14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
တစ်နှစ်လျှင် ဒေါ်လာတစ်ဘီလျံကျော် ရှာဖွေပေးနေသော ဗီယက်နမ်ကော်ဖီ

ဗီယက်နမ်နိုင်ငံ၏ ကော်ဖီထုတ်လုပ်မှု လုပ်ငန်းသည် လွန်ခဲ့သော ၁ဝ နှစ်အတွင်း အခိုင်အမာ ဖွံ့ဖြိုးတိုးတက်လာခဲ့ရာ တစ်နှစ်လျှင် ပမာဏ အားဖြင့် တန်ချိန် ၁ ဒသမ ၂ သန်းမှ ၁ ဒသမ ၅ သန်းအထိ ပြည်ပသို့ တင်ပို့ခဲ့သဖြင့် တန်ဖိုးအားဖြင့် အမေ ရိကန်ဒေါ်လာ ၁ ဒသမ ၇ ဘီလီယံ မှ ၁ ဒသမ ၈ ဘီလီယံအထိ ရရှိခဲ့ပါသည်။ ကော်ဖီလုပ်ငန်းကဏ္ဍ၏ တင်ပို့မှုသည် လယ်ယာကဏ္ဍ တင်ပို့ မှု၏ ၁၅ ရာခိုင်နှုန်းမှ ၂ဝ ရာခိုင်နှုန်း အထိ ရှိလာခဲ့သည်ဟု သိရသည်။

ဗီယက်နမ်နိုင်ငံသည် ကမ္ဘာတွင် ကော်ဖီဒုတိယ အများဆုံး တင်ပို့ရောင်းချနေသော နိုင်ငံဖြစ်လာပြီး ရိုဘတ်စတာ (Robusta) အမျိုးအစား ကော်ဖီထုတ်လုပ်မှုနှင့် ပြည်ပတင်ပို့မှုတွင် ဦးဆောင်လျက်ရှိပါသည်။ သို့ သော် ပြည်ပသို့ တင်ပို့ရာတွင် ကော်ဖီ စေ့အဖြစ်သာ တင်ပို့မှုက အများဆုံး ဖြစ်နေပါသည်။ ထို့ပြင် ကော်ဖီထုတ် လုပ်မှု လုပ်ငန်းများမှာလည်း အသေးစား ကုန်ထုတ်လုပ်ငန်းများသာဖြစ်ပြီး ကော်ဖီပင်များမှာလည်း နှစ်ကြာလာသဖြင့် အိုမင်းလာမှု၊ အရည်အသွေး ထိန်းသိမ်းရာတွင် ညံ့ဖျင်းမှုနှင့် ခေတ်နောက်ကျသောနည်း စနစ်များကို သုံးစွဲနေမှု စသည့်ပြဿနာ အများ အပြားနှင့်လည်း ရင်ဆိုင်နေရသည်ဟု သိရပါသည်။

''၂ဝ၃ဝ ပြည့်နှစ် ဗီယက်နမ် ကော်ဖီလုပ်ငန်းကဏ္ဍ အနာဂတ် ဖွံ့ ဖြိုးရေး''ဟူသော ခေါင်းစဉ်ဖြင့် ကော်ဖီလုပ်ငန်း ဖွံ့ဖြိုးတိုးတက်ရေး နှီးနှော ဖလှယ်ပွဲကို ၂ဝ၁၆ ခုနှစ်၊ ဒီဇင်ဘာလက ဟိုချီမင်းမြို့တော်တွင် ကျင်းပခဲ့ပါသည်။ ဗီယက်နမ်နိုင်ငံ ကော်ဖီ ထုတ်လုပ်ရေးလုပ်ငန်း၏ ထုတ်လုပ်မှု အရည်အသွေးနှင့် တန်ဖိုးတို့ကို မြှင့် တင်ပေးရန်အတွက် ဗီယက်နမ် ကော်ဖီထုတ်လုပ်မှုကဏ္ဍ၏ ဖွဲ့စည်းတည်ဆောက်ပုံကို ပြန်လည်ပြုပြင် လျက်ရှိကြောင်း ဗီယက်နမ် ကော်ဖီနှင့် ကိုကိုးအသင်း၏  ပြောကြားချက် ကို ဗီယက်နမ်နယူးသတင်းတွင် ဖော်ပြထားပါသည်။ ထိုအစီအစဉ်အရ ကော်ဖီစိုက်ပျိုးသည့် ဧရိယာခြောက်သိန်းတွင် အဓိကအားဖြင့် ထုတ်လုပ်မှုနှင့် အရည်အသွေးမြင့်မားသော အပင်သစ်များကို စိုက်ပျိုးထားကြောင်း ထိုအသင်း၏ ဥက္ကဋ္ဌ လောင်ဗန်တူက ပြောပါသည်။

ကော်ဖီထုတ်လုပ်မှု လုပ်ငန်း၏ ရည်မှန်းချက်မှာ ၂ဝ၃ဝ ပြည့်နှစ် ရောက်လျှင် ကော်ဖီပို့ကုန် တန်ဖိုး အမေရိကန်ဒေါ်လာ ၅ ဘီလီယံမှ ၆ ဘီလီယံအထိ ပြည်ပသို့ တင်ပို့ ရောင်းချနိုင်ရန်ဖြစ်ကြောင်း သူက ဆိုပါသည်။ ထိုသို့ ဆောင်ရွက်ရာတွင်  လက်ရှိပြုပြင်ပြီး ကော်ဖီ ၁ဝ ရာခိုင် နှုန်းကို ၃ဝ ရာခိုင်နှုန်းမှ ၄ဝ ရာခိုင် နှုန်းအထိ ရရှိလာအောင် ဆောင်ရွက်သွားမည်ဟု ပြောပါသည်။

လက်ရှိ၌ ဗီယက်နမ်နိုင်ငံ၊ ဒါးလက်ပြည်နယ်ရှိ ခရိုင် ၈ ခရိုင်တွင် ကော်ဖီစိုက် ဧရိယာ ဟက်တာ တစ်သိန်းမှ ထုတ်လုပ်သော ကော်ဖီတန် ချိန် ၄၇၅ဝဝ အတွက် ဘန်မဲ သောက်ကော်ဖီအဖြစ်  ပထဝီဝင်ဆိုင်ရာ အမှတ်အသား (Geographical Indication-GI) အသိအမှတ်ပြု လက်မှတ်ကို ဗီယက်နမ်အမျိုးသား ဥာဏပစ္စည်းပိုင်ဆိုင်ခွင့်ရုံးက အ တည်ပြုပေးခဲ့သည်ဟု သိရသည်။ ဘန်မဲသောက်သည် ဒါးလက်ပြည် နယ်ရှိ မြို့တစ်မြို့၏ အမည်ဖြစ်ပြီး ဘန်မဲသောက်ကော်ဖီအသင်းကို ဖွဲ့ စည်းထားရှိပါသည်။ ထိုမြို့တွင် ကော်ဖီစိုက်ဧရိယာ ဟက်တာ ၂ သိန်း ရှိပြီး နှစ်စဉ်ပျမ်းမျှကော်ဖီတန်ချိန် ၄၅ဝဝဝဝ ထုတ်လုပ်၍ ပြည်ပသို့ တင်ပို့ခြင်းဖြင့် အမေရိကန်ဒေါ်လာ သန်း ၅ဝဝ မှ ၆ဝဝ ခန့် ရရှိသည်ဟု သိရသည်။

ရိုက်တာ သတင်းဌာန၏ လေ့လာချက်အရ ၂ဝ၁၅-၂ဝ၁၆ ခုနှစ်အတွက် ဗီယက်နမ်နိုင်ငံ၏ ရိုဘတ်စတာကော်ဖီ၏ အရောင်းသည် ပရီမီယာ ကော်ဖီထက် မြင့်တက်လာသည်ကို တွေ့ရသည်ဟုဆိုသည်။ သို့သော် ၂ဝ၁၆ ခုနှစ်၊ ဇန်နဝါရီလအတွင်း ရိုဘတ်စတာ ကော်ဖီသီးခူးဆွတ်ပြီး ချိန်တွင် ကုန်ပစ္စည်း လက်ကျန်များပြားသဖြင့် ရောင်းဈေးနှုန်းသည် လွန် ခဲ့သော ၅ နှစ်ခွဲအတွင်း အနိမ့်ဆုံးသို့ ကျဆင်းသွားခဲ့ပြီး တစ်တန်လျှင် အမေရိကန် ဒေါ်လာ ၁၃၃၉ သာ ရရှိသည်ဟု ဆိုသည်။

နိုင်ငံတကာ ကော်ဖီအဖွဲ့အစည်း (International Coffee Organization -ICO) က ၂ဝ၁၅-၂ဝ၁၆ ခုနှစ် ကော်ဖီစိုက်ပျိုးရာသီတွင် ဗီယက်နမ် နိုင်ငံ၏ ကော်ဖီအထွက်နှုန်းသည် ၂ဝ၁၄-၂ဝ၁၅ ခုနှစ်ထက် ၃ ဒသမ ၈ ရာခိုင်နှုန်းပိုမိုထွက်ရှိပြီး ၆ဝ ကီလို ဂရမ် အိတ်ပေါင်း ၂၇ ဒသမ ၅ သန်း ထွက်ရှိမည်ဟု ခန့်မှန်းခဲ့သည်။

Fitch Ratings သုတေသန လုပ်ငန်းကလည်း ဗီယက်နမ်နိုင်ငံ၏ ကော်ဖီ ထုတ်လုပ်မှုသည် ၄ ရာခိုင်နှုန်း တိုးတက်လာပြီး ၆ဝ ကီလိုဂရမ် အိတ်ပေါင်း ၂၉ ဒသမ ၄၂ သန်း ထွက်ရှိမည်ဟု ခန့်မှန်းခဲ့သည်။

ရိုဘတ်စတာကော်ဖီအများဆုံး စိုက်ပျိုးသော ဒါးလက်ပြည်နယ်တွင် ၆ဝ ကီလိုဂရမ် ရိုဘတ်စတာကော်ဖီ တစ်အိတ်၏ ဈေးနှုန်းသည် ဗီယက် နမ်ငွေ ဒေါင် ၃ဝ၆ဝဝ မှ ၃၁ဝဝဝ (အမေရိကန် ဒေါ်လာ ၁ ဒသမ ၃၇ မှ ၁ ဒသမ ၃၉) သာ ရှိသဖြင့် ၂၆ လအတွင်း အနိမ့်ဆုံး ဈေးဟုဆိုသည်။ ဟိုချီမင်းမြို့တော်တွင် ရှိသော နိုင်ငံခြား ကုမ္ပဏီတစ်ခုမှ ကုန်သည်တစ်ဦးက ''ပြည်တွင်းမှာ ဈေးနှုန်းကျ ဆင်းနေတဲ့အတွက် ရိုဘတ်စတာ ကော်ဖီစေ့ အရောင်းအဝယ်ဟာ ကောင်းပါတယ်။ ပရီမီယာ အမျိုး အစားရဲ့ ဈေးနှုန်းကတော့ အပြောင်းအလဲ သိပ်မရှိဘူး''ဟု ပြောပါသည်။

ဗီယက်နမ်နိုင်ငံ၏ စိုက်ပျိုးရေး ဝန်ကြီးဌာန၏ လစဉ်ထုတ်ပြန်သော အစီရင်ခံစာအရ ဗီယက်နမ်နိုင်ငံ၏ တစ်လအတွင်း ကော်ဖီစေ့တင်ပို့မှု သည် တန်ချိန်  ၁၄၉ဝဝဝ ရှိသဖြင့် ယခင်နှစ်ကထက် ၈ ရာခိုင်နှုန်းတိုး မြင့်လာသည်ဟု ဆိုသည်။ ၂ဝ၁၅ ခုနှစ်၊ အောက်တိုဘာလမှစပြီး ၂ဝ၁၆ ခုနှစ်၊ ဇန်နဝါရီလအထိ ပြည်ပသို့ ကော်ဖီစေ့တန်ချိန်ပေါင်း ၄၈၆၆ဝဝ တင်ပို့ခဲ့သဖြင့် ယခင်နှစ် အလားတူ ကာလထက် ၁၂ ဒသမ ၆ ရာခိုင်နှုန်း တိုးတက်လာသည်ဟု သိရသည်။ တခြား ကုန်သည်တစ်ဦးကလည်း ''ကော်ဖီ၏ အရည်အသွေးက ကောင်းပါတယ်။ ဒါပေမယ့် သင်္ဘော တင်တဲ့အခါ ယခင်နှစ်တွေက လက်ကျန်အဟောင်း ၁ဝ ရာခိုင်နှုန်းတော့ ရောနှောပြီး ထည့်ပေးကြတယ်''ဟု ပြောပါသည်။ သို့သော် ဗီယက်နမ် အရာရှိများက ပြည်တွင်းတွင် ကော် ဖီဝယ်ယူသောက်သုံးသူဦးရေသည် တိုးတက်များပြားလာသဖြင့် တစ်နှစ်လျှင် ကော်ဖီစေ့တန်ချိန် နှစ်သိန်းငါးသောင်းခန့် ဝယ်ယူပြီး တစ်နိုင်ငံလုံးရှိ ဆိုင်များ၊ အိမ်များတွင် အသင့်သောက်သုံးနိုင်အောင် ထုတ်လုပ်ရောင်းချလာနိုင်သဖြင့် လက်ကျန် နည်းသွားသည်ဟု ထောက်ပြထားပါသည်။

 

မောင်ပုဆိုးကြမ်း

Ref: “Vietnam Coffee Sales Quicken: Export Volume Seen up” By Ho Binn Minn (Reuters).

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.