19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ကျန်းမာရေး
ထူးဆန်းသော ဆေးထိုးအပ်

မိုးလေကင်းစင်၍ ရာသီဥတုက သာယာနေ၏။

ရန်ကုန်-အင်းစိန်လမ်းမကြီး ပေါ်တွင် ယာဉ်မျိုးစုံ ဥဒဟိုသွားလာနေ၏။

ဒေါက်တာကျော်ဆွေသိန်းသည် ဒေးဗစ်ရွှေနုလမ်းထိပ်မှ တစ်ဖက်ကမ်းရှိ ဓားလွယ်ခုတ်အရပ်သို့ မျှော်ကြည့်လိုက်၏။

၎င်းနောက်လမ်းဖြတ်ကူးကာ 'ငွေတောင်' လက်ဖက်ရည်ဆိုင်သို့ ရောက်ရှိသွား၏။

ထိုဆိုသည် လက်ဖက်ရည် အရသာကောင်း၍ သမိုင်းခဝဲခြံတစ်ဝိုက်တွင် နာမည်ကြီးလျက်ရှိ၏။

ယနေ့နံနက်တွင် ထိုဆိုင်၌ အငြိမ်းစားကျောင်းအုပ် ဆရာကြီးဦးမြသာ၊ ကဗျာဆရာမ မကြည်ဆွေ၊ ဝတ္ထုတိုဆရာမ မစပယ်၊ ကဗျာဆရာ ကျော်ခေါင်း၊ စာပေတိုက်ပိုင်ရှင် ဦးလွင်ဆင့်၊ အယ်ဒီတာ ထူးမော်တို့ ရောက်ရှိနေ၏။

''ဆရာကျော်၊ ကြွပါ ဆရာ၊ လူစုံနေပြီ၊ ဆရာကျော်အတွက် လက်ဖက်ရည်ရော ဒေါ်ပြုံးဆိုင်က ထမင်းကြော်နဲ့ ဝက်သားဟင်းပါ မှာထားပြီးပါပြီ''

ဒေါ်ပြုံးဆိုင်ကလည်း လက်ရာကောင်းသဖြင့် နေမြင့်သည်နှင့် ပစ္စည်းပြတ်ကာ ရောင်းစရာမကျန် သည်အထိဖြစ်တတ်၏။

''ကောင်းတယ်ဗျာ၊ ဗိုက်ဆာနေ တာနဲ့ အတော်ပဲ''

''ဆရာကျော်၊ ကဗျာဆရာ မောင်တိုင်ပြာနဲ့ တွေ့သေးလား''

''အင်းစိန်သား ကဗျာဆရာလား၊ သူက ဆီးချိုရှိတယ်၊ အင်ဆူလင်ထိုး နေရတယ်''

''ဟာ-သနားပါတယ်။ သူက အပ်သိပ်ကြောက်တာ''

''ရောဂါဖြစ်တော့လည်း မလွှဲသာမရှောင်သာပေါ့ဗျာ၊ ကြောက်ကြောက်နဲ့ ထိုးရရှာတာပဲ၊ သနားစရာပါဗျာ''

''အင်ဆူလင်က နေ့စဉ်ထိုးနေရတာ မဟုတ်လား''

''ဟုတ်တယ်၊ နေ့စဉ်ထိုးရတာ''

''မောင်တိုင်ပြာလို အပ်ကြောက်သူတွေအတွက် နည်းလမ်းကောင်းများ မရှိဘူးလား''

''တလောက ကျွန်တော်ဖတ် လိုက်ရတာတော့ရှိတယ်၊ စိတ်ဝင်စားစရာပါပဲ၊ အပ်ကြောက်သူတွေအတွက် အဆင်ပြေစရာရှိတယ်''

''ဟုတ်လား၊ ပြောပါဦးဗျာ''

“Lancet Journal မှာ ဖတ်လိုက်ရတယ်''

''Lancet က ကမ္ဘာကျော် ဆေးပညာဂျာနယ်ပဲ''

''ခုနည်းကို Painless Sticking Plaster Flu Jab လို့ စာထဲမှာ ဖော်ပြထားတယ်။ ခုလောလောဆယ် ကာကွယ်ဆေးထိုးဖို့ တီထွင်ထားတာ၊ ဒီနည်းက ကာကွယ်ဆေးကို အရေပြားကိုဖြတ်ပြီး ထိုးသွင်းပေးတယ်။ First Trial စမ်းသပ်ပြီးပြီ၊ Important Safety တွေကိုလည်း ဒီနည်းက အောင်အောင်မြင်မြင်ဖြတ်သန်းပြီးသွားပါပြီ''

''ကောင်းတာပေါ့ ဆရာ''

''ဒီ Patch မှာ Microneedle တွေပါတယ်။ အပ်သေးသေးမျှင်မျှင်လေးတွေပါတယ်။ အပ်ချောင်းပေါင်း ရာနဲ့ချီပါတယ်။ အပ်တွေက ဆံခြည်မျှင်လောက်သေးတယ်၊ Patch ရဲ့ Adhesive Side မှာပါတယ်။ ဒါကို အရေပြားပေါ် အုပ်လိုက်ရင် အပ်ကလေးတွေက အရေပြားကို ဖောက်ဝင်သွားတယ်။ ဒါပေမယ့် နာကျင်မှုမရှိဘူး။ အပ်ကြောက်သူတွေအတွက် အဆင်ပြေတယ်''

''ဟုတ်ကဲ့ ဆရာ''

''ဆေးထိုးခံရမယ့် လူက သူ့ဘာသာသူ Patch ကို အရေပြားပေါ်အုပ် လိုက်ရင်လည်းရတယ်၊ ခုနည်းက အတော်လွယ်တယ်''

''ဆေးထိုးပေးဖို့ ကျန်းမာရေး ဝန်ထမ်းမရှိခဲ့ရင်လည်း အဆင်ပြေတာပေါ့ ဆရာ''

''ဟုတ်တယ်၊ အဆင်ပြေတယ်။ ပါရဂူတွေကပြောတယ်။ ခုနည်းက လူပိုများများကာကွယ်ဆေး ပိုထိုးဖြစ်ပါလိမ့်မယ်တဲ့၊ အပ်ကြောက်တဲ့ လူတွေလည်း ကာကွယ်ဆေးထိုးဖြစ်မှာပါတဲ့''

''ကောင်းတယ်ဆရာ''

''သမားရိုးကျသုံးနေတဲ့ Standard Flu Jab တွေက ရေခဲသေတ္တာရှိမှ သိမ်းထားလို့ရတယ်။ ဝေးလံခေါင်းပါးဒေသတွေမှာ အခက်အခဲရှိတယ်၊ ခုနည်းက ရေခဲသေတ္တာမလိုဘူး။ ဒါက အားသာချက်တစ်ခုပဲ''

''ဟုတ်ကဲ့ ဆရာ''

''Standard Jab နဲ့ နှိုင်းယှဉ်ကြည့်တော့ ကာကွယ်ပေးနိုင်တဲ့ စွမ်းရည်က အတူတူပဲ၊ ဒါပေမယ့် ခုနည်းက မနာမကျဉ်ဘူး။ သိပ်ကောင်းတယ်''

''ခုတီထွင်မှုကို ဘယ်ကလုပ်တာလည်း ဆရာ၊ ရန်ပုံငွေထောက်ပံ့မှုရောရလား ဆရာ''

''ခုနည်းကို Emory University  ရယ်၊ Georgia Institute of Technology တို့ ပူးပေါင်းတီထွင်တာဗျ၊ ဒီတီထွင်မှုကို US National Institutes of Health က ရန်ပုံငွေ ထောက်ပံ့တယ်''

''ဟုတ်ကဲ့ ဆရာ''

''ခုနည်းမှာ Path က အရေပြားအပေါ်ဆုံး အလွှာကို ထိုးဖောက်တယ်၊ သမားရိုးကျနည်းမှာ အရေပြားရော ကြွက်သားပါ ထိုးဖောက်တယ်''

''ဟုတ်ကဲ့ ဆရာ''

''ခုသုတေသနရဲ့ အဖွဲ့ခေါင်းဆောင်တစ်ဦးဖြစ်တဲ့ Professor Mark Prausnitz က ပြောတယ်၊ Patch ကို မှန်ဘီလူးနဲ့ကြည့်ရင် သိပ်ကိုသေးငယ်တဲ့ အပ်ကလေးတွေ တွေ့ ရပါလိမ့်မယ်တဲ့။ အဲဒီအပ်ကလေးတွေက အရေပြားကို မနာမကျဉ်စေပဲ ဖောက်ထွင်းသွားပါတယ်တဲ့''

''ဟုတ်ကဲ့ ဆရာ''

''သုတေသနအဖွဲ့က Patch ကို သမားရိုးကျ ကာကွယ်ဆေးနဲ့ယှဉ်ပြီး  လေ့လာခဲ့တယ်။ စေတနာ့ဝန်ထမ်း အစမ်းသပ်ခံ လူပေါင်းတစ်ရာရှိတယ်၊ တချို့က Patch နဲ့ ကာကွယ်ဆေးထိုးတယ်၊ တချို့က သမားရိုးကျ ကာကွယ်ဆေးထိုးတယ်၊ အဲသလို ထိုးတဲ့ အခါ Patch နဲ့ အထိုးခံရတဲ့ အုပ်စုထဲက လူအများစုက မနာမကျဉ်ကြောင်း ပြောပြကြတယ်။ လူနည်းစုမှာတော့ ဘေးထွက်ဆိုးကျိုးအသေး စားနည်းနည်းပါးပါးရှိခဲ့တယ်။ ဒါတွေက ယားယံတာ၊ အရေပြားနီရဲတာ၊ ထိမိရင်နာတာ အဲဒါတွေပါပဲ။ ဒါပေမယ့် ရက်ပိုင်းအတွင်းမှာပဲ ပျောက်သွားပါတယ်''

''ဟုတ်ကဲ့ ဆရာ''

''ပါရဂူတွေက Patch ကို အတော်မျှော်လင့်နေတယ်၊ တုပ်ကွေး ကာကွယ်ဆေးတင်မကဘူး။ တခြားကာကွယ်ဆေးတွေကိုပါ Patch နဲ့ ထိုး ပေးနိုင်လိမ့်မယ်လို့ ယူဆနေတယ်။ တစ်ခုတော့ ရှိတယ်။ နောက်ထပ် ဃူငညငခွေှူနျအ တွေတော့ ထပ်လုပ်ရ ဦးမယ်၊ လူအများစုမှာ သုံးခွင့်ရဖို့ အချိန်တော့ စောင့်ရဦးမယ်''

''ဒါပေါ့ဆရာ၊ သေချာအောင် ထပ်စမ်းရဦးမှာပေါ့''

''Patch က ကာကွယ်ဆေးထိုးလုပ်ငန်း ပြောင်းလဲပစ်နိုင်တယ်။ ပါရဂူတွေကလည်း ပြောတယ်။ Emory University က Dr. Nadine Rouphael  ရဲ့ အဆိုအရ နောင်ကျ ရင် Patch ကို အိမ်မှာလည်း ထိုးနိုင်မယ်၊ လုပ်ငန်းခွင်မှာလည်း ထိုးနိုင်မယ်။ ပြီးတော့ ကာကွယ်ဆေးကို စာတိုက်ကလည်း ပို့နိုင်တယ်''

''ကောင်းတယ် ဆရာ''

''Patch က စွန့်ပစ်ရတာလည်း လွယ်တယ်။ ထိုးပြီးရင် အမှိုက်ပုံးထဲ ထည့်ရုံပဲ၊ သူ့ဘာသာသူ အရည်ပျော် သွားတယ်။ တကူးတက စွန့်ပစ်ဖို့ မလိုဘူး''

''ဟုတ်ကဲ့ ဆရာ''

''နောက်အားသာချက်တစ်ခုက Patch ကို ရေခဲသေတ္တာမရှိလည်း လှောင်ထားလို့ရတယ်။ ရေခဲသေတ္တာမရှိလည်း တစ်နှစ်သိမ်းထားလို့ရတယ်။ အာနိသင်လျော့မသွားဘူး။အန္တရာယ်လည်းမဖြစ်ဘူး။

ဒါက အရေးကြီးတယ်၊ ဆင်းရဲတဲ့ နိုင်ငံတွေမှာ ရေခဲသေတ္တာအလုံအ လောက်မရှိဘူး။ ဝေးလံခေါင်းပါး ဒေသတွေမှာ သုံးစရာမရှိဘူး။ သမားရိုးကျ ကာကွယ်ဆေးက ရေခဲသေတ္တာလိုတယ်၊ Patch က မလိုဘူး။ ဒါက ဖွံ့ဖြိုးဆဲနိုင်ငံတွေအတွက် သိပ်ကို ကောင်းတဲ့ အားသာချက်ပဲ''

''ဟုတ်တယ် ဆရာ၊ တစ်နှစ်ဆိုတော့ အကြာကြီးထားလို့ရတာပဲ''

''အင်္ဂလန်နိုင်ငံက ပြည်သူ့ကျန်း မာရေးဆိုင်ရာပါရဂူတွေက Patch ကို သဘောကျနေတယ်။ အထူးသဖြင့် ကလေးတွေအတွက်ပေါ့။ ကလေးတွေက အပ်ကြောက်တယ်။ Patch သုံးရင် အဆင်ပြေတယ် မနာမကျဉ်ဘူး၊ ကလေးတွေ အလွယ်တကူ ဆေးထိုးခံလိမ့်မယ်''

''ဟုတ်ကဲ့ ဆရာ''

“London School of Hygiene & Tropical Medicine ဆိုတဲ့ အပူပိုင်းဆေးပညာ အထူးလေ့လာတဲ့ ဗဟိုဌာနကြီးက ပါရဂူဖြစ်တဲ့ John Edmunds က ပြောတယ်။ သူက ကူးစက်ရောဂါဆိုင်ရာ အထူးကျွမ်းကျင်တဲ့ ပါရဂူပဲ၊ ခုသုတေသနက အနာဂတ်မှာ ကာကွယ်ဆေးတွေကိုပိုပြီး ထိရောက်တဲ့နည်းတွေနဲ့ ထိုးပေးနိုင်အောင် လမ်းခင်းပေးတဲ့ သုတေသနပါပဲတဲ့။ ခုသုတေသနက အရေးကြီးတဲ့ ခြေလှမ်းတစ်လှမ်းဖြစ်ပါတယ်တဲ့''

''ဟုတ်ကဲ့ ဆရာ''

''Pain-Free Skin Delivery ကို တခြားပါဂူတွေကလည်း စိတ်ဝင်စားနေကြတယ်။ အမေရိကားမှာရော သြစတေးလျားမှာပါ နောက်ထပ် အလားတူ သုတေသနတွေ လုပ်နေကြ တယ်။ ထူးခြားလာမှာပါ''

''ဟုတ်ကဲ့ ဆရာ''

''နောက်ထပ် စိတ်ဝင်စားစရာ သတင်းစာတစ်ပုဒ်ရှိသေးတယ်။ ယခု လောလောဆယ် သုံးနေတဲ့ တုပ်ကွေးကာကွယ်ဆေးက တစ်နှစ်တစ်ခါ ထိုးနေရတယ်။ တုပ်ကွေးဗိုင်းရပ်စ်ပိုးက ပုံစံပြောင်းပြောင်းနေတာကိုး။ တစ်နည်းအားဖြင့် ကြအအေငသညပေါ့ဗျာ၊ အဲဒီတော့ အသစ်ပေါ်လာတဲ့ပိုးကို ကာကွယ်ဖို့ ကာကွယ်ဆေးထပ်ထုတ်ရတယ်။ ကရိကထများတာပေါ့ဗျာ။ လူတွေကလည်း ခဏခဏဆေးထိုးခံ နေရတယ်။ ဒါကို ပြေလည်ဖို့ ပညာရှင်တွေ ကြံဆကြတယ်''

''ဘာရလဒ်ရလဲ ဆရာ''

''Universal Jab ဆိုတဲ့ စိတ်ကူးကို ရလာတယ်။ ဒီကာကွယ်ဆေးက တုပ်ကွေးရောဂါပိုး ပေါင်းစုံကို ကာကွယ်ပေးမယ်၊ ပြီးတော့ Life Long lummnity ရစေမယ်၊ Life-Long Protection ရစေမယ်၊ ခဏခဏဆေး ထိုးစရာမလိုဘူး''

''ဟာ-ဒါဆို သိပ်ကောင်းတာပေါ့ ဆရာ''

''ခုတော့ တိရစ္ဆာန်မှာပဲ ရသေးတယ်။ လူတွေမှာ မလုပ်နိုင်သေးဘူး။ ဆက်ကြိုးစားရဦးမယ်၊ ဒီသုတေသန အကြောင်းကို Science ဆိုတဲ့ ဂျာနယ်မှာလည်း ဖော်ပြထားတယ်၊ Nature Medicine ဆိုတဲ့ ဂျာနယ်မှာလည်း ဖော်ပြထားတယ်''

''ဟုတ်ကဲ့ ဆရာ''

''University of London က ပါရဂူ Professor John Oxford က ပြောတယ်။ ခုသုတေသန အလားအလာကောင်းပါတယ်တဲ့။ တိရစ္ဆာန်တွေမှာ အောင်မြင်ပါတယ်တဲ့၊ Mice ရယ်၊ Ferrets ရယ်၊ Monkeys ရယ်မှာ အောင်မြင်ပါတယ်တဲ့၊ ခုသုတေသနက ကြက်ငှက်တုပ်ကွေးဖြစ်တဲ့ H5N1 အမျိုးအစား ဗိုင်းရပ်(စ်) ပိုးပေါ်မှာ အခြေခံတယ်တဲ့''

''ဟုတ်ကဲ့ ဆရာ''

“University of Oxford မှာလည်း ပါရဂူတစ်ယောက်ရှိသေးတယ်။ သူက  Professor Sarah Gilbert ဆိုတာပဲ၊ သူက Professor of Vaccinology ရာထူးရထားတယ်။ သူက ပြောတယ်။ ခုသုတေသနက  စိတ်ဝင်စားစရာကောင်းပါတယ်တဲ့၊ လူတွေမှာ ဆက်ပြီး စမ်းဖို့လိုမှာဖြစ်ပါတယ်တဲ့''

''ဟုတ်ကဲ့ ဆရာ''

ထိုစဉ် ဒေါက်တာရဲမြင့်မိုးသူ နှင့် ဒေါက်တာမင်းလှဖြိုးထွဋ်တို့ ရောက်ရှိလာကြ၏။ ၄င်းတို့သည် စာပေဝါသနာရှင်များဖြစ်ကြ၏။ စာရေးဆရာများ၊ စာပေရေးရာ ဆွေးနွေး သည်များကို လာရောက်နားထောင်ကြခြင်းဖြစ်၏။

''ကြွပါ ဆရာတို့၊ ဆရာမောင်ညို ပြာလာလိမ့်မယ် ခဏစောင့်ပါ။ သူလာရင် စာပေရေးရာ ဆွေးနွေးပါလိမ့်မယ်''

''ဟုတ်ကဲ့ ဆရာ၊ ဒါနဲ့ မေးရဦးမယ်၊ အရင်က ဝိုင်းတော်သားတွေ လေညိုကုန်းမှာစုနေကြတာပဲ၊ ခုဘာဖြစ်လို့ ဒီကို ရောက်လာတာလဲ ဆရာ''

''ဒီလိုဗျ၊ ဓာတ်ခွဲမှူးကြီး ဦးဥာဏ်အုန်းက ညောင်ရမ်းဆေးခန်းမှာ မထိုင်တော့ဘူး။ ဒါကြောင့် ဒီကိုရွှေ့လာတာ၊ ဟိုမှာက လက်ဖက်ရည် ဒကာမရှိတော့ဘူး''

''သြော်-ဒီလိုလား၊ ဒီမှာကျတော့ ဒကာရှိလို့လား''

''ရှိတယ်ဗျ၊ ဦးဥာဏ်အုန်းကပဲ ဆက်ပြီးတာဝန်ယူထားတယ်။ မနက်ခင်းဆိုရင် ဒေါ်ပြုံးထမင်းကြော်ဆိုင် က ထမင်းကြော်နဲ့ ဝက်သားဟင်းပါစားရတယ်။ တစ်ခုတော့ရှိတယ်။ အားလုံးက အလုပ်ကိုယ်စီရှိတော့စနေ၊ တနင်္ဂနွေကျမှပဲ  ဝိုင်းတော်သားတွေ စုံတော့မှာ''

''ဟုတ်ပြီ၊ စနေ၊ တနင်္ဂနွေပဲ လာမယ်''

''ဆရာကျော်ပြောပြသွားတဲ့ Patch ကို သဘောကျတယ်ဗျာ၊ ခဝဲခြံမှာ ဆေးထိုးရမှာကြောက်တဲ့ ကရင် အဘိုးကြီးရှိတယ်။ Patch  ရရင် အဆင်ပြေမယ်''

''ဟဲဟဲ၊ ကျွန်တော်သိပြီ၊ ကရင်အဘိုးကြီးမှာ မြေးမချောချောလေးရှိတယ်၊ ကျွန်တော်သတင်းရပြီးပြီ၊ Patch သုတေသနပြီးဆုံးသည်အထိ အောင်မြင်အောင် ဆုတောင်းနေတယ် မဟုတ်လား။ ဒါလည်း မဆိုးပါဘူး''

''လူနာတွေအတွက်ပါဗျာ ဟဲဟဲ''

ဝိုင်းတော်သားများက သဘောကျသွားကာ တဟားဟားနှင့် ရယ်မောကြလေတော့၏။

 

အောင် (ဆေး-၁)

 

ရည်ညွှန်းချက်။   ။

(1) BBC News မှ “University Flu Vaccine Comes Closer, Scienfists Say” ပညာရေးဆောင်းပါး။

(2) BBC News မှ “Painless Flu Jab Patch For People Scared of Injections” ဆေးပညာဆောင်းပါးများကို မှီငြမ်းကိုးကားပါသည်။

အောင် (ဆေး-၁)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.