28-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာနိုင်ငံ၏ ပြည်ပရင်းနှီးမြှုပ်နှံမှု ဟိုတယ်ကဏ္ဍတွင် ဟောင်ကောင်မှ ရင်းနှီးမြှုပ်နှံမှု ငါးခုရှိနေပြီး အဆင့်လေးတွင် ရှိနေ
This Week’s COVER
ဂျာနယ် အမှတ်စဉ် .... 1030
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ကျန်းမာရေး
နှလုံးသွေးကြောကျဉ်းရောဂါနှင့် ထူးဆန်းသော ဂရိရွာသားများ

        မိုးက တဖွဲဖွဲရွာနေ၏။

        ဝေဇယန္တာလမ်းမကြီးပေါ်တွင် ယာဉ်မျိုးစုံသွားလာနေ၏။

E-200 အမျိုးအစား မားစီးဒီး(စ်)ကားနက်ကြီးတစ်စီးနှင့် နောက်ဆုံးပေါ် M 3 အမျိုးအစား မာဇဒါကားဖြူတစ်စီးသည် ဝေဇယန္တာလမ်းမကြီးပေါ်တွင် မောင်းနှင်နေ၏။

ခဏကြာသော် အမှတ် ၂၇၆ ရှိ First Container Bar & Restaurant သို့ ရောက်ရှိသွားပြီး ယာဉ်ရပ်နားရာ နေရာတွင်ရပ်သွား၏။

ကားနှစ်စီးပေါ်မှ  ဒေါက်တာဝေမျိုးဆန်းမောင်၊ အငြိမ်းစားကျောင်း အုပ်ဆရာကြီးဦးမြသာ၊ ဓာတ်ခွဲမှူးကြီး ဦးဥာဏ်အုန်း၊ ဝတ္ထုတိုဆရာမမစပယ်၊ ကဗျာဆရာမမကြည်ဆွေ၊ ဒေါက်တာကျော်ဆွေသိန်း၊ ဒေါက်တာတင်မောင်ဆွေ၊ စာပေတိုက်ပိုင်ရှင် ဦးလွင်ဆင့်၊ ဒေါက်တာ မင်းလှ သီဟသူနှင့် စာပေဝါသနာရှင် ရှေ့နေလေး ကိုရဲကျော်လင်းတို့ ဆင်းလာကြ၏။

ထိုအုပ်စုသည် ညနေခင်းတိုင်း 'လေညိုကုန်း' တွင်ရှိတတ်သော်လည်း ဒကာရှိပါက နာမည်ကြီး စားသောက် ဆိုင်များတွင်ဝိုင်းဝန်းကာ တက်ညီလက်ညီအားပေးတတ်၏။

        ယနေ့ညနေတွင် ဒေါက်တာကျော်ဆွေသိန်းက ဒကာခံမည်ဖြစ်၏။

ထိုစားသောက်ဆိုင်သည် Sport Bar ၏ ဆိုင်ခွဲတစ်ခုဖြစ်၏။ ထိုဆိုင်တွင် တရုတ်၊ ဥရောပ၊ မြန်မာနှင့် ထိုင်းဟင်းအမယ်ပေါင်း ၃၇ဝ ကျော်မှာ ယူသုံးဆောင်နိုင်၏။ သစ်သီးဖျော်ရည်မျိုးစုံလည်း ရနိုင်၏။

        စားရင်းသောက်ရင်း ပျော်ရွှင်စွာ ကခုန်လိုပါက DJ သမားများလည်း အဆင်သင့်ရှိနေ၏။

        ''ကဲ-ကိုဝေမျိုး၊ ဘာတွေရလဲလုပ်ပါဦး''

        'မြေလျှောက်ဝိဇ္ဇာ'ဟု အမည် ပြောင်ရထားသော ဦးမြသာက မေးလိုက်၏။

''ဒီလိုပါ အန်ကယ်ကြီး၊ ဒီဆိုင်မှာ စားသုံးသူ အကြိုက်ဆုံးက ကဏန်းပေါင်းပဲ၊ ကဏန်းပေါင်းနဲ့ လိုက်ဖက်တဲ့ ချဉ်ငန်ဆော့စ်ကလည်း စားသုံးသူကို ခံတွင်းအမြိန်ဆုံးဖြစ်စေတယ်။ ကျွန်တော်က ကဏန်းပေါင်း ကြိုမှာထားတယ်။ ပြီးတော့ ဆိတ်မွသုပ်၊ ဝက်ဂုတ်သားကင်သုပ်၊ ငါးရှဥ့်ခြောက်စပ်၊ ဝက်နံရိုးကြော်တွေလည်းမှာထားတယ်၊ ယမကာသမားမပါတော့ သစ်သီးဖျော်ရည်မျိုးစုံမှာထား တယ်၊ လိုတာရှိရင်ထပ်မှာပါ''

        ''ကောင်းတယ် ကိုဝေမျိုး''

''ဝိဇ္ဇာကြီး၊စားရင် သတိထားစားနော်၊ တလောက ဦးဥာဏ်အုန်းသွေး ဖောက်စစ်တော့ ဝိဇ္ဇာကြီးမှာ အဆီဓာတ်တွေများနေတယ်။ ဝက်ဂုတ်သားကင်တို့၊ ဝက်နံရိုးကြော်တို့ရှောင်မှထင်တယ်၊ ဆရာဆွေမေးကြည့်ပါဦး''

''ဟုတ်တယ် ဝိဇ္ဇာကြီး၊ ရှောင်ရမယ်၊ သွေးထဲမှာအဆီများလာရင် နှလုံးသွေးကြော နံရံအဆီဖုံး လာလိမ့်မယ်၊ နှလုံးသွေးကြောကျဉ်းရောဂါရနိုင်တယ်''

        ''ဒါဆိုလည်း ရှောင်ပါ့မယ်။ ကျွန်တော်ကဝက်သားသိပ်ကြိုက်တာ''

        အစားရှောင်ရမည်ဖြစ်၍ ဦးရွှေသာခမျာ စိတ်တိုင်းမကျဖြစ်နေ၏။

ထိုစဉ် ဒေါက်တာယုဇနကျော်ခင်၊ ဒေါက်တာမြမြအေး၊ ဒေါက်တာသန္တာသက်တင်နှင့် ဒေါက်တာခင်ဦး ခင်ခင်တို့ရောက်ရှိလာ၏။

ဦးရွှေသာနှင့် အဆီအကြောင်းစကားစပ်မိရာမှ ဒေါက်တာယုဇနကျော်ခင်က ထူးဆန်းသော ဂရိနိုင်ငံ သားအကြောင်းပြောပြ၏။

        ''ဝိဇ္ဇာကြီးကို ကံကောင်းတဲ့ လူသားတွေအကြောင်းပြောပြမယ်၊ သူတို့က ကံကောင်းတယ်။ အဆီတွေ နင်းကန်စားပြီး ကျန်းမာနေတယ် အားကျစရာပဲ''

        ''ဟုတ်လား ဒေါက်တာ၊ ဘာလို့ ကျန်းမာတာလဲ''

        ''ရှေးရှေးက အတိတ်ကံကြောင့်လို့ပြောရမှာပဲ၊ သူတို့မှာ မွေးရာပါထူးခြားတဲ့ မျိုးရိုးဗီဇပါလာတယ်။ New Genetic Variant တဲ့၊ ဒီထူးခြားတဲ့ မျိုးရိုးဗီဇကြောင့် နှလုံးကအကာ အကွယ်ရတယ်၊ မကောင်းတဲ့ အဆီတွေကိုလျော့ကျစေတယ်''

        ''ဟာ-ထူးဆန်းတယ်၊ ဘယ်နားမှာတဲ့လဲ''

''ဂရိနိုင်ငံမှာ၊ Crete ကျွန်းဆိုတာရှိတယ်၊ ကျွန်းပေါ်မှာ Mylopotamos ဆိုတဲ့ ဂရိရွာကလေး သုံးရွာရှိတဲ့ဒေသရှိတယ်။ ရွာကလေးတွေက Zoniana ရယ်၊ Anogia ရယ်၊ Aeraklion ရယ်တဲ့။ ဒီရွာသားတွေက ဒိန်ခဲသိပ်ကြိုက်တယ်၊ သိုးသားတွေလည်း စားတယ်၊ ဒါပေမယ့် အဲဒီရွာ သားတွေဟာ နှလုံးသွေးကြောပိတ်ရောဂါတို့၊ လေဖြတ်တာတို့ အလွန်ဖြစ်ခဲတယ်။ အရမ်းကျန်းမာကြ တယ်။ အသက်လည်းရှည်တယ်''

        ''သိုးသားတွေ၊ ဒိန်ခဲတွေ စားတော့ သွေးထဲမှာ အဆီများမှာပေါ့''

''ဟုတ်တယ် အဆီများတယ်၊ ဒါပေမယ့် ကျန်းမာတယ်၊ ပါရဂူတွေက အဖြေကိုသိချင်တယ်။ ဒါနဲ့ သုတေသနလုပ်ကြတယ်။ Welleome Trust Sanger Institute က ဦးစီးပြီးလုပ်တယ်။ ရလဒ်တွေကို စာတမ်းတင်တယ်၊ ဒီစာတမ်းက Nature Communications ဆိုတဲ့ နာမည်ကြီး ဂျာနယ်မှာပါလာတယ်''

        ''ဟုတ်ကဲ့ ဒေါက်တာ''

''ပါရဂူတွေတွေ့တာက New Genetic Variant ကိုတွေ့တယ်၊ ထူးဆန်းတဲ့ မျိုးရိုးဗီဇဆိုပါတော့၊ အဆီအစားများပေမယ့် သွေးမှာအဆီက သာမန်လူလိုများများတက်မလာဘူး။ Heart-Protection Qualities ရှိတဲ့ မျိုးရိုးဗီဇလို့ ပါရဂူတွေက သတ်မှတ်ထားတယ်''

        ''ဟုတ်ကဲ့ ဒေါက်တာ''

        ''ပါရဂူတွေက ရွာသားစုစုပေါင်း  ၂၅ဝ ကို လေ့လာကြတယ်။ မျိုးရိုးဗီဇကို ခွဲခြမ်းစိတ်ဖြာပြီး သုတသနလုပ်တယ်''

        ''ဘာတွေတွေ့လဲ ဒေါက်တာ''

“Human Genome ကို လေ့လာတာပေါ့ အန်ကယ်၊  DNA ပေါ့အန်ကယ်၊ DNA မှာ Three Billion ပါတယ်၊ မျိုးရိုးဗီဇမှာ ထူးဆန်းတာပါလာတာတွေ့တယ်''

        ''ဟုတ်ကဲ့ ဒေါက်တာ''

''အသေးစိတ်ရအောင်နောက် ထပ်ရွာသားသုံးထောင်ကျော်ကိုပါ ထပ်လေ့လာတယ်။ ထူးဆန်းတဲ့ Genetic Variant ကို ထပ်တွေ့တယ်၊ ဂရိရွာသားတွေက သိုးသားတွေ၊ ဒိန်ခဲတွေ စားပေမယ့်ရောဂါမဖြစ်ဘူး။ ဒါပေမယ့် အန်ကယ်ကြီးကတော့ အဆီစားလို့မရဘူး။ ရှောင်ရမယ်။ အန်ကယ်ကြီးမှာ Genetic Variant  က မပါဘူးလေ''

        ''မှန်တာပေါ့၊ Genetic Variant မှ မပါတာ၊ အဆီရှောင်ရမှာပဲ''

''သုတေသီတွေက ခုတွေ့ရှိချက်ဟာ ထူးခြားပါတယ်တဲ့၊ ရောဂါဖြစ်စဉ်မှာ ဘယ်မျိုးရိုးဗီဇတွေက အရေးပါတယ်ဆိုတာကို ဆက်လေ့လာဖို့လမ်းစရလာပါပြီတဲ့၊ တချို့က နှလုံးရောဂါဖြစ်တယ်။ တချို့ကမဖြစ်ဘူး။ ဒါဟာ မျိုးရိုးဗီဇလည်း တစ်စိတ်တစ်ပိုင်းအရေးပါတာဖြစ်ပါတယ်တဲ့၊ ရောဂါအကြောင်းပိုသိလာမှာပေါ့ အန်ကယ်''

        ''ပိုသိတော့ ကုသရာမှာ ထူးခြားမယ်ထင်တယ်''

''ဟုတ်တယ်၊ ထူးခြားလာမှာပါ။ ပါရဂူတွေခုရှာတွေ့တဲ့ Genetic Variant က အရင်က ဘယ်သူ့မှာမှ မတွေ့ဖူးဘူး။ ပထမဆုံး ရှာတွေ့တဲ့အသစ်စက်စက်ရှာဖွေတွေ့ရှိမှုပဲ၊ ဒါကလည်း တစ်ကမ္ဘာလုံးမှာ အသေပျောက်နှုန်း အများဆုံးဖြစ်တဲ့ နှလုံးရောဂါနဲ့ဆက်စပ်နေတယ်။ ထူးခြားတာပဲ''

        ''ဟုတ်တယ်၊ အရင်က မကြားဖူးတာတွေပါပဲ''

''သုတေသီတွေက ဆက်ရှာဖွေဦးမှာပါ၊ ဒီမျိုးရိုးဗီဇက ဒီလိုရွာကလေးတွေမှာ ဘာကြောင့်ရှိနေရတာလည်းဆိုတာကို မသိရသေးဘူး။

ရွာသားတွေရဲ့ ဘဝနေထိုင်မှုပုံစံကိုလည်း ဆက်လေ့လာရဦးမယ်၊ ရွာတွေရှိနေတဲ့ ဒေသက သဘာဝပတ်ဝန်းကျင်ကိုလည်း ဆက်လေ့လာရဦးမယ်။ မျိုးရိုးစဉ်ဆက် အမွေဆက်ခံပုံကိုလည်း ဆက်လေ့လာရဦးမယ်တဲ့''

        ''လုပ်စရာတွေ အများကြီးပဲနော်''

        ''ဟုတ်တယ် အန်ကယ်ကြီး၊ ဆက်လုပ်စရာတွေရှိသေးတယ်၊ တခြားသုတေသီတွေ လေ့လာနေတာလည်း ရှိသေးတယ်''

        ''ဘာတွေများလည်း ဒေါက်တာ''

''အမေရိကားမှာ Amish ဆိုတဲ့ သီးသန့်နေထိုင်တဲ့ လူမျိုးစုတစ်စုရှိတယ်။ ဒါကို သုတေသီတွေ လေ့လာနေတယ်။ နောက်ပြီး Northern Greenland မှာနေထိုင်တဲ့ Inuit လူမျိုးစုကိုလည်း လေ့လာနေတယ်။ Orkney ကျွန်းသားတွေကိုလည်း လေ့လာနေတယ်''

        ''ဒီကျွန်းသားတွေက ဘယ်နားကလဲ''

''ဒီကျွန်းသားတွေက Scotland ကပါအန်ကယ်၊ သူတို့တွေက ကျန်းမာကြတယ်၊ အသက်ရှည်ကြတယ် ဂရိရွာသားတွေလို လျှို့ဝှက်ချက်ရှိမလားလို့ ရှာဖွေကြတယ်ဆက်ရှာနေ ကြတုန်းပဲ''

        ''ရှာတွေ့ရင် အကျိုးရှိမှာပဲနော်''

        ''ရောဂါကြိုတင် ကာကွယ်ရေးမှာရော၊ ကုသရေးမှာပါ အကျိုးရှိမှာပါ အန်ကယ်''

        ''ထူးခြားတဲ့ မျိုးရိုးဗီဇမရှိတဲ့ သာမန်လူကတော့ အဆီရှောင်ရမှာ ပဲနော်''

''ဟုတ်တယ်၊ ရှောင်ရမှာပဲ အန်ကယ်၊ ဝက်သား၊ ဘဲသား၊ အုန်းသီး၊ အုန်းနို့၊ ဘဲအရေခွံ၊ ကြက်အရေခွံ၊ ထောပတ်၊ ဒိန်ခဲ၊ အဆီများတဲ့ နွားနို့တွေရှောင်ရမယ်၊ ပြီးတော့ လမ်းဘေး အစားအစာလည်း ရှောင်ရမယ်။ လမ်းဘေးအစားအစာတွေက စားအုန်းဆီသုံးတယ်၊ ပြီးတော့ ဘူးသီး ကြော်လို၊ ဘယာကြော်လို၊ အကြော်တွေက အထပ်ထပ်ကြော်ပြီးသား စားအုန်းဆီတွေသုံးတယ်၊ ပြီးတော့ အကြော်တွေ မပျော့ဘဲ ကြာကြာခံအောင် ရေသန့်ဘူးခွံတွေပါထည့်တယ်''

        ''ဟာ-တယ်ဆိုးပါလား''

        ''ဟုတ်တယ် အန်ကယ်၊ လမ်းဘေး အစားအစာရှောင်ရမယ်''

        ''ဘာတွေ စားသင့်လဲ ဒေါက်တာ''

''ကောင်းတာက သံလွင်ဆီပဲ၊ ဈေးတော့ကြီးတယ်။ ဒါပေမယ့် အန်ကယ်တို့လို ကိုယ်အလေးချိန်များပြီး အသက်လည်းကြီးတဲ့ ပုဂ္ဂိုလ်တွေ စား သင့်တယ်။ ပြီးတော့ ပင်လယ်ငါးစား ရမယ်၊ ဖြစ်နိုင်ရင် ဆယ်လမွန်ငါးစားရမယ်။ တူနာငါးတို့၊ မက်ကာရယ် ငါးတို့လည်းစားနိုင်တယ်၊ ရှာရခက်ရင် ရရာပင်လယ်ငါးစားပေါ့''

        ''ဟုတ်ကဲ့ ဒေါက်တာ''

''ပြီးတော့ ထောပတ်သီး စားရ မယ်၊ သံပုရာသီး၊ ချင်း၊ နနွင်း၊ ရှောက် သီးတွေလည်း စားရမယ်၊ သီဟိုစေ့ စားရမယ်၊ အခွံမာသီးတွေစားရမယ်၊ ဒါတွေက နှလုံးရောဂါကာကွယ်ရေး အတွက် အထောက်အကူရတယ်''

        ''ဟုတ်ကဲ့ ဒေါက်တာ''

''နောက်တစ်ချက်က ကိုယ်လက်လှုပ်ရှားမှုပဲ၊ နေ့စဉ်ကိုယ်လက်လှုပ်ရှားမှုလုပ်မယ်၊ နံနက်စောစောလမ်း လျှောက်နိုင်ရင်ကောင်းတယ်၊ ပြီးတော့ ရွရွပြေးတာ၊ ရေကူးတာ၊ စက်ဘီးစီးတာ လုပ်နိုင်ရင်ကောင်းတယ်''

''ဒါဆို ဦးဥာဏ်အုန်းအဖော်လုပ်ပြီး မနက်စောစောလမ်းလျှောက်မယ်၊ အန်ကယ်နေတာက ခဝဲခြံဆိုတော့ ဦးဥာဏ်အုန်းနဲ့နီးတယ်''

        ''ကောင်းတယ် အန်ကယ်၊ မှန်မှန်လျှောက်ပါ''

        ''နောက်ထပ် ဘာတွေလိုသေးလဲ''

        ''ကိုယ်အလေးချိန်များနေရင် လျှော့ရမယ်၊ အန်ကယ်ကဝနေတယ်၊  ပိန်အောင်လုပ်ပါ''

        ''ဟုတ်ပြီ၊ အစားဆင်ခြင်ရမယ်''

        ''ဆေးလိပ်သောက်တတ်ရင် ဖြတ်ရမယ်''

        ''အရင်က သောက်ဖူးတယ်၊ ခုတော့ ပြတ်သွားပါပြီ''

''အန်ကယ်က အရက်မသောက်တော့ ဒါကတော့ အထွေအထူး ပြောစရာမရှိပါဘူး။ နောက်တစ်ချက်က စိတ်ဖိစီးမှုလျှော့ချရမယ်''

        ''လုပ်ပါ့မယ်၊ ခု အန်ကယ် မှန်မှန်တရားထိုင်တယ်''

        ''ကောင်းတယ် အန်ကယ်၊ အန်ကယ်က ဖိုထိုးတယ်၊ ဒါလည်း စိတ်ကိုတည်ငြိမ်စေတယ်၊ ဓာတ်လုံးအောင်တာ၊ မအောင်တာ အပထား၊ ခုလောလောဆယ် စိတ်တည်ငြိမ်ပြီး သမာဓိ ရစေတယ်၊ စိတ်ဖိစီးမှု ကင်းစေတယ်''

        ''ဟုတ်တယ် ဒေါက်တာ''

        ''ပြီးတော့ အချိန်မှန် ကျန်းမာရေး စစ်ဆေးရမယ်၊ သွေးပေါင်မှန်မှန်ချိန်ရမယ်၊ သွေးဖောက်စစ်ရမယ်၊ အီးစီဂျီရိုက်ကြည့်ရမယ်၊ ခုလို အချိန်မှန် ကျန်းမာရေးစစ်ဆေးရင် ရောဂါ ကြိုတင်ကာကွယ်ရာရောက်ပါတယ်''

        ''ဟုတ်ကဲ့ ဒေါက်တာ၊ လုပ်ပါ့မယ်''

''အန်ကယ်က ကံကောင်းတယ်။ သွေးတိုးနဲ့ဆီးချိုမရှိဘူး။ သွေးတိုးနဲ့ဆီးချိုရှိတဲ့ လူက ဖိဖိစီးစီးကုရမယ်၊ သွေးတိုးနဲ့ဆီးချိုရှိနေရင် နှလုံးသွေးကြောကျဉ်းရောဂါကဝင်လာနိုင်ခြေ များတယ်''

        ''သတိထားပါ့မယ် ဒေါက်တာ''

        ထိုစဉ် ဦးလွင်ဆင့်က ဝင်သတိပေး၏။

''ဝိဇ္ဇာကြီး ကဏန်းပေါင်းလည်းမတည့်ဘူး။ ကဏန်းကအဆီများတယ်။ ဝိဇ္ဇာကြီးက မှိုနဲ့ ကန်စွန်းကြော်ရယ်၊ ကိုက်လန်ကြော်ရယ်၊ ထောပတ်သီးဖျော်ရည်ရယ်မှာပေးမယ်၊ သက် သတ်လွတ်သာ သုံးဆောင်ပေတော့''

        ''ရပါတယ်ဗျာ၊ သင့်တာစားပါ့မယ်။ အစားမတော်တစ်လုပ်တဲ့၊ မတည့်တာ မစားတော့ပါဘူးဗျာ''

        ''ဒီနေ့ ဘူဖေးဒကာက ဆရာ ကျော်ဗျ၊ သူ့အတွက် ဆုတောင်းပေး ဦး၊ သူနာပြုဆရာမလေးနဲ့ ပြေလည်သွားလို့ ကျွေးတာဗျ''

        ''ဟုတ်ပြီ၊ သူနာပြုဆရာမလေး နဲ့ အမြန်ဆုးမင်္ဂလာပွဲဆင်နွှဲရပါစေဗျာ''

        ဝိုင်းတော်သားများက ညီညီညာ ညာလက်ခုပ်လက်ဝါးတီး၍ ထောက်ခံလိုက်ကြလေတော့၏။

 

အောင် (ဆေး-၁)

ရည်ညွှန်းချက်       ။ BBC News မှ “Why Greek Mountain Willagers Have Healthy Hearts” ဆေးပညာဆောင်းပါးကို မှီငြမ်းကိုးကားပါသည်။

အောင်(ဆေး-၁)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.