19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ကျန်းမာရေး
အသစ်လေလား အညစ်လေလား အပျော်အပါး လိုက်စားသူတို့ သတိပြုစရာ

        မိုးကသည်းသည်းမဲမဲရွာနေ၏။

မိုးစက်မိုးပေါက်များအောက်တွင် အထပ်နှစ်ဆယ်မြင့်မားသော 'ဝဿဝတီ' အထူးကုဆေးရုံကြီး က ကြီးစွာသော အိနြေ္ဒဖြင့် ခံ့ညားစွာရပ်တည်နေ၏။

        ဆေးရုံကြီးတွင် အစဉ်အမြဲ လူနာမျိုးစုံဖြင့် ပြည့်ကျပ်လျက်ရှိ၏။

'ဝဿဝတီ' ဆေးရုံကြီးတွင် ညတာဝန်ထမ်းဆောင်လျက်ရှိသော ဝန်ထမ်းများသည် အလုပ်ပါးချိန်တွင် မြေညီထပ်ရှိ 'နတ်သုဒ္ဓါ' စားသောက်ဆိုင်သို့ အပြေးအလွှားသွားရောက်၍ ကမန်းကတန်းစားသောက်ကြရ၏။

တာဝန်ချိန်ပြီးဆုံး၍ ထွက်လာသော ဓာတ်ခွဲမှူးကြီးဦးဥာဏ်အုန်းအဖို့ အလျင်မလိုဘဲ အနားယူရင်း အေးဆေးစွာ စားသောက်လျက်ရှိ၏။

        ၂၄ နာရီဖွင့်လှစ်သော စားသောက်ဆိုင်ဖြစ်၍ ဝန်ထမ်းများအဖို့ အဆင်ပြေလှ၏။

ဦးဥာဏ်အုန်းနည်းတူ တာဝန်ချိန်ပြီးဆုံး၍ ထွက်လာသော ဒေါက်တာရဲလှမိုးမြင့်နှင့် ဒေါက်တာ ထွဋ်ခေါင်ကျော်မွှေးတို့လည်း ရောက်ရှိလာ၏။

        ''ဟာ-ဆရာတို့ပါလား ကြွကြပါ''

        ''ဦးဥာဏ်အုန်းနဲ့ တွေ့တာအတော်ပဲ၊ လူနာ အမှတ်ခြောက်က ကုမ္ပဏီသူဌေး ဦးဘောဂ Result တွေရပြီလား''

''ချက်ကော့(ဗ်)ရဲ့ Ward Six ကို သတိရလိုက်တာ၊ ဟုတ်ကဲ့ ဆရာရပါပြီ၊ သူ့ Urethral Dischage ကို Culture လုပ်တာ ဆေးမတိုးတဲ့ ပိုးတွေတွေ့တယ်။ Result ကို အထူးကုပါရဂူကြီး သိပြီးပြီ၊ ဆေးမတိုးတဲ့ပို ဖြစ်လို့ ပါရဂူကြီးလည်း ဦးနှောက်ခြောက်သွားတယ်''

''ဟုတ်တယ် ဦးဥာဏ်အုန်း၊ ဒီလိုလူနာတွေက အင်မတန်ကုရခက်တယ်။ ငွေကြေး ပြည့်စုံတော့ ရှုပ်ကြပွေကြတယ်။ ရှုပ်ပွေရာက ဆီးပူညောင်းကျပိုးကူးစက်ခံရတယ်။ ပိုးကလည်း အာဂပိုး၊ ပဋိဇီဝဆေးတွေကိုမဖြုံဘူး''

        ''ဒါနဲ့ လူနာကပြောတယ်။ အသစ်ကလေးတွေပဲတဲ့''

''လူနာမသိတာက အဲဒီလောကမှာ အသစ်မရှိဘူး။ သွားမေးရင် အသစ်ပဲ ပြောတာပဲ၊ အသစ် အသစ်ဆိုပြီး အညစ်တွေနဲ့ပဲတွေ့တာ''

        ''ဟားဟားဟားဟား''

        ဒေါက်တာရဲလှမိုးမြင့်၏ ဟာသကြောင့် တဟားဟားနှင့် ရယ်မောကြရာဘေးမှ စားသောက်နေသူများပင် လန့်ဖျန့်သွား၏။

        ''သြော်-ဒါနဲ့ ဘီပိုးဆိုရင် ကာကွယ်ဆေးရှိတယ်။ ဆီးပူညောင်းကျပိုး ကျတော့ရော ဆရာ''

        ''ဦးဥာဏ်အုန်းကို စိတ်ဝင်စားစရာ သတင်းထူးပြောပြမယ်။ ဒီပိုးရန်က ကြိုတင်ကာကွယ် ပေးမယ့် ဆေးအကြောင်း ရှင်းပြမယ်၊ အဲဒီ သတင်းက အတော်စိတ်ဝင်စားစရာကောင်းတယ်''

        ''ဟုတ်ကဲ့၊ ပြောပါ ဆရာ''

''ဒီလိုဗျ၊ ကမ္ဘာမှာ ဆီးပူညောင်းကျ ရောဂါဖြစ်နှုန်းက တိုးပွားလာတယ်။ ဒီရောဂါကို ဖြစ်စေတဲ့ Gonrrheoa ပိုးကလည်း ပဋိဇီဝဆေးတွေကို မဖြုံတော့ဘူး။ ပါရဂူတွေလည်း နည်းလမ်းရှာကြ တာပေါ့ဗျာ၊ New Zeland က သုတေသီတွေက ပထမဆုံးအကြိမ်အဖြစ် ကာကွယ်ဆေးကို တီထွင်ကြံဆကြတယ်''

        ''ဟုတ်ကဲ့ ဆရာ''

 ''ကမ္ဘာ့ကျန်းမာရေးအဖွဲ့ကြီးကလည်း ဆီးပူညောင်းကျရောဂါက တစ်ကမ္ဘာလုံး ပျံ့နှံ့နေတာကို တွေ့ရှိထားတယ်။ ဒီရောဂါကို Super Gorrheoa လို့ တောင်တင်စားခေါ်နေပြီ၊ ကာကွယ်ဆေးကသာ ဒီပြဿနာကို ဖြေရှင်းနိုင်မယ်လို့ ကမ္ဘာ့ကျန်းမာရေးအဖွဲ့ကြီးက ယူဆထားတယ်''

        ''ဟုတ်ကဲ့ ဆရာ''

 ''ခုသုတေသနမှာ စမ်းသပ်ခံလူငယ်လူရွယ် စုစုပေါင်း ၁၅ဝဝဝ ကို သုတေသနလုပ်ထားတယ်။ သုတေသနအကြောင်း အသေးစိတ်ဖော်ပြချက်ကို ကမ္ဘာကျော် ဆေးပညာဂျာနယ်ဖြစ်တဲ့ Lancet မှာ ဖော်ပြထားတယ်''

        ''Lancet မှာပါဖို့ မလွယ်ဘူးဆရာ၊ ခုလိုပါလာတာဟာ ဒီသုတေသနဟာ အရေးကြီးတယ်ဆိုတာ ပေါ်လွင်ထင်ရှားနေတယ်''

''ဦးဥာဏ်အုန်းပြောတာမှန်ပါတယ်။ ဂျာနယ်ထဲမှာပါတာက ကာကွယ်ဆေးဟာ ရောဂါကူးစက်မှုကို သုံးပုံတစ်ပုံနှုန်းလျှော့ချနိုင်တယ်တဲ့''

        ''ဟုတ်ကဲ့ ဆရာ''

''ရောဂါကူးစက်မှုကလည်း ကြောက်စရာဗျ၊ တစ်နှစ်တစ်နှစ်မှာ လူပေါင်း ၇၈ သန်းကို ရောဂါကူးစက်နေတယ်။ ကူးစက်တာကလည်း လိင်ဆက်ဆံရာကနေ ကူးစက်တာ၊ ပွေလို့ ရှုပ်လို့ပေါ့ဗျာ။ ကူးစက်ရာကနေ သားသမီးမရဘဲ မြုံသွားတတ်တယ်တဲ့''

        ''ကြောက်စရာပဲဆရာ''

''သဘာဝကူးစက်မှုမှာ ကိုယ်ခံစွမ်းအားစနစ်က နောက်တစ်ကြိမ် မကူးစက်အောင် မကာကွယ်နိုင်ဘူး၊ ကာကွယ်ဆေးကလည်း ကြိုတင်ကာကွယ်နိုင်တယ်''

        ''ဟုတ်ကဲ့ ဆရာ''

 ''ကာကွယ်ဆေးဖော်ထုတ်ပုံ ဇာတ်လမ်းကလည်း စိတ်ဝင်စားစရာဗျ၊ New Zeland မှာ ၂ဝဝ၄ ခုနှစ်နဲ့ ၂ဝဝ၆ ခုနှစ်တွေက ဦးနှောက်မြှေးရောင်ရောဂါ ကာကွယ်ရေးအတွက် ကာကွယ်ဆေးဖော်စပ်ခဲ့တယ်။ Meningitis B ပေါ့ဗျာ၊ ဆယ်ကျော်သက်စုစုပေါင်း တစ်သန်းကို ဒီကာ ကွယ်ဆေးထိုးပေးခဲ့တယ်။ နောက်တော့ University of Auckland က သုတေသီတွေက ထူးဆန်းတာ သွားတွေ့တယ်။ Sexual Health Clinic တွေမှာ ဆီးပူညောင်းကျရောဂါဖြစ် နှုန်းက ၃၁ ရာခိုင်နှုန်းကျဆင်းသွားတယ်။ ဒါကလည်း ဦးနှောက်မြေးရောင်ကာကွယ်ဆေးထိုးထားတဲ့ လူတွေဖြစ်နေတယ်''

        ''သဘောက ဒီကာကွယ်ဆေးဟာ Meningitis B ရော၊ Gonorrheoa ပါ ကာကွယ်ပေးတဲ့ သဘောပဲ''

 ''ဟုတ်တယ် ဦးဥာဏ်အုန်း၊ ဒါကလည်း ရောဂါဖြစ်တဲ့ပိုးတွေက အမျိုးတွေဖြစ်နေတာကိုး။ Meningitis  ဖြစ်စေတာက Neisseria Meningitidis တဲ့ဗျ၊  Gonorrheoa ဖြစ်စေတာက Neisseria Gonorrheoeae တဲ့ဗျ၊ နှစ်ကောင်စလုံးက Neisseria အုပ်စုဝင်တွေဗျ''

        ''ဟုတ်ကဲ့ ဆရာ''

        ''ပါရဂူတွေက Cross-Protection ရသွားတယ်လို့ ယူဆတယ်''

        ''ဖြစ်နိုင်ခြေရှိပါတယ်ဆရာ''

''သုတေသီတစ်ဦးဖြစ်တဲ့ Dr. Helen Petousis Harris က ပြောတယ်။  ခုအကြိမ်ဟာ ပထမဆုံးပါပဲတဲ့၊ အရင်က ဆီးပူညောင်းကျ ကာကွယ်ဆေးရယ်လို့ မတွေ့ခဲ့ရပါဘူး ခုလို ဆီးပူညောင်းကျ ရောဂါကာကွယ်မှုရတာဟာ ပထမဆုံးပါပဲတဲ့''

        ''ဟုတ်ကဲ့ဆရာ''

''ဒါပေမယ့် Immune Mechanism အသေးစိတ်ကို သေသေချာချာ မသိရသေးပါဘူးတဲ့၊ ဒါပေမယ့် ခုတွေ့ရှိချက်ဟာ အနာဂတ်အတွက် အလားအလာကောင်းပါတယ်တဲ့။ Future Vaccine Development အတွက် ကောင်းစွာ အထောက်အကူရမှာပါတဲ့''

        ''ဟုတ်ကဲ့ ဆရာ''

        ထိုစဉ် ဘွဲ့ရကာစ သူနပြု ဆရာမလေး သဉ္ဇာနွဲ့မွန်ရောက်ရှိလာ၏။

        ဆရာများ ဆွေးနွေးပွဲတွင် ဝင်ရောက်နားထောင်လို၍ ခွင့်တောင်းကာ ဝင်ထိုင်လိုက်၏။

''ဟာ-သဉ္ဇာလာတာအတော်ပဲ၊ သဉ္ဇာတို့လည်း ဆီးပူညောင်းကျရောဂါ အကြောင်းသိထားသင့် တယ်။ ဒီရောဂါက မြန်မာမှာလည်း ဖြစ်နှုန်းများနေတယ်''

        ''ဟုတ်ကဲ့ရှင့်၊ ရှင်းပြပါဦး''

သဉ္ဇာနွဲ့မွန်က ပညာလိုလားသူဖြစ်၏။ မကြာခဏ ဆေးပညာဗဟုသုတများကို ဒေါက်တာရဲလှမိုးမြင့်နှင့် ဒေါက်တာထွဋ်ခေါင်ကျော်မွှေးတို့ကို မေးမြန်းတတ်၏။

 ဒေါက်တာ ထွဋ်ခေါင်ကျော်မွှေး၏ ရည်းစားသူနာပြုဆရာမလေး နွဲ့သဇင်နှင့် တစ်တန်းထဲဖြစ်၍ သဉ္ဇာနွဲ့မွန်က ဒေါက်တာထွဋ်ခေါင်ကျော်မွှေးနှင့် ပို၍ရင်းနှီး၏။

 ''ဒီလို သဉ္ဇာရဲ့၊ ဆီးပူညောင်းကျရောဂါဖြစ်စေတဲ့ ပိုးက Neisseria အုပ်စုဝင်ပဲ၊ ပိုးနာမည်က Neisseria Gonorrhoea တဲ့။ ဒီပိုးက လိင်ဆက်ဆံရာကနေ ကူးစက်တယ်။ အပျော် အပါးလိုက်စားတဲ့လူတွေပေါ့ကွယ်၊ အရင်တုန်းက ဒီပိုးကို ပင်နင်စလင်နိုင်တယ်။ ဆေးထိုးလိုက်ရင် ခဏလေးနဲ့ ပျောက်တယ်။ ဆေးအားကိုးနဲ့ သောင်းကျန်းကြတယ်''

        ''ခုတော့ရော ဆရာ''

''ခုတော့ ဒီပိုးက ကြောက်စရာဖြစ်နေပြီ၊ သူ့ကို Super-Gonorrhoea လို့တောင် တင်စားခေါ်ဝေါ်နေကြပြီ၊ ပဋိဇီဝဆေးတွေ မတိုးတော့ဘူး။ ပြီးတော့ အရင်ခေတ်က AIDS မပေါ်သေးဘူး။ ခုဆီးပူညောင်းကျ ပိုးကူစက်သလို HIV ကလည်း တွဲတွဲပြီးကူးစက်နေတယ်။ ဆီးပူ ညောင်းကျဖြစ်ရင် AIDS ပါ တွဲရှိနေတတ်တယ်၊ ကြောက်စရာကြီး''

        ''ဟုတ်ကဲ့ ဆရာ''

''ရောဂါကူးစက်ခံရရင် ဆီးပူမယ်၊ ဆီးကျဉ်မယ်၊ ဆီးသွားရင်နာ ကျင်ကိုက်ခဲမယ်။ ဆီးအောင့်မယ်။ အဖြူဆင်းမယ်၊ ဆီးလမ်းကြောင်းဘဝမှာ ဖြူဖြူပျစ်ပျစ်တွေတွေ့မယ်။ ပြည်လိုလိုအရာတွေတွေ့မယ်။ အရင်တုန်းက ဒါကိုအရပ်စကားနဲ့ 'ဂနို' ကျတယ်လို့ခေါ်ကြတယ်။ အပျော် အပါးလိုက်စားတဲ့ ကာလသားတွေမှာ အဖြစ်များလို့ ကာလသားရောဂါ အုပ်စုထဲမှာပါတယ်။ အရင်က ဆစ် ဖလစ်ရောဂါက ထိပ်သီးရောဂါ၊ စာရေးဆရာကြီးဆရာဦးသိန်းဖေမြင့် ရေးထားတဲ့ 'တက်ခေတ်နတ်ဆိုး'ဆိုတာ ဖတ်ဖူးလား''

        ''ဟင့်အင်း၊ မဖတ်ဘူးဖူးဆရာ''

 ''ဒီစာအုပ်ကရှားသွားပြီ၊ ဆရာလည်း ခက်ရာခက်ဆစ်ရှာပြီး သိမ်းထားတယ်။ သဉ္ဇာဖတ်ကြည့် ကျန်း မာရေး ဝန်ထမ်းတွေ သိသင့်တာတွေပါတယ်။ ဆရာယူလာပေးမယ်''

        ''ဟုတ်ကဲ့ ဆရာ''

 ''ခုခေတ်မှာ ဆစ်ဖလစ်ကတော့  ရှားသွားပြီ၊ ဒါပေမယ့် AIDS နဲ့အတူ ဆီးပူညောင်းကျရောဂါက ခေါင်းထောင်လာတယ်။ ပြဿနာက ပဋိဇီဝဆေးတွေ မတိုးတော့ဘူး။ ပါရဂူ တွေ ဦးနှောက်ခြောက်နေပြီ၊ ပြဿနာဖြေရှင်းတဲ့နည်းက ကာကွယ်ဆေးဖော်ထုတ်ဖို့ပဲ''

        ''ဟုတ်ကဲ့ ဆရာ''

 ''ဆီးပူညောင်းကျ လက္ခဏာတွေ တွေ့ရင်လူနာကို သေသေချာချာစမ်းသပ်ရမယ်။ ရောဂါရာဇဝင် အသေးစိတ်မေးရမယ်။ သူနဲ့ လိင်ဆက် ဆံခဲ့တဲ့လူတွေကိုလည်း စုံစမ်းရမယ်၊ လူနာကို ရောဂါလက္ခဏာတွေ အသေးစိတ်စမ်းသပ်ရမယ်''

        ''ဟုတ်ကဲ့ ဆရာ''

''ဆီးစစ်ရမယ်။ သွေးစစ်ရမယ်၊ အရေးကြီးတာက HIV ရှိမရှိစစ်ရမယ်။ ဆီးလမ်းကြောင်းအဝက ပြည်လိုဟာတွေကိုယူပြီး ဓာတ်ခွဲရမယ်။ Smearမ လုပ်ပြီး Gram Stain ဆိုးရမယ်။ Gram Negative ပိုးတွေ တွေ့ရလိမ့်မယ်။ ပြီးရင် Culture လုပ်ရမယ်။ ပြီးရင် C&S ဆိုတာ လုပ်ရမယ်။ ပဋိဇီဝဆေးတိုး၊ မတိုးစမ်းရမယ်''

        ''ဟုတ်ကဲ့ ဆရာ''

''သင့်လျော်တဲ့ ဆေးကို ဆေးပတ်လည်အောင် ပေးရမယ်။ အခက်အခဲတစ်ခုက လူနာတွေဟာ ရောဂါသက်သာတာကို ပျောက်ပြီထင်ပြီး ဆက်မကုတာပဲ၊ ဆေးပတ်လည်အောင် မကုတော့ ပိုးက ဆေးယဉ်သွားတယ်။ ဒါက ကြီးမားတဲ့ပြဿနာပဲ''

        ''ဟုတ်ကဲ့ ဆရာ''

 ''လူနာကိုကုရင် တစ်ဦးတည်းကုလို့မရဘူး။ အိမ်ထောင်ရှိရင် ဇနီးကိုပါကုရမယ်။ လူပျိုလူလွတ်ဆိုရင်လည်း သူနဲ့တွေ့ထိဖူးတဲ့ လူတွေကို စုံစမ်းထောက်လှမ်းရမယ်။ ဖြစ်နိုင်ရင် ခေါ်ဆွေးနွေးရမယ်။ ကုရမယ်၊ ရောဂါသယ်ဆောင်ထားတဲ့ လူတွေက လူကောင်းတွေကို ရောဂါဖြန့်ဖြူးနေတယ်။ လူနာတစ်ဦးတည်းကုရင် ပြန်ဖြစ်ဦးမှာပဲ၊ အပျော်အပါးရှောင် ပါပြောရင်လည်း မလိုက်နာဘူး။ အဲဒီတော့ ကုလိုက်ပျောက်လိုက် ပြန်ဖြစ်လိုက်နဲ့ သံသရာလည်နေရော''

        ''ဟုတ်ကဲ့ ဆရာ''

''ရောဂါကြိုတင် ကာကွယ်ရေးမှာ ကျန်းမာရေး ပညာပေးလုပ်ငန်းက အရေးကြီးတယ်။ လူနာတွေကို ဆေးကုရုံမဟုတ်ဘဲ အသိပညာပါပေးရမယ်''

        ''ဟုတ်ကဲ့ ဆရာ''

''ညွှန်ကြားရမှာက တစ်အချက်အနေနဲ့ အပျော်အပါးရှောင်ရမယ်။ နှစ်အချက်က တစ်လင်တစ်မယား စနစ်ကျင့်သုံးရမယ်။ သုံးအချက် ခင်ပွန်းနဲ့ ဇနီးဟာ အပြန်အလှန်သစ္စာရှိရမယ်။ လေးအချက် မြန်မာ့ရိုးရာ ယဉ်ကျေးမှု ထုံးစံတွေကို လိုက်နာရမယ်။ ငါးအချက် အပျော်အပါးလိုက် စားမိရင်လည်း ကွန်ဒုံးသုံးရမယ်။ ခြောက်အချက်မတော်တဆ ရောဂါကူးစက်ခံရရင် ဆရာဝန်ပြရမယ်။ နီးစပ်ရာ ဆေးနည်းတိုနဲ့ မကုရဘူး။ ခုနှစ်အချက် ဆေးပတ်လည်အောင် ကုရမယ်။ ရှစ်အချက် ဆရာဝန်ညွှန်ကြားတာကို လိုက်နာရမယ်''

        ''ဟုတ်ကဲ့ ဆရာ''

''ဒါက ပညာပေးရေး လုပ်ငန်းပေါ့ကွယ်။ ဒီရောဂါ ကြိုတင်ကာ ကွယ်ရေးမှာ ရပ်မိရပ်ဖတွေ၊ NGO တွေ ပညာရေးဝန်ထမ်းတွေလည်း ပါရလိမ့်မယ်။ ကျမ်းမာရေးဝန်ထမ်း တွေချည်းလုပ်လို့ မရဘူး။ ပြည်သူတွေပါဝင်မှ အောင်မြင်မှာ၊ နောက်တစ်ပိုင်းက တရားဥပဒေစိုးမိုးရေးအပိုင်းပေါ့။ အပျော်အပါးလုပ်ငန်းတွေကို တာဝန်ရှိသူတွေက တိတိကျကျ ကြပ်ကြပ်မတ်မတ် အရေးယူရမယ်။ ကိုင်း ဖျားကိုင်းနားတွေချည်း နှိမ်နင်းလို့မရ ဘူး။ ပင်စည်တွေ၊ အမြစ်တွေပါ ဖြိုရမယ်''

        ''ဟုတ်ကဲ့ ဆရာ''

ထိုစဉ် ရောဂါဗေဒ ပါမောက္ခကြီးတစ်ဦးရောက်ရှိလာပြီး ဝင်ရောက်ဆွေးနွေးရာ စကားဝိုင်းသည် မိုးလင်းမှပင် ပြီးသွားလေ၏။

 

အောင်(ဆေး-၁)

 

ရည်ညွှန်းချက်။      ။ BBC News မှ “First Vaccine Shows Gonorrhoea Protection” ဆေးပညာ ဆောင်းပါးကို မှီငြမ်းကိုးကားပါသည်။

အောင်(ဆေး-၁)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.