17-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1024
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
စာပေနှင့် အနုပညာ
Weekly Book Review

ဘဝအစနှင့် ဘဝမှလွတ်မြောက်ခြင်း (ကလလရေကြည်အား သိပ္ပံပညာဖြင့်  ပေါင်းစပ်လေ့လာသည့်စာတမ်း)
ဒေါက်တာမောင်မောင်စိုး(မိသားစုရောဂါကုဆရာဝန်ကြီး)

ပဋိသန္ဓေစိတ်ဆိုသည်မှာ ပဋိသန္ဓေတည်မည့် ထိုသန္ဓေသားတွင် ပထမဆုံး စတင်ဖြစ်သော စိတ်ဖြစ်၏။ ပဋိသန္ဓေစိတ် မရောက်လာ ဘဲ သန္ဓေမအောင်ဟု ဗုဒ္ဓကဆို၏။ ဆေးသိပ္ပံပညာရှင်တို့က စိတ်ဆို သည်မှာ လှုံ့ဆော်မှုတစ်ခုကို ဆက် ခံနိုင်ခြင်း၊ တုံ့ပြန်နိုင်ခြင်း၊ ထိုလှုံ့ ဆော်မှုကို တစ်နေရာမှ တစ်နေရာ သို့  သယ်ဆောင်နိုင်ခြင်း၊ ထိုလှုံ့ ဆော်မှုကို စိစစ်ပိုင်းခြားနိုင်ခြင်း၊ ပတ်ဝန်းကျင်နှင့် လိုက်လျောညီ ထွေ ပြုမူနေထိုင်နိုင်စွမ်းရှိခြင်းကို စိတ် (ဦးနှောက်နှင့် အာရုံကြော ဆိုင်ရာ အဖွဲ့အစည်း)ဟု ဆေး ပညာ ဘာသာရပ် တွင် တစ်ခုအပါ အဝင်ဖြစ်သော ဇီဝကမ္မဘာသာ (Physiology) ပညာရှင်တို့က သတ်မှတ်၏။

ကလလရေကြည် အကြောင်း  ရှင်းပြထားတဲ့ စာအုပ်အဖွင့် နိဒါန်း ထဲက ကောက်နုတ်ချက်ဖြစ်ပါ တယ်။

လူ့ခန္ဓာစတင်ဖြစ်ပေါ်လာတဲ့ ကလလရေကြည်ဘဝမှသည် လူ့ ခန္ဓာကြီးပျက်စီးသွားသည်အထိ အတောအတွင်း လူ့ခန္ဓာနဲ့စိတ် အကြောင်း၊ သက်ရှိဖြစ်စဉ် အဆင့် ဆင့်အကြောင်း၊ ဗုဒ္ဓရဲ့တရားတော် တွေနဲ့အတူ သိပ္ပံပညာဆိုင်ရာ လေ့ လာမှု၊ တွေ့ရှိမှုတွေနဲ့ ယှဉ်တွဲပြီး သုတေသနပြုတင်ပြထားတဲ့ စာအုပ် ဖြစ်ပါတယ်။ အထူးသဖြင့် ကလလရေကြည်နဲ့စိတ်အကြောင်း အသေးစိတ်လေ့လာ တင်ပြထားတာ ကို တွေ့ရမှာပါ။

ကလလရေကြည်အကြောင်း၊ စိတ်အကြောင်း၊ ရုပ်ဆိုတဲ့ ခန္ဓာ အကြောင်းကို သက်ရှိတို့စတင်ဖြစ် ပေါ်လာခြင်း၊ လူ၏မူလအစ၊ ရုပ် ပိုင်း၊ သန္ဓေအောင်ခြင်းအကြောင်း၊ ကလလရေကြည်အကြောင်း၊ ပဋိ သန္ဓေအမျိုးမျိုးအကြောင်း၊ စိတ် အကြောင်း၊ ပဋိသန္ဓေစိတ်စတဲ့ အပိုင်း (၁ဝ)ပိုင်းခွဲပြီး လေ့လာ တင် ပြထားပါတယ်။ ဆိုင်ရာဆိုင်ရာ အပိုင်းတွေမှာစကြဝဠာအကြောင်း၊ ကမ္ဘာကြီးရဲ့ သက်တမ်း အကြောင်း၊ ဘာသာရေးဆိုတဲ့ အဓိပ္ပာယ် အကြောင်း၊ ဗုဒ္ဓဟောတဲ့ လူသား အစအကြောင်း၊ ဒါဝင်ပြောတဲ့ လူ့ အစအကြောင်း၊ ဗုဒ္ဓဟောတဲ့ ရုပ် အကြောင်းနဲ့ သိပ္ပံပညာရှင်ပြောတဲ့ ရုပ်ကြောင်း၊ ဗုဒ္ဓဟောတဲ့ ပဋိသန္ဓေ အမျိုးနဲ့ ဆေးသိပ္ပံရဲ့ ပဋိသန္ဓေ အမျိုးမျိုး အကြောင်း၊ ဗုဒ္ဓဟောတဲ့ စိတ်နဲ့ သိပ္ပံပညာရှင်တွေပြောတဲ့ စိတ်အကြောင်းစတဲ့ ခေါင်းစဉ်ငယ် လေးတွေခွဲပြီး ရှင်းလင်းတင်ပြထား တာကို တွေ့ရပါတယ်။

ကလလရေကြည်၊ ခန္ဓာနဲ့ စိတ် အကြောင်း ရှင်းလင်းတင်ပြအပြီး နိဂုံးပိုင်းမှာတော့ လူရဲ့မူလအစ အကြောင်း၊ ရုပ်နဲ့နာမ်အကြောင်း၊ ပဋိသန္ဓေစိတ်အကြောင်း၊ ခန္ဓာရဲ့ ဘယ်နေရာမှာ စိတ်ရှိသလဲဆိုတဲ့ အကြောင်း ပြန်လည်ဆင်ခြင်သုံး သပ်တင်ပြထားတာတွေ ကို လေ့ လာ ဖတ်ရှုရမှာဖြစ်ပါတယ်။

ဖြိုးမိသားစုစာပေကနေ တန် ဖိုး ၅ဝဝဝ ကျပ်နဲ့ ဖြန့်ချိလိုက်ပါပြီ။

အလယ်ကလူ တရားမြဲ၏
ထက်ကျော်

တကယ်တော့ အလုပ်ရုံတစ်ခု မှာ ဝန်ထမ်းတစ်ဦး ခန့်ထားလိုက် တာဟာ အဲဒီအလုပ်ရုံ၊ စက်ရုံရဲ့ အနာဂတ်ကို အဆုံးအဖြတ်ပေး လိုက်တာ ဖြစ်ပါတယ်။ ဒါကို တချို့ က မေ့နေတတ်ကြပါတယ်။ အလုပ်သမား ဒါမှမဟုတ် ဝန်ထမ်း ဆိုတာ လုပ်ငန်းကြီးတစ်ခုလုံးရဲ့ အားအကောင်းဆုံးအရင်းအမြစ် ဖြစ်ပါတယ်။

သူက လုပ်ငန်းအောင် မြင်မှုကို ဖန်တီးပေးနိုင်ပါတယ်။ အရည်အချင်းမရှိတဲ့ ပေမမီ ဒေါက်မမီ ဝန်ထမ်း တစ်ဦးဟာ ဘယ် Customer ကိုမှ ထိန်းထား နိုင်မှာမဟုတ်သလိုအဲဒီလိုဝန်ထမ်း အများစုရှိတဲ့ လုပ်ငန်းခွင် တစ်ခု ဟာလည်း ထောင့်တိုင်းမှာ ပျက် ပြိုမှုများနဲ့ ရင်ဆိုင်ရတတ်ပါတယ်။

သားတူညီများ ကောင်းစား ရေး ဝါဒ စာစုထဲက ကောက်နုတ် ချက်ဖြစ်ပါတယ်။ ပုဂ္ဂလိကလုပ်ငန်း ကုမ္ပဏီတွေမှာ ဖြစ်ဖြစ်၊ အစိုးရ လုပ်ငန်းဌာနတွေမှာပဲဖြစ်ဖြစ် ကိုယ်နဲ့ နီးစပ်ရာ ဆွေမျိုးသားချင်း တွေကို အလုပ်ခန့်ထားတာ၊ လုပ် ငန်းတွေ ချပေးထားတာ၊ ကိုယ့်ကုမ္ပ ဏီ ကိုယ့်ဌာနအတွက် လိုအပ်တဲ့ ပစ္စည်းတွေကို ဝယ်ယူပေးဖို့ အမှာ စာပေးတာ စတဲ့ ဝန်ထမ်းခန့်ထား တာက အစ စီးပွားရေးလုပ်ငန်းခွင် အကြီးအသေးအဆုံး ကိုယ့်လူကိုယ် ခေါ်သုံးတဲ့ မူဝါဒ 'Nepotism' အကြောင်း ဝေဖန်သုံးသပ်တင်ပြ ထားခြင်းဖြစ်ပါတယ်။

လုပ်ငန်းတစ်ခု၊ စက်ရုံတစ်ခု၊ ဌာနတစ်ခုမှာ အရေးပါ အရာ ရောက်တဲ့နေရာကို ပိုင်ဆိုင်ထားသူ တစ်ဦးဟာ အခက်အခဲတွေ့ ရတဲ့ ဆွေမျိုးသားချင်းတွေကို ကူညီ စောင့်ရှောက်တဲ့အနေနဲ့ အလုပ် တာဝန်တွေ ခန့်ထားခွဲဝေပေးတာ ဟာ မင်္ဂလာတစ်ပါး လို့ ခေါ်နိုင်ပေ မယ့် ဆွေမျိုးသားချင်းဆိုတာကိုသာ ကြည့်ပြီး အရည်အချင်းကို မကြည့် ဘူးဆိုရင် အဲဒီကုမ္ပဏီ၊ အဲဒီဌာန၊ အဲဒီ စီးပွားရေး လုပ်ငန်း ပြိုကျသွား နိုင်ပုံအကြောင်း ထောက်ပြထား တာပါ။

စီးပွားရေးလုပ်ငန်းဆိုတာ လက်လုပ်လက်စား ခေါင်းရွက် ဗျပ်ထိုးဈေးသည်ကစပြီး စီးပွား ရေး မဟာဗျူဟာတွေနဲ့အတူ တိုင်း ပြည်ရဲ့စီးပွားရေး တိုးတက်အောင် ဆောင်ရွက်ကြတဲ့လုပ်ငန်းကြီးတွေ အထိ ပါဝင်ပါသတဲ့။ Nepotism ကြောင့် လုပ်ငန်းသေးသေးလေး တွေ ပျက်စီးတာမျိုးဟာ အတိုင်း အတာအရ မကြီးမားပေမယ့် စီး ပွားရေးလုပ်ငန်းကြီးတွေ တုံ့ဆိုင်းရာ ကအစ ပျိုကျတဲ့အထိ ဖြစ်သွား တာမျိုးကတော့ တိုင်းပြည်နဲ့ လူမျိုး အတွက် အင်မတန် နစ်နာမှုကြီး မားပါသတဲ့။

Nepotism ကြောင့် ကိုယ့်ဆွေ မျိုးသားချင်းတွေ ကောင်းစားသွား တာ မှန်ပေမယ့် တစ်တိုင်းပြည်လုံး ဖွတ်ကျောပြာစုသလို ဆင်းရဲမွဲတေ သွားတတ်ကြောင်း၊ အရည်အချင်း ရှိသူတွေကို ဘေးဖယ်ပြီး ကိုယ့်ဆွေ မျိုးသားချင်းတွေကိုသာ ဦးစားပေး တဲ့ Nepotism ဟာ လက်မခံသင့် တဲ့ ဝါဒ၊ ကမ္ဘာပေါ်က ပျောက် ကွယ်သွားသင့်တဲ့ဝါဒဖြစ်ကြောင်း၊ ကုမ္ပဏီတွေ၊ ဌာနတွေကို အရည် အချင်းရှိသူတွေနဲ့သာ ဖွဲ့စည်းထား သင့်ကြောင်းတင်ပြထားတာ ဖြစ်ပါ တယ်။ သင်္ဘောကြီးရဲ့ ကိုယ်ထည် ဟာ အပေါက်ငယ် တစ်ပေါက် ကြောင့် မြုပ်သွားနိုင်ပါသတဲ့။ စီးပွားရေးလုပ်ငန်းရှင်တွေ၊ အစိုးရဌာနဆိုင်ရာတွေ သတိထား ဆင်ခြင်နိုင်ဖို့ သတိပေးထား တဲ့စာစု ဖြစ်ပါတယ်။

ကျွမ်းကျင်မှ လိမ္မာ၊ လိမ္မာမှ အောင်မြင် စာစုမှာတော့ ကာယ လုပ်သားပဲဖြစ်ဖြစ်၊ Óဏလုပ်သား ပဲဖြစ်ဖြစ် ဆိုင်ရာဆိုင်ရာ လုပ်ငန်း အသီးသီးမှာ ကျွမ်းကျင်တတ် မြောက်အောင် ပြင်ဆင်ထားသင့် ကြောင်း အကြံပြုတင်ပြထားပါ တယ်။ မိမိအလုပ်လုပ်တဲ့ ကုမ္ပဏီ၊ စက်ရုံ၊ အလုပ်ရုံက ကုန်ထုတ်စွမ်း အားကျလာလို့၊ ဈေးကွက်ဝေစု နည်းလာလို့ဖြစ်ဖြစ် ဝန်ထမ်းလျှော့ ချမယ်ဆိုရင်တောင် ကိုယ်က လုပ်ငန်းကျွမ်းကျင်အဆင့်ဖြစ်နေ မယ်ဆိုရင် ဝန်ထမ်းလျှော့တဲ့အထဲ မိမိမပါနိုင်ဘူးလို့ ဆိုထားပါတယ်။

ဒီကနေ့အချိန်မှာ နိုင်ငံရပ်ခြား က ကုမ္ပဏီကြီးတွေလည်း မြန်မာ နိုင်ငံထဲကို ဝင်ရောက်ရင်းနှီးမြှုပ်နှံ လုပ်ကိုင်ဖို့ ပြင်ဆင်နေပြီဖြစ် တာ ကြောင့် ကျွမ်းကျင်မှုတစ်စုံတစ်ရာ ရှိပြီးသား လူသားအရင်းအမြစ်တွေ ကို မရမက ရှာဖွေကြတော့မှာ လည်းဖြစ်ပါသတဲ့။ ကိုယ့်အလုပ်ကို ကိုယ်လေးစားပြီး အဲဒီအလုပ်ကို ဘယ်သူနဲ့မဆို ယှဉ်ပြိုင်နိုင်တဲ့ လိမ္မာ ကျွမ်းကျင်သူများဟာ မဝေး တော့တဲ့အချိန်မှာ လစာကောင်း ကောင်း၊ နေရာကောင်းကောင်း၊ အာမခံချက်ကောင်းကောင်းတွေရလာ တော့မှာ ဖြစ်ပါသတဲ့။ ကျွမ်းကျင် မှုဆိုတာ ဘယ်ခေတ်ဘယ်အခါ ဘယ်လုပ်ငန်းမှာမဆို လိုအပ်ပြီး ကျွမ်းကျင်လိမ္မာသူတွေ အောင်မြင် မယ်၊ မကျွမ်းကျင် မလိမ္မာသူတွေ ရှုံးနိမ့်ကျဆုံးမယ်လို့ ဆိုထားပါ တယ်။

ဒီစာအုပ်မှာပါတဲ့ ဆောင်းပါး တွေဟာ Management & Training လို့ခေါ်တဲ့ HR ဂျာနယ်ထဲမှာ ဆရာထက်ကျော် အပတ်စဉ်ရေး သားခဲ့တဲ့ ဆောင်းပါးတွေထဲက ကောင်းနိုးရာရာတွေကို စုစည်း ထုတ်ဝေထားတာဖြစ်ပါတယ်။ HR ဘာသာရပ်တစ်ခုတည်း မဟုတ်ဘဲ HR နဲ့ ပတ်သက်ယှက်နွှယ်နေတဲ့ စီးပွားရေးဆိုင်ရာ ဆောင်းပါးတွေ၊ ကိုယ်ကျင့်သီလဆိုင်ရာ ဆောင်းပါး တွေ၊ စိတ်ခွန်အား မကျအောင် ဖြည့်ဆည်းအကြံပေးထားတဲ့ ဆောင်းပါးတွေ ပါဝင်ပါတယ်။ knowledege Age ဖြစ်တဲ့ ဒီကနေ့ ကာလမှာ ဒီစာအုပ်ကလေးဟာ လေ့လာဖတ်ရှုခွင့်ရသူတွေအတွက် အကျိုးတစ်စုံတစ်ရာ ဖြစ်စေမှာ ဖြစ်ပါတယ်။

HR ဆိုတာ ဆင်းဒဝစ်လား အထက်မီးအောက်မီးလား၊ အညံ့ တွေ ကို ရွေးနေရတယ်၊ VIP တွေ သတိထားဖို့၊ Futures ဟာ လောင်း ကစားလား၊ စီမံကိန်းရေး ဆွဲ အကောင်အထည်ဖော်ပါ၊ လူတိုင်း ပြောင်းလို့ရပါတယ်၊ ခက် လို့ မလုပ်တာလား မလုပ်လို့ ခက် တာလား၊ ယှဉ်ပြိုင်မှုနဲ့ ပူးပေါင်း ဆောင်ရွက်မှု စတဲ့ ဆောင်းပါး ၄၅ ပုဒ်ပါဝင်ပါတယ်။

ချိုးဖြူစာပေက ထုတ်ဝေပြီး မျိုးဆက်သစ်စာပေကနေ တန်ဖိုး ၃ဝဝဝ ကျပ်နဲ့ ဖြန့်ချိလိုက်ပါပြီ။

ကိုဝိုင်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.