21-9-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မန္တလေးတိုင်းဒေသကြီးတွင် နိုင်ငံခြား ရင်းနှီးမြှုပ်နှံမှု ဒေါ်လာ သန်း ၇ဝဝ ကျော်ရှိ
This Week’s COVER
ဂျာနယ် အမှတ်စဉ် .... 1029
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ကျန်းမာရေး
ထူးဆန်းသော အတက်ရောဂါ

ညနေခင်းဖြစ်၍ ဆည်းဆာ အလှကို တွေ့မြင်ရ၏။

ပြာလဲ့သော ကောင်းကင်ပြင်ကြီးတွင် ပုစွန်ဆီရောင် တိမ်တိုက်များက ဟိုတစ်စု ဒီတစ်စုဖြင့် လှပစွာတည်ရှိနေ၏။

ဒါက်တာဝေမျိုးဆန်းမောင်သည် သစ်သီးဖျော်ရည်တစ်ခွက်ကို ဖြည်းညင်းစွာ သောက်ရင်း ရန်ကုန်မြို့၏  ဆည်းဆာချိန်ရှုခင်းအလှကို ငေးမောကြည့်ရှုနေ၏။

   ထိုစဉ် Samsung Galaxy S8 Plus  လက်ကိုင်ဖုန်းမြည်လာ၍ ကောက်ကိုင်လိုက်၏။

   ''ဟဲလို၊ ဦးဥာဏ်အုန်းလား၊ ရန်ကုန်မြို့ရှုခင်းအလှကို တစ်ဝကြီးခံစား နိုင်တဲ့နေရာသိချင်လို့လား Atlas Rooftop Bar & Lounge ကိုလာခဲ့လေ။ ဒေါက်တာနေဝင်းမောင်သိတယ်။ သူ့ခေါ်ခဲ့လေဟုတ်ပြီ''

   ဓာတ်ခွဲမှူးကြီး ဦးဥာဏ်အုန်းထံမှ ဖုန်းချသွား၏။

ထိုဆိုင်သည် စမ်းချောင်းမြို့နယ် ပန်းလှိုင်လမ်းထိပ်နားရှိ Uniteam Marine အဆောက်အဦအပေါ်ဆုံး ထပ်တွင် ဖွင့်လှစ်ထား၏။

သန့်ရှင်းလတ်ဆတ်သော လေကောင်းလေသန့်ကို ရှူရှိုက်ရင်း ဖျော်ဖြေရေး အစီအစဉ်များကို ကြည့်ရှုခံ စားနိုင်၏။

မကြာမီဓာတ်ခွဲမှူးကြီး ဦးဥာဏ်အုန်း၊ ဒေါက်တာတင်မောင်ဆွေ၊ ဒေါက်တာ နေဝင်းမောင်နှင့် ဒေါက်တာကျော်ဇေမင်းထွန်းတို့ ရောက်ရှိလာ၏။

   ''ကြွပါ ဦးဥာဏ်အုန်း၊ ဆရာတို့ လည်း ကြွကြပါ''

   ''ကိုဝေမျိုးက ဆိုင်ရှာတာတော်တယ်ဗျာ။ ဒီနေရာလေးက အတော်ကောင်းတာဘဲ၊ ရှုခင်းအရမ်းကောင်းတယ်''

   ''ရှုခင်းလည်းကောင်းတယ်။ အစားအသောက်လည်းကောင်းတယ်။ ဖြေဖျော်ရေး အစီအစဉ်တွေလည်း ကောင်းတယ်''

   ''ဟုတ်တယ်၊ ဆည်းဆာအလှက အတော်ကြည့်ကောင်းတယ်''

ခဏကြာသော် ဒေါက်တာပြုံးနွဲ့ရီ ဦးဆောင်သော လေဒီဒေါက်တာ တစ်စုနှင့် ဒေါက်တာတင်မောင်ဆွေ ဦးဆောင်သော စာပေဝါသနာရှင် လူငယ်တစ်စု ရောက်ရှိလာ၏။

   ဒေါက်တာဝေမျိုးဆန်းမောင်က  ကြိုတင်စီစဉ်ထား၍ ဧည့်သည်မည်မျှ ရောက်ရှိသည်ဖြစ်စေကာမူ နေရာ ထိုင်ခင်း အဆင်ပြေ၏။

   ဒေါက်တာဝေမျိုးဆန်းမောင်က ဓာတ်ခွဲမှူးကြီးအား တပည့်ကလေး မောင်စိန်ဝင်းအကြောင်းမေးလိုက်၏။

   ''ဓာတ်ခွဲမှူးကြီး မောင်စိန်ဝင်း တစ်ယောက် ဘယ်လိုနေသေးလဲ''

   ''ခုတော့ အတက်သက်သာသွားပါပြီ။ ဦးနှောက်အာရုံကြော အထူးကု ဆရာဝန်ကြီးနဲ့ ပြနေရတုန်းရှိသေးတယ်''

''အတက်ရောဂါဆိုလို့ သတိရတယ်။ Mayo Clinic က သုတေသီတွေက သုတေသနစာတမ်းတစ် စောင်တင်တယ်။ Neurology ဆိုတဲ့ ဆေးပညာ ဂျာနယ်မှာပါလာတယ်။ ထူးဆန်းတဲ့ အတက်ရောဂါခေါ်ရမှာပေါ့။ Autoimmune Epilepsy ရောဂါအကြောင်းတဲ့၊ ထူးဆန်းသလို ရှားလဲရှားပါးတဲ့ ရောဂါမျိုးပေါ့''

   ''ထူးဆန်းတာဆို သိချင်ပါတယ်။ ဗဟုသုတပေါ့''

   လူငယ်ဆရာဝန်များက တောင်းဆို၍ ဒေါက်တာတင်မောင်ဆွေက ရှင်းပြလိုက်၏။

''ဒီလိုဗျ၊ Greg Widseth ဆိုတဲ့ လူနာတစ်ယောက်အကြောင်း ရှင်းပြမယ်။ သူက ထူးဆန်းတဲ့ ရောဂါခံစား ရတယ်။ သူ့ရောဂါရာဇဝင်က စိတ်ဝင်စားစရာကောင်းတယ်၊ သူက ရှေ့နေတစ်ဦးပဲ၊ ရှေ့နေဘဝမှာ မှတ်ဥာဏ်သိပ်ကောင်းတယ်၊ အကြောင်း အရာတစ်ခုကို ဓာတ်ပုံရိုက်ထားသလိုမှတ်မိတယ်။ တင်စားပြောလေ့ရှိတာက Photographic Memory ပေါ့ဗျာ''

   ''ဟုတ်ကဲ့ ဆရာဆွေ''

'ခုတော့ မေ့တတ်လာတယ်။ သူဇနီးကလည်း သူနာပြုတစ်ဦးပဲ၊ ခုတော့ မေ့တတ်လို့ သူ့ဇနီးကဘေးက ကူညီနေရတယ်၊ ကမ္ဘာကျော် Mayo Clinic ဆိုတဲ့ အထူးကုဆေး ခန်းကြီးမှာသွားပြတယ်။ သူ့ရောဂါက ရှားပါးတဲ့ ရောဂါတဲ့၊ တစ်နေ့ကို အ ကြိမ် ၆ဝ လောက် တက် တက်နေ တယ်။ သူ့ကိုယ်ထဲက ကိုယ်ခံစွမ်းအား စနစ်က ဖောက်ပြန်နေတယ်။ ကိုယ်ခံစွမ်းအားစနစ်က ဆဲလ်တွေက သူ့ဦးနှောက်က ဆဲလ်တွေကို တိုက်ခိုက်နေတယ်။ ရန်သူကို မတိုက်ဘဲအချင်းချင်းပြန်တိုက်နေတယ်''

   ''Automimmune Disease ပေါ့''

''ဟုတ်တယ်ဗျ၊ Mayo Clinic ကလည်း ကမ္ဘာကျော်ပဲ၊ Autoimmune Neurlogical တွေကို  ကုသရာမှာ နာမည်ကြီးတယ်။ ဒီအထူးကုဌာနက Rochester Campus မှာရှိတယ်။ တစ်နှစ်တစ်နှစ်ကို အလားတူ လူနာပေါင်း ၂၅ဝဝ လောက် ကုနေရတယ်၊ ကမ္ဘာအနှံ့က လာပြကြတယ်''

   ''ဟုတ်ကဲ့ ဆရာဆွေ''

''သူပထမပြတဲ့ ပါရဂူတွေက အတက်ကျဆေးတွေပေးတယ်။ Ant Seizure Drug တွေပေါ့ဗျာ၊ ဒါပေမယ့် မသက်သာဘူး၊ မှတ်ဥာဏ်တွေလည်း ကွယ်ကုန်တယ်၊ ဇနီးနာမည်တောင် မေ့နေတယ်၊ ဒါနဲ့ Mayo ကို သွားပြတယ်။ ပါရဂူနှစ်ဦးနဲ့ တွေ့တယ်။ တစ်ဦးက Dr.Jelly Brittin တဲ့၊ သူက Neurologist ဘဲ၊ သူက Auto Mmune Encephalitis ရောဂါကုသရာမှာ အထူးကျွမ်းကျင်တယ်။ နောက်တစ်ဦးက Dr,Andrew Md Keon တဲ့၊ သူက Neuroimmunologist  တဲ့၊ ကိုယ်ခံစွမ်းအားစနစ်ရောဂါမှာ ထူးချွန်တယ်။ ရောဂါရှာဖွေဖို့ စမ်းသပ်ချက်မျိုးစုံ လုပ်တယ်။ သွေး ဖောက်စစ်တယ်။ ခါးရိုးဖောက်ပြီး CSE ကို စစ်တယ်။ စစ်ဆေးလိုက် တော့ ဦးနှောက်ဆဲလ်တွေကို တိုက်ခိုက်နေတဲ့ Antibody တွေ ရှာတွေ့တယ်''

   ''ရောဂါရှာတွေ့တော့ ကုရလွယ် ပြီပေ့ါ''

''ဟုတ်တယ်၊ လွယ်သွားတယ်။ Immunosuppressant Drug တွေ ပေးလိုက်တော့ ထူးထူးခြားခြား သက်သာသွားတယ်။ တချို့လူနာတွေက ရောဂါရှာမတွေ့ဘူး။ Mayo ရောက်တော့ ရောဂါတော့ရှာတွေ့ပါရဲ့ နောက်ကျနေပြီ၊ မှတ်Óဏ်ကွယ်သွားတယ်။ ကုမရဘူး။ Widsethက ကံကောင်းတယ်၊ ရောဂါကို စောစော စီးစီးရှာတွေ့တယ်၊ ကုလုိ့ရတယ်''

   ''ရောဂါဆိုတာ ကုရင် စောစော ကုမှ သက်သာမယ်ဗျ''

''မှန်တယ်၊ ခု Widseth ဥပမာကိုပဲကြည့်လေ၊ ဒီရောဂါကလည်း ရှာတွေ့တာ သိပ်မကြာသေးဘူး။ ၁၉၆ဝ လောက်ကမှ စသိတာ၊ ရှာတွေ့တာက ကင်ဆာရောဂါမှာ၊ နောက်တော့ ကင်ဆာမရှိတဲ့ လူနာမှာလည်း ဖြစ်တာသိလာတယ်။ Widseth ဆိုရင် ရောဂါက Limbic System ခေါ်တဲ့ ဦးနှောက်အစိတ်အပိုင်းကို ထိခိုက်ပျက်စီးစေတယ်။ ဒါကြောင့် Emotion Memory and Learning ကို ထိခိုက်တယ်''

   “Widseth က သူ့ဇနီးနာမည် တောင်မေ့သွားတာပဲပါလား''

''ဟုတ်တယ်၊ စောစောစီးစီး ရောဂါရှာတွေ့ပြီး စောစောစီးစီး ကုလို့ပေါ့ဗျာ၊ ဒါမှမဟုတ်ရင် မသန်မစွမ်း ဘဝရောက်တော့မှာ၊ ဒီရောဂါကလည်း အတော်ထူးဆန်းတယ်၊ ပါရဂူတွေက ရောဂါဖြစ်စဉ် အပြည့်အစုံကို မသိကြသေးဘူး၊ စူးစမ်းရှာဖွေတုန်းပဲ။ ထူးဆန်းတဲ့ ရောဂါလို့ပဲ မှတ်ရမှာပဲ''

 ''ဟုတ်ကဲ့ ဆရာဆွေ''

 “Dr.Sean Pittockဆိုတဲ့ ပါရဂူကြီးက လွန်ခဲ့တဲ့ ၂ဝဝ၆ ကစပြီး အထူးကုဌာနတစ်ခုဖွင့်လှစ်ခဲ့တယ်။ Autoimmune Neurology Clinic လို့ ခေါ်တယ်။ အမေရိကားမှာ ပထမဆုံးဆေးခန်းပဲ။ ခုတော့ ပါရဂူကြီးက ဌာနနှစ်ခုကို ကြီးကြပ်ကွပ်ကဲနေတယ်။ Neuroimmunology ဆိုတဲ့ ဓာတ်ခွဲခန်းကြီးကိုလည်း ကြီးကြပ်ကွပ်ကဲနေတယ်။ The Center for MS and Autoimmune Neurology ကိုလည်း အုပ်ချုပ်နေတယ်''

   ''ဟုတ်ကဲ့ ဆရာဆွေ''

“Dr.Pittock က ပြောတယ်။ နည်းပညာတိုးတက်လာလို့ ရောဂါရှာဖွေရေးမှာ အများကြီး အထောက်အကူဖြစ်ပါတယ်တဲ့၊ ရောဂါဖြစ်စေတဲ့ ပဋိပစ္စည်းတွေကို ရှာနိုင်စွမ်းရှိလာပါပြီတဲ့။ Antibody တွေပေါ့ဗျာ၊ ဒါ ကြောင့် ကုသရေးမှာလည်း အောင် မြင်လာပါတယ်တဲ့''

   ''သတင်းကောင်းပါပဲ ဆရာ ဆွေ''

   ''ဒီပဋိပစ္စည်းတွေက အတော်ဆိုးတာဗျ။ Widseth လို ရောဂါမျိုး အပြင်တခြားရောဂါတွေ ရှိသေး တယ်''

   ''ဘာတွေလဲ ဆရာဆွေ''

“Dementia ရယ်၊ Epilepsy ရယ်၊ Encephalopathy ရယ်၊ တချို့ မျက်စိရောဂါတွေရယ်၊ Movement Disorde တွေရယ် အတော်များတယ်''

   ''ဟုတ်ကဲ့ ဆရာဆွေ''

''တချို့ရောဂါတွေက ထူးဆန်းတယ်။ ရုတ်တရက်ကြည့်ရင် တခြား ရောဂါလို့ထင်ရတယ်။ ဥပမာ Anti NMDA Receptor Encephalits  ရောဂါဆိုတာရှိတယ်။ တကယ်က ကိုယ်ခံစွမ်းအားစနစ်ရောဂါပဲ၊ ဒါပေမယ့် အပေါ်ယံကြည့်ရင် စိတ်ရောဂါ လို့ ထင်ရတယ်။ Psychiatric Disorder ပေါ့ဗျာ၊ ရောဂါဖြစ်စမှာ လူနာက စိတ်ရောဂါအထူးကုဆရာ ဝန်ကြီးဆီ ရောက်သွားရော၊ ဆေးပေးပေမယ့် မသက်သာဘူး၊ အနာတခြား ဆေးတခြားဘဲ၊ ဒီလိုအဖြစ်အပျက်မျိုး တွေ ဆေးလောကမှာရှိခဲဖူးတယ်''

   ''သတိထားစရာပေါ့ ဆရာဆွေ ရယ်''

 ''သုတေသနအသစ်တွေမှာ ထူးခြားတာတွေ ထပ်တွေ့တယ်၊ တချို့ ဗိုင်းရပ်စ်ပိုးတွေက ခုရောဂါတွေနဲ့ ဆက်စပ်မှုရှိတယ်တဲ့၊ ဥပမာ Herpes Simplex virus ပေါ့ဗျာ၊ ဒီပိုးက ရေယုန်ဖြစ်စေတယ်။ ဒီပိုးက Encephlitis ရောဂါနဲ့ ဆက်စပ်မှုရှိနေတယ် တဲ့''

   ''ထူးဆန်းတယ်ဗျာ''

 ''တခြား အာရုံကြောရောဂါတွေမှာလည်း အလားတူဖြစ်နိုင်ခြေတွေ တွေ့တယ်တဲ့၊ Autoimmune Spinal ရယ်၊ Autoimmune Vision Problen ရယ်တွေက ပိုးတွေနဲ့ ဆက်စပ်မှုရှိတယ်တဲ့''

   ''ဟုတ်ကဲ့ ဆရာဆွေ''

 ''သုတေသီတွေက အစာအိမ်အူလမ်းကြောင်း ရောဂါတွေကိုလည်း လေ့လာနေတယ်။ Pittok က ပြောတယ်။ အူလမ်းကြောင်းမှာ Neuron စုစုပေါင်းသန်းတစ်ရာရှိတယ်တဲ့၊ သဘောကဦးနှောက်က Neuron ကို တိုက်ခိုက်နိုင်ရင် အူထဲက Neuron တွေကိုလည်း တိုက်ခိုက်နိုင်တယ်''

   ''ဒါပေါ့၊ ဖြစ်နိုင်တာပေါ့ ဆရာဆွေ''

“Widseth က ကံကောင်းတယ်။ စောစောစီးစီးရောဂါရှာတွေ့လို့ ကုနိုင်တော့ အတော်သက်သာနေပြီး အလုပ်ပြန်လုပ်နိုင်ပြီ၊ အမှုတွဲရှစ်ခုကို ပြီးစီးအောင် ဆောင်ရွက်နိုင်ခဲ့တယ်။ ရောဂါစောစောစီးစီးရှာတွေ့ တဲ့ အကျိုးတရားပေါ့''

   ''ဟုတ်ကဲ့ ဆရာဆွေ''

“Widseth က ပြောတယ်၊ အရင်လောက်တော့ မှတ်ဥာဏ် မ ကောင်းတော့ဘူးတဲ့။ ဒါပေမယ့် သူ့ဇနီး ကူညီလို့ ပုံမှန်လှုပ်ရှားနိုင်ပါ တယ်တဲ့၊ ဘာပဲဖြစ်ဖြစ် မဆိုးဘူးပေါ့ ဗျာ''

   ''ဟုတ်ကဲ့ ဆရာဆွေ''

 ''ဘာရောဂါဖြစ်ဖြစ် စောစောစီးစီးသိရင်ကောင်းတာပဲဗျ၊ စောစောစီးစီးကုရင် ရောဂါသက်သာတယ်ဗျ။ လုံးလုံးမပျောက်ရင်တောင် သက်သာတယ်။ ဒေါက်တာ ပြုံးနွဲ့ရီတို့လည်း ကြုံဖူးမှာပါ''

   ''ဟုတ်ပါတယ် ဆရာဆွေ၊ ကျွန်မတို့လည်း ကြုံဖူးပါတယ်''

   ''ဒါပေမယ့် ဆရာဆွေ၊ တစ်ခုတော့ရှိတယ်။ တချို့ရောဂါက ရောဂါသိပြီး ဆေးမရှိဘူးရှင့်''

   ''ဟာ ထူးဆန်းတယ် ဘာရောဂါ လဲဟင်''

   ''ဒီရောဂါက ဝေးဝေးမှာမဟုတ် ဘူးရှင် ဒီနားမှာပဲ''

   ''ဒီနားမှာ ဒီဘူဖေးဝိုင်းမှာလား''

   ''ဟဲဟဲ ကျွန်တော်သိပါပြီ၊ ဆရာ ကျော်ကို စောင်းပြောနေတာ''

   ဒေါက်တာကျော်ဆွေသိန်းက ပန်တော်ဆက်နေရ၍ Atlas Rooftop Bar & Lounge ကို အရောက် နောက်ကျနေ၏။

   ''ကဲပါ ပြုံးရယ်၊ Revlon လက်ဆောင်ပေးပါ့မယ်။ facebook ပေါ် မဖွပါနဲ့နော်''

   ဒေါက်တာကျော်ဆွေသိန်းက ဖြစ်ကြောင်းကုန်စင်ပေါ် ကုန်မည်စိုး၍ ဒေါက်တာပြုံးနွဲ့ရီ အား တောင်းပန်နေ၏။

   ''ဟင် ဆရာကျော်က ပြုံးကိုပဲ လက်ဆောင်ပေးမှာလား၊ ကျွန်မတို့ ရော။ ဟင်နော် င်္Facebook မှာ ဖွလိုက်ရမလား''

   ဒေါက်တာ ယုဇနစိန်ဦး၊ ဒေါက် တာမြမြအေး၊ ဒေါက်တာခင်ဦးခင်ခင်တို့ကလည်း အားကျမခံ ဝိုင်းဝန်း ခြိမ်း ခြောက်ကြ၏။

   ''ကဲပါ Silky Girl တွေ May Belline တွေ Cio Essence တွေလည်း လက်ဆောင်ပေးပါ့မယ်''

   ''ကောင်းပြီလေ၊ လက်ဆောင် မျက်နှာငဲ့ပြီး မဖွတော့ပါဘူး''

   ''ဒေါက်တာတို့ ခြိမ်းခြောက်တာနဲ့ ဆရာကျော် တက်ချင်ချက်ချင်သ လိုဖြစ်နေပြီ။ တော်ကြွျှာငျိနအ့ လို ရောဂါမျိုးရနေပါဦးမယ် ဟဲဟဲ''

   ဝိဇ္ဇာကြီးက ဝင်၍ အရွှန်းဖောက်လိုက်ရာ အားလုံးက ပြုံးစိပြုံးစိဖြစ် သွား၏။

''ကဲပါဗျာ၊ ဒေါက်တာပြုံးနွဲ့ရီက တမင်စချင်လို့ နောက်နေတာပါ၊ ရောဂါသိမှ ဆေးရှိပါတယ်။ ညောင်ရမ်းဆေးတိုက်က သူနာပြုဆရာမ လေးမှာ မောင်တစ်ယောက်ရှိတယ်။ မွေးရာပါ အတက်ရောဂါရှိတယ်။ ဆေးပြတ်လို့ မရဘူး။ အမြဲတမ်း သောက်နေရတယ်။ အဲဒီတော့ ဆရာ ကျော် အတက်ကျဆေးတွေရှာပြီး စုဆောင်းထား၊ ပန်တော်ဆက်တာလဲ ဆက်တာပေါ့။ အတက်ကျဆေးလည်း လက်ဆောင်ပေးလေဗျာ''

''ဟာ ဆရာဦးဥာဏ်အုန်းက တယ်တော်ပါလား၊ ဆရာမလေးမှာ မောင်ရှိမှန်းသူသိတယ်။ အတက်ရောဂါရှိတာလဲသိတယ်။ ဗဟုသုတ တယ်စုံတာကိုး''

   ''ဒါပေါ့ဗျာ၊ အနာသိရင် ဆေးရှိပါတယ်။  ဆရာကျော်ရောဂါအမြစ် ပြတ်မှာပါ ဟဲဟဲ''

   ''ဒါဆိုလည်း နောက်တစ်ချီ ဟိုတယ်တစ်ခုခုမှာ ဘူဖေးတစ်ချီတစ် မောင်းနွှဲကြစို့လား''

 အားလုံးက လက်ခုပ်လက်ဝါးတီး ၍ ထောက်ခံကြလေတော့၏။

အောင် (ဆေး-၁)

ရည်ညွှန်းချက်။   ။ မလေးရှား နိုင်ငံထုတ် Star သတင်းစာပါ Fit For Lief ကဏ္ဍမှ “Mysterious Seizures ဆေးပညာဆောင်းပါးကို မှီ ငြမ်းကိုးကားပါသည်။

အောင် (ဆေး-၁)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.