14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
သမ္မတဒူတာတေး၏ ဖိလစ်ပိုင်နိုင်ငံ စီးပွားရေး

ဖိလစ်ပိုင်နိုင်ငံ၏ စီးပွားရေးသည် ယခုနှစ်တွင် ၆ ဒသမ ၈ ရာ ခိုင်နှုန်းတိုးတက်မည်ဟု ကြွေးမြီ အကဲဖြတ်ရေး အေဂျင်စီဖြစ်သည့် Moody’ invesetors Service က  ခန့်မှန်းထားပါသည်။

သို့သော် ဖိလစ်ပိုင်နိုင်ငံတောင်ပိုင်းရှိ မာရာဝီမြို့ကို အစ္စလာမ္မစ် အ ကြမ်းဖက်သမားများက တိုက်ခိုက်ပြီး သိမ်းပိုက်ခဲ့သဖြင့် တောင်ပိုင်း မင်ဒါ နာအိုကျွန်းတစ်ခုလုံးကို မာရှယ်လောပြဋ္ဌာန်းခဲ့ရသည့်အပြင် ယခုအခါ တစ်နိုင်ငံလုံးကိုလည်း မာရှယ်လောကြေညာနိုင်ဖွယ်ရာရှိသည်ဟု ပြောကြားထားသဖြင့် ပြည်တွင်းပြည်ပ စီးပွားရေး ယုံကြည်မှုကို ကျဆင်းစေနိုင်ကြောင်း၊ စီးပွားရေးအတွက် စွန့် စားလုပ်ဆောင်ရာတွင် အဟန့်အတားနှင့် အန္တရာယ်မြင့်မားကြောင်း သတိပေးထားပါသည်။

ထို့ပြင် သမ္မတဒူတာတေး၏ အစိုးရအဖွဲ့သည်နိုင်ငံ၏ စီးပွားရေး တိုးတက်မှုကို အာရုံစိုက်ဆောင်ရွက်နေသဖြင့် စီးပွားရေးစွမ်းဆောင်မှု ကျဆင်းနိုင်သည့် အလားအလာမရှိ သော်လည်း ခြိမ်းခြောက်မှုရှိလာနိုင်ကြောင်း Moody အေဂျင်စီက ထောက်ပြထားပါသည်။ ဒူတာတေး၏ အခြေခံအဆောက်အအုံဖွံ့ဖြိုးရေးကို အာရုံစိုက်မှုအပါအဝင် အားကောင်းသည့် စီးပွားရေးနှင့် ဘဏ္ဍာရေးမူဝါဒများက နိုင်ငံရေးနှင့် အခြားခြိမ်းခြောက်မှုများကို ချေဖျက်နိုင်ကြောင်း ထိုအေဂျင်စီ၏ အစီရင်ခံစာတွင် ဖော်ပြထားပါသည်။

ဒူတာတေး သမ္မတဖြစ်လာပြီးနောက် သူ၏သမ္မတသက်တမ်း ခြောက်နှစ်အတွင်း အမေရိကန်ဒေါ်လာ ဘီလီယံ ၁၈ဝ အကုန်အကျခံ၍ တိုင်းပြည်၏ အခြေခံ အဆောက် အအုံ တည်ဆောက်ရေး စီမံကိန်းကြီးကို အကောင်အထည်ဖော် ဆောင်ရွက်သွားမည်ဟု ကြေညာခဲ့ပြီး နိုင်ငံ GDP ၏ ခုနစ်ရာခိုင်နှုန်းအထိ သုံးစွဲသွားမည်ဟု ကတိပေးခဲ့သည်။ ယခု ချိန်အထိ အမေရိကန်ဒေါ်လာ ၁၆ ဘီလီယံတန်ဖိုးရှိဆောက်လုပ်ရေး စီမံကိန်းကြီး ၂၁ ခုကို လုပ်ကိုင်ခွင့် ချပေးထားပြီးဖြစ်သည်ဟုသိရသည်။ ထိုလုပ်ငန်းများထဲတွင် မနီလာ လေဆိပ်ပြန်လည် ပြုပြင်ရေးလုပ်ငန်း၊ နိုင်ငံတောင်ပိုင်း မင်ဒါနာအိုကျွန်းပေါ်ရှိ ရထားလမ်းဖောက်လုပ်သည့် လုပ်ငန်း၊ ဆိပ်ကမ်းများ ခေတ်မီအောင် အဆင့်မြှင့် တည်ဆောက်သည့် လုပ်ငန်း၊ လမ်းမကြီးများ၊ ရထားလမ်းများနှင့် ဆည်ရေပေး လုပ်ငန်းများပါဝင်သည်။

ဖိလစ်ပိုင်နိုင်ငံရှိ ဆောက်လုပ်ရေး ကုမ္ပဏီများသည် နိုင်ငံ၏ သွင်းကုန်များ တင်သွင်းရာတွင် အများဆုံးနေရာကို ရယူလာသဖြင့် ယခင်အစိုးရလက်ထက်တွင် ကုန်သွယ်မှု၌ ပိုငွေပြခဲ့ရာမှ ယခုအခါ လိုငွေပြလာပါသည်။ ထို့ကြောင့် ၁၁ နှစ်အတွင်း ဖိလစ်ပိုင်ငွေကြေးပီဆိုသည် အမေရိကန်ဒေါ်လာနှင့် ဖလှယ်ရာတွင် အနိမ့်ဆုံးသို့ ကျဆင်းခဲ့ပါသည်။

သို့သော် ဖိလစ်ပိုင်နိုင်ငံ ဗဟိုဘဏ် ဒုတိယဥက္ကဋ္ဌက ''ပီဆိုငွေ တန်ဖိုးကျပေမယ့် ပြည်ပမှာ သွားရောက်လုပ်ကိုင်နေကြတဲ့ ဖိလစ်ပိုင် နိုင်ငံသားတွေဆီက တစ်လကို ပြန်ပို့ ငွေဟာ ဒေါ်လာ ၂ ဘီလီယံရှိတဲ့အတွက် ငွေကြေးသုံးစွဲနိုင်အားမြင့်မား နေပြီး ရေရှည်မှာ ပို့ကုန်တန်ဖိုး ကောင်းလာနိုင်ပါတယ်။ မကြာမီ နှစ်အနည်းငယ်အတွင်း ပြည်ပက ကန် ထရိုက်လုပ်ငန်းတွေနဲ့ ပြည်ပမှာ သွားရောက်အလုပ်လုပ်နေကြတဲ့ ဖိလစ် ပိုင်နိုင်ငံသားတွေဆီက ဝင်ငွေဒေါ် လာ ဘီလီယံ ၄ဝ အထိ ဝင်လာစရာရှိတဲ့အတွက် ဘတ်ဂျက်လိုငွေပြမှုကို ကာမိနိုင်ပါတယ်''ဟု ထောက်ပြထားပါသည်။

ဖိလစ်ပိုင်ငွေကြေး ပီဆိုကို ပိုမိုယှဉ်ပြိုင်နိုင်စွမ်းရှိစေပြီး တစ်ချိန်တည်းမှာ အလုပ်အကိုင်အမြောက်အမြားကို ဖန်တီးပေးမည့် ငွေကြေးမူဝါဒကို ချမှတ်နိုင်ရေးအတွက် ဗဟိုဘဏ်ဥပဒေကို ပြင်ဆင်ရန်လည်း ဆောင်ရွက်နေသည်ဟု သိရပါသည်။ ဖိလစ်ပိုင်နိုင်ငံ၏ ပို့ကုန်လုပ်ငန်းသည် ၂ဝ၁၆ ခုနှစ် ဇူလိုင်လအထိ ၁၆ လ ဆက်တိုက်ကျဆင်းခဲ့ပြီးနောက် ထိုကဲ့သို့ ပြင်ဆင်ရန် အဆိုပြုလာကြသည်။

ပို့ကုန်ကျဆင်းမှုဒဏ်ကို ခံနိုင်ပြီး အလုံးစုံပါဝင်သော ဖွံ့ဖြိုးမှုအတွက် တွန်းအားပေးဆောင်ရွက်ရာတွင် အထောက်အကူပြုနိုင်ရန်အတွက် ဖိလစ်ပိုင် ဗဟိုဘဏ်သည် ယှဉ်ပြိုင်စွမ်းရှိသော ငွေလဲနှုန်းကို သတ်မှတ်နိုင်ပါက ပို့ကုန်လုပ်ငန်းများ အကျိုးအမြတ်ဖြစ်ထွန်းအောင် ဆောင်ရွက်လာနိုင်မည်ဟု ဆိုပါသည်။

ဖိလစ်ပိုင်နိုင်ငံ၏ ဗဟိုဘဏ်သည် အာဆီယံဘဏ်လုပ်ငန်းပေါင်း စည်းရေးမူဘောင်အရ ယခုနှစ် မတ်လ ၁၄ ရက်က မလေးရှား ဗဟိုဘဏ်နှင့် ကွာလာလမ်ပူမြို့တွင် ပူးတွဲ ဆောင်ရွက်ရန် သဘောတူစာချုပ် တစ်ရပ်ချုပ်ဆိုခဲ့သည်။ ၄င်းစာချုပ်သည် အာဆီယံအဖွဲ့ကြီးတွင် ပထမဆုံး ချုပ်ဆိုသော စာချုပ်ဖြစ်ပါသည်။ ဖိလစ်ပိုင်နိုင်ငံသည် နောက်ထပ် အာဆီယံနှစ်နိုင်ငံနှင့်လည်း အလားတူ စာချုပ်များချုပ်ဆိုကာ ဘဏ်လုပ်ငန်း များတိုးချဲ့ ဖွင့်လှစ်သွားမည်ဟု သိရသည်။

မကြာမီက မနီလာတွင် ကျင်းပခဲ့သော အာဆီယံအဖွဲ့ကြီး၏ နှစ် ၅ဝ ပြည့် အထိမ်းအမှတ် မိန့်ခွန်း၌ သမ္မတဒူတာတေးက တရုတ်နိုင်ငံ ဦးဆောင်ကြိုးပမ်းနေသည့် ဒေသဆိုင်ရာ ကျယ်ပြန့်သော စီးပွားရေး ပူးပေါင်းဆောင်ရွက်မှု RCEP အား ထောက်ခံကြောင်း ပြောကြားခဲ့ပါသည်။ ကိုယ်ကျိုးစီးပွား ကာကွယ်ရေးမူဝါဒအား ဆန့်ကျင်ခြင်းနှင့် အပြည်ပြည်ဆိုင် ကုန်သွယ်ရေးတွင် စည်းမျဉ်းများကို စောင့်ထိန်းရာ၌ အာဆီယံသည် ကမ္ဘာ၏ မည်သည့်အစိတ်အပိုင်းထက်မဆို ကြီးမားသော အင် အားစုဖြစ်ကြောင်း ပြောကြားခဲ့သည်။ ထို့အပြင် လွတ်လပ်စွာ ကုန်သွယ်ရေး သဘောတူညီမှုမှ နုတ် ထွက်ခဲ့သည့် အမေရိကန်သမ္မတ ဒေါ်နယ်ထရန့် အစိုးရကိုလည်း ပြင်းပြင်းထန်ထန် ဝေဖန်ခဲ့သည်ဟု သိရပါသည်။

မောင်ပုဆိုးကြမ်း

REF: Reauters. AFP

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.