25-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1047
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
ကမ္ဘာ့ငှက်ပျောသီးမျိုး ပျက်ကိန်းနှင့် ကြုံနေပြီလား

ကမ္ဘာ့ငှက်ပျောသီးမျိုး၏ပျက်ကိန်း Bananapocalypse ကနီးလာပြီလားဟု မေးခွန်းထုတ်လာကြပါသည်။ ပနားမားရောဂါ Panama Disease ဟုခေါ်သော ငှက်ပျောမှိုရောဂါတစ်မျိုး၏ ဖျက်ဆီးမှုကြောင့် လက်ရှိငှက်ပျောမျိုးများသည် လာမည့် ဆယ်စုနှစ်အတွင်း၌ပင် ပျက်ကိန်းနှင့် ကြုံတွေ့နိုင်သည်ဟု ဆောင်းပါးရှင် Stephen Mihm က ခန့်မှန်းထားပါသည်။ ၄င်းပနားမားမှိုရောဂါသည် ကမ္ဘာအနှံ့တွင် ပျံ့နှံဖြစ်ပွားလာနေသဖြင့် ကမ္ဘာတစ်ဝန်းက လူကြိုက်များသည့် အသီးတစ်မျိုးဖြစ်သော ငှက်ပျောသီး၏ အနာဂတ်ရှင်သန် ရေးကို ခြိမ်းခြောက်လာနေပြီဖြစ်သည်။

ပနားမားမှိုရောဂါသည် ငှက်ပျောသီးမျိုးကို ပျောက်ကွယ်သွားလောက်အောင် လုပ်ဆောင်နိုင်သည်ဟု ပြသရုံသာမက ကမ္ဘာ့စိုက်ပျိုးရေး လုပ်ငန်းတွင် ဇီဝမျိုးကွဲများ ပြောင်းလဲ ထုတ်လုပ်နိုင်သည့် ပညာရပ်၏ အားနည်းချက်ပြဿနာကိုလည်း ဖော်ပြ ရာရောက်ပေသည်။

ဇီဝမျိုးကွဲတစ်မျိုးတည်းကိုသာ အဓိကထားရွေးချယ်စိုက်ပျိုးသည့်စနစ် Monoculture ၏အန္တရာယ်ကို ၁၈၄ဝ ပြည့်နှစ်များကတည်းက အိုင်ယာလန်နိုင်ငံက လေ့လာခဲ့ပါသည်။ ကမ္ဘာသစ်တွင် အာလူးများကို စတင်တွေ့ရှိပြီးနောက် အိုင်ယာလန် လူမျိုးများသည် ထိုအာလူးမျိုးများကို အများအပြား စိုက်ပျိုးလာခဲ့ကြသည်။ ကမ္ဘာသစ်တွင် အင်ကတ်စ်ှုညချေ လူမျိုးများက အာလူးမျိုးပေါင်းမြောက်မြားစွာ စိုက်ပျိုးခဲ့ကြသော်လည်း အိုင်ယာလန်လူမျိုးတို့က သုံးမျိုးခန့်သာ စိုက်ပျိုးပြီး ထိုသုံးမျိုးထဲတွင်လည်း ၄င်းတို့ဒေသကြိုက် လမ်ပါ Lumper ကိုသာ အဓိကအများအပြား စိုက်ပျိုးခဲ့ကြပါသည်။ ထိုလမ်ပါ အာလူးမျိုးသည် အထွက်နှုန်းကောင်းသော်လည်း ဖေတိုဖီသိုလာရောဂါကို ကူး စက်လွယ်ပါသည်။ ထို့ကြောင့် ၁၈၄၅ ခုနှစ်တွင် အိုင်ယာလန်နိုင်ငံ၌ ထိုရောဂါပိုးကြောင့် အာလူးစိုက်ခင်းများ ပျက်စီးခဲ့ရသည့်အပြင် တခြားဥရောပဒေသများသို့လည်း ¤င်းရောဂါပိုးများ ကူးစက်ပြီးပျက်စီးစေခဲ့ပါသည်။ ထိုရောဂါကပ်ဆိုးကြီးကြောင့် အိုင်ယာလန်လူမျိုးတစ်သိန်းခန့် အစာရေစာပြတ်လပ်ပြီး သေဆုံးခဲ့ကြသည်ဟု ခန့်မှန်းကြသည်။ ထို့ ပြင် လူပေါင်းနှစ်သန်းခန့်မှာလည်း ကြံရာမရဖြစ်ပြီး နီးစပ်ရာ ဥရောပနိုင်ငံများသို့ ပြောင်းရွှေ့နေထိုင်လာခဲ့ကြသည်ဟုဆိုသည်။

ယခုကဲ့သို့ သီးနှံတစ်မျိုးတည်း အပေါ်တွင်သာ အဓိကစိုက်ပျိုးသည့် ဆိုးကျိုးသင်ခန်းစာရှိသော်လည်း လယ်ယာစိုက်ပျိုးသူများသည် ၄င်းတို့ကြိုက်နှစ်သက်ပြီး ယုံကြည်စိတ်ချရသည်ဟု ထင်သည့်မျိုး အနည်းငယ်ခန့်ကိုသာ စိုက်ပျိုးတတ်ကြ ပါသည်။ အထူးသဖြင့် ကမ္ဘာ့ဈေးကွက်ဝင် သီးနှံများကိုသာ အများအ ပြား စိုက်ပျိုးနေကြပါသည်။

ငှက်ပျောသီးဆိုလျှင် ကမ္ဘာပေါ်တွင် ပုံသဏ္ဌာန်၊ အရွယ်အစား၊ အရောင်နှင့် အရသာမျိုးကွဲပေါင်းရာနှင့် ချီပြီးရှိသော်လည်း ၁၉ ရာစု နှောင်း ပိုင်းတွင် ဘစ်မီကီ Big Mike အမည်တွင်သော ငှက်ပျောမျိုးတစ်မျိုးတည်းကိုသာ အဓိက စိုက်ပျိုးရောင်းချခဲ့ပါ သည်။ ထိုငှက်ပျောမျိုးသည် အရှေ့တောင်အာရှမှရရှိခဲ့ပြီး ကမ္ဘာ့ဈေးကွက်ဝင်သီးနှံဖြစ်လာခဲ့ပါသည်။ ဘစ် မီကီငှက်ပျောမျိုးသည် အခိုင်များပြီး အသီးချိုခြင်း၊ ပွန်းတိုက်မှုအကြမ်းခံခြင်းအပြင် ပူသောသင်္ဘောကုန်းပေါ်တွင်ထားသော်လည်း လတ်ဆတ်၍ နေခြင်းတို့ကြောင့် ဈေးကွက်ဝင်ခဲ့သည်ဟုသိရပါသည်။ ယင်းငှက်ပျောမျိုးကို ငှက်ပျောကုမ္ပဏီကြီးဖြစ်သည့် ယူနိုက်တက်ဖရု စိုက်ပျိုးရေးခရို့စ်မိုင်ကယ် (United Fruitplanted Gros Michel) သည် လက်တင်အမေရိကနှင့် ကရေဘီယံပင်လယ် ကွေ့နိုင်ငံများတွင် စိုက်ပျိုးထုတ်လုပ်ခဲ့ပါသည်။ ဘစ်မီကီငှက်ပျောမျိုးသည် မျိုးကွဲမရှိဘဲ မျိုးဗီဇတစ်မျိုးတည်းကိုသာ စိုက်ပျိုးရသဖြင့် စိုက်ပျိုးရေးကုမ္ပဏီများက ကြိုက်နှစ်သက်ကြပါသည်။

သို့သော် ၁၉၂ဝ ပြည့်နှစ်ပတ်ဝန်းကျင်တစ်ဝိုက်ရောက်သောအခါ ပနားမားနိုင်ငံတွင် စိုက်ပျိုးထားသော ဘစ်မီကီငှက်ပျောပင်များ၌ မှိုရောဂါကူးစက်ပြီး ပျက်စီးမှုများနှင့် ရင်ဆိုင်လာခဲ့ရပါသည်။ ထိုရောဂါ၏ အမည်ကိုလည်း ပနားမားရောဂါ (Panama Disease) ဟု ခေါ်ဆိုခဲ့သည်။ ရှေးဦးစွာ ငှက်ပျောစိုက်ပျိုးသူများသည် အပူပိုင်းသစ်တောများကို ရှင်းလင်းပြီး ဘစ်မီကီငှက်ပျောပင်အသစ်များကို ပြန်အစားထိုး စိုက်ပျိုးခဲ့ကြသည်။ သို့သော် မှိုရောဂါကလိုက်လာပြီး ဖျက် ဆီးခဲ့ပြန်ပါသည်။ ထို့ကြောင့် ၁၉၂ဝ ပြည့်နှစ်များအတွင်း၌ ငှက်ပျောသီး ရှားပါးသည့် ပြဿနာနှင့် ကြုံတွေ့ခဲ့ရပါသည်။

၎င်းနောက်ပိုင်းတွင် Standard Fruit ကုမ္ပဏီသည် ကာဗင်းဒစ်ရှ် Cavendish ဟုအမည်ရသည့် ငှက်ပျောမျိုးကို တွေ့ရှိလာပါသည်။ ဒီဝုန် ရှိုင်းယားအမတ်ဖြစ်သော ဝီလျံကာဗင်းဒစ်ရ်ှက ၁၈၃၄ ခုနှစ်တွင် စိုက် ပျိုးခဲ့သည့် ငှက်ပျောမျိုးဖြစ်သဖြင့် ကာဗင်းဒစ်ရ်ှငှက်ပျောဟု ခေါ်ဆိုခဲ့ကြသည်။ အမှန်မှာ ကာဗင်းဒစ်ရ်ှငှက်ပျောမျိုးသည် ဘစ်မီကီငှက်ပျောမျိုးကို ဆက်ခံသည့် ငှက်ပျောမျိုးသာ ဖြစ်ပါသည်။

ထို့ကြောင့် မီကီငှက်ပျောမျိုးကဲ့သို့ ပနားမားမှိုရောဂါကျ ရောက်လာပါက  ပျက်စီးဆုံးရှုံးမှုများ ကြီးမားနိုင်ပါသည်။

မည်သည့်အချိန်အခါတွင် ပနားမားမှိုရောဂါကျရောက်ပြီး ကာဗင်းဒစ်ရ်ှငှက်ပျောမျိုးများ ပျက်စီးဆုံးရှုံးမည်ကို ကာဗင်း ဒစ်ရ်ှမိသားစုမှ ငှက်ပျောမှိုရောဂါနှင့် စပ်လျဉ်း၍ မဟာဗျူဟာမှူး တစ်ဦးဖြစ်သော ရောဘတ်စတိုဗာ Rebert Stover ၏ သတိပေးသည့်အချိန်ပေါ်တွင် မူတည်နေပါသည်။

လွန်ခဲ့သော နှစ်အနည်းငယ်ခန့်က ပနားမားမှိုရောဂါခေါ် တီအာဖိုး TR4 သည် အရှေ့တောင်အာရှရှိ ကာဗင်းဒစ်ရ်ှငှက်ပျော စိုက်ပျိုးသည့် ခြံများတွင် ကျရောက်ခဲ့ပြီး ပျက်စီးဆုံးရှုံးမှုများရှိခဲ့သည်ဟု သိရပါသည်။ ထို့ကြောင့် ကာဗင်းဒစ်ရ်ှငှက်ပျောမျိုး၏ ပျက်စီးမည့်ကိန်းသည် အချိန်နီးကပ်လာနေပါသည်။ ယင်းကဲ့သို့ ဆုံးရှုံးမှုများဖြစ်ပေါ်လာပါက  အခြားငှက်ပျောဇီဝမျိုးကွဲတစ်မျိုးကို အစားထိုးစိုက်ပျိုးရန် လိုပေမည်။

 မောင်ပုဆိုးကြမ်း

 

Ref: “The Bananapoealypse In Nigh” By Stephen Mihm (Bloomberg.com)

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.