19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
သံမဏိစက်ရုံရေဆိုးများကြောင့် ဖြစ်ပွားလာသော ဗီယက်နမ်ကမ်းရိုးတန်း ရေထုအဆိပ်သင့်မှု ပြဿနာ

တရုတ် (ထိုင်ဝမ်)မှ ကုမ္ပဏီကြီး၏ သံမဏိစက်ရုံခွဲတစ်ခုကြောင့် ဗီ ယက်နမ်နိုင်ငံ အလယ်ပိုင်းဒေသတွင် အဆိုးရွားဆုံးပတ်ဝန်းကျင်ယိုယွင်း ပျက်စီးမှုကြီးတစ်ခုဖြစ်ပွားခဲ့ပြီး ၄င်း ပျက်စီးမှုကို ဆယ်စုနှစ်တစ်ခုကြာ သည့်တိုင်အောင် ပြုပြင်သွားရမည်ဟု မျှော်လင့်ရကြောင်းဗီယက်နမ်အစိုးရက ထုတ်ဖော်ပြောကြားခဲ့ပါသည်။ Formosa Ha Tinh Steel (FHS)  သံမဏိစက်ရုံသည် တရုတ် (ထိုင်ဝမ်)နိုင်ငံမှာ အခြေစိုက်သော Formosa Plastics ကုမ္ပဏီကြီး၏ အမေရိကန် ဒေါ်လာ ၁၁ ဘီလီယံတန်ဖိုးရှိ စက်ရုံခွဲတစ်ခုဖြစ်ပါသည်။ ထိုစက်ရုံကြီး ကြောင့် ကီလိုမီတာ ၂ဝဝ (မိုင်ပေါင်း ၁၂၅) ရှည်သည့် ဗီယက်နမ် ပင် လယ်ကမ်းခြေတစ်လျှောက်တွင် ရေ ထုအဆိပ်သင့်ပြီး ပင်လယ်ငါးတန်ချိန် ၁ဝဝ ကို သေကျေစေခဲ့သဖြင့် ယင်းကမ်းခြေတစ်လျှောက်တွင်ရှိသော ပြည်နယ်လေးခုမှ ငါးဖမ်းလုပ် ငန်းများ၊ စီးပွားရေးလုပ်ငန်းများနှင့် သဘာဝပတ်ဝန်းကျင်များ ပျက်စီးခဲ့ရ ပါသည်။

 

ရိုက်တာသတင်းဌာန၏ စုံစမ်းတွေ့ရှိချက်များကိုတုံ့ပြန်သောအားဖြင့် ဗီယက်နမ်နိုင်ငံ ပတ်ဝန်းကျင်ထိန်းသိမ်းရေးဝန်ကြီးက ၄င်းစက်ရုံသည် ချုပ်ဆိုထားသော သဘောတူညီချက် ၅၃ ချက်အနက် အချက် ၅ဝ အထိ ဖောက်ဖျက်ခဲ့ကြောင်း၊ ယခုအခါ ပင်လယ်ရေထုညစ်ညမ်းမှုဖြစ်ပေါ်စေသည့် အကြောင်းရင်းကြီး အချို့ကို ဖယ်ရှားရန် ဆောင်ရွက်နေကြောင်း အဓိကအားဖြင့် အဆိပ်အ တောက်ဖြစ်စေသည့်အစိုဓာတ်ဖြင့် ကုတ်မီးသွေးလောင်စာစနစ်ကိုဖြုတ် သိမ်းပစ်ရန်ဖြစ်ကြောင်း ပြောပါ သည်။

 

လွန်ခဲ့သောလပေါင်းများစွာကတည်းက ပင်လယ်ငါးအများအပြား သေဆုံးနေမှုမှာ သံသယရှိစရာဖြစ်လာပြီး ယင်းဒေသမှပြည်သူများကို အမျက်ဒေါသဖြစ်ပွားလာစေသဖြင့် ဟနွိုင်းအစိုးရနှင့် ဗီယက်နမ်နိုင်ငံတွင် အများဆုံး ရင်းနှီးမြှုပ်နှံပြီး စီးပွားရေး လုပ်ကိုင်နေသော ထို FHS ကုမ္ပဏီတို့သည် လျော်ကြေးအဖြစ်အမေရိကန် ဒေါ်လာ သန်း ၅ဝဝ ပေးရန် သဘော တူညီခဲ့ကြသည်ဟု သိရသည်။

 

၎င်းအဖြစ်အပျက်ကြီးက ဗီယက်နမ်ပြည်သူလူထုကို ရဲရင့်တက်ကြွလာစေပြီး လပေါင်းများစွာ ဗီယက်နမ်နိုင်ငံ၏ မြို့ကြီးများတွင် စုပေါင်းဆန္ဒပြပွဲများ ကျင်းပခဲ့ကြသည်။ လူမှုမီဒီယာများကလည်း ၄၁ နှစ်ကြာ ကွန်မြူနစ်ပါတီ၏ တင်းကျပ်စွာ ချုပ်ထိန်းခဲ့မှုကို ဝေဖန်ထောက်ပြလာကြသည်။ ရေထုညစ်ညမ်းမှုဒဏ်ကို ခံ စားနေရသောဒေသများမှ ပြည်သူလူထုထောင်ပေါင်းများစွာက ထိုပြဿနာကို အစိုးရ၏ ကိုင်တွယ်ဖြေရှင်းပုံနှင့်လျော်ကြေးပေးမှုများအပေါ် မကျေနပ်၍ ပြစ်တင်ဆန္ဒပြမှုများ ပြု လုပ်ခဲ့ကြသည်။

 

ပတ်ဝန်းကျင်ထိန်းသိမ်းရေး ဝန်ကြီးက FHS သံမဏိစက်ရုံသည် အစိုးရက အကြိမ်ကြိမ်သတိပေးနေသော်လည်း စက်ရုံကိုလုံခြုံစိတ်ချရအောင် တည်ဆောက်ခဲ့ခြင်းမရှိဟု ထောက်ပြခဲ့သည်။ သူက ‘FHS သံမဏိကုမ္ပဏီဟာ ပတ်ဝန်းကျင်ထိန်း သိမ်းရေးနဲ့ ပတ်သက်ပြီး အချက်အ လက်တွေကို ပြင်ဆင်ခဲ့ပါတယ်။ အထူးသဖြင့် အခြောက်ခံကုတ်မီးသွေးသုံးစနစ် (Dry Coking System) အစားအစိုကုတ် မီးသွေးသုံးစနစ် Wet Coking System ကို အသုံးပြုဖို့ ပြင်ဆင်ခဲ့ပါတယ်။ အဲဒီပြောင်းလဲမှုဟာ တရားမဝင်ပါဘူး''ဟု ပြောပါသည်။ ထိုဝန်ကြီး၏ ပြောကြားချက်ကို FHS သံမဏိစက်ရုံမှ ဖြေရှင်းချက်ပေးရန် ရိုက်တာသတင်းထောက်က တောင်းဆိုရာတွင် တုံ့ပြန်ဖြေရှင်းခြင်း မပြုခဲ့ဟုသိရသည်။

 

အစိုကုတ်မီးသွေးသုံးစနစ်ကိုအသုံးပြုရာတွင် အအေးခံရန်ရေကို အမြောက်အမြားအသုံးပြုရသဖြင့် ရေထုညစ်ညမ်းမှု ပိုမိုဖြစ်ပွားစေသည့် အပြင် အဆိပ်ငွေ့ပိုမိုထုတ်လွှတ်စေပါသည်။ ထိုညစ်ညမ်းသည် ရေထဲတွင် ဆိုင်းနိုတ် Cyanide ကဲ့သို့သော  အဆိပ်ဓာတ်များပါဝင်ပါသည်။ အခြောက်ခံကုတ် မီးသွေးသုံးစနစ်မှာ ပိုမိုသန့်ရှင်းပြီး ခေတ်မီစက်ရုံများတွင်အသုံးပြုကြပါသည်။ သို့သော် ကုန် ကျစရိတ်များပြားပါသည်။ ပတ်ဝန်းကျင်ထိန်းသိမ်းရေး ဝန်ကြီးက FHS သံမဏိစက်ရုံကို အခြောက်ခံကုတ် မီးသွေးသုံးစနစ်သို့ ပြောင်းလဲအသုံးပြုရန် ညွှန်ကြားထားကြောင်း ၄င်းလုပ်ငန်းကို ၂ဝ၁၉ ခုနှစ်၊ ဇွန်လ ၃ဝ ရက် နောက်ဆုံးထားပြီး ပြောင်းလဲ အသုံးပြုရန် သတိပေးထားကြောင်းပြောပါသည်။ သူကဆက်လက်၍ ယခုအခါ ရေအဆိပ်သင့်သည့် ဒေသများ၏အခြေအနေမှာ ကောင်းလာပြီဖြစ်ကြောင်း ပင်လယ်ရေတွင် အ ဆိပ်ဓာတ်ပါဝင်မှုနှုန်းကို ယခုအခါ ထိန်းချုပ်ထားနိုင်ပြီဖြစ်ကြောင်း အာမခံထားပါသည်။

 FHS  သံမဏိစက်ရုံ၏ ဒုတိယ ဥက္ကဋ္ဌ Chang Fu-ning ကမူ ၄င်း၏ စက်ရုံအနေဖြင့် ပြုပြင်ပြီး သက်ဆိုင်ရာအစိုးရက ခွင့်ပြုခဲ့လျှင် ယခု ၂ဝ၁၇ ခုနှစ်အတွင်းမှာပင် သံမဏိ ပစ္စည်းများထုတ်လုပ်သွားရန် အစီစဉ်ရှိသည်ဟုပြောပါသည်။ ၄င်းစက်ရုံကြီးသာ အပြည့်အဝပြီးစီးလျှင် အရှေ့တောင်းအာရှတွင် အကြီးမားဆုံးသံမဏိ စက်ရုံဖြစ်ဖွယ်ရာ ရှိပါသည်။ FHS ကုမ္ပဏီသည် ဗီယက်နမ်နိုင်ငံတွင် သံမဏိစက်ရုံအပြင်ပင် လယ်ရေနက်ဆိပ်ကမ်းကြီးတစ်ခုနှင့် အပူစွမ်းအားဖြင့်လျှပ်စစ်ဓာတ်အား  မီဂ္ဂါဝပ် ၁၅ဝဝ ထုတ်လုပ်နိုင်သော စက်ရုံကြီးတစ်ရုံတည်ဆောက်သွားရန် အစီအစဉ်ရှိသည်ဟု သိရပါသည်။

မောင်ပုဆိုးကြမ်း

Ref: Recovery From Formosa Ondustrial Disaster in Vietnam “Could Takea Decade” By My Pham & Mai Nguyen (Reuters).

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.