25-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1047
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
အလွန်အကျွံဖမ်းဆီးခြင်းကြောင့် ကမ္ဘာတွင် ငါးသယံဇာတလျော့ကျလာ

ကမ္ဘာတစ်ဝန်းတွင် ငါးဖြင့်ချက်ပြုတ်သော ဟင်းလျာများကို ပိုမိုစားသုံးလာနေကြပါသည်။ သာမန်လူ တစ်ယောက်သည် တစ်နှစ်လျှင် ပျမ်းမျှ ငါး ၂ဝ ကီလိုဂရမ် (၄၄ ပေါင်) ထက်ပို၍စားသုံးလာသဖြင့် ၁၉၆ဝ ပြည့်နှစ်များထက် နှစ်ဆပိုစားသုံးလာကြပါသည်။ ဖွံ့ဖြိုးတိုးတက်လာသော နိုင်ငံများ (အထူးသဖြင့်တရုတ်နိုင်ငံ)တွင် ဝင်ငွေတိုးတက်လာသဖြင့် ငါးဝယ်ယူစားသုံးမှုမြင့် တက်လာပါသည်။ ငါးနှင့် ပင်လယ် စာများမှ ရရှိနေသည့် ပရိုတိန်းဓာတ်သည် လူများအတွက် ၂ဝ ရာခိုင်နှုန်းအထိ ဖြည့်တင်းပေးနေပါသည်။

ယခုအခါ လူအများစားသုံးနေကြသော  ငါးများ၏ အရေအတွက် ထက်ဝက်ကျော်သည် မွေးမြူရေးငါး များဖြစ်ကြသော်လည်း ပင်လယ်မှငါးများကိုလည်း အများအပြား ဖမ်းဆီးနေကြပါသေးသည်။ တစ်စတစ်စ လျော့နည်းလာသော ပင်လယ်ငါးပမာဏကြောင့် ပင်လယ်ငါးဖမ်းနိုင်ငံများအကြား ပဋိပက္ခများဖြစ်လာပြီး ကမ္ဘာ့လူဦးရေ ၁ဝ ဦးတွင်တစ်ဦး အသက်မွေးဝမ်းကျောင်းရှာဖွေလုပ် ကိုင်နေရသော ယင်းလုပ်ငန်းကြီးတွင် အလုပ်အကိုင်များ လျော့နည်းကျ ဆင်းလာသဖြင့် အချို့ဒေသများတွင် ငတ်မွတ်ခေါင်းပါးသည့် အန္တရာယ်နှင့် ကြုံတွေ့လာနေရပါသည်။

ကမ္ဘာ့ပင်လယ်ငါးဖမ်းကွက်များ၏ ၉ဝ ရာခိုင်နှုန်းတွင် ရေရှည်ငါးဖမ်းနိုင်၍မရအောင် ငါးသယံဇာတ နည်းပါးလာနေပြီဖြစ်သည်။ အချို့ပင်လယ်ငါးအမျိုးအစားများဖြစ်သည့် တောင်ပိုင်းအပြာရောင်တူနာငါးမျိုးများသည် မျိုးသုဉ်းတော့မည့် အန္တရာယ်နှင့် ကြုံတွေ့နေရပါသည်။ မြေထဲပင်လယ်နှင့် ပင်လယ်နက်ဒေသတွင် ၂ဝဝ၇ ခုနှစ်မှစ၍  ယခင် ထက် ငါးဖမ်းဆီးရရှိမှု သုံးပုံတစ်ပုံ လျော့နည်းလာပါသည်။  ငါးဖမ်းပိုင်ခွင့်ကြောင့် တောင်တရုတ်ပင်လယ် အတွင်း တရုတ်နိုင်ငံနှင့် အရှေ့တောင်အာရှနိုင်ငံများကြား နယ်နိမိတ်ထပ်မှုဖြစ်ပြီး အငြင်းပွားလာခဲ့ ရသည်။ အင်ဒိုနီးရှားနိုင်ငံဆိုလျှင် ပြည်ပက ဆွဲပိုက်ချငါးဖမ်းသင်္ဘောများ မိမိပိုင် ပင်လယ်နယ်နိမိတ်အ တွင်း တရားမဝင် ငါးခိုးဖမ်း၍မိပါက ဖောက်ခွဲဖျက်ဆီးသည်အထိ အရေးယူလာပါသည်။ ဗြိတိန်နိုင်ငံက ဥရောပသမဂ္ဂမှ  နုတ်ထွက်သည့်  အကြောင်းရင်းတစ်ခုသည့် ဗြိတိသျှငါးဖမ်းသင်္ဘောများက တခြားဥရောပနိုင်ငံများမှ ငါးဖမ်းသင်္ဘောများနှင့် ပြိုင်ဆိုင်ပြီး ဖမ်းနေရပါမှုကို  ရပ်ဆိုင်းလို၍လည်းကောင်း၊ ဖမ်းဆီးရမည့် ငါးကိုတာ အရေအတွက် ကန့်သတ်ထားမှုကို မကြိုက်၍လည်းကောင်း ဖြစ်ပါသည်။

၁၉ ရာစု ပင်လယ်ငါးဖမ်း သင်္ဘောများတွင် တပ်ဆင်ထားသော ငါးဖမ်းပိုက်များသည် တစ်ခါတစ်ရံ ဒေသငါးမျိုးစိတ်များ၊ ဥပမာ-အမေရိ ကန်နိုင်ငံ အရှေ့မြောက်ပင်လယ် ကမ်းခြေရှိ ဟဲလီပတ် ပင်လယ်ငါးကြီး များကို အများအပြား သေကျေပျက်စီးစေပါသည်။ ကမ္ဘာ့လူဦးရေ များပြားလာခြင်းနှင့် နည်းပညာသစ်များတိုး တက်လာခြင်းတို့ကြောင့် ငါးအလွန်အကျွံ ဖမ်းဆီးမှုများက ကမ္ဘာတွင် ပြဿနာများဖြစ်ပွားလာစေပါသည်။ ၁၉၅ဝ ပြည့်နှစ်များမှစ၍ ဆွဲပိုက်ချ ငါးဖမ်း သင်္ဘောကြီးများသည် ပဲ့တင်သံဖြင့် ရေအောက်တွင် ငါးရှာဖွေ သည့် ကိရိယာများ တပ်ဆင်ပြီးဖမ်းလာသဖြင့် ပင်လယ်ရေနက်ပိုင်းများတွင် ငါးများကို ပိုမိုဖမ်းဆီးလာနိုင်ကြသည်။ ထို့နောက် လေယာဉ်များ၊ ဂြိုဟ်တုများအသုံးပြုပြီး ငါးအုပ်များရှိရာ နေရာကိုရှာဖွေ၍ ဖမ်းဆီးလာကြသည်။ သမုဒ္ဒရာ၏  ကြမ်းပြင် ကို ဆွဲပိုက်များချပြီး စလုတ်တိုက် ဆွဲသည့်နည်းဖြင့်  ဖျက်ဆီးမှုများပြု လုပ်လာကြသည်။ ထိုကဲ့သို့ ဆောင် ရွက်ခဲ့ကြသဖြင့် စားသုံး၍မသင့်သည့် ငါးမျိုးပေါင်းများစွာနှင့် ပင် လယ်လိပ်၊ လင်းပိုင်နှင့် ဝေလငါးကဲ့သို့သော ရေသတ္တဝါများကို သေကျေစေပါသည်။ တစ်နည်းအားဖြင့် ပင်လယ်အောက် ကန္တရကြီးများဖြစ်ပေါ် လာစေပါသည်။

ယခုအခါ တချို့နိုင်ငံများတွင် ပင်လယ်ကြမ်းပြင်၌ဆွဲပိုက်ချပြီး ငါး ဖမ်းခြင်းကို ၄င်းတို့၏ပင်လယ်ကမ်းခြေမှ မိုင် ၂ဝဝ အတွင်း ဆောင်ရွက်ခွင့်မပြုတော့ဟုသိရသည်။ ကျန်ပင်လယ်ပြင် ၆၄ ရာခိုင်နှုန်း၌ ကန့်သတ်ထားမှုမရှိသဖြင့် ရမ်းကားသည့် ငါးဖမ်းသင်္ဘောများအတွက် လုပ်ချင်သလို လုပ်ခွင့်ပြုထားသကဲ့သို့ ဖြစ်နေပါသည်။ ယခုအခါ တရုတ်နိုင်ငံက  ဦးဆောင်သည့် ပင်လယ်ငါးဖမ်းနိုင်ငံများသည် မိမိတို့ ပင်လယ်ငါးဖမ်း သင်္ဘောဦးရေတိုးချဲ့လာကြရာ ယနေ့ ကမ္ဘာ့ပင်လယ်များတွင်ရှိသော ရေရှည်ငါးသယံဇာတများ ဖမ်းဆီးနိုင် သည့် ငါးဖမ်းသင်္ဘောအရေအတွက်သည် နှစ်ဆမှလေးဆအထိ များပြားလာနေသည်ဟု ခန့်မှန်းရပါသည်။

လောလောဆယ် အမျိုးသားပင်လယ်ရေနယ်နိမိတ်အတွင်း ငါးဖမ်းခွင့်ကို ခွဲဝေကျင့်သုံးသည့်စနစ် အား အသုံးပြုလာကြသည်။ ယင်းစနစ်တွင် ငါးဖမ်းနိုင်သော ဧရိယာအတွင်း ငါးဖမ်းဆီးခွင့်ကို  ပုဂ္ဂလိက ငါးဖမ်းသူများ၊ အဖွဲ့အစည်းများ သို့မဟုတ် ကုမ္ပဏီများကို ခွဲဝေလုပ်ကိုင်ခွင့်ပေးလာသည်။ ထိုအစီအစဉ်အရ ငါးဖမ်းသူများကို ငါးဝယ်ယူမှုများနေချိန်တွင် ဖမ်းခွင့်ပေးပြီး ငါးများဥချိန်တွင်လျှော့ချပြီး ဖမ်းစေခြင်းအားဖြင့် ၄င်းတို့၏ ရှယ်ယာတန်ဖိုးကို မြင့် တက်စေပါသည်။ ယင်းစနစ်ကို အမေရိကန်၊ ဘရာဇီး၊ ဒိန်းမတ်နှင့် နာမီးဘီးယားနိုင်ငံများတွင် ယခင်က ငါးသယံဇာတ အမြောက်အမြား ဖမ်းဆီးခဲ့မှုကို ပြန်လည်ထိန်းချုပ်သည့်အနေဖြင့် အသုံးပြုလုပ်လာသည်။

၂ဝ၁၇ ခုနှစ်လယ်တွင် ကုလသမဂ္ဂအဖွဲ့ဝင်နိုင်ငံများ၏ ကိုယ်စားလှယ်များက  ပင်လယ်သမုဒ္ဒရာကြီးများရှိ အချို့ နေရာများတွင် ငါးအရေအတွက်  ပြန်လည်တိုးပွားလာစေ ရန် ငါးဖမ်းခြင်းကိုကန့်သတ်ခြင်း သို့မဟုတ် ပိတ်ပင်ခြင်း ပြုလုပ်ရန် စတင်ညှိနှိုင်းဆွေးနွေးလာကြသည်ဟု သိရပါသည်။

တချို့က ရေချိုငါးမွေးမြူရေးကို တိုးချဲ့ဆောင်ရွက်ခြင်းသည် ငါးသယံဇာတလျော့ကျလာမှုကို ထိန်းသိမ်းခြင်းအတွက် အကောင်းဆုံးနည်းလမ်းဖြစ်သည်ဟုဆိုပါသည်။ သို့သော် ရေချိုငါး မွေးကန်များမှ စွန့်ပစ်နေကြသော ရေဆိုးများတွင် ပင်လယ်ငါးများကို ထိခိုက်ပျက်စီးစေသည့် ပိုးမွှားများနှင့် ရောဂါပိုးများပါရှိနေသည့် ပြဿနာကို ဖြေရှင်းရန်လို နေပေသည်။ ထို့ကြောင့် ရေချိုငါးမွေးကန်များမှ ရေဆိုးများကို ရေသန့်ပြန်လည် ထုတ်လုပ်ရန်လိုခြင်း၊ သို့မဟုတ် ငါး မွေးကန်များကို ပင်လယ်နှင့်ဝေးသော ကုန်းတွင်းပိုင်းတွင် လုပ်ကိုင်သင့်ကြောင်း ထောက်ပြထားပါသည်။

 

မောင်ပုဆိုးကြမ်း

Ref: “Overfishing”By James Greiff (Bloomberg.com)

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.