16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
Facebook နှင့် ရွေးကောက်ပွဲ ကြော်ငြာတု ပြသနာ

လွန်ခဲ့သည့်နှစ် အမေရိကန် ရွေးကောက်ပွဲ မဲဆွယ်စဉ်ကာလအတွင်း လုပ်ကြံဖန်တီးထားသည့် သတင်းများက လူမှုမီဒီယာများပေါ်တွင် သိသိသာသာပျံ့နှံ့ခဲ့သဖြင့် မဲဆန္ဒရှင်အချို့ကို  မဲယိမ်းမှုဖြစ်စေခဲ့ပြီးနောက် ထိုသတင်းတုများသည် အလွန်အလေးအနက်ထားရမည့် အ ကြောင်းအရာတစ်ခုဖြစ်လာခဲ့သည်။ အမေရိကန်ရွေးကောက်ပွဲ မတိုင်မီနှင့် ရွေးကောက်ပွဲ နောက်ပိုင်း တွင် နိုင်ငံရေးပဋိပက္ခများအား ပိုဆိုးရွားစေရန်ရည်ရွယ်၍ ရုရှားနှင့် ဆက်နွယ်နေသော အတုအယောင်အကောင့်များက ကြော်ငြာများဖြင့် ဆောင်ရွက်ခဲ့ကြောင်း Facebook က သုံးသပ်တွေ့ရှိထားသည်ဟုသိရသည်။

ယမန်နှစ် အမေရိကန်ရွေး ကောက်ပွဲမတိုင်မီတွင် လူမှုမီဒီယာများ၌ ရွေးကောက်ပွဲကို လွှမ်းမိုးရန် ကြိုးပမ်းမှုများသည် အရေးကြီးကိစ္စ တစ်ခုဖြစ်လာခဲ့ပြီး Facebook သည် ရုရှားနှင့် ဆက်နွယ်နေသော ကြော်ငြာ ၃ဝဝဝ ကျော်ကို အမေရိကန် ကွန်ဂရက်လွှတ်တော်သို့ လွှဲပြောင်း ပေးခဲ့သည်ဟုဆိုသည်။

Facebook က လွှဲပြောင်းပေးခဲ့သော ထိုကြော်ငြာ အများအပြားသည် လူမျိုးရေးနှင့်  လူမှုရေးဆိုင်ရာ ကွဲလွဲမှုများကို ပိုမိုကြီးကျယ်စေခဲ့ ဖွယ်ရှိကြောင်း Facebook ၏ ကမ္ဘာ့ ရေးရာ မူဝါဒဆိုင်ရာ ဒု-ဥက္ကဋ္ဌ ဂျိုးကာပလန်က အွန်လိုင်းပေါ်တွင်  ရေးသားခဲ့သည်။ ထိုကြော်ငြာများသည် အင်တာနက် သုတေသန အေဂျင်စီ (Internet Research Agency) ဟု ထင်ရှားသည့် ရုရှားအဖွဲ့တစ်ဖွဲ့နှင့် ဆက်နွယ်နေပြီး အစစ်အမှန်မဟုတ်သော အကောင့်များမှ  ထွက်ပေါ်လာသည့် ကြော်ငြာများဖြစ်ပါသည်။

အမေရိကန် ရွေးကောက်ပွဲပြီးနောက် ယခုနှစ် ဥရောပ ရွေးကောက်ပွဲများကို ထိခိုက်စေခဲ့သည့် သတင်းများလုပ်ကြံဖန်တီးခြင်းနှင့် အချက်အလက်အမှားများပေးခြင်းတို့နှင့် ပတ်သက်၍ စိုးရိမ်မှုများ မြင့်တက်လာခဲ့ပြီး လုပ်ကြံထားသည့် သတင်းများကို အသုံးပြုလျက် အွန်လိုင်းကြော်ငြာလုပ်ငန်းမှ သတင်းပေ့ခ်ျများ အကျိုးအမြတ်ရယူပုံကို စုံ စမ်းတွေ့ရှိလာရသည်ဟု သိရသည်။

လွန်ခဲ့သည့် သြဂုတ်လ ၂၈ ရက် ရောက်သောအခါ Facebook က သတင်းအတုများနှင့် ပတ်သက်လေ့ရှိသည် ပေ့ခ်ျများအနေဖြင့် ကြော်ငြာနိုင်တော့မည်မဟုတ်ကြောင်း ပြောကြားခဲ့သည်။

ယင်းကြေညာချက်သည် အသိအမြင်များပေးရန်ထက် ဖြားယောင်း မှုပြုလုပ်ရန် အသုံးပြုသော သတင်းအတုများကို ဆန့်ကျင်တိုက်ဖျက်ရေး၌ Facebook ၏ နောက်ဆုံးလုပ်ဆောင်ချက်ဖြစ်သည်။

Facebook ၏ ထုတ်ကုန် မန်နေဂျာများက ''အတုလို့ အမှတ်အသားပြုခံရတဲ့ သတင်းတွေကို ပေ့ခ်ျတွေက ထပ်တလဲလဲ Share လုပ်ခဲ့ရင် အဲဒီလိုအထပ်ထပ်ကျူးလွန်သူတွေအနေနဲ့ Facebook  မှာ ကြော်ငြာခွင့်ရတော့မှာ မဟုတ်ဘူး။ ပိုက်ဆံရှာဖို့ သတင်းတုတွေဖြန့်ဝေနေတဲ့ ပေ့ခ်ျတွေကို  ထိန်းချုပ်လိုက်တာမို့ ယခုသတ်မှတ်ချက်အသစ်က သတင်းအတုတွေ ဖြန့်ဝေတာကို လျှော့ချနိုင်ဖို့ အကူအညီပေးပါလိမ့် မယ်''ဟု ပြောကြားခဲ့ပါသည်။

ထို့ပြင် Facebook လူမှုကွန်ရက်သည် တတိယအဖွဲ့အစည်း (Third-Party) ၏ အချက်အလက် စစ်ဆေးသူက အတုဟုဆုံးဖြတ်သောသတင်းများနှင့် ပတ်သက်နေသည့် ပေ့ခ်ျများကို ကြော်ငြာခွင့်ပိတ် ပင်ထားနှင့်ပြီးဖြစ်သည်ဟု ဆိုသည်။

ပြီးခဲ့သည့် အောက်တိုဘာလ ၂ ရက်တွင်လည်း ရွေးကောက်ပွဲများကို လမ်းကြောင်းလွှဲစေရန် စီစဉ်ထား သည့် လှည့်ဖြားတတ်သော ကြော်ငြာများအား တိုက်ဖျက်ရန်အတွက် လူ  ၁ဝဝဝ ကျော်ကို ငှားရမ်းသွားမည် ဖြစ်ကြောင်း Facebook က ကြေညာခဲ့သည်။ ထို့ပြင် ၄င်းတို့၏ မူဝါဒများ ကို ချိုးဖောက်သော ကြော်ငြာများအား ရှာဖွေတားဆီးသွားရန်အတွက် စက်ဖြင့် ဆောင်ရွက်နိုင်ရေးကို ရင်းနှီးမြှုပ်နှံမှုများ မြှင့်တင်သွားရန် စီစဉ်နေသည်ဟုဆိုသည်။

Facebook ၏ အမှုဆောင်ချုပ် မက်ဇင်ကာဘတ်က ရွေးကောက်ပွဲများကို လွှမ်းမိုးရန် Facebook အား အသုံးပြုရေး ကြိုးပမ်းမှုများကို တိုက်ဖျက်သွားမည်ဖြစ်ကြောင်း ကြေညာခဲ့သည်။ Facebook အား ခြယ်လှယ်မှုများကို ကာကွယ်ရန်အတွက်လည်း အရေးယူဆောင်ရွက်သွားမည်ဟု သူက ဆက်တိုက်ထုတ်ပြန်ခဲ့သည်။

ယခုအခါ အမေရိကန် ဥပဒေပြု အမတ်များက Facebook  နှင့် Twitter များပေါ်မှ နိုင်ငံရေး ကြော် ငြာများနှင့်ပတ်သက်၍ စည်းမျဉ်းဥပဒေများ ပြဋ္ဌာန်းရန် လိုလားနေကြသည်။ ထိုဥပဒေပြု အမတ်များက လွန်ခဲ့သည့်နှစ် သမ္မတ ရွေးကောက်ပွဲတွင် လွှမ်းမိုးမှုရရှိရန် ဟက်ကာများက အင်တာနက်ကို အသုံးပြုခဲ့မှုများ ရှိခဲ့သည်ကို စိုးရိမ်ထိတ်လန့်မှုများ ဖြစ်ပေါ်လာပြီး ဥပဒေပြု လွှတ်တော်တွင် ရုပ်မြင်သံကြား၊ ရေဒီယိုနှင့် လူမှုမီဒီယာများတွင် နိုင်ငံရေး ကြော်ငြာအတုများ ထည့်သွင်းခဲ့မှုများကို အရေးယူနိုင်ရန် ထိုဥပဒေကြမ်းကို တင်သွင်းခဲ့ကြသည်။

ယင်းဥပဒေကြမ်းကို ဒီမိုကရက်တစ်ဆီးနိတ် အမတ် Amyklibuc-har နှင့် Mark Warner ၊ ရီပတ်ပရီကန်အမတ်  John Mc Cain တို့က ပူးပေါင်းတင်သွင်းခဲ့ခြင်းဖြစ်သည်။ တည် ဆဲရွေးကောက်ပွဲဥပဒေကိုပြင်ဆင်ပြီး ဒစ်ဂျစ်တယ်နိုင်ငံရေး ကြော်ငြာအတုများကို မီဒီယာများဖြစ်သည့် Facebook , Twitter နှင့် Google များပေါ်တွင်လည်း အသုံးပြုခြင်းကို အရေးယူနိုင်ရန် ရည်ရွယ်၍ တင်သွင်းခဲ့ခြင်းဖြစ်သည်ဟုဆိုသည်။

ယခုအခါ ၂ဝ၁၆ ခုနှစ် အမေရိကန်သမ္မတ ရွေးကောက်ပွဲတွင် ရုရှားနိုင်ငံက ကြော်ငြာအတုများ အသုံးပြု၍ ရီပတ်ပရီကန်သမ္မတ ဒေါ်နယ်ထရန့် အနိုင်ရရှိရေးအတွက် ဆောင်ရွက်ခဲ့သည်ဟု မသင်္ကာသဖြင့် ဆိုရှယ်မီဒီယာ ကုမ္ပဏီများကို ဥပဒေပြုလွှတ်တော်က ပိုမိုပြီး စုံစမ်းစစ်ဆေးမှုများကို ပြုလုပ်လာခဲ့ကြသည်ဟု သိရပေသည်။

မောင်ပုဆိုးကြမ်း

Ref: “CYBER RISK” By Patricia Zengerle and Dustin volz (Reuters).

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.