14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
ဖရိုဖရဲနဲ့ အသားကျတည်ငြိမ်နေတဲ့ မြို့

တစ်နေ့တာ ကန့်လန့်ကာ စတင်ဖွင့်လိုက်တာနဲ့ မြို့ရဲ့အဓိကလမ်းမကြီးလေးခုမှာ ကုန်တင်ကားတွေ၊ ဘက်စ်ကားတွေ၊ စက်ဘီးတွေနဲ့ ဆိုင်ကယ်တွေဟာ အလျင်စလိုနေရာ လုသွားလာနေတာကို စတွေ့ရလိမ့်မယ်။ အလျင်စလို ဆိုပေမယ့် လျင်လျင်မြန်မြန် ခရီးတွင်နေတာမျိုးတော့ မဟုတ်ပါဘူး။ အချို့နေရာတွေမှာ ရှေ့မတိုးသာ နောက်မဆုတ်သာ ယာဉ်တစ်စီးစာမှာ ဘီးတစ်လှိမ့်စာ နေရာလေးကို လျင်သူယူစတမ်း အ လုအယက်ဖွေရှာမောင်းနှင်နေရင်းက ယာဉ်ကြောပိတ်ဆို့မှုများနဲ့ အစဉ် နပန်းလုံးနေရတဲ့မြို့ပါ။ သူကတော့ ဟိုချီမင်းပေါ့။

ဟိုချီမင်းလို့ ဆိုလိုက်ရင်ပဲ ဗီယက်နမ်ရဲ့ခေါင်းဆောင်ကြီးကို ပြေး မြင်နိုင်သလို ဆိုင်ဂုံကနေ အမည်သစ်မှည့်ခေါ်လာတဲ့ ဟိုချီမင်းမြို့ဆိုပြီး နှစ်မျိုးခွဲပြီး သိကြမှာပါ။ များ သောအားဖြင့် ဗီယက်နမ်ရဲ့ ရဲဘော်ကြီး ဒါမှမဟုတ် သမ္မတကြီးကို မြန်မာတွေအနေနဲ့ စာရေးဆရာ လူထုဒေါ်အမာ၊ မိုးညို၊ မောင်နေဝင်း၊  လင်းယုန်မောင်မောင်၊ နေစိုးထက် တို့ရေးသားကြတဲ့ ''ဟိုချီမင်း'' ဆိုတဲ့ အတ္ထုပ္ပတ္တိ စာအုပ်တွေကနေ တစ် ဆင့်  အကျွမ်းတဝင် ရှိခဲ့ပြီးဖြစ်မှာပါ။ 'ဟိုချီမင်းမြို့' ကိုတော့ 'ယာဉ် ကြော ပိတ်ဆို့တာကတော့ ဒို့မဟာ ရန်ကုန်လိုပဲဟေ့၊ အာရှထဲက ကား လမ်းသိပ်ကျပ်တဲ့မြို့' ဆိုပြီးထည့် ပြောနေကျပဲ မဟုတ်လား။

တကယ်တော့လည်း ဗီယက်နမ်က မြို့ပြတွေဟာသန်းချီနေတဲ့ ဆိုင်ကယ်ယာဉ်ကျေးမှုတွေ ပျားပန်းခတ်တမျှ ရှုပ်ထွေးမင်းမူနေလွန်းလို့ သူ့ဆီသွားလည်ရင် မလွဲမသွေ ရင်ဆိုင်ပြီးမှ အသားကျသွားမယ့်  ကိုယ် တွေ့အခက်အခဲလို့တောင် ဆိုနိုင်လောက်တယ်။ ဆိုင်ဂုံမှာ နိစ္စဓူဝ ကားလမ်းဖြတ်ကူးရတဲ့ အရေးဟာ  အသည်းထိပ်စရာ အတိပဲလို့လည်း အနောက်ဘက် နိုင်ငံကြီးသားတွေက တခုတ်တရတင်စားညည်းတွားကြသေးတယ်။ ဒါပေမယ့် သူတို့အတွက် ကြူကြူပါအောင် စာဖွဲ့သမျှဟာ  ဟိုချီမင်းသားတွေ အတွက်တော့ ထမင်းစားရေသောက်ပမာ တည် တည်ငြိမ်ငြိမ် ရင်ဆိုင်ဖြတ်သန်းနေ ဆဲပါ။

ဒါကြောင့်လည်း ဟိုချီမင်းက စေတနာ့ဝန်ထမ်းလုပ်ငန်းတွေထဲ ဝင်နွှဲခဲ့ဖူးတဲ့ ရှီကာဂိုသား ကယ်စီချန်းက ဆိုင်ဂုံဟာ တစ်ချိန်လုံး ဖရိုဖရဲနိုင်လွန်းပေမယ့် တကယ့်ကို တည် ငြိမ်အေးဆေးတဲ့ နေရာလို့ ကိုးလိုး ကန့်လန့် မှတ်ချက်ချထားရတယ်။

မြို့က ပျာယာခတ်နေပေမယ့် လူတိုင်းရဲ့ မျက်နှာမှာ အလွယ်တကူ ခင်မင်ရင်းနီးလိုတဲ့ အသွင်က အထင်းသားပေါ်လွင်နေပါတယ်။ ဒါဟာ ဧည့်သည်တွေအပေါ်မှာထားတဲ့ ပကတိစိတ်ထားပါ။ ဗီယက်နမ်သား ဟိုချီမင်းသားတွေအနေနဲ့ သူစိမ်းတွေအပေါ် ဒီလိုပြုမူနိုင်တာကို ဘာကြောင့် အရေးတယူလုပ် ပြောနေသလဲဆိုတာ ဗီယက်နမ်စစ်ပွဲတွေအကြောင်း ကြားဖူးသူတိုင်း သိကြမှာပါ။ အာဃာတကြီးသူတွေဆိုရင် သင်ပုန်း ခြေနိုင်ခဲတဲ့ ပြင်သစ်လို၊ အမေရိကန်လို နိုင်ငံကြီးတွေနဲ့ ဆင်နွဲခဲ့ရတဲ့ နှစ် ရှည် စစ်ပွဲကြီးတွေကို လွယ်လွယ် မေ့ပျောက်ပေးနိုင်မှာ မဟုတ်ပါဘူး။

သူတို့ ရင်ဆိုင်ခဲ့ရတဲ့ စစ်ပွဲတွေအပေါ် စာရေးဆရာ လင်းယုန်မောင်မောင်က ဟိုချီမင်းစာအုပ်မှာ 'ဗီယက်နမ်စစ်သည် လူ့သမိုင်းတွင် အရိုင်းစိုင်းဆုံး၊ အကြမ်းကြုတ်ဆုံး စစ်ပွဲတစ်ပွဲပင်ဖြစ်ကြောင်း ကုလသမဂ္ဂအတွင်းဝန်ချုပ် ဦးသန့်ကိုယ် တိုင်မှတ်ချက်ချခဲ့သည်' လို့ ရေးသားခဲ့တယ်။ ဒီစစ်ပွဲကြောင့် အမေရိကန်တို့ အရှက်ရစရာဖြစ်ခဲ့သလို ဟိုချီမင်းဆိုတဲ့ ဗီယက်နမ်ခေါင်းဆောင်ဟာလည်း ကမ္ဘာသိထင်ပေါ် လေးစားခံလိုက်ရပါတယ်။ နိုင်ငံကြီးတွေရဲ့ ကျူးကျော်မှုနဲ့ စစ်တလင်းလာကျူးတဲ့ လုပ်ရပ်တွေကို သင်ပုန်းချေပြီး ပျူပျူငှာငှာ ဆက်ဆံကြတယ်ဆိုတာ  နိုင်ငံကြီးသား စိတ်ဓာတ်ကို လှစ်ဟနေသလိုပါပဲ။ ဟိုချီမင်းသားတွေ၊ ဆိုင်ကယ်ကယ်ရီသမားတွေက အဲဒီလောက် သဘောကောင်းတယ်လို့ ဆိုကြတယ်။

၂ဝ၁၅ ခုနှစ်ကတည်းက ယူကေကနေ ဟိုချီမင်းကို ပြောင်းပြီး Horizon Guides ကို တည်ထောင်ခဲ့တဲ့ မက်ဘာကာဆိုသူကလည်း ''ဟိုချီမင်းကို ရောက်စမှာ ပရမ်းပတာနိုင်တဲ့ အသွင်ကိုကြည့်ပြီး ချက်ချင်းကျွဲမြီး တိုစရာကောင်းနေလိမ့်မယ်။ တကယ်လို့ တစေ့တစောင်း အကဲခတ်ချိန် လေးများ ရခဲ့ရင်တော့ ဟိုချီမင်းသား တွေရဲ့ သဘောထားနဲ့ ပင်ကိုစရိုက်ဟာ သဘောကျစရာလို့ တွေ့ရလိမ့်မယ်''လို့ ဆိုပါတယ်။ ဟိုချီမင်းကို ရောက်ဖူးတဲ့ သူတိုင်းစွဲလမ်းတဲ့ နောက်တစ်ချက်ကတော့ လမ်းမထက်က အစားအစာတန်းတွေရဲ့ ဈေးသက်သာပြီး အရသာကောင်းလှတဲ့ အချက် ကိုလည်း ချန်ထားလို့ မဖြစ်ပါဘူး။

တစ်ခုခုအပေါ်မှာ ''ဒါကို မလိုချင်ဘူးလားလို့မေးရင်'' အနောက်တိုင်းသားတွေက ‘Yes’ ဟုတ်တယ် (မလိုချင်ဘူး) လို့ ပြောလေ့ရှိပေ့မယ့် ဟိုချီမင်းသားတွေကတော့ မြန်မာ တွေလိုပဲ ‘No’ ဆိုပြီး မလိုချင်ဘူးလို့ ပြန်ပြောကြပါလိမ့်မယ်။

ငွေကြေးဖောင်းပွတဲ့ ဗီယက်နမ်ရဲ့ ဒေါင်(dong)နဲ့ မြန်မာကျပ်ကို အလွယ် တွက်ကြသူတွေက ဒေါင်ကို တစ်ဝက်ဝက်ပြီး သုညတစ်လုံး ထပ်ဖြုတ်လိုက်ရင် တန်ဖိုးညီမျှတဲ့ ငွေပမာဏကို အလွယ်တွက်နိုင်လို့ ပြောကြပါတယ်။ ဥပမာ-ဒေါင်တစ် သောင်းကို တစ်ဝက်ဝက်လိုက်ရင် ငါးထောင်၊ ငါးထောင်ကို သုညတစ်လုံး ထပ်ဖြုတ်လိုက်ရင် ငါးရာ။ ဒါကြောင့် ဗီယက်နမ် ဒေါင်တစ်သောင်းဟာ မြန်မာငွေ ကျပ်ငါးရာနဲ့ ညီတယ်လို့ ယေဘုယျ တွက်ချက်နိုင်ပါတယ်။ ဒါကြောင့် နှစ်နဲ့စားပြီး သုညတစ်လုံး ထပ်ဖြုတ်လိုက်ပါ။ အဖြေ မြန်မာငွေ  ရပါလိမ့်မယ်။

ဗီယက်နမ်ရဲ့ စီးပွားရေးမြို့တော် ဟိုချီမင်းမှာ လူဦးရေ ၁ဝ သန်း တရားဝင်ဆိုင်ကယ် လိုင်စင်ဝင်ထားတာက ရှစ်သန်းကျော်ရှိပါတယ်။ ဟိုချီမင်းကို နယ်မြေ ၂၄ပိုင်းနဲ့ ပိုင်းခြားထားပြီး D1, D2 စသဖြင့် သိမှတ်နိုင်ပါတယ်။ ပြင်သစ်တို့ရဲ့ လက်အောက်ခံနိုင်ငံဘဝ  ကျရောက်ခဲ့ဖူးတဲ့ ဆိုင်ဂုံမှာ ပြင်သစ်ဆန် ဆန် အဝါနုရောင်နံရံတွေနဲ့ အနက်ရောင် ဝရန်တာပါတဲ့တိုက်တာတွေအပြင် တရုတ်ဟန်နွယ်နေတဲ့ အဆောက်အအုံတွေကို တွေ့မြင်ရပါ မယ်။

လူဦးရေ သိပ်သည်းတဲ့ ဟိုချီမင်းမှာ အခန်းမျက်နှာစာကျဉ်းကျဉ်းနဲ့ Tube House လို့ခေါ်တဲ့ တိုက်ခန်းသေးသေးလေးတွေကိုလည်း တွေ့ရတတ်ပါတယ်။ မီးခြစ်ဆံဘုး ထောင်ထားသလို အဝကျဉ်းအနောက်ရှည် တိုက်တွေ ဖြစ်ရလာရတာက ဟနွိုင်းနဲ့ ဟိုချီမင်းမြို့တော်တွေ စတင်ဖွံ့ဖြိုးလာခဲ့ချိန်က သတ်မှတ်ခဲ့တဲ့ အိမ် ရာအခွန်ဥပဒေကြောင့်လို့ ဆိုကြတယ်။ ဥပဒေအရ အခွန်ကောက်တဲ့အခါ တစ်စတုရန်းပေကို ဘယ်လောက်လို့ မကောက်ခံဘဲ မျက်နှာစာအကျယ်ကို တိုင်းပြီးကောက်ခံ ခဲ့ကြလိုTube house တွေ မှိုလိုပေါက်လာခြင်းပါပဲ။ ၅ထပ် ၇ထပ် စသဖြင့်ရှိကြပြီး အခုအချိန်မှာတော့ ခေတ်မီမိုးမျှော်တိုက်တွေ တဖြည်းဖြည်း နေရာယူလာပါပြီ။

မြို့လယ်ကောင် ဧရိယာကို ပိုင်ဆိုင်ထားတဲ့ D1 မှာ ဈေးဝယ်စင်တာတွေနဲ့ နာမည်ကျော် ဘန်ထန်းဈေးကြီးရှိပါတယ်။ အဲဒီ ဘန်ထန်းဈေးကြီးက ရန်ကုန်က ဗိုလ်ချုပ်ဈေးလိုပဲ နိုင်ငံခြားသားတွေကို အဓိကဖောက်သည် ရှာတတ်တာကြောင့် မလည်မဝယ် နိုင်ငံခြားသားဆိုရင် အချဉ်ဖမ်းခံရနိုင်တာကို သတိထားသင့်ပါတယ်။ မြို့ရဲ့ အချက်အချာဖြစ်ပြီး စည်ကားနေတဲ့ D1 ဟာ မြို့ရဲ့ ညမအိပ်တဲ့အပိုင်းလို့ ဆိုရမလားဘဲ။ D1 လိုပဲ D3 ကလည်း ကျောင်းတွေ၊ ရုံးခန်းတွေနဲ့ စည်းကားနေတတ်ပါတယ်။            အိမ်ခြံမြေလုပ်ငန်းတွေ မျက်စိကျတတ်တဲ့ နေရာကျတော့ ဆိုင်ဂုံမြစ်နားက  D2 နယ်မြေပါ။ ခေတ်မီတိုက်တာ အဆောက်အအုံတွေနဲ့ ဖွံဖြိုးမှုနှုန်း အလွန်မြန်တဲ့နေရာပါပဲ။ ဟိုချီမင်းမှာ နေချင်တဲ့သူတွေကတော့ ကျောင်း၊ ဈေးနဲ့ အလုပ်အသွားအပြန် အဆင်ပြေတာကို အဓိကထားပြီး ရွေးလေ့ရှိကြပေမယ့် တချို့ကတော့ လမ်းပေါ်ရေကြီးမယ့် အချိန် ကိုထည့်တွက်ပြီး ကိုယ်နေနိုင်မယ့် အရပ်ကို ရှာကြသူတွေလည်းရှိပါတယ်။ မိုးကာလကြာတတ်ပြီး မြစ်ဘက်ကို ဖောက်ချထားတဲ့ ရေနုတ်မြောင်းတွေရဲ့ အားနည်းချက်ကြောင့် ဆိုင်ကယ်ရေမြုပ်ကို ခေါင်းဖော်ပြီး တွန်းရတတ်တာ ဓလေ့တစ်ခုလိုပါပဲ။

D7 ကတော့ မြို့လယ်ကောင်က ကားဟွန်းသံတွေသာမက ရေလွှမ်းမိုးမှုဒဏ်လည်း အသက်သာဆုံး အပိုင်းတစ်ခုပါ။ လမ်းတွေကလည်း ကျယ်သလို ကိုရီးယားအစားအစာ နာမည်ကြီးတဲ့ နေရာလည်းဖြစ်တယ်။ ဂျပန်နဲ့ ဗီယက်နမ်သူဌေးတွေ အနေများပြီး ကျောင်းကြီးကျောင်းကောင်းတွေ ရံနေတဲ့ D7 ကတော့ ဟိုချီမင်းမှာ အခြားရပ်ကွက်တွေနဲ့မတူ ငြိမ်သက်အရပ်လို့ မှတ်ချက်ချနိုင်ကောင်းပါရဲ့။ D3 ကတော့ D1 နဲ့ နယ်နိမိတ်စည်းသာ ခြားပေမယ့် သူ့အိမ်နီးချင်း နယ်ပယ်ထက် သစ်ရိပ်ဝါးရိပ်တွေ ပိုပေါသလို ပြင်သစ်ကိုလိုနီ အဆောက်အအုံတွေ အလျှိုလျှိုတွေ့ရတတ်တဲ့ နေရာလည်း ဖြစ်ပါတယ်။

D1 နဲ့ D7 ကြားမှာညပ်နေပြီး ဟိုချီမင်းရဲ့ အသေးဆုံးနယ်မြေကိုတော့ D4 လို့ခေါ်ကြပါတယ်။ လူဦးရေထူထပ်သလောက် အခြေခံလူတန်းစားတွေချည်းသာ စုနေတတ်တယ်။ ဒုစရိုက်မှုတွေ များပြားလွန်းတဲ့ အပိုင်းဖြစ်ပေမယ့် အစားအသောက် နဲ့ ပတ်သတ်ရင် ဈေးချိုတာနဲ့ မြို့ရဲ့အကောင်းဆုံး လမ်းဘေးအစားအစာတွေ ရတတ်တာမို့ သူကလည်း တစ်မျိုးတစ်ဘာသာ နာမည်ရနေမယ်။ ဘယ်နိုင်ငံသွားသွား တရုတ်တန်းလို အရပ်မျိုး ရှာချင်သူတွေကတော့ ဟိုချီမင်းရောက်ရင် D5 ကို တန်းပြေးလေ့ရှိကြတယ်။ တရုတ်တွေ အများဆုံးရှိပြီး တရုတ်ဘုရားကျောင်းတွေနဲ့ ဈေးသက်သာတဲ့ တရုတ်စားသောက် ဆိုင်တွေ ရှိရာအရပ်ပဲ ဖြစ်တယ်။

Visit Myanmar Year 1996 လို့ ကြွေးကြော်ပြီး ကမ္ဘာလှည့် ခရီးသည်တွေကို မြန်မာက ဖိတ်ခေါ်နေချိန်တုန်းက လာပြီးလေ့လာခဲ့တဲ့ ဗီယက်နမ်ဟာ ၂ဝ၁၆ ခုနှစ်ကစပြီး ဟိုချီ မင်းမှာ ဂျပန်ရဲ့ပူးပေါင်းမှုနဲ့ မြေအောက်ရထားလမ်း စီမံကိန်းတွေ စတင်နေခဲ့ပါပြီ။

ဟိုချီမင်းကိုရောက်တဲ့အခါ မသွားမဖြစ် သွားလေ့လာသင့်တဲ့ နေရာကတော့ ချူချီမြေအောက် လိုဏ်ခေါင်းပါပဲ။ ၁၉၆ဝ-၁၉၇၅ အတွင်း အမေရိကန်နဲ့ မဟာမိတ်တွေ ဗီယက်နမ်ကို စစ်လာခင်းကြတဲ့ကာလတွေမှာ စစ်ရေးဗျူဟာအနေနဲ့ တူးခဲ့ပြီး ၇၅ မိုင်လောက်ရှည်လျားတဲ့ ဥမင်ကြီးပါ။ ဥမင်ထဲမှာ လေဝင်ပေါက်၊ စတိုခန်း၊ မီးဖိုချောင်ကနေဆေးခန်း၊ ခွဲစိတ်ခန်းအထိ တည်ထားလို့ လျှို့ဝှက် မြေအောက်မြို့တော် အလားပဲ။ ဒါပေမယ့် အမေရိကန်တွေကို ပျောက်ကျားစစ်နဲ့ တိုက်ဖို့စီစဉ်ခဲ့တာ ကတစ်ကြောင်း ခေါင်းဆောင်ကြီး ဟိုချီမင်းကိုယ်တိုင် တိုင်းပြည်တည် ထောင်ချိန်မှာ တစ်နေ့ ခေါက်ဆွဲတစ်ပွဲသာ ဦးဆောင်စားလို့ လူသေးလူညှပ်တွေဖြစ်ကုန်အထိ ကျားကုတ် ကျားခဲတပ်စွဲနေခဲ့ကြတဲ့ နေရာဖြစ်တာကလည်း တစ်ကြောင်းဆိုတော့ သာသာယာယာတော့ မဟုတ်ဘူးပေ့ါ။

ဥမင်ထဲမှာ အချို့နေရာတွေဟာ ကြွက်တိုးသလိုတိုးရပြီး အချို့နေရာတွေမှာ ခါးကို ၉ဝ ဒီဂရီလောက် ကိုင်း ပြီးမှ ဝင်ကြရတယ်။ ကီလိုမီတာ  ၁၂ဝ အပြည့် လျှောက်ကြည့်နိုင်တဲ့ ကမ္ဘာလှည့်ခရီးသည်ဆိုတာ မရှိသလောက်ရှားလှတယ်။ ရောက်ဖူးတယ် ဆိုရုံလောက်သွားကြပြီး မြေအောက်မှာ သုံးနာရီလောက်ကြာအောင်နေ တဲ့ သူဆိုတာလည်း တွေ့ရခဲတယ်။ ဒါပေမယ့် ဗီယက်နမ်တွေကတော့ ချူချီလိုင်ခေါင်းထဲမှာ ၁၂ နှစ်လောက် ကြာအောင် နေခဲ့ပြီးမှ ကျူးကျော်စစ်တွေကို အောင်အောင်မြင်မြင်  တိုက် ခိုက် အောင်ပန်းဆင်နိုင်ခဲ့ကြရပါ တယ်။

ဒါကြောင့် ခရီးသွားတစ်ယောက်ကများ ဗီယက်နမ်တွေ ဥမင်ထဲမှာ ဘာကြောင့်နေနိုင်သလဲလို့မေးရင် စစ်ပွဲတွေအနိုင်ရဖို့နဲ့ တောင်မြောက် ပြန်လည်ပေါင်းစည်းပြီး မိသားစုတွေ ပြန်စုံကြနိုင်ဖို့ဆိုတဲ့ မျှော်လင့်ချက်နဲ့  ၁၂နှစ်ကြာအောင် နေနိုင်ခဲ့တယ်လို့ ဖြေကြပါလိမ့်မယ်။

သုနန္ဒခေတ်

သုနန္ဒခေတ်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.