ဘေးကြောင့် ငတ်မွတ်ခေါင်ပါးမှုနဲ့ တွေ့ကြရတယ်။ ဒါမှမဟုတ် မိုးခေါင်တာရော စစ်ဖြစ်ပွားတာရော နှစ်ခု စလုံးတစ်ချိန်တည်း တစ်ပြိုင်တည်း ဖြစ်ပွားလာ တဲ့အတွက် အငတ်ငတ် အပြတ်ပြတ် ဖြစ်ကြရတယ်။

အဲသလို ဆင်းရဲပြီး ငတ်မွတ်နေ တဲ့ နိုင်ငံမှာ ၂ဝဝ၅ ခုနှစ်က အစိုးရ ဟာ ပြည်သူများအတွက် တန်ဖိုးနည်း စုပေါင်းအိမ်ရာ စီမံကိန်းတစ်ခုကို ဖော်ဆောင်ဖန်ဆင်းခဲ့တယ်။ စီမံကိန်း က အစိုးရရဲ့ ပထမငါးနှစ် စီမံကိန်း ဖြစ်တယ်။ ဆင်းရဲသားနဲ့ လူလတ် တန်းစားများအတွက် တန်ဖိုးနည်း အိမ်ရာ ယူနစ်ပေါင်း ၄ဝဝဝဝဝ ဆောက်လုပ်မယ်။ လုပ်သား ၂ဝဝဝဝဝ အလုပ်အကိုင် ရရှိမယ်။အိမ်ရာ ဆောက်လုပ်ရေးအတွက် တစ်နှစ်ကို မြေဟက်တာ ၆ဝဝဝ လောက် ဖော်ထုတ်မယ်လို့ အဲဒီစီမံ ကိန်းက သတ်မှတ်လျာထားတယ်။

ဒီအိမ်ရာဖော်ထုတ်ရေးစီမံ ကိန်းကို ကနဦး မြင်တွေ့လိုက်ရတဲ့ ဆောက်လုပ်ရေး အင်ဂျင်နီယာတွေ ဟာ အံ့သြလွန်းလို့ မျက်လုံးမျက်ဆန် ပြူးကုန်ကြတယ်လို့ ပြောကြတယ်။ ဘာကြောင့်လဲဆိုတော့ နိုင်ငံအတော် များများမှာ ဆင်းရဲသားများအတွက် အိမ်ရာဖော်ထုတ်ပေးတယ်ဆိုတာက အများအားဖြင့် တစ်နိုင်တစ်ပိုင်ပဲ လုပ်တတ်ကြတယ်။ အခုလို မဟာ စီမံကိန်းချမှတ်ပြီး ဖုတ်ပူမီးတိုက် အလောသုံးဆယ် မလုပ်တတ်ကြဘူး။

ပြီးတော့ အီသီယိုးပီးယားမှာက တစ်နိုင်ငံလုံး လိုလိုဟာ ဆင်းရဲသား တွေချည်းပဲ။ မြို့ပြတွေမှာ နေထိုင်ကြ သူ ၈ဝ ရာခိုင်နှုန်း ဟာ ဆင်းရဲသား များဖြစ်ကြတယ်။ တစ်နည်းပြောရင် အီသီယိုးပီးယားရဲ့ မြို့ပြတွေဟာ ဆင်းရဲသား ရပ်ကွက်များနဲ့ စုပေါင်း ဖွဲ့စည်းထားတဲ့ မြို့ပြတွေဖြစ်တယ်။ အီသီယိုးပီးယားမှာ ဘာကြောင့် ဆင်း ရဲသားတွေ အဲသလောက်များပြားနေ သလဲ။ ဒီအတွက် အတိတ်ရဲ့ သမိုင်း ကြောင်းကိုတော့ တစေ့တစောင်း သိထားဖို့ လိုပါလိမ့်မယ်။

သမိုင်းထဲက အီသီယိုးပီးယား

၁၉၇ဝ နှစ်များအတွင်း အီသီ ယိုးပီးယားနိုင်ငံဟာ ဆက်တိုက်လိုလို ငတ်မွတ်မှု ဘေးဒုက္ခနဲ့ ရင်ဆိုင်လာရ တော့ ၁၉၇၄ ခုနှစ်မှာ စစ်တပ်က အာဏာသိမ်းတယ်။ ဘုရင် Haile Selassie ကို ဖြုတ်ချတယ်။ ဘုရင် စနစ်ကို ဖျက်သိမ်းတယ်။ ပြီးတော့ ဆိုရှယ်လစ် စနစ် ထူထောင်တယ်။ ဆိုရှယ်လစ်လမ်းစဉ်အတိုင်း Derg လို့ ခေါ်တဲ့ စစ်အစိုးရအဖွဲ့က လယ်ယာနဲ့ ပိုင်ဆိုင်မှုအားလုံးကို ပြည်သူပိုင်သိမ်း တယ်။ ပြီးတော့ လယ်ယာကို ပြန် လည်ခွဲဝေပေးတယ်။

အီသီယိုးပီးယားက ၁၉၇၇ ခုနှစ် မှာ ဆိုဗီယက် ယူနီယံ (Soviet Union) နဲ့ အဆက်အသွယ်လုပ် တယ်။ ၁၉၇၈ ခုနှစ်မှာ ရုရှားအကြံ ပေးတွေနဲ့ ကျူးဘားတပ်သားများရဲ့ အကူအညီနဲ့ ဆိုမာလီတပ်များအ ပေါ် အောင်ပွဲခံနိုင်ခဲ့တယ်။ နောက် ပိုင်းနှစ် များမှာ ဆိုမာလီနိုင်ငံနဲ့ ငြိမ်း ချမ်းရေး စာချုပ်ချုပ်ဖြစ်ခဲ့တယ်။

၁၉၈၄ ခုနှစ်မှာ ဆက်တိုက် မိုး ခေါင်မှုကြောင့် ကမ္ဘာတစ်ဝန်းလုံးရဲ့ ရိက္ခာထောက်ပံ့မှုအကူအညီရယူခဲ့ ရတယ်။ ဒါပေမယ့် ငတ်မွတ်ခေါင်းပါးမှုကြောင့် လူတစ်သန်းလောက် သေကျေပျက်စီးခဲ့ရတယ်။ ၁၉၉၁ ခုနှစ်မှာ အာဏာသိမ်းတပ်များကို တိုက် ထုတ် ဖယ်ရှားပြီး အီသီယိုးပီး ယား ပြည်သူ့တော်လှန်ရေး ဒီမိုက ရက်တစ် တပ်ဦးအဖွဲ့ Ethiopian People's Revolutionary Democratic Front (EPRDF) အာဏာရ လာခဲ့တယ်။ Derg စစ်အစိုးရ နိဂုံး ချုပ်သွားခဲ့တယ်။

Derg စစ်အစိုးရအဖွဲ့တုန်းက တစ်မျိုးသားလုံး တစ်သားတည်းဖြစ် ရေးနဲ့ ဗဟိုက အာဏာချုပ်ကိုင်ထား ရေးကို ရှေ့တန်းတင်ပြီး ဆောင်ရွက်ခဲ့ တယ်။ EPRDF အစိုးရအဖွဲ့ကတော့  ဒီလို မဟုတ်ဘူး။ ဖက်ဒရယ် ဒီမိုက ရက်တစ် အဆောက်အအုံ တည် ဆောက်ရေးကို ဦးစားပေးလုပ်ဆောင် တယ်။ ဒါပေမယ့် ထူးခြားချက်တစ်ခု က ဒီအစိုးရအဖွဲ့နှစ်ဖွဲ့စလုံးဟာ သူတို့ ရဲ့ စီးပွားရေးသဘောထားအမြင်ကို မာ့ခ်စ်ဝါဒ-လီနင်ဝါဒ Marxism-Leninism အပေါ် အခြေခံထားကြ တယ်။

၁၉၉၃ ခုနှစ်မှာ ပင်လယ်နီ Red Sea နဲ့ ထိတွေ့နေတဲ့ အီရီထရီးယား ဒေသက ပြည်သူတွေဟာ အီသီယိုး ပီးယားမှ ခွဲထွက်ပြီး အီရီထရီးယား နိုင်ငံ Eritrea ထူထောင်တယ်။ ဒီတော့ နှစ်နိုင်ငံ အကြား တိုက်ပွဲတွေ နှစ်အတော်ကြာ ဆင်နွှဲခဲ့ကြရတယ်။  ၂ဝဝဝ ပြည့်နှစ် ရောက်တော့မှ ငြိမ်း ချမ်းရေး စာချုပ် ချုပ်ဆိုနိုင်ခဲ့ကြ တယ်။ အီသီယိုးပီးယားအနေနဲ့ စစ် ဆင်ရေးအတွက် အမေရိကန်ဒေါ် လာ သုံးဘီလီယံ ကုန်ကျခဲ့ပြီး ပြည်သူ ၃၅ဝဝဝဝ အိုးမဲ့အိမ်မဲ့ဖြစ်သွားခဲ့ ရတယ်။

၂ဝဝ၅ ခုနှစ် ပါလီမန် ဒီမိုကရေ စီ ရွေးကောက်ပွဲမှာ EPRDF ကပဲ အနိုင်ရပြီး အစိုးရဖွဲ့နိုင်ခဲ့တယ်။၂ဝဝ၈ နဲ့ ၂ဝဝ၉ ခုနှစ်များမှာ မိုးခေါင်မှု ကြောင့် ငတ်မွတ်ခေါင်ပါးမှုနဲ့ ရင် ဆိုင်ခဲ့ကြရပြီး ကမ္ဘာက ဝိုင်းဝန်း ထောက်ကူပေးခဲ့ကြရပြန်တယ်။ ဒါ ပေမယ့် ၂ဝ၁ဝ ပါလီမန် ရွေးကောက် ပွဲမှာ EPRDF က အနိုင်ရပြီး ဆက် လက်အုပ်ချုပ်နိုင်ခဲ့ကြတယ်။

အီသီယိုးပီးယားဟာ အစောပိုင်း က အမေရိကန်တွေရဲ့ အထောက် အကူရရှိခဲ့ပြီး နောက်ပိုင်းမှာ ရုရှား နိုင်ငံ ထောက်ကူမှုကို ရယူနိုင်ခဲ့ တယ်။ ၁၉၉၁ ခုနှစ်မှာ ဆိုဗီယက် ယူနီယံ ပြိုကွဲသွားတော့ ရုရှားနဲ့ အဆက်အသွယ်ပြတ်သွားတယ်။ EPRDF အာဏာရလာပြီး နောက်ပိုင်း ဆိုရှယ်လစ် ဝေါဟာရတွေ ဖယ်ရှားပြီး ဖက်ဒရယ်တို့၊ ဒီမိုကရက်တစ်တို့လို စကားလုံးများကို အသုံးပြုလာခဲ့ တယ်။ ခုတော့ အီသီယိုးပီးယားဟာ ဥရောပနိုင်ငံများနဲ့ အချိတ်အဆက် ရှိတဲ့အပြင် တရုတ်နိုင်ငံနဲ့လည်း အ ပေါင်း အသင်းဖြစ်နေပါပြီ။

အီရီးထရီးယားက ခွဲထွက်သွား တော့ အီသီယိုးပီးယားဟာ ကုန်းတွင်း နိုင်ငံဖြစ်သွားခဲ့တယ်။ ကိုယ်ပိုင်ဆိပ် ကမ်းမရှိတော့ဘူး။ ဒီတော့ ဂျီဘူတီ နိုင်ငံ Djibouti က ပင်လယ်နီ ဆိပ် ကမ်းမြို့ဖြစ်တဲ့ ဂျီဘူတီမြို့ကို သွင်း ကုန်ထုတ်ကုန်များအတွက် အသုံးပြု ကြရတယ်။ လွန်ခဲ့တဲ့ အောက်တို ဘာလဆန်းပိုင်းကပဲ တရုတ်ရဲ့ အကူ အညီနဲ့ အမေရိကန် ဒေါ်လာ ၃.၄ ဘီလီယံ အကုန်အကျခံပြီး မြို့တော် Addis Ababa နဲ့ ဂျီဘူတီမြို့ကို ဆက်သွယ်ဖောက်လုပ်ထားတဲ့ ရထား လမ်းသစ်တစ်ခုကို ဖွင့်လှစ် ခဲ့တယ်။

ဘာပဲပြောပြော ခုတော့ အီသီ ယိုးပီးယားဟာ အာဖရိကတိုက်မှာ အ လျင်အမြန်တိုးတက်လာနေတဲ့ နိုင်ငံ တစ်နိုင်ငံဖြစ်နေ ပါပြီ။ ဖွံ့ဖြိုးခါစနိုင်ငံ ဆိုတော့ ကမ္ဘာအရပ်ရပ်က ရင်းနှီး မြှုပ်နှံသူတွေလည်း ရောက်ရှိလာကြ တယ်။ အမေရိကန်၊ ဥရောပ၊ ရုရှား နဲ့ တရုတ်စုံလို့ပါပဲ။ ပြီးတော့ ဆိုမာလီ ဒုက္ခသည်  လေးသိန်းလောက်က လည်း ရှိနေတယ်ဆိုတော့ လူသား ချင်းစာနာတဲ့ အထောက်အကူများ ကလည်း အများကြီး ရရှိနေတယ်။ သိပ်မကြာသေးမီကပဲ ဂျာမနီဝန်ကြီး ချုပ် Angela Merkel  လာရောက်ပြီး ဒုက္ခသည် စခန်းများကို ကြည့်ရှုသွား ပါသေးတယ်။

တန်ဖိုးနည်း ပြည်သူ့အိမ်ရာ

 စောစောက ပြောခဲ့သလိုပဲ ၂ဝဝ၅ ခုနှစ်ကစပြီး EPRDF အစိုးရ  အဖွဲ့က တစ်နိုင်ငံလုံး အတိုင်းအ တာနဲ့ တန်ဖိုးနည်းပြည်သူ့ အိမ်ရာများ ကို စတင်ဆောက်လုပ်ခဲ့တယ်။ ကန ဦးမှာတော့ အစိုးရက ''ပြည်သူများ အတွက် အိမ်ရာစီမံကိန်း''ဆိုတဲ့ ကြွေးကြော်သံနဲ့ စတင်တယ်။ ပြီး တော့မှ အစိုးရက စီမံကိန်းကို အ ကောင်အထည်ဖော်တယ်။ ကွန်ဒိုမီနီ ယမ် အိမ်ရာစီမံကိန်း (Condominium Housing Programme) အဖြစ် လူသိများတယ်။ အစိုးရပိုင် အီသီယိုးပီးယား ကူးသန်းရောင်းဝယ် ရေးဘဏ် (Commercial Bank of Ethiopia) က စီမံကိန်းတစ်ခုလုံးအ တွက် ငွေကြေးစိုက်ထုတ်ပေးတယ်။ စီမံကိန်းကို အစိုးရကပဲ တာဝန်ယူ ဆောက်လုပ်တယ်။ ပုဂ္ဂလိက မပါ ဝင်သလောက်ပါပဲ။ အီသီယိုးပီးယား မှာ အစိုးရရဲ့ ဆောက်လုပ်ရေးလုပ် ငန်း အဖွဲ့က သက်တမ်းနုနယ်သေး တော့ အခက်အခဲတွေ အများကြီးရှိ ခဲ့တယ်။

မြို့တော် အဒစ်အဘာဘာမှာ တန်ဖိုးနည်းအိမ်ရာ ယူနစ်ပေါင်း ၁၇၅ဝဝဝ ဆောက်လုပ်ဖို့ လျာထား တယ်။ ပြီးတော့ ပြည်နယ်ကိုးပြည် နယ်မှာရှိတဲ့ မြို့ကြီးများအတွက် ဆောက်လုပ်ဖို့ လျာထားတဲ့ အိမ်ရာ ယူနစ်စုစုပေါင်းက ၁၈၅ဝဝဝ ရှိ တယ်။ ဒါတွေအားလုံးကို တစ်ချိန် တည်း တစ်ပြိုင်တည်း ဆောက်လုပ် ဖို့ ရည်ရွယ်တယ်။ ပြည်သူပြည်သား အားလုံး လိုလိုက ဆင်းရဲသားတွေဆို တော့ စီမံကိန်းကို ဝမ်းသာအားရ ကြိုဆိုကြတယ်။ သူတို့နေထိုင်တဲ့ ရပ်ကွက်ကနေပြီး အိမ်ရာဆောက် လုပ်ရေးအတွက် ဖယ်ရှားပေးပါဆိုရင် လည်း အသာတကြည်ဖယ်ပေးကြ တယ်။    

ထူးခြားတာက တန်ဖိုးနည်းအိမ် ရာ ဖြစ်ပေမယ့် ပြီးရင်ပြီးရော ပစ်စ လက်ခတ်ဆောက်လုပ်ကြခြင်းမရှိဘူး။ အခြားနိုင်ငံတွေ မှာလို စံချိန်မီ ဆောက်လုပ်ကြတယ်။ အများအား ဖြင့် အဆောက်အအုံများကို လေး ထပ်ကွန်ဒိုမီနီယမ်ပုံစံဆောက်လုပ် တယ်။ အထူးသဖြင့် ဧည့်ခန်း၊ အိပ် ခန်း၊ မီးဖိုချောင်၊ ရေချိုးခန်းအိမ်သာ အစုံအလင်ပါတဲ့ Studio Flat လို့ ခေါ်တဲ့ ပုံစံဆောက်လုပ် တယ်။ အိပ် ခန်းတစ်ခန်းပါ၊ နှစ်ခန်းပါ၊ သုံးခန်းပါ အခန်းဖွဲ့စည်းတာလည်းရှိတယ်။ အိမ် ရာဆောက်လုပ်တဲ့အခါ တစ်လကို ယူနစ်ပေါင်း ၂၈၅ဝ ပြီးစီးအောင် တက်သုတ်ရိုက် ဆောက်လုပ်ကြရပါ သတဲ့။

 ဆောက်လုပ်ရေးအတွက် ကုန် ကျစရိတ်က တစ်စတုရန်းမီတာကို အမေရိကန်ဒေါ်လာ ၇၇ ဒေါ်လာ ကုန်ကျတယ်။ အပြင် ဈေးကွက်နှုန်း ကုန်ကျစရိတ်က တစ်စတုရန်းမီတာကို ဒေါ်လာ ၁၉၃ ဒေါ်လာတောင်ရှိ တယ်ဆိုတော့ ထက်ဝက်လောက် သက်သာတယ်။ တန်ဖိုးနည်း ကွန်ဒို တွေ ဆောက်လုပ်တဲ့အခါ  အိပ်ခန်း တစ်ခန်းပါတာက ၄၁ ရာခိုင်နှုန်း၊ အိပ်ခန်းနှစ်ခန်းပါက ၃ဝ ရာခိုင်နှုန်း အိပ်ခန်းသုံးခန်းပါက ရှစ်ရာခိုင်နှုန်း ဖြစ်ပြီး ကျန် ၂၁ ရာခိုင်နှုန်းက Studio Flat ဖြစ်တယ်။

အခုအခါ အီသီယိုးပီးယားနိုင်ငံ ရဲ့ လူဦးရေက သန်း ၁ဝဝ လောက် ရှိနေပြီ။ ၂ဝ၁ဝ ပြည့်နှစ်အထိ ဆောက်လုပ်ပြီးစီးခဲ့တဲ့ တန်ဖိုးနည်း အိမ်ရာ စုစုပေါင်းက ၁၇၁ဝဝဝ လောက်ပဲရှိသေးတယ်။ ကနဦးစီမံ ကိန်း သတ်မှတ်ချက်ရဲ့ ထက်ဝက် လောက်ပဲ ပြီးစီးတယ်။ ကွန်ဒိုပေါ် ရောက်နေကြတဲ့ မိသားစုတွေက တော့ ပြုံးလို့ပျော်လို့။ ကွန်ဒိုပေါ် တက်မနေရသေးတဲ့ မိသားစုတွေက တော့ ထုံးစံအတိုင်း ပူညံ ပူညံ လုပ် နေကြပါသတဲ့။

 ဒီလိုဆိုပေမယ့် ဆင်းရဲပြီး မကြာ မကြာ ငတ်မွတ်ခေါင်ပါးမှုဘေးနဲ့ ရင် ဆိုင်နေရတဲ့ နိုင်ငံက ချမ်းသာတဲ့ နိုင်ငံတွေကတောင် မလုပ်နိုင်တဲ့ ဧရာမတန်ဖိုးနည်း ပြည်သူ့အိမ်ရာ စီမံကိန်းကြီးကို အကောင်အထည် ဖော်လုပ်ဆောင်နေတယ်ဆိုတော့ ကမ္ဘာက အကြီးအကျယ်အံ့အားသင့် သွားခဲ့တာ အမှန်ပါပဲ။ ကမ္ဘာတစ်ဝန်း က ဆောက်လုပ်ရေးဆိုင်ရာ မြို့ပြ အင်ဂျင်နီယာကြီးတွေ ကလည်း အီသီ ယိုးပီးယားကို လာရောက်ပြီး လေ့လာ နေကြတာ အများကြီးပါပဲတဲ့။

မင်းရွှေမောင်

Ref;" Ethiopia's Unique Housing Programme" by Antarin Chakrabarty. Economic & PoliticalWeekly, Jan 28.2017.

မင်းရွှေမောင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.