19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သင့်အတွက် ဗေဒင်
စနြေ၈ိုဟ် ဗြိစ္ဆာရာသီကို ရောက်ရင်ဖြင့် စာဆိုနှင့်အညီ မင်းပြောင်းမင်းလဲ ဖြစ်မည်လော

နက္ခတ်ဗေဒင် အဟောပညာသည် အာကာသကောင်းကင် ၁၂ ရာသီစက်တွင် ဂြိုဟ်နက္ခတ်တို့၏ ရွေ့လျားသွားလာမှုကို အခြေခံ ပြီး ဟောပြောသူ နက္ခတ်ဗေဒင်ပညာရှင်၏ အယူအဆနှင့် ဟောပြောရသော ပညာရပ် ဖြစ်သည်။

မည်သည့်ဟောကိန်းနှင့်ပင် ဟောဟော အမှားအမှန် ရှိစမြဲ ဖြစ်သည်။

သံချိုတိုင် ဦးကျော်လှ၊ ရုပ်သေးကိုင် ဦးကျော်လှ၊ သံချိုဆရာ ကြီး ဦးကျော်လှ၊ တဘောင်ဆရာကြီး ဦးကျော်လှ ဟူသော ဂုဏ်ပုဒ် များဖြင့် ထင်ရှားခဲ့သော မုံရွာခရိုင်၊ ဘုတလင်နယ်၊ မောင်းထောင်ရွာသား ဦးကျော်လှသည် သံချိုကဗျာ အများအပြားနှင့် လေး ချိုး၊ တေး ထပ်အချို့ကို ရေး သားပြီး နိုင်ငံရေး ဗေဒင်ဆိုင်ရာ ဟောကိန်းများကို ဟောဆိုခဲ့သည်။

အာကာသကောင်းကင်ရှိ ရွေ့လျားလှည့်လည် သွားလာနေကြသော တနင်္ဂနွေအစ ကိတ်ဂြိုဟ်အဆုံး ဂြိုဟ်ကြီးကိုးလုံးတို့ကို အခြေခံ ပြီး ဟောကိန်းထုတ်ခဲ့သည်။

ကောဇာဂြိုဟ်စီး ဂြိုဟ်နင်း ဂြိုဟ်မြင် ဂြိုဟ်ယှဉ် အဟောသက် သက်နှင့်ပင် ဟောခဲ့သည်။

ကောဇာစနေဂြိုဟ် တစ်လုံးတည်းကို အခြေခံပြီး နိုင်ငံရေး ဗေဒင်ဟောကိန်း ထုတ်ခဲ့သော ဦးကျော်လှ၏ သံချိုတစ်ပုဒ်ကို ဖော်ပြလို ပါသည်။

(၁) တစ်ဆယ့်နှစ်ရာသီ ညှိကာရုန်းလို့၊ လသုံးဆယ်တစ်ခွင် နေခဲ့၊ နှစ်ပေါင်းရေ သုံးဆယ်ကျရင်ဖြင့်၊ ထီးနန်းစံဘုရင်နှင့် ရဟန်းကြီး ရှင် ပန်းပင်၍ ထိပ်စေဘို့၊ ဒုဗ္ဘိက္ခံ - ဆန် ရေရှားတတ်သတဲ့၊ အများလူ တို့ သိစေရန်။

(၂) ပူရပြည်တည် စံပျော်သည့်၊ ဖြတ်ဘိုးတော် ဧကရာဇ်ကယ် က၊ ခြေမြစ်စွာ စာရခိုင်နှင့်၊ သာသနာပိုင် မောင်းထောင်ကြီးသို့၊ ခိုမှီးကာ ပုစ္ဆာလျှောက်တော့၊ အကောက်ကယ် မကြံလို့၊ မဖောက်ပြန် လမ်းမှန်သွား ရင်ဖြင့်၊ နဂါးဝယ် ကြယ်မူလနှင့်၊ တူမျှကာ စနေငြိစေတော့၊ ပြည်ကြီးရန်၊ ဘယ်မဖြုန်သင့်ဘု၊ နိယထုံ- သီဟတနှင့်၊ ဗျဂ္ဃစာကျင့်ရင်ဖြင့်၊ စာနှင့်ပင် အညီဖြစ်တတ်တဲ့၊ ဤနှစ်မှာ ဝါဆိုဦးက၊ နှစ်စနေ ဂဟေပူးမိမှ၊ ထွေထူး ကာ နောက်ကို ကြုန့်ပြန်ခဲ့၊ ကျားစတုန့်ပြန်။

(၃) သည်ဂြိုဟ်ကြယ် - သည်ကို ရောက်ရင်ဖြင့်၊ ပြည်ပေါက္ကံ၊ တရုတ်ပြေးတဲ့ မင်းခွေးချေး၊ နတ်ရွာကူးသည့်ပြင်၊ စောလူးနန်းစံကျခဲ့၊ ပင်းယမှာ စံရွှင်တဲ့၊ ငါးစီးရှင် ရာဇာ၏ သားကျော်စွာ ခန္ဓာကင်းစဉ်က၊  စီးနင်းသည့် ဂြိုဟ်ပါပတဲ့၊ အင်းဝမြေသာသည့်တိုင်းက၊ စစ်ကိုင်း မှာ ကိုး ကွယ်မှီးတဲ့၊ ငါးထပ်ကြီး ဒါယကာနှင့်၊ ဟံသာဝတီ ရောက်တဲ့ပြင်၊ ထို့နောက် စနေပူးတော့၊ စဥ့်ကူးစံ ရေသို့ယွန်းရှာ ရ၊ မြင် ကွန်းစံ ပုန်ကန်ရေးက၊ ဘထွေးတော် အိမ်ရှေ့လောင်းတို့၊ ရွှေ့ပြောင်းကာ စနေတပ်စဉ်က ခေါင်းဖြတ်၍ မြေမှာစံ၊ ပြည်နိုင်ငံ လှုပ်ရှား။

ဤသံချိုပါ ကြယ်နဂါးကို စနေဂြိုဟ်ဟု မှတ်ယူရမည်။

ဗြိစ္ဆာရာသီ၏ အမှတ်အသား နက္ခတ်သုံးလုံးဖြစ်သော အနုရာဓ နက္ခတ်၊ ဇေဌနက္ခတ်နှင့် မူလနက္ခတ်တို့သည်ြေ>ွမနဂါးပုံနှင့် တူသဖြင့် ကြယ်နဂါးဟု သမုတ်ခဲ့ကြသည်။

စနေဂြိုဟ်သည် တစ်ရာသီမှာ လပေါင်း ၃ဝ (နှစ်နှစ်နှင့်ခြောက်လ) ရွေ့လျားဖြတ်သန်းရာ ၁၂ ရာ သီစက်ကို နှစ်ပေါင်း ၃ဝ တွင် တစ် ပတ်ပတ်မိသည်။

နှစ်ပေါင်း ၃ဝ တစ်ကြိမ် ဗြိစ္ဆာရာသီကို ကောဇာစနေဂြိုဟ် ရောက်ရှိပြီး ကြယ်နဂါးကို ထပ်မံ စီးနင်းမိသည်။

မြန်မာနက္ခတ္တဗေဒပညာအရ နှစ်ပေါင်း ၃ဝ တစ်ကြိမ် စနေကြယ်ကို စနေဂြိုဟ်စီးလျှင် မင်း ပြောင်းမင်းလဲ ကြုံတတ်သည်ဟု ယူဆ ခဲ့ကြသည်။

မြန်မာနိုင်ငံအတွက် အရေးကြီးသော ဗေဒင်ကိန်းခန်း ဖြစ်သည်။

ကြယ်နဂါးကို တစ်နည်းအားဖြင့် ဗြိစ္ဆာရာသီတွင် ကောဇာစနေဂြိုဟ်ရောက်စဉ်က ပုဂံ ခေါ် ပေါက္ကံပြည့်ရှင် မင်းခွေးချီး ခေါ် တရုတ်ပြေး မင်း နတ်ရွာစံခဲ့သည်။

ပုဂံ အနော်ရထာမင်း၏ သားတော် စောလူးမင်း နန်းကျခဲ့ သည်။

¤င်းပြင် ပင်းယဘုရင် ငါးစီးရှင်ကျော်စွာ၏ သားတော် ကျော်စွာငယ် အနိစ္စရောက်ခဲ့ သည်။

ထိုမျှမက စစ်ကိုင်းတွင် ငါးထပ်ကြီးဘုရား တည်ခဲ့သဖြင့် ငါးထပ်ကြီးဘုရား ဒါယကာ အင်းဝမင်းတရား အင်းဝဘုရင်၊ ဟံသာဝတီမင်း တရားတို့လည်း နန်းကျခဲ့ကြောင်း သမိုင်းမှတ်တမ်းများ ရှိခဲ့သည်။

၎င်းပြင် ကုန်းဘောင်မင်းဆက် စဥ့်ကူးမင်းလည်း ရေချ အသတ်ခံရသည်။ မြင်ကွန်း မြင်းခုံတိုင် မင်းသားတို့ ပုန်ကန်ကြစဉ်က ဘထွေး တော် အိမ်ရှေ့စံ ကနောင်မင်းသားကြီး အသတ်ခံရသည်။

ရှေးထုံးအစဉ်အဆက် မှတ်တမ်းများအရဆိုလျှင် ရှင်ဘုရင် ခန္ဓာပြောင်းနေကျ၊ မင်း ပြောင်း မင်းလဲ ဖြစ်နေကျ ဖြစ်သည်။

ကောဇာစနေဂြိုဟ်သည် မြန်မာသက္ကရာဇ် ၁၃၇၆ ခုနှစ်၊ တန် ဆောင်မုန်းလဆန်း ၁၂ ရက်၊ ခရစ်နှစ် ၂ဝ၁၄ ခုနှစ်၊ နိုဝင်ဘာလ ၃ ရက်၊ တနင်္လလာနေ့ မြန်မာ စံတော်ချိန် မွန်းတည့် ၁၂ နာရီတိတိတွင် ဗြိစ္ဆာရာသီသို့ ပြောင်းရွှေ့ရောက်ရှိ နေလေပြီ။

မောင်းထောင် ဦးကျော်လှ၏ သံချိုနှင့်အညီ မင်းပြောင်း မင်းလဲ ဖြစ်မည်လော။ စောင့်ကြည့် ကြရမည် ဖြစ်ပေသတည်း။

မောင်မောင်မြင့်သန်းမောင်
ဝ၉- ၃၁၅ ၄၁၆၈၆

မောင်မောင်မြင့်သန်းမောင်
 

Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.