16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
ကိုးလသက်တမ်းအတွင်း အမေရိကန်သမ္မတ ဒေါ်နယ်ထရန်၏ အကျိုးသက်ရောက်မှု

နေ့စဉ်သောသောညံဖြစ်ရပ် ပေါင်းစုံနှင့် Twitters ပေါ် တိုက်ခိုက်မှုများကြားက အမေရိကန်သမ္မတ ဒေါ်နယ်ထရန့်သည် မိမိသက်တမ်း ကိုးလတာကာလအတွင်း အမေရိကန်နိုင်ငံသားများ၏ ဘဝနှင့် ကမ္ဘာ့ပြဿနာအချို့အပေါ် အကျိုးသက်ရောက်မှုများရှိခဲ့ပါသည်။ သူ၏ ရွေးကောက်ပွဲကာလက ပေးခဲ့သော ကတိများကို အကောင်အထည်မဖော်နိုင် သေးသော်လည်း အမေရိကန်နိုင်ငံ သားများ၏ ဘဝကို အနည်းနှင့်အများ ပြောင်းလဲအောင် ဆောင်ရွက်ခဲ့ပါသည်။

သူ၏ သက်တမ်းကိုးလအတွင်း စီးပွားရေးနှင့် ပတ်သက်သည့် စည်း မျဉ်းဥပဒေများကို ပြင်ဆင်သည့် အမိန့်များ ထုတ်ပြန်ခဲ့သည်။ စက်မှုလုပ်ငန်းများဖြစ်သော စွမ်းအင်လုပ်ငန်းမှသည် လေကြောင်းလိုင်းများအထိ စည်းမျဉ်းဟောင်းများကို ပြန်လည် ပြင်ဆင်ရေးဆွဲရန် လမ်းညွှန်မှုပေးခဲ့ သည်။ သာမန်ပြည်သူများအပေါ်ထက် ဗျူရိုကရက်အရာရှိကြီးများအပေါ် တင်းကျပ်သည့် စည်းမျဉ်း စည်းကမ်းများကို ပြင်ဆင်ပြဋ္ဌာန်းစေခဲ့သည်။

ဝေဖန်သူများက သမ္မတဟောင်း ရော်နယ်ရီဂင်နောက်ပိုင်း စည်းမျဉ်းစည်းကမ်း ပြန်လည်ပြုပြင် ပြဋ္ဌာန်းမှု အကြီးအကျယ်ဆုံးဖြစ်သည်ဟု ဆိုပါသည်။ စီးပွားရေးလုပ်ငန်းရှင် အများအပြားက မဲဆွယ်စဉ်ကာလအတွင်း သူကတိပြုခဲ့သော စီးပွားရေးနှင့် ပတ်သက်သည့် အနှောင့်အယှက် အဟန့် အတားရှိနေသည့် စည်းမျဉ်းစည်းကမ်း၊ ဥပဒေများကို ပြင်ဆင်နိုင်ခဲ့သည်ဟု ချီးကျူးကြသည်။ သို့သော် ဝေဖန်သူများက သူ၏ ပတ်ဝန်းကျင်ထိန်းသိမ်းရေးနှင့် အလုပ်သမားများ အခွင့်အရေးကာကွယ်မှုတို့တွင် လျော့ ရဲလာသည်ဟု ထောက်ပြထားပါသည်။

အမေရိကန်နှင့် ကုန်သွယ်ရေးတွင် များစွာအသာစီးရနေကြသော ဂျပန်၊ တောင်ကိုရီးယား၊ တရုတ်ပြည်သူ့ သမ္မတနိုင်ငံနှင့် တရုတ်(တိုင်ပေ) နိုင်ငံတို့မှ ခေါင်းဆောင်များအား အမေရိကန်နိုင်ငံသို့ ခေါ်ယူညှိနှိုင်းပြီး ၄င်းတို့၏ အသာစီးရရှိနေမှုကို လျှော့ချရန် ဖိအားပေးခဲ့သည်။

နိုင်ငံတကာရေးရာ၌ ကုလသမဂ္ဂအဖွဲ့ကြီး၏ ဗျူရိုကရေစီ ယန္တရားဖောင်းပွနေမှု၊ စီမံခန့်ခွဲရေးစနစ် လွဲချော်နေမှုများကို ထရန့်သည် ကုလသမဂ္ဂဌာနချုပ်သို့ ရောက်ရှိစဉ်ဝေဖန်ပြောကြားခဲ့သည်။ ကုလသမဂ္ဂကို ကမ္ဘာ့ငြိမ်းချမ်းရေးအား ထိန်းသိမ်း စောင့်ရှောက်သည့် ပိုမို၍ စွမ်းပကား ကြီးမားသော အဖွဲ့အစည်းကြီးအဖြစ် ရပ်တည်နိုင်စေရေးအတွက် ပြုပြင်ပြောင်းလဲရေး လုပ်ဆောင်ရန် တိုက် တွန်းပြောကြားခဲ့သည်။

သမ္မတအဖြစ် ထရန့်တာဝန်ယူ ချိန်မှစ၍ ဥပဒေမဲ့ရွှေ့ပြောင်းအခြေ စိုက်နေထိုင်သူများကို ထိရောက်စွာ ကိုင်တွယ်သွားရန် ဦးတည်ဆောင်ရွက်လာခဲ့သည်။ အမေရိကန် လူဝင် မှုကြီးကြပ်ရေးနှင့် အကောက်ခွန်ဌာနမှ တာဝန်ရှိသူများသည် လေးရက်ကြာစစ်ဆင်ရေးကို ဆင်နွှဲခဲ့ပြီး နိုင်ငံတွင်းဥပဒေမဲ့ နေထိုင်သူ နိုင်ငံခြားသား ၄၉၈ ဦးကို ထိန်းသိမ်းခဲ့သည် ဟု သိရသည်။

ယခင်သမ္မတ အိုဘားမား လက်ထက်တွင် ကလေးဘဝကတည်းက တရားမဝင်ရောက်ရှိသူများ ကာကွယ်ရေးစီမံချက်ကို ဆောင်ရွက်ခဲ့သည်။ ¤င်းစီမံချက်အရ လျှောက်ထားသူများ သည် ခွင့်ပြုချက်ရရှိလျှင် အမေရိ ကန်နိုင်ငံတွင် တရားဝင်နေထိုင်ခွင့်၊ ယာဉ်မောင်းလိုင်စင်ရယူခွင့်၊ ကျောင်း တက်ခွင့်နှင့် အလုပ်လုပ်ခွင့်များ ရရှိခဲ့ကြသည်။ ထိုအခွင့်အရေးကို ရရှိခဲ့သည့် အများစုမှာ မက္ကဆီကိုနှင့် အမေရိက အလယ်ပိုင်းဒေသမှ လူငယ်များ ဖြစ်ကြပါသည်။ ယခုအခါ ထိုအစီအစဉ်ကို သမ္မတထရန့်က ရပ်ဆိုင်းရန် ဆုံးဖြတ်လိုက်သဖြင့် တရားဝင်နေထိုင်ခွင့် ဆုံးရှုံးတော့မည့် အနေအထားတွင် ရောက်ရှိသွားသည်။ ထရန့်က သမ္မတတစ်ဦးအနေနှင့် အမေရိကန်ပြည်သူများနှင့် ဖွဲ့ စည်းပုံ အခြေခံဥပဒေကို ကာကွယ်ရန် တာဝန်ရှိသဖြင့် ထိုကဲ့သို့ ဆုံးဖြတ်ရသည်ဟုဆိုပါသည်။ အမေရိကန်နိုင်ငံတွင်  အလုပ်လက်မဲ့ဦးရေ လေးသန်းကျော်ရှိပြီး ၄င်းတို့ထဲတွင် ထက်ဝက်ခန့်မှာ အာဖရိက၊ စပိန် စသော  ပြည်ပမှတရားမဝင်ရောက် ရှိသူများ ဖြစ်ကြသည်ဟုသိရသည်။

လုံခြုံရေးနှင့် ပတ်သက်၍ ထရန့်က ''အမေရိကန်သမ္မတတွေနဲ့ အစိုးရတွေဟာ မြောက်ကိုရီးယားနဲ့ ၂၅ နှစ်လောက် ဆွေးနွေးခဲ့ကြပါတယ်။ အလုပ်မဖြစ်ခဲ့ပါဘူး''ဟု Twitters ပေါ်တွင် ရေးသားခဲ့သည်။ မြောက်ကိုရီးယား၏ နျူကလီးယား စမ်းသပ်မှုများကြောင့် နှစ်နိုင်ငံဆက်ဆံရေး တင်းမာနေပြီး ဝါရှင်တန်က ပြုံယမ်းကိုဒုံးကျည်စမ်းသပ်မှုများ ရပ်ဆိုင်းရန် ဖိအားပေးလျက်ရှိသည်။ သမ္မတထရန့်က အမေရိကန် အကျိုးစီးပွားနှင့်ဒေသတွင်း မဟာမိတ်များကို ကာကွယ်ရန်အတွက် လိုအပ်ပါက မြောက်ကိုရီးယားကို ဖျက်ဆီးပစ် မည်ဟု ခြိမ်းခြောက်ပြောဆိုထားသည်။

ထရန့်က အကြမ်းဖက်သမားများ၏ ဘေးအန္တရာယ်မှ မိမိနိုင်ငံအား ကာကွယ်စောင့်ရှောက်ရန်အ တွက် အမျိုးသားလုံခြုံရေးဆိုင်ရာ အခြေအနေနှင့်အညီ အာဖဂန်နစ္စတန်၌ အမေရိကန် တပ်ဖွဲ့များ ဆက်လက်ရှိနေစေရေးကို တောင်အာရှဒေသဆိုင်ရာ မဟာဗျူဟာသစ်တွင် ထုတ်ပြန်ကြေညာခဲ့သည်။ ယင်း မဟာဗျူဟာအရ အကြမ်းဖက်သမားများက ပါကစ္စတန် ပိုင်နယ်မြေကို ဘေးကင်းလုံခြုံစွာ ခိုလုံနိုင်သောနေရာအဖြစ် အသုံးပြုနိုင်ခြင်းမရှိစေ ရေးအတွက် ပါကစ္စတန် အစိုးရက တာဝန်ယူမှု၊ တာဝန်ခံမှုရှိစေရန် ဖော်ပြထားပေသည်။

 

မောင်ပုဆိုးကြမ်း

Ref: “Trump Effect” By John Whitesides (Reuters)

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.