19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ကျန်းမာရေး
သွေးပေါင်ချိန်လျှင် သတိယှဉ်

        မိုးကတဖွဲဖွဲရွာနေ၏။

        မိုးအေးအေးတွင် ဇိမ်ကလေးနှင့်ကွေးရန် ဒေါက်တာတင်မောင်ဆွေသည် အိပ်ရာဝင်လိုက်၏။

        ထိုစဉ် Samsung Galaxy C8 plus လက်ကိုင်ဖုန်း မြည်လာ၍ ကောက်ကိုင်လိုက်၏။

        ''ဟာ-ဆယ်နာရီခွဲနေပြီ၊ ဘယ်သူပါလိမ့်''

        နှုတ်မှ ရေရွတ်ရင်း ဖုန်းနံပါတ်က ကြည့်လိုက်၏။

''ဟဲလို၊ ဝိဇ္ဇာကြီးလား၊ လက်ဖက်ရည်သောက်မယ်။ ဟာ-ဆယ်နာရီခွဲပြီ ဝိဇ္ဇာကြီး၊ ဆိုင်တွေ ပိတ်ရောပေါ့၊ အလင်းဆိုင်ရှိသေးတယ်ဟုတ်လား၊ သိပြီးသိပြီး၊ လာခဲ့မယ်၊ ဝိုင်းတော်သားတွေပါ လာမယ်၊ ဟုတ်ပြီလေလာခဲ့မယ်''

 ဒေါက်တာ တင်မောင်ဆွေသည် E200 အမျိုးအစား မာစီးဒီးကားနက်ကြီးဖြင့် မောင်းနှင်သွားရာ မြောက် ဒဂုံ ၇/၈ လမ်းဆုံတွင် ဖွင့်လှစ်ထားသော အလင်းဆိုင် Coffee Shop သို့ ရောက်ရှိသွား၏။

ထိုဆိုင်တွင် စာပေ၊ ဂီတ၊ ပန်းချီစသော အနုပညာဘာသာရပ်ပေါင်းစုံရှိ၏။ နေ့စဉ် နံနက် ၁၁ နာရီမှ လင်းအားကြီး ၃ နာရီအထိ ဖွင့်လှစ်ထား၏။

        စနေနေ့တွင် ည ၇ နာရီ၌ Unplughed show ရှိ၏။

        ထိုဆိုင်တွင် ပန်းချီကားပေါင်းစုံ ချိတ်ဆွဲထား၏။ ပန်းချီဝါသနာရှင်များ အကြိုက်တွေ့စရာဖြစ်၏။

        ၄င်းပြင် စာအုပ်ပေါင်းစုံကို လည်း ကော်ဖီသောက်ရင်း ဖတ်ရှုနိုင် ၏။

        ဒေါက်တာတင်မောင်ဆွေ ရောက်ရှိသွားသောအခါ ဝိုင်းတော်သားများ စုံညီစွာရောက်ရှိနေ၏။

အငြိမ်းစား ကျောင်းအုပ်ဆရာကြီး ဦးမြသာသည် အဂ္ဂိရတ်ဝါသနာပါသူဖြစ်၍ ရင်းနှီးသူများက 'မြေ လျှောက်ဝိဇ္ဇာ'ဟု ခေါ်ကြ၏။

''ဆရာဆွေ၊ ကြွဗျာ၊ ဒေါက်တာရဲမိုးကျော်ခေါင်က နိုင်ငံခြားက အလည်ရောက်လာတာ အချိန်ကသိပ်မရဘူး။ နက်ဖြန်နံနက်စောစောသူပြန်မယ်။ သူက ကျွေးမယ်ဆိုလို့ အရေးပေါ်ကမန်းကတန်းစီစဉ်လိုက်တာ''

        ''ကောင်းပါတယ်။ ဝိဇ္ဇာကြီးကိုရဲမိုး နေကောင်းတယ်နော်''

''ကောင်းပါတယ် ဆရာဆွေ။ အချိန်လုပြီးလုပ်ရလို့ အနားကပ်မှ  ဖိတ်တာစိတ်မရှိပါနဲ့ ဆရာ၊ ခု ကျွန်တော် ကြက်ကောင်လုံးကြော်၊ ကြက်တောင်ပံကြော်၊ ပုစွန်ကြော်၊ ဘူးသီးကြော်၊ ကော်ဖီ၊ သစ်သီးဖျော် ရည်တွေ မှာထားပါတယ်၊ လိုရင်ထပ်မှာပါ''

''ကျေးဇူးပါ ဆရာ၊ ကျွန်တော် မြန်မာ့ရိုးရာအစားအစာလေးမှာပါရစေ။ ကြက်ခွေးတောက်ဟင်းချိုရယ်၊ ခရမ်းသီးမီးဖုတ်သုပ်ရယ်၊ ဆတ်သားခြောက်သုပ်ရယ် ထပ်မှာမယ် ဆရာ''

        ''ရပါတယ် ဆရာ၊ မှာပါ''

စာပေတိုက် ပိုင်ရှင်ဦးလွင်ဆင့်က ပေါ့ပေါ့ပါးပါးစားစရာများ စားလိုသည်ဟုပြော၍ လက်ဖက်သုပ်၊ ဂျင်းသုပ်၊ မြင်းခွာရွက်သုပ်များ ထပ်မံမှာယူလိုက်၏။

''ဆရာတို့ အေးအေးဆေးဆေး ဆွေးနွေးလို့ရတယ်။ မနက် ၃ နာရီ အထိအချိန်ရတယ်။ ကျွန်တော်က အထုပ်အပိုးတွေ တစ်ပါတည်းယူလာ ပြီးပြီ၊ ဒီဝိုင်းသိမ်းပြီးရင် လေဆိပ်တန်းသွားမှာ''

        ''ဟာ-ဟုတ်ပြီ၊ အေးအေးဆေး ဆေး စားလို့လည်းရပြီ''

        ''ဒါနဲ့ ဝိဇ္ဇာကြီး၊ ကဗျာဆရာ မောင်ဒေါနရော''

        ''သွေးတိုးနေရာကနေ သွေးကျဆေး အသောက်များသွားပြီး သတိလစ်သွားတယ်။ ခုဆေးရုံမှာ''

''ဟာ-မောင်ဒေါနမှာ သွေးပေါင်ချိန်ကိရိယာရှိသားပဲ၊ လက်ကောက် ဝတ်မှာပတ်ပြီးချိန်တာ လေ၊ သူခဏ ခဏချိန်နေကြပဲ၊ ဘယ်လိုဖြစ်တာလဲ''

''ဖြစ်ချင်တော့ ကိရိယာအသစ်ကို မိတ်ဆွေတစ်ယောက်က အရေး ပေါ်ငှားသွားတယ်။ ဒါနဲ့ အရင်ကရှိတဲ့ အဟောင်းနဲ့ ချိန်မိတယ်။ သွေးပေါင်မမှန်ဘူး။ သွေးတကယ်မတိုးဘဲ တိုးနေတယ်လို့ ပြတယ်၊ ဒါနဲ့ ဆေးသောက်မိတယ်။ ဆေးအချိန်အဆများသွားပြီး သွေးပေါင်တအားကျ သွားတယ်''

        ''ဒါက သင်ခန်းစာပဲ၊ ကိုယ်ဘာသာ အိမ်မှာသွေးချိန်တဲ့ သွေးတိုးလူနာတွေ သတိထားရမယ်''

        ''ဟုတ်တယ် American Journal of Hypertension ဆိုတဲ့ ဆေးပညာဂျာနယ်မှာ ဒီအကြောင်းကို ဆွေးနွေးထားတယ်''

        ''ဟုတ်လား ဆရာဆွေ၊ ရှင်းပြပါဦး''

''ခုခေတ်မှာ ကိရိယာတွေက ဆန်းသစ်လာတယ်၊ သွေးတိုးလူနာက နေ့စဉ်ဆေးခန်းသွားဖို့က မလွယ်လှဘူး၊ ဒါကြောင့် သုံးရတာလွယ်တဲ့ AT Home Devices ပေါ်လာတယ်၊ ကောင်းတာလည်းရှိပါတယ်။ သတိ ထားစရာတွေလည်းရှိပါတယ်။ ကနေဒါကလုပ်ခဲ့တဲ့ သုတေသန တစ်ခုအရ အိမ်မှာတိုင်းတာတဲ့ သွေးဖိအားတိုင်းတာမှုက ၇ဝ ရာခိုင်နှုန်း မှားနေတယ်တဲ့၊ မတိကျဘူးတဲ့၊ ဒီလိုမတိကျတဲ့ ကိန်းဂဏန်းတွေကြောင့် နောက်ဆက်တွဲဆိုးကျိုးဖြစ်လာနိုင်တယ်တဲ့''

        ''ဘယ်တက္ကသိုလ်က ပါရဂူတွေလုပ်တာလဲ''

''University of Alberta က ပါရဂူတွေဗျ၊ သူတို့က လူနာစုစုပေါင်း ၈၅ ဦးကို လေ့လာခဲ့တယ်။ AT Home Device နဲ့ တိုင်းထားပြီးသားကို Gold Standard Method နဲ့ ပြန်ပြီး ဆန်းစစ်တယ်၊ တိုင်းတာတဲ့နေရာမှာ သိပံ္ပနည်းကျတိုင်းတာတယ်။ သုတေသီနှစ်ဦးကတိုင်းတယ်။

သူတို့ နှစ်ဦးကို တစ်ဦးနဲ့တစ်ဦး မသိစေရဘူး။ ဒါမှ အမှန်ရမှာ''

        ''ဟုတ်ကဲ့ဆရာ''

''သူတို့တွေ့တာက Home Monitor တွေမှာ အားနည်းချက်ရှိနေတယ်တဲ့၊ အကြိမ်များစွာ တိုင်းတာကြည့်တော့ သွေးပေါင်ချိန်က Five mmHg ကွာခြားမှုက ၇ဝ ရာခိုင်နှုန်းရှိနေတယ်။ Ten mmHg ကွာခြားမှုက ၃ဝ ရာခိုင်နှုန်းရှိနေတယ်။ ဒါကို သုတေသီအဖွဲ့ခေါင်းဆောင် Jennifer Ringrose က ထောက်ပြထားတယ်။

ကမ္ဘာပေါ်မှာ သွေးတိုးရောဂါက ဖြစ်ပွားနှုန်းသိပ်များနေတယ်တဲ့။ သွေးတိုးကြောင့် နောက်ဆက်တွဲ ရောဂါတွေဖြစ်ပြီး သေနှုန်းလည်းများတယ်တဲ့၊ ဒါကြောင့် သွေးပေါင် အတက်အကျကို မှန်မှန်ကန်ကန် သိဖို့လိုပါတယ်တဲ့''

        ''ဟုတ်တာပေါ့ဆရာ''

''ခုခေတ်မှာ သွားရေးလာရေး မလွယ်ဘူး၊ ဆေးခန်းလည်း ခဏခဏမသွားနိုင်ဘူး။ အိမ်မှာပဲ သွေးပေါင်ချိန်ရတယ်။ ချိန်ပြီးမှတ်ထားရတယ်၊ တစ်ပတ်တစ်ခါလောက်ပဲ ဆရာဝန်ပြနိုင်တယ်။ ဒါကြောင့် AT-Home Device တွေ ကောင်းဖို့လိုတယ်''

        ''ဟုတ်ကဲ့ ဆရာ''

 ''ကနေဒါမှာ လမ်းညွှန်ချက် တွေ ထုတ်ပြန်ထားတယ်။ လမ်းညွှန်ချက် တွေကိုလည်း ခေတ်မီအောင် မကြာ ခဏပြင်ဆင်ပြီ့း စိအေန လုပ်တယ်။ သွေးတိုးရောဂါနဲ့ ပတ်သက်ပြီး ထုတ် ပြန်ထားတဲ့ လမ်းညွှန်ချက်က အ တော်ကောင်းတယ်''

        ''ဟုတ်ကဲ့ ဆရာ''

 ''AT-Home Deveice နဲ့ တစ်ပတ်ကို ၂၈ ကြိမ်ချိန်သင့်တယ်တဲ့၊ တစ်နေ့လေးကြိမ်ပေါ့ဗျာ၊ ပြီးတော့ ဆေးခန်းမှာချိန်တဲ့ရလဒ်နဲ့ အိမ်မှာချိန်တဲ့ ရလဒ်တွေကို နှိုင်းယှဉ်လေ့လာဖို့လည်း အကြံပြုထားတယ်၊ အိမ်မှာ ချိန်တာလုံးဝအသုံးမဝင်ဘူးလို့ မဆိုလိုပါဘူး။ ကောင်းကျိုးတွေရှိပါတယ်။ တိကျအောင်လုပ်ဖို့ပဲလိုပါတယ်''

        ''ဟုတ်ကဲ့ ဆရာ''

''အရေးကြီးတာက မကြာမကြာချိန်ဖို့ပဲ၊ တစ်ကြိမ်ပဲချိန်ပြီး ဆေးသောက်လို့မရဘူး။ အဲဒါ အရေးကြီးတယ်၊ ခုလို ကိရိယာတွေ မပေါ်ခင်က ဆရာဝန်က ဆေးခန်းမှာ တစ်ခါပဲချိန်တယ်၊ ဒါကလည်း ကျန်းမာရေး ဝန်ထမ်းတွေခမျာဝန်နဲ့အားမမျှတော့ ဒီလိုပဲလုပ်ရတာပဲ၊ ခုလို ကိရိယာတွေ ပေါ်လာတော့ လွယ်သွားတယ်။ ခဏခဏချိန်ထားတဲ့ရလဒ်ကို ဆရာဝန်က လေ့လာဆန်းစစ်ရတာလည်း ပိုကောင်းတယ်''

        ''ဟုတ်ကဲ့ ဆရာ''

''လူနာရဲ့ သွေးပေါင်အတက်အကျ အခြေအနေကို သိရတော့ ကုသရေးမှာ ထိရောက်တယ်။ သွေးတိုး ရောဂါဆိုတာက နာတာရှည်ဗျ၊ တုပ်ကွေးလိုမဟုတ်ဘူး။ ပါရာစီတမော တစ်ခါသောက်တစ်လုံး၊ တစ်နေ့သုံးကြိမ်ဆိုပြီး လုပ်လို့မရဘူး။ သွေးပေါင် အတက်အကျကို အမြဲကြည့်ပြီး ဆေးအချိန်အဆကို ညှိနှိုင်းရတာ၊ ရေရှည်လုပ်ငန်းဗျ၊ ခုခေတ်မှာ ကိရိယာတွေ သိပ်ကောင်းလာတယ်။ သွေးပေါင်ချိန်ပြီး စာအုပ်နဲ့မှတ်စရာမလိုဘူး။ Memory ပါတယ်။ အလိုလိုမှတ်တယ်။ တစ်ပတ်စာမှတ်ထားပြီး ခလုတ်တစ်ချက်နှိပ်ရင် အကုန်လုံး သိနိုင်တယ်''

        ''ဟာ-တယ်ကောင်းပါလား''

''သုတေသနတွဲဖက်ခေါင်းဆောင်ဖြစ်တဲ့ Raj Padwal က အကြံပေးထားတယ်ရှိတယ်။ ပထမအချက်က Arm Shape တဲ့ဗျ။ လက်မောင်းပုံသဏ္ဌာန်တဲ့။ လူနာတစ်ဦးနဲ့ တစ်ဦးမတူဘူး။ ဒါကို သတိထားရမယ်။ ဒုတိယအချက်က Arm size ဗျ၊ လက်မောင်းအရွယ်အစားဗျ၊ တတိယအချက်က သွေးကြောတွေရဲ့ ပျော့ပျောင်းမှု အနေအထားဗျ၊ အသက်ငယ်ရင် ပျော့နေတယ်။ အသက်ကြီး ရင်မာကြောလာတယ်။ စတုတ္ထအချက်ကလူနာရဲ့ အသက်အရွယ်ဗျ၊ ပုံမှန်သွေးပေါင်အတိုင်းအတာက အသက်ပေါ်မှာ မူတည်တယ်။ လှေနံ ဓားထစ်မဟုတ်ဘူး။ ပြီးတော့ Blood Pressure Cuff  အမျိုးအစားဗျ၊ ကိရိယာတစ်ခုနဲ့ တစ်ခုမတူဘူး။ ဒါကိုလည်း သတိထားရမယ်။ ဒါတွေအားလုံး ထည့်စဉ်းစားရမယ်''

        ''ဟုတ်ကဲ့ ဆရာ''

''လူနာဟာ မိမိဘာသာမတိုင်းခင် အရင်ဆုံးကိရိယာကိုင်တွယ်နည်းကို သေသေချာချာ သင်ကြားရမယ်။ သင်ပြီးရင်လည်း မကြာမကြာ ဆရာဝန်ရှေ့မှာ ပြန်လုပ်ပြရမယ်။ လိုအပ်ရင် ဆရာဝန်က ညွှန်ကြားလိမ့်မယ်။ ဒါကိုလည်း သေသေချာ ချာမှတ်ထားရမယ်''

        ''မှတ်သင့်တာပေါ့ဆရာ''

''ကျွန်တော်တို့ တွေ့တွေ့နေတာ တစ်ခုရှိတယ်။ လူနာက သွေးပေါင်ချိန်ပြီး မိမိကိုယ်မိမိကုနေတယ်။ ဆရာဝန်မပြဘူး။ဒါလည်း အန္တရာယ်ရှိတယ်။ သွေးပေါင်ကျဆေးက မျိုးစုံ ရှိတယ်။ တစ်ခုနဲ့တစ်ခုမတူဘူး။ လိုအပ်ရင် ဆေးသုံးလေးမျိုးတွဲရတာရှိတယ်။ ရောဂါနှစ်မျိုးသုံးမျိုး တစ်ပြိုင် နက်ဖြစ်နေတာရှိတယ်။ ဆရာဝန်မှ နားလည်တယ်၊ ကိုယ့်ဘာသာကုရင် ရမ်းကုဖြစ်မယ်''

''ဒါထက်ဆိုးတာရှိသေးတယ်ဆရာ၊ လမ်းဘေးကွမ်းယာဆိုင်မှာလည်း ကိရိယာရောက်ရှိပြီ၊ စပ်ဆေး ရောင်းတဲ့ဆိုင်မှာလည်း ကိရိယာရှိနေပြီ၊ မတောက်တခေါက်နဲ့ သွေးပေါင်ချိန်ပေးပြီး ခပ်တည်တည်နဲ့ ကုနေတယ်။ သိပ်အန္တရာယ်များတယ်။ သွေးပေါင်ထိုးကျပြီး သတိလစ်သွားလို့ ဆေးရုံတင်ရတာ အတော်များနေပြီ''

''ကျွန်တော်လည်း ကြုံဖူးတယ်။ ဒါက နှစ်ပိုင်းရှိတယ်ဗျ၊ ဆေးဝါးနဲ့ ပတ်သက်လို့ ဥပဒေတွေ တိတိကျကျရှိပြီးသားပါ။ တာဝန်ရှိသူတွေက တိတိကျကျ အရေးယူရမယ်၊ နောက်တစ်ပိုင်းက ကျန်းမာရေး ပညာပေး လုပ်ငန်းကို ကျန်းမာရေး ဝန်ထမ်း တွေချည်းပဲ လုပ်လို့မရဘူး။ ရပ်မိရပ်ဖတွေ၊ NGO တွေ၊ ပြည်သူတွေ ပါဝင်ပူးပေါင်းဆောင်ရွက်ရမယ်။ ဒါမှ အောင်မြင်မှာ''

 ဆွေးနွေးပွဲက အရှိန်ကောင်းနေဆဲ ဖြစ်၏။

 

 အောင် (ဆေး-၁)

 ရည်ညွှန်းချက်။      ။ မလေးရှား နိုင်ငံထုတ် Star သတင်းစာပါ Fit for Life ကဏ္ဍမှ “Inaccurate Blood Pressure Readings” ဆေးပညာ ဆောင်းပါးကို မှီငြမ်းကိုးကားပါသည်။

အောင်(ဆေး-၁)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: zaygwet1997@gmail.com Copyright 2004 Zaygwet Journal. All rights reserved.
Powered By eTrade Myanmar Co., Ltd.